2004 年 10 月 5 日 星期二 【微冷】


又響朵失敗, oh no~~ 我又輸!

今天勁不想起床, 想長眠。
好似不太記得今天做過什麼,
只知道上mkt tutor 又勁做case,
之後就約了家瑩&michelle 去吃酸辣。
想快點christmas, 因為到時死michelle的bf會來hk,
到時可能會見到個鬼佬, 實行又笑死。
其實每次星期3見到michelle和鬼佬講電話,
我都和她在發癲中,
今天終於個鬼佬問michelle 為何那樣crazy...(其實那刻她還未算最癲狂)
她死啦, 個鬼佬遲早知道她的真面目, 死未!!
michelle, 有我和你拍在一起, 你是不可能會正常的!! 哈~

後來上阿旺堂, 和燒在room 內講了15~20分鐘電話,
阿sir 都還未搞好部腦都未開始得, 唉~
之後break 時和同學仔傾下星期要交的project,
oh no~~ 個marketing plan 還未傾好,
但感謝主, 個contemporary issue 那份叫做分好工啦,
唉~ 好累呀。
放學本想回家眠一眠, 但後來都和幾個新同學仔去了旺角,
在點睛品買鍊, 和個sales 都玩了很久,
nona 買了張postpet 電話紙貼mon,
大家很緊張地研究去貼張保護紙落電話mon...
哎~ 不過個sales 把聲, 好頂唔順呀~
又假又唔知點咁, 總之難頂!
離開間鋪後, 我和nona 扮個sales 把聲,
..."哈哈, 我係魔鬼呀..哈哈~" (學個sales 講o既野+佢把怪聲)

後來就走了, 好累呀我, 發覺有點悶悶地, 所以走了~

明天返8.30, 救命!!


>>October 6, 2004 at 3:55:57 PM GMT+8

2004 年 10 月 4 日 星期一 【微冷】


今天day off, 約了伍惠婷 (又響你朵)!
本來約了她去青衣campus陪她上last一個鐘的lecture,
想襯她break 時 "鼠" 入去lecture room 陪佢癲,
但我遲了出門, 又看住架67m 走,
又要等15分鐘, 上到車後在屯門又兜15分鐘...
所以最後都是去到kwai fong 等她放學。
昨晚我們勁傾今天去她campus 陪她上lecture,
覺得好好玩呀, 傾得好興奮,
但最後都玩不到!!
真是冇野好玩, 玩到去佢學校同佢一齊上堂, 哈哈~
下次, 約了她兩個星期後去玩~
到下個sem. 啦, 看看我下個sem.的time table,
下次就到你來我campus 一齊上lecture, 好玩呀~

之後就在kwai fong 等她和她2個朋友去上海餐館,
勁喪笑啦又, 很久沒有笑到咁癲,
想起現在我班的正常同學仔, 簡直比下去。
在那裡笑了很久, 癲晒~~
還提議一起去ocean park halloween,
講了些還未發生的 "騎呢" 事, 又笑死左!!
完全變態~~

後來我們去了南豐10樓配眼鏡, 又有新look 了~
之後又行街~
後來我要趕返去天水圍教琴就走了,
原本今天是不用教, 但就來考啦, 一個月都沒有,
就要勁和她惡補, 簡直想死死死~~~~
我又緊張了, 記得上年11月有個學生考, 我都有緊張,
但後來都差2分就拿distinction, 哈哈~~ good 呀~

今天都okay 累, 笑到塊面"淵"呀, 笑到累~
但都要做功課, 還未做呀, 雖不是明天交, 但快快做完快快安心。


>>October 5, 2004 at 12:59:29 PM GMT+8

2004 年 10 月 3 日 星期日 【微冷】


好累呀, 又涼涼地又眼訓!
變態, 一返去上IBE, 就聽其他group present,
沒有教書, 眼訓到震晒呀真係!
想大嗌累到!
就來到我們pre 啦, project plan 又未交...死未!

之後3個人去了飲茶, 幾型呀~~
不過都悶悶地, 她們太斯文喇~
我這個癲人, 沒有人和我癲呀~
好慘!! 快些讀完這一年畢業就好了!

好眼訓, 但都沒有睡呀,
放學就教琴, 很累呀!
之後就回家吃飯啦, 眼訓到震!
但飯後我又走去彈琴喎!!
應該是練琴, sandy 她們就來考啦,
我做伴奏的不想累死人!!

之後彈彈下, 燒打來, 又笑啦, 變態~~ 笑到咯咯聲!!
then 繼續彈, 阿爸教我玩夾鼓, 好難呀, 隻手不夠快!!!

今天好累呀~~ 又吸毒樣!


>>October 4, 2004 at 3:52:25 PM GMT+8

2004 年 10 月 2 日 星期六 【微冷】


今早返9.30 主日學, 主日學要司琴呀~
在輕鐡時又撞到慧貞姐啦!
但我就喪行入去, 入到村口就喪跑入去。
一直衝呀衝!! 衝入個hall~
我都feel 到自己好笑, 叫住衝入hall,
成班人望住, 姬姐就剛剛想開始彈,
後來就我接手啦, 原來姬姐都不記得這次是我做司琴。

之後一邊彈啦, 林家麟帶詩啦,
阿映彤就勁笑我剛才衝入hall 那下, 又扮我把聲...激死!
後來就分班, 我入了中學組啦, 不想去大人組呀,
uncle peter 帶我領教過一次, 真是長氣都爆炸呀!
所以今次入中學組是正確的。
幾good 呀! 下星期我又入中學組!

之後崇拜, 又good 呀!
沒錯啦, 時常和人說自己是基督徒信耶穌, 但有沒有去做個好見證給人看呢?!
不是得把口去講, 是要行出來的,
又講粗口, 又做神不喜歡要我們做的事.......
講員說好多人真是看你背後所信的宗教而判斷你是一個怎樣的人,
但當然要做好自己, 如果自己又做得不好, 只用口叫人信, 幾乎等於 "冇用"。
好藉得反省...
其實我今年開學時都有禱告神, 叫我可以能夠盡量做個好見證給人看,
活個基督徒的樣式, 因為我自己知道有好多事都未做好!
最終目的不是要別人看你有多好, 而是榮耀神,
唔想羞辱神ja~~

完了後就留在教會和小朋友玩UNO,
勁好玩呀, 我很久沒有和小朋友玩到那麼癲,
好緊張咖, 一 "cut" 時就勁大聲, 差點飛牌呀!
講到飛牌, 就回想起舊年我和班同學仔在canteen玩UNO 時飛牌的情況。
智智又玩到女仔聲啦, 不過義義又發脾氣, 要氹下佢和他講道理!
後來都玩到瘋癲....
好給人改名呀, 少玲叫我 judy, 不久又叫我 juicy....
都是婷婷最好笑, 給智智叫做 "斑馬"。
一開始第一round 時我win 的, 但一鋪整死我,
一直都是我最高分, 即最尾~~
我們協議到最後排最高分, 最低分和中間分的要跳舞,
我諗我跳硬啦, 但到最後,
又給我一鋪翻身, 排尾二, 低少玲一分, 好險呀!
最後 "斑馬", 梓梓&少玲跳舞! 哈哈~

其間開了一陣會, 構思去短宣時做的話劇,
劇本, 好難寫喎~
但知道暫時都有11人去, 有幾個都未定, 可能會更多!

下午和 "斑馬", 梓梓去了智樂,
3時才吃東西, 又嚴重飢饉喇~
之後行街, 行返去華都時,
入了間鋪看, 個sales 說我們3個很熟口面,
我也覺得呀~
原來是上次來佳音堂幫手music佈道會的其中一個精兵。
間鋪賣的東西都好貴, 衫褲全部日本空運來&名牌,
好在識得個女仔, 所以有20% off~
我沒有買啦, 對我這個學生來說, 真的覺得貴呀!
阿梓梓& "斑馬" 買了千元貨....
"斑馬"說幾開心, 我在傍觀都覺得她們開心! 嘩哈!

在"乞衣島"買了2個大紙箱,
原來snoopy 那個只是一個大箱, 不是3個一pack 呀,
被昆!! 拆開先知!
之後執衫, 好多呀!
then 眠了一陣, 吃飯lu!

玩夠啦!!! 好多project做呀, 下個再下個星期present 啦又!
死亡呀~~ 真的好多呀! 唔知點落手做!


>>October 3, 2004 at 2:16:28 PM GMT+8

2004 年 10 月 1 日 星期五 【微冷】


這星期的假期用到盡啦!

星期2晚中秋正日, 我day off, 就早出去新墟買炭和 lum sum 野!
想早些去買完早些去coffee bay 霸位麻!
但拎到死下死下囉, 不要看少2袋炭, 炭點都唔會輕得去邊。
去到coffee bay, 沒有爐呀, 給人霸晒!
見到有一家人正在燒中, 那我就走去問啦,
問個男人燒到幾時, 死人頭即時擰歪面喎,
即時滾瀉呀! d 野又重喎! 唔滾上滾!
之後個小朋友就答我會燒到夜晚, 之後又再講一大堆廢話....
我都還未聽完個小朋友講完就即走, 鬼叫佢佬豆咁冇禮貌呀?!
個死男人呀?! 男人之家做得佢咁小家, cheap精之王!
問下燒到幾時jei, 洗唔洗呀?!

之後都是沒有位, 就落了青山灣,
good呀! 全部爐一個都未開始呀! 全部師奶霸住!!
又熱啦, 隻手又拎到痺啦!
有個師奶好好人呀, 話聲我知叫我不用等啦,
因為個個爐都未開始燒~ 那我即時灰晒!
之後就太累即時本pair坐在梯級上。
不久有另一個師奶見到我就走來 "嘩, 你一個女仔拎咁多野呀? 過黎坐啦!"
我就走過去和她傾計, 之後她又說其實不用自己買那麼多東西來,
oh no~~
因為只要霸到爐和買食物,
then call 三聖村入面一間鋪向他買炭, 乂和其他東西,
他就會送來了!
又教我當入黑後, 就可以自己買爐來燒, 因好多人都是這樣。
之後就問她拿間鋪的電話啦!

後來nichole, 金梅來, 之後就家瑩, zoe, 再遲些就sammy, then cindy!
家瑩來到不久就拎起袋炭說 "嘩, 咁輕o既!?"
心想：冇野下話?! 輕!? 你拎住由新墟走去coffee bay, 再走返落青山灣呀?! "聚" 手咖!! 拎15分鐘雙手打孖黎拎, 仲有其他野喎, 都唔係少野啦!
那刻即時面黑黑囉, 但我又冇出聲呀,
大家咁熟, 出聲話又唔知點咁?!

之後就燒啦, 燒呀燒, 燒呀燒!!
勁傾計, 講笑, 都幾開心!
後來zoe 的兩個friends 又來,
初初都覺得沒什麼的,
但都後來燒完時執拾, 就覺得他們好有問題!
不幫手不特只, 我們在執拾, 他們還要繼續坐著傾計,
那傾計都不是什麼啦, 但郁下先得咖?
成堆垃圾報紙蜜糖在他們腳前都不去執,
那我沒理由蹲在他們面前執咖?! 咪出聲囉!
唉~ 我都見zoe 有叫他們執拾, 但都是棟係度!
第一次見沒有gentlemen 的男仔。

之後就點燈籠, 玩games 啦, 幾好玩, 又好笑!!
玩到點幾啦, 就走了, 因為沒有車。
和家瑩, 金梅搭的士, 其他人就搭小巴,
住出面還有好多車返出去呀!
後來我和金梅在市中心等輕鐡,
但很久都未有一架751返到金梅家的車囉,
只有614p....最後等到2.25 am, 都未有,
那就上614p, 去到我家才算啦!
去到兆康後封了月台呀, 我就送金梅搭taxi,
行行下見到有個女仔問我taxi 站在哪裡,
我就叫她和金梅一起搭啦, 大家都是返天水圍。
最後就行去第一期搭啦, 好衰呀, 扮唔知打尖呀!
見到有架的士有人落車, 就即時跑上去,
見到有個男仔好無奈, 哈哈!!
送完她們就行返去第三期返家lu~
返到去3 am, 4 am 才睡。
玩到喪呀!

29號星期3下午約了cindy去了錦田吃東西,
叫了好多雞呀, 2個勁食雞。
之後又講笑, 笑到死下死下!!
食幾耐呀!
後來行返出去錦田時, 見到有些屋都幾靚,
就講了一堆廢話：
"ee? 第時我地可以係度買姑婆屋喎!" 我說,
cindy: "都得咖!!"
"hui~ 唔好呀, 諗起都好慘呀!!"
cindy: "唔怕, 第時我地老左都好似而家咁係咁笑, 諗下2個阿婆係間屋入面係咁笑, 笑到kee kee 聲, 哈哈哈哈哈~~~2個阿婆.....哈哈~"
我: "嘩哈哈....笑死呀...哈哈...之後其中一個就因為笑到腦缺氧而死左...哈哈"
cindy: "自此另一個就感到寂寞..."
我: "最後賣左間屋, 得左筆錢就走去住籠屋, 最後變左做 "'籠英"...."
"嘩哈哈.....籠英呀!!!"

2個就在街上又笑到死!!!!
後來就去了元朗esprit outlet, 勁開心, 好多衫呀!
但我未至於瘋狂!
之後就去了天水圍, 想剪頭髮, 但我不見了yau太的電話,
所以就去了新北江剪, 爽晒啦, 冇左好多頭髮呀我!!!
就是因為剪頭髮, 到7時許才返到佳音堂bbq~
原來5婷一早都來了燒, 早知我也早來啦,
很久不見, 卦住你呀!
去到都沒有丸了。
都不太好玩, 有點兒悶呀!
見到些大人勁唱彈琴唱詩, 又跳又唱,
鼓也打爛了!! 激呀!
劉國華話 "你睇佢地, 好似打斎咁"..笑死!
後來都想玩games, 但都早走了!!

30號星期4返8.30學, 累到震呀, 玩足2日!!
上完3堂lecture和班同學仔吃lunch,
我們12個人去了茶餐廳吃車仔麵!
唉~ 又不熟喎, 都不知講什麼, 總之無可能好似以前般勁講勁說笑。
之後上contemporary issue, 上到扒了在台上睡呀, 好累呀!
回到家勁睡, 又記錯7.30團契, 好在珊珊6.50 打來提一提我,
之後就即時彈醒再飛出去, 好快啦, 10分鐘去到柸渡站,
後來就去了芳姨家團契,
看了隻dvd, 叫 "拉闊愛的 (唔記得左最後幾個字)",
幾好看呀, 都感動....最後就分享,
完了後再看 如妃, 就走了。

昨天星期5, 10月1日, 去了行山。
是屯元院牧步行籌款, 但我沒有籌呀, 只去行。
一早約了映彤, 帶她去元朗浸信會, 變態咖,
行了很久都找不到。
又打給美玲姨, 勁叫我向千色廣場後面直行, 就會見到加得士油站,
我咪直行囉, 但都見不到。
最後又行返轉頭在千色廣場等珊珊, 再等陳姑娘接我們行去,
車~~~~車~~~~ 原來個加得士就是給那2棵樹遮住呀!!!
未出發, 先 "興奮"~~
之後就住第4架車, 去到大棠出發。
行到第2站, 就去了吃姜汁撞奶,陣味好姜, 之後就好奶!!
後來成班吃完後就再行....行到終點站, 就要行返轉頭,
其他人就行返轉頭, 我們就繼續行, 行去河貝村。
其實都是和上年行的路線一樣,
後來行到去水塘又玩水, 想落水咖,
但後來發現見到自己隻腳損左, 就沒有了!!
總共行了大約4小時就行完, 其實都幾快的,
去到河貝村就搭小巴走了, 激累呀!~
之後就回家勁睡!!!
本來晚上和班新同學一起去dinner,
但都沒有去了, 好累呀, 又不太熟......

今天又瘋癲星期六, 20號考啦, scale 都未熟, 想打巴佢!!
走時在chelsea 見到一個男仔, 勁似呀, 但我知道不是他囉,
send sms 給燒燒.......oh no~~~~~~~~
我feel到好凍呀!!


>>October 2, 2004 at 11:40:44 AM GMT+8

2004 年 9 月 26 日 星期日 【晴】


白痴!!! 今早應該有堂補mkt tutor, 返8.30 的,
但我忘記, 最後10.30 返去上ibe tutor。
變態啦又, 好多project 做啦,
每科都要, 這個sem. 有什麼堂要上, 那些堂就要做呀!
迫埋啦又, 最快ibe, 死安德尊!!
要玩盡這星期!

上阿旺堂, 上了一小時後, 阿sir 點名,
之後有些同學仔就走了, 即一點完名就走,
最後得十多個。
走時和rain & human 搭西鐡,
勁眼訓, 但要開工!
去完教家瑩個妹後就返了家,
因為到6時才返chelsea教,
所以回家小休一會, 之後就踩單車去chelsea,
太眼訓, 所以要踩!!

好累啦又!!!
明天會得我一個人去拎2袋炭+濕碎野!
溶緊!! 係我會溶緊!!
joyce, 頂住呀! (身心都要頂住囉)


>>September 27, 2004 at 4:29:57 PM GMT+8

2004 年 9 月 26 日 星期日 【晴】


今早返崇拜, 長了時間, 唱多了詩歌,
上半part 都有點發夢, 不知陳姑娘想說什麼, 後來就okay,
聖餐時由平時只在最後做祝福的黃文華牧師帶,
感覺幾好, 因為聖餐時唱了2首詩歌才開始, 完成後再唱詩歌,
所以今天時間咪長了囉。

之後就即時飛入office 影印 aural, 怕忘記。
之後見慧貞姐就即飛撲去問她aural part c,
因為我不記得了以前我是怎樣去考, 所以就問她,
即時通了, totally understood, 感謝慧貞姐。

今天極度眼訓, 隻左耳又勁痛, 只聽到自己把聲, 很辛苦。
崇拜後在涼亭和娟娟&文基哥哥吹水,
而那時就好多人周圍問人籌money for 1/10 的步行,
而揚揚就離遠見到文基哥哥就大聲叫 "陳文基! 贊助下啦!"
之後文基哥哥叫他跪下來,
勁搞笑, 估不到揚揚真的跪下來, 還拜他,
文基哥哥即時說受不起, 玩大左啦!
後來林太就走過來......
笑死人。

要多謝各弟兄姊妹的關心和慰問,
粱姑娘今天都有返來, 多謝粒朱古力, 哈!
又突然覺得觀平叔叔真是好人。

2時許3時才出去元朗join 婷婷&梓梓,
好鬼眼訓+隻左耳又痛=呆滯!
在元朗見到些燈籠, 好搞笑,
有個電燈籠是蜘蛛俠來, 隻腳 "牙" 起成隻青蛙咁, 好笑!
之後見到好多, 見到紙扎店有隻金魚的,
紅色玻璃紙+金色魚鱗, 好靚的!

後來去了買lo 米chi, 好似我們每次去元朗都會去那間買lo 米chi。
後來我和娟娟都好眼訓, 就先走,
在輕鐡上小量地吹水, 之後就一起在泥圍下車,
她返奕園, 我就拿車再踩返家。

回到家後, 想起今早有人和我說的那番話,
今早都覺得沒可疑, 但回家後就覺得有點懷疑,
好明顯於那件事上 timing 是不對囉,
既然不知道那件事, 為何又知道再之後發生的事而且又參與?!
參與得再之後發生的事, 就會知道那件事~
大話!!
那人不和我說那番話會更好囉!
雖然知道, 但我沒有太大的不開心or sth else,
因為我不知從那時起就開始對那人不再太care,
只知道那人說的是大話...味算囉!


>>September 26, 2004 at 4:44:30 PM GMT+8

2004 年 9 月 24 日 星期五 【晴】


早半小時去天水圍, 教了個半鐘, 想睡,
但剩下一個月都沒有, 所以要勁惡補,
衰左就會賴我教得唔好。

勁累, 不過下午3點才去chelsea, 可以在定小睡半小時,
完全不想起身, 出門口都腳軟, 所以迫自己去踩單車代步,
又有學生absent, 所以今天放早了。
下午我踩單車去chelsea, 所以走時就踩單車返教會~
和陳姑娘傾計, 之後教映彤,
映彤又傻笑, 還要練錯歌呀~ 激死!!

不過今天在chelsea 教個浩浩, 他堂堂都勁百厭,
真是想車巴, 但今天我都沒有好氣鬧他, 好黑人憎!
不過後來他無啦啦爆響口問 "彈邊呀靚女!"
嘩...即時啞一啞, 還要講幾次,
一個6歲細路竟敢講這話!
激到你爆炸, 即時曉飛呀~~

燒燒：我個班真係好多咖, 包括我, 嘩哈!!


>>September 25, 2004 at 4:26:03 PM GMT+8

2004 年 9 月 23 日 星期四 【晴】


放學返到家從媽口中得知阿公今早做了手術,
感謝主, 他沒大礙, 而且醒了時更說自己不知道自己做了手術,
希望阿公可以行得;
而二伯公呢, 就轉了去明愛療養院等康復。
一切都感謝神~
主呀, 但仍然希望他倆能夠認識你更多!

今早返9.30, 在西鐡站等車時竟然撞到乾燥人, 和他一cart 呀。
他醒了啦, 明明平時搭開巴士, 知道今早屯門公路塞車就搭西鐡~
好驚呀, 但我在車內都睡覺。
之後9.15分已經到美孚, 我根本就不需要喪行都會準時返到學校,
但我仍然要喪行, 就是要 'pis' 甩他啦, 之後當然成功。
返到去和平時有份搭西鐡的同學仔講, 他們勁笑我囉,
又話我唔好彩, 還說好在他們遲到~~ ek!

一早返去上eng 勁眼訓, 又有功課做,
下午去了吃酸辣, 之後買了廿四味返去上IBE 堂時飲。
勁正~ 我最鍾意就是涼茶藥材味,
即別人覺得難頂的藥材味我就最鍾意走去 "索"~

IBE堂3小時lecture, 完全叫救命,
我上堂時上到中段都忍不住叫了聲 "救命呀!",
之後有人笑住口叫我 "係都細聲d 講啦!",
真的救命呀! 完全和 contemporary issue 一樣般, 都是差不多這些東西。
一小時一個break, 去了地下"針" 水, 又見到michelle,
她上WTA, 陪她等入去023,
在門口和她一起又發癲。
和她同班的同學見到我和她在發癲, 嚇死他們,
因為他們今年才識michelle, 未見過她的真面目...
"估唔到michelle 你原來係咁咖?"
這句說話在我開學不久就有人對過我說, 只不過改了做 "joyce",
又說我和michelle 有點似.....
以前阿william 都講過我和她似樣!
今次真是癲到死, 地下勁多人, 都不理了,
死michelle 無啦啦又跳起那隻ching ching ching 舞, (學足個廣告)
還要邊唱邊ching, full version 咖, 笑到傻!
之後她又無啦啦起飛腳飛我, 那我就扮晒野捉住佢睇佢隻鞋,
之後就即刻除佢隻鞋掉在地上, then 就跑返上1/F,
那刻勁好笑, 她的同學都笑埋一份, 哈~
笑michelle 個樣~

之後繼續上堂, 走時和michelle 走,
在mtr站又傻, 我們講起jimmy 哥 (此人實在也是搞笑人一名),
又笑一輪啦,
之後她又無啦啦發神經扮franky 死馬騮聲,
個樣又衰喎, 歪晒咀迷晒眼咁~

走時在西鐡勁睡, 又睡到死人跳樓樣。
晚上做節吃飯, 但累到完全呆滯, 沒太出聲~

不想那麼多, 只等待中秋快到。

發覺我個樣又喪喪地屍了~


>>September 24, 2004 at 3:36:13 PM GMT+8

2004 年 9 月 22 日 星期三 【晴】


累到爆炸!
一早上3小時 int' mkt lecture, 完全地轟炸!!

lunch 時和阿清傾計,
原來她說在開學前有禱告神希望在班中能認識到一位主內姊妹,
那人就是我了, 還要和她住得那麼近,
而我之前都有向神講過....
真是一個小小的見證, 神就安排我認識到她,
而且我亦都知道班中也有其他同學也是基督徒。
和阿清不是認識很久, 但閒時都有互相分享, 感謝主~

lunch 時觀平叔叔打來問候, 嗚嗚, 想喊呀~
但和一堆同學仔一起, 忍下!!

之後堂contemporary issues, 想訓想訓,
但之前都講了些歷史, 都醒醒地的~
後來就講回類似finance 的東西, 想訓了。
最後差不多last 幾分鐘, 就睡著了, 發夢都得。

原來班中有很多屯門元朗友,
放學時在mtr 站等車時發現成堆一起搭西鐡,
之後就一齊走。


>>September 23, 2004 at 1:27:29 PM GMT+8