2005 年 1 月 25 日 星期二 【晴】

今日長期處於亢奮狀態，
因為我已經革命成功。

從今，我是真正的地理人！
比地理人更地理人！

>>January 26, 2005 at 2:49:41 PM GMT+8

2005 年 1 月 24 日 星期一 【晴】

雙眼發光

為了令自己不再無知下去，終於決定入世，不單決志放下紙上談兵的紙（反正紙上的兵法已經學得不錯），「嘗試」關心社會，甚至強迫自己模擬自己成為四公（八公的一半），留意半點生活潮流，做一半世俗的人（例如「嘗試」記下名牌子的名，明星歌星的名之類，此類有為本性的行為未必能做到，但我「嘗試」）。



腦袋D轉數依然時高時低，經過一個星期多的觀察，可以肯定同鼻塞有關，幾乎一鼻塞就唸唔倒野，或者思想極度混亂，甚至語無倫次……昨日同阿添佢地傾urban planning時，我真係驚起上來……哇，幾乎唸唔倒數，就算諗倒又完全唔能夠表晰表達出來……

所以今日開始跑翻步，等D搞左我成個月的傷風快D好翻（嚴重懷疑D死人抗生素搞亂我個免役系統）。哇，超爽！！跑完五公里後，個腦終於醒曬，好爽！！過去一星期教過D野，浮曬出來，跑之前我對之前教D野一D印象都無。Oxygen真係好重要！！

跑完，重去踏石春，哇！！！！！隻左腳痛到MM聲！！但痛完之後，爽到爆！！！＞＜！！



部Pocket PC比我當左任天堂紅白機，日玩夜玩，日日打細個超沉迷的龍珠Z第二代，好好玩呀！！！！龜波氣功～～～～～～～～呠焦～～～呀？好強的氣！？

＝＝＝＝＝＝＝＝＝＝＝＝＝
Opal：下次都要來呀！！～～～！！～！！. \ / .

>>January 25, 2005 at 2:07:06 PM GMT+8

2005 年 1 月 23 日 星期日 【晴】

煩惱一

「沒有學識只是無知，拙於思考卻是愚蠢。」

我相當有信心我未必愚蠢，
我絕對有信心我定必無知。

怎辦呢……怎辦呢……


煩惱二

選修的科目僻
留校的時間短
同學的相聚寡
孤獨的機會多

在學習的道路上，我是個獨行俠，從不理會別人的看法
在生活的過程裡，我是個對講機，時刻靜候朋友的呼喚

＝＝＝＝＝＝＝＝＝＝＝
Opal：哈哈哈！！今日見倒妳突然彈出，搞到我勁surprised呀！妳第一堂無來炸，原來佢前日食齍老味食到又柯又嘔，重發埋燒，但今日又乜事都無，於是他就話：「如果我死左，個墓誌詺應該咁寫：此人張錦青，不學無術，好食懶飛，最後死於齍老味。」笑死我＞＜！

>>January 24, 2005 at 2:34:41 PM GMT+8

2005 年 1 月 20 日 星期四 【晴】

看到阿恒又寫「麻甩佬」之嘔心，我都忍唔住要寫翻篇。

我‧最‧討‧厭‧麻‧甩‧佬！！！

麻甩佬一般擁有下列的特點（全部或部份）：

一、體臭：這種惡臭不同於汗味，而是某種難以言喻的所謂「臭男人味」，可謂麻甩佬必備條件！我一向認為，體臭是極不禮貌、極不負責任的「行為」！絕大部份的體臭問題是可以透過出門口前先洗澡，或（若需要）使用一些合適的止汗香體憤霧或香水而得以解決；由於絕大多數的體臭不是先天的，絕大多數的體臭是可以避免的，且絕大多數人都對體臭生厭，因此沒有照料自己的體臭問題，絕對是極不禮貌、極不負責任的「行為」！

我有些朋友有時會有這方面的問題，我不告訴他們完全是出於禮貌和寬容---我抵抗著嗅覺的抵抗本能。

二、口臭：我認為，一個人無論口才多麼了得，話中多麼有理，只要口臭就甚麼也不是。同樣理由，口臭也是一種極不禮貌、極不負責任的「行為」，口臭可透過注重口腔徠生，或只需一片口香糖（呢個名真係好！）就能治標。

如果耶蘇有一日走到我跟住傳我真理，只要他口臭，我便真的甚麼也不理。

三、說粗口、低級笑話和親身示範低級笑話。

四、滿臉油光、滿佈鬚根、煙屎牙、鼻毛外露（任何三項或以上）。



我再三強調，我有嗅覺和聽覺神經過敏，總之嗅到來自人的臭味，或聽到來自任何媒界的噪音，我便會發瘋，無論所謂的哲學底子有多好，只要一臭一吵便人生觀也會改變。反而第三、四項我還能容忍。


女性很少會擁有上四項任何一項特徵（至少多年來也未曾遇上過），可能因為這樣，我真的喜歡女性多於男性很多很多，所以如果我是Larry，我好可能也會重女輕男：P

呀，美麗的女性還有一個優點，就是單是欣賞美麗的女性這件事本身，已有自足價值；如果這些美麗的女性與我意氣相投，成為我的好朋友，那便是更不得了的幸福（所以在這意義下，我已經很幸福：P）；如果有一位美麗的女性與我意氣相投，又成為我的戀人，我便找不到更幸福的事了。

我心目中「美麗的」確指外表，但適用範圍很廣；對我來說單是浸會地理系已很多美女了…
我心目中「麻甩的」既指外表又指內在，但適用範圍很窄；對我來說浸會地理系沒有多少麻甩仔…

＝＝＝＝＝＝＝＝＝＝＝＝＝＝＝＝＝
Raymond：你好可能好快都會中毒啦，哈哈哈！！

Opal：羡慕呀？HAHAAAAHAHAHAHAHAHAHAAAAAA！！！！！

>>January 21, 2005 at 5:24:17 PM GMT+8

2005 年 1 月 19 日 星期三 【晴】

唔知做咩，今日覺得自己已經開左學一個月，但諗諗，其實科科都係剛剛教緊introduction。可能係今個sem的科目「玩法」同以往的差不多，因心中有數而產生的錯覺吧。呢個可能就係老鬼及「準老鬼」相對於freshmen所擁有的經驗優勢吧。

果然無估錯，用賦能進路讀urban planning輕鬆有效得多。加上今次有添全同carman做我groupmates，真係心都定曬。

今日同Raymond上導論，張錦青又有笑話啦！笑爆嘴！竟然用「人如果唔見左條底褲，會寧願比鬼拎左，都唔會接受條底褲自己消失左」來說話原子論者，好野！！

之後接住上佢堂老莊tutorial，今次似乎遇到好groupmates啦；同埋個workload唔高，相對起社會哲學單野，簡直係碎料。

笑爆嘴，我同張錦青講我今個sem修曬佢兩科，佢竟然話：「下？「果個」係你來ＧＡ？我重以為係兩個人著左同一款衫；我認得你件衫呀，個圖案好怪呀。」咁隻公仔又真係幾怪ge，哈哈哈！！我重同佢講我地系「有個同學」當佢偶像，重會成日來sit老莊的課。佢笑住話：「咁比面？你地咩系GA？」我就話「Geoga」～～

阿「有個同學」，拎簽名係好時機啦︿︿




部GPS Pocket PC好好玩呀＞＜！！


＝＝＝＝＝＝＝＝＝＝＝＝＝
Raymond：呢個題目都有得當hon pro做？唔係掛？！！！

>>January 20, 2005 at 9:37:03 AM GMT+8

2005 年 1 月 18 日 星期二 【晴】

間中會比人問鍾唔鍾意地理，我通常都會答「ＯＫ啦」、「一般啦」咁。

呢幾日終於知道點解我無其它同學咁有熱誠讀地理。我個人比較怪，我一定要比較清楚知道果樣野係咩來，我至會鍾意。但到而家為止，我都唔知地理係乜。佢所包括的範圍太大太雜，而且會更大更雜。呢個特點的好處係我唔會後悔選地理，因為讀地理，我鍾意幾時鍾意讀咩就咩，無一個特定的對象，所以無後悔的機會；缺點係，我（或是像我一樣的怪人）好難愛上呢一科，因為我根本唔知自己讀緊乜。

或者地質學、氣象學呢類自然地理分支的獨特性比較明顯，但人文地理就亂到發癲。基本上，任何一個科目的名字，加上「地理」一詞，都能成為人文地理的新分支。例如「後現代地理學」、「女性主義地理學」、「心理地理學」、「社會地理學」、「福利地理學」、「行為地理學」、「經濟地理學」、「醫療地理學」、「歷史地理學」、「文化地理學」、「政治地理學」（如果呢科在政治系教，會改名為地緣政治學，其實是同一科？）……這種傾向姑且名之為「Ｘ地理學」現象吧…

一般人比人咁問，就會大舉燦爛的口號：「地理學是從空間的角度去處理課題……」好似好型，但諗深一層，宇宙萬物有多少東西不佔據空間？……地理學早晚會改名為宇宙學？（當然是講笑了：Ｐ）

其實我很喜歡地理有這種包容性，但我好想知道，將來的千百種地理分支中，（若有）它們的共同原則／本則是甚麼？

>>January 19, 2005 at 3:50:04 PM GMT+8

2005 年 1 月 17 日 星期一 【晴】

What is Geography ?!

>>January 19, 2005 at 3:52:33 PM GMT+8

2005 年 1 月 17 日 星期一 【晴】

哈哈，今日只係翻兩堂哲學導論就放學啦。真係好，有Raymond陪我讀，ＹＥＡＨ～～～冷臉笑匠張錦青真係好好笑。用「６加埋檸檬水，整成６檸檬冰，食左之後能否嘔出一個質數？」來教語理分析，笑左我好耐！！ＨＡＨＡＡＡ！！！！佢又成日無啦啦大叫「丫～～～～～」，真係笑鬼死我！！＞＜！！！不過今日個intro我本身比較熟悉，所以內容有Ｄ悶，但係當睇棟篤笑都抵曬！：Ｐ

之後同Raymond翻舊校，佢繼續搞lab，我就去左CC上網投標，終於投倒部二手有ＧＰＳ功能的Pocket PC（舊果部壞左＠＠），聽日就去交收，但都幾貴，成千九（一手原價近三千）。希望部GPS機真係能夠解決我的路盲症啦～～～不過上網bid有好處，買完唔鍾意又可以用同樣（其至更高）價錢賣翻出去，唔使怕後侮。

今日開始至星期四，老豆老母翻大陸，我一個人係屋企。死啦，阿媽唔記得過數比我，咁我聽日買完部Pocket PC就得翻二百蚊身家...應該都ＯＫge...

今日見倒ＫＫ６，好重殺氣咁喎……

>>January 18, 2005 at 12:46:42 PM GMT+8

2005 年 1 月 16 日 星期日 【晴】

哈哈哈，今日韓慧玲走來sit我科老莊人生哲學，傻ga佢～～～竟然打算以後狂sit，重要拎埋講義～～～張錦青的魅力實在驚人（上左一堂，我真係開始認同囉）！最爆笑係「篤係個篤果度」，笑死我啦！！！我估我上完呢個sem中文會好左～～～呢班好多中文系人，文字功底遠高於我，不過我唔會認輸ge！

其實今朝重有果種「開學焦慮綜合症」的感覺，心煩意亂，集中力弱，轉數大減。不過唔知係咪好留心咁聽張錦青講書，又笑左幾聲，Ｄ「開學焦慮綜合症」突然無左！集中力完全回勇，思考能力明顯上升！證明心理因素對思考能力的影響好大！

心理狀態回復後，立即無啦啦悟出應付Urban Planning的（可能是）妙法，不是埋首苦究他媽的Planning Theory，而是採用賦能進路（Aptitude approach），用我的賦能去拆解Urban Planning的花招（但不代表我能成功做到）！有此覺悟後，立時全身鬆曬，士氣大增！以後應付此類怪科，我將持「愛理不理」的態度以保持「明視距離」，以自己的賦能見招拆招；最多間唔中陪Ｄ學究學者玩下Ｄ麻煩社會科學理論（正如張錦青所講，只係高級式吹水技倆）。

下午同鬼王於同一課室連踩兩科Energy，哇，真係有少少亂，兩科Ｄ野有相同有不同，好亂……真係怕佢mid-term會同一日考，咁我同鬼王必死。

然後去左韓慧玲Hall吹水等食飯，之後七點半左右，我、韓慧玲、鬼王、Raymond一齊在hall can食dinner。超開心呀！！昆倒Raymond陪我讀哲學導論呀！！昆完鬼王讀能源，再昆老Ray搞哲學，正！！：Ｐ

大家食完野又上翻hall繼續吹水……睇左Ｄ相，笑到大家反曬肚，哈哈哈哈！！！

P.S. 1 Raymond係老Ray，但我只係細佢四個月左右，咁我咪係阿佳老佳？

P.S. 2 唉，今個sem最摺一定係我，無乜邊堂會撞倒熟人～～～

＝＝＝＝＝＝＝＝＝＝＝＝＝＝＝＝＝＝＝＝
Opal：好呀！！！！！一定要再來陪我呀！！！！不如客串做埋present啦同我，哈哈哈哈！！！！

Natalie：殺死妳丫o拿，「拎左銀獎咋.. 」？咁串？！. \ / .
Anyway，恭喜曬！

>>January 17, 2005 at 3:56:55 PM GMT+8

2005 年 1 月 15 日 星期六 【晴】

尋日出街食lunch，食食下，見倒有一團五女仔，相信係姐妹（因為好似樣）。大的至少大我幾歲，細的至少細我十幾歲，哇，個大的竟然當眾對個最細的妹單單打打，「Bear咩呀死肥婆大波羅」（其實最肥係佢本人），「係呀而家我擺明唔妥妳呀，吹呀」……頂！！！搞Ｘ錯？！咁大個人同個妹講Ｄ咁ge野，重要大庭廣眾咁做。我素來對噪音過敏，見佢係咁唔停，搞到食唔落，放低隻spoon，最我最兇狠的眼神厲住個肥婆厲足三十秒，佢sense倒我唔妥佢，即刻收聲埋單走人……條氣順曬……

其實開左學呢幾日，有Ｄ焦慮的感覺（其實次次開學都係咁），特別覺得開左學幾日Ｄ智能狀態重未回復，就更加焦慮。好慘呀，唔知係鼻塞缺氧還是放假呆得太耐，Ｄ轉數同考試期比至少低左30％……不過多得死肥婆，等我可以將Ｄ怨氣發泄一下，真係人都開心Ｄ，ＹＥＡＨ！


之後同漢記同學相聚，在卓Sir家打邊爐，都算相齊人啦今次，有Natalie、SukI、Tracy、芝姐、美玉、美女、娜姐、蕭潔靈、新生、王陽同埋我～～～

好日唔來一次，我就同班友玩鋤Ｄ啦，反而好享受到卓Sir吹水，嘆茶，食小食……好正呀個feel～～～講起卓Sir，佢一定係我見咁多人之中，學習能力最強的人。傻ga佢，單憑自學，可以精通中國歷史、中國哲學、音樂（精通多種樂器、唱歌）、太極（教練級）、跳舞……我都希望自己五十歲時有佢咁博學～～




玩到尋晚十點幾，大家就翻屋企啦，一批去左咬糖水，另一批（我）就翻屋企。翻到家，Natalie上網嗌救命，原來佢剛剛買的朱古力消化餅有兩條活生生，且相當「精靈」的蟲，搞到佢又肚餓，又食唔落野，笑死我，哈哈哈哈！！！！


今日乜都無做，由朝訓到晚……

＝＝＝＝＝＝＝＝＝＝＝
Raymond：哈哈哈！！放心啦Raymond我素來都唔敢輕敵，就算係都係口頭上輕敵je；遇強越想擊敗佢地，遇弱更加唔會放過佢地（拿，心態係咁炸，唔係能力係咁呀）～～不過基於某Ｄ個人經歷，班歷史人應該無昆我～～

Opal：好呀！咁聽朝見啦，上佢老莊，哈哈哈！妳想參加人文素質咩？「儒釋道」係逢星期四六點至八點，而家我無住hall太唔方便，應該唔參加啦：Ｏ

Viola；係啦，翻學三日都無見過妳，真係反下手今個sem妳同我都碰唔倒面～/ . . \

>>January 16, 2005 at 3:01:24 PM GMT+8