2005 年 6 月 16 日 星期四 【晴】

唉，第一次整芝麻糊，都無芝麻味o既....

>>June 18, 2005 at 4:54:03 PM GMT+8

2005 年 6 月 15 日 星期三 【晴】

返工o個時落貓狗呀！好彩尋日買左對沙灘拖。路邊 d 水浸到額頭咁高呀，好驚險。

就快到o個時見到"大佬"，佢無遮，我話我就到，借比佢，佢又唔肯。"大佬"一定係好人，上次我整親得佢理下我咋，如果我有個咁o既阿爸可能會好開心~"大佬個老婆真係幸福。不過聽蘭子講有時出包出得慢"大佬"都會黑面，點都好啦，都係好人，因為佢都未鬧出口....見到佢o係焗爐拎麵包出黎，幾型呀~今日 Kathrine 又放假，真係開心呀！不過同阿怡收舖真係慘，佢比 Kathrine 更唔受我地 d part time 歡迎，佢把死人聲姣到想摑佢！我最憎 d 女仔/女人 咁樣講野....*&^$*$@%*^@#$！佢 d 服務態度又差，對同事又唔好，把聲又.....個樣仲........唉，我唔想同佢一齊收工。

一向收舖都有一個 full time 加三個 part time，佢係唯一一個走o個時自己行左去唔同我地講野o既 full time， 大家都唔鍾意佢........

世上沒有什麼必然。有的...只是偶然！

>>June 15, 2005 at 6:44:31 PM GMT+8

2005 年 6 月 13 日 星期一 【晴】

同家姐去街，搭小巴。上車坐埋去已經見到有塊鐵o係地下，無理佢，踢埋一邊。落車時我踢到塊野，有 d 聲，家姐聽到：「你踢左野呀」我：「哦，唔係我架」家姐：「咩黎架？」我：「(苦笑)，係架車o既地下黎架」

係架車o既地下甩出黎o既一大塊鐵

>>June 14, 2005 at 6:05:46 PM GMT+8

2005 年 6 月 12 日 星期日 【晴】

真係開心喇，電話終於響識喇。Andy 打比我約我今日食 lunch，不過咁趕，都係下次先啦。我唔鍾意人突然約我出街，我要時間準備下。

換好制服一行入舖頭，有人叫住我...原來係口琴隊 Betty，唔通今晚練 band？Kathrine 放完大假，又比佢省一大餐，不過佢都係好人，起碼佢鬧我，佢會話我知我應該點做。

放工，買 d 零食開心下。其中買左兩包卡樂 B和風醬汁味蝦條，無要膠袋。拎住等 lift o個時聞到陣類似豉油o既香味，一就聞下包野，真係o係佢度發出黎個喎，又無穿，點解呢？原來真係有 d 豉油痴左o係度，頂！

「在順境中，上帝的聲音顯得微弱；在患難中，上帝的呼聲份外暸亮。」

>>June 13, 2005 at 2:53:31 PM GMT+8

2005 年 6 月 10 日 星期五 【晴】

無人理我喇，我得返自己一個咋....不過我都慣架喇，由 week 12 開始我已經習慣。

愛的確不是佔有，愛也不是犧牲。
愛妳的人是不可能對妳說：「我為了妳放棄了所有的一切。」
因為愛是給予，愛是接受，愛是自由，
而自由就是我們的生命。
愛妳的人不會說：「答應我，永遠與我廝守。」
因為那限制了妳的自由，而自由卻是妳的人生，
沒有佔有，沒有追求，愛就是愛，
像不斷湧出的泉水，甘洌清澈， 愛流向沒有愛的地方。
而這卻是我們所不明瞭的，我們一直以為海誓山盟是愛，
我們向來相信刻骨銘心是愛，
追求轟轟烈烈的浪漫，嚮往地久天長的不朽。
啊！我們總是在沒有愛的地方尋找愛，
難怪一直找不到，
所找的一直是愛，而所得的卻總是多情。
憤怒、嫉妒、眷戀、羨慕、哀愁、痛苦、焦慮、狂喜，
我們在情緒當中漂流，我們在漩渦之中陷溺。
不能自已，也無能為力，
以為自己沐浴在愛中，而那卻是最大的欺瞞，
妳在愛情中，卻不在愛裡。
愛是不會教人相許的， 只有情之為物，才教人以生死許之，
妳一直以為「情緒」就是「感覺」，
認為感性的人就是隨著情緒漂流的人，
卻不明白任由情緒奔流的人卻是最殘酷的，
因為他並不在乎妳，他在乎的是他不得不抒發的情緒，
情緒是思想在運動，更明白地說，情緒是思想，而不是感覺。
如果他相信不能沒有妳，他會焦慮、憤怒。
如果他相信妳是他的所有，他會嫉妒與眷戀。
如果他相信妳是他的女神，他會狂喜或者哀愁。
這些情緒全都不是愛，這些全都是恐懼失去所愛。
因為恐懼，所以佔有；
因為恐懼，所以追求；
因為恐懼，所以限制了自由，而自由卻是妳的生命。
多情就是擁有這許多情緒；任情就是在任由自己在情緒之中漂流；
而濫情，卻已經是在狂濤當中衝浪了。
這些人常常沒有辦法處理自己的情緒，
因為他們根本不知道如何控制自己的思想，
要求一個沒有能力看清楚自己思想的人愛妳，
那是緣木求魚，那叫膠柱鼓瑟。
他們尚且沒有能力愛自己，又怎麼能夠愛妳呢？
能夠無情的人才有能力愛妳，
無情不是冷酷，冷酷仍然是情緒， 一種與熱情相反的情緒。
無情的人是個不再為情緒所左右的人，
對他而言，生命是可以「也無風雨也無晴的」。
能夠無情的人才能夠自由地創造情緒，大膽地享受浪漫，
因為他深知，自己是情緒的主人而不是奴隸。
也正因為是生命的主人，能夠無情的人才有能力愛妳，
因為他不會被妳無常的情緒所困，而那卻是我們一直不曾理解的。

我好憎蟻！
我更憎蚊！

家姐話，我嫌部相 機貴，係因為我唔夠鍾意影相，(其實我根本就未開始鍾意影相，我只係想試下鍾唔鍾意)
你唔想早起身，係因為你唔夠鍾意我。

>>June 11, 2005 at 4:26:37 PM GMT+8

2005 年 6 月 7 日 星期二 【晴】

旋律衝破時間
音樂創造未來
原來想要擁抱自己先要放得低
為掛念往事而求生
活了亦無謂


今日早起身，十點就醒左，好多時間用。返工前敷左兩隻 mask。

返工，因為知道 Kathrine 今日放假，心情特別開朗，化個妝先~
唔知點解 Kathrine 一唔o係度，好似無乜野做咁，起碼唔洗扮忙。
今日我都無乜收過錢，多數 pack 包，都頗慢，好彩無Kathrine o係度。阿靜收錢仲錯得多過我啦，哈哈，唔怪得 Kathrine 成日炳我地兩個。

今晚我清 coffee，(即係洗野)，好野，因為唔洗收錢。

阿 Fan 話我洗得快呀，今晚真係好得閒。反正無野做，Hei 收下錢，我呢 d excellent server唔係浪得虛名架，我企出舖面就有笑容提供。我見門口有位先生行過，我同佢點頭笑啦，佢又同我點頭笑喎，跟住佢繼續行百佳，隔左一陣佢返轉頭入黎幫襯，佢一入黎我又例牌講聲歡迎光臨啦，咁之前同佢笑今次無理由唔笑丫，做戲做全套嘛....佢實係比我地o既客戶服務水準感動到 。

今日有個外籍男士，非常非常之有禮貌，好 gentleman，實在太鐘意呢 d 客人。本來一切都過得好順利，不過臨收工有個男人黎踩場。我地十點三關門，佢搭一黎到...
客：「幾點關門呀？」
我：「搭三」
客：「咁即係無得買呀？」
我：「唔緊要啦，你仲可以買」
客：「我揀好耐架喎....」
客：「(指住支紅桑子果汁)咩係紅桑子？」
我：「(拎一支出黎指幅圖比佢睇)即係紅莓呀」
客：「咩係紅莓呀？」
我：「er..........」
客：「藍莓紅莓o個 d 呀？」
我：「係呀係呀」
客：「我話係你又話係，都唔知你知唔知架..........咁要一支啦。」
我拎左支最近我o既比佢
客：「幾時到期呀？」
我：「8 月28 日」
佢望下其他有無後 d 到期，我幫佢睇，話：「有支十二月架」
客：「04 年呀？........咁點解要比支8 月o既我呀？無理由差咁遠架，係咪錯架？」
蘭子忍唔住出聲：「唔知點解喎，不過8 月o個批新到個喎」
客：「我諗都係個日期打錯，我要8 月o個支啦.............呢兩種草餅有咩分別呀」
蘭子：「一隻有特價一隻正價囉，(講完走開)」(今時今日咁o既服務態度....)
反正無其他客，我再慢慢解釋一次比佢聽。佢終於揀完，話要比錢。阿靜，阿 Fan 同我都唔肯收，要蘭子收，佢最資深丫嘛。

蘭子話唔比佢加兩蚊換草餅，因為寫明買果汁係唔可以，我心諗：「lai 野，我話左比佢知可以，因為我都唔知唔得」跟住蘭子話：「算啦，比你換埋啦」
客：「咁多謝喎！(d 態度乞人憎到想小佢。佢終於走喇...)」
佢另外仲買左個豆沙包：「我放到聽日先食有無問題架？」
阿 Fan：「無問題架」
客：「如果有問題咁點呀？」
阿 Fan：「個個都係咁都無問題架..........」
客：「唔好意思喎阻住你地收工」
蘭子：「唔緊要，慢慢啦」
客：「仲慢慢？o個幾個阿姐想打我喇....佢地o既眼神想殺左我」

攪到我地遲左開始執野，好彩執晒都仲有時間剩

想喚起好多回憶，想好似以前咁。好多野想講，好多野唔敢講，好多野唔可以講...........大個喇，仲諗以前

Casio EX-P505提醒我佢o既存在-_-，我又搵到有人讓 Sony F717喎，價錢好接近，不過一個二手，一個新機，點好呀？

>>June 9, 2005 at 7:42:51 AM GMT+8

2005 年 6 月 6 日 星期一 【晴】

睇左《公主復仇記》喇，都算好睇o既，我估唔到o既結局。不過吳彥祖個 look 好核突呀，又賤喎，都係阿 Roy 正氣 d。
"世界上根本沒有王子，只有王八蛋，和扮王子的王八蛋"
"世界上根本沒有公主，只有巫婆，和自以為是公主的巫婆"

Tim 說：「Tim is yuck!」(should be YUCKY)
放工o係 CWB 見到 Vito 同佢女友，阿 Tim 話佢成日換畫....我打死都唔信！(就憑佢副尊容？)
今期唔食"芝士波"，食"紅豆綠茶鍋餅"，好味~
阿 Fan 而家好好人呀，我開始幾鍾意佢喇。Carol 就幾時都咁好o既~
個個都以為我 form 7，Carol 今日問我出左成績會唔會繼續讀書，我首先話佢知我出年大學畢業，唔係 form 7。之後佢問我第時會做乜，都係o個句啦，做家庭主婦。我話等男朋友一讀完書就結婚，佢好驚訝咁問：「下，你幾多歲呀？」哈哈哈哈。Carol 真係好鬼可愛~


"Donna Lewis & Richard Marx - At The Beginning "

We were strangers, starting out on a journey
Never dreaming, what we'd have to go through
Now here we are, I'm suddenly standing
At the beginning with you

No one told me, I was going to find you
Unexpected, what you did to my heart
When I lost hope
You were there to remind me
This is the start

Chorus:
And life is a road and I wanna keep goin'
Love is a river I wanna keep flowing
Life is a road now and forever wonderful journey
I'll be there when the world stops turning
I'll be there when the storm is through
In the end I want to be standing
At the beginning with you

We were strangers on a crazy adventure
Never dreaming how our dreams would come true
Now here we stand, unafraid of the future
At the beginning with you
(Repeat Chorus)

Knew there was somebody somewhere
I need love in the dark
Now I know my dream will live on
I've been waiting so long
Nothing is going to tear us apart (Repeat Chorus)

Life is a road and I wanna keep goin
Love is a river I wanna keep flowin

(Belldadny alone) Starting out on a journey

(Both continue it)
In the end I want to be standing at the beginning
With you...

成功的男人背後，一定有個女人。
失敗的男人背後呢？
一定是有太多的女人！

>>June 7, 2005 at 4:43:00 PM GMT+8

2005 年 6 月 5 日 星期日 【晴】

放假~

成朝比家姐 print 野聲嘈住，唯有起身，的起心肝返 City 幫佢 print 晒佢，如果o係屋企 print 要一年，因為要手動雙面。

去 HSBC 拎左提款咭先，有個 staff 超型，非常型！o個款眼鏡加埋o個個髮型加埋o個個身型，就超級型喇，呀！仲有套西裝。哈哈，見到 d 靚仔彧型男，我會忍唔住笑，(真係笑出黎架)，因為世界實在太美好。神實在安排得太好，好在我唔靚身材又唔好，如果唔係我一定好水性陽花，哈哈。
講開又講多少少，最近 Bossini 用黎 display 套男裝運動衫o個個 figure個男型好靚，襯得件運動衫好好睇。

好想快 d 有糭食~

經過又一城，諗起 Piglet，真係得意。

之前睇左少少《公主復仇記》，好想睇晒成套戲。阿 Roy 真係有少少似吳彥祖。

2003年5月29日，我好唔開心呀。都有 d 野開心o既。見到想見o既野，見到唔想見o既事。

>>June 6, 2005 at 6:12:24 PM GMT+8

2005 年 6 月 4 日 星期六 【晴】

返早真係辛苦‧全日係咁講野，喉嚨痛呀！今日有個好環保o既客人，拎左個上次買包o既袋黎比我 pack 佢今次 d 包，我好欣賞佢呀！阿妹今日生日，放工o係公司買左 d muffin 比佢食。有個早更o既同事，Wendy，客戶服務 excellent！條隊有兩個人，我收緊第一個人o既錢，佢即刻開另一部機收第二個，用甜美o既聲線加誠懇o既態度講：「唔好意思呀要你等」。佢對同事又好，個樣仲 ok 靚添，(其實多數同事都靚架，不過我寧願佢地係靚仔)，我第時如果有機會開舖，一定要返黎挖角呀~

聽日放假，放工行百佳，發現品客薯片好抵，芝士味 $7.6 咋，其他都係 $9.9，不過芝士味無貨，返到屋企慫恿家姐食完飯一齊去第二間買。

o係樓下見到個阿伯 d 眉毛勁長，佢個樣睇落有二百歲。

今日屋企好早有飯食，造就左我o既計畫，去 lu~買左七筒品客，十一個蘋果，三排益力多，家姐用 現金卷比，我只係出左八毫子咋~勁環保，我地帶左兩個好多o既袋去，一個膠袋都無用，我好欣賞自己呀！

>>June 5, 2005 at 2:41:53 PM GMT+8

2005 年 6 月 3 日 星期五 【晴】

返工，今日無比人炳，唔係因為我做得好左，係我醒目左識避開 Kathrine

放工o個時蘭子話：「肉體上都唔算支力，心靈上真係好支力」
佢上次話我係唯一一個同事著自己衫好睇過著制服，我以為佢想話我著制服唔好睇....
今日佢話：「你件衫又襯得你幾好睇喎」原來係我自己 d 衫好睇過件制服。

>>June 4, 2005 at 1:33:06 PM GMT+8