2006 年 8 月 12 日 星期六 【晴】

今日在十分熱的天氣下去左南生圍 BBQ
可能大家都無諗過原來南生圍都有得 BBQ 喎
之不過我係去左一間農場入面燒
唔係個同事介紹都唔識去

一班同事連兩個0靚妹一齊玩
最搞笑都係同兩個鬼打麻雀~
佢地都學得好快喎！
之但係佢地唔識叫「萬子」, 因為佢地唔識睇中文呢~

而且今日係我自己 drive 車最耐的一日
由佐敦去屯門…屯門到元朗…元朗到南生圍…南生圍到油麻地同土瓜灣
嘩~! 係我有牌以來哩數最多的一次！
雖然……都有點生疏~

===================================================================================
女：係呀~ 我好 hea 咁轉左一轉個 bg~ 個 BB 係我姪仔黎 gar, 叫佢謙謙啦~

>>August 13, 2006 at 4:30:14 PM GMT+8

2006 年 8 月 10 日 星期四 【晴】

咁又一個星期了
今個星期病了一日, 乘機請日假抖抖
不過之後0個日返工都唔好得幾多, 多野做得要死
0個日真係幾激氣, 亦都聽到唔少「un」耳的說話
那晚食飯差點和老闆開戰了

聽說老闆呢排心情不快, 怒"look"佢男朋友俾佢的附屬咭
變態的！聽到都令我心寒, 為她的男朋友默哀……
我諗呢排都係因為佢心情差, 我先所以成日俾佢催我要做0個樣要那樣
又可能是我激到她這樣吧~ 哈哈

可以休息兩日了

>>August 11, 2006 at 3:37:16 PM GMT+8

2006 年 8 月 7 日 星期一 【陰】

Shxt……呢排日日眼訓到出汁
返到屋企就真係唔想做野
打日記都懶, 又何況要轉一轉呢個日記背景呢

打到呢一下，又已經恰緊眼訓

不過之前個星期都過得很愉快~
8 月 3 日, 這是一個值得紀念的日子

很不捨得這兩個話很投機的 summer interns.
好笑的是大家對 office 的一事一物也有著同樣的看法！真不簡單！

訓著了……

>>August 8, 2006 at 4:58:59 PM GMT+8

2006 年 7 月 26 日 星期三 【乍寒還暖】

今日大老闆講了一個很有趣的調查結果
跟據一個小調查, 原來大部分做環保工作或研究生態的學者都是在家中排最小的
哈哈~~ 這調查用在我身上就中哂！
0係我地同事當中, 又真係有好多係家中排最小或不是最大的一個仔女
原因係咩呢？
或者一個做大的仔女有極大的家庭壓力吧
父母總想要最大的仔女賺得最多錢, 會緊張他們的前途
而最細的, 或者是因為太過疼愛他吧~

>>August 11, 2006 at 3:25:52 PM GMT+8

2006 年 7 月 22 日 星期六 【晴】

一年一度的書展, 我當然無錯過, 今年仲去了兩次~
今年開始了零晨時份不用收入場費的措施, 當然不能錯過！
但係香港人真係窮得緊要 (包括我), 可以鏗 $20 的魅力真係大, 多人的壯觀場面猶同行花市之景！

兩日內, 我總共掃了五本書同埋一0的書籤
包括：「殺悶思維」、「哲道行者」(我雖然睇過, 但我要過一過擁有它的滋味)、「追蹤蛇影」、「香港陸上哺乳動物圖鑑」、楊采妮出的「愛‧說一聲」
哈哈, 睇黎我真係做野做上腦, 有兩本都係關於自然生態的
另外兩本是李天命的書, 確實, 一睇會上癮~

行完書展, 好似行完山咁
呢家超累~
不過感覺很滿足~

>>July 23, 2006 at 4:52:57 PM GMT+8

2006 年 7 月 15 日 星期六 【乍寒還暖】

覺得自己遠離了很多野
屋企中的事很多都不知
點解呢？
有時事事不稱心

今日公司又有活動搞
好多意見想發表, 真係好多野需要改善！
不過再唔同以前讀書時想講咩就講咩, 想鬧咩就鬧咩, 始終在公司中會有顧忌
有點被點了穴的感覺

有0的人的說話真的有點 un 耳
我想不出可以怎做, 只有不說話作回應
但我不說話時, 請你不要再繼續講吧

在公司有個很好的同事要走了
原因是想休息一下
唉……她是一個難得一見的好人呀, 對她將要離職有點失望

>>July 16, 2006 at 4:12:57 PM GMT+8

2006 年 7 月 13 日 星期四 【綿綿細雨】

第一次覺得很恐怖！
因為今日放工時, 遇到個雷好近米埔
係咁閃電
踏住單車, 見到兩邊不斷有強光, 0的閃電係咁劈落黎
嘩！！傻 gar, 真係好鬼驚被劈中！特別係踏到一段完全無野遮、超級空擴的地方.
搞到我都唔敢由訪客中心0個到踏單車出去
我同幾個同事都跟我老闆車出去
之但係我星期日返工時就要行入去了…… 20 分鐘0既路程呀…… Shxt

今晚去了拿新的身份證
oh …… 很懷念那張舊證
與舊證中的樣比, 只想起一個字：「老」
名副其相的老 Ray

老豆呀媽去了旅遊
黎緊的幾個星期都無啖好食了~

Man C, 我失了蹤？不是吧
只係真的少聯絡了朋友和少打日記吧
這會不會跟世界盃晚晚睇波綜合症有關呢？哈哈

>>July 14, 2006 at 3:35:06 PM GMT+8

2006 年 7 月 9 日 星期日 【陰】

上星期六我們 re-u 了~
真開心！我們今次可以說是齊人了 (當然不包括幾個消失了組孫, 和因 Vincent 要早走吧)
難得一整日都在 re-u 呢
先下午茶, 再睇了套搞笑「鬼域」, 繼而到扒房食焗飯, hoho~
Mountain 同呀澤因由外國 exchange 回來, 特別0岩傾, 佢地兩個真係雞啄唔斷
Mountain 的一問：「咩爐係最原始」真係令我好深刻！
今次 re-u 中收到仔女們的手信, 真係好多謝呀！！

星期日朝因頭痛而爽約
sorry 呀 Kiki 同麗霞

同日, 表妹原來要去外國讀書了
晏晝就去探探佢, 送了幾件小禮, 祝佢一路順風！
不經不覺, 佢已經中四了
在中四時去外國讀書, 或許這是一個好選擇, 可以不用在香港與會考一戰.

世界盃終於結束了
施丹, 真係給了全球人一個遺憾…
十二碼, 真係令人心驚膽跳！
四年後@南非.
四年後, 我又會係點呢？

>>July 10, 2006 at 8:47:11 AM GMT+8

2006 年 7 月 2 日 星期日 【晴】

世界盃月, 真係成個月都無寫日記呢！
仲有幾日, 決賽！ 我 tip 意大利 Vs 葡萄牙！

===================================================================================
信報財經新聞
孔少林
2006-06-14

非牟利仙境

　　朋友的女兒就讀美國名牌私立大學，她品學兼優，關心社會，所想所做由自己決定，在年輕人中屬罕有品種。朋友拜託我幫手為他的女兒找一份暑期工，但聲明她只對非牟利團體感興趣；我聽後擔心起來。

　　「我想加入非牟利團體工作」這句話並不陌生，我朋友之中，不時提這句話的大有人在，他們的共通點是年紀步向中年、賺錢能力奇高、工作壓力巨大。說這句話的時候，他們通常精神近崩潰邊緣，只想遠離工作壓力和是非圈，轉做一些他們認為有意義的工作。幸好朋友之中真的有人在非牟利團體工作，他的經歷幫助大家冷靜處理工作上偶爾的嘮叨。據他所說，非牟利團體跟打工族心目中的童話仙境相距甚遠：

　　一、工作壓力更大。非牟利團體也要「追數」，他們對籌款金額的重視程度，不下於商業機構重視營業額。其實，我們用數據去衡量機構的表現時，商業機構可能較簡單，最終盈利壓倒一切；相反，非牟利團體除了籌款數字，還有行政支出比率、籌款使用效率等不同數據，要令每項數據都達到預期目標，這份工作壓力不小。

　　二、不知誰是老闆。究竟是捐款者？非牟利團體董事局？非牟利團體CEO（對，現在大部分非牟利團體都有 CEO）？是受益人？誰是商業機構的老闆卻清清楚楚。

　　三、辦公室政治更熾熱。為非牟利團體工作的人，心裏大都有一團火；辦公室四周火紅火綠，火花四濺，員工火氣自然十足。員工「篤背脊」、互數是非，勾心鬥角等活動程度，跟這份工作的「有意義」程度成正比；工作愈有意義，政治氣氛愈緊張。

　　四、辦公室廢話更多。如果你以為終於可逃離「人是最重要資產」、「雙贏方案」、「打造平台」等辦公室廢話？你大錯特錯。近幾年，非牟利團體的運作和架構漸趨商業化，它們把商業機構不管是好或是壞的文化，都不加思索通通移植過來。其實，非牟利團體才是企管廢話之都。

　　五、拯救世界機會不多。非牟利團體的電腦一樣會壞、一樣要會計去埋數、員工月尾一樣期待有糧出。在非牟利團體工作，可能就是加入電腦部、會計部、人事部，跟商業機構無異，你不會有太多時間去拯救世界。

　　幸好細姪女懂中文，希望她讀完這篇文章後會三思；我有朋友在摩根士丹利、高盛等工作，我可跟他們聯絡一下。





都市日報
副刊
2006-6-20 邵家臻

非牟利仙境



先旨聲明，「非牟利仙境」不是來自我手筆。

它是《信報》才子孔少林的戲謔，指在非牟利團體工作跟打工族心目中的童話仙境相距甚遠：(1)工作壓力更大。因為非牟利機構又講籌款、又講行政開支又講以人為本，又講工作效率，而每項數據都要達標的話，工作壓力就更大；(2)不知誰是老闆，是捐款者？非牟利團體的董事局？CEO？受益人？還是……(3)辦公室政治更熾熱。原因很簡單，人人心裡有團火，個個性格巨星，越有意義的工作，政治氣氛也越濃，正所謂針無兩頭利；(4)辦公室廢話更多。明明是在運作和架構越趨商業化，非牟利機構不理好醜，將商業機構的好與壞文化統統移植過來，但口裡仍唸著「人是最重要資產」、「雙贏方案」，以致在這裡工作，儼如活在廢話之都。(5)拯救世界的機會不多。在非牟利機構庶務繁重，結果你會沒有時間去拯救世界。

這位眉精眼企的財經文化評論健筆所講的，可能是很多曾經或正在NGO工作的人，想講而講不到的話。對於非牟利仙境*這個訕笑，正好說明了人們集體對NGO的投射和憧憬。人們想做的理想機構，通常都是(1)這裡較為簡單：人事簡單、架構簡單、工作關係簡單、要考量的因素簡單；(2)這裡較重視人：強調人的價值、人際間講信任、人際間的差異受到尊重、人際間的糾紛會公事公辦；(3)這裡將制度和程序都放在後面。因為簡單和信任人，所以制度有也等於無……按這種NGO想像，它的「仙境」正好說明「人對工作環境」的期待。

不過，將NGO的發展放在今日中國的發展脈絡下理解，又是另一種的期待。自2001年底，中國加入了WTO(世界貿易組織)之後，NGO在國內的活動逐漸活躍起來，以致有研究社會發展的學者以為，NGO是中國繼加入WTO之後，最受歡迎的研究課題。根據清華大學NGO研究所副所長鄭國勝的研究，撇開官方背景的NGO不計，中國究竟有幾多草根NGO，根本無法統計。但可以確定的是，中國人結社熱情高漲，NGO在學術界成了新興寵兒。目前，形形色色的NGO在全國各地成立，除了歷史久遠的教育和扶貧NGO之外，今天的NGO在名目、功能和作用上也大異其趣，例如在南京，就有「抓小偷志願協會」出現。

這股NGO熱的出現，必有其原因。有指是經濟發展到一定階段的必然產物。當民間擁有的資源越多，民間自由活動的空間也越大。也有人說這與中國近年的社會失調的關係更直接。越是政府失靈和經濟失靈的領域中，越多NGO出現，人們對NGO有更多期待。這正是折射出人們對中國前途的憂慮，希望NGO成為由下而上改變的突破點……

NGO是「仙境」還是「突破點」，視乎你投射了甚麼？投入了甚麼？
===================================================================================
直情說中了！

>>July 3, 2006 at 1:05:25 PM GMT+8

2006 年 6 月 7 日 星期三 【陰】

我今日玩到喪左
今日係我同天詠的生日, 為左慶祝一下屋企的新成員的一歲生日, 一家人一齊請假, 一齊去左海洋公園玩~

好耐無去海洋公園玩了~
從前是同呀爸呀媽一齊去的, 今日都一樣, 不過唔同的是爸媽都老了, 他們不玩機動遊戲了…
好彩, 有呀哥同姐夫同我一齊顛~
我地差不多玩盡所有機動遊戲, 最好玩的係「滑浪飛船」, 最驚嚇的是「跳樓機」~~
滑浪飛船0的水位高左, 以前只係濕少少身, 呢家差唔多濕哂半個身！

跟住去左睇水母館同熊貓安安佳佳~
睇熊貓, 就諗起我公司…呀~~ 上腦！

玩了一整日, 過足忍左好耐的癮, 正呀！
海洋公園, 始終都係由細到大俾我最多回憶的地方~

夜晚更一家人去了 Little Italy 食飯
生日有蛋糕送呀~

屋企人, 係我生命中最重要的人！
當然, 我的好朋友仔們也是！多謝各給了我生日祝福的朋友呀！

好滿足的一日~
真係玩到頭都痛埋~

>>June 8, 2006 at 3:11:16 PM GMT+8