2004 年 11 月 25 日 星期四 【微冷】


今早返9.30 eng, 勁不想起身,
後來都遲了5分鐘啦, 遲少少!
阿清不知醒, 下午才返~
lunch 時我們5個去了麻辣,
第一次share 吃不完,
平時和michelle 一定會吃得到的,
唉~ 證明我和michelle 兩個才是最合拍吃麻辣。

好飽地返去上 IBE,
又好眼訓, 聽聽下都中眼訓,
後來間notes 時都睡著,
中途 amy 入來派東西時都不知道,
後來比阿sir 嘈一嘈才知。
最後一小時就case study,
我們在看書, 都沒有看case,
之後阿sir 問我們現在有什麼新的 mkt 方法,
安德尊真是傻咖, 都不update 的,
答了又話唔知, 好似講到人地不對般。
後來成班同學都開始嘈, 傾計,
記得有同學答現在街的洗手間在馬桶都有貼lable 廣告賣廣告,
跟住隔離男仔們又開始講,
聽到有人講貼lable 在馬桶上貼個 "常滿",
又講到個馬桶係咁滿瀉,
我聽到後即時嘩哈大笑, 笑到收不到;
跟住阿winona 又扮新哥把聲答問題,
好似聲音經過特別處理般, 又笑上笑,
笑到收唔到呀真係, 好辛苦,
之後男仔們指住我來笑笑我笑成咁,
笑到前面坐第2行阿rain 她們都望過來笑我笑成咁,
唉~ 好辛苦咖, 不過好在當時joseph 那堆在傾計好嘈,
所以我怒大笑都不太覺囉,
不過都知道安德尊見到我大笑咖啦。
放學時他們望著我都忍不到又再一次指著我來笑~~
變態的, 發覺今年班的同學仔都幾屎屎。

和清搭西鐡, 今天我借了本書給她, 叫 "過渡期 -- 八仙領山火後再生記",
她看到上隱, 上到車又即看,
我就好累了, 要訓, 正呀, 又訓到跳樓般, 個頭歪晒。
之後去新墟買了舊冷,
覺得自己勁呀, 不懂織冷, 連頸巾都不懂, 但又學人買冷。

後來就去覆診, 多謝清清陪我。
今天好快見到醫生, 但就在房內和醫生見了大約5~10分鐘,
他說我上次驗血個肝沒有事, 完全正常,
但又再check 個肚, 背部,
醫生問 : "你擔心d 乜野呀?"
我: "我擔心生野囉, 有個朋友就係咁樣, 佢3個星期前就死左啦"
醫生: "咁你個朋友好後生ja wor~"
我: "係呀!"
醫生: "咁佢生d 乜野呀?"
我: "惡性淋巴腫瘤"
跟住我就見到醫生哥哥起勢打我剛才說的worry呀, upper back pain 呀等打落部腦度的醫生紙。
醫生勁問我痛不痛, 我說不痛,
敲我個胃那邊, 又問, 我又說不痛, 但feel 到有野,
但個背部偏右就久不久痛......
就這樣, 醫氐哥哥就寫紙要我去驗 x 光。
唉~ 不知道, 不想再諗!

晚上和清去了溫生家查經, 好多人呀又,
又準時9.30 完, good!
後來看電視, 班大人勁傾計講笑,
笑到嘔呀, 美玲媽和姬姐....搞笑到無得頂呀!

11時返到家, 好大風呀晚上!

"每個困難後面都有神的目的。"

"因為神有最高主權，意外事件只事神對你的計劃當中的一件事而已。
因為在你還未出生前，神已把你在世的每一日寫在衪的日曆上了。"

"每當神對你祈求解脫的禱告說【不】時，神乃是在做為要我們得益處的事, 訓練我們過聖潔的生活。"

"專注於神的計劃是很重要，不要專注在自己的痛苦或問題上。"

"痛苦是短暫的，而獎賞則是永遠的。"

"不要問：【為什麼是我?】反而要問：【你要我學習什麼功課?】"

多謝你呀~~
確實這幾天靈修, 神都是向我說這些話....
神是知道的。


>>November 26, 2004 at 5:15:14 PM GMT+8

2004 年 11 月 24 日 星期三 【晴】


勁到爆, 型到震, 我又遲到!
返8.30學, 8.05分才起身,
最搞鬼是連清清都遲起身,
打給我時大家都剛起身,
最後8.30 才在西鐡站一起搭車。

我又怒行, 好似上了tubo,
上到學校地鐡站又撞到阿朱,
不過她一向都是遲的,
好勁, 我們可以在半小時內返到去, 9點返到。
不過又感謝主, 返到去才剛開始, 沒有miss 到之前的,
因為昨晚drama 比賽, 同學們用到個lecture room 的電腦呀, projector 呀通通壞,
所以今朝amy 找個technician搞都搞了一大輪, 所以遲開始囉。
好眼訓呀, 一break 就訓, 個個坐到好像去戲院看戲般, 真的好眼訓呀~
阿煒瑩家瑩阿朱都說我今堂沒有笑就知我真的好累了!

lunch 後上contem. issue,
雖則 raymond 講書好好聽, 但真的好累呀,
一開波講case 我就伏在台上睡了一會,
但又聽到阿sir 講, 都懂得彈醒 highlight notes。

走時都講了幾千百萬次 "好眼訓呀",
又和清, joseph 搭西鐡返家,
想睡都睡不到的, 一起搭車會勁講野。

返到家又睡啦, 真的好累呀,
時常都好累, 又忙, 但又不知自己忙什麼,
其實返學時間都okay fit 呀?! 都不知為什麼會時常覺得累。
下星期又開始忙了, 2個 present, 2個 tests!!!!

明天不想上eng 呀, 好鬼煩呀,
但又抵死要返, 因為總會覺得她會有野講, 好快present 喇~

今晚靈修, 申命記 11：11~12,
"你們要過去得為業的那地，乃是有山，有谷，雨水滋潤之地。
是耶和華你神所眷顧的，從歲首到年終，耶和華你神的眼目時常看顧那地"
主爸爸又再一次向我說話,
要我有信心, 因為衪會眷顧我們。
我們不能說前面沒有損失、憂慮、試煉。
我們只能信靠。主爸爸必伸出衪大能的手來扶持我們走當走的路。
求神叫我勇敢前行, 不叫我憂慮, 賜我信心,
靠著那加給我的力量, 凡事都能作,
奉主名求, 阿門。


>>November 25, 2004 at 4:38:18 PM GMT+8

2004 年 11 月 23 日 星期二 【晴】


今朝不願起身, 最終睡到9.10 am迫住要醒。
10.30 返去上mkt tutorial,
我們又遲到了, 15 mins 啦,
之後又例牌case study,
好搞笑, 我都未看完她們就叫amy 過來,
那我就未能即時組織到,
講到啞晒,
之後再組織一輪後再叫amy 過來,
good 呀, 未講完就tick 我了,
一聽就知道我講對了。

家瑩病了, 沒有返學,
所以 lunch 時得我和 michelle,
但michelle 班要test wta,
我走去023 門口等她班放人,
阿sir 見我們成班人站在023門口嘈嘈閉,
就走出來問 "你地等佢地呀?"
我們就叫阿sir 放人, 因為他們都在"磨爛蓆",
後來都等了10分鐘。

之後和michelle 出去想去麻辣,
但我們一邊行一邊勁笑,
笑到行錯路也不知道, 最後好自然地就行了去酸辣,
所以就去了酸辣了。
其間一邊行去時死michelle 又和男朋友講電話,
講講下她比個電話我和他傾,
激爆笑!
終於聽到個鬼佬把聲了,
個鬼佬學人講中文 "痴線", 講了2次,
我say hello 後, 一開口就講 "痴線",
初初都聽不到他說什麼, 後來就勁笑,
我笑他又笑, 他笑到成個聖誕老人聲咁,
在條街上和michelle 齊齊爆笑,
個鬼佬聽到我們笑到crazy 他又笑,
之後講了幾句......
話他小心發惡夢, 因為聽到我把恐怖的笑聲!
哈哈~ 又給人話我crazy 了, 算, 都慣了~

今次我們好快, 準時返到去上wta,
又教flash, 有點煩,
後來都一邊跟阿旺做flash, 一邊做eng,
eng deadline 今日交, 做到都不知道自己寫了些什麼。
上到後半part, 後面有人講吃麻辣特辣會....>_<.....總之屎尿屁,
又話條腸唔識郁, 便秘就要去食麻辣.....
成班都聽到, 我們前後幾個又笑到想死呀!
之後阿sir 都頂不住話我們核突,
對呀, 真的好核突, 但又真是好好笑!!
阿旺那麼好人都頂不住我們~
變態! 不過我和以前班的同學仔成班女仔都是,
所以今次聽到都慣咖啦, 但阿sir 就以為我被他們同化...
其實我都沒有講, 只是聽, 聽到笑埋一份jei~

放學和清去大會堂買acm 12月佈道會的票, 她要這場有張崇基&德,
其實去練歌時又聽到有傳不知那場會有張敬軒, 不過還在洽談中!
不過今晚到此時此刻才醒起一樣野,
就是白痴左, 原來阿清要的兩張票上次練歌時叫蘭子幫我買了,
但今日忘記, 導致阿清又多買2張double 的,
死啦, 現在這一刻才記得~

之後去愛書店看了一陣書就走了,
想買一本叫 "屬靈氣質" 的書, 但貴貴地, 都是下次先。
又見到有隻cd "展開清晨的翅膀", 讚美之泉出的,
幾好聽的, 第一次聽是在sam 的安息禮拜上獻詩的其中一首,
但還要貴.....oh no!!
都是走了。

返去zzZ, 好累呀!

晚上靈修, 個心好點,
因為始終都有點擔心自己的身體,
等待星期5的報告~
要對神有信心, 有時都會不知道神為何會這樣做,
但一定有衪的美意, 最後出來的結果是好好的,
有時人真是要在事情發生後回想才知道神這樣做的目的。
好像撒母耳記上6：1~18,
神讓約櫃去被擄去到非利士人那裡7個月,
都不知道為何會這樣,
最後又好順利地不用去搶回來, 是有人送過來送返約櫃到以色列。
我們不知道為何神會容許這事發生,
但現在知道神這樣做, 是可以使非利士人認識神,
更使他們感受到神的大能, 也知道神願意和非利士人溝通,
也證明神是好愛我們。


>>November 24, 2004 at 5:57:46 PM GMT+8

2004 年 11 月 22 日 星期一 【晴】


今朝靈修, 撒母耳記上9：1 ~ 14

"或許也有一些事，神正在工作，我們卻不知道、不明白的，
有時事情過後我們才明白、甚至驚嘆神的智慧；
但某些事情有時過後也不一定明白的，
但願掃羅的故事給我們多一分放心，相信神在工作，
相信神憐憫的胸襟和對我們不變的愛，安心走下去。"

之後就去了天水圍教琴, 教新學生,
想把她擠在星期六 or 一, 但真的不能了,
結果都要開星期二都要教, 唉~
但盡量只限早上囉。

教完後和燒又北上, 笑到想嘔,
有個人被我嚇啞左, 成個過程就好像小丸子卡通片般, 過後笑到想死;
晚上我們2條友落了羅湖在酒樓吃飯, 後面那台hk 師奶個頭.....型!
之後過關時海關個頭...蝙蝠呀~...正!! 忍笑得勁辛苦。

返到來收到考試局寄來的result,
嘩~~ 嚇到心臟病發咁滯....
感謝主, pass!!


>>November 23, 2004 at 4:42:08 PM GMT+8

2004 年 11 月 21 日 星期日 【颳風】


昨天早了返教會想返主日學,
但後來都去了小朋友那班跟他們練歌準備在聖誕時唱,
我當然到時不會去參與唱啦, 咪發傻。

之後崇拜, 幾好, 但我星期六睡了12個鐘有多,
但都好眼訓, 可能訓得太久了。
崇拜時我做司琴, 好感謝主呀,
因為有首歌是講員要求要唱的,
但我之前從未聽過, 份譜簡到唔簡,
原來有錯誤那種, 好在陳姑娘和芳姐都識唱,
因為大陸歌, 都幾好聽的,
後來本來都怕怕地到時崇拜時會錯,
想找姬姐彈, 但後來我都應付到,
thx jesus!! 到最後都okay, 不太核突呀!!
好記得崇拜時講員說 "唔好成日覺得自己係好藉得要別人咁對自己要係o岩, 唔好成日以為自己係好配得人地要咁做, 其實自己一d 都唔配, 我們要謙卑...."
沒錯, 謙卑..........好大提醒。

下午姊妹組, 玩串水晶, 嘩!!
串得幾靚我覺得, 但隻色就娘娘地,
因為少萍姨說會不夠數, 所以都不敢用別人其他色...
算啦, 學識了新的串法, very good 呀!

後來4時多走過去隔離蘭子間屋,
和揚揚一起過去, 玩了一陣貓貓狗狗,
勁得意!! 其實過去是等蘭子起身一起出去練歌。

5時多去到彩虹練ACM 歌,
遲了開始呀, 我只練了一陣就走,
因為約了妹妹& gary 一起去SAM SAM 的安息禮拜
約了在jordon 等, 走時蘭子叫我們不要太傷心。
就走時被阿妹鬧要我快點;
去到jordon 時, 又被gary 鬧我不知行了那裡,
嗚嗚~~ 連續被人鬧呀~

後來去到join 他倆就喪行, 去到poly 再穿過去,
去到poly 就識行了。

去到後好多好多好多人,
整個禮堂都迫爆晒人。
有sam sam 的同學都好多,
教會呢, 家人呢...總之超多人。
去到我們行去堂前默禱,
望見sam sam 張相, 映得幾靚仔,
之後就坐在最後, 差不多沒有位!!
後來不斷都有人來, 有好些人都因為沒有位而站著。

初初開始不久時, sam 籃球隊班弟兄就唱詩歌,
一邊望著程序表的歌詞, 都有感動地落了少少淚。
後來sam sam 的姐姐講述sam sam 的一生時,
覺得她好叻, 好感到有神在她心理,
因為她決志不久, 就看到她心中對神的信心,
沒有哭哭啼啼, 好平安。
最後來敬拜team 唱詩, 唱得好好聽。
整個安息禮拜都好平安, 溫暖, 沒有一點恐懼~
程序表中夾了 一張薄薄的 "李宏亮弟兄紀念集",
內有幾張sam sam 由細到大的相片,
又有他的弟兄姊妹們在青年區留言版的msg 印在紀念集內,
其中一段有我妹妹寫的, 好記得她的一句 "永遠23歲o既sam sam"
又看到其他弟兄姊妹寫的, 都知道sam sam 是一個永遠有個快樂面孔的人。

後來瞻仰遺容, 見到他好安詳的樣子...
雖然會點點悲傷, 望多了幾眼, 但我們是知道的,
sam sam 去了天父懷裡, 永遠快樂, 沒有痛苦的地方,
去到彩虹另一邊, 到時一定會再相遇。
後來出去禮堂門口, 見到有好多他的同學, 有些都在門口喊,
去toilet 時又見到幾個興福堂的眼濕濕,
其實我們都有, 大家都有, 不過內心真的平安。

走時見到隔離堂的在吹di da,
有些就念佛 bob bob 齌, 心理就覺婉惜,
他們未認識神就走了, 去到他們也不知道的地方。

其實去sam sam 的安息禮拜, 未去前會覺得不知會怎樣,
覺得自己可能會驚, 心情不知會怎樣,
但去到後就覺得好平靜, 內心平安, 有神在當中, 溫暖的...
反而行去經過別人的禮堂時, 見到別人吹di da, 念珠念佛,
門前卦著些恐怖公仔, 紙扎屋, 反而會有種驚懼的感覺。

2個多3小時後完成, 後來和妹妹& gary 去了尖東吃dinner,
一邊傾一邊笑....
之後去到美孚西鐡站就撞到某幾個興福堂的姊妹,
then 一起搭車走。


>>November 22, 2004 at 6:09:40 AM GMT+8

2004 年 11 月 18 日 星期四 【颳風】


和清一起搭西鐡, 晨早留留我們2條友仔就去匯豐提$800,
有點肉赤, 我還是學生, 這些都叫做辛苦$呀~

遲了少少返去上eng, 現在好憎上eng,
時常做webct, 又不太知自己要做什麼,
好迷茫! 好鬼煩!
lunch 多了阿飛 & stanley 一起去茶餐廳,
勁眼訓, 食到想訓,
完全想一邊吃住一邊合上眼去訓。

下午上3小時IBE lecture, 又好累呀,
聽住mp3 上堂, 沒有人知,
break 時短短5分鐘都訓得著, 發埋夢, 勁!
放學後和nona, 朱, 清, suki 去麻辣,
本來是陪人去吃, 但最後自己也有份吃,
好飽呀~
之後和燒燒&清去旺角行了一會,
3個都行到想訓, 清更不舒服, 可能勁累+麻辣,
見她好辛苦下。
後來燒約了朋友, 故我和清走,
在mtr & 西鐡訓一訓好好多, 沒有再不舒服,
之後和清一起去美玲媽家查經,
好多人, 何根培帶.........
一入到屋何根培就話我原來在美孚站時就見到我,
問我為何和他一架車都慢過他上來..........
但他沒有叫我, 因為不知道我也會上來,
他說見到我訓覺呀, 死, 被人看到我喪屍訓覺。
好快就完, 更看了一陣台慶, 吃了美玲媽整的唔記得乜乜糕, 幾好吃。
走時姬姐叫我在走廊雙腳牚牆爬上去, 因為美玲姨住那裡的走廊很窄,
如果牚得到上去就請我吃日本菜, 我說 "我唔鐘意食日本野" 就入了lift, 哈哈~
傻咖?! 細個時就真是這樣玩過, 現在又肥又大個, 牚到跌了下來就真是失禮呀!
之後就回家, 因為好近我家, 正呀~

明天又要早起, 唉~~ 唉唉聲呀!


>>November 19, 2004 at 5:30:46 PM GMT+8

2004 年 11 月 17 日 星期三 【颳風】


今天又遲到了, 真的被5婷講我日日遲到呀~

返8.30, 要6.45, 最遲遲遲7時起床,
但我睡到7.45才起來呀, 平時這時候都出門口,
即時彈醒, 之後8時就出門口, 和阿清一起返,
等車時撞到流料敏, 又3個一起返。
遲了15分鐘啦。
上堂時又笑, 又和煒瑩勁笑, 因為聽到些.......

又好眼訓, 捱3小時 mkt lecture,
但今天下午不用上contem. issue,
所以上完這3小時lecture 後就可以放學了,
之後8個人去了油麻地唱k,
我們這個配搭勁呀,
有胡雅慧, 阿jack (到現在都不知道她叫什麼名, 只記得她也很喜歡jack, 所以我叫她做jack), 阿2號, 高妹, rain, 芳s, human, 我...
勁耐沒去唱啦, 搞到成個大鄉里咁, 好多歌都不懂,
又玩多聲道, 但都會不理照扮男人聲去唱囉,
好勁咖我, 男又得女又得咖!
和human 勁唱wan光, 又唱i love u boyz...真是笑到想嘔,
一邊唱一邊望著i love u boyz 個衰樣就會激爆笑。
其間我被死高妹...唉~
我feel到到時去南沙, 一定會嚴重受傷地返來hk呀~

之後和高妹, 芳s & human 去了朗豪坊行,
第一次去, 再一次大鄉里了,
因為真的好多東西看, 又大。
之後再去旺中, then 就和human 搭西鐡回家,
勁累, 累得好辛苦~
走時在mtr 見到個奇人, 個女人個頭,
明顯是有問題的, 但個頭真的勁, 好難形容,
好想笑, 但又忍住, 之後我就合上眼扮訓覺, 縱使我是站著...
忍笑真是好難頂呀!

今晚勁做eng! 過了deadline 啦, 但都做啦, 沒理由不交呀!

感謝主今天平安又一天。


>>November 18, 2004 at 4:47:05 PM GMT+8

2004 年 11 月 17 日 星期三 【微冷】


昨天又北上, 又累死, 今次還讓我發現發大陸呢!~

今天不想起身, 因為勁累, 但都死起,
因為第一堂就mkt tutor., 想做case study。

lunch 和michelle 吃四川, 家瑩返了家沒有和我們一起,
因為太累, 火到爆, 過馬路時有個阿嬸呱呱叫話我們, "冇車就過馬路啦" (註: non-stop 地講+大聲)
低能, 過不過都關佢事, 之後我又火上火, 話她紅燈呀~
最真就是d 人在街上呱呱嘈話人,
之前我在元朗踩單車時都有個阿叔話我 "冇車就過啦, 等乜呀?"
我又話返個阿叔轉頭, "紅燈呀阿叔!"
都知自己衰, 把口唔識收....
又試過在旺角鬧人食煙嗅到嘔, 不過那次我鬧完即走, 知道自己隨時會比人打呀!
總之, 每次最火時就會覺得易遇到這些事, 就會鬧人,
不過人不犯我我不犯人, 最好不要野我。
怒燥呀我!

下午上wta, 忟到爆, 又做不到flash,
阿旺過來教, 教完後自己又做不到,
又在忟自己死蠢, 又眼訓。
上上下堂燒燒打來, 我的語氣都不太好,
完全不想講野, 但又無理由不回應...
燒都feel 到我忟, 後來我都醒水講自己那刻在忟什麼。

走時和清搭西鐡, 各有各訓,
之後又一起去市中心看要看的東西。

返到家又勁訓, 訓到8時許9時起身。


>>November 17, 2004 at 5:39:39 PM GMT+8

2004 年 11 月 14 日 星期日 【微冷】


昨晚4時才睡, 看粵語長片"飛哥趺落坑渠",
勁好看呀, 好搞笑的, 但看到4點都未做完,
就去睡了, 因為今朝要早起返學, 廢鬼事。
媽咪就話呢套野由細睇到大, 記得曬~

感謝主, 今早我可以準時起床,
臨出門口時還可以靈修, good~
本來阿清打來話一起搭車,
但去到站時又見不到她,
竟撞到human, 之後就有車來了,
但阿清還未來...
後來架車走了不久, 阿清打來說要遲, 要我上車先,
oh no~~ 剛走了, 又要等6分鐘...
就是等了下班車, 所以就撞到林家明,
又撞到他啦, 死未,
臨落車時他走過來先知和他同一cart 車, 他又話我了,
勁黑仔! 不知為何見到面就要互話對方, 正一變態!
去到美孚地鐡站時, 我又開始發癲, 勁笑,
又比機會他話我做乜發癲, 唉~ 失敗!
我有預感到時去南沙時我們會和他&高妹他們會喪癲~

返去上完安德尊tutorial, 就去了米線,
阿nona 一返來就和我們講她遲到,
本想入去上tutor, 但覺得好凍, 所以就導致要去痾屎,
我們都勁笑她時常都在學校痾屎, 又會咁多得去~

下午上WTA, test 呀, 我們都沒有溫,
一入去就test, 阿旺都傻的,
我們test, 他就行來行去和人講笑都得o既,
成班差不多個個都做到忟,
個個係度嘈, 我左右2個都勁講粗口,
因為阿旺的題目都不太詳細, 還要上他的website 才可看到題目,
和以前miss li 的........唉~
做到爛晒啦又, 成pad 野咁,
交時又要send 落去阿旺的email,
upload 都不知up 什麼, 因為我都做到亂晒,
真是煩到嘔屎, 做到過時,
加上前面個隻"大蜂", 自己做完走時走過來好大聲地煩坐我隔離的一個同學,
我們這邊個個都未搞掂, 他做完就走過來煩煩煩, 煩到我隔離個個勁話他快d走開,
但他仍在嘈, 我們幾個都話他好煩, 忟到爆,
跟住我就好大聲地對住部腦話 "妖, 煩到嘔屎呀你"
之後他才走, 但may be 他會以為我話阿sir d 野好難upload, 又may be 他意識到..........
不理了~
落堂, 到下一班旅遊的人要用房,
別人阿sir 都走入來叫我們走因為要上堂,
勁吹我們 "同學, 好走啦, 我地要上堂..."
講了n 咁多次。
你估我們不想走呀?! 已經喪upload 啦, 嘈嘈嘈~

之後就好眼訓, 和清一起走,
在長沙灣地鐡站又被人查票,
查了n 咁多次都要查, 驚死我們不是學生而用特惠八達通,
趕時間呀大佬, 查查查!!
之後去開工啦又,
在街上覺得好凍呀, 大風到死,
又沒有扎辮呀我, 吹到成個癲婆咁,
又累又頭痛又吹到咁, 成隻女鬼+喪屍在街行, 我都feel到好恐怖。

今晚食飯時, 又聽到些不太開心的事,
聽到都有點忟忟地, 但又想下,
何必和一個老人家計較, 人偏心一定會有, 何況老人家,
但我又明白媽咪的, 可能以前真的令她傷心,
那麼多年都事都記著.....
所以有時聽到媽咪又講起這些都會叫她算...
雖然聽到她竟然這樣話我們兩姊妹, 說話上又有些離譜, 聽到都會不開心,
但又想下....人不竟是人.....我們有神嘛!
神看我們每一個都是寶貴....個個都一樣咁愛!
這樣就好了, 之後我都嘻嘻哈哈又講另一番說話, 自己講完自己笑, 縱使沒有人理。

今晚........好累啦又!!!


>>November 15, 2004 at 4:14:38 PM GMT+8

2004 年 11 月 13 日 星期六 【晴】


晚上和阿妹&媽咪去打邊,
勁多人, 多人得恐怖呀~
晚上返來不久阿爸又返, 買了盒花旗芯茶包給我呀, 想飲好耐。

又整不到個printer, print 不到呀,
好黑人憎, 不知問題在那裡!
自從安裝了個野之後就這樣, 現在連最基本的words都print 不到。

想了個目標, 希望做得到....
我太懶了, 時常有心無力, 有時都好慚愧, 好對不起主,
沒有留時間給主, 有時連少少親近神的時間都沒有,
只是懂去唱詩歌和彈詩歌......(有人說這也是和神一起的時間, 但我覺得不夠, 好像差點東西)
搞到個人咁累咁忙做乜?! 又憂心, 個人又衰 (樣衰都算呀),
又容易忟, 又對個姊妹有d 野咁 (我冇表現出黎)
我時常都做好多令主傷心的事, 又不夠信心!
陳哉~!!!!!! 你太小信啦!! 又沒有寬恕的心, 小氣 (縱使有人曾說我是在這班年青人中最大方的一個, 但我知我個心深深處是對其中一個姊妹有計較)
又沒有真正把事情交給主......好多好多...
真是一個大大不配的人!!
還未有真正的喜樂, 就是信心不夠囉~
唔掂唔掂~

"我要歌聲響四方, 來頌讚最美名字,
就是基督謙卑降世, 十架頂死只為我罪...."

唱到這裡就知道神好愛我, 但又一次又一次咁傷佢心.....


>>November 14, 2004 at 5:42:55 PM GMT+8