2005 年 3 月 27 日 星期日 【晴】

社會人文地理科，四大進路

第一，李天命、張錦青 Approach

精通基礎的語理分析、邏輯、科學方法，鞏固思考方法基礎；
穩固地掌握哲學學說的「典範」和其虛實，能夠比一般社會科學學者玩理論遊戲玩得更出色。
如果把玩的對象是社會人文科學類，不妨大膽地唱反調，有望出人頭地。

第二，周全浩 Appraoch

重視考察和分析具體事實，反偽理論遊戲，化繁為簡，以簡通繁。

第三，鄧永成 Approach

略通具體事實，掌握大體規律法規，重視理論或模型；
視城市地理學為綜合社會人文科學。


第四、通上三者的最強進路，司馬遷 Approach

究天人之際，通古今之變，成一家之言，應變而不窮。



＝＝＝＝＝＝＝＝＝＝＝＝＝＝＝＝
Ivy：哈哈哈！！等妳升上歐研，大把機會去旅行啦～～
恭喜妳Oral成功呀～～︿︿

>>March 28, 2005 at 10:53:49 AM GMT+8

2005 年 3 月 27 日 星期日 【晴】

剛剛發現，真係比鬼王斷正，能源之旅無乜咖啡飲，被迫戎左毒……幾日無飲咖啡……

下午海面上又有蒸發霧，真係靚呀……但係就釀造左三宗撞般易外……美麗的殺機？

今日終於寫好篇文啦……二千幾字搞左我幾日……好低效率……

>>March 28, 2005 at 10:49:06 AM GMT+8

2005 年 3 月 26 日 星期六 【晴】

今朝訓到十一點半，食完飯睇《潮與虎》，兩點又訓過，六點半至起身，睇來我真係幾累喎～～～

收倒Viola的message，問我去唔去踩單車，唉，今次都係要推啦，呢個短假期我大把野要忙～～

晚上睇怪獸公司，好好睇呀～～！之後又開始寫鄧生篇文，寫左咁耐先寫左五頁幾……不過睇來重有一頁就寫好，我唔想扮曬野寫到鬼咁長篇，浪費我和讀者（如有）的時間。



祝煎生日快樂！！

>>March 27, 2005 at 7:04:05 PM GMT+8

2005 年 3 月 25 日 星期五 【晴】

剛從廣州考察回來，通常D所謂謂考察團係玩多過學野，而我地今次卻是又學倒野，又食好住好玩得好，重只係以極極極不合理地低的費用，就可以享受呢次trip，正呀～～

三月二十三日，參觀大亞灣及鈴澳核地廠，正到爆！然後重要住一晚最少要600元的從化白天鵝賓館( White Swan Hotel或What's wrong hotel)，太強啦！！Ｄ野又好好食！重有好多自由活動時間（其實係自由時間多過唔自由時間），我跟大隊唱我生平第一次Ｋ，當然表現出我的技安歌藝，哈哈哈！

三月二十四日，參觀廣東抽水畜能電站（唔係抽畜電站…），予我的震撼感遠大於核電廠！！而且Ｄ野食重好過白天鵝，個個都食到笑～～晚上改住三星級酒店，當然及不上白天鵝，但勝在有得睇香港電視，可以繼續追大長今～～不過餐晚飯較為不妥（其實都幾好妹，但Ｄ菜真係有Ｄ偷工減料）。

（後來得知，當日能源祖宗係呢晚到步，同Vivian去左食好野，重竟然遇到鄧生！？呢個世界真係咁細？！）

三月二十五日，發生了Larry「無鹽事件」及「無？你同我講話無？！！」事件，相當有趣，哈哈哈哈！！！食完早餐，參觀港華燃氣的培訓中心，多得「洪爺」，令我學倒好多野！然後我地去左Larry最愛的草寮食午餐，真係幾好食，又有氣氛，重可以聽「洪爺」、楊生，同Larry的有趣對話～～然後去參觀廣州火力電廠，我覺得自己翻返去十九世紀工業時代，好正！！晚上，多位同學同埋我，同Larry出去食飯。Larry超豪……食左六百幾蚊……然後Larry話吹水吹得唔夠，想繼續，於是又由十一點吹到點半，我真係學倒唔少野！而且令我的志氣大大提升了～

今日，因為發生了「無？你同我講話無？！！」事件，所以大家都要自己搵野食。早上同阿恒去M記食早餐，然後參觀我頗期待的煉油廠，真係好雄偉！！！然後食左餐好ge，去左廣州購書中心買書，但係只可逛一小時多，我同鬼王都睇唔曬……最後我買左二百蚊書，不過都唔夠阿Ke多，買左三百幾蚊。然後去睇陳家祠，最開心係有機會同美若天仙又好人的Vivian傾計，我同佢真係幾o岩key～～之後為左唔好餓於坐三小時車，大家都去Ｍ記食野。哈哈哈！！！睇住Larry要迫係Ｍ記度，同人爭位坐，食cheap野個樣，真係笑死～～翻到家已經係晚上十一點啦～～

>>March 26, 2005 at 6:04:00 PM GMT+8

2005 年 3 月 21 日 星期一 【晴】

提提大家，明天至星期六夜期間，本人不在香港，敬請留意。

（勿在我不在期間，在此說我壞話～～）

>>March 22, 2005 at 3:16:32 PM GMT+8

2005 年 3 月 21 日 星期一 【晴】

《內向人生》

這個學期，
有太多機會獨來獨往，
養成不習慣熱熱鬧鬧的習慣。

不過現在的不習慣，
不再是以前自卑感作崇時的不習慣，
而是一種泰若安然的沉默。

沉默不再是孤癖和逃避的方法，
或偽裝高深的面具，
而是不當說話生產工廠的停工。

有三種情況我要打破沉默，
一是我有恰當的說話要發表，
二是我有無聊的笑話按耐不住，
三是可能妳太可愛了。

>>March 22, 2005 at 7:57:54 AM GMT+8

2005 年 3 月 20 日 星期日 【晴】

今日都幾疲累，十半上堂到六半，得一個鍾食飯，因為自己調左堂去聽大師David Harvey的講座。

今日上莊學好有趣，齊物論真係妙～～一如以往每堂都要串一串張錦青，今日串佢「你斬左隻右手又點可以用右手拋出右手？」而佢又同樣回應：「呢Ｄ人真係無聊～～」哈哈哈～～～

今日又提左下歐式幾何同非歐幾何……搞到我又好想快Ｄ學翻Ｄ初等數學呀……

上完就去上歷史tutorial，然後同煎、恒食日本野～～

然後上能源，講左一陣，就派mid-term，成績都幾好啦，雖然唔係最好果個，但又使乜乜事事都要吹毛求疪呢？：Ｐ

中國能源堂時，比能源祖宗Larry派出上去找vivian印野，搞到我聽少左Ｄ……

然後就聽David Harvey的講座，雖然我基本上知佢有關Neoliberialism思想（我正在不太努力地寫緊一篇，大家遲Ｄ可以考慮係咁兒望一望），但我坦白講，可能係我英文差，可能係我其實唔係真係識，我有90%以上係聽唔明／倒～～～～～～：Ｐ

不過Larry又好型咁問野，笑死～～～

KK真係太唔掂，搞到我作為地理系一份子都面上無光……Finally可以講咁多次ＧＡ咩？！

>>March 21, 2005 at 2:14:04 PM GMT+8

2005 年 3 月 19 日 星期六 【晴】

拖左鄧生篇文兩個幾星期，前晚先開始動筆，而家先寫好兩頁……shit……

因為會放上網，所以唔敢太馬虎……


鬼王：生日快樂！！原本打算送份禮物比妳，但選唔倒，唯有聽日請妳食餐好ge！！

>>March 20, 2005 at 4:25:14 PM GMT+8

2005 年 3 月 18 日 星期五 【晴】

今日又參加鄧生個study group，今日無乜發個言，但就學倒好多野，正！

六點半在黃大仙meet Alex同喬志，三條友去大排檔狂食狂飲狂吹水！喬志學人食煙，重跟人去夜總會叫小姐……話去見識下喎……

食完Alex走先，我同喬志去旺角飲咖啡再吹多陣水……

翻到家，涼都唔沖就訓……

>>March 20, 2005 at 4:17:11 PM GMT+8

2005 年 3 月 17 日 星期四 【晴】

朝早上Larry，竟然唔放break，搞到我由第二堂始發夢，好在都drop倒notes……

落堂鬼王話煎（Gene）未翻學，於是我同鬼王去左六合食野，原本打算食完翻去舊校買多幾本陶傑，但係鬼王話要去拉記搵能源資料，我就陪埋去，順便自己都陪定Ｄ先。

上完香港史，本來煎同我都想買多本陶傑（有知音人真好，呵），點知竟然賣曬！陶傑變左逃傑，唔見鬼左＠＠

後來阿恒走先，我同煎心血來潮去左舊食tea，然後為左找一本書我地行去PageOne，中途鬼王、Eva、Roy「累積」相繼出現，組成PageOne團，哈哈哈～～～但搵唔倒本書＠＠阿煎就被某人硬銷左一本，買左。

然後我隻身去灣仔，搵倒本書，但太貴放棄左……我重唔小心扯斷左條headphone線，而我竟然沒咩大反應，望住半條俏在地上的headphone線，對佢講：「清明節就到，算你唔好彩啦……」
花左百幾蚊立即買翻條……，但好在Ｄ音色好好～～

無意中找到一套超超超正的初中數學教材，但唔齊冊，所以又去左銅鑼灣商務搵，但都無……呢套教材係我夢未以求的教材，其它無一本及得上佢，佢一定可以令我的最後盲點（數學）消解。

我諗左好耐，點解我邏輯性唔差，但卻係一個典型數學白痴，而初步估計原因有，二：一、以前未開竅，太蠢；二、以前的教法完全口唔適合我。但呢套就好match，甚至比夢想中的教材更好！所以一定要買齊！！

>>March 20, 2005 at 4:20:32 PM GMT+8