2004 年 6 月 24 日 星期四 【酷熱】


晚上打來, 一聽到佢把聲就冇mood~
佢講都未講完, 我就截佢講了2句,
跟住佢好似想講bye bye 時 (其實都唔知係咪重有野講), 我就即講bye, then 就cut 線。
唔想同佢講野~


>>June 25, 2004 at 4:50:36 PM GMT+8

2004 年 6 月 23 日 星期三 【晴】


昨晚4時許醒了後睡不到, 累到爆炸, 但不能再入睡, 死未! 累死呀~

之後今早又要早起, 在杏花村搭校巴去柴灣, 激多人, 又熱, 好在沒有suit 樣咁去。
有樣奇事發生, 排在我們前面有幾個男仔, 突然有人尖隊, 之後我個朋友和我說: "喂, 係唔係xx 呀?"
我望一望, 又覺得是, 又覺得不是, 因為總覺得他和之前有點不同, 我說: "唔係嘛, 似jei"
之後沒有理會, 照樣繼續看我要看的東西, 但我個朋友勁說: "唔係呀, 真係xx 呀, 你望下!" (連說了幾遍)
之後我就一邊低下頭看我要看的東西, 一邊就聽到xx的聲音, 那時就知道真是他, 因為沒理由連聲都是似。
不知何解, 覺得好樣衰, 之後就叫我個朋友: "shu~ 唔好出聲, 扮睇唔到~" (個刻都唔知點解會咁做)
那我就勁低下頭繼續看, 不知道呀, 覺得好樣衰, 如果不是我朋友這樣說, 在那他們後面研究xx 是不是真是xx 時, 我想我都不會這樣做, 因為覺得xx 的朋友會聽到我們在研究他, 所以就扮看不到。
覺得好瘀~~
準備走時見到鄭智, 大家在面前成分鐘都看不到, 之後我見到她就叫她, 咀了兩句啦。
拿了幾份form 填, 填到不知什麼公司打什麼公司, 還有即場面試的.....
後來更發現有份是designer 的, 都填了, 幾美妙。

唉~ 又搞到一整日, 好累呀, 連續兩日都..........虛脫喇~~

放假還累過不放假, 之前4月個假都是這樣, 累到病, 所以這個長假不要病呀~ (但覺得開始病病地了, 個頭又開始痛了)


>>June 24, 2004 at 1:25:34 PM GMT+8

2004 年 6 月 22 日 星期二 【晴】


這幾天做了好多事, 好像忘記了做了些什麼, 只記得出過去旺角, 出去退錢, 之後報名, 之後做了些什麼?! 真是記不起。無腦咖!!

今天燒燒來了一起去踩單車。
踩過去景峰, 租多架單車,
再踩回我屋企附近 --> 洪水橋 --> 天水圍 --> 屏山 --> 元朗 --> 食b 仔 --> 返回景峰還車 --> 送燒燒搭巴士 --> 自己踩回家。
下午2時半開始, 晚上8時回家.....
踩到人都癲, 勁熱, 我們差點變人乾, 喪熱喪踩, 但好搞笑。
下次又入黎一齊喪過!

累到傻, 今晚要早點睡, (但我諗早極都會1.30 才睡)


>>June 23, 2004 at 2:16:33 PM GMT+8

2004 年 6 月 19 日 星期六 【晴】


本來今早較好電話要8.00 起身, 但都聽不到, 一直睡到10時許。
無啦, 之前那晚失眠, 就會造成這個後果。
都是媽咪叫我起身返教會才懂得醒來~
但都是好累呀, 因為勁發惡夢,
夢見勁比人追, 那我就狂跑,
在西鐡站內比人追, 個站都不知是什麼站, 大到無倫, 跑也跑不完,
而那人......追也追不到我......個樣就看不清楚, 但潛意識是他囉, 嚇死我!!!

好累呀又~~ 燒燒呀...我幾時才可見到你呀!!??
dan dan, 你去日本上堂有冇手信呀?


>>June 20, 2004 at 9:17:27 AM GMT+8

2004 年 6 月 18 日 星期五 【晴】


彼此勉勵 無萬語千言
此刻我願 神伴你每天
幾許世事改變 主恩典不變遷
因主名字是以馬內利
神將衪的愛盡獻
主恩降臨 才驟覺甘甜
總不間斷 神伴你每天
憂傷眼淚不見 歡欣笑臉重現
因主名字是以馬內利
神恩典豐富未變

許多過去 今天發生
前面有主跟你同行
神在世界 留下愛的腳印
也會為你賜福一生


>>June 19, 2004 at 11:32:35 AM GMT+8

2004 年 6 月 18 日 星期五 【晴】


好眼訓呀~ 昨晚又失眠啦, 好煩呀!!


>>June 19, 2004 at 6:01:52 AM GMT+8

2004 年 6 月 17 日 星期四 【晴】


今天在屯門行了一陣, 好熱呀~
行到差不多走時, 有人發癲打電話來說mouse 壞了, 要我去boardway 看看去買過新的.......真是痴孖筋, 玩唔切呀?! 即刻咁喎!~~~我說不如我出開去看看電腦商場再買, 因為我都時常出去, 但又講了一大堆好似好有理論的廢話囉, 又話 "唔曬車$, 唔差個10元8塊..." 我說 "咁boardway 都冇得揀, 得一個款, 你玩唔切呀而家?!" 之後又講......我cut 線!!!!!!!
完全是想講粗口囉即時...........但後來我也去了boardway 看, 都買了....不出我所料, 真是得一隻款。一返到去又要即刻要求立即安裝, 白痴啦......我死都話好累, 想訓覺, 一陣先, 後來佢都自己裝囉, 插線都話唔識。

今晚michelle 說 在新的nokia 廣告有 Goko 呀, 要留意留意先, 好靚仔呀!!


>>June 18, 2004 at 4:51:26 PM GMT+8

2004 年 6 月 17 日 星期四 【晴】


昨天出了旺角看戲, 麻麻啦。
行了一會, 之後返元朗去吃印尼飯.....KAMA NASI, KAMA DA YI~~
我記得咖, 哈哈。
"DA YI 味嘅 NASI 定係 NASI 味嘅DA YI 呢??", 唉~ 在條街上笑到喪!!
KAMA = 食
NASI = 飯
DA YI = .........估下都知係乜

之後去了映sticker 相, then 就去了b 仔吃甜品。


>>June 18, 2004 at 6:53:52 AM GMT+8

2004 年 6 月 16 日 星期三 【晴】


昨晚返了教會查經, 講了 "揀選", "聖潔", "順服", 只是2節經文都講了個多小時, 但很好, 感恩是我們又分享了好多, 姬姐要我們抽書籤, 是火柴人書籤, 書籤上的經文很適合我們, 個個都話很適合現在的處境。

今天下午返了教會幫玉兒手補習, 因為班小朋友明天要考試, 大多數要考英文, 她一個人顧及不到。
班小朋友真是..........
"呢個係咩呀?!! 唔識呀!"
"你睇人地點答?! 阿B 答 one hundred dollars, 咁即係有關錢啦, 咁問人幾錢點問呀? 用乜呀?"
".......用who 呀?"
"who? 係誰人咁解喎~"
".........where?"
"....用how much 嘛, how much 即係用係問幾錢度啦!"

還有, 君樂和映彤時常給玉兒話, 未見過玉兒惡的, 但我很明解她的心情的, 因為我自己的學生也是這樣。
做做下發夢、玩、理別人的exercise, 自己又停手不做、讀vocab讀到想喊、無啦啦周圍跑.........真是好搞笑, 又激死!! 講極用 "when" 但死都寫 "where", 玉兒改他錯了, 又說是我教他, 激到 "bear~" 一聲。

明天會見到燒燒, good!



剛才看到 "變靚d " 這3個字, 笑到死亡~~
肥媽, 婷婷..你係得o既!!!!!!!


>>June 16, 2004 at 4:46:14 PM GMT+8

2004 年 6 月 13 日 星期日 【晴】


今天收工後去了park'n shop 買了些食物, 就準備搭輕鐡去禤頌恩家, 因為今晚青年團契, 去頌恩家裡團契。在蔡意橋輕鐡站撞到蘭子, 之後一起等車, 來了架751, 而姬姐, 娟娟和恩琴在那架751上, 那就一起去到市中心再轉614。

今晚晚餐, 勤嫂煮得幾好吃, 為何古嚕肉可以那麼好吃, 還有些蟹, 勁有味, 和我媽咪整那些 "淡蟹" 真是.....再加上我們買了些即食食物上去, 蘭子又買了壽司....good~ 今晚終於吃到 "花之戀" 壽司了, 因為次次有聚會, 蘭子買壽司, 都沒機會吃到 "花之戀", 因為勁聽人講好吃嘛, 今晚終於試到, 平時我不好日本食物的, 都覺得又真是幾好吃喎~
一邊吃一邊傾, 又勁笑, 又一邊看電視, 好搞笑, 蘭子講在做show 時和大陸的model換衫, 有拉鍊拉到個model d 肉, 還要一場內拉到3次, 痛死她, 笑到我們死, 因為蘭子講得太好笑, 又放盡喉嚨來講, 姬姐笑到滴口水, 喪晒.....之後看<皆大歡喜>, 阿萬桂菲打個賊, 姬姐勁笑是我, 見到就想起我....eerr~~ "-_-
後來就開始團契, 大家帶了小時候的相來分享, uncle peter 和勤嫂都一起坐過來參加, 幾好, 因為平時勤嫂在教會除了崇拜, 都很少參加其他的。很好笑, 最記得婷婷和梓梓2個張開口映相.....笑死! 姬姐就帶了最多相, 很好笑, 因為差不多每張相都有個故事, 最好笑就是她中一旅行時和2個阿sir 映的相和當中的故事.......笑死, 最記得其中一個阿sir 是帶太陽眼鏡的, 我和蘭子又在勁說笑, 說那個阿sir 無時無刻都會帶著那副太陽鏡, 訓覺又帶, 沖涼又帶, 連游水都帶...笑到姬姐出不到聲, 哈哈~~ 真是當一看完那張相, 再加以想像, 就會激好笑。之後大約差不多11時就走, 走時我們映了全家幅, 有張我們是個個張大個口的, 學梓梓婷婷細個時映相張大口~
今晚雖然很累, 但都幾開心, 有東西給我笑就得咖啦。感謝主!

唉~ 時間真是過得快, 話咁快就廿幾年, bb 相真是經典!!!! 話咁快就畢業了, 死未!!


>>June 14, 2004 at 5:01:25 PM GMT+8