2005 年 1 月 14 日 星期五 【颳風】

今朝晨咁早就要起身返工.
實在係太凍喇........好不容易先至肯爬起身.

今日返工呢, 都遇到唔少問題.
set 機都 set 左好耐.
最後好彩都能迎刃而解.
呢0的真係經驗搭夠.
亦都希望班接班人能夠跟我地多0的, 佢地又可以學多0的野.
所以今日我都叫左 Polly 同清霞黎, 順便幫下我手~ hehe~

返呢份班房 technician 工真係開心~
得閒時可以做下自己野, 令我有時間做 lab.
今日做左 9 個 samples. 之不過個 results 硬係覺得有0的問題, 好鬼驚完全白做呀.....

夜晚約左老 Bri 落 bar 睇波.
Man. U. Vs Liverpool.
唉.........我支持的利記竟然大意失波........打多一個人的情況下又迫唔到和.......
不過 Man U 真係防守得好好, 場波又快上快落, 踢得積極, 幾好睇~
最後都係飲左兩支酒, 塊面紅哂.

>>January 15, 2005 at 4:50:09 PM GMT+8

2005 年 1 月 13 日 星期四 【乍雨乍晴】

本來想打返之前的日記.
不過有好多野都唔記得 loo.
唯有寫0的精華吧~

上個星期去左廣州交流 4 日..
訪問企業家以學習他們的管理技巧和危機處理的技巧.
其實個 trip 的目標就唔係幾實現到喇, 0的企業家講的東西都唔係好到題, 只係 sell 佢自己間公司.
而其他的時間就係去周圍玩, 例如去公園、去夜間動物園.........
最好玩的都係識到一班 fds, 差唔多晚晚都聚埋一齊玩 killer、UNO, 搞到我地 4 晚都訓得唔夠 10 個鐘..........
有一晚仲一齊出左去食糖水、飲夜茶.
哈~ 最得意的都是那個「新其士敦蛋」, 好新奇, 個橙挖空之後敦蛋, 加0的橙汁食都幾好食~
唯一最唔開心的都是識到一個不負責任、十分情緒化的人.........

終於都出左 GPA.
唉..........仲係身處滑梯上...........
初頭以為今次都考得唔錯, 點知都係 mid-term 累事.
first hon 大夢完全破滅, 無得追了. 唯有力保 second up.

12 號開學了.
到今日都係上左一堂咁大把.
因為尋日朝早0個堂只上左 5 mins.........我遲到 15 mins 當然就只得望門空歎
今朝又因為前幾晚返工 tired 得滯而唔知醒起身上堂.........
冬天, 真係讓人想訓晏0的呢~

尋日同 Dr. Chung 傾下第日升學的問題.
原來現今想升去香港其他大學讀 post grad. 係一件比登喜馬拉亞山更難的事......
因為自己又唔係標青的人.
去外國讀又貴到死.
呢家個 plan 都係出黎做下野先. Save 下 $$, 搵機會再讀.

尋日終於終於做鬼哂 46 個 samples 的 sedigraph ~!!!!!
簡直係 60 日抗戰呀 !!!
終於抗戰成功.
雖然係咁, 我仲要做 O.C. tests, pH tests 同 conductivity tests.
唔知有無時間做埋0的 soil chemicals 呢?
諗返起, 我都好鬼耐無搵過我老細.

好, 到講返今日.
今晚約左 Flora 食飯.
諗返起, 我都好似由上年已經想約佢約到呢家 loo.
食完之後去左行星光大道.
哈~ 見到個「會變色的街燈」, 果然物如其名~
行行下又點知見到「維港燈光/激光表演」喎. 企0係到睇左陣, 不過都幾悶.....
第一次行呢到, 都唔係想象中那麼靚.
之後去行樓上書店, 睇左本 Mcmug 書, 學左個無聊笑話~
「如果你呀媽係豬, 咁你係咩丫?」
返歸時, 點知大家都係搭 5 號~

>>January 14, 2005 at 4:28:16 PM GMT+8

2005 年 1 月 1 日 星期六 【乍雨乍晴】

今朝始終因為凍的關係, 都係訓到好晏.
都係實行唔到我的「Sem Break 做 Hon. Pro. 大行動」.........

起身 hea 下 hea 下, 都係好不願意咁換衫出門口返工.
返到去, 又見有時間, 就0拿0拿聲上去 lab 到做個 sample 先.

不過講起今日返工.........
好似上左賊船咁..........(學呀女話齋)
返到去先知今日場 show 又係耀升.......Amway 的子公司做的公關 show..........
Low B gar...........要我做足、企足 7 個鐘, 由天光做到天黑........個 show 又悶到嘔血, 係0的人上台講成功心得, 講心路歷程.......
0的人真係自信心過份爆棚, 可以上到台當自己係明星咁叫人做咩做咩, 又個人 solo 半個鐘.........

不過, 都有搞笑的時候.
0的觀眾由於係大陸同胞的關係, 他們的行為比較異相 (我肯定香港人大部分也不會這樣做)
未開場前, 佢地竟然明目張膽食柑、雪梨、雞蛋??!!!! 生活真係好鬼健康.........之但係我地 AC Hall 係唔帶得野食入去食 gar lor........
佢地又當 AC Hall 係景點咁影完又影.
佢地又好鬼投入........人地叫佢做咩就做咩, 拍哂手起身跳哂舞.....--.--"
最搞笑的都是帶佢地跳舞的一班 dancers..........一班大陸師奶又跳又叫.........台下又跟住喎...........
真係........頂..........佢唔順.

我都忍唔住喇.
決定行出去同同事傾下偈好過~
不過間唔中都會入返去會堂到做下野0既~

放左工後就走鬼咁趕去教堂.
皆因之前應承左要返一返去.
食完個 rush dinner, 上到教堂都遲左成個鐘了.
點知........坐低聽左半個鐘...........完.

今晚聽講道話要我們必事奉上帝.
我諗左0的野.
究竟我為咩要信呢? 我為咩要信呢個殺 13 萬人的「神」?
仲話唔信的話就會降災禍...........算唔算係恐嚇?

>>January 2, 2005 at 3:58:52 PM GMT+8

2004 年 12 月 31 日 星期五 【乍雨乍晴】

好寒呀今日........係 42 年黎香港最凍的除夕和元旦呀..............
由於凍的關係, 今日決定唔出街.
Hea 0係屋企 hea 足成日~
好耐未試過咁顛狂的生活：一整日除了食飯外就是打機~~
真係 chi 哂 sin.

>>January 2, 2005 at 3:27:06 PM GMT+8

2004 年 12 月 30 日 星期四 【乍雨乍晴】

前幾日應承左呀媽同佢去工展會.
今日就同佢去行街街行工展會.
老媽子大哂, 麗霞個生日 k 會都唔去 loo.

嘩~ 咁大個仔都係第一次去工展會.
哈~ 仲諗住睇下出哂名的工展會小姐, 點知..........原來今日去係無...........29 號已經收埋哂, 因為個公展會小姐選舉已經 deadline 左.
睇住張飛話選舉仲有得抽獎...........呃我0既, 個選舉都 deadline 左, 獎都無得抽 loo.
不過0個到真係好多野睇~!

我同呀媽好似傻左咁見到0岩心水的就買~
我買的有一部 RX-8 車仔、40 隻 CDR、一張 card、其他食品飲品...........
我呀媽呢...............好似入新年貨咁............我就拎到傻左............真係好多野呀 !!!!
其實有0的鋪頭都有抽獎, 我地都抽到唔少~

買到兩隻手十隻手指都唔得閒, 好似一路行一路舉啞令咁, 好彩巴士有位坐呢.....

夜晚參加左教會的除夕聚餐.
悶到我呢.........發荒呀.........
頂..........個 MC 又唔識搞氣氛, 成圍檯又一個都唔識...........
無參加任何團契的我, 下次真係唔好搞我.
不過, 我其實唔算係一個基督徒 lor, 真係純粹兩陪：陪老豆, 陪呀媽...........

>>January 2, 2005 at 3:28:34 PM GMT+8

2004 年 12 月 29 日 星期三 【乍雨乍晴】

今晚真係好鬼凍.......
一時之間凍到咁.......
之前又鬼死咁熱.......
突然有個奇想, 唔知突然間咁鬼凍, 關唔關大海嘯事呢?
你知啦, 地球係有好多 interactions gar ma.

提起大海嘯, 今日報告的死者已升至過 10 萬.
十分恐怖, 十分可憐.............
睇到報紙上的相片, 最令我深刻的都是那些小童的彷徨無助、逃亡後顯得疲倦的目光.
我也為他們感到無助, 他們可以怎麼辦? 親人死了, 孤苦無依, 大災難後他們的家也被沖走.......
始終, 他們是最弱小的, 需要人照顧的.

無情之災呀..........

神話愛世人, 點解又會俾人間這麼大的災劫呢?
需要同一時間召這麼多人上天國嗎?

今晚「樺」社 re-u~ 去大尾篤 bbq.
有成 30 幾人黎, 算唔錯.
見返好多同學仔.
其實有0的唔熟的連個名都唔記得喇~ (死喇........2 年無見就唔記得喇.........)
之但係 7A 只係得我一個出席..........算是代表吧.
今晚同 Marco、凌鋒吹左好耐水.
一個已經讀緊 master, 一個又就黎要走.
可謂諗都未諗過.
自慚我未諗過我的未來.

今晚大尾篤好似有風暴咁又大風又凍.
唔係有個爐同個帳蓬, 實凍死........
最後大風到個老闆都叫我地走, 因為實在太危險喎.
嘩~

>>December 30, 2004 at 5:18:04 PM GMT+8

2004 年 12 月 28 日 星期二 【乍雨乍晴】

前日星期一成堆人上左去 yuki 的第二頭家玩~
出發0個日都仲未凍, 我就帶得幾件短袖衫上去.
嘩........點知0個晚就無啦啦冷鋒到..........
天文台又話除夕先凍 !!!
香港得 9 度, 我諗上面仲低 2-3 度.
我地一出街食飯, 我就凍到無野講了.
不過我諗我都破哂自己0既紀錄..........得0個 6/7 度出街都只係著住兩件衫 (底一件短袖、外一件外套), 真係入哂「老Ray氏世界大全」~
呢幾日, 我先感覺到冬天的陽光是這麼可愛、暖和, 實在是好得難以形容~

上到去, 我記憶中, 都離不開食同睇 DVD.
另外的時間, 有些就是打保齡、打麻雀、吹水 (專為 yuki 而設的討論區)、訓覺、行街等等.

上面消費有高有低, 有百幾蚊食到飽的; 也有幾百蚊先食得飽的.
最貴的都是車費.

都幾好玩, 輕鬆了幾日.
不過返黎香港, 又感到一些壓力了.

>>December 29, 2004 at 1:14:36 PM GMT+8

2004 年 12 月 24 日 星期五 【陰】

今晚多謝麗霞帶左我返個佈道會.
今晚同0的人傾偈都好似得著到0的野.
始終都係 one on one 咁同人講耶穌先至有用.
之不過我今晚仲未決到志.
仲係爭0的野.

最搞笑係個禮拜堂成個戲院咁 (其實0個到確實之前係個戲院)
0的教友又0係到帶位.
十足似小型版 AC Hall.
0的人仲講：「請盡量向前坐啦~」、「呢到唔帶得野入黎飲 gar 喎」
哈哈~~!!!
簡直同我0係 AC Hall 到返工要做的一樣~
不過人手呢, 就多過我地唔知幾多倍喇~

晏晝同老 Bri 去打籃球~
多謝老 Bri 由馬"馬安"山到出黎同我打.
今日隻手生硬到呢, 難以形容.
運動, 確實係會令人心情輕鬆0的~

老 Bri, 算吧啦, 知道她的諗法就夠了.
不要再花時間與青春吧.
你, 仲有 3 個機 gar~!
哈哈~!

>>December 25, 2004 at 4:29:05 PM GMT+8

2004 年 12 月 23 日 星期四 【晴】

今日始終都係返左 BU 一趟.
問下 Johnson 點做 OC.
今日唔問, 真係要等下年佢放完假先做到.
不過無做到 lab 就走了.
去陪陪老豆食晏.
呢排成日返 BU 做 lab, 好日都唔見下屋企人.
而且老豆佢今日又覆診, 有0的擔心佢.
不過佢話醫生話佢無事, 都放心0的~

唔知點解, 呢排腦入面成日都浮現住「珍惜眼前人」這句說話......
有點邪.........

今日難得可以訓訓晏覺, 打打機~
真係好開心~
不過衰在訓左一陣就俾呀媽叫醒去搬野......

搬的是今晚0係我家姐屋企開的聖誕大 party 的食物~~
嘩~!!!!
有好多野食呀今晚~
有我最喜愛的三文魚刺身、火雞、沙律、盤菜、雞亦、"lor"米飯、鴨舌等等~~
哈哈~~ 成 dull 三文魚差唔多俾我吞哂~ (不過食到我肚都痛....)
食飽之後又睇左套「史力加二」~ 真係好搞笑..........
睇完喇喎, 又食蛋糕~
嘩 !! 個綠茶紅豆白朱古力蛋糕真係好好好好食呀 !!!!!
酒店貨~ 飽死都食左兩件~
好食~
今晚食得好滿足呀~~
食完都忍唔住跳下跳下咁, 好興奮~

今晚平安夜 loo.
祝各位朋友仔聖誕快樂啦~

>>December 24, 2004 at 6:02:43 PM GMT+8

2004 年 12 月 21 日 星期二 【炎熱】

今晚同同學打邊爐同玩遊戲.
真係玩得好顛, 開心, 加左飲左少少紅酒, high 哂~
Johnson 真係咩遊戲都唔識.....超好笑~~ 佢係第一隻七級豬 lor~
交換返黎的是一對手套.
哈~ 我初頭真係估唔到係邊個 gar 呢份.

開心過後, 唔開心和失落的感覺又浮現上來............

今天的際遇, 有點不順利.

>>December 22, 2004 at 4:04:45 PM GMT+8