2007 年 8 月 22 日 星期三 【晴】

今朝起身竟然見到陽光普照
心情也好了點，心想今個 weekend 又可以放假又可以出去外邊玩了~

昨晚和她傾了很久
其實我將「計較」這兩個字充昏了頭腦
對，我們的成長經歷不同，誘使大家的想法都不同
但我都相信這就是大家學習相處的課題，我也要努力研習
有些問題說了出來，確是舒服了點

尋晚聽我師兄講佢有個家姐同姐夫，每個月只係俾一千蚊家用
但係就每日來屋企食飯又添飯
問下佢地係咪人工少、好窮啦
點知原來佢地仲高人工過我師兄，又有錢到買樓供樓
有無搞錯呀？有0的咁0既人
一千蚊食飯全包，賺死佢啦！對屋企人都咁，守財奴是也！

>>August 23, 2007 at 3:27:23 AM GMT+8

2007 年 8 月 20 日 星期一 【陰】

前排和女朋友去了日本旅行
輕鬆了幾日，又和她增進了不少感情 (但呢幾日卻鬧了交)

點知返到黎後事事就不如意了
先是電腦死了、跟住又屋企0的電器壞了
今日隻錶仲壞埋
唉……最痛心的都是部電腦 harddisk 死了，要整又要好貴，0的相呀等等重要野無哂喇！！
唯有等 Benny 返黎幫我睇睇有無得救啦……
點解自己咁懶唔做 back-up 呢……

心情太差和煩躁的關係，和女朋友鬧了很多場
自己的價值觀和她太不同了
我對她有太大期望了
沒有了安全感

做新工又已經做左大半年了
呢份工真係令我無哂朋友
人地放假約出黎，但係我又要返工喎
兼且自己又要挨通宵，自己成個人殘哂，多左好多條白頭髮喇
雖然有人工加、0的同事又幾好人，但係我又想轉工了
督察方面還未有消息，但我今日又 apply 左另一份工了

>>August 21, 2007 at 5:45:45 PM GMT+8

2007 年 6 月 22 日 星期五 【酷熱】

無聊下寫幾隻字先

hoho~ 嘉迪詩
個名又幾好聽喎
多謝你的留言 ^.^

咁我個名係應該叫雷蒙特？
哈哈

今日終於算解決了一件麻煩事
又會這麼不好彩，俾我老豆開口中！
進入生活貧困期……

>>June 23, 2007 at 5:42:17 PM GMT+8

2007 年 6 月 18 日 星期一 【乍寒還暖】

今日好開心
因為可以見返班米埔舊同事
「十年人事幾番新」，我在米埔工作唔洗十年，已經有很多人辭職退休
今日可以在有叔屋企見返佢地真係好！
0係有叔屋企仲可以摘佢種的荔枝食~ 好好味呀！仲有新鮮雞粥食！
但係我地玩玩下突然落起大雨
在雨中企在古舊的漁塘屋前，真的有另一番風味！

美中不足，是我要返工，未盡興就要走了

今日返工遇到一件令人痛快的事
話說我在坐巴士時，有個死飛仔，說話粗俗又大聲
最衰就係佢吐了他「搓圓按扁」後的香口膠落巴士地板上
我見到就眼火爆！
哈哈！天有眼呀！不久佢就不知不覺地自己踩返落去，仲要死蠢到唔知自己衰於「自作孽」上！
痛快痛快！！

今天因為是端午節，夜晚返工時仲同班同事做節呢！
外賣了幾味菜、幾個同事又出去買了隻雞與新鮮蝦回來白灼，還有清保涼食添
很豐富的晚餐呀！

今天是充滿口福的一日！

>>June 19, 2007 at 5:27:44 PM GMT+8

2007 年 6 月 11 日 星期一 【綿綿細雨】

呢排各學校都考試
所以 Candice 都可以有得早放工~
本身諗住一早入去搵她
但係因為責任感驅使我要做一宗交通意外的證人，而遲左先 join 到她
都算好彩，自己無受傷 ^.^

我地一齊睇 vcd
哈哈，可能太悶了，她睇完即刻依著我訓著左
但這樣與她悠閑的過一天，已經好滿足了！

>>June 13, 2007 at 3:16:25 AM GMT+8

2007 年 6 月 9 日 星期六 【颱風】

今天雖然落大雨
又雖然請假先黎落雨，但係我都很開心
因為今日 Candice 陪了我一整天，算做補祝返前日要返工的生日呢

今日因為落雨，所以就0係屋企一整 book 埋去日本旅行的住宿、又研究下點搭車去景點
到下午終於無落雨了
我就問左呀哥借車去街街
其實一早諗住去 MegaBox 玩下，話哂都可以免費泊車
嘩！去到附近已經心知不妙，又有車龍又有人龍，真係好似去左花市咁呢！
太多人同太長龍了，最後決定走

我的認路工夫太差了…
駛住部車都唔知去左邊~
行行下去左鯉魚門~ 都好，我同 Candice 都未黎過
我地參觀左個天后廟又買埋手信
哈哈，真係好似去左旅行咁

夜晚去返九龍灣食飯
由今日起要「臭」錢，所以食飯都搵大家樂食就算 loo~
「臭」錢會有好多用途 gar~

>>June 13, 2007 at 3:08:10 AM GMT+8

2007 年 6 月 7 日 星期四 【颱風】

下著暴雨的早上，可能已令我有點煩躁
加上自己不負責任的唔醒訓，今朝又遲到了……

收到禮物、又切過蛋糕、聽了生日歌及祝福
這是一個久違了的生日哦！
但浮躁的心情似乎要跟我對著幹
很細微的東西、事件已挑起了我反覆的情緒
快樂不快樂，遊走於兩者之間

今天，就是我的生日
祝自己生日要快樂吧！

多謝各家人、朋友的祝賀呀！
容我衷心的對你們說聲對不起
你們對我的生日日子如此牢記，而我卻是一個負心人，真的記不起你們是於那日壽辰
可以的話，下次大家見面時，我會問返大家架喇~

>>June 8, 2007 at 4:31:06 PM GMT+8

2007 年 5 月 28 日 星期一 【晴】

愛是恆久忍耐，又有恩慈
愛是不嫉妒
愛是不自誇，不張狂，不做害羞的事，不求自己的益處
不輕易發怒，不計算別人的惡，不喜歡不義，只喜歡真理
凡事包容，凡事相信，凡事盼望，凡事忍耐
愛是永不止息

真愛，實在要花一生來學習
我不敢說我懂得這一個高深的課題
細看每一句，都不易做到
面對自己深深愛上的都很難
何況要去愛家人、朋友、以致所有的人？
但我知道，只要每一個人都向著這個方向去努力的話
世界會變得好一點，那就先要求自己好了

當你對一個人說「我愛妳」的時候
你明白真愛是什麼嗎？

。「愛是恆久忍耐，又有恩慈」。
對人要有無窮的耐性，加上恩澤慈悲之心

。「愛是不嫉妒」。
如果相信所愛的，便無需嫉妒。愛是付出而不是擁有

。「愛是不自誇」。
不要自高自大，胡亂吹噓自己的好處

。「不張狂」。
不需要向全世界張揚，也不要任性妄為，恃寵生嬌

。「不做害差的事」。
愛要愛得光明磊落，不讓自己以及他人難堪

。「不求自己的益處」。
事事以人為先，不自私不為自己的利益或慾望為考慮
反而為所愛的其他人謀求好處

。「不輕易發怒」。
收歛所有的脾氣，即使錯不在自己
被出賣，也應該交出耐性

。 「不計算別人的惡」。
以德報怨，也不要記仇

。「不喜歡不義，只喜歡真理」。
是包容，不是縱容
所以要在大是大非前站得住腳

。「凡事包容」。
要包容對方好與壞的所有
無論是怎麼的不合理都要包容

。「凡事相信」。
她說了，我就信
這才是絕對的信任，而不是要查證

。「凡事盼望」。
無論如何都不要對一個人或一件事絕望
無論她背叛多少次還是盼望她會回來
無論她失敗多少次都盼望她會做到

。「凡事忍耐」。
事事都耐著性子，別發脾氣，心平氣和的等待

。「愛是永不止息」。
以上這一種愛不是一天或一個月，而是永永遠遠
由現在開始的每一天每一分每一秒
永不停止，也不休假

以上全部都係 copy 自 Candice 的日記
我看完之後猛然地想通了！
亦很慚愧！
我之前的想法又幼稚又膚淺
多謝 Candice 你對我的忍耐和體諒 ^.^

>>May 29, 2007 at 5:06:17 PM GMT+8

2007 年 5 月 23 日 星期三 【酷熱】

酒入愁腸愁更愁，但飲杯酒可以俾自己一種頭重重的感覺，使自己短暫忘記一些東西
原來很多事情都是自己搞出來的，很抱歉
無言

唔。多謝呀卓的信任同支持呀！
有必要時，我會找你這個專業的社工解解結
Many Thanks！

今晚同返班大學 DCSP 的朋友仔食飯
幾好，有的跳了槽，有新工作的挑戰；有的就有所晉升(叫做算吧~)，將被公司派往外國訓練
不知不覺，有幾個朋友都做一份工差不多一年了
原來自己畢業兩年了，但仍無所作為
出黎做野已經唔同讀書了。讀書時候靠自己努力、上堂多留心便有好成績；但做工，沒有際遇或自己無目標，你有幾盡心盡力去做都可能會徒勞無功

>>May 24, 2007 at 3:52:46 PM GMT+8

2007 年 5 月 22 日 星期二 【綿綿細雨】

很感動呀！好耐無人在這裡畫龜留言了！
多謝 Joey 的支持！真係 long time no see 喇

繼續天使與魔鬼爭鬥中，心情還是大上大落，這是一個心理病吧
她今日說還是不去旅行住，有點失望之感，但這可能是一個好的解決方法吧……
今日花了些時間看了幾頁楊采妮寫的書，她寫：「若然將“得不到”的無奈化成憤怒，那麼生活亦會被這份“怨氣”困擾著，這樣你能看得見快樂嗎？」
這是常言道的「知足常樂」，這是一個我需要努力學習的大道理！

今晚搭車見到兩個不同的衰男人
心諗點解有人可以咁無賴同咁賤？
一個可以唔俾錢衝上車？$4.3 姐。連司機都上黎上層問佢入左錢未，但佢答話因為無零錢，跟住司機仲話佢已經唔係第一次！之但係後尾我見到佢手拿一張覆診紙兼一身衣衫殘舊，可見佢是窮得連車費也不能支付吧。(但願這是真的)
另一個男人坐在我前面，他隔離坐著一個少女。但他越坐越埋個女仔到，但係個女仔只有越縮越埋。這分明是一個變態佬！好彩個女仔好快落車，無事發生。但最恐怖的是他即刻坐去個女仔坐過的椅上，不斷地微笑(正確黎講係淫笑)……
呢個世界就係有呢0的變態佬！
所以我每次都不放心女朋友佢自己搭車返屋企，所以無論車費幾貴，路途幾遠，我都盡可能安全送她回家

>>May 23, 2007 at 5:18:45 PM GMT+8