2005 年 5 月 10 日 星期二 【陰】

近排發覺自己反應慢左、又低低 bb 咁......
跟住前日睇電視話有隻 parasite 進入人體後會寄生0係個腦到, 會搞到個人反應遲鈍、傻下傻下咁......(千祈唔好食未熟的生肉呀, 呢隻蟲就係生長0係生肉到, BBQ 要特別小心~!)
嘩.......唔通我已經中左?
而且又有隻 parasite 係會引起 sleeping illness 喎, 即係成日覺得眼訓~
哈~ 識我0既都知, 我永遠都係好眼訓咁0既樣
又中埋?! 會死 gar 喎 !!
............health geog. 上哂腦呀

呢幾日係咪因為落雨關係呢?
我屋企入面又發現曱甴...........
又係識飛 gar lor..........
low b gar 咩, 一係就幾年無見, 一見返面 je, 就唔捨得要再見多我幾面?
定係屋企 dirty 左呢?
唉........係 dirty 的都無從入手呢, 太多野.........
所以今日買左0的藥餌, 消滅你 !!!

交左 hon. pro., 真係士氣低落呀.
無咩意志去理呢個考試.
而且今次呢個考試所有科我都無咩興趣, 鬼叫 dept. 又唔開科, 而且有兩科又一定要讀咩.

One2Free 個新廣告好正~ 楊過小龍女, 唱「夕陽無限好」............+o+

>>May 11, 2005 at 8:52:11 AM GMT+8

2005 年 5 月 4 日 星期三 【陰】

終於印哂 ref.......
都唔知搞左佢幾耐......

今日好想飲咖啡喎.
而朱安又話聽到傳言話 Starbucks 今日 5-6pm 有免費咖啡飲.
跟住就真係走去睇下啦~
哈~~!!!
點知真係有免費咖啡飲喎 !!
原來係慶祝 Starbucks 在香港成立 5 周年.
飲咩都得, 飲咩都免費~
哈~ 我同朱安就好無聊咁改左今日呢個神奇遭遇為-------「StarBucks 之免費前傳」~~
哈哈~~ 襯哂呢家好 hit 的 Star War~~!!! ^o^

今日突然諗左個故事~
坐住紅豆去眉豆搵綠豆, 跟住又撞到芋頭, 一齊去池塘游水抖抖~
哈哈.......呢個係邊個?
咪就係0窄0渣 lor~

勁無聊.......

死啦, 今日都未開始溫書........行左成日街
睇黎真係想拿0的 GPA 黎燒~

>>May 5, 2005 at 3:31:29 PM GMT+8

2005 年 5 月 2 日 星期一 【微雨】

今朝終於都到我考海關 fittness 的時候了~
初頭個心諗住考唔考到都無所謂.
因為我自己無練過, 仲諗住體能死梗.
哈~ 點知~ 我拿了 17 分喎, 差 3 分就爆燈~
其中的穿梯實在太好玩了~
我都未試過玩過.
穿完個梯, 就好似幫你自己鬆骨咁, "lak lak" 聲咁, 做完之後條腰當堂舒服哂~~
而且, 我竟然可以只用 2'30" 跑完 800m??
哈~ 實在太搞笑, 實在無可能, 大家考生都話個場一定唔夠 800m.

雖然 pass 左體能, 但個 interview 就差到震了.....
問我紀律 VS 自由, 我唯有亂吹, 吹到大家都滴哂汗........
臨完時, 個大粒野問我知唔知現時海關關長係邊個.........
死........我無溫呢樣喎........我唯有答話唔記得左........當場大家 dead air 左 5 秒 =__="
不過我即刻補飛, 轉移視線, 同佢講海關有咩部門.
講完之後.......佢又問我係咪真係講哂..........我唯有答係 lor........我都無溫書..........係今朝睇過下人地份貓紙 ja ma....

呢次 interview 0既經驗實在令我覺得我預備得太 hea.
下次真係唔可以咁.

>>May 3, 2005 at 6:07:16 PM GMT+8

2005 年 5 月 1 日 星期日 【陰】

做咩事呢?
係咪有咩問題?
做錯野? 講錯野? 唔係飯都唔肯同我食下話......

今朝竟然係最早一個返到去返工
哈, 返工就唔夠膽遲到, 返學? 走鬼埋堂添啦~
今日呢場 show 真係 hea 到爆~ 有成個半鐘頭係無野做, 只係坐 gar lor~ hehe~
而且仲收到小學生的一個摟蛋公仔添

今日聽呀偉講佢考消防救護員.
嘩, 真係幾難喎.
聽日我都要考海關了.
都未研究到搭咩車去最近.
佢可唔可以方便少少呢?.....
東隧加價, 運輸處就猛咁叫人早0的出門, 話驚會塞車, 好似做到有0的恐慌
那, 雖然我唔洗過海, 如果聽日照塞車, 我實鬧你 (運輸處) !

>>May 2, 2005 at 1:01:45 PM GMT+8

2005 年 4 月 30 日 星期六 【陰】

今朝遲左起身喎.
比預計起身的時間足足遲左一個鐘 !!
仲要去考飛行服務隊個 eye test 添.
勁驚會遲到無得考.
好彩衝到落巴士站後就有車搭.
嘩 ! 107 號奇快呀 !!
9:30 上車, 竟然 10 點都未夠就去到黃竹坑 !!!!!
實在太令人難以致信 !!!
去到仲可以去埋個 toilet, 慢慢咁坐低等 ^o^

之不過個 eye test 就有0的難喇....
先黎 test 我有無色盲, 但係我有一個圈真係睇唔到入面係咩字喎.......我唯有答無字
應該唔會係我色盲 gua.......我好正常 gar 喎
之後 test 我睇遠野.
但係.......佢竟然要我睇 test 眼0個張紙最下面0個行........即係最細隻字0個行.........
Low B gar !!! 點睇呀?!! 無近視都睇唔清楚啦 !! (雖則我係有近視的 +__+)
我一路係咁答佢：「我睇唔到......」
唔洗 3 分鐘, 我就俾佢趕走........
實係 fail 哂
無得楂飛機啦

算......

今晚竟然出奇地坐定定睇「大長今」~
好耐無試過咁.
呢套劇, 真係好勁, 好睇~
不過都係好多唔明的地方, 例如長今一返宮廷, 成村人就跟住病, 要搵佢醫.
而且長今怒俾人屈, 佢又唔積極咁辯護或者搵證據去 support 自己; 反而醫人就咁鬼積極.
又唔知點解無啦啦可以恢復返個身份喎, 乜0的大臣唔係勁反對佢 gar 咩?? 一個王后就搞掂, 反而一個中宗就毫無對策?
雖然係咁, 但係呢套劇的感情戲真係寫得唔錯, 親情、友情、愛情都寫得好好.

今晚睇睇下電視有隻不速之客入室 !
就係一隻超大形飛曱甴 !!!!
當時只得我一個0係廳, 唯有同佢單挑 !!
首先飛身取得殺蟲水一支作武器 ! 然後向佢怒噴 !!!!
佢當堂好似拍左丸咁暈下暈下, 忙於撤退到露台.
我得勢不饒人, 再噴 !!
嘩, 佢實在好頑強, 絲毫無去死之意.
我唯有...........一腳「泰山壓頂」
嘩 !! 佢竟然仲"旭" !!
再加重「泰山壓頂」之力 !! Dump 一聲佢應聲倒地.
接住落黎就係清理現場.
竟然我執佢條屍時, 佢條仲觸鬚左搖右擺.
太變態了 !!! 點解佢會仲有氣息 !!

記得我細個時都0係屋企遇過飛曱甴.
當時我同我家姐只識大叫好驚同躲埋入房, 等老豆或者呀哥消滅佢.
十幾年前了.
現在已經不同了.
家姐呀哥已經搬走左, 我亦都大個了, 雖然對曱甴仲係幾驚, 但係都能照殺可也 !!
但係, 都係勁驚佢飛埋黎 ~

>>May 1, 2005 at 3:51:40 PM GMT+8

2005 年 4 月 29 日 星期五 【陰】

今日終於搞掂哂所有 paper/ assignment 喇~!!!!
實在太興奮, 但亦都覺得好累.
成差唔多 4 點先做得完.
print 埋 kiki 0個份就即刻衝返學校交.
勁驚 Dept. 關左門呀.
最後都係交左落個 box 到.
但係個 box 係 for GEOG 1160 lor.....
好驚 Lyons 會收唔到, 所以 send 多個 e-mail 話佢聽.
哈~ 估唔到我今晚 check 返 e-mail 時, 佢 reply 返我話收到了.
哈~ 睇落佢又幾有交帶, 負責任.
睇返佢 reply 我0個個時間, 竟然係我 send e-mail 俾佢之後的 10 mins
咁即係佢本身0係 BU 到啦, 早知拍下門睇下佢0係唔0係到先, 咁就唔洗 send e-mail 啦.

呼~

今日返中學0個附近, 竟然見到"滅時姐".
佢瘦左喎, 差0的唔認得.
都好耐無同佢傾偈.

今日亦都收到一個好消息~
呀哥個 B 係仔呀~
即係我將有個姪仔玩喇~!
連埋家姐個 B 女, 第日有一仔一女俾我玩了~
實在太期待......
不過我諗緊, 第日有野做時, 有無咁多時間俾我帶佢地出去玩呢?
始終, 都係覺得讀書係會得閒0的.

今晚 upload 左我地 yr 3 farewell 0的相喇:
http://community.webshots.com/user/old_ray2

而且仲有 AC Hall AGM 0的相:
http://community.webshots.com/user/achall2005

>>April 30, 2005 at 2:32:34 PM GMT+8

2005 年 4 月 28 日 星期四 【陰】

今晚 AC Hall AGM~
成個下晝都係準備佢.
做一個財政都真係唔易......

不過....今晚 out 哂 budget, 死梗.....
但係老闆又話今晚搞得好, 0的野食好夠.
咁都好0的, 佢 like 的, 就可以屈佢俾多少少 sponsor~

今晚終於都落莊.
新莊由清霞 (拿全票的主席~), Polly, 方唐, 宸宸, Mark 上任.
哈, 5 個有 4 個都係林護人喎~
清霞仲想搵埋方唐做埋.
不過都係等我唔做先啦~ 唔好爭飯食呀~

今晚真係難得好多同事返黎.
我地就怒影相, 怒傾偈.
今晚 Kelly 好鬼 high 呢~

今日上左 Department 宣傳 KFBG 個 EI.
多得 Tracey 咁好, 二話不說就話無問題, 可以幫我貼 poster.
跟住落埋 johnson 到貼
大家可以0係 department 範圍內見到張 poster gar la~

>>April 29, 2005 at 4:26:01 PM GMT+8

2005 年 4 月 27 日 星期三 【陰】

今日去嘉道理農場帶隊.
真係好鬼耐無去.
有好多野變左都今日先知.
車船津貼多左 $30 喎~ 加至 $100 ~!!!
嘩 !! 無啦啦發達~
我問 Wylie 點解會加時, Joshua 就細細聲加左句：「係啦...我地都無人工加呀~」
哈~ 笑死.
而且黑仔運返去家鄉0既動物園到 loo.
以後都見唔返佢.
竟然有人偷龜 !!
所以爬行及兩棲動物屋要暫時關閉.
0的人有無搞錯 gar !!!

今日由於耐無帶的關係, 個 route 都帶錯左少少.
0的小學生仲質問我點解要兜圈0既?
hehe.......
佢地走前, 話想去個小賣部到睇睇.
哈~ 我勁似0的導遊咁, 帶0的遊客去"掠"佢地水咁.
但當然, 我係無 commission 收的......

今日亦都帶左一"答"下年 recruit EI 的 poster 返去.
事關佢地話 BU 個 SA 無 reply 佢地 lor....
唉......BU 的行政效率可唔可以高少少??
所以我就答應左佢帶0的 poster 返 BU promote.

其實今日仲遇到一個大陸女人.
有個香港女人帶佢去我前面, 話佢俾人 cheat 左.
嘩.....我即刻驚一驚, 唔關我事喎.
哈~ 原來佢叫我幫佢搵車入元朗.
咁0岩我都要搭去農場0個邊, 0岩路, 就一齊搭左.
我問佢發生咩事.
原來佢係俾人 cheat 走左部手機.
竟然係咁.......
當時0係大埔, 我趕緊時間, 又唔知邊到有警處, 附近又無警察, 所以我都無辦法.
唯有叫佢記住個賊個樣, 返到屋企附近再報警.
不過我睇佢.......我諗佢都唔會報警, 佢好似好怕事.
如果有時間, 我會陪埋佢去報警的.
佢只係好唔憤氣, 話二手電話都係賣得幾百蚊 je !
我心諗, 嘩.......幾百蚊喎, 唔通你覺得少?.......
不過0的人真係衰, 至憎0的人偷呃拐騙 !!!
大家真係要小心0的唔好亂借電話俾陌生人.

其實我全程都同佢講普通話喎, 佢又聽得明~ 即係我都可以用普通話同人 communicate 到啦~


Flora 生日快樂喎~

>>April 29, 2005 at 4:26:40 PM GMT+8

2005 年 4 月 26 日 星期二 【乍寒還暖】

今晚 re-u 呀.
又唔齊人喇......
仲記得之前一至兩個月 re-u 一次.
但之後大家都忙了 (特別係我忙), 所以大家的 re-u 已經變到差不多半年一次了......
第日出到黎做野, 唔知會唔會更甚添.....

今晚聽到 b 哥 b 嫂一事.
實在太過震驚 !!
竟然 !!
b 哥有人睇中 !!
我顏面何存呀??
哈哈~

大家到 sem 尾都好累.
實在太多功課要 sem 尾交了.
不過交了 hon. pro., 已對那些 paper 無咩感覺, 而且更加懶做那些 paper.
唔知各位 yr 3 同學有無同感呢?~

>>April 29, 2005 at 3:54:38 PM GMT+8

2005 年 4 月 24 日 星期日 【乍寒還暖】

今晚 yr 3 fairwell, 笑到我牙校都痛埋.....

玩左踩波同估四字詞語.
哈~ 我地一開始踩波就係被圍攻的一組.
又估唔到我地靠贏左估四字詞語而得到全場冠軍喎~
實在勁呀~!

到食飯的時候, 大家好似餓狗咁搶呀搶~
好快就被洗劫一空.......
大家都唔係幾夠食呢.

跟住又睇返我地 yr 1 入黎時的相、參加活動的相咁.
哈哈.......真係好多相都有我0係到.
確實, 有0的相係我提供的. hehe~~ 所以咪有我 lor~

我地跟住又瘋狂地影相.
又拿「畢業證書」~
張證書真係幾得意~~ 搞到我地成班小丸子同學咁~
多謝班莊員0既心意~

跟住散水.
但由於仲係好肚餓的關係.
我、Kiki、Wallis、Joey、大媚、Lillis、Yuki 同 Arthur 就出左去旺角一間 Paris Cafe 到食野飲野.
食左成份長通粉我都未覺飽呢~~
我地仲0係到玩波子棋, 實在好耐無玩過, 由於要同 Kiki 同歸於盡, 差0的輸鬼埋.......

今晚影左好多相呀, 遲一兩日先 upload.

>>April 25, 2005 at 6:07:51 PM GMT+8