2004 年 12 月 17 日 星期五 【晴】


昨天星期5, 星期4晚凌晨4時才睡,
但昨天竟然可以好精神地早起身準時返到去上eng。
又是好煩的eng!

下午我們堆join yam & savan 一起lunch,
又傾前幾日在廣州的笑料,
好像發生了好多日, 其實只是幾日前的事。
1月又有個台北交流團, 我們又正在籌劃去or 不去, 因為始終價錢方面....

下午上IBE, 又3小時,
不過一開始就其他group的同學仔present,
我就開始眼訓了, 是極度眼訓呀, 之後又扒在台上睡著,
本來不想睡, 但好累呀, 日日都忙到嘔c。
後來就上堂, 都有點難頂,
上到後半part, 我又開始癲,
勁笑, (但我有聽書咖), 笑到給人鬧呀!
被前後左面的同學仔鬧我夠啦, 之後就用紙掟我, 嗚~
好在他們沒有把紙弄濕才掟, 否則就 "韃" 住塊面! (嘩哈, 又癲啦)

本來放學, 但要補課, 補到5.30 pm, 補難頂的eng 呀,
那時候就開始作病, 個人暈暈下, 有點想嘔,
之後就好想訓。
上到5時許就要走, 因為要趕去rehearsal 嘛!

放學快速和清吃酸辣後就搭地鐡去灣仔,
都6.30 pm 去到 e 館。
一去到蘭子就坐第4行, 我們又坐第4行了!

昨晚有4個朋友仔去呀, 有咁多人賣晒飛都比我見到佢地4個, 喎呵!!
雖然有2個早了少少走 (真是好少), 但都好開心佢地黎, 又散左種子了。

昨晚是ACM 帶worship, 所以唱的歌都大部分和之前幾晚不同,
而且又有dancers 跳舞。
我們在上面唱, 有一首歌的動作我們作晚才第一次做,
不熟的, 但都好在容易, 所以沒有問題, 呵呵!
昨晚嘉賓亦都是張崇基張崇德,
見到崇基 (大佬) 個頭和再之前那晚不同了,
tap 左, 好搞笑, 和蘭子又勁笑。
昨晚個牧師講道悶過之前的,
最記得星期3那場個牧師就最正, 講得勁搞鬼,
昨晚個牧師都okay 的, 可能有比較吧!
後來都見到有好多人行出台前泱志信主, 感謝神!
但始於都是後期栽培最重要。

後來我們又唱到跳起, 成班詩班員和台前的歌手& dancers,
都幾開心, 為主唱歌真的好開心!
其實我都有個心志在流行詩歌的音樂中事奉神,
不論是唱 or 彈琴。
有時真的好想出去學現代詩歌的彈琴方法,
因為這些和自己一向學的不同, 總覺得自己彈現代的不夠好聽...
但好貴呀!!

昨晚最後一晚音樂佈道會, 好開心由練歌到開show 都識到其他姊妹,
又好搞笑, 大家都是同一類人, 又是傻的。
最重要最開心就是可以用歌聲音樂去榮耀神, 令到別人認識主爸爸!

我想來年都會參加05年的詩班員,
不像8月時和這次的只是大型詩班, 呵呵呵!!

蘭子燒了隻碟給我是廣州交流的相,
遲下就可以upload 上去webshot 了。
但其他同學仔部機的相我都收到呀, 快快send 來呀! 係呀, 講緊你呀!

今朝又早起去天水圍教琴, 好眼訓, 個人呆呆地。
不過今天都好多人請假, 沒那麼辛苦!
一陣又再要出去教啦, 好想訓呀!


>>December 18, 2004 at 5:28:08 AM GMT+8

2004 年 12 月 16 日 星期四 【颳風】


星期一至三去了南沙考察團, 幾開心。
其實都不應該去做南沙團, 應該叫做做廣州團,
因為到最後一日才去南沙。

第一天：

一早起身, 7時約了清在西鐡站等,
後來我先搭去天水圍換人仔$, 怎料太早還未開門, 沒有換到呀。
之後就非常眼訓地去到上水火車站, 見到都有好多人在那裡等,
等齊人後都8.30 am, 就成ja 人一起過關, 都有90個學生去的。
眼訓到我死, 因為我去之前那晚是半夜3時才睡, 所以死左咁樣去!

在羅湖過關後就等車, 我沒有跟阿sir 車呀, amy 說要我們兩個跟返同一架車嘛,
幾好呀, 不用分車, 原來跟1號車, 會令到我cheap 晒,
事關1號車班 "死靚仔靚妹", 極度嘈, 不尊重&失禮, 好在!!

上到車就睡啦, 又睡到跳樓死般的樣子, 個頭歪晒!!
沒記錯的話, 好似第一站就去天河城 (廣州吉之島) 對面吃飯,
急死我啦, 因為在過關時已經好急咖啦, 要在車上忍2小時去到廣州才有得去...難頂呀!
吃完飯後就有1個多小時free, 就和同學仔&阿旺在附近行,
去了天河體育館映相, (其實隔離就是天河城, 之前自己都去過那裡幾次, 但當時可以完全忘記有這個地方........)
後來就拜訪廣州工商局, 幾正呀, 幾好看, 因為平時都不會有機會去到參觀,
我們又映了些怪相, 班同學仔也是痴線的。

之後下午好似去了美博城, 是化妝品批發大商場來的,
勁悶呀, 去到都沒有興趣呀, 和同學仔周圍hea,
見到入面有些廣告poster, 真是笑爆咀呀,
有個是什麼貼粒鑽石在牙齒上, 是韓國科技咁,
笑到爆呀, 我們都有映到相呀, 要命!!! 遲下post 出來給大家笑下!!
跟著又見到有張poster 是賣什麼豐胸, poster 內有個女人是露點咖,
本來我都不知道, 是阿janny 叫我視線一直向前望就見到,
嘩一聲呀真是, 3級到無論, 好明顯不懂用photo impact 啦, 打個格仔都不懂, 又笑到震啦。
間美博城周圍附近都沒有東西好賣, 好悶呀!
6點鐘就去到一間酒樓吃晚飯, 好難吃呀,
完全差不多沒有吃到東西, 只吃了幾粒,
因為一來6點鐘吃飯太早, 下午那餐都未落格, 飽呀;
二來就是太難吃。
每台竟然有2支珠江啤酒和一支雪碧,
我們唯有溝在一起變成jolly sandy 啦。
這餐飯我吃到發呆呀, 又熱喎, 塊面紅晒, 又不餓又難吃,
同學仔和隔離班新識的人都話我停晒手發呆!

晚上就去酒店, 間酒店都okay 好,
在中國大酒店前些, 叫招商賓館, 3粒star 啦!!
去到 lobby等分房時又開始發癲,
被郭樹洲 "meet" 面, 瘀左呀, 好鬼痛, 真是癲起上來變態得很。
而在一早過關時直到晚上, 那2個讀 logistic 的男仔都跟著我們,
晚上在酒店分到房後都站在走廊, 真是痴線, 要queennie 鬧他們才走,
癲咖, 我們 course 的住5樓, 他們住8樓的, 但真的好奇怪為什麼會跟著我們到5樓囉,
和我們講野都沒有理他, 我們圍來叫他們做 "界女王", 好煩真是, 3唔識7扮熟, 最黑人憎就是映相時抽水嘛, 啞晒呀, 死未!

返到酒店才7時許, 就和我們自己班的 & 隔離班的幾個同學仔一起出廣州北京路行。
分了3架的士出去, 北京路好旺, 好多東西看,
後來我們去了吃雙皮奶, 好吃到震, 我即時醒晒,
他們說我終於沒有發呆。
後來因為太好吃, 我和清就再叫多兩碗,
因為都開始肚餓, 餐飯都沒有吃到東西......
後來就突然吃到覺得飽, 不想再吃, 就打包走。
之後就走圍行, 映下相, 好靚, 個廣場有好多聖誕的裝飾,
又映了相, 笑到咯咯聲!!
最記得林嘉明個扮搶禮物個樣.....笑到嘔晒!
到9時許10時就返酒店了, 因為10.30 pm Amy 來拍房點名,
10時就返到去, 再看一陣 "天涯俠醫" 見下林峰。
後來我就自己靈修, 之後就和阿清一起祈禱, 交托, 感恩!!
then就走了去正正隔離間房玩uno, 啤牌,
去之前打晒房number call 齊晒其他同學仔去玩,
之後就成班好似開賭坊般, 分兩大堆玩, 十幾人一間房。
玩到1時許就差不多散, 輸了落了酒店隔離間seven 買食物,
我沒有輸呀, 但都要陪人去買, 4個人, 因為晚上seven 隔離都有disco, 雜呀!

第二天：

一早6.30 am morning call, 好累呀,
但要起身, 在酒店間cafe 吃自助早餐,
一早我都吃不下東西, 只drink 了些粥, 吃了半條酒炸鬼。
後來在車上又死訓, 總之這幾天一上到旅遊巴就死訓。
沒記錯又好似去了開發區參觀港資電信公司, 勁大,
之後又去了聽了人present 介紹, 無啦啦上普通話堂囉, 聽了1小時普通話,
我就扮看catalogue 但睡著, 太累了。
聽完後就參觀, 好得意, 些工人做電話, 電器的路版,
但衰在介紹的女人講野勁細聲, 加上普通話, 要走到好近才知她說什麼。

在車上又死訓, 去了吃lunch, 今次好吃呀!
下午去了參觀本田汽車公司, 好出名的廣州本田,
好吸引, 雖然一開始入去就要坐下聽個女仔present 介紹honda車,
而我都睡著, 勁釣魚~
後來就參觀, 一架架好大的車在安裝, 成間敞的feel 好似海洋公園過山車,
因為這些車一架架釣起勁搞鬼, 我們個個勁有興趣。

之後搭車出返廣州市區, 又死訓,
出到去就和michelle 留意出面些車, 原來大陸真的好多車也是honda 的,
但後來就無啦啦發現有架幾靚的honda 私架車,
車尾箱竟然載著一大堆生雞囉, 勁核突, 是生雞 (發現有些都是死了) 呀!
我們兩個又勁笑, 勁叫核突, 之後又笑到立體聲,
我們前排那堆又給人話笑到好恐怖, 前面兩個miss 都望著我們, 又要即時收口。

後來又有free, 去了吉之島買食物, then 就過去對面書城買書,
勁開心, 好平呀, 看了很久,
和savanna 在music 那層勁看琴書,
因為平時在hk 買的琴書要百幾二百元一本的,
那裡只賣二十幾元, 十元, 五十幾元.....完全瘋癲啦我們。
savanna 就買了幾本, 我就買了一本,
因為我怕買了又不會彈, 而且又要拿回返hk 時多麼痛苦的事。
其他的同學仔就去了另一層看,
分散地去買書, 之後就約在一起走,
就行返去對面吃dinner。

晚上又6時吃飯, 去返天河城對面的酒樓, 好吃過之前那晚,
但....仍然feel 到好飽未落格, 太早啦,
又多肥豬肉, 我又沒有怎麼的吃, 吃得最多都是魚肉豆腐。

晚上又返酒店, 之後立即沖涼, 因為返到房後 lai 野, lai 了些不應該lai 的野,
最衰阿清呀, 嘩哈哈.........(不講lai 左乜野, 廢事嚇親大家, 是只有我們2個之間知道的)
後來我們又出去癲,
今次一行11人, 去了泵骨, 正呀!
6個女仔一間房泵腳, 班男仔們就在隔離房。
勁正, 覺得正過在羅湖呀~
之後就去另一間房泵身, 又踩背, 第一次踩背,
d 骨 "卡啦" 一聲, 好好笑!!
幾平, $60 2小時.......加埋tips $80, 都仲抵過羅湖。
後來我們泵到過時, 趕不到10.30 pm 返到酒店,
好在隔離班那2個男同學和amy 熟打個電話通知聲~~
11時就搭的士返酒店, 轉個彎就到, 上到去找amy 報到,
但都找不到miss, 原來miss 去了隔離班 ET 間房玩牌,
所以最後都沒有報到。
之後我們又再出過去, 行去流花湖公園飲夜茶,
個公園好出名咖, 但下午導遊講時, 我們見到就覺得好恐佈囉,
勁多綠色燈照著綠色樹。
我們在公園內飲夜茶, 有好多燈籠掛著, 好黑, 坐到好眼訓~~
飲到12時幾, 就行返去,
後來我就去看急診, 因為皮膚又敏感, 好痕!
間醫院在酒店隔離, 所以去看囉。
好掂呀大陸d 醫生,
我話乜病佢就信乜咖啦, 睇都唔睇, 收左$ 就神仙,
我唔拿起給他看都不會問!
之後就再比$去拿藥, 點知原來有3枝野, 一樽查皮膚的藥水, 2包敏感藥。
我們不知道那3枝野是什麼, 就問個護士,
個護士說要打針, 咪玩啦, 打針,
我在hk 看時皮膚敏感都不用打針啦, 明呃$。
最後驚得濟, 掉左包打針藥, 我只查藥水, 藥也不敢吃呀!

後來又去隔離房玩uno, 其實是想玩他們的大富翁,
好吸引呀, 好靚的, 翻版大富翁, 他們都是在上面賣, $50。
好玩的, 但我和queennie 頂不住, 玩到4時就返去訓了,
她們說竟然我會4時訓那個, 因為其他的就玩到天光6時,
6.30 morning call, 所以他們都沒有睡。

第三天：

一早又在樓下cafe 吃自助早餐, 又沒有吃, 飲了少少粥和吃了一隻餃子。
後來要去南沙, 坐1個半小時才去到南沙,
我們成車都好靜, 因為個個勁睡, 睡到feel 到自己流口水。
好累真的。
去到南沙看了2間物流公司, 一間好正, 私人的,
一間是政府的。
好得意, 倉儲, 貨運等, 好得意, 又映相啦當然, 但好大沙鹿。
後來就在南沙的 "水鄉一條街" lunch,
最好吃是那裡呀~ 那裡又靚, 知道好多旅行社都有這個景點的。
吃飯後又有時間free, 周圍行, 又映相,
amy請我們幾個吃雪糕...哈哈!!
之後就走了。

坐了很久車, 差不多2小時返返去羅湖,
在車上死訓again~

3.30 pm 就在羅湖過關, good, 早呀!
返到家都是4.20 pm~
之後就即時沖涼執好東西,
就趕出去約了蘭子去灣仔e 館, 因為要唱歌, ACM & YMCA 合辦的佈道會,
我們6.30 pm 去到rehearsal,
昨晚有杜麗莎做嘉賓, 好正, 個feel 好high,
又有班kids, 好得意。
後來時常在亞視 "做個快樂人" 那個律師 (沒錯, 他真是一位律師) 講的道好正好搞鬼好吸引,
當晚都有31人決志信主, 而三福班陪談員就去帶決志者出去傾一陣~
因為我是alto, alto 那邊都幾少人, 我和蘭子就走了過去,
怎料被黑衣人姐姐點了要坐在第一行,
曄~ 即時死啦, 我們又未記熟舞步, 所以就和後來2位姊妹掉位,
最後我們2個站在第二行, 好多人都望到我們,
昨天我媽&妹都有來, 一看就看到我呀!

今天一早起身, 應該要6時許7時起身返8.30 學,
但太眼訓, 昨天從大陸落來都沒有休息就出去灣仔直至12時許才回到家,
所以累到醒不到, 到11時許就醒, 想返下午的堂,
但發覺我對眼腫了, 好驚, 所以決定沒有返學, 休息下先。

到4時許, 我就返學locker 拿notes 做功課,
之後就在mk 行了一陣,
再之後就join 蘭子在灣仔等, 今晚又有佈道會。
吃過東西後, 6.30 pm 去到rehearsal,
這次更激, 沒有位要我們坐alto part 的第一行,
因為今天又多了些詩班員返來。
後來因為太多人, roger (上次8月音樂會教我們唱歌個指揮) 要我們坐多2行,
之後我和蘭子就快快地上去第4行才沒事,
因為我們不熟動作, 如果站第一行一定好樣衰。

今晚嘉賓張祟基崇德, 勁正, 我和蘭子發覺了張崇德 (細佬) 有少少痴利筋的, 哈哈!
今晚個牧師都講得幾好, 後來都有好多人走在台前決志信主,
三福班陪談又帶他們出去一陣傾, 留資料。
後來我們又繼續唱唱唱!!


這兩場都是由團契遊樂園班worshipers 去帶敬拜,
只有星期2 和明天的場才是由ACM 去帶,
所以這幾晚的歌都不是完全exactly 一樣要唱這些。
明晚又唱另一些, ACM 班dancer 又會跳舞了,
而嘉賓都是張崇基張崇德弟兄!
這兩晚都見到 Ivan, 因為是worshipsers 去帶,
所以他不用唱, 在台下做黑衣人, 又Q 我們做swing 的動作,
哈哈~~ 好靚仔, 我唱唱下都時不時望他!
因為我站得前嘛, 望到, 他也望到我呀, 哈哈, 見到他就開心死~

願主耶穌都繼續保守明晚最後一場的佈道會,
知道明晚的門票已經賣滿, 求神帶領有更多人聽到福音,
帶到主的面前, 更多人決志相信。
求主保守我們各個台前幕後的弟兄姊妹身體精神,
能為著去榮耀神你而努力事奉,
把整個聚會交上, 讓更多人認識主你, 阿門!!


>>December 16, 2004 at 8:14:02 PM GMT+8

2004 年 12 月 11 日 星期六 【微冷】


昨天喪累, 一早10點教琴直落晚上7.30, 人都癲,
晚上就返了教會練聖誕節的drama, 我這個門徒正到無論,
基本上正式來說是沒有對白, 只是 "嘩!!", "邊個黎咖?!", "哦!!", "咁靚仔o既?!" 咁~
到時會"執生"~ 正!
最搞笑文基哥哥的跛佬feel, 笑到我死,
已經沒有人笑我仍在non-stop 的笑, 又喪笑~
返到家10.30 就即睡覺。

今早早了起床返到主日學,
原來我做司琴, 不過我都忘記, 頌恩彈。
到分班時都幾好, 求主教我們懂得善用時間, 做應做的事...
不過有時在想, 我想我24小時都不會夠我用。
後來姬姐問我們想有幾多歲命,
我說以前會估自己會有80幾歲命, 因為家族個個都是咁上下,
但現在就驚自己可能30都過不到.....因為真的擔心, (少擔心仍有, 但我仍喜樂!)
跟著就受到刺激, 忍不住流眼淚,
痴線! 無啦啦又令到人擔心, 控制不到。

之後崇拜, 神又再次經講員講的話向我說話..."一切都在神的手裡......"

下午和珊, 斑馬婷, 梓去了吃印度野,
上次和爸&媽去吃, 今次第2次, 都覺得幾好味,
燒燒, 下次要和你去, 我和你的口味都不相百仲, 哈~~

之後就勁肚痛, m痛呀, 痛死人咩!
後來就去買朱古力吃就好一點,
then 就約了蘭子在元朗west rail 站等一起去彩虹練歌。
今次final rehearsal, 由3.30 練到 7.30,
歌詞, 我未有時間去記熟, 所以到今時今日我仍未記得歌詞;
動作, 上次沒有去, 又沒有時間練, 今次叫做好些了。
今次見到 ivan, 仍然靚仔 ^_^
....死, 我發覺我好這類型的男仔, 死未!!
一邊練歌一邊和蘭子喪癲喪笑,
練練下又講 "鞋頭是converse, 但後面是高根鞋..." 笑到嘔!!
後來做動作唔識講得大聲了給前面幾個姊妹和台上的dancer 聽到望著我們, lor 爆!!!
都說我們在一起就會變嘈咀!!

晚上和蘭子去了德福, 因為她設計做了出來的衫有少少問題要去傾,
等她傾完後就和她去了吃和民, 唉! 又是日本野!
不過算啦, 間間都好多人....
在那裡吃了個唔記得乜野乜野鍋, 幾好吃。

吃到10時幾, 再去萬寧買明天去南沙團的東西就走。
在九龍灣地鐡站等車時, 蘭子向我說話最怕人一路行一路 "了" 牙,
之後我向後一望, 就見到一個女人, 大無私樣, 拿著塊鏡, 牚大個口, 係度 "了" 牙,
我望了後就嘩一聲, 之後又喪笑, 好難頂呀真是!!!!
第一次見, 奇聞呀!

晚上11.45 回到家, 沖過涼, 執行裝, 上一陣網直到現在凌晨2.34......

要睡了, 明天早起, bye!!!


>>December 12, 2004 at 6:34:48 PM GMT+8

2004 年 12 月 9 日 星期四 【颳風】


這兩天連續test + present,
此刻可以停一停了, 好累! (人又累個腦更累!)

昨天返8.30 都勁訓, 之後test,
個 bullwhip effect 叫做計到啦,
但竟然白痴到要我們計percentage 我竟然不懂計囉,
因為忘記得一乾二淨percentage 要怎麼計, 我真是白痴呀~

累到人都癲, 之後陪清去長沙灣政府合署搞grant & loan,
就順便問問我要還$ 的事...........
搞搞下都一個多小時, 頭又痛~
之後返屯門整頭髮。

今天返9.30, 一落樓就撞到流料敏,
之後就一起去搭車,
我們喪行到美孚mtr 時,
家瑩就send sms 說乾燥人和她同一架巴士呀, 還要坐在隔離行...
我看後再給流料敏看, 大家一起嘩哈哈,
唯有send 返過去叫她 "enjoy it" (我唯有稱他為 'it')
後來我和流料到了長沙灣地鐡站, 一出閘就見到乾燥人望著我們, (佢搭巴士都興落地鐡站過去)
我本來都看不到, 是流料敏突然好大聲 "嘩!!!" 一聲才知道他在後面,
我們就行得好快。
之後出到地鐡站時就打給家瑩, 因為見到乾燥人就知道她已經落了車,
後來在馬路燈位飛快地 join 在一起, 3個喪行。

返到去就上eng, 好煩呀, 又眼訓,
又有野做啦, 唉~ 好忟呀!

之後lunch, 好慘呀, 好肚餓, 但不能吃東西,
在那裡只飲了碗cream湯, 因為放學後去照x-ray, 所以不准吃呀。

下午就上IBE, 要present,
食啦, 昨晚吃了藥, 超激眼訓, 對住部腦做ppt 都訓得著呀,
做到人都癲, 但icq 又有人煩喎, 煩住問廢話, 又要我send 相又要我乜又要物,
但又要開icq 喎, 因為要和同group 的同學仔在icq 溝通........唉~
後來search website死copy 啦, 話之啦。
怎料到present 時, 好在我們不是第一gp 去pre. 因為原來阿sir 說不是做city 呀,
激到爆呀, 原來是要做country, 我們gp 做返南非...
第2 group present 時我們走了上去free booking 再整過一些,
之前又說可以用中文 (廣東話) present, 那自然就想到ppt 都是要用中文寫啦,
怎料阿stanley 說ppt 要用返英, 講可以用英 or 中.....妖!
好在present 之前阿connie 去找安德尊問問去通融一下ja~~

今次present 都沒有去prepare 了, 又忙又累, 做完個ppt 就算,
所以下午的present 我又考天才啦, 見到ppt 有什麼就講什麼,
唉~~ 又好似舊年 yr 2 時一樣啦, 又是到時present 問到先算個隻!!!
哈哈~~ 覺得自己好有急才呀~

不過今次個present, 我笑到就來死呀, 不過我不是那麼樣衰一邊pre 一邊笑!
我在其他組員講時就笑笑笑, 到我講時就好正常, 之後到另一個講時又再笑!
那時控制不到呀, 因為我看到我們present時用的出面張台有個c 懱盒呀,
我一見到就笑到想死啦, 真的好奇怪, 為何出面張台會有個c 懱盒?!
之後我和朱講, 她說可能之前是 HOSTS 系班人上堂呀, 因為是HOSTS 班人才會著c 懱,
但我就笑為何這個垃圾c懱盒會在出面張台囉~~
之後笑到收唔到, 朱就向阿sir講我痴左線......阿安德尊都笑笑口冇我咁好氣呀,
後來朱鬧我叫我唔好白痴, 之後用阿sir 個 tray 蓋著, 看不到, 我才沒事收聲ja。
到我講完後, 死朱就拿開阿sir 個 tray, 又見到個 c 懱盒, 又笑啦!!
唉~ 我知好多同學仔都見到我笑咖啦, 但收唔到, 不過我都好努力地忍著!!
完成present 後, 死朱說她看到個盒上寫著 " european size, 乜野絹料咁"
笑到我們爆炸呀!!!!
真的好變態呀d 人, 用完又唔掉落垃圾桶, 放係度比人笑!!! (不過係我見到先會笑, 其他人見到都唔會笑)

後來派上星期 ibe test, 比我想像中高好多分呀, 感謝神!!!
對我這個短暫記憶人好okay 咖啦!!!
唉~~ 人懶就是這樣~
不過我懶極都有個譜............

放學後和joseph 搭車走, 又傾計, 好眼訓都睡不到呀!
愈講愈發覺我們有多功課未做, 唔開心!
最乞人憎就是eng, 成個sem 就是做 "上網", 死人webct, 想打爆!
下星期又交野啦...
之後講講下又發覺marketing project, 又要交ibe, final project....頂突呀!

返到家一陣後, 媽咪陪我去照x-ray & 超聲波,
都幾多人, 等了一陣!!
唉~~~ 照超聲波時都不敢望向個mon, 驚驚地,
到照x-ray 時都望不到~
2日後有report send 返去醫生處,
唉~ 下星期又忙到死啦, 又要等多個星期才可以去問report~
就這樣去了 $1140, 貴到爆!

照完後就即時去m 記買個飽吃, 餓死人呀!
之後和媽咪在新墟買送, then 去拿西餅, 之後走了。

今早返學前靈修,
"要你步出第一步行出去, 神才會一步一步地出手幫助,
不是要你站著原地不動, 然後就求神希望神會把你將來要行的路鋪得平平坦坦順順利利你才敢去行。"


>>December 10, 2004 at 1:48:51 PM GMT+8

2004 年 12 月 7 日 星期二 【颳風】


昨天day off, 但要早起去教琴,
去嘉湖教一個, 第2次去, 忘記了block 9 在哪裡,
要打給她媽媽, 最後遲了上去。
之後都和她說改星期六, 正呀, 不用在day off 都要早起呀!

下午媽媽陪我去新墟間化驗所照x-ray & 超聲波,
但發覺原來要book 時間&空肚去, 但我又不知道,
所以要再book 星期5才有得去照。
之後就和媽咪在屯門行一陣街,
大約6時許就返到來。
平時都不行去商場那邊, 就是因為要買東西所以行,
一行就撞到mouse, 幾搞笑。

今天返10.30, 但我又睡到要出門口的時間才起床,
10時在西鐡站, 怎料信號系統故障, 西鐡塞車,
停留了大約15分鐘, 那時10.30 還在朗屏,
10.40 分才在美孚, 故我今次不喪行了,
一個人去了美孚大家樂吃早餐, 嘩哈~
後來就返學, 返到去locker 見到阿朱&煒瑩,
她們說今天她們test, 好難呀,
死啦, 明天到我們test, 死突!

之後就撞到同學仔出來, 他們說講了星期一去南沙的約定時間,
還說阿旺向amy 欽點我要跟阿旺車, 因為我和他熟喎?!!!
唉~~ 比阿sir 欽點到時要跟他車呀, 死未~~
不能和同學仔同車呀, 要和阿sir 那班的人同車, 嗚嗚!
不過都好, 到時不會和郭樹洲同車, 費事笑死~

後來就約了michelle 去酸辣,
但我好飽了, 都吃不完。
之後返去上WTA, 時常跟不到, 要阿sir 過來問他。

放學時, michelle 那班break, 就和她去後園著袍映畢業相,
怎料等等下sammy 打來, 原來她今日沙田放早, 就返來拿畢業cert,
之後就約在一起去後園映相。
映到癲晒, joseph 和 林嘉明好好呀,
幫我們映相, 又等埋我, 呵呵~~
不過他們頂不順我和michelle 的笑聲呀,
他們說我們2個的笑聲是立體聲呀, 笑得好恐怖喎~
我們一拍埋就是這樣, 到時去南沙又再笑過啦。

之後就和joesph & 馬騮明走,
勁不好意思, 要他們等我去還袍。
之後在西鐡 joesph 教明天Contem. issue 要計的那part,
真的thx very much, distinction 真是 distinction, 勁人呀!
和我這個短暫記憶的人真是..........
我都研究到, 希望明天test 可以識計啦, 20分咖!!

之後回家睡覺, 今晚又勁溫, 好多野未做呀,
星期5 IBE present 都未做好, 又死啦!!




continue pray for God~~
concerning my health, cos i've little bit worry,
but i know God must give me the best,
and the best way for me to go.
i know sister, many fds & b/s hv pray for God and concern w me,
and the most important thing is, Jesus love me and he's the best doctor,
whatever my health and my spirit of my heart!
i must trust him, and know wh "homework" need me to do and learn.
He won't leave me alone!

>>December 8, 2004 at 2:00:21 PM GMT+8

2004 年 12 月 5 日 星期日 【颳風】


又遲到, 死突!
返去上IBE tutorial~

之後lunch, then 就返去上WTA, 又不明白啦!
上半part 勁和 Nona print marketing notes,
又有浸大個人來派questioners, 神經病!
之後又和郭樹舟癲了一陣。

後來有點眼訓, 放學去了新墟HSBC 入票,
之後又返一返家, 睡了一陣, 又再出去教琴,
好鬼煩!

今晚和燒傾了一陣, 又笑到咯咯聲!

原來下星期去南沙考察團, 好快呀,
好似沒mood 想去般!

好多事未做~


>>December 6, 2004 at 2:32:48 PM GMT+8

2004 年 12 月 4 日 星期六 【微冷】


昨天星期六一早又去教琴,
這期都okay, 沒有之前那麼嚴重地不想教!
改了中午時段返教會教映彤, 映彤又發癲喪笑,
我就累到想訓, 後來在教會hea 了1個多小時,
陳姑娘請我吃豬腸粉, 她專程搭2個站LRT去洪水橋買,
勁耐沒吃呀, 一吃就想起以為讀劉金龍時lunch 時常吃的,
但...現在想起, 仍然覺得藍地賣的豬腸粉是最好吃, esp, 魚蛋,
十幾歲的青春就在劉金龍和吃豬腸粉渡過。

在教會hea 住彈琴自娛, 赫見姬姐在我後面偷望我,
原來她早返來教會佈置, 我都想幫手, 但無奈之後要繼續開工。
和姬姐傾計, 又講我的身體, 她說好恐怖, 我都覺得, 但事實!

在chelsea 喪教, 吃了藥關係, 中眼訓,
完全想合著, feel 到會好快發夢個隻, 但要死頂~
多了個新學生, 她和一個朋友來陪她,
2個十多歲的妹妹仔, 聽到出面個姨姨說我就是她的miss,
她們2個即時反應是 "o下?! 原來miss 黎咖?!"
哈哈~~ 無計, 我個樣都是十多歲, 和她們差不多, 型呀!

收工後在LRT 站等車, 大風到呀, 凍死人,
病人受不了呀!
之後就返兆康搭西鐡,
出到旺角等妹妹 & beauty,
因為昨晚文靜結婚要去hum。
都不是太多中學同學,
上到去見到文靜幾靚, 新娘子當然靚;
勁耐沒見她們, 雖然以前和她們不太熟,
但昨晚我見到她們都幾開心, 好多野講, 又笑,
劉慧婷, 鄧芷玲, beauty & 我 和 男家的朋友一圍台,
簡麗薰就做姊妹, 潘婉琪做伴娘....
哈, 我以為會見到靚女鄭家敏, 但她沒空沒有來。
勁爆笑呀, 未上菜前一開始就有酒樓的人講野,
件衫勁似patrick cox,
最好笑是迎炮儀式, 台前又起勢放煙, 好假, 假到好多人都大笑,
坐我們對面的男家的fd 都勁大笑,
炮響聲還有處地方是窒了一窒....
只聽到beauty 正經地說 "又真係留左d 喎"
其實我們是笑響炮聲, 不是不尊重對新人。

一邊吃一邊和她們傾計說笑, 以前和她們不熟, 笑都不會講一句,
但昨天都說得興奮。
之後11時許和beauty & 妹搭西鐡走~

今早返教會, 好累呀, 又凍,
落車時撞到麗珍姐, 她都說我隻手凍。
今天崇拜好像....可能我未到這階段,
但明白身為基督徒對這些事的態度。
崇拜完後在副堂開會, 成班年青人今天都幾齊人,
一起傾聖誕要做的節目,
我們又好似先2年一樣, 用畫鬼腳去分配角色,
good 呀, 我做門徒呀, 閒角就最o岩我。
其間和宗&蘭子又發癲,
講宗一人分演3角,
說癱子又是他, 痲瘋病人又是他, 海浪又是他,
這3個角色要同步進行地演出, 真是笑到爆。
我們更癲到講到耶穌治好癱子後就要行走,
耶穌平靜風浪後又要靜止給人看,
嘩~~ 這個角色真的好難竄摸, 要演出這份矛盾實在...............
最後當然又癲笑!!!
發覺我們3人走在一起就會癲笑, 好恐怖!

好快就到, 又要排, 不過想起舊年表演跳hip hop 反而覺得會好些,
可能之前那晚不會練得太夜,
而再之前那年就是做drama, 到之前那晚就會排得好夜,
所以好怕今年到之前那晚又會排到好夜,
夜都不是問題, 最難頂是要第2朝好早好早返到去教會再rehearsal~

下午和斑馬婷 & 梓 去了荃灣,
在巴士上怒訓, 去了福來邨對面的米線,
都是長沙灣間四川好吃~

後來行了一陣, 好眼訓,
原來cindy 入了屯門, 之後她就出來荃灣,
後來我們再行, 好累, 就去了m 記吃住坐,
又笑, 笑到勁眼訓~
走時她說我有風度 (因為我好人幫了她一把, 哈哈),
那我就說 "d 男仔都冇我咁有風度呀, 哈哈"
不過確實hk 男仔真的好多都是........
但感謝主我現時所識的有風度的, 呵呵!!
就是因為這樣, 所以看到有些自私的就會覺得好黑人憎!!

7時許返到家, 沒有吃晚飯, 沖過涼, 之後就和衰仔沖涼, 爽!!

這星期開始又忙了, 好在這次IBE 可以用中文 present,
爽呀, 第一次用中文 (應該是廣東話) present, yes!
contem. issue, 不知怎樣溫才好呀, oh no~


>>December 5, 2004 at 2:16:16 PM GMT+8

2004 年 12 月 2 日 星期四 【微冷】


今早在西鐡到美孚站就下車時見到黃玉媺呀, 很久沒見她啦,
和她傾計, 原來和dannie 同一間大學, 讀埋同一科, 怪不得說時常見到她。
她就好啦, sem break 呀, 所以她今天都是返工~
之後在美孚站的電梯趺了隻耳環,
找不到啦, 趺在電梯內, 沒有了。
一早返去上eng,
以為我是1號, 當然會是第一個present,
怎料miss 是不跟次序地叫同學仔出去,
我就等呀等, 等到第2堂去lab 時都未叫我,
後來差不多最後自己彈出去pre。
好累, 都不知道自己講什麼, 因為今次都沒有去記,
所以今次要拿稿出去望住來講~
傷風個鼻塞住來講, 就來窒息!

準備上第2堂eng 去lab 時,
又和郭樹舟在走廊和樓梯發癲啦, 死未, 日日如是呀~
話說第一堂eng 到他present 前走去開yahoo email, 因為他send 了mind-map 落mail box,
怎料log-in 極都log-in 不到, 因為yahoo 傻傻地,
好搞笑, 打password 個位離奇地超細, 細到打不到東西,
之後就入不到, 之後這位同學仔就好搞笑地說 "入唔到呀~"
其實要當場看到他的樣子才好笑, 因為他說這話時是扭扭下的, 姐姐咁!
後來轉去lab 時我笑他學他講,
2個傻人就笑到嘔, 肚都抽埋筋那隻,
些同學仔又見到我們發癲都沒好氣,
笑到入lab 呀~ 死未!
無啦, 我一朝喪啦, 不需再掩飾我的瘋癲行為lu~~
死啦, 時常在想去南沙時一定會笑死呀, 好快就到啦,
他時常講想起到時可以一起笑就開心, 我就說不想見到他, 會笑死喎!

之後lunch, 快吃, 因為要返去溫書,
我這些人是短暫記憶的, 要就開始test 時才死記怒記!
1小時test, 好快, 忘記了3個point 呀, 激死自己無腦呀~
之後就繼續講書, 我都沒有聽, 頂不住扒下來睡覺,
真的好累, 睡睡下feel 到想嘔, 但忍住,
之後醒下間下notes, 之後又睡, 又醒間notes, 又睡。
好辛苦, 落堂時個人飄飄下, 雙手凍過水, 勁驚自己唔掂,
之後去ok 買tic-tac糖吃醒醒神才沒有事。
在地鐡站撞到其他同學仔, 差點被其中一個咸豬手呀,
不過都知道他沒有心, 但都驚驚地咖, 好在我身手靈活!

放學後去看私家醫生, 驚有事等不切呀~
醫生寫紙要我去照x-ray & 照聲波,
唉~~ 好貴啦又, 起碼千幾啦! 無$ 咖我!!!
醫生好好, 好詳細地講我的情況....唉~
不想再想, 交給主爸爸, 還未有report 就驚, 死好多細胞咖~
今次順道看傷風咳, 夾埋有好多藥要吃呀, 嗚嗚~
媽咪話我擔心, 都會啦, 我說"襯未痛就去睇, 廢事痛時才去醫瓜左都唔知乜事"
想想下我個病都幾恐怖!!

好累, 下星期又忙過,
今天完了要忙的事後可以靜一靜下來就發病, 不想呀!

明天文靜結婚, 晚上去hum 呀~


>>December 3, 2004 at 12:06:30 PM GMT+8

2004 年 12 月 1 日 星期三 【晴】


這星期真的好忙,
星期2好開心呀, 一早出去紅館因為畢業禮,
本來想早些9.30 去到映映相,
但搭k16 時在廣東道塞車, 最終遲到10點幾才到,
她們都不等我了, 我也不想, 也不好意思, 想快都不能, 架車唔郁都冇計。
一去到就入去場館, 勁多人呀,
拿拿淋換了件畢業袍就入去,
好開心見到舊同學, 勁多人,
整個紅館都差不多爆晒。
在那裡和班人勁傾計, 勁開心,
在台上一定有人講廢話啦, 但我們都沒有聽, 照傾 (完全唔尊重呀, 哈~)
而distinct 班同學就上台,
跟住個鬼佬博士就每個course 都宣佈,
到BA 系時, 我們成班就好緊張, 等緊叫我們course,
當聽到 "diploma in secretarial & administrative studies" 時,
我們就起立, 跟住就有射燈射著我們,
原來自己campus 我們course坐4行, 而我們A 班就最多人,
隔離班得好少人到;
發覺原來前面和左面幾排也是我們course 的, 不過是另一間campus,
所以一讀我們 course name 時, 就成幾排人起立,
勁震撼呀! 還聽到場內有人叫, 可能真的好多人, 而且好多女仔 (sec. 班是多女仔啦)。
好開心咖, 之後就向住台中間個 "大法官" 博士躹躬~
其間有個坐輪椅的女士, 忘記她讀什麼系了, 她拿了distinct,
一宣佈時全場都好熱烈地拍掌替她開心, 好勁!
好記得 higher dip. in accountancy 都好多人,
酒店系都okay多, 最少就是 spacial child care 的人來,
射燈只射向3個人;
都好多higher dip 的畢業生。

完後就繼續留在場內和全班同學仔映相, 爸&媽咪就出去等我, 嘩哈。
在場內勁映, 映映下發現蟻仔在前面。
後來我們就出去映, 找回爸&媽咪,
映了幾張相,
之後我們班同學就映, cindy 媽&爸也來了,
就和我們一起發傻地映相, 映了好多,
之後又撞返蟻仔, 再見到阿崔,
阿崔好像不認得我, 只說我好熟口面, 撞鬼!
勁多人呀~~ 映相都映了大約1小時多些,
我們橙色袍, 成班好似道士般, 勁好笑,
不過high dip 是紅色袍, 更似道士, 死啦, 出年我畢業就是紅色袍喇。
最靚是粉藍色和綠色袍, 不過這些是high cert. & cert 和education系的, 都沒有機會著到!
後來有一部分去了唱k,
我們這堆就去了pizza hut 吃lunch,
穿過poly 去尖東時見到amy, 原來miss 有去畢業禮, 我們還估她不會來。

下午就去尖咀行街, 再去都會整電話,
之後就去旺角, 在朗豪坊吃dinner,
勁多人又好累,
和燒2個又癲笑, 笑到爆炸!
最記得我們講的 "'蓮藕人的故事", 笑到在街上又停了下來行不到。
後來曬相, 在m 記等, 1小時後4R 也是0.8, 平呀!
之後晚上11時幾就走, 本想搭巴士, 因為好累,
但等了20分鐘, 見到其他車double 來都未有一架63x,
後來就好累地去搭地鐡再搭西鐡,
傻啦, 等20分鐘巴士, 我都去了美孚站了,
死未~~ 所以一向都不喜歡搭巴士就是這樣!!

昨天星期3又遲了少少上mkt tutorial,
一返到去就去amy 處拿上次test 卷,
我一直都覺得自己會不合格,
因為當時test我根本就不知道自己做了些什麼,
mc 好像題題不懂, case study 又不知自己寫什麼...
一test 完那刻都說自己不懂!
嚇到心臟病, 感謝主合格呀,
後來amy 說沒有人fail, 嘩~~ 勁驚!

放學去了tea, then 睡覺,
晚上溫IBE, 溫到晚上2時半就睡了。

今朝返8.30, 又遲了少少,
勁累, 今天都okay 累, 到差不多落堂時就想睡想睡, 勁辛苦。
落堂後我又發癲, 即時醒神,
上去locker 時和高妹玩 "visa card",
後來結果就被她打, 嗚嗚!!
又笑到嘔呀!
之後落返去水機時見到他們又笑啦!

下午上contem. issue, 唉~ 不撞計呀!!!
上次阿sir 教個過都不記得了, 好難呀~
死啦, 下星期test 會有20分時計這些, 死得啦又!!
讀supply chain 一定識計的,
邊個讀supply chain management 呀? 教我啦!
我不是主修這些, 好難呀!

走時和他們搭西鐡~~
人渣明, 又被我和joseph 講, 又癲笑!

明天test IBE, 又要溫啦,
eng 明天一返去就present, 死啦, 又未做好mind-map 呀!

明天本來要去照x-ray, 但不等了, 決定自己去看醫生。

唉~~ 好忙呀, 忙到死, 又怕要入醫院, 好多野未做呀!
入了醫院真是乜都唔洗做啦!


>>December 2, 2004 at 9:32:07 AM GMT+8

2004 年 11 月 27 日 星期六 【微冷】


一早起身, 9.45 去到彩虹mtr,
見到阿旺, michelle, quennie & 男友在等我。
之後搭小巴入西貢,
then 再搭巴士幾個站就到唔記得左乜野浪萵的地方下車,
之後就開始行,
我們今天主要是行馬鞍山。

阿sir 真是神仙, 全程好似山中仙人般, 行得勁快,
他們都快, 是我啦,
今天狀態又不太佳喇, 上山時行得勁慢。
沿途都起勢行, 又見到些行山人士,
最記得有隻蜜蜂由我在山下一直跟著我,
跟到我上山差不多到頂都一直跟著我!
沿途都有映相, 幾搞鬼,
他們個個都話我和michelle 個feel 好似呀, 連映相都像twins。
阿sir啦, 一邊行一邊說些相映得黑不要緊,
要我和michelle 到時用photo impact 做返好,
死未, 連行山都卦住講平時上堂的事,
我反問阿旺是不是我做了就包合格先?!

其實都行得好快, 好快就到金字塔山,
由馬鞍山接去金字塔山那段路都幾折墮下,
我們稱之為 "折墮路", 爆炸呀!
之後就下山, 下山就爽了,
不是行落山呀, 是跑落山呀,
控制不到自己跑, 一邊跑一邊笑,
我們幾個就飛快地跑呀跑呀跑落山,
石級又跑, 泥路又跑, 到最後少少的石屎路又跑,
跟著後面又有一堆人跟著我們跑落山,
聽到後面些腳步聲就好笑,
好似萬馬奔馳般, 嘩哈。
對腳和條褲好似在地盤做完苦力的人一樣, 泥晒!

我們由11時開始行到2時許就行完,
真是好快呀, 但我們行得都okay 啦,
是我上山時有問題jei, 之後那段完全瘋癲呀。
我們由西貢入山, 下山都是出返去西貢, 沒有出沙田,
雖然西貢入西貢出, 但不是同一條路。

返到西貢吃糖水, 阿sir 在未下山時勁講要我請吃糖水,
但後來他都想請我們, 但我們不好意思, 最後都 a a。
後來我, michelle & 阿sir 一起坐小巴,
其間我對阿旺說可能累到聽日返不到學, 叫阿旺都要tick 我attandence,
我和michelle 時常用 "請你食豆腐花就要包合格咖啦" 這句來威脅, 哈哈~

後來我和michelle 去了順利邨剪頭髮, 她就整負離,
其實我都想整, 但太夜了, 所以都是下次先。
去到個哥哥仔就一邊洗頭一邊問我是不是行山,
又話見到我對鞋就知, 跟住就猛講話好危險,
因為之前時常有人被打劫, (唉~ 行山時阿旺都有講)
又問我們有沒有帶防狼器, 哎!!
michelle 在隔離和我笑到想死~~~
死michelle 又加咀 "ee? 乜咁快就講野喇?"
那刻有點不好意思, 那當然笑晒口咁答 "健談囉!!"
後來我先走, 走時和我剪個師傅問 "你唔洗等你家姐喇?!"
嘩哈....家姐, michelle 是我家姐, 又再一次證明我個樣後生過她。
其實今天阿sir 都話我是細過michelle, 他們都以為, 呵呵呵!!
老實講, 我都是大過michelle 幾日, 10日都沒有呀,
竟然有如此大的分別, 喎呵!!

之後就走, 在mtr 見到個靚仔, 他望著我, 因為我望著他, 嘩哈!


>>November 28, 2004 at 1:19:47 PM GMT+8