2005 年 5 月 3 日 星期二 【晴】

嚴斌小朋友而家都應該好大個喇，唔知佢仲有無以前咁得意呢？計落佢都有十五六歲 lu，唔知佢仲咪仲住o係我附近呢。好後悔無留住佢寫比我o既聖誕卡，寫住「祝陳XX車長同嚴斌嘻嘻笑」諗起都好好笑

嘩，我鍾意呢張相呀，我要去


我想做隻貓，做隻懶到踼都唔郁o既貓，等人養~有咩唔滿意就 meo meo meo，(Eliza 話係咁架)，你又唔知我講乜，鬧你呀，吹咩？！

阿媽放假，買左超多野食返黎，-_- 好飽添
今日日值月破，大事不宜呀。我每次飲野都超大啖家嘛，點知突然咳喎，一噴，家姐o個邊全部野濕晒，包括好多 notes...佢竟然無炳我喎，不過我都非常唔好意思啦。轉個身向住自己張書檯先敢繼續飲。一出房想沖過杯茶啦，又比滾水彈到喎，明明都未斟滿。我一陣沖涼會唔會浸死架？

我想去旅行，去韓國都好丫，又唔貴....

家姐又同Anthony講結婚野喇....救命呀....
Anthony個朋友拍左未夠半年拖就結婚喇，(不過唔係有左)，娶個大過自己兩年，扮完矜持再自動獻身仲主動話結婚o既女人。而家女人想結婚真係太容易。不過呢個都唔係好男人黎架喇，又叫雞，仲樣衰添。不過除左呢兩樣之外都係個好男人，收入高，一個人供樓但寫兩個人o既名，可能界左賭錢同叫雞.....不過仲係樣衰囉

上 FB2300記得最深刻o既野「當你以為自己隻杯滿晒，你唔會斟到野入去」如果有個地方"應該"係滿o既，但係我仲斟到野入去，咁係咪代表原來未滿？我仲斟唔斟野入去好呀？

What a wonderful day! 3rd March

>>May 4, 2005 at 5:52:33 PM GMT+8

2005 年 5 月 2 日 星期一 【晴】

一起身就褒水沖茶，煮烏冬食...無聊一大輪，finalize SOM 張 aid。
芒果真係好好味~而家日日留o係屋企，可以飲好多水，每日起碼飲 2L，好健康。

呀！仲係好想買 casio o個部 ex-pro唔記得咩喇

好野呀，今日食o個個蘋果爽架~好味。之前已經食左兩日粉果喇，激死人
而家用緊 醫足健， hei 緊。好似比人o即咁...我記得細個o個時見到呢樣野
阿媽問我知唔知點解會郁，又叫我摸下。結果佢話比我知裡面o匿埋左一對兔仔，所以會郁，我信左都一段時間架，覺得好恐怖，到而家都唔係好敢掂。

我想去沙灘訓晏覺，要有野遮太陽o既
或者落大雨o既時候去沙灘走黎走去，唔開遮o既
或者落大雨o既時候五個人堆o係一把縮骨遮，玩針對迫一個出去。(一講到呢度我就諗起
第三屆亞太，行程最後一日，我(當時未係會長，超短頭髮)，Tommy(當時係肥仔)，樂樂
(當時已經好得意)，阿沈，佳佳(唔知仲有無)一齊去買紫菜，當日超大雨得我一個有帶
遮...就係咁，大家都濕晒。我而家都仲成日著o個條格仔褲就係o個日買架喇。
去長沙睇三公里長o既海岸線，睇一大片草地同牛
去東坪洲感受下周圍都係石頭同驚住搭唔到五點o既尾班船要訓街
去行山，超難行o既，坐o係樹下聽雀仔嘈到拆天
去唔知邊座睇日出o既山，聽下 d 傻仔玩迴音，睇住 d 星星消失，訓著，比雀仔叫醒睇埋日出
仲有架，一時諗唔起。我想今個暑假做晒咁多樣，係朋友o既就預定時間比我
如果有時間有閒錢，
去埋歐洲睇下大過我好多o既藍鯨
去埋北極等全年有二百幾日o既極光


笑談廣東話←今朝仲去到，而家好似 dead 左

我一掛住 Kenny，尋晚就發夢o係街撞到佢喇~一見到佢就走過去攬住佢。仲發夢有人送左個相機比我，咁o岩見到屋企對出座(荒)山無啦啦有架九巴放o係度，就影低左

在古代英國，大法官非常仰慕王后美麗迷人的胸脯，但他知道猥褻王后的代價是死亡。他把自己的秘密告訴了亞瑟王的御醫。御醫答應幫他實現他的願望，大法官答應付給御醫一千金幣作為代價。

於是，御醫配制了一種癢癢水。一天趁王后洗澡時，把癢癢水抹在了王后的胸罩上。王后穿上衣服后，感到胸脯奇癢難忍。亞瑟王急忙傳御醫給王后看病。

御醫說這是一種怪病，要解癢，只有用一個人的唾液，要讓這個人在王后的胸脯上舔四個小時，

這個人便是大法官。亞瑟王急傳大法官進宮為王后治病。御醫已經把解痒的藥放在了大法官的嘴里。於是，大法官終于實現了他長久以來的願望，在王后美麗的胸脯上足足舔了四個小時。大法官過足了癮，王后的病也治好了。

大法官回到家里，御醫趕來向他索要報酬。大法官已經過了癮，而且知道御醫肯定不敢把事情的真相稟報國王，於是便想賴帳。御醫忿忿地離去，發誓要讓大法官付出代價。

于是，他又配制了一些癢癢水。這天，他趁亞瑟王洗澡的時候，把癢癢水塗在了國王的內褲上。

第二天，亞瑟王又傳大法官進宮了....

>>May 3, 2005 at 3:38:22 PM GMT+8

2005 年 5 月 1 日 星期日 【晴】

用左二十分鐘敷左兩隻 mask，用左九十分鐘玩 醫足健，(都得得地o既，當然人手好 d 啦，勝在可以用o係 d 唔比人掂o既位)，用左三十分鐘睇 叮噹，無聊左無數時間，好悠閒。會長一直渴望過o既生活，平淡而奢侈o既生活。話說個 醫足健 應該係為母親節買o既，不過阿媽似乎好怕用佢，哈哈哈，好笑

家姐：「婷婷，你 d 公仔做乜跌晒落黎o既？」
會長：「無呀，我拆落黎玩之嘛」
豬仔真係好得意，我要快 d 搬出黎住放晒佢地出黎
訓覺又攬返豬仔，覺得佢係時候沖下涼喇。睇睇下，佢塊面好似肥左，唔得，我要逼佢做運動！
溫溫下書出廳行下，發現疏蕉上面有隻人咁大o既竹節蟲，咁家姐出黎捉佢：「家姐家姐，快 d 黎捉佢丫.....呀等陣，我影低佢個樣先.....呀，咪住，等我影低你捉佢o既情況先....
家姐：「(用膠袋困住左隻野)，佢唔識飛架，驚咩丫」
會長：「佢唔識飛點黎 d 蕉度丫？」
家姐：「係？(搖個袋)，喂，飛丫飛丫」
會長：「你綁到個袋咁細佢實飛到啦」
會長：「佢可能o係 d 蕉度爆出黎架，我唔食喇」
家姐：「唔係掛，好似好恐怖」....結果都食左隻，家姐逼我架，佢話再唔就快爛。今日又食蘋果，又食蕉，又食西瓜。

食晚飯時間前自己煮個烏冬食，勁鍾意食烏冬呀！唔食飯 lu~

考完試搵邊個去玩好呢？家姐又同唔到我去旅行：「我有排都未放假，你搵同學去啦」
會長：「我 d 同學/朋友個個都係男仔黎架....佢地唔會肯同我去架....」連 camp 都無得去-_-「咁你又灰 d」
最衰樂樂去日本啦，如果去第二度我都可能可以跟埋去。呢個又 exchange，o個個又 exchange，一考完試就無人理我喇

成日都聽到家姐同 Anthony 講畢業之後就結婚....開頭我都會搭下咀，因為佢地話同我一齊住。而家幾乎日日都聽，Anthony仲反口添....好煩呀！(順帶一提，阿 Tim 成日想打我家姐主意，唔洗旨意呀！)

哈哈，終於有人欣賞我日記o既背景音樂。
我唔要叫做 阿娜，好核突。
我突然想睇 天線得得B，我想見到 La La

我要 亞太 隻 DVD 呀，係咪O係樂樂度？

尋晚訓唔著，諗下如果我第時我真係見到有人需要急救，我會唔會救佢呢？一來我無續牌，萬一救唔到我就有刑事責任；二來萬一遇到條友好似好污糟，做唔做人工呼吸呢？早知唔學啦。

>>May 3, 2005 at 5:21:32 AM GMT+8

2005 年 4 月 30 日 星期六 【晴】

我想睇 早熟

又話唔睇 大長今，咪睇晒，無鬼用。尋晚為左溫夜 d，沖凍水涼，超凍。溫書心散到爆，一日一課o既進度，一年之後考試就得。無聊得滯搵返 d 豬仔印出黎 cup落 SOM 書，好得意。一溫書就狂食零食，我唔可以重返架，畢業要影 d 好重要o既相。

尋晚訓得超唔好，咳咳咳，嘈死人喇！人地病就話人地唔好好照顧身體，「"唔知咩咳"點會傳染丫」，而家自己咳就話人傳染比佢，咁大個人，你有無廉架？兩點訓，聽陣歌 relax 下，又無電，一訓著又比人嘈醒。低 b 架，扮唔想嘈住人，但係大力關門，人渣！自從上次，我到而家只係同佢講過一句野，係被逼o既。如果係都要o係呢個情況加上一個限期，我希望係一萬年。

發左d 奇怪夢，有好多好多人。第一次阿 Tim 出現但唔洗受苦。話說(我估)係去緊 camp，唔知咩人話打羽毛球，我叫埋阿 Tim 去，佢應承左之後又唔見左人。我就自己周圍行，見到 阿 Roy 仲未訓醒，佢隔離仲訓左個女仔，跟住我冷不提防比阿 Roy 伸左兩腳。又周圍行，見到阿"女麻"，(佢死左咁耐，我第一次夢見佢)。望一望電話，原來阿 Tim send 左超多 sms 黎，無睇到，繼續行。去到市集，見到一堆中國軍人捉左十幾個日本軍人，d 日本人逃走緊，比人當場射殺。過左一陣，發現有一大批日本軍人到左，我地比人埋伏，我諗住死梗啦，點知有更多中國軍人包圍住佢地，一輪激戰，我又唔知點解有支槍，又做 sniper，哈哈哈哈，扒o係地下，o係巴士底開槍。唔知點解 C Poon 又o係度喎，不過佢出現下o者，無嗌 " open clear / frag"，哈哈哈。後來日本人投降，咁無野啦。跟住就見到劉翔o係度跑黎跑去，唔知做乜。跟住又見到周圍有好多卡通人物o既公仔比人影相，不過太多人，我無得影，望黎望去見到阿 Tim 同 Andy，阿 Tim 仲著左套幼稚園校服，好好笑。

>>May 1, 2005 at 3:34:50 AM GMT+8

2005 年 4 月 29 日 星期五 【晴】

無人睇，唔寫喇

好想有個人逼我早起身，逼我溫書，逼我唔準玩.....不過可惜丫，似乎無人有咁o既能力。好！我就自己踏出第一步，今晚一眼都唔睇 大長今，我話o既！

訓晏覺醒唔到....

無喇，o個日o係城軒講o個個人比人搶走左喇，嗚嗚嗚....“ (
算啦，我都係想佢過得開心o者，由得佢忠於自己我都會開心

我突然想返 band，不如 hei 攪隊 mini band 丫

每次一睇返生日o個日o既日記都好開心，唔知今年有邊個陪我呢“ )

唔知係咪成日食無定時，而家食完就好唔舒服.....

做唔到 mentor 唔係我o既損失，神一定有更適合我o既野要我做。不過我想去 camp 呀，有無人陪我？

我要買 OTTO 醫足健喇，嚴重收支失衡，不過算啦

日日都唔知醒，要搵人morning call，不過太早喇，都係靠自己算啦

我想有人唱呢隻歌比我聽..“ )

>>April 30, 2005 at 11:21:44 AM GMT+8

2005 年 4 月 28 日 星期四 【晴】

我個 desktop 唔見左。

唔開心呀！衰左喇 >_<，我真係 in 得咁差？

>>April 29, 2005 at 12:03:46 PM GMT+8

2005 年 4 月 27 日 星期三 【晴】

我好掛住 La La~

食飯o個時睇 同撈同煲，低能到爆，反胃。「雲妹，雲妹妹，雲妹妹妹...」

救命呀，恐怖襲擊呀，超大隻甲蟲。用隻杯 cup 住左佢，而家唔知點算

如果豬仔真係同我行又一城就好啦

電腦中左個勁賤o既 spyware，連 Tommy 都話無得救，我自己整好左，真係叻(原來失敗左)

>>April 28, 2005 at 2:09:34 PM GMT+8

2005 年 4 月 26 日 星期二 【晴】

閔政浩超型呀！哈哈哈
「你快 d 行返過去，一路行過黎，我就o係度用石路幫你舖路，你要扮唔知呀」同 Life is Beautiful 落雨o個幕一種咁感人。而家香港 d 男人，真係要再修練下。

頂，書到用時方恨少！唔識睇 SPSS output。

好野，有蛋糕食，哈哈哈，好味，不過都無乜胃口。其實想食好耐，不過....唔好喇，退一步海闊天空。

做咩今日我咁受歡迎架，爆多電話搵我，連問卷調查都有，仲要打手提喎，無來電顯示又飛唔到線，無電喇大佬，放過我啦，又唔專業喎。

比個電腦玩死！如果救唔返我實一腳踼散佢，第時如果 AI 普及，我有排受氣。
電腦：「妖，我好支力呀，唔準開我」

好暈，訓o係床覺得成個人係咁轉，起身之後企都企唔穩，好似好好玩咁，不過好辛苦呀。會唔會死左o係屋企無人知架。又嘔...好辛苦，似係個胃有事。(強調：我唔係有左)阿妹發燒，全家為佢奔波，點解佢條命咁矜貴o既？我夠病咯....

成朝都有人係咁打電話黎嘈我。Eliza 打比我問我有咩比佢做，其實佢唔識做o者，都唔係唔肯做o既。可能佢o係 CS project 最大o既得著係學識 "安全地移除" flash disc。持續進修學院又打黎話我可以 take 一個 course 有 full claim，好似真係好吸引，不過都係 reject 左。

我係咪做得唔夠野呀？我覺得自己o係今次個 project 好無用。我都知個 project 我都有份。我真係可以返 city 做架

>>April 27, 2005 at 2:49:30 PM GMT+8

2005 年 4 月 25 日 星期一 【晴】

好胃痛呀。
好眼訓呀。
終於做完 SOM Assignment 3喇！

又要 smart causal，返到 City 覺得件恤衫太透明，都係換左佢先。

同 Andy， Connie 講定下個 sem 點分組，Andy:「下個 sem 已經無左阿 Tim 喇....」突然好唔捨得添。阿 Tim 就快離開大家喇。



(for photo descriptions, please refer to 內容→摘要)

阿 Tim 今日做 CS 做到獸性大發，摸人喎，已經嗌住唔好架啦，仲摸喎。仲唔得o既添，哈哈哈哈。唔知痴乜線話我今日著得好 sexy 喎，比 Connie 笑：「頭先唔知點講而家終於都講到出口拿？」仲要話我似 羅拉，-_- 咁似曾相識o既？係喇， Garfield 好耐之前講過同一樣野。07-07-04(都係o個句，羅拉好樣衰個喎，唔好似佢得唔得呀？)

有 d 野好好笑。Joke of the Day:

(1)阿 Tim 話自己 apply 過做馬伕 internship，試鐘唔試耐 fail 左。

(2) Andy 做左一大輪 correlation，chi-square test，發覺無野 significant，話照放落 report。
阿 Tim ：「如果 tutor 問你點解亂做 d 野放落去，你點答呢？」
Andy：「比個 surprise 佢囉」笑到傻晒

>>April 26, 2005 at 5:12:17 PM GMT+8

2005 年 4 月 24 日 星期日 【晴】

睇左少少大長今，好正

「你會唔會日日都黎架」
『做咩呀』
「想日日都見到你...」
『班小朋友？』
「係我」
『做乜你唔早 d 講呀』
「原來你之前o係度開我玩笑」
『我又點敢呢？你令我飽受相思之苦，我都要你感受下』

>>April 26, 2005 at 8:07:05 AM GMT+8