2005 年 7 月 30 日 星期六 【晴】

今日有人叫我出包，平日唔鐘意架，不過今日係大佬唔係阿培，所以好樂意。點知 Kathrine 叫返我出黎換 Wendy 入去....好失望呀.....後來Wendy 收工就到我喇，yo！今日返工好開心，唔知點解呢。大佬好似卡通人物.....

Kathrine 話公司 d 水好臭，飲完想嘔，好笑。佢問我點解我唔覺：「我都唔飲呢 d 水o既(嘿嘿嘿嘿)」

>>July 31, 2005 at 6:02:08 PM GMT+8

2005 年 7 月 29 日 星期五 【晴】

有人叫左件德國燒芝士，我整爛左，得蘭子批准，大家食左佢.....點知臨收舖，又跌爛一件栗子卷....佛都有火掛....用牛油紙包住毀滅証據.....

>>July 31, 2005 at 6:06:03 PM GMT+8

2005 年 7 月 29 日 星期五 【晴】

賤男人！！無個好人！
阿媽前世做錯乜野，嫁個咁o既人渣委屈半生

>>July 30, 2005 at 4:56:52 AM GMT+8

2005 年 7 月 26 日 星期二 【晴】

激死人，幫阿 Tim 整野整走左自己個 background..........-_-

>>July 26, 2005 at 6:44:29 PM GMT+8

2005 年 7 月 25 日 星期一 【晴】

一口氣睇左兩套戲：
1) 藉著雨點說愛你 ─ 好在當時去到買飛套戲原來未上

2) 花與愛麗斯 ─ 愛麗斯好靚，巴蕾舞o個節，好靚！花係一個好賤o既人；男主角好蠢！好睇！

>>July 25, 2005 at 6:00:42 PM GMT+8

2005 年 7 月 22 日 星期五 【晴】

埃及發生多宗炸彈襲擊，當地居民大批擁去捐血....好多人都仲有善良o既一面，而且係發自內心o既

>>July 23, 2005 at 4:41:34 AM GMT+8

2005 年 7 月 20 日 星期三 【晴】

返工期間去 toilet，有一格例牌道門虛掩，我又例牌敲一敲就推門入去，點知一開門，呆左，有個o靚仔背住我，仲無著褲添....呆左十分一秒，掉頭走.....真係想踼佢落去沖走佢。

都唔細啦，睇佢起碼有五歲，咁大個仔仲去女厠，又無 d 自我保護意識，門都唔鎖.....如果入去o個個係 Micheal Jackson你話佢點算丫？有乜辦法唔比人侵犯至得架？不過佢都算知機，入男厠，分分鐘比人攪；入女厠，極其量都係比人摸一餐....唉，鎖門呀細路！

阿靜話：「佢蝕比你喎，你仲講？」

>>July 22, 2005 at 3:10:14 PM GMT+8

2005 年 7 月 20 日 星期三 【晴】

如果你o係街，見到有人大動脈被割開，全個人血色，你敢唔敢幫佢"禁"住呀？

仲有想講下，唔好睇電視見做心外壓就有樣學樣，唔 confirm 個人無脈搏而做心外壓，分分鐘死人架！無牌幫人做心外壓，犯法架。

仲有就係，做心外壓唔係一定要配合人工呼吸o既咩？無心跳唔係一定跟無呼吸o既咩？唔識

>>July 20, 2005 at 5:51:01 PM GMT+8

2005 年 7 月 19 日 星期二 【晴】

好厭倦，唔返工得唔得呀，我淨係想攤o係度悠悠閒閒咁放暑假。

我今日比個八婆鬧呀！佢買$19.5野，比$100

我話：「找返你八十蚊五毫」

佢十秒之後返黎攤開 d 找錢：「九十蚊五毫呀？」

我已經唔記得佢買幾多錢野，check返佢張單，係應該找八十蚊五毫，我話：「o岩呀」

八婆：「咁你就唔好話九十蚊五毫啦！」

我唔肯定自己有無講錯，不過事實係無找錯！個口係道歉，心中極度不服！死八婆，你唔識計數架？！實係我講錯架，唔比你聽錯咩。就算係講錯，你都唔洗咁o既死人態度啦，仆街！(o係我日記甚少出現粗口，不過我當時真係好想 cum 佢兩巴，既然唔得，唯有自己o係度發洩下)

死八婆！咁樣對人o既時候，唔該你諗下你o既小朋友企o係你隔離架，第時佢都係咁對你，第時佢都好似你咁乞人憎！

香港人追求優質服務同時，唔該尊重下自己，做返個優質顧客先啦。作為普通一個人，洗唔洗賤到咁呀？

>>July 20, 2005 at 5:43:07 PM GMT+8

2005 年 7 月 17 日 星期日 【晴】

好熱呀，好興奮！難得放假，出街熱下，出下汗，relax 下~真係好熱，但係一路行到全個背脊濕晒，覺得好輕鬆，第一次有想大叫o既衝動，(當然無啦，傻o既咩？)

行落皇室堡o個頭，周圍行行行行行......買左好多野....都係無聊野。

返屋企，焗蛋糕，衰左.....又要整過個 web page，妖！好煩呀，stupid stupid stupid！邊有人用 word save 圖片架？！幫人係唔會有好結果架，整左大半，個電腦就咁就死左，仲比人寸我唔做 back up....點解我要受 d 咁o既苦喎？！我發誓，我以後唔做無回報o既野！點解我咁寶貴o既假期要咁用？好悶呀，想放棄......

話時話，講開放假，我唔明點解我要咁犯賤，明明係大好假期，做乜搵工o者？好悶呀，想 resign 喇....

到而家我都唔明，點解 阿恆同 Kenny 無打電話比我，係咪我記錯自己生日？

o係屋企食一餐飯，真係好辛苦....好糟呀！靜 d 得唔得？如果我第時嫁左個咁o既賤人，我諗我一星期就會離婚。原來婚姻真係咁兒戲架咋！雖然話愛是恆久忍耐，但係點解得一方o係度默默忍耐？公平咩？我曾經都諗過會唔會有一日佢覺悟，知道自己好乞人憎，知道佢所有家人都忍得好辛苦，而改過自新？甚至信主？咪傻啦，佢會改，世界就唔會有希特拉，唔會有秦始皇.....咁大個人都唔化o既......(可能就係我唔信會發生，結果就無發生)

>>July 18, 2005 at 5:05:27 PM GMT+8