2007 年 5 月 21 日 星期一 【乍寒還暖】

今晚同班同期食飯
一如以往經驗，一大班人食飯，一定會花很多時間去選去那間餐廳食飯 ^-^
最後都係去左 cpk 食 (其實我前日先同 Candice 食完黎)
雖然無見佢地幾個星期，但係我地一見如故，講到雞啄唔斷
唔同環頭的做事方法真的很不同！
跟住我地仲去左影貼紙相，哈哈~ 真係好搞笑！好耐無影貼紙相，又好耐無一班人咁玩哂野咁影了！
貼紙相機都算是生存左好耐的產物，仲未被人捨棄喎

"只要大家都願意繼續努力，願意珍惜對方，多忍讓，多溝通，問題總是可以解決的！！！"
是的，但我也想搵人溝通下
或者我有0的野要問下第三者意見吧
近排經常睡不著或睡得不好，是因為返工令生理時鐘亂了？還是自己腦袋中無聊的思想不斷運轉中？
就黎精神分裂了……
真係幾辛苦！

>>May 22, 2007 at 4:01:28 PM GMT+8

2007 年 5 月 20 日 星期日 【乍寒還暖】

發覺自己唔開心的時間反而多了
都是因為自己想多了，自己拿來煩，皆因自己是男人吧
忍一時或者可以風平浪靜，但過後自己卻心緒不靈

今日睇新聞，話港大學生人工平均有 $15,000！
個市係咪真係咁好呀？
唉……我諗都係因為名牌學校效應 je
哈，但係我又諗，個市咁好，我去考海關督察應該少0的人爭掛？(發夢中)
多我呢家份人工成倍呀！現實地，我都要去試試！
講真，我鍾意在米埔工作多些，但無奈是現實……

>>May 21, 2007 at 5:33:39 PM GMT+8

2007 年 5 月 16 日 星期三 【晴】

點解呢？
是自己心胸太窄了，還是自己太霸道了？
每次和她講道理時，我都會是輸家，我嬲的永遠都毫無道理可言
對啊，我不應去嘗試控制別人的決定
亦不應去期望任何東西會發生吧……
這是「認真」的結果嗎？

唉……慚愧呀！
自己這角色應怎樣飾演？
心情更低落下去……
好彩有工作可分散自己的注意力

>>May 17, 2007 at 5:28:51 PM GMT+8

2007 年 5 月 13 日 星期日 【晴】

昨日是母親節，買了盆假花俾呀媽，但係佢睇黎不太喜歡喎……
或者應該送些較實用的
昨晚一家人一起食晚飯，天詠同謙謙成長了很多了，連謙謙都可以大聲叫我「叔叔~」了 ^0^
小朋友的成長和學習速度真是令人驚訝！

近排經常悶悶不樂，原因可能太多了
睇黎要搵時間做下運動 (專家話做運動可以令人開心0的嗎)，自從出了學堂後都無做過運動了

>>May 14, 2007 at 4:09:43 PM GMT+8

2007 年 5 月 4 日 星期五 【乍寒還暖】

終於出「關」了！
呢家0係機場 DHL 貨運站做驗貨，其實做落都幾好做~
但係唯一唔好的就是要返 shift， 通宵0個更真係幾難頂 gar…(暗瘡都即時加兩粒)
而0的同事都幾玩得
返工仲成日有師姐或隔離組的師姐整的甜品食添呢 ^0^ 咁搞法一定肥死了

本諗住受訓完就有多0的時間陪 Candice 啦，但係呢家返 shift，好難先就到我地大家都有假放
希望唔會影響到大家的感情吧
不過，開心的是我地大家的感情還是有增無減呢~

返左呢份工後少左時間打日記，不過我已有一個日記"紀錄員"~ hehe~ 不過我要訂閱先有得聽呢！

>>May 5, 2007 at 3:53:48 PM GMT+8

2007 年 3 月 23 日 星期五 【暴雨】

多謝哂身在日本的 Man C 及呀卓的關心呀~
收到朋友的關心鼓勵，真係開心。
但係都要向各位朋友講聲 sorry，因為我實在好耐無聯絡各位了，因為受訓的生活太無私人時間了。

今日本身諗住同 Candice 去 Disneyland，但係自己感冒未清，食左藥好唔舒服，而且天陰有雨，所以最終取消了。
搞到她很不開心呢，真係對唔住呀，我真係唔係想去唔成的。（但係今晚睇到她日記的說話，我都無咁自責）

今日和她睇番「緣份精華遊」的 VCD，她想睇好耐的了，又係我衰啦，無時間陪佢睇。都唔錯喎套戲，睇完之後聽到佢把聲開心番0的，咁我都輕鬆番。

上星期勁燒槍，一個星期有三堂燒槍堂，拉成百幾次扳機，真係手到累哂。
燒槍唔係唔好玩，但係燒得多就會有點厭了。有時學校的編課方法真係有點問題…
除左燒槍外，仲要操長槍 for passing out。但係支死鬼槍成 12 磅，單手拎住佢行幾個字真係死人架……

在入面受訓不經不覺已 15 星期，快了快了，快完 20 星期訓練了~！
考試就接住黎，已完成體能和步操考試了，還有槍試、筆試、搜身試、X-光機使用試……
壓力確是大了，但係又唔覺自己大隻左喎。-__-"

>>March 24, 2007 at 6:08:09 PM GMT+8

2007 年 3 月 9 日 星期五 【陰】

進入到受訓的第 13 個星期了，仲頂得順
過得真係好快
仲有一次大考，下個月尾就走得，真正出去做野了
期待 passing out 當日天氣可以好好，大家可以來個令人難忘的大會操！

近期和她磨擦多了
對自己所做的任何一樣野、說的任何一句話都充滿懷疑，究竟點解會導致有這麼多的不滿？
有時有0的野真係一時之間改唔到，而且這是我一貫的想法，大家的想法實在有點差異
需要點時間去幫忙吧
近期上堂都好遊雲，無咩動力，可能是那些堂太悶，又或者是自己心情不佳吧

今年過新年假期時特別覺得過得快，玩得一兩日又要入返學堂…
不過感謝我呀媽幫我周圍「搜刮」多封利是~~
今日決定要數數佢，可以「草」埋第日用！
但係尋晚睇返張銀行數紙，發覺自己原來每月的支出都幾大，那就弊了！

>>March 10, 2007 at 3:06:02 AM GMT+8

2007 年 1 月 4 日 星期四 【微冷】

2007 年了~
2006 年是我的一個難忘的年份
很多很多又開心又甜的回憶~~
寫得很簡單, 但確是很深刻

呢家仍然生活在訓練學校中, 第四個 week 剛剛完
一切漸漸習慣了, 成班同學都熟落了, 不過總有些奇怪、又頂佢唔順的人存在
越學越多野, 越來越多野背了
但又很期待真正出黎返工的日子, 首三年每半年 shift 一次, 應該幾好玩~

>>January 5, 2007 at 2:44:18 PM GMT+8

2006 年 12 月 8 日 星期五 【陰】

今日天氣又涼返少少
終於似返秋冬天氣氛

秋高氣爽, 本應心境舒暢
但係今日心情確實碼碼, 事事不順, plan 好了的事總是完成不到或遲哂先搞掂

時間一日一日咁過
仲有一日就入班了, 有點緊張
聽日要整日執拾行李
搞得有點趕
真係自己拿來衰……

坐車時看了本書
沉思了一會, 但更令我不服
不過我知的, 是我要增加我的忍耐力, 入班 training 是一個好機會吧！

>>December 9, 2006 at 4:52:35 PM GMT+8

2006 年 12 月 7 日 星期四 【晴】

今日終於走左去配 con.
學帶 con. 0個下真係好恐怖, 用隻手插隻眼咁
不過, 最後我都能夠學識了~
希望帶 con. 可以令我 training 時方便0的.

下晝就聽 AFCD 搞0既 forum, 叫「自然心法」
大家綠色團體都有代表參與 (我都係扮哂野咁入去, 心口仲掛住個 WWF 代表牌, hehe~)
呢個 forum 好有意思, discuss 左好多自然旅遊的 info.
不過最 suprise 係完左個 forum 後有書送~ 正！仲要係市面未有得賣的！
臨走時還俾我見到呀嵐, 佢原來去左長春社做 EO, 勁~！
另外還見到 KFBG 的 Wylie, Karen 同 Vera.

之後同米埔同事食飯
哈哈, 佢地真係俾左個驚喜我！
佢地親手整左份禮物送俾我, 真係好感動！呢下真係無 expect 過佢地會送野俾我
前老闆佢仲請埋我食飯添~

>>December 9, 2006 at 4:53:29 PM GMT+8