2004 年 11 月 1 日 星期一 【晴】


不太記得自己做過些什麼啦又,
返學放學教琴囉。
year-project 呀, proposal 呀! "銀髮市場" 呀, 聽落好像好有protential...
下午放學後好似訓過, 之後去教琴囉,
睡眠其間好像有2個電話打來,
但都以為是鬧鐘呀, cut 了,
後來想起又不是這個音樂喎~
有一個是龍龍啦, 另一個就沒有來電, 邊鬼個呀?!
龍龍話我把聲 "謝" 晒, 和他鬥 "謝" 呀,
又不知第幾個人話我把聲唔掂喇!
而家又發覺有點兒傷風。

sam sam 明天做手術了, 之前聽我阿妹講去探他時他變得激瘦+無氣,
聽到有點心"up".......
祈禱祈禱, 祈禱力量很重要。



5 婷：和我做project 那班是正常, 又未至於是騎呢怪o既, 你不要誤會喇, 講到佢地好似好核突咁, 人地真係正經, 唔同我地真係喪癲咁jei, (講真, 我地喪癲呢d 玩起上黎真係有d 恐怖, 淨係笑聲都夠晒, 掉返轉人地咪話我地痴線, 雖然都聽慣人地咁講...) 但而家佢地都開始比我同化緊, 有時傾落都會發發地癲, 雖則我個班真係有某幾人真是用"騎呢怪" 黎形容!! 反而我同其他group 的同學仔又真係可以喪癲喎, 只係自己group 個d 正經d jei~ 仲有呀, 聽人講話南沙團暫時會firm 過台灣團呀, 即成團機會都幾高, 但就不知道是不是個個簽親名都會去到囉, 我都係諗緊, 但你就咁encourage 我去, 如果唔係好似你地去得咁開心, 係咪原銀奉還先?! :p


>>November 1, 2004 at 5:42:06 PM GMT+8

2004 年 10 月 28 日 星期四 【晴】


好似阿zoe 話, 我呢d 理智o既人係唔會同d 幼稚o既人玩埋呢d 幼稚野!!
我都廢事理, 因為我都唔care 佢,
所以自己係唔會唔開心的,
但只係覺得難頂, 因為.......oh no!
快d 過啦!
冇錯, 人一生會識到好多過眼雲煙o既人,
佢呢d 人我係唔洗同佢理咁多講咁多!
個個都咁mind, 就只有自己搵黎煩,
自己會知道邊d 係好o既, 邊d 係奸o既!!
同秘書個2年真係唔同,
以前我地成班有鐘意o既唔鐘意o既都講出黎,
而家係唔會, 某d 人係會帶假面具, 你自己死左都唔知。
有個做緊野o既朋友, 佢都話而家學識左點樣假, 因為d人都係咁,
真係要好好protect 自己先!
我諗第日出黎做野都係咁, 如果而家都話頂唔到o既話, 我就真係唔洗生存。


>>October 29, 2004 at 4:34:24 PM GMT+8

2004 年 10 月 28 日 星期四 【晴】


我心裡多憂多疑, 你安慰我, 就使我歡樂。
(詩94．19)


>>October 29, 2004 at 9:07:38 AM GMT+8

2004 年 10 月 27 日 星期三 【晴】


今天場show 是做Paul Smith,
在香港設計學院舉行, 好有英國建築feel。
晚上做完show 一出來看很靚呀, 又多人, 勁多鬼呀!
我們在金鐘等在一起再take taxi 上去,
3分鐘就到~
12時 rehearsal, 7 pm 才開show,
中間時間去了pacific place food court 吃tea, 應該是lunch,
之後就在那裡行, 很累,
因為今早一早返8.30 am 堂, lecture 時都累到死。
累到和michelle 都想走去香港公園扮阿伯訓覺, 但都不夠時間,
晚上開show 時都要delay 到大半小時才開始,
但好快完。
今次我serve 日本男model, 沒記錯應該上次I.T 那次show 見過~
rehearsal 時他和我說話, 他以為我不懂英文,
因為我沒太理他, 他講時我只是 "哦! 哦!..."
後來他又再講叫我怎樣怎樣....真的不知怎樣去答他囉, 所以就不太出聲,
後來他就知道我懂英文就和他傾幾句。
加上個fitting area 又細, 我個位左邊有個大射燈射住,
完全很熱很辛苦, 執衫時都很難望去左邊。
他叫sho, 幾nice, 一開始rehearsal 時我估不到會那麼快就完scene 1 要去scene 2,
我還未準備好, 他都沒有"版"起塊面, 比著rosemary 就死得。
之後我知衰, 就和他說不好意思啦,
所以到晚上show 時都okay, 很順利, 回復返我之前的水準, 嘩哈~
開始時要早少少返去prepare, 又和model 映相,
不過今次都沒有以往跟時映那麼多。
蘭子說原來阿sho 在桃色套戲入面有份演....

很累呀, 特別對腳!
8時許就完了, 很快,
之後就落回去金鐘 take west rail 去荃灣和燒吃宵夜, 很快就去到。
完全不肚餓囉, 又累喎~
行了一會回家, 11時許啦, 已經累到好似去到1,2點咁累。


>>October 28, 2004 at 5:01:49 PM GMT+8

2004 年 10 月 26 日 星期二 【晴】


放學後去伴奏, 由4.45 夾到7.30 pm,
累到震~ 震~ 震~
吃了藥更加呆滯!
怪不得啪丸/藥水那些道友會目光呆滯喇, 明白了!
好累呀!

今晚燒打來說不能請假,
聽到燒把聲都灰灰地, 我聽到都灰埋一份!
..........傻左呀!


>>October 27, 2004 at 2:47:03 PM GMT+8

2004 年 10 月 26 日 星期二 【晴】


昨天day off, 下午去看醫生,
看皮膚敏感, 順道看咳,
原來真的, 醫生說我作感冒,
好在作極都未完全發作!
5婷說得對...一聽我把聲就知我有事, 但自己都不知道先勁!
不過我無事的。

剛剛和michelle & 家瑩吃酸辣,
足足整個星期沒有吃過了,
我和michelle 勁想吃, 好像離不開這種 "毒隱" 般。
今天班同學又好似好靜般, 有些都沒有返,
因為TDC 請了我們班幾個同學仔去promote products,
抽籤這樣東西一向都沒有我份啦。

現在上WTA, 所以才可以online,
一陣放學又要去伴奏了...
這星期都有點忙, 今次不是忙在學校的東西,
而是忙出面的工作....
唉~ 搵$不易呀!!
不過都感謝主, 學校的事可以暫時停一停,
不過下星期開始又來了,
還未溫書呀, 但又有點驚喎~
test 呀, In't Mkt, 和yr 1時那些大有不同, 死亡死亡!!

明天, 又是時候搵$了, 要走堂搵$, 嘩哈!


>>October 27, 2004 at 5:31:37 AM GMT+8

2004 年 10 月 24 日 星期日 【晴】


昨天崇拜講 '安息', 一聽就令人想起死了就叫安息,
其實 '安息'有好多的, 其中有個解釋是代表 '休息',
有人叫我 "joyce, 你安息下啦..."
我知我要抖一抖, 極想長眠十幾廿個小時。

崇拜後在教會hea 一陣, 之後就去了天水圍飲茶,
9個人, 去到個個都叫肚餓,
因為逢星期日都飢饉.......
飲到大約3時許, 和梓&斑馬婷行了一陣,
那時飲飽食醉之時, 是時候眠一眠,
加上之前的睡眠不足症, 所以很累。
5時許就回到家, 不久就去訓,
一直訓呀訓, 晚上又得我一個人,
所以好爽, 訓到晚上10時許醒一醒,
都未見有人返, 又去訓,
訓到大約12時許, 起身刷過牙, 之後又去訓,
變態!! 就這樣訓到今朝8.30, 之後就返學。

今天返學好似好靜般, 因為好多人都好sleepy,
放了3日假, 呆呆地!!! 我發癲時, 沒有人理我呀,
自己做開project 那班太正常& sleepy, 所以...唉~
自己係度笑係度癲....
和做開project 那班正常同學一起, 傾正經事就okay的, 但講唔到野,
除了阿清啦, 阿清都講到, 因為大家都是基督徒,
有時大家都傾信仰上的事, 有時都講到笑;
suki 都講到笑, 有次我都點了她笑穴, 令到她輕微發癲,
但其他就難些了。
好像今天有幾個沒有返, 得我, suki & connie 去lunch,
嘩...完全沒話題般, 她們又sleepy 喎,
完全難頂到爆, 所以我發癲時她們沒有理我囉,
有搵野講, 但一句起兩句止, 啞晒。
後來lunch 後和rain 她們坐上WTA,
那時就好些了, 因為她們都是和我同一類人, 冇咁難頂!!
係傻先至會一齊玩。

放學時又好眼訓, 和rain 一齊搭西鐡,
回到家又訓, 真的好累呀!!!
之後6點去chelsea 教琴!
今天教得沒有那麼辛苦, 可能睡得太久了,
good~ 感謝主, 今天教得幾輕鬆,
踢拖去教, 街坊到唔街坊!!

今日知道以前的一個中學同學結婚,
即時驚一驚訝, 小學試過同一班, 以前中4,5時都和她fd 過,
畢業後好似沒有再見過她了。

5婷聽到我把聲就勁驚我是不是病緊,
我沒有事喎, 只是講野細聲左d & 斯文左d ja ma,
不過確實我是有點咳.......
哈哈, 聽唔慣我斯文聲呀?!
我開緊工, 係個room 度緊係細聲d 講啦,
比出面個miss 聽到我講電話就死突!!


>>October 25, 2004 at 2:13:02 PM GMT+8

2004 年 10 月 22 日 星期五 【微冷】


昨天一早去了sandy miss 家去伴奏,
約了sandy 11時在大棠站等,
但我準時去到都見不到她囉,
要我等她大半小時,
她才打來問我在那裡,
又話見不到我。
次次都是這樣, 每次約她,
她都會不知走了那裡去,
不是第一次了, 暑假去music camp 時又是這樣,
總之好搞笑, 她一去到眼見不到人就會自己走左去...
那刻勁滾, 她又沒有手提喎,
明明我準時或早到, 她都是這樣, 唔知走左去邊。

不經不覺就夾了大約2小時,
到點半要早走, 因為約了燒。
和燒去了旺角, 之後行去尖咀,
條街多人多到爆炸...
我們去了新世紀看戲, 看the terminal,
好睇呀, 都幾多笑位, 個清潔阿伯又好搞笑...
但好有意思,
tom hanks 在戲中對爸爸那份感情, 真是感動,
為爸爸的遺願所做的堅持...good!
看完戲就去了間鋪扭蛋, 扭了3隻, 哈, 燒那隻肥野勁得意呀!
晚上再去尖咀....11時才吃dinner。
好累, 晚上12時半就返到家了。

今天教琴, 累到死, 發覺有點頭暈,
教完那個姨姨後就回家睡了一陣,
之後3.00 又去, 好辛苦,
本來要去教會教映彤, 但都沒有了~


>>October 23, 2004 at 10:00:32 AM GMT+8

2004 年 10 月 20 日 星期三 【晴】


今早返8.30, 眼訓到爆炸,
上3小時lecture, 和家瑩&她的朋友一起坐,
終於發覺有人同我一樣癲,
之前幾次都沒有癲得咁勁, 傾兩句jei,
但是今天和另一個坐, 就出事了,
我們2個傻人又勁笑,
笑阿朱打乞chi, 又笑一餐...
和一個新識的人都很夾地笑到死, 發晒癲,
她們說好在我和她們不是同一班,
那麼就死定了, 到時一定是班中最嘈那幾個,
一起吃飯又會吃不到, 行街更只會笑, 在條街度勁笑,
我們都這樣說, 因為和自己的朋友都是這樣。
真是神經病!!! 又是時候發作了!

下午contem. issue, 累到睡了,
之後半part 就醒一醒, 做case study,
後來就很快地飛返家拿東西, 之後就去家瑩家教琴,
後來回定又眠了一眠,
晚上團契。

團契去了稻香客家小棧吃飯,
14人一起, 順便補祝頌恩的生日,
和蘭子坐又笑死了,
起初去到時我都累到呆滯,
呆呆滯滯, 之後就癲癲地了。

飯後我們班青年人去了市中心公園玩games,
玩返小學時一些遊戲, 我們勁投入,
好玩, 在個廣場勁玩,
又玩狐狸先生, 紅綠燈, 數字球.....
勁跑, 跑到又熱又累, 又勁笑, 變態的。

玩到大約12時半, 就趕車返家了~
明天要去伴奏單簧管夾歌~

很累, 太多東西做了, 但都要玩下癲下...
感謝主!


>>October 21, 2004 at 5:44:50 PM GMT+8

2004 年 10 月 19 日 星期二 【晴】


昨天和燒上東門玩,
又買了勁多野, 拎到死下死下,
之後落羅湖泵骨,
所以晚上泵完骨感覺等於無泵到。
晚上11時許還在羅湖, 覺得我們2個好勇,
為避免有什麼事, 所以我們行得勁快。
12時許回到家, 好快!

今天返10.30, 阿rain 打來我剛落樓, 她在屯門站剛上車,
之後上同一cart 車....後來human 在天水圍上車join我們,
因為她早我們一班車, 就是這樣和乾燥人一架車,
所以就在天水圍下車再join 我們。

今天好累呀, 不想多講野,
上mkt tutor, 想睡,
後來lunch 和家瑩&michelle 去麻辣, (逢星期3例牌一起)
返去再上WTA, 訓得,
走時自己一個人,
在西鐡訓死左!!!!


>>October 20, 2004 at 2:26:06 PM GMT+8