2004 年 12 月 19 日 星期日 【炎熱】

今日有個感覺, 就係考完試仲忙過考緊試.
本身應承左 DCSP 0個到做代表0係 22 號朝 @ LT3 講0的野.
介紹黎緊下年年頭的「華南之旅」.
PC 0個到就講到好簡單咁.
原來其實係佢地同 SA 0個邊缺乏溝通, 咩都唔知 lor !!!
搞到我今日上去 SA 到 briefing 時先知, 我係唔知好多野.
亦都唔知要做咁多野 lor !!!
有點俾人出賣, 擺上檯的感覺 !!!
後日就係喇, 好心早0的 briefing 或者溝通好0的啦唔該 !!!
我呢家好似係中間人咁, 兩邊都有期望, 但係我又呢家先知到做咩同要話返俾 PC 0個邊知.
唉..........Banner 又未有, PC 0個邊竟然連個 banner 要寫咩都問我??!!!!
我頂 !!! 好似搞到我係負責人咁, 我本身0既責任只係講幾句野 gar ja wor !!!
又要無啦啦要整 powerpoint..........SA 0個邊又以為我係會同一 team 人一齊做, 其實佢唔知我連我0的 team members 見都未見過 lor !!!!
咁即係我一個人做哂啦???!!!!!!
聽日 lunch 前又要搞好個 powerpoint, 下晝又要 rehersal 一次, 後日又要 8:45am 晨咁早返去準備 !!!!!
係咪玩野先???!!!! 好嬲怒呀 !!!!!! 講 5 分鐘野 je, 你係咪要搞到我死呀??
簡直係俾 "shit" 我食呀 !!

搞到我今日周圍走, 去完 PC 又等幾粒鐘去 SA, 無哂0的時間 !!
約左人都搞到無得去, 最後自己遲少少一條友去行, 真係好唔開心 !!

頂, 發完顛 !

今晚做 lab, 又要等..........唉............真係就黎頂唔住.
最頂唔住係無野做 ma........
去 AC Hall 到搵同事傾偈, 但係又覺得唔係咁好, 話哂佢地都返緊工.
成日都唔係返工但係又返去, 咁咪同呀 XX 無咩分別?
實在唔得.
仲有 10 個 samples, 即係話聖誕都未做得完, 聖誕不快樂呀...........

>>December 20, 2004 at 4:02:03 PM GMT+8

2004 年 12 月 18 日 星期六 【炎熱】

考完試, 成個人真係無哂動力返 BU 做 lab.
明明搞左鐘早0的起身返去, 潛意識都係照訓可也.
呢排真係 miss 哂個 schedule.

今日自己一條友去左睇 game show.
GT 4 真係好正.............
可惜我唔係好想花千幾蚊去買機同 game.
今年 game show 都係俾 PS2 霸哂, 周圍都係佢, 我諗第日 game show 應該叫 PS2 show.
周圍都有人扮遊戲人物, 又有0的遊戲女, 0的 "ma luck" 佬就係咁搏命影, 都唔知佢地係咪要眼一張、耳一張、口一張咁影0的女...........
最搞笑的算是一個人扮 Gundum, 笑爆咀.........
$25 只係行左個幾鐘, 有0的唔抵的感覺.

0係一個人多的地鐵車卡入面見到熟人的感覺真係好難形容.
真係未試過.
同一時間, 同一車卡遇到朋友的 probability 有幾多呢? (唔計同一時間返學上堂啦)
可能我唔係成日搭開地鐵吧.
當在地鐵中勁無聊周圍望時, 見到朋友, 真係幾開心, 可以有偈傾 ma.

今晚從 Sharon 口中聽到一套「二月十四」的恐怖片~
哈哈~~ 笑死~~!!! 真正的名叫「七月十四」.
如果二月十四都係恐怖片題材, 諗落都幾搞笑~~ 所有街頭的情侶都係黐身鬼 lor, 哈.

>>December 19, 2004 at 3:45:35 PM GMT+8

2004 年 12 月 16 日 星期四 【微冷】

昨日在 lab 中倒下了.
暈舵舵的燒了成晚.
好彩有 Kiki 粒幸福傷風素吊命.
真係要多謝 Kiki 同 Yuki 買埋粥我食.
等到做完個 lab, 終於浮返屋企.
即刻訓低.

好彩今日考試時已經無咩事, 精神狀態仍可接受.
我諗可能係因為今朝見到件超核突的事而刺激............
今朝等巴士返學時, 排0係我隔離0個個呀叔0係到"挖"鼻屎挖左 10 幾分鐘..........
佢仲要0係人地落車時 (0係佢面前) 打 "Hat Chi" !!!!!!
OMG..........咩人黎 gar 呢個...........
我越企越開佢, 佢就越企越埋..........驚死會有人打佢尖咁.

今日考 Applied Geogmo.
Johnson tip 0個0的完全唔中...............
最搞笑係 Johnson 收到風, 知道我地上左 9/F 聲討佢.
佢就遲遲先出現, 哈哈~~!!

終於考哂試.
無哂 incentive 返學校做 lab 了.

夜晚去 join BU staff 的 christmas party.
正式黎講, 佢似0的公司的 annual dinner.
今年都係第一年去, 多謝 AC Hall 老細~!
但竟然唔見有 Geog Dept. 黎 (但係唔知點解我見到 Larry lor.......)
今晚抽中 $50 百佳 coupon~ AC Hall 其他同事有福了, 我將會用佢黎買野 for AC Hall functions 吧.

>>December 17, 2004 at 4:27:45 PM GMT+8

2004 年 12 月 12 日 星期日 【颳風】

今晚覺得好寒......
不過天文台都係話有 18 度喎.
點解呢?.....
我睇都係身子弱左之故.
每日都要靠雞精或者咖啡或者奶茶吊命.
又成日咁坐, 坐到加左0的氣落條車呔到.

考了一半了.
前兩科都算是無失手.
好彩..........
總算過到自己0個關.

閉關 9 樓已經成為我今個月的習慣.
慣性一早返黎又搞到夜晚先走.
呢兩晚仲搞到 11 點先走.
為的就是想聖誕時可以放返個假, 休息下.

今晚0係 dept 出面睇下 board, 見到返我地 Malaysia field camp 的相.
好懷念.
哈~ 有幾幅相都有我正面或者背面, 證明我捕捉鏡頭的天資都頗高~

講起影相, 諗起 Geoid 的"攝比"
等我考完試後去周圍影先~
不過如果個題目係關於大自然就更加好啦~
因為我可以拎我 hon. pro. 影0個0的風景相或者泥相出黎參賽 ma~

其實呢個時間應該係溫緊書.
點知0係到打日記.
無乜 mood 添.

>>December 13, 2004 at 5:05:59 PM GMT+8

2004 年 12 月 8 日 星期三 【微冷】

每次登入寫日記時都會睇到兩篇人地寫的日記 samples.
不過今次嚇鬼死~
一眼就見到 "raymond" 呢個字~ 即刻好 interests 咁睇下~
原來佢講......."raymond 同師母結婚 X 周年.........."
哈!
覺得自己好無聊呢~!

呢排日日返 BU 做 lab.
唔做就一定做唔切 hon pro.
真係無計........
個 sedigraph 又好唔 reliable.......一時非常正常, 一時就 "short" 左...........
我做左成兩個星期了, 都係做得 11 個 samples, 之但係我有 46 個 samples 要 run ........-__-"
它曾經試過壞 printer, run 完個 sample 後個 graph 突然失蹤, run 左幾分鐘就話 finish................等等多不勝數.
不過都多得有 Johnson 同 Benson "二神" 相助, 幫左我好多.

由於做 lab 關係, 日日都留0係 9 樓 lab.
已經當0個到係廁所一樣, 每日都要去下咁........
唉.............我睇黎今個月, 0係0個到0既時間仲多過0係屋企.

一個 sample run 四個鐘, 早返去就可以 run 3 個, 遲左起身就只可 run 2 個.
仲要每次都好多 uncertains..............分分鐘坐0係到等佢 4 個鐘後先知原來0的 data 係唔得的......
286, DOS, Sedigraph, printer, 泥......

夜晚, 9 樓 lab 真係好靜..............
眼訓, 肚餓, 孤寂, 仲要對住0的 notes............

考試

>>December 9, 2004 at 3:31:32 PM GMT+8

2004 年 11 月 29 日 星期一 【晴】

尋日上 yahoo 睇新聞, 見到話嘉道理農場入面發生交通意外.
車上的司機不幸逝世.

到今日, 睇到報紙報導, 原來死者是農場猛禽專家周先生..............
佢好後生...........廿八歲 ja...........
仲記得我當初入黎做 E.I. 前的受訓............佢教識左我好多猛禽的知識.
佢真係名乎其實的一個專家.
仲好記得佢介紹0的鸚鵡0個時.
鸚鵡是喜歡自由的, 而且捉左佢返黎之後, 就好難放返佢走, 因為要搵返佢個 origin 先得........

佢亦都係我認得比較深刻的人, 雖然我連佢個名都唔知.
一來佢後生, 另外就係佢個子矮小, 竟然可以同0的猛禽玩埋一齊? 唔驚俾佢地 "擔" 左去咩?
佢亦都留左少少鬚, 幾型仔的.

而且, 之前每次帶完團之後留0係到食飯時都時常見到佢.
佢係同我同過檯, 坐過我隔離的................
唉............太突然的惡耗了.............

想也沒想過佢會這麼快便離開我們...............

>>November 30, 2004 at 10:50:22 AM GMT+8

2004 年 11 月 27 日 星期六 【微冷】

呢排真係有壓力.
人地問我做哂0的功課未? hon. pro. 做成點呀?
我只有答佢.........我係咩都未做完 lor.........hon. pro., 我已經停左成個星期喇.
透不過氣的感覺, 真真實實的感到.
硬係覺得今個 sem 0的野做黎做去都做唔完, 溫極都溫唔完.
remote sensing 0的 lab, 我真係想打佢.
最衰係一定要我0係 10/F lab 到做, 有得做或我得閒做的時間又唔多, 搞到我同佢「糾纏不清」.
仲有個 individual report 添 lor......
rural 個 report, 我0個 part 都唔知做乜, 想拿高分都真係幾難.

尋日返 BU 聽支莊搞的 seminar.
佢地真係進步左好多.
如果比較返佢地 A.week 個 talk 的話, 真係做得好左好多.
可以睇到佢地今次真係俾心機落去 prepare.
睇得出佢地真係有聽人地的建議.
0係呢個 talk 入面, 0的講者都真係有料, 聽完佢地的想法後, 我都得著唔少.
之後更同呀軒, 沛兒落 canteen 一路食飯一路繼續 discuss~

做完個 teaching evaluation, 我實在太不滿教 Bio 0個個 Dr. Leung.
0係佢份野到, 差唔多咩都 tick 唔同意, 仲忍唔住落左0的 comment.
希望佢會改善下.

聽晚返埋呢個月的最後一場 show, 之後要抽多0的時間溫書
決定考完試先再返工, 實行「考試大哂」原則.

昨晚, 終於忍唔住, 昏迷十二小時.

好, 寫完堆無 organisation 0既野~

>>November 28, 2004 at 8:27:39 AM GMT+8

2004 年 11 月 21 日 星期日 【晴】

嘩.....我無寫日記的日子原來已經好耐.
搞到收到 e-mail 最後通牒我.
我再唔寫0的野就會 delete 我個 account.........
死都寫幾隻字啦, 唔想無哂0的回憶呢.

呢個月係死亡之月.
每個大學生最忙的一段時間.
我, 雖然數落唔係好多野做.
但係唔知點解總係成日都唔得閒.

個 hon. pro. 的進度非常慢.
core 總算已拿哂, 但要等0的泥焗乾先有得繼續做 sedigraph.
況且要開始溫書了, 便當這段等的時間來溫書和完成我的 remote sensing lab..........
remote sensing lab, 做極都做唔完咁, 仲有個 individual report 添.
仲有 rural 份 report. 唉, present 完後總是唔想理佢.

滿腦子都是工作呀.
當然, 個腦有一 part 係想住打機的 ^.^

>>November 22, 2004 at 10:15:24 AM GMT+8

2004 年 11 月 5 日 星期五 【晴】

今日返了中學, 因為今天是校慶大日子 (雖然正日係 11 月 1 號)~
見返唔少熟悉的面孔.
有些人樣子變了不少, 但其實連關係也變了不少,
從前的熟落的朋友, 今天見到, 只是點頭罷了.
各自圍了幾堆人出來.

見返所有老師, 有種說不出的感覺.
有感激、也有興奮.
他們, 是教導我的人.
也是朋友.

最令我感開心的, 竟然是還有師弟妹認得我.
他們, 是我從前搞活動時認識的.
有幾個師弟, 已經長得高大了, 變得成熟了.
感到安慰的, 是有人接手童軍, 他們都能順利升讀中六.

今日感到母校越來越變得好.
學會多了, 設施也在增加, 校園環境整體也漂亮了.
從前 7 年的光景, 留了我的影子, 留了我的回憶..........

想著想著, 唔知未來大學畢業後, 重新踏入大學裡又會是怎樣呢?

>>November 6, 2004 at 4:40:13 PM GMT+8

2004 年 11 月 1 日 星期一 【晴】

出 field 日.
今日的目的地是汀角.
做的是 geomorphic map.
今日終於知道要做咩, 唔似上次做 dip and strike, 都唔知點.

remote sensing 0的 lab. 完全有 GIS lab 的影子.
煩 ~
今日同呀強研究左個幾鐘, 都係做唔出0的咩.....
聽日要繼續努力.

今晚同個朋友傾偈.
quit 莊, 我始終覺得唔係一個好、負責任的方法.

>>November 2, 2004 at 3:39:33 PM GMT+8