2006 年 5 月 31 日 星期三 【乍寒還暖】

由星期二開始, 我公司個 office 就與世隔絕左……
因為 connect 唔到 internet
個個都只有做0的唔洗上網先做到的工作
我發覺我地呢家太現代化了, 無了上網就好唔方便, send 個 e-mail, check 個 e-mail 都做唔到
仲搞到我好多 plan 都做唔到……
頂！米埔真係一個鄉村地方
舊唔舊就壞0的野
仲記得上個星期先0岩0岩整返好個 fax 機 lor……
再上幾個星期個 server 仲壞埋

頂！

>>June 1, 2006 at 3:38:06 PM GMT+8

2006 年 5 月 26 日 星期五 【乍寒還暖】

「我有壓力你有壓力！做咩挑釁我？！」
「未解決！未解決！！」
嘩哈哈~~!!!! 我真係勁 out 呀！之前完全唔知有段「巴士呀叔鬧人片」
繼呀佳話我未睇過段片係好 out 之後, Brian 今日都叫我唔好大聲講話未睇過, 唔係會俾人笑…
哈, 所以我今晚忍唔住一定要睇睇佢
真係估唔到有咁多人睇, 咁多人流傳呢段片, 仲要報紙電視新聞同電台都有討論呢件事
嘩, 係咪真係咁大件事先？

「巴士呀叔鬧人片」有字幕版
Donald 呀占玩野版

不過有時0的人講電話真係好大聲, 真係好鬼擾民, 但係呢個問題真係無得解決喎, 無奈！

補返前幾日的日記先
星期三夜晚同班師弟妹一齊支持呀 Gene, 去睇佢參與表演的「Isabeau」
「噪夠未呀你？！」呀 Gene 的一句驚人對白, 又已經成為左我地當晚的常用語
哈哈~! 我覺得0個個後生仔應該咁樣同返個呀叔講 lor ~
呀 Gene, 當晚的表演非常好睇呀！你地0的 movement 都做得好好

星期四0個日下晝同個同事出左去參加個 seminar
嘩……出到去先知原來呢個 seminar 係一個圓桌會議, 大家0係到討論 rural tourism 的問題
哈哈, 我同我同事好似個學生走左入去個會到 sit 會咁, 無俾任何意見 (皆因我地無呢方面經驗).
都好, 0個日0係九龍塘到散, 雖然都係 5:30pm 散, 但係我就在差不多 6 點鐘就返到屋企~~~
實在同0係米埔到走差天共地呀！

星期五就全日出左去中環總 office 開會
嘩~ 又係正呀！我0個日 8 點鐘先出門口, 返到去都係 8:33am ！！！
米埔? 我係要 7 點鐘出門口 lor ！
0個日開完會後, 多數時間都係同中環同事吹水, 吹到唔抹咀, 成地都係口水~
吹到成條河之際, 咁就放工！嘩哈哈~~~ 做了整日冗員
I love Central Office ~~

今日俾我發現左有人模仿我公司的 Logo !!


Post 下一張影左好鬼耐但又覺得好得意的姪仔相


>>May 27, 2006 at 3:05:24 PM GMT+8

2006 年 5 月 21 日 星期日 【雨】

越來越覺得自己對很多事都不滿足
很想搵多0的錢, 多0的時間陪屋企人, 同 fd 多0的出黎食飯, 讀多點書, 多少少精神俾我返工……
是我變了？
希望這亦是迫我求進步的動力！

在 Gene 的日記中看到 TO 九五折的 留言
click 入去睇
我真係好開心又感動……
對, 我們很有幸地相識而且亦成位了一家人
很開心你們可以 keep 住呢份友誼, 共同去過屬於你們的三年大學生活
「短短三天, 成了三年的戰友」
從字裡行間, 見到呀 Gene 好珍惜我地呢份緣份
對！我都很珍惜的！作為一個老豆, 見到自己的仔女相處融洽、互相幫助扶持, 真係興奮莫名~
對！我們要 keep 住出來聚聚
I want to say Thank you all of you too, 各位乖仔乖女~!

>>May 22, 2006 at 3:01:15 PM GMT+8

2006 年 5 月 20 日 星期六 【雨】

點解天文台話「珍珠」後會好好天？咁今日同尋日的天氣叫做咩？
今日落住雨, 又要返工, 我真係好唔鍾意落雨時返工 or 返工時落雨！

今日雖然落住雨, 但係都有好多人黎米埔參觀
當然啦, 俾左錢, 落狗 shxt 都黎！$180 一個人喎呢個活動！
今日, 我的崗位是在觀鳥屋內向參加者介紹雀鳥
Oh~~ 簡直同騙人錢無分別, 竟然搵我呢個學左兩個幾月睇雀的人黎同人介紹雀？！
哈哈~~！不過我又真係騙到人喎~
最搞笑係有個客同我講：「嘩！師傅, 你都好勁喎, 一睇就知咩雀兼識咁多雀！你令我都學左唔少.」
呢樣野, 好明顯要配合好運, 今日大家能見到的都是一些易認的雀, 加上我向我的同事學了不少, 先至可以充當下場面~

7 點先放得工, 兼且又唔記得做0的野, 頂！聽朝要晨咁早返入去搞……

出到旺角同 AC Hall 舊同事食飯時都 8 半了
但係, 佢地竟然只係仲睇緊 menu？
今晚從 Mandy 口中知道了很多無賴在餐廳中使的招數, 呢0的真係勁無賴 lor
Mandy 呢個 managerial grade 的人物, 已經去到視 $3000 為糞土的地步了！

>>May 21, 2006 at 3:38:58 PM GMT+8

2006 年 5 月 18 日 星期四 【晴】

還以為「珍珠」會打到黎
點知佢好似球世界香蕉波咁, 彎左出去~@
不過都好, 起碼唔會全身濕透, 都只係條褲濕了吧

今日請左日補假, 正~~
昨晚打完一晚「受詛咒」的波後 (因為我打了4 場 one on one, 都係輸 10 比 5..-__-"), 累到傻了, 所以今日都訓到中午先起身.
然後去探下天詠
hoho~ 佢對牙仔好鬼得意！

去了銀行打簿, 感覺好似0的呀婆~
點知我成年無郁過個戶口, 俾人凍結埋.........有無搞錯 (好似0的洗黑錢戶口咁, 俾人凍結~)
呢家0的銀行下下都要收戶口手續費, 頂！特別係恆生, 每月裡平均每日唔夠一萬就收我 $60 大元！
呢0的係咪叫做迫我轉戶, 使窮的人更窮先？！
可惡！

聽返0的舊歌, 勾起了很多回憶....

>>May 19, 2006 at 1:02:21 PM GMT+8

2006 年 5 月 13 日 星期六 【晴】

祝呀媽母親節快樂！
今朝一早, 唔係去同呀媽飲茶, 而係去左打波~
晏晝成家去左間酒店食 buffet, 嘩~ 貴呀！
今年呀媽都收到唔少禮物, 我諗佢好開心呢~

又係好耐無打日記, 就黎叫雙週記了
上兩個禮拜, 一樣係處於水深火熱中

office 大裝修完畢, 都未得閒換位呢
第日坐新 office 0個邊, 起碼唔會聽到個無聊人0係到講野, 應該會好0的！

上星期四一班大學同學仔出來同 Man C 慶祝生日 (補祝先0岩)
真好, 唔係 Man C, 我都唔會見一見佢地 (佢地就開 cell 會見到面)

「珍珠」來勢洶洶, 慘了, 又會成身濕哂咁返工
最好來個黑雨、8 號風球、又或者淋病我, 咁我就可以偷懶下了~

利物浦好波呀！謝拉特更好波！又係一場死好彩地拿了個足總盃！

>>May 14, 2006 at 4:03:27 PM GMT+8

2006 年 4 月 30 日 星期日 【微雨】

今日天氣好好呀~
一早返去米埔幫手搞「探索米埔遊」
今日我 in charge 的植樹只有上午一場, 所以都幾得閒
多得我個 pro 同事幫我手去認樹苗, 唔係我都唔知點算

個反應都唔錯, 0的人一家大細咁好開心咁植樹
始終植樹俾人0既感覺都係正面的
叫佢種多幾棵佢都會仆倒去~
不過見到佢地植樹, 我都有一種好感激佢地0既心情, 多謝佢為呢個唯一的地球盡了分力！

今日下晝變得超曬
曬到紅哂, 又有個大錶印！

今日食完飯後0係米埔周圍行
見到條大眼鏡蛇！！第一次見咁大條兼係有毒的蛇呢！
不過佢仲驚過我, 一見我就「雪」一聲入返佢屋企

又俾經理兇
都係講笑 je, 唔洗用「你未過 probation 喎」黎達我！
真係好介意！

===================================================================================
ManC：係呀, 我終於都 update 下, 之前真係無心機去 update 個日記呢, 都 miss 左好多生活點滴
大家要努力搵錢呀！等埋呀軒返黎一齊去旅行啦！(不過好似呀包會唔得閒…)
都知你都忙, 大家都要撐住！

Gene：你唔好整古做怪~ 我估係你啦, 你個名出賣了你~ 幾時有飛拿呀？

>>April 30, 2006 at 5:10:33 PM GMT+8

2006 年 4 月 28 日 星期五 【陰】

有點迷失了的感覺
漸漸開始變得自閉了, 不想同人講野
頂！0的工作真係可以煩到嘔
今個月多假放, 搞到我0的野做唔切添, shxt !
又唔知點解俾經理串了好多句, 唔知係我敏感定係佢0的話真係有骨, 睇黎我可能得罪了佢.
要再努力點吧！

收到料話呀 Gene 會有表演
我當然要去啦~ !
多謝呀 Gene 的邀請呢！

見住班「仔女」已經完成了他們的 hon pro., 真係開心, 佢地完成了一項「偉大工程」了~
咁又一年了
上年呢個時候, 我諗緊去邊到玩呢~
去外國玩, 真係好想黎多次！
我公司有幾個同事都會請假去旅行, 實在令人羨慕
好想同班舊莊員一齊去旅行, 唔知幾時可以實行得到, 大家努力「草」錢先啦！

今日放假, 訓到日上三竿, 全日0係屋企喪打機.
俾自己放縱一日
聽日又要返米埔幫手搞「Discover Mai Po」, 我負責教人植樹
哈~ 多得我同事教了我很多有用資料, 聽日可以大派用場吧！

有時見個天落雨, 真係好唔想返工
因為落雨返工, 100% 會濕身！！

>>April 29, 2006 at 4:32:09 PM GMT+8

2006 年 4 月 15 日 星期六 【陰】

米埔 13/4 正式重開
但那他媽的漁護署竟然係在 12/4 4:30pm 先打黎通知我地！
係咪玩野
經理們即時開會傾重開的程序, promotion
而我, 也要放下所做的東西, 為重開處理點事, 不過都只是 send e-mail 通知返班外國遊客.

13/4, 由於 visitor centre 的主持人 Kitty 姐請了長假風流快活中, 所以便要我代她坐陣
重開之後, 0的 visitors 真係不斷咁黎, 真係搞到我做唔到自己野
0個日仲發生左一件令人嘔心的事！就係竟然有隻曱甴走上了我身！！
它此舉無疑是嫌命長, 俾我發現的一刻立時喪命於我手！

重開0個晚, 一班同事仲開香檳慶一慶佢
其實支香檳係 for WWF 25th anniversary (應該係今個月頭慶祝的 lor....)
錯有錯著, 選中了米埔重開的日子來開香檳, 一次過慶祝哂兩樣野吧~

接著便是一連 4 日的復活節假！
呢幾日真係可以令我都復活呀！可以忙中充充電.
14 號便同 Michael, Rita, Margaret 一齊行山
行的那條路, 正正就是我地「地知泉」所搞的行山活動的那條路線
這段路, 難度不高, 可以對周圍事物多加留意.
可能是受同事影響, 我也對雀鳥有點興趣, 所以今次行山我非常之留意周圍出沒的雀鳥.
可惜, 聽到聲, 睇到樣, 但我唔識佢咩名堂……
行完山便到 Michael 家的會所進行「四方城圍戰」！殺呀殺呀！

星期六、日連續兩日都0係屋企自閉.
整日整夜都在執野
頂……原來我真係好多野
怒掉了好多舊 notes
聽日有新櫃送來, 很多野要來一個改頭換面.

>>April 16, 2006 at 10:20:17 AM GMT+8

2006 年 4 月 2 日 星期日 【酷熱】

泰山壓頂的工作
真的很變態！
很多工作都是第一次接觸的, 係考驗我的時候了！
來吧！

今日, 已經很熱了
到夏天時, 米埔會是怎樣的熱呀？！！

蚊, 已是現在至冬天的常客吧
日日與蚊香做朋友, 飄呀飄呀, 真係吸到 wing wing 下
究竟吸得多蚊香, 人又會有什麼影響呢？

「水深火熱」
很贊同 Man C 這一四字形容詞
很切合現在的狀況！
慶幸的, 是 manager 也體諒我多工作, 你暫時唔好再俾野我做住喇咁~

>>April 3, 2006 at 3:01:03 PM GMT+8