2005 年 9 月 3 日 星期六 【晴】

今日返十二至六，仲支力過上次一至十半。今日兩個生產助理都放假，我一返去就出包出到放工。辛苦死！

今個月 d 迷你產品特價，又適逢星期日，出到抽筋！三四個焗盤先出到一盤拎出去賣o既包，仲要出去執位，根本清理唔切 d 焗盤，越疊越高，大佬話：「疊到咁高做野唔支力咩？」跟住一野拎起我面前全棟鐵做o既盤，每個起碼兩公斤，o個度一定超過十個.....大佬好型呀！

大佬今日超無聊，阿 Fan 入黎話有個阿佰要法包，阿 Fan ：「個阿伯催你呀」
大佬：「阿伯咁老，"催"我把鬼咩」有味笑話？

Katherine 見我咁多盤未清，紓尊降貴幫我手，不過好似...(我話好似咋)....仲慢過我。過左一陣阿 Fan 幫手，咁o岩o個陣無乜包出，差少少清晒 d 盤，阿 Fan 撤退。點知說時遲那時快，兩個焗爐一齊焗好野，大佬同賢仔各自由兩個爐拎左三四盤包出黎，成個架滿晒，我差 d 暈低，我唔嚇得架！大佬見我呆左，笑笑口咁話：「Angela，點算呀？」我隱約聽到大佬叫我個名，大佬唔通真係記得我個名？好開心呀~跟住佢又話：「唔洗驚，實出得晒o既」我：「我收工前會出晒o既」大佬：「係時間o既問題o者」

後來 Carol 幫手，真係輕鬆好多！不過下晝出得多過朝早， d 盤又疊到超高，比大佬寸：「你又起樓呀？」

雖然o係廚房做野好辛苦，不過點都好過o係舖面收錢.....
差 d 漏左最好笑o既野，大佬扮卿卿-_-

去 Giodano 搵尋晚見到o個件 Piglet 衫，竟然無晒，仲話係限量發售，無得 check 邊間分店有....佢仲叫我揀下其他產品，我一聽到無已經好想喊，仲叫我揀下其他，我想打佢添呀！一出間舖已經眼濕濕....忍住！

>>September 4, 2005 at 3:10:05 PM GMT+8

2005 年 9 月 2 日 星期五 【晴】

而家做耐左，開始無咁驚 Care Free。o係佢身上有時真係學到達野o既。我開始頂唔順 Emma 喇，佢做野實在好慢，唔係，係好慢好慢好慢！我今日唔好彩路經 Coffee 個 counter，勁多人買野，我唔好意思扮睇唔到-_-，當我好忙好忙之後際，發現叉又無，凍杯又無，蛋糕碟又無，茶羹都無，我真係想爆炸！有 d 客又好 Q 煩，counter 得我一個人，條隊鬼咁長，成日有人插隊要糖要水要奶.....拎完都算喇，仲要Um Um 尋尋話一杯奶根本唔夠，同我講托咩，公司係話比一杯家嘛...真係想大叫一句，"你唔好阻住個地球轉啦"

>>September 3, 2005 at 5:44:08 PM GMT+8

2005 年 9 月 2 日 星期五 【晴】

我仲未買飛呀，會唔會買唔到架

>>September 2, 2005 at 4:39:57 PM GMT+8

2005 年 9 月 1 日 星期四 【晴】

今日發覺大佬真係好無聊。我出左一陣包，又無時間抹乾淨 d 焗盤，疊到好高，阿靜問我點解唔搵人幫手，(人=阿榮，佢睇人先幫o既)，我話：「唔需要，我係一個獨立o既女性」大佬即時由於遠處搭訕：「無可能....」之後無講野喎，佢行到過黎，我問：「點解呀？」佢：「你可唔可以自己整頭髮丫？」-_-
O 晒咀，咁似小學生o既.....

有人買蛋糕叫佢寫名，上限係15 個英文字母，今次要寫 "Dearest Raymond"，大佬好苦惱，我當時未知道要寫乜，問：「寫萬壽無彊呀？」大佬又一句無聊野：「正所謂字係寫出黎o既....」又係無下文o既爛 gag

多謝 Tommy 買左件豬仔衫比我

>>September 3, 2005 at 4:43:54 PM GMT+8

2005 年 8 月 30 日 星期二 【晴】

我係正義o既朋友....正義o既女朋友
Tommy：「我之前講o既野你實唔記得晒啦」
我：「記得喎，你問我丫」
Tommy：「我係邊個」
我：「屎，你係屎」
Tommy：「梗係唔係啦，如果我係屎點會同你拍拖呀」
我：「點解呀」
Tommy：「唔驚你食左我呀？」
-_-

>>August 31, 2005 at 5:29:49 PM GMT+8

2005 年 8 月 29 日 星期一 【晴】

訓醒起身都無乜事，一坐落凳就痛到彈起，而家除左坐廁所，坐乜都痛

我抄包，超慢，我驚錯丫嘛......激到 Carol 好噪XD

今日勁黑仔，夜晚收工前洗完野放水漏到一地都係，收夜o個四條友(紅紅，Carol，阿珊，我)就搏命拖地)，一地都係水，好似屎咁污糟o既水，仲比 Carol 一個唔覺意彈到一腳都係-_-

我：「如果公司用一"禁"就自動扭水o既海綿地拖就好啦」
Carol ：「如果有叮噹 d 法寶就好啦」

拖左一桶半水之後，清潔阿叔入黎：「做乜咁夜仲唔走呀？.....又漏水呀？.....唔洗拖啦，我一陣拎個吸水機幫你地吸啦」

O 晒咀，你唔好聽日先講？點都好，非常多謝佢，有佢我地起碼可以拖少五至十分鐘。

>>August 30, 2005 at 4:25:35 PM GMT+8

2005 年 8 月 28 日 星期日 【晴】

一早起身去踩單車，原訂七點十一起身，點知早左醒，死 lur 到夠鐘先離開張床。去麥記買早餐比 Tommy 同我食。

今日有Tommy，樂樂，C Poon，我。樂樂遲大到，我地三個超早到，未踩已經企到好支力 XD
租車每人三十蚊咋~
十點八左右開始踩。樂樂同Tommy 都踩得好快；我同C Poon 都好快......好快開始覺得支力

今日我有好多突破。今日首次嘗，試校高 d 個 seat 黎踩，膝頭舒服好多，不過停車隻腳唔係好到地，好驚，凝住好危險。好在都有驚無險~首次嘗試企起身上落石"博"，亦嘗試企起身踩下。首次成功由大圍踩入大尾篤來回。記得上次踩到差唔多到大尾篤因為膝頭好痛又要勁上斜而放棄，死都唔肯踩話要o係原地等大家回頭順手休息，結果大家知道之後折返，內疚。曾揚言以後唔同樂樂踩單車，因為佢太快，我跟唔到。當然只係一時意氣，我諗如果大家夠朋友應該唔介意等下掛。

今日 C Poon 狀態爭 d，成日失蹤，踩左一陣就暈單車浪。中途我地o係間泰式餐廳食 lunch，食食下出面落大雨，好彩入左去食野o者，之後天氣一直都幾好。

我：「我記得上次踩呢度又係落雨」
Tommy：「唔通連個天都唔鐘意我地？」
我：「哈哈哈，希望在明天丫嘛」

樂樂嫌曬：「踩單車先黎出太陽，唔通連個天都唔鐘意我地？」

繼續上路，休息左一排，一上返車 pat pat 勁痛。 有帶毛巾坐o既人就比我地寸佢生痔瘡。
入到水壩，風景好靚呀，踩咁長o既直平路超爽！

C Poon 炒左一小次車，行路又 kick 親，叫做 "炒腳"。今日出左好多汗，覺得自己好臭好臭好臭！踩踩下遇到許景，本來尋晚都有約佢，點知佢已經約左人踩。

踩完五點都唔知夠未，(無左隻錶無晒時間觀念)，去麥記抖一抖，換衫飲野坐下。未夠鐘食晚飯，行商場....樂樂玩C Poon ，成日話迫，係咁推佢，結果我地三個夾攻C Poon 。C Poon 想迫返樂樂又唔夠力，好笑。Tommy 買左個 mixer 比我，我要整一千樣野食多謝你。

行行行，時候不早，行過去沙角村大排檔，樂樂改為迫我，我：「你乘機o即我？」
樂樂：「係喎，你我唔講我都唔記得你怕o即添....」
講到玩話事啤，樂樂：「如果比人捉住手腳話要o即我，我都驚啦....唔o即，淨係捉住 d 手腳都驚啦」(本身樂樂係唔怕o既)
我：「咁不如試下咯」於是Tommy，C Poon，我就行動喇。


食晚飯，講無聊野，講下去 camp，以前我地未玩熟，都去過 d 口琴隊 camp，樂樂講開當時太細個，未識無聊...我先諗起，我地都識左好多年，我可以話由細睇住佢大，由佢中二睇到佢而家大一....時間真係過得好快。至於C Poon ，都係由佢中二已經識佢，仲早過樂樂，不過佢到而家都未長大，時間又唔係真係過得咁快喎.....哈哈哈。

以前無聊總會亂咁認親認戚，佢地就係我o既仔女，對住佢地咁多年，其實真係有 d 一家人o既感覺，如果第時有對好似佢地o既仔女，一定好開心o者。至於 Tommy，可以似返 Tommy o既....實教曳晒 d 細路。-_-

大家o係度睇下 d 手曬得黑唔黑，我搽左好多防曬，所以只係黑左少少，佢地個個勁黑，話我扮踩，其實一路都o係交車o個度等-_-

佢地話踩完單車，耳背後面好多泥，我又摸下：「我無喎」
樂樂：「都話你無踩架啦」
「好喇喎，佛都有火.....容忍有個限度....你地係要做我.....」(引用樂樂今日講o既無聊野)

對住佢地o既時間真係過得開心喇.....咁又一日 lu

樂樂以前叫做 "歐仔"，而家叫做 "望歐仔"，哈哈哈

>>August 30, 2005 at 4:29:11 PM GMT+8

2005 年 8 月 27 日 星期六 【晴】

今日返一至八，開始時超得閒，阿慈話晏 d 就會超多人，果然！我就醒呢，成功避開 Katherine....

大佬個細佬帶左大佬個仔黎左探大佬，大佬幾開心呀。大佬咁高，佢個仔咁細，好攪笑。
佢地走左之後，大佬經過，返轉頭問我：「我細佬似唔似我呀？」我估佢其實想講佢個仔….無論如何，大佬主動同我傾計，我地o既關係又邁進左一大步。
臨收工問大佬拎左張記錄每日造幾多包o既紙。

去新開o既南記，去年許留山，返台屋企。
如果唔係念在你唔去個concert 黎接我放工，我都費事睬你

>>August 30, 2005 at 4:29:45 PM GMT+8

2005 年 8 月 27 日 星期六 【晴】

我好想見到阿恆

>>August 27, 2005 at 5:23:44 PM GMT+8

2005 年 8 月 27 日 星期六 【晴】

今日真係傳期o既一日，尋日應承左家姐去佢做野間診所做一日臨時 reception，我唔想架，家姐話好好pay，逼我去，我搵唔到合理理由拒絕，所以唯有應承。去到換左套姑制服，由九點坐到一點半，只係聽左兩個電話，收左兩次貨(蓋公司印)，禁制比 d patient 出入，太少野做，覺得唔好意思，去洗左 d 牙帽。咁就收工，盛惠三百蚊。醫生開 check，家姐五百，我三百，睇落好正路，佢話晒都真係幫手整牙。但係點解佢咁激氣o既？原來五百蚊係佢兩個session o既人工，即係佢今日得二百五，仲少過我，唔怪得咁激氣啦，分返五十蚊介紹費安撫下佢啦。

返工，忙爆！唔好提。夜晚我首次一個人"抄包"─寫低賣剩幾多包。抄得超慢，攪到 Carol 要執手尾，仲好趕添，超唔好意思。-_-
問 Carol 野，佢突然o係櫃拎袋野比我，原來係一支綠茶。佢話十蚊三支，佢一支，阿 Fan 一支(阿 Fan 今日生日)，我一支。佢有公司司訂立話之前比阿 Fan 無比我因為佢無比阿靜，覺得唔好意思.....我晏晝見佢比阿 Fan 仲寸佢：「又買一送一呀？」Carol 對我真係好喇~“ ) 多謝晒

本來約左人放工食宵，點知比人放飛機，唔知醒喎。尋晚玩到今朝八點，辛苦晒你啦，如果而家比我見到你，我唔摑你一巴難洩我心頭之恨！

小插曲：今日有客訂左好多法包，但早左到，比左錢先知未出爐。明明話五點拎家嘛，四點幾就到...一走左就成六點都未拎，大佬：「嘩，成六點喇喎，仲唔拎o既？」
我：「唔緊要啦，都比左錢咯」
大佬即刻改口：「咁唔黎拎都無所謂o既....」

>>August 27, 2005 at 5:04:15 PM GMT+8