2005 年 8 月 23 日 星期二 【乍寒還暖】

多謝各位朋友的支持同安慰~
我會繼續努力搵工的 !



===================================================================================

哈, 竟然有人問我保險野~
等我呢家試下解答下你啦
那, 卡耳同學, 你呢個問題都幾有趣~
其實你買人壽保險時先會叫你驗身, 再視乎你0既情況而受唔受你保的
如果你怕驗身, 得, 不過可能要俾貴0的保費而且個保額可能低0的~
所以你怕孔雀石綠會唔會影響你買保險呢, 就要視乎佢驗唔驗埋你有無/ 多唔多積累的孔雀石綠0係身入面喇~
不過我相信呢樣野呢家都無咩醫學研究或者臨床實驗話佢風險好高
而且呢舊孔雀石綠都係呢排先 hit, 我諗0的保單考慮範圍不及於此, 所以你放心啦
就算你有勁多孔雀石綠在身都受你保 (呢家)
而你第日真係因此而死, 都一定有得賠, 人壽 ma, 死就實有得賠~

哈哈, 等我都0係到開個問答環節啦~
大家有咩保險問題都可以問下我, 希望我可以答到你~

===================================================================================

呢排好耐無寫日記, 勁懶
前幾日都係同返0的 fds 食飯
上星期五就同 Michael, Rita 同 Ivan 食飯
今次 Margaret 同呀軍都無黎, 呀軍更係唔知佢返左黎未呢.
呢個 Sales Week 組合, 唔知幾時先齊人 loo......

講起齊人, 不得不提我地「九五折」re-u
因為今次都係唔齊人.......
Mountain 因為唔得閒而無黎
而呀 Gene.......就係因為我地無 firm 實佢同埋佢無帶通訊工具而無黎.....
哎呀.......呀澤就黎要走喇........
等完 Mountain 又要等呀澤了
等價交換???!!!

尋日係老豆牛一
一家人一齊去食晚飯, 天詠都抱埋黎
不過呀嫂無黎, 因為要休養下
下年啦, 下年仲有小 Mike 加入我地的宴席中~
今日我就黑仔了, 俾人倒瀉湯落我隻腳到.............

今晚開會傾 Grad Din 野
估唔到 2+2 的同學仔 Johnny, 呀熊, 小玲都會黎參加喎~ 正~!
大家一齊俾心機搞好佢啦 ~!

===================================================================================

突然有個奇想, 我想由今日開始搞個一日一 B 相專欄~
今日之選：



===================================================================================

今日再加追一條正 link：

http://venus.mocasting.com

>>August 24, 2005 at 6:34:03 PM GMT+8

2005 年 8 月 17 日 星期三 【暴雨】

今日心情雖則沒有 360 度轉善
但係都轉左 180 度喇~

哈哈~~
點解會開心左?
因為我呀嫂今日生左個 BB 仔喇~~~
哈哈哈哈哈哈哈哈哈哈哈哈哈哈哈哈哈哈哈哈哈哈哈
我又多一個背份, 今次做呀叔~

晏晝收到我呀哥消息後, 上完堂後即刻去左醫院探呀嫂同呀姪仔
哈~
姪仔佢已經有名了~
叫昊謙, Mike~
Mike Wong = 米王 = 白粥~
WaHaHa~!!!
好得意呀佢~
雖然 "hip" 埋眼, 但我都覺得佢會係大眼仔~
同埋呀嫂話佢有好厚肉的耳珠, 搞野~
今日探佢時, 佢因為體溫有點低, 要入箱保溫, 所以都係隔住 window 遠睇佢
而且醫院唔俾影相, 所以暫時都未同佢影幅靚相

今日終於上哂0的保險堂
嘩~ 原來真係好多野學
保險真係有好多花款, 而且仲學左好多保險的背後的資料
不過今日又係第一日上堂的0個個 lecturer 教, 又係噴到一地廢話.........
今日0的呀叔呀嬸又勁多問題問喎
頂~ 阻住哂我地落堂的時間 !
今日好似去左0的 AGM 咁, 0的呀叔呀嬸就係0係咁 con. 個 lecturer 咁
都唔知係咪上一代同呢一代的人真係唔同呢, 佢地真係好積極咁問問題
但係.....有0的真係唔需要問 lor 我覺得.....

上完堂, 又係時候要溫書了
27/8 便要考試了

仲記得 Man C 講過, 做保險會斷六親
我其實都擔心會得失我的朋友
但係希望各位朋友不要擔心, 我諗我唔會做保險做 full time 的
就算係, 都會係 part time 吧~
不過~ 我考到個牌先算啦~

>>August 18, 2005 at 3:55:58 PM GMT+8

2005 年 8 月 16 日 星期二 【暴雨】

唉......今日非常不快

米埔終於有消息
今日打黎話我聽個 post 已經 fill up 左
我即刻問佢我係咪 in 得唔好, 點解唔請我
點知佢0既解釋同原因令我非常迷惑同心情低落
佢話我 in 得好好, 但係佢地想請0的 junior 0的的人做呢個位
我即刻問咁係咪即係唔請大學生?
但係佢又話唔係咁0既意思
佢話呢份工比較死板, 同埋佢覺得我比較有 experience, 所以想請0的 junior 多0的的人
我知佢在敷衍我罷了
雖然佢話遲0的會有0的帶隊的工會請人, 但只不過會是 short term, 大約做 2 個月
唉~ 我都不知怎樣應對了

整日也是心情低落呀

總括我的反思而言
第一, 我諗我係輸在 in 得太好, 好得與這份工的工作不合
第二係可能我表現得太過 outgoing, 也與這份工的工作本身不合
第三係可能我在做 test 時做得不好
第四係可能佢覺得我住得遠, 唔想我返工返得咁辛苦

唉.........都唔想諗咁多了
總之覺得今次輸得好唔抵..........
有咩理由係因為我 in 得好, 有 experience 而唔請我 gar?
我零願你講真話, 話我知我差0的咩, 衰0的咩仲好
起碼我會好過0的
也會覺得輸得抵.

唉~~

>>August 17, 2005 at 4:55:30 PM GMT+8

2005 年 8 月 15 日 星期一 【雷雨】

今日真係要檢討一下
起身時已是 12 點
shxt.......遲哂到, 索性唔上喇

2 點鐘要去 interview, 但係又係 shxt......塞車, 遲到.........

哈, 但係我一上到去間公司, 嚇了我一跳 !
竟是一間美容公司「美型堂」??!!!
唔係下話
我 apply 0個間明明唔係呢間喎
原來係間公司同美容公司係 partnership 關係
係幫美容公司做 marketing 同 sales.
唉~ 真係玩野, 咁咪即係要我 sell 美容 products 同 services?~
你唔好玩我啦

當我見到咁0既情況, 我已經亂咁同 hea 填表
仲要幾 hea 咁 in.
差唔多無諗過就答佢問題
但係.......我覺得自己竟然答得唔錯........有幾條佢仲 "up" 哂頭..........
頂.........你之後千祈唔好話請我呀, 我今次係無心戀戰地 in gar !

返屋企, 頭痛到爆了
訓、訓...........訓到夜晚 9 點幾 !!!!!

原來英國保誠今日有搵過我, 但係震機聽唔到
死啦, 佢一定係問我做咩今日唔上堂~
點答佢好呢?~!
唔驚佢唔請我, 驚佢要我俾返0的上堂費 ja.

>>August 16, 2005 at 5:30:40 PM GMT+8

2005 年 8 月 14 日 星期日 【乍寒還暖】

緊接住由西貢出返黎, 就係出又一城上堂
嘩, 頂 !!
條友吹左成個鐘水, 噴到一地費話先開始講書 !
真係想死.......

不過我上左一陣堂, 拎左 notes 後就走人
因為約左屋企人食 buffet~
buffet 地點為美麗華酒店
哈哈~ 我去到又係怒食魚生同 Susi 同甜品~
不過食左 4 rounds 已經不支了.......
唉~ 我0既食力真係差左

食飽之後的活動就係......
哈哈~ 同天詠玩~
因為家姐帶埋佢黎食野, 當然, 天詠佢係無食到啦~
我地勁同佢影即影即有相
好搞笑~
不過佢真係有0的可憐~ 因為俾我地輪流抱住黎玩同影相~

食飽, 返左屋企訓左一陣

然後又出去開會同入元朗食飯
哈~ 今次竟然大家都就大媚而入元朗食飯~
不過好開心呀, 大家好耐無見, 好多野傾同好好笑
今晚有我、Kiki 、呀包、Arthur、Yuki、麗霞、大媚同呀妹~
Arthur 真係好似在返工中屈左好多氣~ 所以0係飯局中不斷串人~
哈哈, 但這才是 Arthur 呀~
而且麗霞同 Yuki 仲大派手信呢~ 多謝哂~
之但係我呢.........唉, 真係失禮~

之後去左 B 仔食糖水
Man C 同呀軒都 join 埋
但係大媚請喎~
多謝多謝~
可能佢過意唔去我地咁多人就佢啦~ 哈哈!!

夜晚走時.......0的尾班車竟然走哂........
幾經波折, 終於返到屋企, 用左差唔多 2 個鐘遊車河呀......
勁勁累 !!!
預備埋聽日的 interview 後, 即時在床上死掉了 Zzzzz........

>>August 16, 2005 at 5:17:06 PM GMT+8

2005 年 8 月 13 日 星期六 【綿綿細雨】

今日雖然訓得天昏地暗, 但都仲係好累.....
本身約了 Candy 、呀寶佢地 3 點鐘, 但係因為我同屋企人食飯食晏左而遲到
仲要白痴到去錯對面線等巴士.......好彩無上車, 見到個牌去尖咀先至發現自己傻左~~

去到彩虹, 估唔到 David 都出左黎~
哈哈~ 無見佢個幾月了~ 黑左.

入到西貢, join 埋另一個 Candy, 買野

但在 outward bound 入面等 Danny 等到 7 點.....
走時仲要唔記得帶燒烤差......
搞到我地差0的無"差"用~

0係 Danny 屋企天台燒左一陣加吹左一陣水
竟來得一場大雨.........呀寶的 IQ 題果真邪呀~ 哈
之後入屋入面煎鬼埋0的食物去黎食
但係最後有0的食物竟落得為大懲罰之用具.......
點解會有大懲罰? 咪因為我地又打麻雀又玩"搶麻雀"版七級豬 lor~
第一局 5 級豬竟是我輸.........雪糕+煎雞亦.......
哈~ 但係呀寶竟然仲黑仔過我~
hehe~ 都係唔講出黎了~

我們整晚都玩
差不多半通頂

訓得 2 個 hrs 到, 我就要先執野走人, 因為要上堂呀......

>>August 16, 2005 at 5:19:03 PM GMT+8

2005 年 8 月 12 日 星期五 【綿綿細雨】

今日是節目豐富同極累的一日

一朝早 8:00am 去打波~
好彩無落雨, 而且係打完先落雨~
正 !!

跟住去左馬神屋企打 Winning 9 同麻雀~
仲正 !!!
不過輸錢......

跟住夜晚要返工
所以要早走

今晚 AC Hall 做話劇
題材有點悶, 但0的演員都演得幾好~
有0的位都幾好笑~

夜晚在屋企樓下同冷冰食左碗麵
睇唔到綱之練金術師添

>>August 16, 2005 at 4:41:19 PM GMT+8

2005 年 8 月 10 日 星期三 【綿綿細雨】

尋日去左米埔 in 了~
實在太好喇我有呢個機會
我覺得自己 in 得都幾好
希望佢請我吧
呀.......佢話有消息會呢個星期通知
但係我已經好似等唔切咁好想佢快0的打電話黎~

其實今日都有去左英國保誠 second in.
哈~ 我都話佢實請我啦, 睇死佢等人洗.
今日佢已經叫我去0的新同事的 orientation, 聽下佢地0的 seminar, 仲要幫我報埋 course 考保險中介人牌.
佢話考到個牌就同我簽 contract.
我諗咁已經叫做算請我喇掛.

一切都好似好快咁, 無啦啦已經話要同我報 course.
我都唔知點回應佢
有 course 上就上埋佢啦, 還掂免費, 而且考多個牌跟身無壞~
但係做唔做呢份工就真係心大心細.......

拿, WWF 話請我的話就一定做 WWF 啦

家姐話：唔好有咁大期望, 期望越大失望越大.
嘩.........但係我真係有好大期望0係米埔到喎~

>>August 11, 2005 at 5:10:58 PM GMT+8

2005 年 8 月 6 日 星期六 【晴】

今日一家人一齊飲下午茶~
真係開心~
難得可以聚埋一齊~
不過辛苦老豆去排隊拿籌先 ^0^
今日有埋天詠添~
而且我呀嫂個肚今日已經 37 周, 仲有 3 周就到預產期~
哈哈~~ 第日我地要開多兩個位喇一檯~
最搞笑係我今日有半程都係抱住天詠黎飲茶, 一抱佢就訓著喇, 哈 ! 我實在抱得佢太舒服了~

夜晚返工
嘩, 感覺係好耐無返工了
去完流浪返黎, 一返工的感覺唔同哂~
好懷念同好珍惜返 AC Hall 的時間
所以今晚返工都落力0的.

放工之後同呀 Bert, Ina, 浩, 清霞, 傑, 卓, 宸宸一齊去食飯
好開心呀~
我們的 spy plan~

唔知點解呀傑話我今晚係我最後一晚返工
但係我下星期都有得返 lor.......-__-"

有0的人真係唔好亂講野, 搞到我好難做.
雖然係無野, 但係都令到我唔想出聲.

>>August 7, 2005 at 6:31:32 PM GMT+8

2005 年 8 月 5 日 星期五 【晴】

今日是和 Benny farewell 的日子
首先的節目是打籃球~
好耐無約一大班人出黎了, 仲要係晏晝 4 點幾出黎打波
好開心~
不過始終都係唔齊人.......

打完波, 出了成身汗, 正呀~!!
呢下感覺真係好~

之後去左寧記打邊爐
一次過滿足左 Benny 的兩個願望啦~
我地 7 個人去食, 但係原來0個到 8 個人計 7 個人錢.
唉.....之但係最後都係搵唔夠 8 個人.

過了今日, 要等一年後先可以再同 Benny 佢一齊打波一齊打邊爐了.......

>>August 7, 2005 at 6:02:34 PM GMT+8