2004 年 11 月 15 日 星期一 【晴】

驚聞一：

今日上RP得知，原來我個RP阿SIR係李天命的學生！

驚聞二：

原來RP阿SIR下學期都有開科，不過係LV3的Reading in Chinese Phiosophy，教新儒家……
阿SIR話我可以讀，呢科唔係RP，係RELI，同我而家呢科程度相若……
咁我讀唔讀好呢……

驚聞三：

上歷史堂，個MISS無啦啦話我個樣似李大釗，似咩？



>>November 16, 2004 at 12:03:38 PM GMT+8

2004 年 11 月 14 日 星期日 【晴】

哈哈哈！！又滿意地完成一份論文啦！

今次係regional～～呢份係我呢個學術，做得最舒服的一次！

多得班好組員！（鬼王珊、添全、Cloudy、Bell）
個個都做得好好呀～～～

我只係用左兩粒鍾就執到靚靚，簡直前所未有！

呢個學期，我做左五次論文總編輯，已經做到上曬手～～～～哈哈哈！

而家重有同阿Gene果份八千字中史論文炸～～～～～～～一定要再加油～！

＝＝＝＝＝＝＝＝＝
Opal：我鍾意呢個「朵」，「能源大王」，好型呀～～～＞＜
不過呢D又點稱得上「好野」呢，起碼要好似妳咁，拎翻次GPA3.7，先至真係「好野」嘛～

>>November 15, 2004 at 5:06:42 PM GMT+8

2004 年 11 月 13 日 星期六 【晴】

今日多左兩個成功經驗：第一次做典禮司儀而覺得成功；第一次用英文做典禮司儀而覺得成功。真係好開心呀～～～～～＞。＜

今日發覺自己D身體語言，出現左Mr.Trump的影子，算唔算係好事呢？

終於，三個莊都落曬啦，哈哈哈！！！！！！！！！！！

完左個典禮，我同Natelite，獨姑，飲姐，小強，阿茂去飲茶，好開心，又見翻D舊同學仔︿︿

唉，阿茂D「空廢命題」越來越勁，好想殺死佢……（比人話佢說話方式惹人討厭，而佢的回應竟然係「每個人都有自己唔同的方式GA啦，無理由批評我」……「空廢命題」的經典例子）

翻到家，訓左一陣，又繼續做Energy，好在都順利，暫時無BOTTLENECK～～～呵呵呵～～～

＝＝＝＝＝＝＝＝＝＝＝＝
「哲地人」

越來越發覺哲學同地理是一對絕配，
兩者加在一齊，範圍幾乎接近窮盡一切學術領域（當然唔會精），
因為兩者本身的涵蓋面都已極大！

哲學悟形上之理，地理察形下之道
哲學歸終極之則，地理用科學之法

哲地人，考察天地人三域

>>November 14, 2004 at 2:51:24 PM GMT+8

2004 年 11 月 12 日 星期五 【晴】

唉，本來今日打算翻URBAN，重打算去埋鄧生個study group添，點知最後都唔願星期六咁早起床，又走左堂，不過今次係非理性地走堂＠＠

可怕的是，我十一點起身，食完午飯，睇左陣漫畫，竟然再由兩點訓到六點（哈，剛好是鄧生study group時段）！！哇，我訓足一日呀！

食完晚飯，重要睇埋飛黃騰達同埋盜海豪情，先肯做功課……不過可能訓得夠，集力好強，一個鍾寫好regional，再個半鍾就計好ENERGY頭兩題天文數字～～～好野～～～︿︿

篇regional正野呀，用倒好多我學過的社會哲學概念，YEAH～～～一於向BENSON拋下書包！

＝＝＝＝＝＝＝＝＝＝
Opal：原來我改左名叫阿隹︿︿
哎呀，我都唔知自己做左乜野，令我素來極佩服的pal姐讚我「好野」；
不過好似妳咁叻的人讚我，我當然係笑到收唔倒聲啦！哈哈哈哈哈～！！！
但係唔係以我為襲擊目標，建議考慮襲擊阿包，阿花之類的，但唔好搞阿隹，阿隹只係隻微不足道的小雀仔～～＞＜
要擊敗這種菜鳥，只消用左手尾指半截指甲，就能把這隻隹，把弄得體無完膚～～

>>November 13, 2004 at 7:06:27 PM GMT+8

2004 年 11 月 8 日 星期一 【晴】

好慘，部MP3 PLAYER失靈，要FORMAT，8GB歌要重新入過、搵過＠＠嗚嗚

今日上左一堂好有趣的RP，搞到我越來越鍾意個阿SIR：

有學生問佢，點解佢會讀哲學，然後佢答：

「我生出來就係讀哲學GA啦。」

原來佢原本係BBA人，不過由細過開始就鍾意問一D根本性／終極性的問題，教BBA的人，要學生學果D野公式，理論根本就唔會解析「點解會係咁」；又或者佢地根本唔識解。同埋佢話佢對思考怎樣思考很有興趣。所以只有哲學能夠滿足倒佢……

佢好掂呀，佢話佢教書一定教得好深，因為佢想人地真係學倒野；一個好老師係令你學倒野，而唔係令你過得舒服～～

雖然初初上佢堂，個腦要RUN到差少少HANG機，但習慣左之後，我覺得自己真係學倒野，好有滿足感。



今日交左篇五千五百字論文啦，寫得都幾好，呵呵︿︿

>>November 9, 2004 at 11:29:02 AM GMT+8

2004 年 11 月 7 日 星期日 【晴】

今日考RP，阿SIR竟然玩到咁盡，連第一堂淺介左少少社會哲學發展史都考埋……
重有好多野係書無，筆記無，係上堂講過一次，竟然拎來考；
更震驚的係，連思方學基礎「問題的分類」（區分事實問題、評價問題、規範問題）都考埋，
阿SIR真係好野！

放左學後，等OPAL放學，然後去左佢個HALL度食飯吹水，真係多謝佢D南乳雞翼同涼茶，太好味啦！！︿︿

吹水範圍都幾廣，由某某問題，吹到現代愛情觀，得出結論係：

「愛一個人和對某事嘔心都一樣，無得解釋；可能對象有某種特徵／屬性，但你對它的感覺是怎樣，自己不能控制，更莫論用理性解析、改變。」

＝＝＝＝＝＝＝＝＝＝＝＝
Opal：得得得，無下次︿︿～～奇實我都係在明珠台睇第二次，先知Bradford原來佢話自己放棄免死金牌，我原來只係知佢講錯野（但唔知係乜，因為我睇果個無字幕），搞到無左免死金牌，然後勁比老闆Mr Trump話佢stupid，亂講野會毀亂間公司～～～我覺得Ivana（好似日本人果個女人）應該好內疚，因為佢唔應該帶Bradford入去，重要搞到佢死左～～～講開又講，Stacie J（曲髮黑人女人）真係好乞人憎！

啟明：你同我一樣咁低B，點會無做過丫︿︿

>>November 9, 2004 at 11:16:58 AM GMT+8

2004 年 11 月 6 日 星期六 【晴】

當我不斷追求進步的時候，我發覺我已把舊日的同伴好友，拋離甚遠。
可能因為自己是較差的中小學出身，很多昔年好友都連預科也升不上，更莫說大學了。
最近不難發覺他們離我越來越遠，不單話題完全接不上外，甚至被人有意迴避。
間中有機會與他們吹水行街，也要裝得自己是一個白痴無能的書蟲，不斷強調讀書無用，又要選擇性指出「很多大學生失業」、「很多低學歷創業」……


Let bygones be bygones吧～～前路還有很多新鮮刺激的事等著我，我要繼續進步下去，終身學習！

（不過可幸的是，無論怎樣努力，我也不用擔心有機會享受「無敵最寂漠」︿︿）

＝＝＝＝＝＝＝＝＝＝＝＝
Opal：得得得，無下次︿︿～～奇實我都係在明珠台睇第二次，先知Bradford原來佢話自己放棄免死金牌，我原來只係知佢講錯野（但唔知係乜，因為我睇果個無字幕），搞到無左免死金牌，然後勁比老闆Mr Trump話佢stupid，亂講野會毀亂間公司～～～我覺得Ivana（好似日本人果個女人）應該好內疚，因為佢唔應該帶Bradford入去，重要搞到佢死左～～～講開又講，Stacie J（曲髮黑人女人）真係好乞人憎！

啟明：你同我一樣咁低B，點會無做過丫︿︿

>>November 7, 2004 at 5:53:27 PM GMT+8

2004 年 11 月 6 日 星期六 【晴】

聽日RP mid-term，溫書溫書溫書～～～
星期二重要交埋篇五千字的論文（名之曰《從吸毒自由到吸毒限制》）

把腦海中的各種混帳概念列出，求重溫之效；其它人不看也罷

＜自由＞
形上自由、BERLIN消極自由主義、積極自由的風險、唯心論、禁欲主義、自由的理據、最佳裁判者原則、生活實驗原則、個體性原則、JS MILL限制理論、無政府主義、損害原則、傷害原則、冒犯原則、追求盡可能理想生活原則、法律大家長主義、極端大家長主義、福利原則、傳統效益主義、規則效益主義、後果論、權利理論、自由的價值（自足價值與工具價值）、自由價值的量度與高下

＜平等＞
DWORKIN自由主義式平等、效益主義式平等、保守主義的放任自由式平等、社會主義的福利主義式平等、資源平等與福利平等、關切與尊重、平等與被視為平等的含混、同情的了解、權利為本、人權、道德權利與自然權利、絕對性人權與非絕對性人權、人權的理據、尊重與愛的終極性

＜社會正義＞（未教）
傳統社會契約論、JOHN RAWL社會契約論

>>November 7, 2004 at 8:08:37 AM GMT+8

2004 年 11 月 5 日 星期五 【晴】

怒download， 怒睇飛黃勝達！
而家已經睇到第二輯第五集啦！
真係每集都教倒我野，真係學倒好多侍人處事技巧！例如唔好亂講野（Bradford就係咁無啦啦在第二集死左，抵死但好可惜，因為佢真係有料），點樣防止樹敵……

好鍾意個老闆，好有魅力，每句話都令人蕭然起敬，唔係因為佢有錢，而係因為佢有料。

佢每集果話「Somebody will be fired」好有型！！



＝＝＝＝＝＝＝＝＝＝
Viola：有童真的人 一定會做過︿︿
Queen：好計喎！

>>November 6, 2004 at 10:40:24 AM GMT+8

2004 年 11 月 4 日 星期四 【晴】

爆笑！！

笑料一：

莊員留言區爆發「梁氐收皮事件」，據報梁氐睇完笑左好耐，因為他終於進一步脫離嘔心領域。

笑料二：

我睇錯左Johnson的通知，以為今日堂Tutorial唔使翻，重叫埋阿恒唔去翻，結果兩人absent；
我無睇History handout的通知，以為今日堂Tutorial要翻，重同阿Gene一齊等，結果兩人白坐。

笑料三：

今日去左Johnson office，同佢say 過 sorry，因為兩次都無上tutorial，佢竟然咁樣答我：「喂～傻啦阿佳，小事來啦」；然後佢同我講：「今日都有個傻仔十點半先來上堂，上次都明明係九點半，今次就十點先來，重問我上堂昧，我就答佢我地落堂啦喎！」

後來得知個傻仔係阿恒。

笑料四：

阿花用Email send 左份問題，問我地細有無做過佢列出的事，我中左以下咁多樣……

1. 玩米缸, 將手插入米缸裡面o既米裡面.
2. 在百貨公司入面「篤」扶手電梯的吊牌
3. 地下有階磚特登隔一格一格黎行 (不可踩界, 要完全在格內)
4. 用錶面反射陽光, 照黎照去
5. 跳樓梯 (愈多級愈勁)
6. 行路上高起左地方, (例如高起左o既長條型石博, 好似玩平衡木咁行法)
7. 鋪張紙在硬幣上面, 然後用鉛筆係上面油, 油返個形出黎
8. 超級市場踩住架購物車黎行
9. 踩水tum, 係好特登果隻
10. 吹口水波
11. 搣牆上的乳膠漆或牆紙
12. 係平滑o既地面上面「冼」下 「冼」下.
13. 整濕d紙巾,掟上學校廁所天花頂.
14. 食完綠箭香口膠, 一定摺返成張包裝紙再放返入個大套入面.
15. 讀幼稚園放痾尿, 一定同隔離果個同學仔玩"交叉光線"!!!
16. 圍閹
17. 放膠袋 (當風爭甘放)
18. 呵尿時出力射走 D 屎積

＝＝＝＝＝＝＝＝＝＝＝
Opal：哈哈哈，出年Firled Trip見︿︿！
Ada：係GA，有好多科比我地選～
Gene；無錯，我而家諗翻都幾嘔心～～

>>November 5, 2004 at 5:27:55 PM GMT+8