2005 年 5 月 14 日 星期六 【晴】

考完試，執返好張書檯同書櫃，而家好整齊，好野。

今日睇左一本書(餃子)兩套卡通片(哈爾移動城堡 同 再見螢火蟲)。

再見螢火蟲一 d 都唔好睇！好悶。
哈爾移動城堡就幾好睇，不過唔係太明，淨係記得 哈爾 好靚仔，好型，仲係一個好男人。佢徒弟同埋堆火好得意！

「你靠男人，我靠自己；你幸福，我自由。」
「臨陣退縮終也義無反顧我人，最勇敢，因為她已戰勝恐懼，目標鮮明。」

>>May 15, 2005 at 5:15:24 PM GMT+8

2005 年 5 月 13 日 星期五 【晴】

一考完試，無晒寄託。

當得返我一個人o既時候，我完全唔知點幫自己定位，我搵唔到自己呀。
原來我唔係你地o既朋友，你地玩得開心 d 啦。
係我高估左自己o者。無人陪，我咪一個過囉。

>>May 14, 2005 at 12:24:31 PM GMT+8

2005 年 5 月 12 日 星期四 【晴】

無食蘋果兩，凝住唔係好自在

凝住成世都日日食烏冬都唔會厭

>>May 13, 2005 at 7:01:02 AM GMT+8

2005 年 5 月 11 日 星期三 【晴】

你地知唔知呀，一年一度o既大日子又到喇，o係呢一日，一個好重要，好有性格，好型o既人誕生，阿恆，生日快樂，今年我要做第一個

嘩好緊張呀~打電話比阿恆，好驚好驚！每次打比佢都好驚，唔知講乜好，所以次次都白白痴痴咁~這就是緊張的感覺嗎？

唔知好彩定唔好彩呢，阿恆唔聽，有個女人聽喎.....
留言信箱小姐聽....(我成日凝住我留言o個時好白痴)

我都想生日o個時唔聽電話等人地留言比我，可以聽返丫嘛，不過會唔會唔再打返比我架？都話手提電話有得錄音好架啦~

>>May 12, 2005 at 6:20:50 AM GMT+8

2005 年 5 月 10 日 星期二 【晴】

真想有個了斷，剪，抑或唔剪好呀，家姐就留海太長唔好睇架

>>May 12, 2005 at 6:20:32 AM GMT+8

2005 年 5 月 9 日 星期一 【晴】

禁不住引用《我要嫁得好》入面一句 (我想再睇)
「wow，這是被拋棄的感覺嗎？」(完全唔記得英文名及英文對白)

會長「wow，這是通頂的感覺嗎？」(兩點考試，一點要出門口，十一點溫晒書，活學活用 Just-in-time approach，只差一點點.....就 Just-not-enough-time )

話說尋晚溫到兩點二，仲差三課，我幾大都訓啦，我唔會為左溫書通頂架！點知有人搵我
我非常坦白咁講「我唔係好掛住你，我已經習慣左」讀書讀到個人好殘忍！
我仲以為四年感情好穩固，原來都不外如是
傍晚六點飲左500 ml 咖啡，完全唔眼訓又唔想再溫，就咁望住個天慢慢，睇唔到太陽算唔算睇日出呀？聽住四周由好靜好靜變到有好多老人家o係公園嘈死人，(麥o麥式修辭手法)，再迷迷糊糊訓左半個鐘，噢，"簡單的禮物Simple Gift" 響起，七點九，起身，溫溫溫，好亢奮呀，犯賤！祝我自己一陣考得好 d！(11:23am)

我好好好好好好唔開心呀，又做漏左十五分....-_-......點解我咁無用架

心情好差呀！

上到小巴有兩個八婆，一個坐車頭一個坐車尾大大聲o係度對罵，小！忟到爆！呢兩個八婆仲搭足全程，我都仲竟然保持到沈默無開口鬧佢地，我實在有無限o既忍耐力。落到車都仲鬧，不如打交啦，互扯頭髲丫....我正需要 d 娛樂。o係心裡面送晒一門五傑 x2 比佢地兩個，一人一份唔洗爭。

個小巴司機都唔係路，又夾細路又行錯路，你醒未呀，勁想投訴佢，佢夾完個細路仲話人行得慢！

打比家姐，點知阿媽聽
我：「(呆左)，點解係你o既」
阿媽：「我點知呀？」
我竟然好耐都諗唔到家姐飛左線返屋企，所以咪阿媽聽囉

我唔開心呀，快d 搵人"乙水"返我呀

今日唯一一樣值得笑o既事，又一城間精品店出左新款豬仔，好得意

豬仔呀，你帶我去你度丫，我唔鍾意而家o既生活呀。帶我去你度，我地一齊去 aventure，一齊畫圖畫日記。

我突然好想好想飲烏龍茶。

食完飯o係房自閉，我想靜 d，我唔想咁嘈，不如唔好同我講野丫

>>May 10, 2005 at 12:01:28 PM GMT+8

2005 年 5 月 7 日 星期六 【晴】

前面是你 後面是你
左邊是你 右邊是你
白天有你 晚上有你
想的念的全部都是你
睜眼是你 閉眼是你
夢裏是你 醒來是你
春夏秋冬 一年四季
我都好想好想好想抱著你
愛的世界沒有道理 誰叫我是這麼的愛你

好鍾意好鍾意好鍾意.............................................任賢齊
好想再睇《夏日的麼麼茶》
好鍾意好鍾意 佢講唔正o既廣東話

會長又毫不客氣叫人買手信「算啦，隨緣。見到邊樣o個時醒起我，就o個樣啦」多謝晒~

阿爸話釣魚時見到有人放 d "魚完"魚落海放生，仲有巴西龜(我又想養隻呀)。阿爸話佢今日釣到隻巴西龜比左人，阿媽話 d 人可能會劏黎食.....會長：「唔食得個喎」阿媽就話喇，「等佢地游返巴西」-_- 係咪傻架？

我好懶呀，可能預左 B Law 無 B 啦。

>>May 8, 2005 at 3:48:27 PM GMT+8

2005 年 5 月 6 日 星期五 【晴】

Yo!

勁懶惰，溫溫下書拎左中七本 grad book 出黎睇，好好笑。記返起 Sonia 以前o既奇怪午餐，方包夾牛肉乾，或者方包夾消化餅，仲有方面夾炸兩...真係好好笑。雖然同佢一齊坐過一排，不過除左記得佢呢樣野就對佢無乜印象喇。全班每人都有一版介紹自己，(不過唔知點解唔係自己寫架，好似係 Maggie 定小蕊寫我o既)，可以放三張自己揀o既相，原來都有好幾個同學放同我o既合照架，真係開心喇。AC 阿 Sir 小馮寫比我地班o既野先好笑，問佢"對 7C 最難忘o既地方"，佢竟然答：「妳們沒有甚麼是難忘的。很多概念都學過很快便忘記了」(小馮o係上面堆相C5)

等我遲 d 整本電子版，Angelalization o既 grad book先。
新電腦好嘈

會長生平最怕識飛o既昆蟲，今晚臨訓見到隻甲蟲飛左黎電腦上面，電腦又o係正我張床隔離，我唔電死佢我又點訓得安樂呢？點知電極都未死，電電下個電蚊拍掂到個電腦，超大聲之餘仲有火花，嚇死我喇。電蚊拍實在係偉大發明！

訓呀訓，發夢見到 Edith 好返好多，我幾開心呀，我記得自己見到佢就淨係識係咁笑，差 d 喊添呀。原來只係發夢.....-_-....Edith 你快 d 好返啦，我地一齊去打排球

>>May 8, 2005 at 5:10:11 AM GMT+8

2005 年 5 月 5 日 星期四 【晴】

Helen 話我叻呀~佢本來想話阿 Tim 蠢架，佢唔好意思講出口之嘛，我知格

>>May 6, 2005 at 1:25:15 PM GMT+8

2005 年 5 月 4 日 星期三 【晴】

唔好鬧佢唔好鬧佢！話佢即係教精佢，唔好！好激氣，totally ignore 佢！自己買二百盒壽司坐o係佢面前食！不過唔比佢食！

無數日單身生活，回復自由身，完全無問題，經過趕 project o既日子，我發覺一個人都過得好好，你走啦，我會照顧自己。最多整完野食 開 web cam 比你睇下~
「我寄好多信比你塞爆你個信箱」
唔好呀
「咁我比 d 錢幫你整返個信箱啦」

>>May 5, 2005 at 11:21:44 AM GMT+8