2004 年 11 月 13 日 星期六 【晴】


昨天星期六教琴, 教完後有個家長打來說佢個女想跟我學琴,
講講下都講了大半個鐘, 大佬, 我踩單車咖, 又怕一邊講一邊會跌死,
又趕時間踩返教會教映彤, 所以就遲了返教會。
好鬼煩, 這個家長是另一個學生介紹的,
所以我都會收得好平, 但她都說我貴囉,
痴孖筋, 根本出面都無可能會有這個價錢來學grade 3,
又和我講價, 講到這個價錢時, 那我就說 "o拿~ 咁啦, 我當你係2級先啦, 3級唔係呢個價錢, 出面都冇可能搵到..."
真是痴線, 我上門教喎, 都平過琴行呀, 你話死未!
我有信心我學了這麼多年琴所得的資格唔係cheap 成咁囉~~

之後返教會再教映彤,
但映彤就說不見了本琴書, 激死人了,
之後我就說 "好野, 我可以收工!"
嚇映彤, 她不敢出聲, 只望著我。

走時踩單車返家途中, 斑馬婷打來說去市中心食飯,
那我就先回家, 8時多才去。
和芳姨, 斑馬婷, 梓梓, 欣 去吃日本野 <--- ekk
之後邦邦和宗宗又join 埋, 本想去cafe, 但又沒有位,
阿邦一聽到話去cafe 就好大反應, 老老套套咁, 又笑一餐,
最後在佰佳買野飲去市鎮公園傾計,
飲成排益力多, 飲到個肚有點兒覺得想瀉~
又傾教會的問題, 傾個人問題, 好多的,
傾傾下又和宗宗發癲, 真是痴線, 笑到嘔,
後來珊珊都來了一起,
傾傾下都12點幾, 真是不知不覺,
最後坐最後班LRT 返家, 好眼訓。

明明昨晚較好電話鬧鐘今朝起身返崇拜,
但個鐘不懂響呀, 最後11.30才起床,
趕不到了, 所以沒有返教會。


>>November 14, 2004 at 5:21:41 AM GMT+8

2004 年 11 月 12 日 星期五 【晴】


先兩日lunch 和以前又是讀秘書的同學仔和miss li 吃飯,
不過以前和自己班的就沒有去, 因為她們現在不和我班, 要上堂,
反而和以前是隔離班, 現在是自己班的同學仔有份去囉。
和miss li 吃飯都okay 開心, 因為她現在每次撞到我們都會好興奮般,
總之感覺不同以前教我們時的感覺...
但吃飯時細b 和她就勁講考車牌...........

昨天下午才返去上堂, 一邊上一邊勁睡,
因為吃了藥, 但我仍可以發過夢, 但又知阿sir 講到邊去highlight notes,
都覺得自己幾勁! 嘩哈!
放學約了燒行街...
燒~ 現在我們不再去看那些, 開始變了..變了..


>>November 13, 2004 at 6:07:36 AM GMT+8

2004 年 11 月 11 日 星期四 【晴】


昨天又好累, 返8.30好鬼死難頂!
放學後和阿清行了一會就去看醫生,
返到家就好Zzzz...
大約10時就睡了,
睡到晚上1.30, 聽到 lift 的警鐘勁嚮,
嘈醒~ 之後就沖涼, 再睡過。

今早去抽血, 一陣再去返學~
英文過了deadline, 還未交呀, 死未!!


>>November 12, 2004 at 3:34:29 AM GMT+8

2004 年 11 月 9 日 星期二 【晴】


今早好早起身去了天水圍伴奏,
個考官勁nice, 以前考琴時見到考官會有點驚,
今次見到個鬼佬就沒有感覺,
可能不是我考啦, 加上個人又大個了。
第一個是梓欣考, 她考flute, 我和她入去,
聽到她吹到有些走音, 平時不走的都走,
我一邊彈一邊見到她的樣好驚般。
之後第2個就sandy 考clarinet,
吹得好過梓欣, 但都有點走走地,
後來我要趕返學, 就先走。
坐車時tina 打給我問她們考成怎樣....
tina 唉唉聲, 又話 "一朝喪...."
又是的, 平時去tina 家夾歌時她們都沒有那麼差....

感謝主沒有遲到呀, 初頭都怕要陪她們考試而遲到呢。
坐西鐡又撞到家明, 一邊行又一邊他的論文了,
不過我都沒有精神去大笑, 好累呀!

下午和michelle & 家瑩去酸辣,
但我今次忍到口了, 我沒有叫辣, 酸辣都沒有, 原味呀!
因為我的咳都未完全好晒, 咳左好耐咖啦。

好zzz, 放學即時zzz,
本來想訓到5時許就去看醫生,
但太Zzzz, 沒有去, 明天去啦!
好驚呀真係, 不過真是襯未有任何痛楚就去睇。
本來這幾天都愈想愈驚, 但今晚靈修後個心又沒有那麼驚,
要倚靠神, 不是在有什麼困難才去拼命找緊神,
要時時刻刻!!! 求主幫助, 不是得把口去講。
唉! 希望不太嚴重啦! 有點點驚。


>>November 10, 2004 at 4:57:10 PM GMT+8

2004 年 11 月 8 日 星期一 【晴】


昨天累到爆, lunch 時都只吃了少少, 有少少作病,
之後就好想訓, 都沒有上下午的堂就返了家訓。
好一點, 訓醒後去教琴, 又教到7.45 pm, 又好累!
晚上溫書, 勁溫勁溫, 都不知自己溫什麼,
完全好 "空"。

今天本來day off, 但都要返去test,
訓到11.30, 之後就溫書,
都是不知道自己溫什麼,
後來返到去就test 了,
覺得mc 完全不知道是什麼,
之後case study 就死抄死抄, 死吹死吹,
不知道自己做了些什麼, 就放學了,
放5.45, 撞到煒瑩&阿朱,
和阿朱去了causway bay 行了一會,
因為她想買件nike 褸, 但現在沒有得買了,
她勁嘈, 好搞笑,
後來傾計講了一件幻想出來的事,
勁好笑, 好記得她說 "u are not my cup of tea..."
聽她說笑到死, 她說如果那件事真是發生, 我一定會笑到死,
狂笑, 笑到全校都聽到...死未。

後來我返去尖沙咀, 一家去了吃巴西,
因為媽咪生日, 今天勁多人,
間野都勁多人, 好多人都生日囉,
聽到個巴西佬勁彈happy birthday!
個兩個巴西佬都來了兩次在我那台唱歌....
不過媽咪就叫我們不要和巴西佬說她生日,
因為怕他們會唱happy birthday 會好樣衰....哈~~
後來去了esprit 行了一會, 買了件衫。
今日我honey燒燒也生日呀, 去了k buffet,
也叫我去, 本來我都想去,
但如果我去又一定會遲去, 因為一定要陪媽咪,
去到唱到11點就要走, 那就去一去就走?!
所以都沒有去了!
燒燒不會嬲的, 好大方o既~
過幾天我送個你恨左好耐o既xx袋比你做禮物都得咖, 嘩哈!

明天要好早起身, 因為sindy & her fd 明天要考clarinet & flute,
我就要幫她們2個伴奏考試,
之後考完就急速返學了。
求主帶領我明天不會出錯啦, 不可以害死人呀!

這幾天都好累, 累到傻, 又好驚...........


>>November 9, 2004 at 5:01:16 PM GMT+8

2004 年 11 月 6 日 星期六 【晴】


詩篇１６篇
「．．．你是我的主，我的好處不在你以外．．．」
「．．．你必不將我的靈魂撇在陰間．．．」
知道Sam從沒有放棄，由始至終也在堅持
反給我們信心．．．他說：「嘗賜的是耶和華，收取的也是耶和華」
好叻！真係好叻！
原來主必不將他的靈魂撇在陰間
我今天才知道．．．
我要知道
他確實去了天父那裡
不應懷疑
我們總會有相見的一天
「你只在彩虹的另一邊」
「雖然身體已經戰敗，但你已經贏了，好大的見證」
真的．．．你給了我們一個好榜樣，Sam！

COPY FROM MY SISTER'S DIARY


Thx 燒, 5婷, 清, 姬姐, 基哥, 玉兒, 蘭子, 觀平, 陳姑娘, 文慧...還有你們, 你們的msn, email, 電話&祈禱....

>>November 6, 2004 at 4:24:02 PM GMT+8

2004 年 11 月 5 日 星期五 【晴】


喪累!!
前晚失眠到4點才訓,
昨天全日沒有休息過般,
今天好早起身又要教琴,
好累!
下午燒燒打來傾了兩句,
那時非常之累, 在輕鐡上有班8婆講野勁大聲,
又夕人又喪累, 好煩!
不想聽到其他人把聲~ 勁想叫班8婆收聲!

想起還未溫晒書...又好煩!

昨晚發了個怪夢：
去到一處地方, 條街上都幾多人,
見到有個男仔, 不知道是誰人, 但我潛意識是認識他的,
後來他拿起支煙出來吸,
之後就突然說 "嘩, 耶穌呀!",
後來就即時轉身躲在牆後面...好似好怕被耶穌見到他吸煙;
我即時望向另一邊,
有好多人的, 但人群中遠處見到耶穌...
我好開心咁跑過去,
跑到耶穌身邊打個招呼 "hi, jesus!"
感覺耶穌好高大, 高大到好似6尺高般,
但衪好友善, 低下頭向我笑&拍拍我膊頭...
那時我好開心, 見到耶穌一邊行一邊都有人走向衪打招呼....
之後就醒了。

整天都記住了這個夢.........


>>November 6, 2004 at 9:43:00 AM GMT+8

2004 年 11 月 4 日 星期四 【晴】


Sam Sam下午2時許返了天家。
明白終有一天會再見的~
傷心的不只我一個,
阿妹&興福堂班弟兄姊妹是更傷心的,
但我們都順服神, 神有衪自己的美意,
感恩是他的媽&姊前日信了主耶穌,
神在Sam 身上做了這個見證了。
晚上一邊行去西鐡站一邊忍不住,
打電話給玉兒, 最後沖了入toilet...
而家有時想起都會不開心,
晚上去姬姐屋企查經, 之後其他人走晒我留下和姬姐傾計.....



>>November 5, 2004 at 5:27:06 PM GMT+8

2004 年 11 月 3 日 星期三 【晴】


一早上8.30堂, 眼訓到爆炸啦又,
約左阿清一起搭西鐡, 上到車都各自睡覺,
但不太熟睡囉, 所以不是跳樓feel 了終於。

上mkt lec. 我坐開個位, 發現周圍身邊的都未返,
坐開的第3行成行得2個人, 一個右邊, 我就是左邊那個,
之後好多人都慢慢返, 總之這堂永遠都會遲到咖啦。
上上下堂隔離班個fd 就嘈啦, 嘈什麼?!
就是說後面有個女仔和她撞衫,
上星期有另一個女仔和她撞衫, 今天就另一個和她撞衫,
她的反應勁好笑, 猛咁細細聲係度嘈,
又話自己在IT 買是真的, 後面個個是假....
好認真地向我解說IT 得短袖沒有長袖, 又沒有那隻色等...
又拉埋件外套, 但好快又開返,
我笑到就來死呀, 總之見到她的樣子就笑到死,
那時成個lecture room 都靜英英的, 而個個都看著ppt highlight notes,
得我一個一邊間notes 一邊咖咖笑,
想忍也忍不住, 好笑到dump 地呀,
amy 見到都沒有出聲話我!
個個星期四的這堂都會有野笑的, 一坐在一起就會出事!

累到極點, 知道lunch 後上contem. issue,
成2堂都講7-11 Japan 個case,
放學後去問阿sir 個bullwhip effect 點做,
計數呀, 我最憎的, 完全不明白呀,
問完阿sir 都不太明囉, 明些不明些,
問極都是這樣....唉~ 鬼叫上星期去了跟show miss 了這堂....
走時在西鐡都有自己再看, 但又不記得有些數字是怎樣得來了,
死蠢就是這樣!
之後就去了canteen 一起傾yr-project proposal,
勁good 呀, 好快就做起寫埋。
臨急抱佛腳就是這樣, 真是乜都趕呀~

返來一個人都沒有, 之後去了睡覺,
累到個人暈暈地!
今晚溫了Mkt lecture 1,2...正確來說不是溫, 是看和記pts,
好鬼累呀...又怕到時case study 不懂答,
回想舊年HR 的case study 都是死寫死寫......
不過我想都是這樣做卦, 舊年HR 都有case study 經驗~



好辛苦, 有好多野發生!
有時都唔識講, 麻木了?!
應該係自己唔識點做, 唔知要做d 乜~


>>November 4, 2004 at 4:21:52 PM GMT+8

2004 年 11 月 2 日 星期二 【晴】


返10.30, 在西鐡站撞到human,
架車去到元朗時停了幾分鐘,
不知發生什麼事, 個司機和西鐡的人跑入去車尾,
車上的人個個勁望, 我們都有望,
但到最後望極都不知道發生什麼事,
可能有人不舒服要call 人啦。

之後返去就上marketing tutorial,
好眼訓, 又case study, 好煩呀,
amy 又卦住講南沙考察的事,
嘈嘈閉, 都不能專心去看case 啦。
後來要抽籤, 我抽到有得去南沙,
但其實我都未決定好去不去,
因為真的想不上堂, 留在hk hea 都好呀,
如果上去呢, 我又可以見識多點, 實地考察嘛, 都是一個機會。
但....好快, 好快amy 就給報名form....
不過現在想都會去多了, 因為聽5婷講得好興奮,
二來同group 和我熟的一位同學仔又會去,
三來隔離班阿變態michelle 又會去,
所以現在我想都會去多。

lunch 和變態michelle & 家瑩去酸辣,
返去上wta, 阿旺2堂都教dream waver,
但我今堂都幾有興趣, 因為都有少部分flash。
差不多放學時, 前面 Tiffany 上網玩3世占卜,
其實都是cartoon 的, 好搞笑,
打名, 出身日期和出世時間就玩到,
她占到林家明原來前世是馬騮, 後世也是馬騮,
show 晒個cartoon 出來, 笑到爆,
勁笑他3世都是馬騮,
之後就到我, 她占到我前世是隻流浪狗, 後世是隻鬼,
笑到爆呀, 狗都夠慘咖啦, 還要流浪狗喎!!
之後就到Joseph, 占到他前世是隻豬, 後世是隻雞,
我還說是要母雞, 不停生蛋那種~
即時爆笑到嘔呀, 我又在大笑, 嚇親隔離呀,
白白痴痴又笑一餐, 癲癲地。

之後放學, 好累呀, 但在西鐡睡不到,
返到家就大睡了, 好辛苦。

晚上知道sam 入了深切治療部,
隨時會過不到今晚.....
一切來得太快, 聽到即時...... :(
晚上都打電話給阿清講,
因為知道她教會今晚有祈禱會, 所以都希望傳開去為sam sam 祈禱,
默默禱告!!
求神 "唔好~~"


>>November 3, 2004 at 1:23:40 PM GMT+8