2005 年 2 月 17 日 星期四 【颳風】

今朝一覺醒來已是 9:00am 了.
返去都上唔到堂啦........
唉...........又懶左一日, 亦都係自製左一日 day off 俾自己.

無無聊聊下
跟住又返去同 Kelly report 個春茗財政報告同返工.

今晚恆生銀行搞0的類似 train 員工的 forum.
哈~ 聽落都幾正, 真係學到0的野喎~
Vision--> Mission--> Passion..........唔係好記得 loo.
仲有0的 management 技巧.

今晚0係日記版呢到 upload 左首王力宏的「星座」.
呢首歌幾得意~
有幾首仲好聽, 不過唔知點解 upload 唔到.
不過要等佢十幾秒先 load 到首歌聽.
大家要有耐性先聽到喇~

>>February 18, 2005 at 5:17:54 PM GMT+8

2005 年 2 月 16 日 星期三 【暴雨】

今日搵 Kelly 埋數時, 差點計錯數.
嚇死~~ 無理由爭數 gar ma~
原來係因一少錯漏.

最搞笑的都係 Kelly 成日口中提及 "Samuel" 呢個人.
但係......我地同事中無人叫 Samuel 喎.
原來 Kelly 係講緊李宇傑.
而我一聽到呢個名時都唔記得佢個英文名喎, 呀 Cloud 都唔記得.
最後都要出動到 Kelly 搵返0的新同事個人資料時先知...................係"Simon"~
Samuel, 點解會令 Kelly 成日都記得呢下?~

講返今日, 我又走了 Pacific Asia.
真係無哂心機去上佢堂.
呀 Lyons 真係講得 ma ma 地.

晏晝上了一堂後就返工.
今日 4 人 show 得 3 個人返.
又係一場 hea show.
成場都同呀卓0係到估/問 IQ 題.
有0的 IQ 題真係好搞笑~

夜晚就約了 Michael 同 Margaret 食飯.
今晚去了一間很地道的韓菜館到食~ (真係唔去過都唔知0個到係香港的「韓國街」)
嘩~!!! 真係好正~!!!
唔知係咪因為呢排「大長今」hit, 所以都幾多人食.
我地等左成個鐘先有得食.
不過都抵呀, 0的野真係好食.
辣得黎特別, 石頭飯好好食, 炒粉絲都好彈牙呀~
不過個老闆娘有0的串, 但係又幾搞笑喎佢.

>>February 17, 2005 at 5:48:02 PM GMT+8

2005 年 2 月 15 日 星期二 【陰】

今日係 AC Hall 春茗的日子~
為了準備抽獎禮物, 我專登出左旺角買禮物.
又搵埋朱安一齊行.
哈~
我予工作 (買禮物) 於娛樂 (行模型鋪)~
最後竟然俾我大花了幾百大圓~
我都未試過咁樣瘋狂購物法.
那~ 個大獎—— AC Hall 木牌真係好靚 gar~!
但係由於買得過份得滯, 只係淨番好少 $$ 去買遊戲的檯獎~~
最後竟因這包餅 (檯獎) 而引起了呀康的興趣~
而我地又因而對呀康的"她"很有興趣喎~~

講起遊戲.
我地0個圍今晚都不知幾厲害~~
我地成功擊敗了其餘兩圍, 奪得了一大包餅~~
無論輸了或者贏了, 我地0個圍都「飲杯!!!」
可能就係咁, 我地士氣高昂 !
呀浩 suggest 的呢個遊戲真係幾好玩~

抽獎方面, 我精心挑選的一份獎品—— Audi TT 模型車竟然俾小學生抽到喎. (睇佢有0的無耐)
而個 Winnie the Pool 公仔就俾 Derek 抽中左. (Derek 就好鬼開心喎~)
哈哈~~ 0的男仔禮物去左女仔到；女仔禮物又去左男仔到喎, 搞笑~
好彩, 另外兩部模型車仔俾呀偉抽到；小丸子不倒翁公仔就俾 Becky 抽到.
而大獎就俾呀 Carl 抽到.

本身 $80 的大餐, 最後每人都只是俾 $40.
抵到爛啦~!
因為多得張生同 Kelly 的利是, 仲要多謝張生同武生慷慨解囊, 分別 sponsor 我地 $1000 同 $300~!
仲有唔少得的~ 就係我地窮人會的 sponsor 啦~
哈~ 我做財政, AC Hall 的同事們真有福了~

>>February 17, 2005 at 5:32:44 PM GMT+8

2005 年 2 月 13 日 星期日 【微冷】

今日情人節~
亦都係我0既大情人——呀媽0既生日~
所以今日一家人一齊出左去食飯慶祝.
首先一朝早同老豆呀媽去飲茶.
到夜晚, 又整家人一齊食晚飯.
呀媽生日, 都係離唔開「食」~
不過, 我都送左份禮物俾佢~

講起送禮, 今日我亦都送左份遲來的生日禮物俾小學生.
問返佢鍾唔鍾意份禮物時, 佢就好大聲咁失常起黎~
哈~ 咁樣肯定佢鍾意份禮物啦.

終於都 firm 左春茗的菜單同價錢.
睇黎都唔錯, 價錢又 ok.
呀浩 suggest 0既0個個遊戲真係好正~~~!!!!
真係好鬼想睇人地玩~ (我就唔好搞喇~)
好期待呀~

>>February 14, 2005 at 4:20:25 PM GMT+8

2005 年 2 月 12 日 星期六 【晴】

哈哈~!!
竟然俾呀女發現左我記錯左我搭輕鐵的車號添......
係呀~
我尋日係搭左 507 至0岩~~
我潛意識中記住左我睇完路線圖後的路線~

今日無咩野做.
睇下電視 (嘩~ 今日套「迷失帝國亞特蘭蒂斯」真係幾好睇喎~)
打下機、睇下書、出下街咁.

買左隻 Leehom 新碟, 0的歌真係幾果引, Hip Hop 得黎又有中樂元素加入喎~

不過呢幾日真係成日昏迷到 12 點幾先起身..........
好頹咁.

>>February 13, 2005 at 2:27:49 PM GMT+8

2005 年 2 月 11 日 星期五 【晴】

今日入了屯門拜年加去呀哥屋企食飯.

話說今早搭巴士入到屯門時.
我老豆便叫我們在豐景園下車, 轉搭輕鐵.
但當我落車時先知原來我地要去建生村0個邊.
我睇下個輕鐵路線圖啦.
我都未睇得完, 我老豆就見車就上.......
唉..........唯有迫住追上車.
上到車, 知道0個部係 505, 去良景, 但係唔經建生喎.
我就同呀媽老豆爭論要轉車的問題 (我呀媽話個親戚都無話要轉車；老豆就同我講係去"建新")
我又望勻全個路線圖都無"建新"喎.........我就好無奈.......
突然有個師奶彈出黎同我地講話呢部車去到建生.
我就心存懷疑 (我明明見到個路線圖上的指示喎, 唔通我真係唔相信我0既感知?~)
咁我呀媽老豆就信到十足啦, 佢地話呢個師奶搭左咁耐輕鐵, 唔會有錯.
我唯有又無奈........望住個窗睇景算.
去到大興, 好彩我老豆醒目打俾我親戚問路.
先知道原來要轉車先到 lor.........
我老豆講電話又大聲........成車人都知佢講咩啦.
我呢一刻已經不斷"頂"緊頭先個師奶 ! 遇人不淑呀........好彩我地無去到總站先知.
跟住又有一個大叔行過黎話俾我地聽要點轉車.
終於都遇到真正的有心人.
很多謝佢.
幾經轉接, 我地終於去到建生...........
真係一早俾人玩到 dum dum 轉..........

晏晝就同0的親戚去飲茶.
去間新茶樓到飲.
嘩 !! 我地足足等左成 2 個鐘頭先有得入去食 !!
咩事先? 係咪咁旺呀?!
其實係間酒樓暗地裡俾左0的檯俾熟客仔先.
我頂 !! 咁叫出面0個0的拿飛仔排隊的點先?!
我等0個時仲睇埋一份報紙添喇.
呢間黑店, 唔會再去 !

飲完後就同呀哥去 drive 車.
好耐無 drive 喇.
實在有點緊張.
我地去左龍鼓灘0個邊, 又上左去個觀白海豚0既亭上面吹左陣水.
不過中途都有驚險事發生, 差0的炒車呢.......
無留意個入彎位, 到發現時又唔夠位入, 只好急停同退後.
好彩無車跟住尾.
嘩.........
我0的反應力同判斷力都有待改善.
我咁寫, 實嚇鬼死我0的 friends, 肯定唔敢坐我車~

夜晚又同屋企人同親戚打麻雀~
真係成個新年都打麻雀呀.
今日終於贏錢~
只不過今日打好細, 都係夠我買兩個包.......
都好~ 終於開運~

>>February 12, 2005 at 5:59:26 PM GMT+8

2005 年 2 月 9 日 星期三 【陰晴不定】

麻雀, 真係令人又愛又恨~
那, 我剛剛打日記的時候, 我老豆、呀媽先剛剛由親戚屋企到打完牌返黎.......
我今日晏晝都有去打 (其實正確黎講我地係去拜年的)
最後因為去睇煙花而走了佬.
但係.........都係接住左尋日的黑仔運.........輸 -__-"
估唔到老豆、呀媽返黎時同我講, 佢地都輸了錢 !!
嘩~! 我地成家上左賊船咁呀~~~ 俾我親戚"宰"了我們幾隻"羊牯"...........

今日係年初二~ 爆煙花睇煙花的大日子~
好彩我呀嫂有飛, 可以入去會展到睇煙花, 我當然唔錯過呢個機會啦~
嘩~ 個位真係好正~!
高的又睇到、低的又睇到~
正呀~!!
今年的煙花真係靚呀~
特別喜愛最尾一幕的金色閃閃煙花 !

今晚又唔大霧又無落雨, 真係天公做美.
不過今晚發現, 原來睇煙花前要先知道風向, 唔係就只會睇到0的煙而無花喇.......
那, 今晚就吹東北風.
所以呢........今晚如果0係世貿0個邊睇呢........就肯定得個"煙"字喇.
唔係去高的地方就一定睇到~

>>February 10, 2005 at 4:56:04 PM GMT+8

2005 年 2 月 8 日 星期二 【炎熱】

哈~
新年喇~
希望大家都可以心想事成、身體健康呀 ! (其實呢兩句已經包含左人最想要的東西了)

今年係雞年呀~
仲有兩年, 先到豬仔年~

呢兩日每次開電視時都睇到0的咩風水學者0係到講運情.
哈......我無一次留心聽佢地講.
年年都係咁 gar 啦.
唔知幾時話屬豬好喎, 又唔見我好得去邊~
做好自己本份, 盡了自己的力就足夠了.

最終都係無行到花市........
今年斷左纜添.
之但係由尋晚年三十晚開始, 我就同我爸媽、家姐一路打麻雀打到初一.
哈哈~ 年照過、牌照打~!

雀戰非常之峰回路轉呀.
首先 3 圈, 我成功力保不失.
訓個覺後, 又繼續 continue.
打多了一圈, 呢圈入面我確實贏了不少~
之但係執位後...........除左第一局食了局 3 番後..........
一路就無食過...........人地就係咁自摸..........我就係咁俾............
直至到尾二個西圈先食返局 6 番............
呀.................
輸到嘔血.............

新一年就輸牌.
睇黎我今年不宜賭博.

今日見係新的一年的初一.
專登搞一搞個 diary.
新一年、新景象 ma~
哈~
我 choose 左呢個 background 因為覺得佢好搞笑~
好似小朋友畫畫咁.
兩隻雀振翅高飛~
喻意希望今年能夠步步高升, 搵到好工啦~
雀, 都可以喻意埋麻雀贏錢運高呀~ 哈哈~!!

>>February 9, 2005 at 6:10:34 PM GMT+8

2005 年 2 月 6 日 星期日 【晴】

今日終於都見返太陽喇~
係喎, 呢個日記係無得 choose 天氣係「大霧」, 無得形容之前0個幾日0既天氣.

今日, 我終於都做哂 lab 喇 ~!!!!!
好激動 !!!!!
雖然仲有個 zinc test, 之但係我0的 soil filtrate 用哂, 無得 test loo.
算啦~
0係呢個新年假, 我可以睇睇 references, 整理一下0的 lab results 喇~ (不過希望我有呢個心機啦~)

上完堂, 做哂 lab, 又借埋書, 跟住就 hea 到 4:30pm 見 Kelly.
黎緊呢兩個星期真係超多工返~
那, 人文素質, 你千祈唔好成日取消呀 !
唔係就無得返.

今晚一家人團年.
我要怒執野先至可以騰出一張檯出黎食飯~
哈~ 我真係有超多野~
將所有野搬哂入自己張床上, 竟然係可以放滿一整張床 lor !!

今晚有雞、有冬菇、盤菜、蝦、仲有花膠雞湯..........好多呀~
做死我呀媽呀..........
不過真係同出面的餐廳無得比~

之後, 又將我0的野搬返出廳.
咁先有返張床我訓覺.........

原來今日已經年廿九了.
未行花市添....

>>February 7, 2005 at 4:37:14 PM GMT+8

2005 年 2 月 5 日 星期六 【暴雨】

今日又係返左去做 lab.
巧遇鄧生喎.
佢同我講, 話今年的 hon pro second reader 係會以抽籤黎決定 !!
嘩 !! 唔係玩野呀?
抽籤?
一陣我0個份 soil analysis 俾左鄧生黎做 second reader 咁會點呀?!
佢 urban gar 喎, 點鬼識改我地 physical 0個邊0的野咩?!
等我再去証實一下先, 如果真的話, 真係要同 dept. 反應下意見先得.

晏晝返 AC Hall.
今日又係佈道會.
對住呢個題目, 我就同「小學生」0係樓座到傾下信仰.
始終都係覺得：「威迫利誘」
之不過今次呢個牧師講得幾好喎.
佢講0個0的就好似0係到解答緊我某些疑難咁.
但係, 始終都係唔到肉, 我仲係可以諗到野反駁佢, 所以都係無得著.
呀水就竟然話受到感動, 想行出去決志.
想係好, 但係我地掛住張工作證 gar 喎.......係咪唔係好妥呢........
最終俾我阻止左佢.

放工喇, 今次確實有賺~
跟住呢.
學「小學生」話齋, 我地老師中學生小學生幼稚園學生同 Polly 去左食晚飯~
哈哈~
真係好搞笑, 呢個配搭.
我地去左間0的食物=大排檔食物的台灣飯店.
食飽喇, 跟住呢.
老師中學生小學生就去行行旺角.
今次終於去行過朗豪坊喇~
呢家先行過, 唔算好 out je~
條電梯......真係好長.
0的商店的 distribution 真係好有 pattern 喎, 層次分明.
最衰無一0的休息0既地方, 無得玩「小學生」的「智力遊戲」~
之但係我俾佢玩0既玩銀仔遊戲竟然俾佢好快咁解破左 !!

>>February 7, 2005 at 5:09:51 PM GMT+8