2005 年 6 月 2 日 星期四 【晴】

終於知道點解 Kathrine 係奸喇，今日返早，比佢炳到七彩

放早，行百佳，買左盒好耐無食o既芒果酥，好味~真係好好味，芒果味o既野真係好好味~~
o係樓下大堂離遠見到阿爸，千鈞一髮，即以萬分之一秒掉頭走，去惠康行個圈先....

加利利海

一個香港基督徒到以色列緬懷主耶穌當年傳道的行跡，來到了加利利海。

海邊有一檔租小艇的，他想在加利利海划一下小艇，默想耶穌在海面上行走的情景。

可是，檔主說租艇費每小時5,000新舍客勒，他一算之下，折合差不多1,000美元。

「這麼貴！」他說：「在香港西貢，租艇不過每小時15美元。」

「年輕人，在香港租艇當然只要每小時15美元，」檔主說：「但，想想看，分別在那裡？這裡可是你主曾經在上面步行的加利利海呀！」

基督徒苦著臉說：「這麼貴，難怪主耶穌要步行。」

>>June 3, 2005 at 3:19:17 PM GMT+8

2005 年 6 月 1 日 星期三 【晴】

yo ! Law 有 B 呀~
你地梗係覺得我之前話擔心 law 要 retake 係扮野啦。我只可以講，我唔會做咁耐戲囉。
拿，路遙知馬力，女仔耐力果然好 d ，梗係講緊我啦~
我雖然成日都話要打敗你地，你知啦，唔可以長他人志氣家嘛，不過我都想你地考得好架屋以前都講過)
各有各的命　若然你較我好命
差距反映美好的人性　替同伴高興

共你一起拍住上揚威　定要一起美麗　我先美麗
若誰　失手了　不要計哪個不抵
就算一起拍住會沉底　沒有分先與後　無論高矮
好友　也像拍拖　難得會拍一世
離開　再會亦是投契

煲蛋食，唔記得呀，煲到個煲燶晒 -_-

返工，老細去左開會，好野~~好 free 呀！最憎執包，都唔知點執好，今日唔洗執。
有個鬼仔(都差唔多"佬"架喇)，比完錢自己倒瀉左袋包，一個無奈樣，話比佢夾過，佢好開心，係咁講中文多謝我喎。我估佢無聊想講下廣東話o者，佢好似 CS 教 presentation o個西人。

今日收工無 Kathrine(老細)o係度，舖頭彌漫住一片喜氣洋洋~無乜野洗，我唯有去收銀....話咁快就夠鐘收工~原來Kathrine 真係奸架，d 同事話圍裙蝴蝶結打得唔好都會比佢鬧....不過我又未真正咁感受到佢鬧我，上次洗洗下野佢仲幫我整好背脊個蝴蝶結添，我暫時覺得佢都係好人

好厭呀， d 包食到悶晒~不過仲有好多都未試過....唔識答 d 客o既問題....我通常都話：「哎呀，我未試過呢隻呀」真係好唔專業！

<<為什麼男人愛說謊,女人愛哭?>>
<<為什麼男人不聽女人不看地圖>>

車，唔好忍我囉，你講句收聲我就識做，反正我都係嬲一陣o者。
要我唔問人問題，不過叫我唔好食野好過。

-_-
會長: 今個sem考得幾好，好開心
口琴之鬼: 洗唔洗慶祝?
會長: 好呀~哈哈,c poon都考得幾好
口琴之鬼: 我有個提議
口琴之鬼: 你不如辭左份工黎慶祝

又唔記得用牙貼，比家姐知道又炳我

>>June 2, 2005 at 6:48:24 PM GMT+8

2005 年 6 月 1 日 星期三 【晴】

上帝賜給人類理性就包括人類可以懷疑究竟有沒有上帝存在

>>June 1, 2005 at 7:15:52 PM GMT+8

2005 年 5 月 31 日 星期二 【晴】

出成績o既大日子，幾眼訓都早 d 起身呀，九點半倒啦，盡晒力....

頂！唔開心呀，明明覺得 SOM，Stat 同 Interactive 有機 A- 家嘛，無喎。
反而諗住但求唔洗 retake 就算o既 CS 就出乎意料地好。暫時未出 law，最差o個科又係 OOD

呢份工要我每日對住好多人，返左一個禮拜，已經好多感慨，尤其今晚。
原來出黎做野，最慘唔係對住客人，係同事。不過我一早已經有心理準備。我受薪，就要預左受委屈。

極大部分野都o係第一日學晒，咁匆忙我真係好多時都唔記得。而且好多野，有幾個 option，佢地做其中一個，就 expect 我會識做晒咁多個。今日我放錯一個 tray，廚房大佬都只係好友善咁講左句：「放呢邊丫嘛」隨即就有個o係廚房裡面做野o既阿嬸加把口埋黎：「教極都唔聽！」
唔知佢講o個時咩心態，但係我覺得好難受。我當時只係諗，如果佢個女咁樣比人話，佢會有咩感覺呢？

另一件事，有對年老夫婦買左兩個包，十一蚊，阿伯叫我 cup 印花，我話要十二蚊先有，佢比另一袋包我睇，話之前都買左野。阿芳(同事)最後幫佢地 cup 左，，(呢 d 唔係主題，交代下o者。佢地好好人架，好友善o既)....由於擾攘左一陣，佢地唔記得拎包喎。阿芳叫我出百佳行個圈睇下搵唔搵到佢地(我地間舖同百佳連住o既)。我跑晒成間百佳超級廣場竟然咁好彩搵得返佢。阿伯淨係話：「哈哈哈，唔記得添」阿芳：「佢係咪好你呀？咁好服務」我又諗：「佢點解要感激我呢？佢應得最好o既服務架喎，而且我有責任唔比呢種事發生....我只係補救o者」

其實我返左咁多日，企過兩三日收銀，有時 pack 包，有時收錢，有時兩樣都做，做得好慢，發覺 d 客都好寬容，我咁慢都未比人話過。算係唯一o既安慰....(可能只係因為呢度 d 客高貴 d 啦)

阿芳係以級數分，最好人o既元老級同事。可能因為佢初為人母，特別對人好。今晚我企收銀，由於記唔熟價錢，成日問佢〉連續收左三四次o個個死人磨菇包，我都唔記得，都係要問佢，佢每次都用最善良o既(最起碼無怪責我)語氣答.....好多謝阿芳，Carol同阿靜，無佢地，我一早已經無做。唔知我o係做人阿媽之前可唔可以做到對人咁有耐性咁寬容呢...

亦多謝阿 Fan，廚房裡面做野o既阿嬸，同阿慈，無佢地，我未必體驗到做野受o既委屈。

>>June 1, 2005 at 6:56:01 PM GMT+8

2005 年 5 月 30 日 星期一 【晴】

我棵 草草 今日開始識怕羞喇~

聽唔到鬧鐘訓到一點二...

聽閒 豬仔 遲 d 可以同 Piglet 一齊返工喎，豬仔就好啦~ Piglet 就好啦~

>>May 31, 2005 at 3:54:11 PM GMT+8

2005 年 5 月 29 日 星期日 【晴】

尋晚雖然兩點幾訓，(因為我教遙距烹飪課程，今堂教人煮急凍雞脾)，不過今朝竟然十一點半就起到身。好凍，點解今日咁鬼凍架？！臨起身發惡夢，發夢比大蝙蝠追，好恐怖。比 d "大長今" 聲煩醒，心想邊個咁低 b 成朝播呢隻死人歌呀，原來係陳生，頂你呀！我最憎最憎最憎最憎呢隻歌！(Winnie the Pooh 都只係"最憎"，即係我真係好憎)

好忟呀！無早餐食！！！！一個都唔留比我！！！可惡呀！！！

今日放假，終於可以過正常生活喇。怒飲水，一杯奶，一支益力多，一公升烏龍茶。好野~

經有心人指點，發現暫時 CGPA 微升左~

「為什麼人不能記得前世？」


宇宙的安排是奇妙的，讓我們想想看，如果在現有的社會風俗下，人人都記得前世，會發生什麼現象？

如果兒子記得上輩子的太太是現在的媽媽，如果媽媽記得女兒是前世的情敵，如果女兒記得過去生爸爸曾經對她性騷擾……誰能夠想像這麼一來，社會還能運作嗎？

生命透過不斷的輪迴轉世來學習各種課程，
所以必須遺忘，
才能以全新的心情面對新的挑戰。

原質上我應該唔信輪迴，事實上我寧願有，一死左就乜都無晒，太可悲

「最重大的事情，就是與世無爭，祥和過一生。」

終於有同學仔約我去玩，但係又要返工.....

而家全世界都得罪我，我憎晒成村人！
無啦啦諗起 form 7 阿媽唔比我去旅行， d 原因牽強之極！
我為左時差問題，早起晚睡，你話訓就訓，話食飯就食飯....你有種！！

同個 net friend 講開，佢話男女之間好多野都唔公平。我就覺得某 d 對男仔有利，某 d 又對女仔有利，on average，大家又公平返。其實係咪呢？我果然係典型 type 4 (Enneagram)，追求公平o既世界

入左大學個人變得好功利，好勝心好強。以前我與世無爭o係中游浮沉下已經好滿足，而家乜都要爭....好辛苦呀

三盒牙線同時用晒，好煩呀！

曾經都想養隻狗.....不過無謂害左佢

>>May 30, 2005 at 6:00:11 PM GMT+8

2005 年 5 月 29 日 星期日 【晴】

憶當天的那段舊夢，祂彷似與我夜裏共行；
沙灘中的每段道路，編出你與我兩雙足印；
漫漫路無論多少崎嶇，都有基督緊握我手；
遇寂寞但也不孤單，明白你是共行。
他當天親身的應許，他必會與我伴結前行；
一生中的每段道路，都必會帶領我 經過；
路漸盡回望我的一生，雖有他一起的腳蹤；
但絕望並困境之中，全是孤單足印。
每次我心中多悲傷，他怎卻遠去剩我獨行；
每次我感到是寂寞，他怎卻遠去剩我孤單；
默默地在我身邊的主，跟我低聲輕輕說出；
『在絕望路裏的一雙，原是我的足印。』
回望我過去多少的失意，但你每次每次也在旁
是你抹我淚痕，是你揹我經過 明白到有你居於心深處，
我不再是獨行 前路有你共行，留下雙雙足印

唔開心呀，點解我咁無記性架，個腦太耐無用呀？
日日都 msn 到深夜，因為 Tommy 已經同我距離十三個鐘喇。
我勁唔鐘意某個同事， 第時畢業去做佢得高級過佢，鬧完佢仲要炒佢呀！

>>May 29, 2005 at 5:19:16 PM GMT+8

2005 年 5 月 28 日 星期六 【晴】

自從返新工就每日都食好多麵包。

阿靜(同事)日日收工倒麵包o個時就o係度搣開 d 腸仔包淨食腸，好好笑，日日都係咁。有時一路倒一路塞入口....

同 Carol 講我返左第一日已經想唔做，佢話之前有好多人返左一日就無返......我真係刻苦耐勞呀！

>>May 29, 2005 at 3:52:16 PM GMT+8

2005 年 5 月 28 日 星期六 【晴】

自從返新工就每日都食好多麵包。

阿靜(同事)日日收工倒麵包o個時就o係度搣開 d 腸仔包淨食腸，好好笑，日日都係咁。有時一路倒一路塞入口....

同 Carol 講我返左第一日已經想唔做，佢話之前有好多人返左一日就無返......我真係刻苦耐勞呀！

>>May 29, 2005 at 3:36:09 PM GMT+8

2005 年 5 月 25 日 星期三 【晴】

又返工，已經想唔做....返完工，又覺得無乜野。

芝士波超好味！十蚊六個，得閒試下丫

Tommy 走之前最後一次見到佢。好唔捨得呀。

廸士尼婚禮，要 Winnie the Pooh 洗厠所加幾多錢呀

>>May 25, 2005 at 5:11:25 PM GMT+8