2004 年 4 月 24 日 星期六 【晴】


星期4, 5都沒有返學呀, 因為去了跟show 做dresser,
這星期就這樣很累很累地過了。

星期4做馬莎fashion show, 在尖咀,
在一間餐廳內開show, 用了一間房來做fitting room,
幾好, 對正個維港和中環, 晚上真的好靚,
其實香港都不差呀!

我的model 叫Merle, 個樣好甜呀, 笑起上黎有點像廖碧兒~
那晚有2個scene 是underwear, 1個scene 是泳裝, 其餘都是casual wear,
所以時間都不趕, 很易換的。
晚上就到出show 時, 在fitting room 內等,
班model 勁玩, esp. 班男model, 勁好笑,
這個時間當然勁和班model 映相喇...
勁靚女靚仔...最鐘意就是Goko, 好型~

這次馬莎show 我們serve的全部都是鬼,
但請了3個artists, 林保怡, Issebella 和應采兒。
我在stage 附近周圍hea 時見到應采兒和Issebella,
應采兒好唔掂, 把聲已經衰, 見她狂吸煙, 又勁講野, 個look 好cheap~
Issebella 又瘦又高, 怪怪地個樣;
林保怡就見不到呀,
但有好幾個dresser 見到, 聽5婷講他真人都幾型, 型過在電視見的。

等出show 時和幾個靚仔model 傾計, Goko 和我單眼呀, 嘩哈哈, "鬼佬病" 發作喇~
雖然好累, 但都幾開心~

星期5去了causeway bay 間ZTAMPZ 跟show,
唉~ 那麼早要人去到, 只是執執衫就hea hea hea,
都是覺得Dekki 間公司好, efficiency 高, 我們去到真是做,
這間真是要命~
又話1點放lunch, 要等到3點才吃lunch,
餓到我們哇哇聲, 我還有點軟呀~
原來晚上9時才出show, 那下午4,5時我們才到都得喇~
間fitting room 又細, 搞到個人呆呆地,
後來6時多見到個live band 來到, 就出去stage 處聽他們rehearsal,
醒晒~
後來當然又走去和他們映相喇, 他們很勁。

這晚我的model 又是Merle, 幾好~
當晚個show 都有幾多HK 明星,
見到Candy Lo, 一入來那刻都不知道是她, 因為她太恐怖了,
完全是一個不知明的女人, 要望真點才知是她..
有Clarie, Co Co (啤酒廣告那個), 她們幾nice, 和她們映相, 哈哈~

搞到11時許, 12個鐘有多, 出到去見到勁多press, 又多人,
都不想再逗留, 就take west rail 走了......

星期4晚是笑到累, 星期5就"au" 到累~~
總之好累~


>>April 25, 2004 at 2:49:09 AM GMT+8

2004 年 4 月 19 日 星期一 【晴】


放完假仲忙, 諗住今晚又唔洗訓, 但頂不住了, 又喪屍, 草草打了大約要講的~
明天沒有LAW tutor. 可返遲一小時喇, 因為要早少少返去prepare 一下CC,
如果不是就可以返遲2小時~
今天激眼訓~ 又好恐怖個樣~
下午上2堂假面人cathrine堂, 都極度想睡, 但又最衰睡不到, 那就聽歌~
今天HR tutor. 假面人的坐姿......望了一眼就不再望了.....其他同學仔都頂不住....
tutor.派了CBP 和HR 上次的test, 有進步, 好, 感謝主~
原來之前聽過有同學仔講, 其他BA 系的course 讀HR 都和我們不同的,
別人的HR 是去學跳舞, 社交, 好實質的...而我們所學的HR, 是學theory, 背背背, 記記記, case case case....怪不得有人說HR 是不用讀啦.....根本就不同~
唉~~~~ 就考試了, 好驚呀~

今晚都幾好, 大家有分享。

這星期真是很忙, 做了很多事.......
星期日看了<天作之盒>, 感動囉, 又看到眼濕濕~

唉~ 好累了, 今天10.15 am 才起床, 10.45 am 就出門口了, 感謝主我沒有遲到。
喪晒啦~ 做到忟, 亦都知道有人也做到癲, send message 來和我傾苦............
我也是這樣癲了...!

阿公的病好像愈來愈嚴重, 有點兒擔心, 為此事禱告!

龍龍, 你都牚住呀, 有為你同你媽媽禱告咖~


>>April 20, 2004 at 4:01:26 PM GMT+8

2004 年 4 月 19 日 星期一 【晴】


已經是星期二凌晨2.45~~
計過, 我是由星期一晚8點坐係度到而家星期二凌晨2.45的...
個pat pat 真係痴住左張凳度成晚冇郁, 唔係講笑!
成晚就對住部腦, 諗諗諗...好難呀, 諗唔到呀!
做到爆炸喇~
save 親隻隻floppy 都 "腎" o既, 咁咪去save 落email 囉,
點知再開番黎睇係開唔到o既........食屎喇~

都唔知點去sell point sell 成個鐘, 除番每人sell 7分鐘.......
都好長囉.....根本諗唔到有乜, 點去講盡jei~

又一屎片之作!!!!!!


>>April 19, 2004 at 6:49:16 PM GMT+8

2004 年 4 月 16 日 星期五 【乍寒還暖】


昨天終於返學, 但都遲了半小時才返到, 因為一早好唔舒服, 遲了。
break 時找miss li, 因為原來昨天是交考pitman 的錢的deadline, 所以要快快找她拿票, 最後一日嘛...
後來去了吃lunch, 勁啦, 吃到成分早餐....
因為這個星期都吃得勁少, 特別晚餐呀, 無胃口呀, 又不覺餓喎~
本想吃完就去 "痕身" 交考pitman $, 但不夠時間, 所以都返去上堂先。
上OSA 時test, test access, 我想okay 的, 未曾試過有時間剩, 所以都勁驚自己是否做錯做溜...
我知道最後那part 有些做不到.....算吧, 應該pass 的~

放學後去了"痕身" 交pitman $, 考一考就要$307, 貴貴地, 但又好像平過我以前中學時考那科...
不過考了好些的, 又難得miss li 叫我們去考...
不是個個都可以去考咖, 哈哈~~~ (傻的, 諗下都係攞黎!)
thank you cindy 帶我去"痕身", 如果不是我一定會迷路.....原來就在 "麻辣街", 平時我都不覺眼。
交完$ 後就返回學校交回張receipt 給miss li, 跟著就入了canteen 找她們去傾CC~
勁眼訓, 就去了搭巴士,
但上到巴士後就發覺份HR project 還在袋入面, 忘記拿去交...唉~
星期一交囉, 可能扣分了!
在巴士上勁眼訓, 是極想訓的, 但訓不到, 因為勁咳, 咳到其他人望住, 好恐怖!
變態~

昨晚腄前祈禱, 希望可以一覺訓天光, 不會半夜咳醒, 求主醫治, 因為今日要教琴, 要精神的...
今早就覺得好感恩了, 因為沒有咳醒, 還睡得幾好~
個心勁說 "感謝主感謝主....."
後來就禱告感謝上帝了。

今天是饑饉第一日, 本來要入營的, 但由於我剛病好, 就不去了,
所以昨天我把這封入camp信給了zoe, 叫她和我拿件饑饉tee, 要留念嘛~~
怎料下午zoe 打來, 說大會只見人頭給tee, 有信都不可以拿呀, 唉~ 唔開心呀!
都無計喇~~
後來教完琴返屋企, 不知何解發現個書櫃有封饑饉信, 說憑此信去到營地可以換饑饉電話繩~
呀~~ 去不到要等21號去大角咀領取.......唉~~~~
下年一定要再參加饑饉, 今年去不到覺得好可惜呀~~~~

5婷, 伍惠婷...下年一齊參加啦~~
今次仲唔響你全朵?! 伍惠婷!!
等你係你diary 度響我全相呀o拿??! 哈!!


5婷, 你2年前o既樣我都有呀, 咪仲勁過你?!! 嘩哈!



>>April 17, 2004 at 3:22:32 PM GMT+8

2004 年 4 月 14 日 星期三 【晴】


今早一起身無耐又扭親條腰.....又係右邊!
好黑人憎, 冇晒心情!
不過把聲已經慢慢回復正常, 喉嚨冇痛了, 感謝主~~ 但係多左咳....
就係因為整親條腰, 一咳條腰就痛到夠命!!
變態咖.............
好忟呀我! 剛好返d 感冒, 又整親條腰~

做cc 做左成個下午, 做到頭暈暈, 走去訓一覺~
但都訓唔到, 狂咳, 腰又痛!
後來要起身食飯, 起左好耐, 因為真係痛到爆炸~
又黎啦......行又唔係.....坐又唔係.........
好黑人憎囉真係.......
同o個次一樣咁痛法, o個次癱左成個星期~~

晚上又做HR, 又咳又腰痛, 都唔知想點....勁忟!
好驚聽日都返唔到學~
但唔返又唔知點, 因為要傾野!
費事好似比人睇我係唔做野咁~
就係因為咁, 都自己預先做左.....
因為人地唔知, 但有d 人知道後又會覺得你都唔係好嚴重jei~
不如你病黎睇下, 行唔到就係行唔到!

個頭成日都 "發" 下 "發" 下, 究竟好番未o既jei....!??
總之今日就好忟!


>>April 15, 2004 at 2:47:58 PM GMT+8

2004 年 4 月 13 日 星期二 【晴】


星期一去了行山, 由城門谷行去大埔,
條路極易行的, 但我就晒曬。
一早起身都不覺得有不妥, 但在巴士上就開始覺得有點頭痛, 博頭勁淵痛...
但都沒有理會, 去到城門谷出發時, 就覺得好辛苦, 一開始就覺得辛苦,
沿途一邊行一邊都"pair" 下"pair" 下, 蟻冷~~
個喉嚨勁痛, 博頭淵到無論, 還極度頭痛, 去到中段都頂不住個頭, 婷婷去問行山人士借頭痛藥。
那位姨姨說我 "十o靚歲, 一粒好喇, 唔洗2粒"...嘩...即時醒一醒.......
他們笑說我不藥而癒~

今次都算快, 4時許就返到大埔, 若不是蟻冷, 可能還要快。

回到家即睡, 睡醒覺得好不舒服....
晚上死蛇......時凍時熱~
到昨天下午去了睇醫生, 原來發燒, 102度, 怪不得頭赤啦。
感冒!!
昨天和今天都沒有上學。
勁搞笑, 把聲變型~
沒有胃口, 只吃了少少, 見到自己塊面黑色, 面無血色那種, 好鬼核突!!

這兩天就是勁想訓, 浮浮地~


>>April 14, 2004 at 4:35:33 AM GMT+8

2004 年 4 月 10 日 星期六 【晴】


星期5晚去了柴灣劉永生中學聯合崇拜, 有好多弟兄姊妹, 感恩。

昨天星期6教會旅行, 去了鯉魚門渡假村, 玩了成網, 出面野外鍛鍊好貴的, 雖然是野外鍛鍊的其中一part, 但都幾好玩, 大約由後第十關開始, 就玩, 但好多都只完成一半, 因為要好平衡, 沒有那麼多力, 時常跌下來。
在巴上帶歌時, 我和婷婷都不知要講什麼, 之前想了些都忘記了...後來入到camp 後遊戲前又帶, 就好些了, 當時我都不知自己在說什麼, 覺得想到什麼就說什麼, 但後來聽到有人讚帶得幾好, 有進步....知道是神在當中才能, 不是我的。

昨晚本和玉兒一起想join 邦邦他們打籃球, 但後來入到天水圍, 就不想再出市中心, 而且又突然想看戲, 想看<天作之盒>, 所以就去了看戲。因為時間關係, 後來我, 婷婷和玉兒去了看 <受難曲>, 勁好看, 好感動, 看到些血勁標出來, 眼濕濕囉~~

今日星期日, 返完教會後去了安柱堂/中學觀禮, 因為阿貓和婉嫻浸禮。
今天勁眼訓, 在教會崇拜時詩琴, 要坐到最前, 都覺得好眼訓, 又不知何解覺得今日梁姑娘講道好細聲, 平時我不會咁樣衰在崇拜時睡覺的, 但今天就勁中....去到安柱時, 褚牧講道勁好, 到後尾都頂不住中中下。
回家小睡, 好些...在巴士時大昏迷~

明天行山, 希望能知醒, 因為昨天去旅行, 應8.45 在教會等, 但我9時才起床, 若不是婷婷打來, 我還不知醒~~ 激快, 10 分鐘後就飛返教會, 覺得勁不好意思, 但他們說我趕得到......

CC 還未做起, report 那處都未搞好。
做就不是問題, 想都是照著format 去做算了, 但另一part report 就死, 好難呀, 都好難想像到時我們要把這reprot present 一小時, 最慘不只是平時的present, 是要去sell point, 說服老闆 (miss), 難到爆炸, 好緊張的..........
LAW assignment 做了少許, 還未做起呀~~~
HR 分了part, 但未開工......
每樣做了少少, 都不知想怎樣...最大壓力是CC, 好緊張的!!

有時好多事不說出來or不表現出來, 是不想別人擔心, 不代表我沒有難題呀~ 我都煩咖~


>>April 11, 2004 at 3:10:03 PM GMT+8

2004 年 4 月 9 日 星期五 【晴】



back to hk 了~~

第一日:
去了祈福食街吃lunch, 聊B B 玩...supermarket 掃貨...去了zoe 家看DVD, 看看下我去了睡覺, 晚上zoe 爸車我們去一處叫 "大軍山雞場" 吃dinner。周地都是雞, 成班走去和雞映相, 哈!
dinner 後車我們出市橋行街...去番禺賓館打bowling, 勁平!
好搞鬼, 後來zoe 爸買袋, 7個女仔一個男人, 賣袋個阿e 奇怪地問.......
11時許zoe 爸又車我們去世昌飲夜茶, 和他2個同事一起飲....
其間我們在樓下打機, 1蚊1個coin, 打鼓機都是1coin, 抵到爛~
後來車我返21街 (我屋企), michelle 和家瑩返我屋企等我沖完涼, 晚上1時多就行去zoe 屋企玩了, 雖然在我屋企下幾條街, 但行就遠遠地, 踩單車就快。
到半夜3時許, 一個人踩單車返自己屋企睡覺~ 她們勁叫我在zoe 屋企一齊訓, 她們仲驚過我, 又問我怕唔怕一個人訓, 又問我怕唔怕踩返去黑....我知她們擔心我的~~ 但自己有屋, 一個人一間房訓仲爽喎~ 怕同她們訓會訓不到, 我知我一定會勁講野, 唔洗訓的....況且, 不想和人孖鋪!

第二日:
10時起床, 去廣州玩, 在荔灣廣場吃buffet, 28蚊, okay喎~ 見隔離台有班大學生的"物體", 有幾個幾靚仔, 昅了幾眼啦, 哈哈~
行上下九街, 有幾個銅像, 映了些相, 幾靚...再去狀元坊行, 勁多東西買, 行到腰都想斷, 累到爆。
落雨都激多人, 如果不下雨我想還會更多人...見到好幾多靚仔, 型仔...michelle 又話無, 我們幾個都不約而同都話有, 只不過她們不出聲, 是我先出聲, 才一起講, 哈, 明顯michelle 就沒有望人喇~
其間見到有個大約4,5年級的小朋友搶劫, 初初聽到個女人大嗌, 後來就見到有2個公安勁追, 最後捉到, 見到個靚仔其實都幾慘, 唉~ 就係冇$先會做出這些事, 想深一層都有點同情。自這次後覺得公安好勁!!
行到6時走, 怎料找不到車子返祈福, 跟gil gil 行, 行到8時去到廣沙總站, 等了很久才開車, 點知原來話過了不知幾多點, 不會去祈福的。初初都有問人, 有人指了我們去一個站搭, 但看不見有寫"288" 這車, 以為沒有, 就去了總站, 怎料返去時, 就經過這站...痴的, 都不知什麼巴士站~~
其實都感恩, 雖然行2個鐘才到車站, 但其間沿途見到好多野, 感受下經歷下, 又話我們想行廣州嘛, 感受到喇~
返到番禺後就call zoe 爸來接我們, 車了我們去酒店吃晚飯, zoe 爸的同事強哥也有來, 一間貴賓房, 有電視看, 即時覺得之前我們找車站的落難樣和吃飯時完全成對比, 餓到個個癲。
後來我, michelle & 金梅去坐強叔叔車, 傾傾下就知他住碧桂園, 那就車我們去轉一round 看下, zoe 爸就車她們跟著我們入去轉一round....後來就上左強叔叔家坐了一陣, 很大, 每人去過toilet 就走lu~
她們說我和michelle 2個好嘈, 笑聲已經分不出邊個打邊個.....原來我和michelle 不在zoe 爸車時, 她們說即時靜晒........唉~
例牌, 返我屋企沖過涼, 2時許又踩單車過去zoe 家, 一落樓才知凍, 那唯有喪踩過去...
看DVD, 吃湯丸, 半夜3.45又踩回去訓覺~

第三日:
家瑩打電話過來叫我起床...執屋鎖野, 拿行李踩單車過zoe 家, 看龍咁威, 12時許zoe 爸車我們去燒鵝場吃lunch, 和她爸爸另一個同事一起吃。
返祈福去農莊玩, 餵馬, 羊, 豬, 駱駝, 雞, 映了相...再去supermarket 入貨, 返zoe 家繼續龍咁威....
後來坐6點車返hk, gil gil 跟金梅去了深玔住幾天。

這3天就勁食, 有人食到生飛滋, 你地自己知自己事喇, 肯定唔係我!
3天都到過家禽地方.....去過廣州.....嘩哈~
下次一定要去泵骨!! cindy 都要黎呀!
晚晚4點訓, 累到爆炸~


>>April 9, 2004 at 6:21:01 PM GMT+8

2004 年 3 月 30 日 星期二 【微冷】

究竟誰是我的angel?
星期一本來有個meeting, 但要教琴呀, 根本不能出席, 真的好想知道個真正angel是誰~

昨天完了佈道會, 感謝主喇, 有人來!
而我們敬拜team 比上次rehearsal 時好了好多, 深信神在我們中間帶領住。
一切都感恩, 最後分組和新朋友傾計....
都幾搞笑, 阿peter 弟兄的同學, 問他問題總會沉思良久才會出聲, 有時甚至處於長期沉思狀態...
peter 說他原來平時說話都喜歡經過修飾才出聲, 笑死, 原來他是班長, 班長真是班長。

而昨晚的禮物, 聽基恩說是之前一日才有齊, 而且有多, 之前她是勁擔心,
感謝主呀, 神是會預備的~
無錯, 我們散了種了, 神會作工的。

昨晚勁大雨, 9點才去到廟街吃飯,
吃飯時都沒有那麼大雨, 但我們一出門口, 就勁大, 有傘都濕~
條褲濕到上大脾, 鞋變了水鞋.....
後來入了公厠被雨, 本想行街的, 那麼大雨, 行鬼!
但都幾好啦, 吃飯時我們傾計都傾都幾開心....
說假面人把聲是 "收音機聲", 我們聽她講書, 睡覺又得, 專心聽又得.......笑死!!
11時許回家。

今早串燒叫我起床, 好在我都知醒, 如果不是, 又不知醒了, 因為星期一那天我又睡過時。

今天真是很累, 是笑到累呀~
下午上CC, 又是interview, 我們group 今次是評分的....
勁好笑, 因為有一位同學.......其實我忍不到笑....知衰喇, 全班同學之中, 我是最先笑那個。
(我們自己班的同學仔就會知今天cc 堂的所見所聞了,
都是不寫那麼明顯.......免冶人犯罪就不好喇---"嚴重嘔打傷人罪")
我笑到死下死下, 忍著笑, 笑到流淚, 後來就起來去拿紙巾, 起來時行去都笑到沒力,
更和miss 對望, miss 見到我笑成這樣也笑.....
而正在in 人的同學仔, 也忍不住笑, 其實根本每個同學都覺得好笑, 只是忍著而已...
她們見我笑成這樣, 就開始忍不住了。
阿maggie 更在in 人其間, 忍不到, 就行了出門外笑才走入來, 免得我們評分的說她不專業, 哈哈!
勁秋, 笑到累。

後來上普通話, 玩春茗, 要每group 同學做一項節目。
有遊戲喇, 有drama 喇,
玩games 時都幾好玩, miss 也有參與, 她輸了要迫她在5秒內吃條包。
而我和michelle 就勁喇, 完全沒有預備, 即場想的, 更非常無聊!
就是, michelle 扮一棵樹, 而我就是一個無聊的浪子, 金梅做旁白....
故事就是說一個無聊的浪子在月黑風高晚上彈古箏。
michelle 就一邊扮樹一邊扮古箏聲, 我就扮彈得非常起勁, 跟住michelle 的聲音來彈, 愈彈愈癲, 整個人彈起, 好像問米般.....成班同學仔笑到死, 我也覺得自己好笑喇, 後來就一句 "我要回家睡覺", 就完了這個故事, 嘩哈~
後來再加多個cindy, 玩選美, 金梅是司儀, 要我們天才表演這環節........
michelle 就表演拱橋, 成班即時起哄, KK 同學更用mv錄下整個過程。
後來就cindy 竟然是冠軍囉, 就是她那句 "我的表演是沒有表演!" 嘩哈.......
我和michelle 就雙亞軍........
真是好無聊, 我們的表演就這樣完了, 哈哈!!!

星期六test law, 又來了, 喪屍樣開始升grade!!

>>March 31, 2004 at 2:22:25 PM GMT+8

2004 年 3 月 27 日 星期六 【晴】


昨天教完琴後, 晚上去了元朗劇院看ACM 擁抱你音樂會.....
原來我們是嘉賓, 因為訂了位, 位置幾好, 都幾前, 但不太前! (廢話?!)

好感動....我們全場人站起來時, 又拍手跳著唱著....又擁抱身邊的弟兄姊妹.....

其實和我上年去E館看的差不多, 只是topic 不同...
所出的信息都幾好, 可以為7月的佈道會在這裡偷師, 嘻!
都是那班人跳舞, 領唱都是這些, 但詩班幾十人。
好記得領唱位弟兄, 個樣勁似祺祺呀, 不過是大過版的祺祺...
我和婷婷都覺得他似, 講起有點兒卦住他呀~

牧師呼招時好感動呀, 好多人舉手站起來信耶穌,
那時真是感動, 個心有點東西, 不懂形容呀, 總之感動!
到呼招基督徒願意奉獻與否時, 今次我有站起來舉手,
因為好有感動去起來, 和上年呼招時我的心在掙扎不同了,
上年都有感動, 不過是不敢向神許下承諾, 怕自己不能做到, 但今次沒有了。

完後再join 娟娟和她的同學仔, 原來他們坐了在後排...
終於見到她傳說中的同學仔劉生.........真的很熟口面!!
而他也說我熟口面.......我們互說不知在那裡見過......想也想不到, 好奇怪!!
後來我們成班去了飲夜茶, 沿途去時和蘭子又喪癲, 在街上勁笑, 笑到玉兒說胃痛....
3個人時常溜後行, 去到吃東西時都是這樣, 笑到飽!!
飲到11時許, 又去了糖水鋪吃甜品, 他們真的好有興趣去吃甜品, 我就普通喇~
吃了個奇異果西米, 甜到溜, 奇異果又生到爽爽聲, 最後吃剩半碗西米~
其間看到在路邊有警察抄車牌, 好多車主即駛走, 其實他們都比機會, 在附近站了很久才迫於無奈抄牌........

12時許就走了, 都幾累, 但很開心!

今早主日學我做司琴, 但我9時才起床, 那就即時彈醒, 跟著標返教會。
遲了2個字喇, 很累, 呆呆地, 分班時查經都沒有怎說話問問題~
後來崇拜也做司琴, 完了祈禱會後, 跟著就到我負責我們小組的祈禱會....
發覺今天在教會好像好忙般, 由早到下午都有東西負責....
幾好~~~ 感謝神給我事奉機會 (哈..我昨晚舉了手嘛, 幾快就實行呀!)

明天..........唉~ 想起就沒有mood~

為何這個月好像很久都未完?


>>March 28, 2004 at 4:25:25 PM GMT+8