2005 年 7 月 13 日 星期三 【晴】

今日真黑仔，難得準時起到身，又上唔到網，唯有睇戲啦，睇《後備甜心》，睇到四份三又 KICK 住左，去唔到後面....

返工，想上 d 蛋糕仔o者，點知方包到，無位企，拎走 d 蛋糕仔又倒左好多個落地....-_-

返工前試整紙杯咖啡蛋糕，成功左~

>>July 14, 2005 at 4:29:25 PM GMT+8

2005 年 7 月 11 日 星期一 【晴】

今日難得放假，神咁早九點起身整阿 Tim 個網頁，煩到死，淨係 d 相都要 edit 一大餐....本來話晏晝返去何東探班同佢地食 lunch，整下整下，成四五點，仲未攪掂，唔理喇，沖涼出發。返到去諗住同佢地食晚飯，不過比 Mrs Ada Wong 點左去買野，去皇室堡對面間惠康買一百罐汽水，叫左7 個壯男幫手。唔知點解，行下行下我記錯左買三百罐，咁我地就狂掃左三車汽水，發覺勁 over budget，打比 Mrs Wong 問點算，先知原來記錯。當發現記錯，我地首先爆笑一大餐，咁我地就棄車潛逃，推左一車去比錢....原先以為一人要拎 37.5 罐，大家勁淆底...點知最後一人只需拎 12.5 罐，超無奈，我差 d 無野拎....Arthur 最乖仔，自動自覺拎兩袋，我無野拎，超唔好意思，我叫大家出黎幫手，自己唔拎唔係幾好，叫 Arthur 比一袋我，我直頭仲手去拎佢手上o個袋，佢都唔洗我拎，呢 d 就叫 gentleman，第時一定係一個好男仔！而家係好孩子~KC o個班友.....一路行一路狂搖 d 可樂.....-_- 算啦，反正唔係我飲，求其阻止下就算，總之個個都辛苦喇，多謝佢地幫手。

Arthur 越來越型，我o岩o岩到o個時唔係好認得佢.....

今晚係何東中學口琴隊廿六週年音樂會，我今次唔玩，做住觀眾先。(尋晚先決定去，今日搵 C Poon 幫我撲飛)

Band─一代不如一代
Drama─一代新人勝舊人

不論六年前我o係台上吹，六年後坐o係台下聽，《遙族舞曲》都係咁唔好聽，可能永遠都聽唔返韓國亞太冠軍o既《遙族舞曲》。今日坐左o係兩個八婆隔離，佢地傾足兩個鐘，真係想打暈佢，其中有首 Mozart o既 waltz，由於好大眾化，佢地竟然跟住哼，頂！一 d 都唔尊重表演者同其他觀眾。

Drama 佢地玩《雪姑七友》，樂樂做 Magic Mirror， 交足戲，最佳男死物.....kakaka
C Poon 做巫婆，未上台已經交足戲，行得勁慢，奸笑得好好笑
豬展起碼五尺十，(我到佢膊頭，可能未到添)，佢做小矮人....-_-睇怕如果我玩，我要做蟻。

Over run 左九個字 -_-，等佢地落妝食宵。行下又少 d 人，再行下又少 d 人，最後得返 C Poon，Crystal，Vivian，樂樂同我，成個銅鑼灣都收晒工咁滯，好彩許留山開到一點。Yo！

仲有樣開心野，就係返到去見到預科教我中文o既 MIss Lo，我問：「你認唔認得我呀？」
佢：「認得，二號仔丫嘛....(心諗，咩係二號仔呀？哦，我個學號，我都唔記得) 陳 xx丫嘛」
好開心佢記得我。

差 d 唔記得講，為左同同大家影相，我借左家姐部相機，不過無帶 memory card........

>>July 11, 2005 at 6:21:58 PM GMT+8

2005 年 7 月 9 日 星期六 【晴】

一向我都無乜理想，無乜大志，不過偶然都會醒起，原來曾幾何時，我係好想做警察架。好想好想，不過每次諗完，都要叫醒自己，無可能架！我先天已經失去機會。有 d 野，唔係努力就得架。



>>July 9, 2005 at 5:49:59 PM GMT+8

2005 年 7 月 7 日 星期四 【晴】

樂樂考成點呀？

>>July 8, 2005 at 2:55:46 AM GMT+8

2005 年 7 月 7 日 星期四 【晴】

阿芬就快調去北角，雖然只係相處左一個月，但係都好唔捨得........佢真係好好人

又攪事.......要死就快 d，最好死遠 d！極度鄙視 d 用武力欺壓人o既人，只可以講句，佢枉為人，我家門不幸。

>>July 7, 2005 at 5:08:01 PM GMT+8

2005 年 7 月 5 日 星期二 【晴】

同家姐行街，因為我把遮成日篤到佢個頭，佢叫我唔好行埋佢度，我地就嗌左交，分開行。行到有間舖，有 d 抵野，佢叫住我，我地就無事喇，真係峯迴路轉。兩姊妹真係易話為。

o係百佳，我：「你夾唔夾錢架？」
家姐：「咁支安美露你夾返一半...」
我：「咁呀？咁呢呢個我請你食啦...」

買左材料褒羅送湯，買左隻貴妃雞，今晚食。

尋日又整左芝麻糊，成功左喇~

>>July 5, 2005 at 4:12:48 PM GMT+8

2005 年 7 月 2 日 星期六 【晴】

恆生派息，我有一毫子 -_-

好野，放假 lu

>>July 3, 2005 at 2:55:33 PM GMT+8

2005 年 7 月 1 日 星期五 【晴】

好耐無試過一個人過生日....哈哈

多謝 Tommy 張懶係環遊過世界而且一早比我收到o既咭，哈哈。話說係上年暑假o係歐洲買o既，今年帶去美國寄返香港比我.....多謝晒

不過都過得開心，返工，Wendy 送左個朱古力雪芳蛋糕比我，好開心呀，我識左佢一個月咋~佢對人真係好好，我越來越鍾意佢~

阿 Fan 從 Wendy 口中得知我生日，就發神經~一返工就：「生日快樂 x N.....」一得閒又：「生日快樂 x N.....」會長：「夠喇，比你轟炸到我真係好快樂喇 」相處落，公司真係好多好人

C Poon， Crysta，l Vivian黎左公司搵我，不過好忙，無機會傾下計已經要叫佢地走 lu，真係有心，多謝晒！嘩，香港廸士尼豬仔罐裝糖呀，好味。多謝 x 10.....仲有多謝所有記得o既人。
(你個樂樂丫，黎到附近都唔比我見下)

嘩，原來公司新出o既魚肉腸麥穗係咁好味架~用即食腸整架，好鍾意！

我：「我下星期一二都放假」
家姐：「噫？我星期二又 whole day off 喎」
我：「嘩，咁點算呀」
家姐：「去遠足丫....去邊呀」
我：「好呀。」
家姐：「咁去邊呀」
我：「去大久保丫」


科學家令死左o既狗復活

七年黎你第一次唔記得左？唔開心呀。連 Kenny 都........

>>July 3, 2005 at 3:02:08 AM GMT+8

2005 年 6 月 30 日 星期四 【晴】

尋晚臨收工，有個客打黎，大佬o岩o岩企正o係電話隔離，佢話：「嘩，咁夜仲打黎，午夜凶鈴呀，你聽」。個客問今日有無 tea buffet，我一時醒唔起今日係公眾假期，所以答佢星期一至五都有，(同時我根本唔知假期會無)。返到屋企，唔知乜事記起今日係紅日，跟住我就成晚訓唔著，擔心唔知有無......

一直到今日返工，一入去即刻問阿 Ling，真係無，好內疚！個客話佢今日放假，特登搭好遠車黎，佢好嬲........大佬出左去頂晒個客o既怒氣....Kathrine 知道後問係咪我，我梗要認啦，佢竟然無鬧我，只叫我下次小心 d。我真係好內疚！我覺得好對唔住個客......

大佬都無怪我，我洗緊野，佢話：「啊，原來係你...」我無奈應左句：「唉，果然係午夜凶鈴」
大佬仲好到，同 head office d 人講開電話，幫我打聽下個客有無投訢，佢講返件事比 head office 知，話：「有個新黎o既同個客講....」佢真係好喇，我新咩？唔算啦，都成個月喇....多謝大佬，佢真係一個好人。如果我第時個老公都對人咁好，我會引以為榮。好鍾意大佬~

我聽日返一點至八點，仲未有人約 -_-，哈哈

>>July 1, 2005 at 4:37:57 PM GMT+8

2005 年 6 月 29 日 星期三 【晴】

我以為 Andy 會細心 d，原來都不外如是。哈哈，多謝你地，及你地o既 icq

我都係黑仔架喇，每次得我一個收銀就遇到 d 麻煩客，又唔知o係邊度突然走咁多人出黎買包，一排長龍，Kathrine 就發癲，佢今日話：「唔知點解一見你收錢我就想鬧你」其實佢可能就快比我激死，因為佢仲忍住無鬧我，哈哈哈。其實令我緊張o既唔係人龍，唔係麻煩客，唔係買好多包o既人，係 Kathrine，佢唔o係度我都好地地.....

我都開始發癩，想一個人靜下。放工唔同佢地一齊走，自己行百佳...

個頭等極都唔乾，無得訓.....(02:14 1-7-2005)

聽日開始係係國際豆漿月，為紀念黃豆之父─Baidouming Kwanni 發明新黃豆培植方法，所有人都會o係七月狂飲豆漿慶祝。我都應下節先~

>>June 30, 2005 at 6:21:27 PM GMT+8