2004 年 9 月 11 日 星期六 【微冷】


昨天完全是 瘋癲星期六,
我想以後每個星期六都會是這樣了,
又多了兩個學生, 一早癲到晚, lunch 都沒得吃。
一個4歲幾, 原來英文字都未完全學懂,
oh~ 點教呀?!
一個12歲男仔, 他媽媽都痴痴地,
即時報名即時要個仔學, "怕佢再遲d唔肯學呀!",
迫人學喎?! 痴線咖?!
令到我臨時要6時才返到教會教映彤,
不過都算啦, 只是昨天才這樣。
都好的, 那麼大個就容易教, 起碼明你講什麼啦,
4歲幾喎?! 沒錯, 是很得意,
但英文字都未識寫, oh no~

昨天懷疑又扭傷條腰, 再三思索,
沒錯, 肯定扭傷條腰, 我記起我做過某個動作, 就這樣了,
那沒理由會無啦啦痛, 又是扭右邊呀!!
今天痛死了,
當"就"好位坐到後, 坐得耐會起不來,
站得耐又極奇痛苦,
完全坐又不是, 站又不是,
又癱癱地了, 真是說不出的痛, 沒人能理解的,
求主醫治, 我明天要返學咖!!
不想像機械人般 "冷" 返去。

今天我妹妹受洗, (受死, 哈)
去了興福堂崇拜和參加觀禮,
勁多人, 崇拜後就去操場觀禮,
他們勁搞笑, 每個受洗的臨下去個池時都會勁叫受洗人的名字,
叫破喉嚨似的, 笑到死, 加時他們叫到好似fans 叫劉華咁, 激搞鬼,
都幾有氣氛, 總之笑死我啦, 聽到就想笑。
浸之前聽我妹在台上講見證,
第一次聽, 講得幾好呀, 因為平時都不太出聲嘛,
浸之後又另一位姊妹講,
之後就映相和送禮物時候,
見gary 拿住扎花和隻 "sugar" (隻史納莎毛公仔) 從後面標出來送給妹,
即時冶起全場人叫, 隔離成班十多歲 "小朋友" 勁叫囂,
嘩哈~ 我當然有叫埋一份, 搞屎棍點會冇我份。
之後和妹, 媽咪, (女麻)映了幾張相,
我全程拿住隻sugar 映相, 因為真的很得意。
見到蘭蘭, 她說: "e? 家姐, 靚左喎!"
嘩哈哈哈~
又見到結他sam, 發覺好似較之前白了很多,
心想為何一個男仔可以這麼白=_=
有好多人恨不到。

其實真的很想知道浸那一刻是什麼感覺,
因為我總覺得有一點點, 是一點點遺憾,
我是沒有浸的, 我是灑水禮的,
永遠只知道我受洗時, 只是有一 "pad" 水在頭上流......
姬姐說下次去海灘游水試下幫我浸, 唉!

今晚一口氣看完了兩本書,
張崇德的"莫名奇妙" 和在八仙嶺大火中受燒傷的一位弟兄寫的,
勁好看, 見到他們在遇上困難對主的信心,
從埋怨到感恩........

今晚想起一些事,
發覺我就是因為不夠愛, 所以就計算著自己 "次次都係我做主動" 這個觀念,
沒錯, 關心是要相向的,
但次次都計算著自己有幾多次是主動去關心,
每次去關心都好似有少許壓迫感般,
那就證明自己未能夠真正愛佢, 未有真正的包容佢。
要包容, 時常都聽和講, 但要做就要真正放下那個 "框框",
都幾難下, 所以都求主爸爸幫助,
不想每一次見到這樣, 個心就在咒罵佢,
但又唔比佢知.......這樣是不好的我知道。

今天燒燒說了幾次lonely, 好像有點不開心,
我想明天會打電話你啦。


>>September 12, 2004 at 4:57:53 PM GMT+8

2004 年 9 月 9 日 星期四 【雨】


呢種天氣最好, 涼爽到死。
昨天去了荃灣...
發覺又有好多事未做了。


昨天發現有人開始又發癲,
我是不會理會的,
因為好多事是要雙向的,
每次都是我去做主動,
而對方又推都唔郁,
我都廢事理。
有人說我大方,
我想都會有極限,
去到忍無可忍的底線時,
就會有爆發的一天。


>>September 10, 2004 at 9:26:18 AM GMT+8

2004 年 9 月 6 日 星期一 【酷熱】


今天返學, oh no~~~
家瑩A 班, 我B 班, Michelle C 班....
我的course 跟本就得這3班, 打散了我們呀~
即時不太開心囉!
有好多以前china bus. 那些同學仔升上來,
我們秘書就最少人升回這個course,
整個course 都有90 多人 (沒記錯的話)。
激慘, 還要真是那麼 "好彩", 和乾燥人一班, oh no!
給sammy 開口中, 打給她時即時哈哈大笑笑我呀!!
三分一機會都會同乾人一班, 好慘呀!

以前隔離班的同學仔, 有2個和我一班,
就是 "污糟的女人" 和 高妹都和我一班,
另外 "exactly o個個樣" 和 B 仔就去了c 班和michelle 一班....

今天一早9時就返到去, 直至下午5時才走得,
之前都想在lunch 前偷走啦,
但勁衰, lunch 後才派time table,
最緊要就是那張time table 麻!!
我們3班都是amy wong 做班主任,
A & C 班都是死daniel sir 教eng, 哈~
我就一位叫agnes ng 的靚女miss 教,
不知道她是怎樣呢?! 聽china bus. 的同學仔說她都幾嚴...
但我寧願嚴都好過daniel sir廢!!
星期3 day off 呀, 都okay 喇~
但星期2有12.30 ~ 3.30 free, 都不知道怎樣hea~
又得我一個喎!! 成班都沒有一個以前識的!
但今天都識了6個新同學仔, 快呢, 話咁快就識到人,
他們都幾好呀, 知道我在這班得一個人,
就主動拉埋我和他們一group。
hey, 話就話知道以前隔離班那2個人都和我一班,
但都未講過野, 好似完全不認識般。

唉~ 今天還以為自己還是以前的A 班呀,
amy 一講 "o拿, A 班同學聽住, 要......"
即時會醒一醒囉, 每聽到個A 字就醒,
我要脫離啦, 清醒啦, 我是B 呀!!!

死啦, 第日返學好驚會撞到乾燥人搭車呀,
因為他也住在我的苑, 住隔離座咖, 死啦死啦!!!
今晚燒燒打給我時說都會有這個可能,
唔係呀fa, 我好驚呀!
oh no! (今日我講了很多次 oh no了)


>>September 7, 2004 at 2:39:06 PM GMT+8

2004 年 9 月 5 日 星期日 【雨】


上網看到知道自己入了B班呀,
不能和家瑩一班呀, 嗚嗚.....
還未知道michelle 入了哪班, 希望一班啦。
之前我是A 班的嗎, 我們班永遠都很奇怪地和 B班有不和咖,
但今次總覺得怪怪啦, 不想B 班呀!!
另外, 好想轉campus 呀, 因為想讀第二科, 明天返學問問。


>>September 6, 2004 at 1:03:11 PM GMT+8

2004 年 9 月 3 日 星期五 【酷熱】


爸&媽咪今早很早就出門口,
去媽咪的鄉下探阿公,
阿公這期都返了他鄉下,
自上次在醫院見過阿公後就沒見過他了,
聞說病情都嚴重,
在鄉下追住人來打, 點知又"咬柴",
阿婆說"呼"了十劑藥都還未好。
就是阿公生日他們就上去探他,
以前他沒事好好地在hk 都未聽聞過會替阿公慶祝生日,
如果我有空都會跟他們上去...有點卦住阿公, 嗚嗚~~

今天累到痴線, 係累到痴線呀, 又狂咳,
自己又不好意思地控制不到咳,
但家長會驚咖, 見我係咁咳驚野比佢個仔.....

今晚阿妹又不回來吃飯, 他們又在大陸,
又得我一個人了, 爽!!!
自己一個人勁free 地彈琴, 彈到那隻歌, 就想起你~

救命, 真的好累呀~


>>September 4, 2004 at 3:58:55 PM GMT+8

2004 年 9 月 3 日 星期五 【酷熱】


昨晚和很久不見的邪花&男友吃飯。

今早入了坪洲玩。
行行下落雨, 在亭避了一輪雨,
之後就再行上山,
行到坪洲最高那點, 個spot都只是95m,
望盡南區, 中環, 九龍, 新界, 渝景灣...
good~


>>September 3, 2004 at 4:54:54 PM GMT+8

2004 年 8 月 31 日 星期二 【酷熱】


踩單車


>>September 2, 2004 at 6:32:10 AM GMT+8

2004 年 8 月 31 日 星期二 【酷熱】


今晚和ive同學仔吃飯,
7個人去了信和意粉屋, 勁多人,
我們又排pizza hut 又排spaghetti house,
最後都是spaghetti 快點。
在那裡不知不覺間逗留了很久,
又勁映相, 映埋怪相, 笑到收唔到。

唉~ 原來連sammy 都入到沙田campus 的purchasing & supply chain management,
早知我也把這個放落1st choice 啦,
因為我一早都對這科有興趣,
但後來又怕會入不到, 所以都是揀回hw 讀現在這科,
oh~~~ 有早知冇乞衣喇!!
不過現在這科都不太差喇, 交通方便些。
唉~ sammy 去了沙田, zoe 去了青衣......
其他又有工返了, 我們都好難得可以聚在一起,
好想快點又再聚過...
就返學了, 不知道會不會和michelle & 家瑩一班呢?!
好想同一班啊!!!
不過又可以識到新同學仔...^_^

今晚我們去了星光大道, 最後得我們4個去行,
星光大道都幾靚呀, esp. 夜景, 幾good!
又映相。

12時許回到家, 幾快呀~

發覺晚上旺角&尖咀永遠都是那麼多人,
油尖旺d 人唔洗訓咖?


>>August 31, 2004 at 5:44:42 PM GMT+8

2004 年 8 月 29 日 星期日 【雨】


昨天去教琴, 我想我會就來死,
那刻勁忟, 楝起隻腳彈琴還要駁你咀硬頸死不聽人講,
令到我個人燥晒, 忟到爆炸, 我勁罵他, 和他爸爸投訴!!
晚上又遲了去rehearsal,
re 了大約一小時就去dinner,
出去dinner 時去了間茶餐廳,
因為太多人, 叫了差不多5,6分鐘 "唔該寫野", 都沒有人應,
要趕時間返去練歌嘛。
最後終於有人應, 但問了一句後他又走開了, 變態,
那我又再燥過, 二話不說就走了。
之後再行去前面一間車仔麵的,
本來都好地地, 但埋單時, 被人"昆",
我被 "昆" 了一元, sandy 被 "昆" 多了三元,
(不再講發生了什麼事了, 總之覺得個老闆娘昆得很高招)
但我沒再理了, 因為真的好趕好趕時間,
不再和她bargain, 即閃。

昨晚那場好感動呀, 特別dancer講見證時,
我們詩班員都未聽過的。
見到我身邊周圍幾位姊妹都喊, 眼濕濕,
遠看又見到有會眾都感動到流淚,
而我都流淚, 忍不住, 即時拿紙巾,
因為想起我阿公,
回應唱時就勁流淚, 唱不到...(好在我遲去到排最後那行)
感覺到主的安排, 因為昨晚我媽咪有去,
這part 實在很貼切我媽咪去聽。

今天崇拜後, 下午去了元朗吃印尼,
我咳死了, 因為這星期都咳。
落得很大雨, 本來今天要早去rehearsal,
但我和梓梓在元朗行街,
行行下其實我是想回家小睡片刻的,
因為實在太眼訓, 未曾試過在街上眼訓得這麼利害,
累到想即時坐在地上。
之後就陪梓梓去買電話, 在smart tone既然逗留了一個鐘,
那就不回家了, 因為夠鐘要去rehearsal。
極累, 在西鐡上想訓, 但都是沒有, 大家還一起研究電話~

6時出到灣仔, 去大家樂join 基哥義義智智,
在那裡dinner, 之後婷婷又來了。
後來我和婷婷先走搭taxi 去 e 館入去rehear.,
我們那麼遲才入去, 應該會坐在詩班的最後一行的,
但既然被人叫了去在alto 那邊, 即台左中間那段 (觀眾看的右邊),
感覺和觀眾很近很近。
今晚和星期5差不多, 沒有昨晚般有大感動,
但站到非常累喇, 因為在中間, 不可以偷偷地坐。
今晚有很多人呀,
有基爸爸他們3個, 有梓梓 (梓最後都沒有唱, 做了會眾), 溫生溫太,
有興福堂班弟兄姊妹, 有成simon他們...
今晚最後一場終於完了,
走時在門口映了幾張相, 之後他們搭巴士返天水圍,
我就行去搭 mtr, 鬼咁遠, 行死。

總結這3晚都會有不同的得著, 感恩, 多謝主給我有事奉機會。


>>August 29, 2004 at 7:12:57 PM GMT+8

2004 年 8 月 26 日 星期四 【酷熱】


昨天星期四, 又上了大陸玩, 不過近近地去了東門,
周圍行, 買了勁多東西, 特別在百佳。
我和燒勁想買波鞋, 但又有點兒驚,
因為都明知道是假, 但看落去又似真不真, 假亦非假般,
最後都沒有買到, 廢事曬$兼衰樣。
後來又貪得意整頭髮, 我整到成頭都是 "bun" 辮, 古列治~~
燒和燒媽剪頭髮。

晚上落了羅湖泵骨, 燒媽帶我們去的, 在香格里拉酒店隔離,
因為antie之前都去過幾次覺得幾好。
泵到我咖咖笑, 因為我覺得好痕, 笑死人~~
有個泵骨的女仔一入到來,
我和燒就說 : "ee?! 幾靚喎呢個~~"
個女仔即時望都不敢望我們,
後來我們就笑之前自己講過的說話。
真的靚女的, 後來傾計知道她18歲...oh no~
那裡的男師傅替我們泵腳,
有個幫antie 泵腳的哥哥仔, 問我幾歲,
後來他說 "睇你應該係18歲",
我們3個即時嘩哈哈, 即時開心死我!
之後仲搞笑, 和師傅們傾計,
幫我泵個女師傅見我個頭扎成這樣,
就好有興趣, 之後燒就無啦啦說我是外國返來所以這樣,
之後他們就勁問 "真咖??" 好信的樣子,
我們又勁笑, 之後我說 "冇錯, 我係菲律賓返黎, 個邊興個頭咁樣"
他們勁信, 我們勁忍笑,
後來個女師傅向我說 "望真d 你對眼真係有幾分似菲律賓人"
哎呀, 笑到救命。
泵到10時, 之後吃少少飯, 11時才走, 泵完後覺得個人輕了般。
返到hk 12時, 又勁多東西拿回家。

今天星期五去了飲茶, 之後就去天水圍拿acm票給玉兒,
走時發夢, 搭761 (去元朗方向的), 想在坑尾村轉751 (去屯門方向) 返家,
那在坑尾村下車等751, 之後等了一會見車來就上,
原來再搭了761 也不知道, 一直去到屏山站才醒覺,
白痴到死, 又要轉返轉頭, 好在不趕時間。
在家練了一會歌, 就搭西鐡出灣仔,
因為今晚acm 音樂會第一晚, 我們要5.30 去到rehearsal,
但我在中環等珊珊&sandy, 之後再去大家樂吃tea,
吃到差不多6時才take taxi 去e館。
今晚我們坐在詩班中最高那行, 因為我們遲入去rehearsal,
後來6時許婷婷放工飛到來。
又識到坐在隔離的一位姊妹, 好勁呀, 女拔萃, 拔尖上到中大acc...
再遲少少又見到carman坐在我前面,
後來她說yosi遲了來, 所以只好在觀眾席....
嘩, 真的很久沒有見他們似的。

今晚都幾感動的, 聽了幾個敬拜team的見證。
又要感謝主, 因為其實有些歌都不太記得歌詞,
有成十幾首歌邊記得咁多,
但我們詩班員都可以望到個投映片,
不過些字是反轉的, 雖然這樣,
但都可以叫做看到歌詞, 初初幾驚是完全望不到。

明晚要4.30去到rehearsal, 但我想我都會遲了,
明天又是我博殺時候, 要早起, 救命。
願主繼續保守明晚的聚會~


>>August 27, 2004 at 6:42:59 PM GMT+8