2005 年 1 月 4 日 星期二 【晴】

灰呀……


其一：

陳強立老師叫我讀果科「REL 3620 Selected Topics/Readings in Philosophy - 現代中國哲學中的比較哲學視野」，竟然同老鄧的Urban Planning撞到應一應……ＷＴＦ！無理由唔讀老鄧喎，一唔讀就無得讀Urban Planning in Hong Kong……（我Drop Urban Planning只有一個可能原因，就係……想知可向鬼王珊「索取」資料）陳ＳＩＲ我地再下個ＳＥＭ見啦咁……

其二：

張錦青科R.P.1010 Introduction to Philosophy，一來唔知重有無位，二來如果有位我可以讀，都要被迫犧牲得來不易的Day off……（但有得讀都會讀ＧＥ，灰Ｄ囉）

其三：

GEOID個行山之旅，又ＷＴＦ？！8:00am去到大學站？殺左我丫唔該！即使我唔食早餐，6:00am起身先勉強可以8:00am去到ＢＵ，點可能去到大學站？無法啦，我「只能慨嘆奈何喇」

＝＝＝＝＝＝＝＝＝＝＝＝＝
Viola：咁勤力？！不如補少一日啦，一齊玩，嘿嘿～～

>>January 5, 2005 at 8:44:07 AM GMT+8

2005 年 1 月 3 日 星期一 【晴】

小病左兩日，而家無咩事啦，廿四味真係唔能夠狂飲的……：Ｐ

呢兩日對我呢講，心理長度只有一日咁長，因為我日訓夜訓，因為藥力，訓得相當沉，重在腦中自編自導了一段影片，片中所有人我完全未見過，亦超少有地個夢係無我份。戲情相當有趣。

話說有一對學生情侶（男主角個樣唔係我，但感覺係自己；女主角好靚，但現實上未見過佢，嘿），在山上掘出了一袋現金，然後佢地被一大班著黑西裝的人追殺。這群黑西裝人比我的感覺有Ｄ近似ＹＲ３的同學，但佢地個樣無一個我見過。

「我」帶住個女主角一直跑上山，係咁跑係咁跑，跑到上山頂竟然有幾個巴士站。「我地」重見倒有個九鐵的Logo，即刻跑過去。「我地」知道果班黑衣人正衝緊過來，所以好急咁上左架火車，但係呢個時候「我地」見倒班黑衣人都上左車，重好近「我地」架車箱……呢個時候「我」竟然識法術，將「我」同個女仔變成隱形人……

班黑衣人走左，「我地」現翻形……無啦啦個畫面跳到去「我地」將Ｄ錢交比差館，呢個時候我（唔係故事中的「我」）諗：唔係嘛，交去差館？我無理由會咁做ＧＡ喎！

點知因為呢個想法一現，個畫面又唔同左，變成「我地」因為得到十分之一的金錢作為獎金而變左有錢人，又變成無啦啦住緊豪宅。

怪夢完。



睇翻李生Ｄ書，竟然發現，原來教我ＲＰ旳陳強立博士個名出現個李生Ｄ書，而且都算頗有名望（話曬都做左七年信報專欄作家），哈，我一直都唔知添。

咪住先，如果陳強立博士係李生的學生，而我係陳強立博士的學生，我算唔算簡接做左李生的徒孫呢：Ｐ

得知阿汪競來緊的ＳＥＭ修我剛剛讀完的ＲＰ科「Pratical Issue in Social Philosophy」，以佢聰明才智應能意會陳老師的過人之處（思想上）：）／不過先旨聲明，佢講書相當相當悶！

＝＝＝＝＝＝＝＝＝＝
Ivy：咁妳要努力考好兩科歷史啦，將「考好兩科歷史」變成歷史！ＡＬ後再玩過！︿︿

鬼王珊：哎呀，而家變左妳讀能進階能源，而唔讀城規，我地個合作計劃少左一個啦～～我呢個學期的目標都係全Ａ，唔理呢個目標本身能唔能夠被（我）實現～～～！！無左鬼王坐陣，野心會唔會更難以達成呢？

Gene：好翻啦，去呀去呀！！︿︿

女王陞下：唔該曬！終於有機會見下偶象啦！哈哈哈！！（同時要好好多謝韓慧玲：Ｐ）

>>January 4, 2005 at 6:42:27 PM GMT+8

2005 年 1 月 1 日 星期六 【晴】

又係超開心的一晚！

聯地活動小組第一次ReU（都拖左好多次，唔係佢地唔得閒就係我病左），有Ada、Alan、Ivy、歐陽、異形、陞、企鵝（其它都因為聽日開學有Quiz所以唔來得）。去左食韓燒，但我好怕熱氣，去之前喝左一碗24味，食完再飲多兩碗，一共72味！哈哈哈！！

全場個個都「雞雞」聲，每次一聚總一個指定問題：「白切雞可唔可以唔好咁白切」（白痴佳可唔可以唔好咁白痴……），然後又發展出「燒春佳」同「乞兒佳」……

食完之後行左一陣，如果唔係佢地聽日開學，都打算留耐D；下次見面可能係AL後，大家要加油啦！Ada、Ivy、企鵝，找地就BU見啦，做我師弟師妹（雖然死企鵝一早已經係…）

好搞笑，去果時在地站撞到Becky，走果陣在街上遇到exco的sara～

呀，重係feel倒熱氣呀～～～千奇咪出事呀～～

＝＝＝＝＝＝＝＝＝＝＝＝＝＝＝
鬼王珊：進階能源的時間是：Mon 14:30-15:20, Wed 15:30-17:20／由於係進階能源，可考慮改稱寡人為「進階能源大王」／為了方便起見，可略稱為「進階大王」或「俊佳大王」。哈哈哈！！

>>January 2, 2005 at 5:11:51 PM GMT+8

2004 年 12 月 31 日 星期五 【晴】

尋晚十點同漢記同學（任姐、墨魚、美玉、王陽、阿茂、阿宇）食火鍋，食到兩點，大家一齊去左Joey的男友家，然後狂吹水，由於有王陽係度，佢set D話題好嚴蕭，同性戀、人身自由、人權、愛情、男女平等、財政規劃、性高潮……大家都好熱烈討論，又好好笑；我就做一個冷眼旁觀者及聆聽者，在大家都糾纏到開始離題時，先插嘴。哈哈！！果然，只要不是目光呆木、口部傻張，沉默總能令人覺得高深一點（即使我只是扮高深，嘿嘿）。傾到早上七點，我地就走人。返到家，沖過涼已經八點半，開始訓覺。

由於尋晚經歷了某個經歷，心有少少痛，但係個腦通悟左一D好重要的東西，所以訓果陣係，心痛但精神高亢，又有痛又有快（但不是痛快，因為兩種覺感係同時但獨立出現）。

我唯一能為自己的幼稚勉強找到自我保護的藉口，就只有年齡。

我想快點長大，就從零五年開始吧…


下午五點起身，好開心，一上ICQ就N個happy new year的祝賀message彈過來……有朋友真係好！

＝＝＝＝＝＝＝＝＝＝＝＝＝＝＝＝＝＝
Natalie：梗係啦！：P 身體健康就好啦，小心食野呀～～

Anna：點呀～房祖名～～wahahahahaaaa！！我唔係女人呀＞＜！！！

Raymond：「好事歸神，壞事關人」，「好事是恩賜、壞事是考驗」，呢D就係迷信版基教徒的常見思想……宗教係好事，只要唔好迷信……

Gene：大家咁話！我新年好快樂呀︿︿ ；真係好凍，妳都要小心身體呀，基因突變就唔好啦︿︿

Opal：好想快d有得跟妳偶象學哲學呀＞＜！！

>>January 1, 2005 at 1:01:59 PM GMT+8

2004 年 12 月 30 日 星期四 【晴】

嘔心的基督徒文章！如果呢D就係上帝的門徒，咁佢地一定係魔鬼派來的二五仔，否則上帝本身就是魔鬼！無野呀？！用人地的悲劇去「拉客」？！可恥之極！！想不到人腦可以蠢狂盲目到這種程度，人心可以病態著魔到這種程度！


《苦難中的覺醒》

■馮達凱

有人說：「苦難會帶給信徒屬靈裡的覺醒。」南亞海底的地震，引發了兩百多年來最大
的一次海嘯，也因此震驚了全世界，但在這一次的悲劇裡，信徒可以學到什麼功課？

當好些人舒適地躺海灘上，享受著聖誕假日溫暖的陽光，沈湎在那嬉水玩樂的歡樂
中；當小孩子在自己漁村的家園裡玩耍，大人在這假日裡寧靜地休息；也有好些人在把
握商機，爭取這旅遊旺季的賺錢好機會……就在那不到幾個小時內的劇變，一切都變了
樣，「你們來看耶和華的作為，看祂使地怎樣荒涼。」 （詩四十六：8）美麗的景色就
在剎那間變成了鬼域；歡樂的笑臉頓時變成了一張張死亡或是驚惶失措的面孔；那笑聲
換成了恐慌的尖叫，或是瞬間的死寂。


能力在於耶和華

「海嘯」（Tsunami）對我們是陌生的名詞，是那麼遙遠和不可思議的狀況；但它
所帶著的力量，卻是如此的巨大，令人生畏。對很多人而言，「耶和華」可能也是一個
陌生的名詞，信徒是否也忽略了上帝的威嚴與大能呢？我們是否該對如此的一位掌管著
天地的主而心存敬畏呢？詩篇一○四篇述說了上帝對這個世界的管理是井然有序的，世
人卻不願意讚美歌頌祂手所作的工，如何能脫罪呢？當人類自以為在科技上的進步，就
可以藐視祂，把這信仰當成可笑的神話故事時，不就只是顯靈出人類的無知與愚昧嗎？
當海嘯來時，瞬間海底的海床被曝露出來，珊瑚與貝殼都顯而易見，不難讓我們想到紅
海被分開的情景，我們還敢懷疑它的真實性嗎？


救贖在於耶和華

相信在大浪把人捲去的當時，有多少的呼喊，他們又是多麼的無助。信徒面對危難
之時，我們知道救贖在於耶和華，就如大衛在詩篇一四四篇與十八篇，對神禱告說：
「求你從上伸手救拔我，救我出離大水……」我們每日可能遇到的危險，多少是在不知
不覺中安然渡過。上帝不會叫我們不遇到困難、恐懼和苦難，但祂的膀臂不會縮短，祂
那救贖的手都能如此安穩地帶領我們經過。時間、生命、健康、財富，那一樣我們不是
白白領受的呢？我們能不帶著感恩的心來敬拜祂嗎？


保護在於耶和華(＜－最嘔心呢度！同黑社會、恐佈份子一樣）

東南亞各國開始發展可能的海嘯預警系統，但終究又有多少的效果呢？科學家的努
力，早在幾十年前就已經進行了，這次海嘯也不是第一次發生的，人類永遠就是沒有預
備好，對危險如此，對上帝亦如此。星相家也出來做一番「預言」，他們又真能改變什
麼嗎？他們連自己的壽數也沒有把握，我們能把盼望寄託他們嗎？我們的幫助從何而來
？詩篇一二一篇告訴我們，唯有祂才是真正的保護，「祂必不叫你的腳搖動，保護你也
不打盹。」科學的研究的確可以帶給人類不少的幫助，但它永遠無法跟上帝的保護比
較。「若不是耶和華看守城池，看守的人就枉然儆醒。」沒有祂的容許，我們的一根頭
髮都不會掉下。

或許你我都可以意識到，近年來的災難跟往日有明顯的不同，無論在程度上、頻率
上都遠遠的超出以往。我們在這些災難裡，信徒是否看到啟示錄對末世所預言的印證？
我們是否感受到時間的緊迫？對福音、對上帝的事奉是否更要加緊我們的腳步？估計有
超過十萬名的受難者，有很高比例的兒童，不同的年齡、國藉、身份，但每一個都是上
帝所寶貴的靈魂，那些沒有信主的死者，從此就再沒有回轉得救的機會，我們再也不能
幫助他們，拯救他們了！我們對仍舊活著的靈魂，沒有把握他們可能遭遇到什麼，對在
我們身旁的親屬好友，我們不知道還有多少時間和機會，我們唯一能幫忙的，就是把這
福音傳給他們。好叫我們一同放棄這必朽壞的身體，卻換來主裡永恆的屬靈生命！

看到那些極度哀痛的死者家屬，心裡很沉重。願在禱告中，記念他們。雖然是在不
同的國家、不同的信仰，但仍祈求主的手安撫他們憂傷無助的心靈！（＜－好X假！）

－－－－

“「影音使團」攝製隊一行三人，今天(12月30日)經已趕赴南亞災區現場，親身攝錄災情最新發展，及救災工作等進展情況。盼望向廣大觀眾展現大災難不同面貌，並將上帝安慰的訊息和大災難的啟示，第一時間傳播到眾人心深處。“

頂！乜X野係上帝安慰的訊息呀？（如果海嘯係上帝搞出來／如果板塊問題係上帝的創造地球時的手尾）上帝殺你全家，然後安慰倖存者「拿？係咪呢？唔信我咪咁囉，不過唔緊要，呢件事已經過去GA啦，我會保佑你平安，只要你以後要敬畏我：）」……咁呀？

>>December 31, 2004 at 9:54:10 AM GMT+8

2004 年 12 月 29 日 星期三 【晴】

今日聯地Exco Re-U，超開心呀～～好齊人，有MI、Eric、聖家四小花、英皇釗、Alex、Alan、Ada、Daniel（及其老婆）！

去左旺角的小肥羊食火鍋，狂食狂吹！然後去左打機，不過D煙味好惡頂，搞我件衫都臭埋；然後去左一間叫Coffee Paris（還是Paris Coffee?）的上樓餐廳。死釗真係無介紹錯。杯cappucino好味到爆！之後吹水吹左好耐，當中包括一個永遠存在的話題：「點解阿佳個樣咁似女人」及「阿佳個樣可唔可以唔好咁似女人」（其實我真係唔覺喎：P），又吹下大家的愛情史，想升咩U、讀唔讀M.Phi；當然，哲道行者死釗在此，都不能不吹上兩句思方學……

死釗約我等佢開學後，去英皇書院附近食lunch，順便參觀下佢間名校。（話時話，我呢屆Exco真係間間都名校……）希望佢地個個都升上大學（我估100%ga啦，班友咁聰明－＞至少聰明過我），咁我的「大學朋友網」就又可以進一步拓展啦！：）

>>December 30, 2004 at 5:16:26 PM GMT+8

2004 年 12 月 28 日 星期二 【晴】

《韓梁談‧後感變奏》

我不理我本始從何而來
我確信我最終為何而生

如能重遇那超越時空的思念
耶和華下凡也不能吸引我半點的目光

>>December 30, 2004 at 7:02:12 PM GMT+8

2004 年 12 月 27 日 星期一 【晴】

《韓梁談‧後感》

精采過後
或是曲終人散
總有無言以對的悽涼

縱無飛翼
或是狂風吹襲
卻有飄懸半空的錯覺

令心靈得以安頓的方法
或許只有宗教一途
或是崇拜天上的真神
或是崇拜地上的女神

>>December 28, 2004 at 10:24:48 AM GMT+8

2004 年 12 月 26 日 星期日 【晴】

今晚出現一個奇景
鬼王珊上ICQ

佢終於肯讀Seminar Energy啦，咁而家鬼王同我的計劃增加到兩個：

SEA（Seminar Energy A-grades） Project；
UPPER（Urban Planning Perfect Essays Reinforcement）Project

>>December 27, 2004 at 5:08:01 PM GMT+8

2004 年 12 月 25 日 星期六 【晴】

晚上七點半，約了漢記同學食飯……點知8人，有4個放飛機，灰到喊啦……太過份！次次都係咁！

結果三個人去PizzaHut食（墨魚要放工先來得）

不過好在，我反而有一個有趣的晚上。我同美玉男友王陽非常o岩傾，初初佢教我商管D野，我又講翻D地理野比佢傾，後來佢知我讀過哲學，又傾起哲學計，由思考方法，吹到人生觀和愛情觀，痛快！不過最正係知道原來我身邊有一個理財專家（佢major），好野，以後有門路請教！

後來墨魚來到，我去接佢，哎呀，好耐無見佢，依然咁可愛（Lovely and lovable）～～

跟住我地四個就係咁傾係咁傾～～兩男兩女傾傾下，好自然又開始討論愛情問題（對愛情和marriage的態度），哈哈哈！原來我同墨魚的拍拖次數（0-1次）咁稀少的原因都同一個相似的愛情觀有關（當然唔會話比你地知係咩啦，嘿）。

＝＝＝＝＝＝＝＝＝＝＝＝＝＝
Corliss：一時時啦，我唔介意份禮物好唔好，貴唔貴，不過至少要比人睇倒係花過心思。（Opal話我知果包動物餅其實係Soc的，唔係同學的禮物，比錯左我，哈哈哈！！）

>>December 29, 2004 at 6:44:22 PM GMT+8