2005 年 6 月 6 日 星期一 【陰】

今日又係陪左家姐去醫院
今日係聽 BB 0既心跳聲~
哈哈~~ 好快呀跳得~
好鬼得意~
好鬼期待佢出世~
仲有一至兩個星期就做舅父喇~~

今晚出左去同 U fd 一齊食飯慶祝我牛一
有呀軒啦、 Man C 啦、呀包啦、Kiki 啦、呀寶啦、大頭啦同蛋"食達"
多謝哂佢地~~
個波好掂~
但係真係唔捨得打佢~
唔知點解.....個個都祝我搵到好工同女朋友 lor~
你地係咪夾埋 gar?~

>>June 7, 2005 at 3:53:26 PM GMT+8

2005 年 6 月 3 日 星期五 【乍寒還暖】

今日算係最變態的一日........
整日行了 12 個鐘山~~
真係人都顛.......=__=

一早由牛屎堆中出發
行.................行....................行.....................
中途到了石澗, 我地只是行了 1/10 , 就已經唔知點行了
幾個人包括我都唔想放棄, 想繼續前進
但係實在太難了, 水位很高.
而且我們的 goals 不是要完成行程, 只係想定時食飯同有涼沖
多得 Iris 的提醒, 令我們全組人都即時解開難題, 決定回頭, 走另一條路 !

都幾驚險, 我地走回路上時, 就開始下雨.
如果我們還在石澗上時就不堪切想了..........

行到第一個 check pt., 終於0係遇計中的時間內開飯~
大家都食得好飽~~
連野狗都被我們的食物吸引過來
但係, 竟然, 隻狗驚左我??!!
所以我便有「驅狗器」之稱~~

之後又繼續行
第二個 check pt. 係"獅地"
嘩 ~!!! 我地係要爬石上山 lor........
仲要剪埋草、洗埋車~~
但係上到去睇落黎0既風景真係好靚~~
上到去真係好開心~~
坐低休息下、食返個梨同 Energy Bar~~~
即刻個人精神哂~~
Energy "Bra"~~!!!
真係好好笑~

之後呀寶同 Decem 差0的帶左我地落錯山~
哈哈~ 佢地其餘0個幾個人竟然唔理我地 lor !!
真係過份~~ ^0^

行................行.................行.................
好多路都係好似由我地開路咁
真係好 natural~
仲有好多蜘蛛網添 !!
真係多得 Decem 同呀寶幫我地破網開路~

行到入黑了.....
雖然見到遠處的終點
但係都行左好耐先到........
行到呀寶都無哂力, 就死咁0既款

當我地發現有路通去紮營同沖涼時, 大家當堂傻左咁大叫 ~!!
哈哈~ 呢個氣氛真係好正~
士氣大振 !!

紮好營, Wilson、Candy 同呀寶煮野食.
我地就走左去沖涼~
不過都係我衰, 無幫手看住0的野食........所以有堆飯同袋麵包俾流浪狗食左...........
好彩最後大家都0岩0岩夠飽~

之後大家坐埋一齊飲熱美錄、吹吹水
即刻輕鬆哂、又暖返哂~ 真係好難忘、又好開心~~
我地仲表演埋自己的 useless talent~~
真係好搞笑 !!!
Wilson 的「揮發餅」~~

>>June 7, 2005 at 5:19:30 PM GMT+8

2005 年 6 月 2 日 星期四 【溫暖】

一大清早就要同「專業」教練 Danny 一齊跑步........
我地差0的遲到添呢.
跑到氣來氣喘.........
跑到上山仲玩左個無聊遊戲..........
係連佢都引唔到我地笑 lor~

跟住我地 briefing 左一陣要執咩野去行山同露營

到 lunch, 我地係負責 set lunch 0的餐具的 duty team.
砰 ling 硼 lang 下搞掂~
打鐘食飯~

食完飯接著就係執野準備行山同露營
嘩~! 個袋好重呀 !!
每人 5 L 水 !!
又有餐具、食物 (罐頭)、營具等等.......... 10 級重的話有齊 10 級呀 !!
呀寶仲"咩"到講唔到野添~ 哈哈.....

今日由我同 Iris 做領航員.
初頭我滿有信心, 以為自己讀 Geog 的, 睇地圖都 ok 吧.
點知..........實在係「當頭棒喝」呀, 這次失敗叫我不要太驕傲.
原來小路係真係可以好小的 @.@
睇地圖不是一定正確, 尋出正確方向才是最重要 !!

初頭上山, 大家都很辛苦, 大概是大家都不習慣"咩"住那麼重的袋來行山吧 !
也可能是因為我, 因為我帶得實在太快了.........
我份人太過急進衝動, 確是有點說中.

錯過了第一個 check pt. 唯有繼續向前走, 搵我們的露營地點吧.
行到入黑了, 又下著雨
心真的有點急 !
又有點失落, 是我帶得差吧......
經過一段路後, 終於到了終點———嶂上
嘩 ! 那裡很多牛屎呀~~
又好多牛~~

初頭我們因起營和煮食發生了少少爭論
最後都還是解決了.
大家分工合作.
最衰都係落住雨, 搞到好"呢 hea"

食完飯, 大家開左個 e 會
估唔到大家都對呢次旅程很認真 !
實在令人鼓舞 !
大家都對一些問題提出了意見, 令大家都有所共識, 這樣確實是難得呀.

到訓覺時, 雷雨大作
我們多得附近的士多老闆相助, 我們到他鋪中暫避雷雨
個雷真係好近呀.
閃電和雷隔得越近, 即代表個雷很近. (又學到野了~)
0個時都真係幾恐怖 if 無地方避雷.......

雷過後, 大家都去訓了
但到零晨, 突然聽到有人叫我同叫救命
嘩 ! 即刻起身睇下咩事
原來我地個營地俾牛圍 !!!
不過都無計啦, 0的牛又死都唔肯走開, 唔理喇, 照訓
但係我地袋垃圾俾0的牛搞到亂哂 lor........
又周圍拉屎.........
多得 Candy 同呀寶朝早起身去收拾返我地0的混雜著牛屎的垃圾返來 ja ~~
這個, 真是 Nelson 所講的厭惡性工作呀~

仲有樣搞笑野係當我起身時.......0係門口到見到兩隻牛腳..........
嘩~~ 好變態呀~~

>>June 7, 2005 at 5:23:49 PM GMT+8

2005 年 6 月 1 日 星期三 【乍寒還暖】

今天, 是我們試試我們紮的木筏的日子了~~
下海~
萬事皆備後就出海了.
初頭隻筏有點入水, 還以為是正常的, 點知原來真是有問題........
坐在後面的 Wilson 不斷浸下去 !!
嘩 !! 好驚喎 !!
我們為了救救小童軍 Wilson, 我們便 1、2、1、2 不斷加速的前進
加上 Danny 不斷0係到潑水騷擾我地, 我地便更加快的去 !
58 分鐘 !!! 我們終於到達終點, 我們的基地 !!!
實在太令人振奮 !!!!
大家都好開心呀 !!!

支解了我們的木筏後, 我們又來一次跳海 !!
今次沒有0靚仔在旁邊跳了, 又是下著雨, 所以大家都有點 "au"
最後見大家都跳哂, 我唯有都頂硬上啦~
哈~ 真係估唔到我有這份勇氣呀 !

之後我地就要表演返我地0既組歌同組舞.
「WooWaWa............
看木筏漂多遠, 未反艇
看一山萬里路, 路遙慢慢
吃孤島的雞脾, 盡化溫暖
吞那魚、珍珠雞、嘉頓麵包
士格士格力, 士格士格力
信將來能力創
即使無涼沖、即使無覺訓
未曾絕望~~」
Candy 的創作力實在非凡呀~
跳到大家都拍哂手掌挎大個口~

休息左一陣, 又係玩遊戲的時候.
呢個遊戲係叫"ecology"
要我地玩拿0的唔同野返黎養狼/ 兔仔/ 鷹
而且計埋唔同季節有唔同的 no. of lower trophic level animals.
計數, 就真係唔好搞我.
所以我就做跑腿
但係玩呢個遊戲0個陣係超曬 lor........我地個個濕哂, 做哂大瀑布...........
最後我地都係贏左 efficiency~
但係個 total no. 呢...........唔好提喇~

0個晚仲有玩夜行山
但係我地0的男仔係蒙住眼, 俾0的女仔帶住黎行呢.
原來個樹林入面真係黑漆漆的, 真係蒙左眼反而無咁驚~
行左一個鐘 lor.......又係成面瀑布..........

今晚, 終於有得訓房喇 !!
有冷氣添~~
所以 11 點幾就死左0係張床到........

>>June 7, 2005 at 5:20:21 PM GMT+8

2005 年 5 月 31 日 星期二 【乍寒還暖】

今日開始了 5 日的 outward bound 旅程了
一早就爬起身, 超累, 皆因尋晚打了 2 粒鐘波

與 David 他們約了在彩虹地鐵站等
哈,大家包括我還是遲到了.

大家一起搭小巴入去西貢再轉車入大網仔外展訓練基地.
入到去0岩0岩好喎時間~
一大班人一齊行入去, 仲一大班人一齊行錯路添.......

入到去, 個環境真係唔錯~
對住個大海, 一望無際呀~

跟住分組, 之前仲諗住我地 BU 可以自己友一組
點知都係拆散哂.
我同 2 個 Candy, 呀寶同 Decem 一組；而 David 同呀敏一組；但係 Linda 就得自己一個一組了.

我地0個組叫 Scott
聽返教練 Danny 講, Scott 係一個出名的攀山高手.
仲有0的組叫「楊利偉」、「甘地」..........都係0的出名的人.

分組後第一個活動就係去跳海~
嘩.......自己係一個唔太識游水的人.......好彩有救生衣著, 唔係都唔敢跳.
逐個逐個跳落去個海到, 初頭都形容唔到個感覺, 見到有班0靚仔0係隔離 dump dump dump 就跳鬼哂落去, 我唯有都有理無理就跳落去啦~
哈, 合實隻眼, 吸一大口氣, 跳 !!
有點離心力, 之後就直插落海了.
好彩有班好好的隊友過來接我.
之後我地仲要砌埋我地個組名出黎添~
超勁呀！

跟住落黎就係要執野準備今晚去荒島過夜同紮木筏
搬呀搬...........大家都好鬼亂, 皆因大家都未有清楚的分工呀.

出發到荒島, 都差不多入黑了.
快手快腳的搭好左個 hea 幕, 諗住夜晚可以訓.
跟住就研究點紮木筏同開餐~
嘩 !!! 竟然, 我地的食物裡有雞脾同珍珠雞~~~~
Mary 姐實在太愛我們了~
我們大家都為了唔整 dirty 張蓆而背對背咁食雞脾, 成了一個很搞笑的畫面~

食飽飽後就開始紮木筏
紮到累了, 我們便開始諗組歌同組舞
哈哈~~ 這確實是一個很好的休息方法~
Candy 超勁, 好有創作力, 創出了整套搞笑歌 & 舞出來~
正呀~!

充足了電就繼續我們的紮木筏.................
零晨 1 點幾, 大家都去睡了
但.............大家被大堆蚊滋擾而不能入睡........(except Maggie & Nelson~)
一大朝早, 唔洗人叫都已經個個企哂0係到等出發了..........

最記得的, 是這夜大家去 toilet 的場面吧~
對著個海...............被黃色的雨衣圍著.................哈~!

>>June 7, 2005 at 9:18:38 AM GMT+8

2005 年 5 月 30 日 星期一 【晴】

好, 由今日開始補返0的日記先.
今日要記低的是終於睇左 Star War III 喇~!!!!
多得朱安肯被我迫去睇戲.
本身諗住去 apm 到睇
因為新商場 ma, 想睇睇有無料到
點知.........full house lor.........又唔想等下一場喎
所以好 low b 咁走左去德福到睇
哈, 又俾我地趕得切喎.
那那聲食埋個 M 記就去睇 loo.
行去時竟然見到 Celia 喎
嘩, 真係無見佢好耐, 但係又俾我認得佢喎~ 佢都認得我, 證明大家都無咩變樣啦~

Star War 真係好好睇 !!!
自從睇左明珠台重播後就愛上了它~
Yoda 大師真係好勁~~ 超型呀 !
佢講野都好搞笑, 唔0岩 sentence structure 的, 「There's a training, I have prepared for you.」
睇呢套野, 都學到少少英文.
Don't try me !
Skywalker 都 ok 型呀

錄左其餘的幾集 Star War.
但係有集係不齊全的...........因為我老豆有手尾得滯, 臨訓前 stop 機...........-__-"

>>June 7, 2005 at 8:48:03 AM GMT+8

2005 年 5 月 29 日 星期日 【晴】

利記贏左歐冠呀 ~!!!!!!
實在好興奮 !!!!!
估唔到佢可以追返 3 球而且仲贏埋~~
賓里迪斯實在好野~
仲有機會有得打下年的歐冠~

前幾日同 14 個同學仔組成 14 K 北上珠海同澳門玩左 3 日~
嘩, 我地0個團入面原來有個警察~
佢講笑咁話我地千祈唔好叫自己 14 K 咁大聲, 因為唔可以自稱係三合會會員~
呢個警察好型 gar, 成個劉家輝咁樣~!

我地仲被人唔以為我地全班友係 F.5 會考完出黎旅行~
哈哈~!!!!
好耐無試過被人誤認為係細個, 仲要係細左 5 年~~
嘩 !!!!
太搞笑, 諗極都唔知點解?~ 唔通好生左?~

不過玩 3 日, 有 2 日都落雨.........
有0的機動遊戲都玩唔到.
仲要搭纜車搭到全身濕鬼哂 -__-"

去旅行的兩晚, 我都有同大家聚埋一齊吹水同玩 UNO.
呢0的機會真係好難得了, 呢家覺得....
所以點眼訓都一於少理~

時間, 真係行得好快.

前日約左 David 佢地出黎買 Outward Bound 的物件.
點知我出到黎時, 已剩下 David 同呀敏一齊去買 ja......
買左對行山鞋, 不過好大對呀.......買錯了.......
之後又買襪、褲呀咁
大揮霍左一晚
跟住去食飯, 食左碟「墨汁炒海鮮烏冬」........整碟都是黑的..........分不出烏冬、蝦出來........
都幾恐怖~ 又幾有趣喎~

今日係 Kiki 生日.
好搞笑, 我地 9 個人0係 M 記到搞生日 Party~~
實在好正~
唔係有 Kiki, 我都無機會去呢種生日 Party~
好好玩 gar, 有姐姐同我地玩 gar~
有玩到估字遊戲啦, 仲有係答 IQ 題~
玩贏或者答0岩就有獎品 gar~
真係好好笑
未試過可以0係 M 記到大笑大叫大玩一餐~~!!!!

今晚返林護
個客係直銷呀傳銷之類0既
死啦.....我俾左我個電話俾 3 個人 lor.........佢地 fick 我, 個個都好似話得事咁, 所以我咪要俾電話佢 lor.....有咩問題都要搵我 ma.
之後實俾人煩死........sell 野

返完後同小寶、清霞、Mark 同樑去食宵夜
潮洲打冷, 好耐無食 loo, 不過我地叫的就十足似去樂富食的
0係間店入面, 竟然俾我見到同我地一團去珠海澳門的團友 !!!
不過我地無相認, 佢地就唔信我講真 lor....
今晚仲有清霞請食糖水~ 多謝~

後日, 做野人 5 日~

>>May 30, 2005 at 6:19:39 PM GMT+8

2005 年 5 月 23 日 星期一 【綿綿細雨】

今朝出門口時都仲落緊雨.
哈~ 個天真係好
返到去就無落雨兼且放晴, 仲熱到死添呢.....
不過有太陽好過落雨啦~
可以周圍走去影畢業袍相.

今日真係難得地齊人
成班 yr 3 Geog 一齊影畢業相~
太感動了......
應該都無咩機會可以咁樣咁齊人
大家將會各散東西.
所以今日大家都捉住唔同0既人黎影相.
當然唔少得班 Dr. 同 Tracey & Eva 啦~

下年 Eva 唔做了......
無左個靚女0係 Dept. loo.......
雖然同佢唔係好熟, 但係唔知點解佢都可以記得我個名, 而且又成日見到佢喎 (可能我之前成日都0係 lab 附近做 hon. pro.)
不過俾我都唔鍾意0係大學0既 Dept 到做野啦, 實悶死.......

今日著住件袍周圍去.
影了很多相呢.
已經 post 哂上網
http://community.webshots.com/user/old_ray2

估唔到 Dr. Qiu 會記得我, 仲同我相認左同恭喜我.
佢真係一個好 Dr. 呀.
係教書悶左少少 je~

今日臨走前同 Dr. Chung 吹左陣水.
下次返中學實叫埋你~
而且佢仲話記得我份 hon. pro. 做得唔錯~
嘩~~ 係真至好呀~!
佢仲話我地 major 總括黎講都做得好好.
Good~!!

>>May 24, 2005 at 2:19:30 PM GMT+8

2005 年 5 月 22 日 星期日 【晴】

一考完試後就成個人頹廢哂........
打機打機出街訓覺........日日如是
都未正經開始搵工做.
暫時做住社會0既寄生蟲先

其實上個星期三我地九五折兼五四運動一齊 re-u.
三代同堂, 但係班衰孫仔無黎到.......
今次 re-u 的地點竟係尖咀凱悅酒店食 buffet~!!!
初頭聽到都嚇傻了.
不過一次兩次, 唔怕啦~
之不過我覺得唔係好多食物選擇呢..........三文魚 susi 一出.........餓狗蜂擁而至.........

跟住星期六又去左 Benny 屋企打 PS2, 怒玩 Winning 同 GT4~~!!!
正呀 !!!
而且俾朱安破紀錄地 1 分鐘打開紀錄同埋不敗紀錄.

眼見好多 fd 都搵到工做了.
或者各有去向, 繼續讀書呀咁.
而我?
仲未正經去搵工.
一來諗住去埋旅行同 outward bound 先, 二來想享受下最後的暑假生活.

我0既目標都係要拿返個 master
但要"草草"錢先得.
但係又好鬼想自己"咩"住個袋周圍去, 起碼都去下外國流浪一個月啦
之不過........又係錢字作怪............

今日係班 yr 2 抽老細的日子.
結果........一樣是令人「恨不得」
各位同學仔, 唯有接受現實, 努力完成個 hon. pro. 去啦.

原來手頭上有多野都未處理...........
真係自己自找麻煩

>>May 23, 2005 at 4:53:18 PM GMT+8

2005 年 5 月 12 日 星期四 【微雨】

卡耳.
個廣告都破壞左我對楊過0既印象 lor~
哈~!

今日的 G. Thought 實在太好玩.
讀左咁耐書, 考左咁多次試, 都未見過答 Geog. 係要你寫條 speech 出黎~
對象係 freshmen 同中學老師?~
佢呢條 compulsory question 跟本就係鍾謙上年 A.Week 時講的題目 ~!!
好彩我上年有去聽 je~
所以都知應該點答~
哈~! 鍾謙呢下真係好玩野~!
下年分分鐘要人寫 article 添啦~ 要加個 title lor~
不過實在好特別~ 我一路寫一路覺得好搞笑~ 實在紓緩左唔少緊張0既氣氛~

好多同學仔都係最後考呢科.
佢地咁就完成左大學生涯.
我呢? 仲有幾日釣命, 星期二先考完.

各位未考完的同學同朋友仔, 繼續努力呀 !!!
聽到佢地溫得好辛苦, 不過大家0既努力實有回報0既~

呀浩入左院做小手術.
不過今日因為要對付 G. Thought, 所以未得閒探佢住.
希望佢可以好快復原, 踢得返波啦~!

今晚終於去左聞名不如見面的 apm 喇.
真係好朗豪坊 feel, 唔知點解.

唔想讀落去? 真係要諗清楚好.
明白你的想法, 但始終覺得唔好浪費呢個讀書機會.
做野, 始終都係大家下半生的唯一使命.
唔會再有 free 的時間了, 除非有錢得滯 or 退休啦.
無哂目標讀書?
唔知點解, 我從無諗過我讀書的目標是為何......
好似唔知為咩而讀書咁.
for 屋企? 又唔係成家等住我讀完書黎養.
for future? 係 for future 的就唔會讀 Geog 啦~
但我覺得讀書能夠令自己的見識更廣, 思維更完美.
不過.........本人的記憶力甚差.............讀過的...............好多都埋到深處, 搵唔返 loo~~ (^o^)

>>May 13, 2005 at 5:59:33 PM GMT+8