2005 年 8 月 25 日 星期四 【晴】

上次返工打咭比 d 木刺吉到手指，當時明明已經抆左出黎，點知個手而家腫左，想挑出黎，但係拎起支針又唔忍心吉自己隻手....無膽匪類.....

返工，出門口之前發現自己隻錶壞左，好唔開心，一定係尋晚洗野浸壞，激死人！

好野，最鍾意卿卿放假，因為可以出包。我出黑芝麻鍋餅之前，去拎o個樽木粒，打開見得幾粒芝麻，諗住拎錯，諗諗下，可能係 d 芝麻唔小心跌落去o者，望一望大佬，原來個樽真係用黎載芝麻架，懦左。

出出下包就夠鐘放工....我未玩夠呀！真係無癮....請大家食糖，走人。

>>August 26, 2005 at 3:33:12 PM GMT+8

2005 年 8 月 25 日 星期四 【晴】

廚房o既阿榮今日拎野出黎，比個客叫住執檯，好笑

同 Carol 講起 Care Free 放完假返黎好似好人左，Carol 話：「佢可能信左耶穌呀」比佢笑死

>>August 25, 2005 at 5:09:13 PM GMT+8

2005 年 8 月 23 日 星期二 【晴】

一早同 Tommy 去飲早茶，好味~
行街，嗌交，買零食......返工

我凝住 Care Free 今日心情好靚，我o係 cafe o個邊幫人叫餐，又唔記得蓋印花，又唔記得比匙羹，佢都只係笑笑口咁話我一句，我同阿靜講：「佢今日心情好，我地放肆 d 咯...」

夜晚，我拎件朱古力蛋糕比個客，倒到個雪櫃周圍都係朱古力，佢都只係笑笑口咁話我一句，仲親自清理添，阿靜話我以身犯險，哈哈哈哈.....

今日過得好開心。

>>August 24, 2005 at 5:28:08 PM GMT+8

2005 年 8 月 20 日 星期六 【晴】

好野，返十二至五...去大久保食，行時代，睇廸士尼產品開倉，好抵呀！長遮八十五蚊咋，平出面二十蚊.....

>>August 21, 2005 at 4:19:28 PM GMT+8

2005 年 8 月 19 日 星期五 【晴】

今日有 d 唔正常，癲癲喪喪咁。

返至八，旺到爆炸，又多野洗，又多錢收，又多包出....好忟！我覺得自己好唔專業，今日成日對 d 客黑面， d 客實在係好無禮貌！我尤其憎 d 人亂丟遮套，不過後來發現原來係不知不覺間跌架....怪錯佢地。

上蛋糕，偷食，哽親，勁咳！活該！

Tommy 接放工，我叫 Yuki 同我一齊影相，佢開頭唔肯，後來我話我就走佢先就範。佢過左一陣問返我幾時走，我話十月，激死佢。

pack 中華酥，好玩。

同 Tommy 食飯，個袋鈎跌左間茶餐廳放係門口放遮o既筒，成地濕晒，超唔好意思！

>>August 20, 2005 at 4:04:49 PM GMT+8

2005 年 8 月 18 日 星期四 【晴】

一早起身焗曲奇，見屋企仲有兩隻蛋，而我只需要一隻，所以落街只係買左牛油，點知返到去整，兩隻都臭o既，吹脹！唯有叫家姐去買....

整左一大輪，返工，差 d 遲到。

我出包，好野，Wendy 收工叫我入去，我入到去見阿靜戴緊手套，我大叫：「喂喂喂，你做咩呀，你想點呀？」咁佢就乖乖讓返個位比我。

大佬真係好呀，出鍋餅佢幫我拎定個樽呀，哈哈哈

Care Free 收八點，之後放四日假。佢一收工，我地作晒反，勁放肆。Yuki 又整 panini 比我地食，我地又偷飲朱古力，掛住傾計九點三都未開始清 coffee，(平日應該九點開始)。

倒包o個時， Carol 話 d 火腿卷好靚，「梗係啦，大佬整家嘛」跟住佢話 d 粟米卷好醜樣，「係阿培整架，一定係....」勁玩野

>>August 20, 2005 at 4:24:20 PM GMT+8

2005 年 8 月 17 日 星期三 【晴】

YO！今日返一至八，一返去搭 lift 就見到個靚仔鬼仔，Care Free 心情又 ok 好，咁我就過得唔錯咁啦....，Care Free 就快放四日大假，編左成個禮拜更，趁得閒睇睇更表發現有一日返二至十半，有得o係公司食飯，好興奮，雖然覺得比公司搵笨，不過都好開心，好耐無試過喇。Yuki 同阿靜都知我好開心，紛紛向我道賀。正當我想諗定到時食咩好...新仔 Emma 打黎請病假，我要頂埋佢o個更，變成一至十半。Yuki 話破 part time 紀錄，好野！今日就有得o係公司飯。仲諗咩丫，梗係食白切雞飯啦。

好鬼悶，阿榮都唔同我講野p既....阿培見我夾開晒 d 雞，就話：「嘩，雞你都唔食，你都好xx o者(唔記得左佢 exactly 講咩)」咪傻啦，我點會唔食呀？

好好笑，阿榮懶型咁除左頂帽行去洗手間，點知因為整漏野比阿慈叫返轉頭，佢行返入黎o個下真係白痴到爆。

夜晚收銀，有班男仔問：「個『朱古力爆炸』有咩特色呀，會爆炸架」明玩野
Care Free 話：「名黎o既o..」(好似好努力禁住把火咁....

今日好笑o既野，
Care Free 返工比阿伯踩爛左隻鞋
有個細路落 d "辣椒仔" 落舊忌廉 pancake 度食
阿塋無端端同我講：「d 客真係好 Q 蠢，唔明 d 碟點搵喎...」

>>August 18, 2005 at 4:31:18 PM GMT+8

2005 年 8 月 14 日 星期日 【晴】

放假，同家姐去 shopping。首先去配 con，搵左好耐先搵到，最好都係呢間，雖然個老闆o岩o岩炳完佢o個個好似賊o既員工，不過依然好專業、好親切。話咁快就配完。「你個度數同上次配o個副完全一樣，同再之前塊鏡片都無唔同」哈哈，同時睇中左副有框眼鏡，好型，不過下次先啦，而家o個副完全無問題，無啦啦o徒成千蚊唔係咁好。

行時代廣場，想買件恤衫，平時當褸著。無收獲，過 SOGO，家姐買左對好抵o既 Timberland 鞋，佢就好啦。睇下 d Playboy 袋，越睇越靚，不過未有心水....搵日要去朗豪行個圈再睇。最後，今日收穫不錯....好支力

>>August 15, 2005 at 4:24:34 PM GMT+8

2005 年 8 月 13 日 星期六 【晴】

尋晚例牌兩點訓，今朝六點九自己醒左......起身無聊下，又訓過，訓到十一點五，發噩夢，比人逼害，好支力

阿榮正奸仔！次次我清coffee佢都唔倒垃圾，針對我....哼！

接近八點...阿 Fan：「噫？大佬走左拿？」
我：「係呀，大佬好型咁走左上電梯...」
蘭子：「佢咁o既貓樣點會型呀？」-_- 可惡，大佬明明好型

今晚本來我清 coffee，不過今日忙，蘭子唔比新仔 Emma 收錢，咁我就狂收左兩個鐘....有個又高又靚仔o既鬼仔，話比 Carol 知：Carol 笑住咁潑冷水：「你已經有男朋友架喇，唔該你收歛 d」哈哈哈，邊個話有男朋友唔目及得靚仔架？

收工 Carol 幫我打咭時話我今日爭d 遲到，我：「係呀，查唔切睫毛液....」激死佢

>>August 14, 2005 at 4:23:48 PM GMT+8

2005 年 8 月 12 日 星期五 【晴】

好可惡呀，Care Free 話我成日走入去同人傾計...
我自問次次都有做緊野，例如洗緊野，抹緊野...呢 d 咁低層次o既工作，絕對唔會比閒談影響到，再者，我o係 back office 先會咁樣.....有 d 人直頭企o係度界仔，完全無做野，你對死人眼又睇唔到喎！第時如果我有機會做人上司，一定要引以為鑒。

我以前以為，要做一個好o既服務業從業員，只要心中有一團火就夠，原來唔係架。要團火夠大趕走麻煩上司先夠。我地班同事，除左成日發姣o個個之外，個個都真心想做好份工....換來o既就係 Care Free 經常發出o既嘮叨。

總之今日日值月破，諸事不宜，我做乜佢都唔順。又遇到 d 衰客.....都遇到 d 好客....有 d 野十蚊有七舊，五蚊三舊。佢買左八舊，我地唔知點收錢好，佢話：「唔緊要啦，我買夠數，等你地易計 d 啦」又有一個話要扣錢，但係有同事已經打左單，收左錢仲蓋埋印花，由我跟。佢見我好似好苦惱咁，佢話：「算啦，下次先啦」我結果都幫佢攪掂左。奉勸各位，想得到好o既服務，最好將心比己。點解話「最好」呢？人地做得份工，係咪都要 serve 你，你何必再比 d 不必要o既面色人睇呢？

話說今日收八點，入三文治房準備換衫，一入去見到阿榮喎，我無奈咁講左句：「點解你會o係度架？」
佢更無奈：「你換啦你換啦」
跟住佢就出去啦，佢話：「跌左落黎呀。」
我一頭霧水：「咩呀？」
佢：「後面呀」
我先記起門後有把梯，有時會 lum 落黎，上次我同阿 Ling 換衫就中過招....
我裝一裝：「無呀」
呢 d 就係兩個半月以來，我同阿榮第一次無關公事o既對話。
雖然把梯無 lum 落黎，不過佢總算救左我一命，我要繼續同阿 Fan 協力保護佢
佢都係有語障架喇....

哈哈哈，今日我倒後行一步，唔小心踢左大佬一腳，我掂到大佬呀，哈哈哈。大佬上至整包、管理、請人，下至整收銀機，炸豬扒、抹爐都一手包辦，好勁呀！

>>August 13, 2005 at 5:51:01 PM GMT+8