2004 年 6 月 13 日 星期日 【晴】


今天好準時地返教會, 返9.30, 上到主日學。
真的很多個星期沒有返主日學了, 溫書溫天光嘛。今天就是因為這樣, 竟然一下車就撞到教Chelsea 那邊的老闆, 她很諤然地問我是否住在那裡, 我說返教會囉, 唉~~ 連續3日都見到她, 昨天星期六啦, 今天星期日都見到, 明天又會見到咖啦.....唉~

今天返到去, 都幾開心, 因為見到義義、映彤兩個勁在傻笑, 少少事都笑到死, 再加上根培叔叔帶詩時, 說話動態極度好笑, 令到我一早見到他們就想笑。我和義義、映彤、桂榆、智智他們坐在一堆, 5個人一起傻笑, 其實我是見到他們傻先會和他們一起傻, 又癲!! 和小朋友一起癲, kam kam!!

崇拜時唱了很久詩歌, 好似有點怪今天個程序.........

之後去了彩虹練ACM 歌, 見到 "翻版祺祺", 見他黑了, 但仍然都是型, 哈哈, 入hall 時還和我們說話, 嘩哈!!! 今次唱到人都累, 又加了動作, 上次那些動作都不記得了, 又要swing, swing 到個人去到右邊時, 好像很返去左邊, 去到左邊時, 又很難返回去右邊, 因為太累了。今天都唱下alto, 但其實我是soprano的, 嘻!! 唱下alto 都幾得意, 和下音, 又幾好聽喎!! 又見到eva, carman 他們啦, 不過她們好像見不到我, 走時等巴士又見到基恩的妹妹, 沒認錯吧?! 她們孖生的。之後等了勁耐巴士, 大約15分鐘, 都沒有一架61x, 之後都是最終take mtr 再轉west rail, 8時多才回到家, 喪的!

今晚得我一個人吃dinner, 求其在美心買了個包吃, 勁靜間屋, 沒有人嘈, 很好。

明早本來約游水的, 但後來無啦啦改了去淺水灣, 咪傻喇, 一早喎, 還要明天下午要開工呀, 坐車都要時間啦, 還要有些不認識的, 都是不去了...........may be 明天找燒燒先, 好卦住你呀, 沒見幾天啦!

Frankie 哥哥畫給我的 franky (死馬騮乾)

你睇, franky 隻手郁緊咖!


>>June 13, 2004 at 6:29:39 PM GMT+8

2004 年 6 月 10 日 星期四 【晴】


要10時返去practice pitman, 但我11時才返去, 故意的, 太眼訓喇, sherry 打給我時我仍然未下床。

之後大約12時又去了吃麻辣, 今次我們坐的那張台是對著太子爺呀, 即是對著收銀那個位, 太好喇, 勁望喇當然!!! 太子爺.....真是斯文靚仔, 大約30歲這種就最吸引, wah kaa kaa~~
michelle 今天給我看Luxembourg Frankie 寄來的信內, 原來有一段是給我的, 還畫了一隻馬騮 (franky), 寫明 for Joyce 咖.......哈哈, 實在太dynamic, 映了它下來了, 又畫得幾靚。

考2時, 1.45 pm 返回學校prepare, 28分鐘內要finish, 很好, 感謝主, 夠時間做完, 而且還可以check 多一次, 剛剛好。

之後去了旺角報名, 報完後就去了賣電腦用品的中心行了一會, 買了隻game。又見到幾個鬼佬, 幾靚仔呀, .....哈哈, 發覺這幾天開始時常撞見靚仔鬼佬, 還要近距離接觸, 真是正爆....我想我這個 "病" 會愈來愈嚴重, 開始返回中學時那樣, 一發不可收拾。

今天又很累, 這次真真正正考完試了。


>>June 11, 2004 at 11:37:52 AM GMT+8

2004 年 6 月 8 日 星期二 【晴】


今天終於考完最後一科了, 考Law, 但覺得有點難呀, 聽到好多人都說好難~~
今年last year 考4科, 如果有2科fail 要補考就真係激樣衰!!!
現在考完了, 但就愈想愈覺得4科都好怕會fail......起碼又要神經衰弱2天才會平復!!

考完後, 和michelle 去了吃麻辣, 無錯, 又去吃!!!
其他同學仔就去mk 唱k, 我們想去也不能, 因為下午要返學校practice Pitman 呀, 所以才去吃麻辣!
大約practice 了個多小時才能走, 眼訓到震, 因為昨晚凌晨4.30 才睡, 睡了4個多小時就返學。

practice 完後, 就去mk join 其他同學仔。
我和michelle 一起搭地鐡去mk 時, 見到一個女仔, 勁在近車門位置塗mascara, 勁好笑, 此時我們已經忍不住在笑, 有少少癲癲地, 開始控制不到.......之後, 就笑住想下車, 準備出車門時, michelle 見到右邊有個鬼佬靚仔, 竟然好大聲地說: "嘩...靚仔呀!!" 之後成卡車都靜了一靜, 後面有幾個男仔也勁望michelle, 我想他們以為michelle 說他們靚仔......笑死!! 那刻激 "瘀", 死michelle 即時勁說她自己好樣衰好 "瘀".......哈哈, 你都知呢, 我那刻都啞一啞!!! 我肯定我們在那卡車的人好多人都一定聽到囉!! 笑了很久!!!!!!

後來我們7 個人去了廟街行, 之後去了吃 "打冷"!! 勁吃炒野, 又飲blue ice~
之後在廟街都行了很久~~
其間見到有個鬼仔幾靚仔.......(哈哈, 不要怪我, 我鬼佬病發作緊!!) 就是靚仔, 我行過他側邊時望了一眼, 怎料他也剛剛望著我, 無錯喇, 我們對望呀~~ 哈哈, 真是好靚仔的!!!!

今晚叫做最後一天, 所以都映了些相~~
今晚都幾開心, 笑到累上加累!!! 所以今晚真是很累!! 我想我下星期都會勁睡, 睡回我這3個星期的不足。

星期5要返學考Pitman 了, 不要死呀!!!!!!!!!








>>June 9, 2004 at 5:18:31 PM GMT+8

2004 年 6 月 5 日 星期六 【晴】


這幾天都是半夜3,4時才睡, 昨晚更完全沒有睡過, 直到今早6時才睡。開著電視有些聲音, 看到做粵語長片, 曹達華和予素秋主演, 好假呀, 花仙喎, 笑死!!!!
今朝電話響了都不知醒, 睡到10時才起床, 發覺電話是開了的, 但我完全不知道自己是開了機, 好明顯做了這動作也不知道, 之後就返教會。

今日崇拜沒有中眼訓, 而且都幾精神留心地聽, 今日崇拜幾感動........周觀平的細心, 梁姑娘的分享和姬姐的見證..........

後來愛筵, 幫手蘭子做pancake, 我覺得自己是天才, 愈煎愈靚, 後尾那幾塊完全可以拿出去賣呀, 哈~~~~

後來青年團契檢討, 其間一邊飲紅酒一邊開會, 又坦白地分享了過去的一些事情, 一直到下午6點才走。

走時去拿車, 給姬姐發現, 她要我載她一程, 因為她也去屯門, 但我只能控制只坐一人, 不懂得載多個人在後面............差點撞到個阿叔, 個阿叔問姬姐是不是我的媽媽, 後來姬姐說 "個阿叔, 話我地兩姊妹都好d 丫"..........唉!!!!! 什麼意思~~~~~ 後來就因為載極都載不到姬姐, 最後得我一人飛回家。

今天累到爆炸, 個肩博痛到死, 有骨火呀~~~~~~~~~ bone fire!!!!!!
累到人都散!!!!!!
今晚又不用睡了, 明天考e-commerce!!!!!!!!!!


>>June 6, 2004 at 1:02:28 PM GMT+8

2004 年 6 月 1 日 星期二 【晴】


星期六晚上在教會燒烤為梁姑娘farewell, 本來connie姐姐和simon哥哥不會來, 後來都來了一陣, 幾surprise。
星期日跑返教會, 因為崇拜要司琴, 所以不可遲, 但都遲了少少, 因為之前那晚溫書溫天光。下午去了彩虹聖本德中學練ACM歌, 很累。
星期一考HR, 做完就走, 和michelle 去吃麻辣, 見到太子爺, 嘻! 下午教琴, 超級sleepy~
昨天星期二下午去了葵芳, 晚上返元朗看<明日之後>, 坐得很前, 我們6個坐第2第3排, 因為太多人了, 但很好看。雖想像得到大約是講什麼, 但都好好看。後來去了點心皇吃宵夜 (但對我來說是晚餐), 其間見到後面張台是 "翻版啟豪", 真是激似, 真好笑, 龍龍就打電話給 "真啟豪".........笑死~ 真的太似了, 那個 "翻版啟豪" 連行步路都似, 未曾見過會這樣的! 經典!!!!!!!!!!!!!!!!!!!!!


>>June 2, 2004 at 6:53:58 AM GMT+8

2004 年 5 月 27 日 星期四 【雨】


今朝5點睡........
12時起床!!
是給人的音樂聲嘈醒, 真的不理人是不是在睡覺的, 開到鬼咁大聲, wewa鬼叫, 又唔係好聽喎d 歌~ 變態咖??



>>May 28, 2004 at 8:18:31 AM GMT+8

2004 年 5 月 25 日 星期二 【晴】


夢了惡夢，夢見CBP 得38 分，勁驚，後來醒了。
今早4時醒了後又不能再睡了.....變態咖?!

這星期要與HR 駁命......


多謝各位的msn, e-mail, offline msg, 留言 的支持!!!!!

>>May 26, 2004 at 4:29:08 AM GMT+8

2004 年 5 月 24 日 星期一 【晴】


有精神，你比誰都強!!!!!!


>>May 25, 2004 at 1:31:53 PM GMT+8

2004 年 5 月 20 日 星期四 【微冷】


呢科係中文字都唔明嘅?!


>>May 21, 2004 at 8:25:21 AM GMT+8

2004 年 5 月 19 日 星期三 【晴】


有進步, 昨晚可以3時睡~

多謝!


>>May 20, 2004 at 6:21:38 AM GMT+8