2004 年 10 月 20 日 星期三 【晴】

今日過得好充實。

近幾日突然愛上URBAN，聽鄧生講書聽得好開心。十半落堂，即刻跑去LAB PRINT POSTERS，突然比鬼王珊截停……

原來佢同阿GENE買左生日禮物比我呀！（其實我聽日先生日，重陽節生日，真係有意思）重要係一張超靚的立體叮噹咭，及一個大雄figure，哇哇～～～如果我係佢地，買完實唔拾捨送比人＞＜！！多謝您地啦～～

PRINT完POSTERS，立即沖去灣仔印（因為果度彩印超平，7毫子A4），不過真係好急，要十二點半返番BU同HISTORY人傾RP paper，又要分d table stand材料比洛琳佢地……

不過都算比我趕得切翻，呼～～

傾完RP，又立即跑去LAB做GIS功課……頂……我同阿恒因為比個Arc Map的bug，玩左一個幾鍾……做到五點半都未做好，不過真係學倒野，對GIS的興趣又上升左～～

途中得知Kerry昨日全日整展板，重要upload 1.6Gb去個公司server，搞到佢五點先有得訓，真係辛苦曬佢啦！！不愧為我直屬上司宣傳一︿︿

翻到家，收MAIL，見倒GEOID新莊員的通知信，當中有句好正：「03-04年度外務秘書梁俊佳(Guy)將於十月二十三日下午二時三十分假LT3舉行聯校地理學會會員大會,並於十月三十日正式卸任。」

哈哈哈！！！講到個會係我一人召開咁，哈哈哈！！！

＝＝＝＝＝＝＝＝＝＝＝
Queen：似乎凡係後生仔女都唔鍾意天國的雞批喎

Ada：我鍾意呢句：「好鬼羨慕你咁鬼勁」，用鬼字用到出神入化，不過其實我Geog唔勁，哈哈哈～～～地理知識極度唔掂～～基本上我連香港十八區在邊都唔太清楚，死未？︿︿不過，我會以我微薄的地理知識，盡力襄助，放心啦！

Raymond：我地阿媽都幾臭味相投喎咁～～

>>October 21, 2004 at 11:04:33 AM GMT+8

2004 年 10 月 17 日 星期日 【晴】

今日終於將RP PRESENT收皮！
真係好激，80分鍾PRESENT（六個人），30分Q＆A。
不過連埋篇五千字的論文，加埋都係佔20％……回報重低過urban～～頂

PRE完，同hist的嘉麗同suzanne去百味閣食早餐

跟住上GIS，然後上一堂走一堂regional～～呵呵呵


阿媽最近又學人追天國的雞批，話時話，套劇真係好肉麻，集集都流曬馬尿，何靜書～～～城駿哥～～～～頂……個男主角個死樣，真係想打爆佢

>>October 18, 2004 at 3:10:14 PM GMT+8

2004 年 10 月 14 日 星期四 【晴】

「究竟我在何時變成現在的模樣？」放學與Kerry聊時，突然反省出這個問題。

這幾個月，我變了很多。不過沒有出於半點刻意，反而變了自己也不自覺。

要找出哪一刻開始變，為甚麼而變，我毫無頭緒。印象中， 大概是OCAMP後開始，但為甚麼是OCAMP後又想不出原因……

不理了，總之，我為自己將能替莊務劃上理想的休止符，感到萬分興奮！


有一個人我必需衷心多謝的，不過肉麻的話日後有機會再說罷。

==================================
Raymond：搞錯啦～～我係去AC HALLbookLT3呀，果日新一屆聯地AGM嘛～～

Gene：咪扮傻丫唔該，哈哈哈！

>>October 15, 2004 at 3:53:55 PM GMT+8

2004 年 10 月 13 日 星期三 【晴】

好耐無過咁溫書法。為左準備星期一個RP PRESENT，今日由十一點溫到五點，雖然重未溫曬，但已溫的部分，其題旨已有相當把握……好耐無咁用腦法啦～～～

雖然個腦好累，而且重未完全整理好所謂「自由主義的」概念系統，不過而家真係好暢快～～～長期對呢科的諸多困惑，今日得以一一解開，爽呀！！

溫書期間，遇到阿ROY，佢首次以吐苦水方式，大數那「西人」的不是；終於連阿ROY都喊救命；beta-EFFECT的影響力真係強，佢個sphere of influence似乎重勁過world class city……


最後沉迷於一隻叫CALL OF DUTY的熗GAME，搞到我有時不顧自己的現實的DUTY，來玩佢，真係有點諷刺，哈哈哈～～來幾多，死幾多！！殺殺殺！！

>>October 14, 2004 at 10:32:51 AM GMT+8

2004 年 10 月 11 日 星期一 【晴】

＝＝＝＝＝＝＝＝＝＝＝＝＝＝＝＝＝＝＝

學術周海報

（初版，然後會交給直屬上師宣傳一Kerry修改字型及加插資料）

　

社會科學院售賣周海報

（完全hea做，但竟然收貨，很難想像這張海報會變成易拉架掛起來）

2004 年 10 月 10 日 星期日 【晴】

食左幾日盤尼西林，發炎程況終於受到控制啦：）
好在我睇醫生睇得早，食藥就可以好翻！病向淺中醫果然有道理！
經此一役，真係得到教訓，決心要重建自己身體的機能！
係時候反省一下自己的生活模式啦～～～

患病期間，有唔少好友以icq問候我，真係多謝您地～～～呵呵呵，估唔到我既組女阿殷有睇我日記喎︿︿

原本已經整好的Salesweek及學術周海報，比Kerry提左一提，要由頭整過，因為自己大幪，唔記得要SET好解象度。

今日上完GIS就即刻走人，又走regional，去左灣仔買Keybroad，買倒隻好野！

阿恒睇HIST的PRSENT及PAPER的referrence睇到跳曬樓，不過比我都會，因為佢份suggested articules好多「語害」，根本唔係人睇（更唔係正常有腦的人寫）。

聽日要同人傾rp present，但d參考書一頁都未望過，點算呢？

＝＝＝＝＝＝＝＝＝＝＝＝＝＝＝＝＝
Raymond、Opal、Gene、Tim：Thanks for caring !
Natalie：我都有預感妳會長命過我，但我一定想辦法要拉埋妳落去見撒旦（當然最好就係妳同上帝傾掂數，比我上埋天堂啦，哈哈哈）
Charcoal：我睇過相關資料，雖然係common，但係醫學界話未有證據顯示呢個手術可以治本，而且好多潛在副作用／後遺症～～～加上我唔想再住院，所以都係唔做啦～～～

>>October 11, 2004 at 11:03:52 AM GMT+8

2004 年 10 月 6 日 星期三 【晴】

震驚！

睇左醫生，仆街洛，又扁桃線發炎？唔X係呀？！
又係果個醫生（BU診所），又係果句說話：「梁生，如果D藥無效，我諗你要去做手術啦」；不過今次重誇，係成條扁桃線切左去……係大手術，會痛足一個星期以上……

為左儘快食藥，去左六合食野填肚。點知重跌X埋部手機！好在翻到屋企知道，六合幫我KEEP住…

我一返來，立即睇書求救，從書架上找出《令你震驚的健康真相》，其中一章係講扁桃線炎，作者超強烈反對切扁桃線。佢綜合多個權威的意見，加上自己的經歷（佢又係廿歲切左扁桃線炎）及多年研究，說明切扁桃線係一個極具爭議的手術，千萬不要做。

咁我而家點呀即係？

>>October 7, 2004 at 11:46:58 AM GMT+8

2004 年 10 月 6 日 星期三 【晴】

見最近咁多病左，都幾肯定自己唔可以獨善其身ｇａ啦，估唔到咁快就中招……

我Ｄ扺抗力素來比人弱ｄ，二十年來無一年唔病翻一兩次；懷疑係自己重得十個月大時，患上典型肺炎（我細個真係好多病，辛苦曬阿媽），所以影響扺抗力系統的發展．除非果排做開運動，否則如果有一個月都無做運動，再加上流感期間，自己幾乎１００％會中招．次次病左就後悔做乜唔做運動……

好辛苦呀～～唔翻得屋企休息，要等浸會開會日的briefing session……我已經成個星期無覺好訓啦，快ｄ比我走啦＞＜

大佬，千奇咪惡化呀，我重有好多tasks無完成ＧＡ，一大堆功課，PRESENT，聯地開會，聯地ＡＧＭ，做「宣傳二」（如果我病左，保證阿ke要做到跳曬樓）……



今日終於完成「蛻變計畫」（我稱為脫皮計劃），要做多一次ＴＥＳＴ，對比一年前的自己；哇！成績好大分別！睇黎我真係脫皮成功啦～～～感謝李天命，感謝兩個莊，感謝自己！ｂｒａｖｏ！

究竟李生本新書幾時出ｇａ，十月啦喎……

>>October 7, 2004 at 8:13:05 AM GMT+8

2004 年 10 月 5 日 星期二 【晴】

今朝要interview班新莊員，哈哈，比人in就試得多，in人都係第一次。
為保機密，不在此下意見：）


RP的社會哲學真係幾正，各位下學期可以考慮選修，真係學倒野（反正你地都要被迫選一科Level2的哲學）。正的地方，係果位講師本身都係教開思考方法學（亦即李天命的思方學），所以思想的銳利程度遠高於一般講師，而且極著重討論（哲學的最佳學習方式就是討論或辯論），深得我心；不過佢D性格我唔鍾意。




＝＝＝＝＝＝＝＝＝
Moses；多謝︿︿不過我都係得個講字，實行起上來，好難100％做倒。

Amanda：係呀，即係賺左千幾蚊港紙呀！不過已經係中四的事啦～～

>>October 7, 2004 at 12:59:42 PM GMT+8

2004 年 10 月 3 日 星期日 【晴】

怪事：

晚上收到一張來自矽谷銀行的支票，有0.18美元……有我個名，有我個地址……咩事？！
（不過N年前都試過賺網上廣告錢，共賺了約二百美元，呵呵呵～～）

＝＝＝＝＝＝＝
思緒筆記一：不敗

論辯時，只要謙恭有禮，早立不敗之地；即使手持的理據多麼脆弱，口才多麼笨拙；
論辯時，只需狂妄無禮，立墬無底之淵；即使手持的理據如何堅強，口才如何出眾。

真理會向人際關係低頭。

＝＝＝＝＝＝＝＝
思緒筆記二：「唔放人在眼內」的哲學

遇到一個令人討厭的人，我們不要「睇佢唔起」，而該選擇「唔放佢在眼內」，以達清心之境。「睇佢唔起」會令我們把注意力過份集中在一個我們討厭的人身上，這時討厭的人只會更令人厭惡；「唔放佢在眼內」會引領我地達「本來無一物，何處惹塵埃」之境，這時討厭的人早已不再存在。

>>October 4, 2004 at 4:13:15 PM GMT+8