2004 年 8 月 6 日 星期五 【晴】


今晚同爸爸講high dip 今天正式通知收了我...
但又怎樣?
問題還未解決到~
灰到爆!!


>>August 7, 2004 at 4:51:50 PM GMT+8

2004 年 8 月 5 日 星期四 【雨】


平時都是飲下午茶的,
今朝一早起身成家去飲早茶, N 年之後的今日再一次飲早茶,
早晨!


>>August 6, 2004 at 12:22:35 PM GMT+8

2004 年 8 月 3 日 星期二 【晴】


星期六晚佈道會, 比我想像中多人, 感恩。
那天我一教完琴就返去, 我去到都開始了差不多一個鐘~
其他教會幫我們手的一班年青人做的默劇都幾好看。
晚上bbq, 大約30人, 搭了4個爐, 幾熱鬧!
好多都是初中生, 這班少年都有得做~

星期日崇拜後分享返我上星期的music camp,
我好坦白地講出自己不太喜歡這個camp 的感受, 偷走下山等,
亦都講出當中的得著 (不喜歡不代表沒有得著) 和小見證。
下午又出去練acm 歌。

星期一終於可以睡到日上三干, 勁正~
下午就去開工!
晚上去了安定拿東西, then 再返家。

昨天下午一家 (除了阿妹) 去了元朗吃indian food~
幾好吃。
之後買了兩個枕頭, 一張床槈, 還有其他家品,
重到死, 又大件...
好累又熱,
晚上返教會查經, 查了那麼多次, 終於第一次在開始前有詩歌。

今天一早和阿妹爸爸踩單車,
本想目的地是元朗南生圍,
但在天水圍逗留得太久。
我們由屏山踩入去,
在鄧氏宗親祠堂休息了一會,
之後就踩返出村,
由天慈入天水圍,
兜了整個天水圍,
入了輞井村, 再上山見到蛇口,
之後就返出去洪水橋,
又再經過屏山,
之後就直去元朗,
本想就是由元朗工業村再去南生圍,
但阿妹要趕時間出去,
所以都沒有去了,
在元朗吃了個tea,
then 就返回了~
我又曬黑了, 又成個菲律賓人!

好累呀又~
下星期又返祈福, 又可以去廣州了, 哈!


>>August 4, 2004 at 10:40:44 AM GMT+8

2004 年 7 月 30 日 星期五 【晴】


星期一至五去了長洲建道神學院的聖樂營,
感覺okay, 但第一天, 即星期一,
感覺很不習慣, 因為比我想像中還要嚴重!
時常都要坐在hall 中聽東西,
但第2晚開始, 就開始較投入了。
頭兩天真的覺得好悶, 有埋怨的!!
有很多人呀, 不單只我們,
又有中國的同工, 來自廣州, 上海, 北京, 還有其他省的。

每晚都有晚祭, 這是每天最投入的部分, 因為在晚上。(我最精神)
原來有些行禮儀的教會, 在一年中在52天內所做的節日祭,
我們在這5天內做完。
星期一晚講了有神, 我們有救,
星期二晚講了神的兒子耶穌出世,
星期三晚講了耶穌被釘十架, (最touch 都是在這晚)
星期四晚講了耶穌復活, 凱旋回歸, 升天,
星期五下午是讚美永活基督, 聖餐。

每一天都有個專題, 下午就最悶, 因為什麼研討會,
又不准人下山, 因為神學院是在長洲的山頂道,
那我星期2和星期3下午偷走下山, 因為不想聽研討會...
其實每天下午lunch 後, 都有大約半小時的時間返房休息,
那我就在lunch 後這段時間偷走下山。
下山後就去parkn'shop 和 wellcome 買食物,
之後就行街,
到差不多時候, 我們就返上去參加另一節目,
不知不覺出現在人前....
如不下山去玩真頂不順呀~

下午有段時間的節目都幾好, 叫 "少年得自由",
和班十多歲的小朋友一起都幾好玩,
我想我和欣欣在那麼是最大的了。
唱歌妁終於可以唱輕鬆的歌了,
好像主日學般, 又看vcd, 玩games~
sandy 就帶了樂器, 入了樂器組, 所以我時常都不會和她一起
她就happy 啦, 玩樂器, 我就要唱歌, 人都癲唱到。

每晚dinner 後就晚祭, 幾good~
其實每天lunch 前都要練歌的,
我們每一位營友都被分好組,
我是 "忠信義僕" 組 (choir name) 和 "逾越組" (每晚分享的group name)
always 唱唱唱, 練練練,
還要被分到是唱soprano,
詩歌真是好詩歌, 非常之藝術, 還要嚴重過 "聖詠",
唉~ 唱到喉都沙, 最後2天有些更無啦啦被miss 要我唱 soprano one,
即最高音, 高到唔高~
不過這星期真是學識了好多唱歌技巧~

起初覺得好無奈, 有些歌都覺得不好聽,
但原來我們每天都要練歌, 做很多功夫,
都是為了晚上的晚祭。
因為晚祭內我們每位營友分好組的都要獻詩,
是和其他組的弟兄姊妹一起夾歌,
原來夾起來都幾好聽的,
又和會眾夾, 其他人唱主音,
我們就唱附加高音, 人都癲!!!
而星期四晚就是我們 "忠信義僕" 主要唱的,
好多歌都是我們唱, 都幾好玩~
每一位都有份事奉的!

每次晚祭我們每個會眾都有分參與的,
無論唱詩, 讀經...
讀經真是好drama feel,
分開幾個讀經員上台, 扮演不同角色地讀出經文,
這樣很明白講什麼, 不是死版地照讀。
特別第3晚, 個feel 幾正, 個心情真的幾沉重,
因為講耶穌被釘, 那晚個hall 的燈光都較平時暗,
讀經時, 台上的幾個讀經員又分角色地讀,
說要釘死耶穌, 那我們台下的會眾, 都有讀,
說要把 巴拉巴 放出來, 要釘死耶穌,
那我們就勁說 "巴拉巴...巴拉巴...巴拉巴.."
好像玩drama般, 好互動, 但一樣照著聖經來讀的。
唱好多歌都好慘feel, 真的沉重, 耶穌被釘喎!
手鈴隊到最後敲出3下鈴聲, 即代表耶穌死了,
那時整個hall 都熄燈, 我們靜寂片刻後,
那晚整晚都不准講野...直至星期四...
呀~~ 對我來說不能講野真是.................
入到房後, 我和阿欣兩個在同一房內, 都要用sms 來傾計。
每晚都早睡呀~

有兩天我們被隔離房話呀~
原來隔離房有個姊妹是中心堂咖,
勁惡囉! 又話晚上我們3個人講野佢都聽到,
話我們令到她睡不到呀~ 可能隔離好傳聲啦!!
但我們都就住, 都被她敲了兩次門話我們~
那晚上嘈, 我們就抵被人話的!
但有一天是lunch 後, 下午來的, 我們返房,
那下午我們3個在房內勁說笑,
又被她走過來敲門話我們囉,
話我們令到她睡不到, 下午在房嘈, 鬼知佢要睡咩,
之後話完又再話, 後來sandy 就要練單黃管就走了,
又得她在話我和阿欣, 後來阿欣都認不住話她!!
我就扮聽不到, 玩我的sms~
晚上就打比啟豪問他那個話我們的人是乜水啦,
原來是中心堂的教師, 一向管開細路~~~
車, 她完全當我們是她的細路地話囉!
理佢都傻!

昨晚出camp, 之後就去了元朗neway 唱k buffet,
都有9個人, 因為蘭子先幾日生日,
在那裡吃了個蛋糕和香檳,
其實我是遲了去到, 一入到去成台都是食物, 激呀~
不過開頭去到都呆呆地, 因為都累,
但後來就精神, 愈夜愈精神嘛~
姬姐和恩琴, 頌恩早走....
後來就婷婷和梓梓走,
再後來就娟娟和阿劉走,
最到後就得我和蘭子兩個12時半才走,
癲!! 坐最後一班輕鐡!
蘭子有部相機是映4格快拍的,
映姬姐時, 姬姐做了幾個快速動作, 激好笑,
笑到死, 就是 --- 印腳加7字手勢托下巴樣, 做得激快,
笑死左!!


>>July 31, 2004 at 5:55:20 AM GMT+8

2004 年 7 月 23 日 星期五 【酷熱】


昨天返了教會繼續幫手,
和小朋友玩, 教他們整食物,
他們整的壽司....完全好似 "爆屎渠" 般,
核突到極點!!! 爆晒飯~
他們整的食物是for lunch 的,
但後來lunch 時我和蘭子在房內整另一些食物,
沒有吃到他們的傑作。

之後又教他們整lo 米 chi~
失敗啦, 蒸到過時,
但後來多得少萍姨姨幫手, 最後個結果都幾好,
分好了一粒粒後就見得下人,
雖然有點樣衰, 但真的幾好吃。
之後完後就briefing,
此時我已經極累, 個人又很不舒服了。

晚上約了4個舊同學去了意粉屋食飯,
我們都不志在吃, 在那裡勁傾,
傾了很久。
之後又再去food court 繼續傾, 幾開心。
她們說我昨天個look 好陽光feel, 嘩哈哈哈~~

今天又早起去開工,
一直落, 最後返教會教映彤。
她極好笑, 因為今天他們班小朋友去了海防博物館,
我要開工所以沒有跟他們去。
映彤好似傻了般, 勁開心, 我講兩句她又笑,
但她今天較上星期精神, 都幾好。

今晚我和珊珊、玉兒、姬姐、蘭子、婷婷、梓梓、陳姑娘、雄仔餅和ruby,
去了錦田吃尼泊爾菜, 覺得幾好吃呀,
因為好多辣的食物, 我最喜歡的, 吃到個人有點 '慶'~
之後我們又勁傾, 吃完都傾了很久。

今天都好累了, 累足一星期~
要早睡!
感謝天父這星期都幾開心, 雖然累!!


>>July 24, 2004 at 3:14:20 PM GMT+8

2004 年 7 月 21 日 星期三 【酷熱】


完全大昏迷, 今早睡遲了, 根本完全不想起床。
很累今天~

一早唱歌跳舞, 和蘭子放盡喉嚨癲, 之後就喉嚨痛喇, 真係衰!
lunch 玩 "少萍姨姨車仔麵",
在hall 開了個檔口, 准許小朋友要5種食物,
之後就好像大排檔般開了幾張台。

下午玩了 "奧運會", 班小朋友發了癲般,
我就開始體力透支, 但我是沒有玩的,
個人有點不舒服, 腰痛肚痛, 累到爆炸,
之後我就較他們早點走,
回家即睡, 大昏迷~

晚上吃不到飯, 只吃了少少。

明天又繼續。


>>July 22, 2004 at 4:41:38 PM GMT+8

2004 年 7 月 20 日 星期二 【乍寒還暖】


這星期是兒童暑期聖經班,
但我昨天才返教會幫手。
昨天的活動都幾好,
但我很累, 累得很,
因為星期一那晚3時才睡, 但昨天就要9.30 am 回到教會。
跟著就一直落, 而且又有少少不舒服。

昨天聖經班玩 "貧富宴",
班小朋友分好了組,
而我們導師的就自己再分,
我和玉兒和蘭子一組。
之後就要抽籤,
蘭子派我隻 "衰手" 去抽,
抽了黃色紙, 原來是要吃貧餐的,
但我另外的partner, 即蘭子和玉兒,
就要吃富餐。
都說我是 "衰手" 啦~
貧餐都豐富的, 有白粥、饅頭、花生和炸菜;
富餐還更豐富吸引。
有些小朋友好搞笑的,
知道自己要吃貧餐, 個樣都變埋, 好慘般,
有些吃富餐的, 但就極想吃炸菜饅頭。
最記得揚揚, 勁說好想吃炸菜, 不停地講, 未抽時就說想吃,
但他和智智一組, 智智抽了黃色紙,
那智智就吃貧餐, 揚揚要吃富餐,
但遊戲規定 (姬姐稱之為 "法例規定", 哈~),
不準交換吃和請對方吃, 只准吃自己的,
後來我和蘭子就見到智智靜靜地夾炸菜給揚揚,
個樣超好笑, 扮晒野望去第2度咁夾比揚揚....

之前下午就跳竹舞和打功夫,
跳竹舞勁辛苦呀~
不是我跳喎~
只是負責跟拍子音樂去打竹給小朋友跳,
但坐在地上不停地打, 累到死, 還要愈來愈快, 手也抽筋仔,
走時頌恩都說打竹很累, 因為她之前和小朋友在副堂玩時都是打竹。

下午大約4時就完, 但我就飛快地走,
因為約了爸爸在深水po 等。
很快呀, 在西鐡勁睡, 睡到死人般啦又,
4.30 就去到了。
之後就去看電話, 因為我的電話壞了很久,
最後部電話都救不到, 電也差不到, 死亡!!
後來就買了部 "無得撈啦"。

之後爸爸約了ming 叔叔他們吃飯,
那我就走了, 返了家一會, 個肚又痛痛地...
有點不舒服, 加上又嚴重精力不足...
晚上在粥麵店找婷婷, 之後一起再返教會查經。
昨晚我帶查經, 有點不知怎樣帶才好, 好怕她們悶, 不知說什麼, 又累,
所以我都把自己想到的問題去問她們,
而自己都是不知道答案的, 大家討論一下有關經節。
昨晚陳姑娘都有出席, 她都幾健談呀, 慢慢地了解我們,
亦都解答到我的問題, 幾好呀~

9時許回家吃飯, 又再一次一個人用一張台吃飯啦,
一邊看黃子華一邊吃, 都幾好笑。
昨晚激累, 沒沖涼就睡了。

今朝沖過涼後就返教會,
落大雨, 超大, 我在家都等了一等才出門。
遲了, 大約9.45, 才回到去,
條褲濕到死。
返到去在亭內和少萍姨傾了一陣計, 之後就入去hall 幫手了。
班小朋友今天都幾投入唱歌, 可能有得玩樂器~

下午吃飯, 要我們 "互相服侍", 所以今天一對對地互相餵對方吃飯。
後來我和姬姐玩, 她只是餵我吃白飯......呀~~

飯後玩了個drama game,
在8個聖經故事中揀一個來演,
我的組的小朋友勁嘈,
他們揀一了撒馬利亞人的好心人故事來演,
那我就要和他們分配角色和講解一次個故事,
但他們勁嘈, 在hall 內勁叫勁跑,
後來頌恩都幫手維持一下,
但都控制不到, 叫破喉嚨, 人都癲呀~~
之後阿邦過來幫手, 才控制到。
其間我和邦分配角色, 叫其中一個小朋友扮驢仔,
但她不肯, 叫她做這個, 又不好, 那個, 又不好, 勁扭擰, 忟死。
那我就說 "咁你扮佈景啦~"
邦就說 "係啦, 佈景啦~"
之後個小朋友就好大聲向阿邦手指指地講 "你無權喎, 你有乜資格 "報警" 呀?"
那時激好笑, 笑到我坐在地上呀~~
阿邦就向她講清楚囉, 我也向她講, 而且寫 "佈景" 二字在白版上,
嘩哈哈...笑到我真是死呀~~

我組的揚揚、義義和另外兩個小朋友扮強盜,
君健扮利未人, 有個扮祭師,
映彤扮驢仔, 被少玲騎,
好搞笑的, 揚揚他們4個強盜好搞笑,
勁有氣勢....哈~
珊珊那組的小朋友, 原來也是做我們組的故事,
君樂扮被人打劫的人, 個樣超好笑, 衰衰咁, 幾囂張的。

今天都好累呀, 本來完後要出隊, 去富泰派音樂會的單張,
但蘭子做的單張design 還有少少問題,
故未能出到, 要到星期5完後才去派, 求主保守!

完後在教會開會& briefing, 傾了camp的事...

5時許和蘭子去了新墟買星期5教草餅的材料,
熱到傻。
去之前過了蘭子家, 隻狗osca 還餓到走了出來迎接我們, 更咬著一張紙,
等她餵完貓貓、狗狗和兩隻鵝才去買。
好搞笑, 她的貓貓入了廚房偷飯食....激到蘭子死~~

今天又好累呀~
明天又繼續!
感謝主又帶領我一天~


>>July 21, 2004 at 2:04:53 PM GMT+8

2004 年 7 月 18 日 星期日 【晴】


今天返學拿成績表, 比想像中高分, 感謝主~
幾驚科科都只是40分, 那就真是型到爆喇~ 幾難度高呀!
okay 喇, 見得下人咖~

由昨天開始個肚就痛, 直到今天,
下午開工, 教5.00, 本來要7.45 才收工,
但個肚太痛了, 勁不舒服, 教了兩個學生就走了。
都有遲到呀, 5.10才到, 痛死喇!
走時個老闆還叫我快點去看醫生。
之後去看醫生, 覺得都不太嚴重,
所以就走去排街症夜診, 不太貴嘛,
雖然好快就有籌, 但要等, 等到8.35 pm 才入得去見醫生,
未曾排症等得這麼久, 之前都看過啦, 以前很快的,
但今次真是.....
想出去行一陣抖一抖,
但個肚愈來愈痛, 所以擰願坐在那裡, 玩sms 和看書~
哎~ 醫生聽完我個肚, 就說句 "都冇乜野呀~"
我說 "但我個肚痛喎, 一食完野就痛, 之後就痾"
痴線的~
給了止痛藥, 吃了, 但現在都時不時痛....
救命呀, 不知道想怎樣?!
痾又唔係, 唔痾又唔係, 總之就好鬼痛!
我擰願肚瀉呀, 好辛苦!


>>July 19, 2004 at 5:55:38 PM GMT+8

2004 年 7 月 16 日 星期五 【乍寒還暖】


星期四晚返了教會團契, 熄晒燈只開十字架燈,
勁有feel~
雖然人少少, 但都覺得幾好,
可能有些games 和sharing 的format 之前未曾試過喇,
玩到晚上11時才走, 時間都幾長下...
最記得最後個 "愛心" game,
是要用 "愛心" 餵人食雞蛋和飲水, 但自己又要比人餵...
哎~~ 珊珊被邦餵到....噴水, 超好笑!!
最衰邦, 令到珊餵不到我, 餓死喇~~?!!
中間的sharing, 更知道別人是怎樣看自己, 是一個怎樣的人...

今日又忙了一整天, 中間時間有學生停了一堂,
可以回家小睡片刻,
但醒來後要繼續, 就覺得好辛苦了。
勁不想move~~
累到就來死般地落去輕鐡站。

有個新學生, 幾聰明, 又留心, 一教就識, very good到極。
直落後返教會教映彤彈琴, 都okay, 但後來就開始發夢~
之後見她們繼續忙暑期聖經班的事...都差不多了,
幫蘭子手貼下字囉, 個board 幾靚。

開工時, 又給另一個學生說我好搞笑喇,
一望到我個樣就笑, 一望就笑, 想點喎~
還要笑到彈不到, 又話我 "唔好笑啦, kaakaakaa"
我都無笑!! 幾冤枉呀~ 勁指住我來笑~~
教她彈時就是講了句說話, 竟然笑到她死~
首歌是講個人 "jump from the box"
那她就彈啦, 怎料她彈錯一個音,
我就說 "嘩, 彈錯左, (此時就指著個書中的公仔) 咁個人跳落黎一定义錯腳喇, 彈準d..."
哎呀~~ 就這樣笑了幾分鐘...無得頂呀~

下星期返去幫手, 可以和小朋友玩下。
今晚玉兒好搞笑地向我和珊珊說勁想燒野食,
連講了幾次...她就來上我身啦,
因為我時常都是這樣突然想吃某樣東西...哈~
好像昨晚我和cell 說突然勁想吃愉快動物餅一樣!!

昨天執書櫃, 變態的, 十萬九千份notes,
year 1的 notes 都掉了很多了,
還有今年的, 但都暫時保留著.....
唉~ 整齊了一點囉, 但都很多!!!

下午收了建道神學院的acknowledge letter,
到時下午才去註冊, 不用早起! good~


>>July 17, 2004 at 6:22:27 PM GMT+8

2004 年 7 月 13 日 星期二 【酷熱】


下午返了教會幫手打暑期聖班的時間表,
幫手抄歌, 傾暑期聖經班的餐單等。
一邊聽森美小儀一邊做, 幾搞笑,
自己對住個mon和歌紙傻笑。(是無啦啦爆笑個隻)
今天映彤知道有兩本新琴書, 見到她陰陰咀地笑...幾可愛呀~~

之後搭輕鐡去兆康再搭西鐡出去,
在兆康輕鐡站拍完出站後, 再上去搭西鐡時準備入站,
發現不見了張octopus card,
那好明顯是在輕鐡站不見啦, 轉頭就不見,
之後再落返去輕鐡站找, 又問月台助理,
10分鐘後才發現在輕鐡站的地上,
感謝主沒被人拿去。

由教會去到車上都勁和燒燒玩sms, icq feel~

晚上去了旺角吃日本菜, okay 好吃啦, 好像全部都一樣味道...
因為我都不好日本菜的, 只知道我在那裡勁飲麵豉湯, 哈~
在那裡又笑, 我們4個好像返回中學時般... "互窒"~
之後映了貼紙相。
再去了女人街行了一會, 就走了, 累呀~


>>July 17, 2004 at 5:21:15 PM GMT+8