2007 年 6 月 1 日 星期五 【晴】

番左一個星期工，已經覺得好 tense。雖然我需要做的，大部份都係手板見眼工夫，但係都有壓力，都要受氣。

另一樣辛苦的原因係要早起身，8 : 30 am 要番到公司。驚第 2 朝起唔到身，搞到我成日都訓得唔 lam。

我份人都係自閉果種，去到新環境唔鐘意主動同人打交道。同 d 同事都無兩句，成日做野的時候聽到佢地成班女人係度講笑，我自己就坐埋一邊靜靜地做野。

我記得我剛剛到加拿大的時候，如果唔係 Annie 主動同我講野，話唔定我到依家連一個朋友都無。我份人就係咁，又唔係話「不屑」同人打交道，又唔算十分怕醜，但總之就係無咁 ge 心去主動撩人講野。

今日一番去就不斷 make calls and 同上司匯報。搞掂就繼續打電話。

12 點 9 ，Kenn 黎接我去食野。去左食吉野家 ^^ 好多人 ar ~ 排隊排到出面。Babe 好錫我，我同佢搵左位先，settle down 後佢問我食咩，之後佢幫我排隊，唔使我熱。

arrange 番呢 2 日的 call record ，整成一個 report，交俾我上司 and 上司 ge 上司 ~ 由於我要用膊頭夾住個電話，條頸，膊頭都好痛 !!

5 點半，準時走人。因為實在太太太太太眼訓了 ! 去左 Kenn 屋企但又訓唔到，係度打 dairy ! haha!

同伊琳傾 MSN，好耐都無同佢傾過計 la^^

趁左 babe 未番屋企，落左去 welcome 買左 12 rolls tissue + 6 boxes tissue + 2 big bottles of drink ......本來以為自己一個人，兩隻手，會夠力行上 6 層樓梯。本來想俾個 surprise 俾佢，因為佢隻懶豬成日都唔記得買生活用品。但點知自己唔夠力，行得好慢，加上隻腳無喇喇抽筋，所以停左係樓梯果度等左好耐，等到隻腳唔再抽筋先敢慢慢行。最後 babe 番左屋企唔見我，所以打黎俾我，先知道我咁低能， stuck 左係 stairs 果度。佢落樓幫手拎野上屋企 ~

一邊睇溏心風暴，babe 一邊幫我按頭。個結局好無聊 law ~ 1 d 都唔緊張 >.<"

睇完之後再 hea 多陣就落街食野 ~ 去左太興果度食。唔知點解，我突然之間心情變得好差。我淨係覺得有好多野唔敢講出黎，又或者講左一半又吞番另一半，因為唔想令到 babe 唔開心。但我就好辛苦，我想繼續扮笑，但已經扮唔到。

結果食完野之後，番上屋企我就忍唔住喊。我都唔知道自己為左咩野而唔開心，淨係知道個心好痛。果種痛的感覺由個心，一路伸延至指尖。好似你將隻手放入熱水入面，抽出來再立刻放入冰水入面果種刺痛的麻痺感。babe 攬住我，問我咩野事。但今次我無講任何野，因為上一次我喊得好犀利的時候，佢都係叫我有咩同佢講。但 end up 佢係頂唔順我一輪咀咁講野，所以我今次一句都唔講。明知道佢份人無咩耐性，唔想煩住佢。迫自己收起 d 眼淚唔再喊，出左廳執番 d 野落個袋入面。babe 再一次攬住我的時候，我又喊‥‥‥如果我唔係趕住走，如果 babe 真係有耐性聽，我都好想可以唔使 gum住自己，尤自己不斷喊。但事實係唔容許我咁做。

babe 囉左一件佢ge衫，噴左佢平時用果隻armani香水係上面，之後放入我個袋俾我拎番屋企。

2 am ，開始行雷。babe 送我搭 N122，唔使點等車，好快就上左車。落左車之後想截 taxi 但偏偏架架都 cum 晒旗。等左 15mins 有多先有車。番到屋企打俾 babe 報平安，then 落妝沖涼。沖完涼打俾佢，佢已經訓左。雖然佢有聽我電話，亦都講左2 次話叫我同佢講到底發生咩野事，但我唔想阻住佢訓，所以收左線。

不斷喊，喊到唔知幾多點‥‥‥我將佢果件衫放係床邊，我望住件衫，係個心果度講左好多野。其實番工真係好累，而且差不多每日都 12 點幾先番到屋企，第 2 朝又要勁早起身。每次我同 babe 講話我想早 d 番屋企，佢又諗錯隔離，話我唔願意陪佢。我解釋過好幾次但佢都係咁諗，我只好幾累都陪佢。但我真係好想有幾日可以早 d 番屋企，可以番屋企無無聊聊咁做下自己野，睇下電視，上下網，整下相，打下日記。我同佢講我想有私人時間的時候，佢就話佢都犧牲左好多私人時間黎陪我。其實點解要咁辛苦 ? 我都無要求佢犧牲晒所有私人時間俾我。我唔想佢覺得我唔愛佢，唔想佢唔開心以為我唔願意陪佢，所以唯有唔出聲。仲有好多野，我都唔敢同佢講真話‥‥‥怕佢會諗多左，會唔開心。

用左好多張 tissue 之後，我估 5am 訓著左呱...?!

2007 年 5 月 31 日 星期四 【晴】

尋晚Kenn 嬲我掛住打日記唔同佢傾電話。我唔係唔著緊佢，不過打日記真係對我黎好重要，我唔打會唔安落。好在我醒目，係公司打好晒之後 copy n paste ^^ 因為公司開唔到 dairy 嫁 ~ block 左>.<



今日 10 點開始不斷打電話俾 Alumni ~ 好驚，因為有好多都係 English-speaking‥‥‥我個電話又唔知點解，我聽到人地把聲好清楚，但我就要講好大聲人地先聽到。有人懷疑過我唔係我間公司的 staff，亦都有人態度好差。我又唔係做 survey，只係問番 d personal information update番個 database 姐，唔使咁惡呱 ? 加上尋晚 4 點幾先訓，今日個頭痛到傻。俾 d alumni 咁惡同我講野，真係有 d d 炆。



11 點同 Mike 開會，我整份 survey 已經俾 Marita ( 我上司 ) 過目過，但係 Mike又改左好多野，所以聽日要 finalize 份野。



開完會繼續打電話。一路打，打到 lunch time，落左去 meet個 fd 食飯 ~ 和民超多人等 !! 可能因為個頭好痛，加上天氣又熱，都麻麻地想食野。遲左番公司，不過一次半次應該無人會話我 ge !



繼續打電話。5 pm 和我上司匯報番今日打左幾多個電話and 遇到的問題。



今日一共飲左 3 杯 coffee and 一杯 Hot chocolate…..我公司果部自動熱 / 凍飲機實在太好了 ! haha !不過我好快就上左咖啡癮~好似以前曾經都有一期係咁，幾經辛苦先戒左，依家又 pick up 番 ~ 鬼唔知 caffine唔好咩 ?! 不過都係忍唔住成日飲 !



係 tst 同 Brian 食飯，佢話我真係成熟左好多，而且因為心境好灰，所以個樣老左好多。相由心生，呢樣野我信的，但好多時身不由己。唉~ 無人會明。



食完飯傾完計都夜 lu ~所以無去搵男朋友，直接番左屋企。落完妝沖完涼就同 dad傾我強積金 ge 野，之後睇左陣洗冤錄，睇睇下 Kenn 打黎，咁就一路睇一路傾。Then Pui pui 打黎，我無辦法 multi-tasking，所以同 Pui 講遲 d先同佢傾。



未睇完洗冤錄就唔睇，因為太累了，個人不斷中前，完全唔知道自己個腦係度諗緊咩野。我好想打醒十二分精神同 Kenn 傾電話，但聽日又要早起身，所以 2 點未到就收左線去訓。Sorry, Kenn…..

>>June 7, 2007 at 2:28:36 AM GMT+8

2007 年 5 月 30 日 星期三 【晴】

由於今日準時起身，夠時間化全妝。8 : 20 去到，夠時間俾我係 7 仔買埋 sandwitch 先番工。

鼻水流少左，但一樣有咳，而且咳起黎有時都會有痰聲，所以都應該有排都未好得番。

食完早餐就食藥 ~ 本身我隔離個同事叫我搵另一個同事幫我手 set up 個 connection w/ printer。但我唔想麻煩人，而且我有的是時間，所以決定自己試下先算。最後我好成功地 set up 到 ~ haha !

之後 print 左番 hardcopy of 份 survey and e 左俾 manager。之後落去搵 manager 同佢傾，只係有少少更改。佢叫我改完就搵另一個 senior staff 傾。但咁 arm 今日果個 staff 去左 training，唔係 office。

我仲未 access 到個 database 住，所以有好多野我都做唔到。因為我的基本工作一定要用到個 database ge，所以唯有諗下有咩野可以做。最後整左個 survey ge report 骨架。Haha ~ survey 都未做就已經整到 report 喇，因為實在無其他野可以做到住。

Keep 住 send email 去有關部門果度同佢地講我仲未 access 到 database，同埋亦都有同 manager 解釋番我仲未做到野住。費事佢以為我偷懶 la…..

好彩 05 年係 Pricerite office 果度番過工，大概知道 formal 的 internal email 應該點 send。好簡單，例如要加 “ regards “ 係尾我都係果陣先知道。我仲有好多好多野要學!

11 點幾自己一個人落左 IT 部果度放低部 laptop 俾佢地裝 program，半個鐘後囉番。但又dl 唔到個 database，總之就麻煩 la ! 不過都無計嫁 la ~ 唯有等。。‧‧

Kenn 今日放假，本身話黎接我放工，一齊去 H & M 睇衫。點知佢臨時有野做，所以打黎同我講，有機會接唔到我放工。Nvm la ~ 做野要緊 ^^

我自己一個搭叮叮去 cwb，上左去佢屋企坐陣。之後等佢放工，佢問我仲想唔想行 H & M ，我話我累喇，唔想四圍去。佢以為我發佢脾氣，之後大家係條街果度企左係度，大家都唔出聲。

過左去 G2000 ladies 果度囉番上個星期買 ge 衫。之後番屋企 ~ 睇下電視 then 走 lu !

2007 年 5 月 29 日 星期二 【晴】

8 : 20 番到，寧願早都唔想遲。番到公司坐定先食早餐。食完早餐就食藥。



咳得好緊要，所以戴左 mask 番工。費事傳染到公司 d 同事，



部電腦仲未到，唯有睇住 d資料先。一邊睇就一邊飲叫工人煲 ge 紅蘿蔔竹蔗水， grandma 話呢 d 野有效 wor ~ 雖然我唔鐘意 carrot，不過都唔算太難飲，所以都照飲 la 。其實有時候，自己唔太喜歡，又或者自己跟本就唔信會有效 ge 野，但都要去做。係因為想某 d人會開心姐 ~ 突然間覺得「溏沁風暴」入面，大契肯飲果 d 咁難飲的藥，完全係為左令家人唔好太擔心呢個 case 有 d似。( 我一向都唔鐘意睇無線，因為我覺得 d 劇情係好無聊，成日情情塔塔，連我都可以做導演，所以唔會睇。但有時都會有一句半句對白係可取的 )



今日無出去食 lunch ~ 求其食 d snack 就算。2 pm Manager 叫我去開會，我好乖，有 make notes。不過現階段咩野都做唔到，因為無電腦 >.<””



4 pm ，終於有電腦 la !有同事帶我落 4 樓果度囉電腦，係部 fujistu 的 lifebook，重就唔係重，但好慢 law ……anyways，唔到我嫌三嫌四。拎番上 office，無人幫我 set up。我著住裙，但都要自己落手落腳 mou 上 mou 落插電插 and LAN 線。好彩我有少少常識姐 ^^ haha ( 其實呢 d咁簡單 ge 野，應該好多女仔都識 ge ~ )



5 pm manager 請飲野 ~ 我叫左杯仙蹤岩的「莫加點子」，熱 ge ~ 因為咳唔飲得凍野。不過熱野都好喇，因為有 d 甜，所以飲完都咳 ……



做野做到 5 : 45 pm ( OT 左 15 分鐘俾佢 ~ haha ) 整好左份 survey，但係 print 唔到出黎。因為唔知佢 preset 左果部 printer 到底係邊架 ( 因為公司有好幾層，每層都有 n 咁多部 printer ><) 另外，雖然 IT 果度 set up 左個 email a/c 俾我，但又唔知點解， attachment 呢個 function 又俾佢地 disable 左 ~ send 唔到 softcopy 俾 mamager。唯有 email Manager 話佢知我聽日先俾到佢。



放左工就搭叮叮去 cwb ~ 落車果度有人派擦擦卡。尋日囉左一張，result 係 $ 1 ~ haha !今日佢一派就派左 3 張俾我，有 2 張係 $ 1，有 1 張係 $ 2 ! ^^



係佢屋企坐陣，無咩野做。8 pm 鬆 d 落去 meet Kenn，佢一見到我就打左個突 ~ 我問佢，我係唔係著得好難睇，佢話估唔到我咁女人味 wo! 佢唔鐘意我 black & white 咁，佢覺得白恤衫，黑西褲的女人好似扮女強人咁。但我都接受到黑白嫁啵 ~ 雖然有 dd 唔太舒服，亦都無咁女人味，但我反而覺得咁樣令我自信多左 and 覺得自己好似 professional 左。雖然有冇料唔係睇外表，但外表俾到人 first impression ! 我估我會愈來愈喜歡著恤衫 ~ haha ! provided that 我有錢買 d 靚 d ge 恤衫………



去左大腳八食飯。可能今日都仲係唔係幾舒服，所以覺得大腳八 d野無以前咁好食。Babe 好細心咁問我有冇帶外套，怕戲院凍。我無帶ar ~但應該都唔會太凍，所以就無上佢屋企囉。



食完野，急急腳去 time square UA 睇加勒比海盜。我無睇過之前果 2 套，所以無得比較，亦都唔係太知前文後理。不過因為 Kenn想睇，所以我去陪佢。今次係我同佢拍左拖咁耐第 1 次睇戲 ~ haha 好值得紀念 ^^ 套戲一般 la，我一向都唔太喜歡睇太多電腦特技 ge 戲，有 d 位會悶，但都有 dd 笑位 and 緊張 ge 位 ~”~



差不多12 點的時候睇完。完場的時候，我問 Kenn 幾點，佢話未夠 12 點。之後我就話 :「雖然早過我預期，但我都想早 d 番屋企先，唔上去你屋企 la 」佢哦左一聲之後就無出聲。



送我搭 113 ~ 送車尾 ! 真係激氣 ~ 等成 15 mins 先有車。等車期間，佢無咩點出聲，無論我點樣撩佢講野佢都唔彩我。問佢係唔係累又唔答我。



番屋企的時候又遇到「小強」襲擊。一步一驚心的情況式的情況底下先番到屋企。一番到去就打俾佢但無人聽。



今日淨係化左小小眼妝，所以好快就落完妝。快手沖完涼就打俾 kenn，打俾佢又無人聽。以為佢太累訓左所以 send msg 俾佢，問佢做咩事唔出聲 ~ 係太累 / 擔心番工野 / 定係嬲左我。



之後佢 1 : 30 打黎話我頭先係完場之後講 ge 野佢覺得好 “un”耳。佢覺得我好似好唔願意陪佢，好趕住走咁樣；要我留底好似好辛苦我咁。我同佢解釋番，唔係唔願意陪佢，我都好想見到佢，只不過我每日要咁早番工，真係唔想留到咁夜。我病來病去都唔好，一來自己身體差，二來都可能係因為唔夠訓。我唔想爸爸成日囉我唔夠訓呢樣野黎「哦」我，亦都唔想佢因為咁而對 Kenn 有壞印象，我 dad 話過，如果 Kenn 係錫我的話，就唔會俾我咁夜訓 la ~ 我嘗試同 Kenn 解釋過我背後的原因但佢都好似仲係咁嬲。因為我個屋企電話「疾疾地」，佢聽得唔清楚，講到 2 點幾佢躁到 cut我線。我以為佢會同我講 sorry喇 ~點知等左 15 mins都無打黎 or send sms 同我道歉。我都懶得理佢，自己去訓。

>>May 31, 2007 at 2:32:06 AM GMT+8

2007 年 5 月 28 日 星期一 【晴】

6 : 45 am 起身食早餐 ~ 死喇 ! 尋晚個頭未乾就訓，起身的時候個頭好醜樣，點整都整唔好。為左唔好遲到，一於懶理。用 salt water "long" 完口，刷牙洗面，求其換衫化妝就出門口。

8 : 19 am 番到 ~ 唔知點解，見工的時候反而無今日咁緊張 ><"

有 HR 的同事 brief 左我之後，簽埋 contract 就同上司 Marita 打招呼。同事帶我去我的位之後，坐定左就去我上司，Marita 的房果度聽佢講解一下我的 duty 同埋令我 familiarize 番我個dept ge 野 ~ 仲俾左一大堆資料我睇。

第一日番工，10 點開會。呢個會得 4 個人 ( 計埋我 )。整個會都係用英文進行，因為我上司係外國人。

同埋我今日接到一個 shocking news !!! 我生日 ( 7 月 3 日 ) 果日，7 月4,5 and 30 要番 training !! 8 : 30 am ~ 5 : 30 pm ! wa haha ! 姐係唔便去夜蒲了 >< 唔緊要 la ~ 等 Kenn 生日 ( 7 月16日 )的時候先一次過玩盡佢 !

12 noon 有同事帶我去 AH 果度囉 staff card ~ 我張 staff card 無相 ge >.<"

lunch 同 Marita 食 ~ 去左 Mix 食 sandwitch ~ 真係唔明白點解一個 sandwitch 要 $ 36 咁貴 ~ 又唔係特別好食 ><" 12 : 30 出去，1 pm 左右就番到公司。



我個位係無電腦 ge。無電腦真係好唔方便，我的工作係好需要用電腦，所以唯有 draft 住 manager 叫我整的 survey 先。Draft 就完拎去俾佢睇，傾下有 d 咩野加減。雖然我無咩野做到，𦹲ㄦQ寫 d 野出黎，等上司唔會覺得我無做過野。



4 點又開會 ~ 第 1 日番工就開左 2 次會 !! 都幾驚人 ! 好多 senior ge 人，大概有 8 個人 ( 計埋我 )。而且 desk 上面仲有部電話，部電話係接通左上海果面 ge staff‥‥‥姐係 conference >.<” 我好想咳，但唔可以，因為成間房除左發緊言果個人之外，其他人都好靜；一嘈，電話果面 ge 人就聽唔到我地講咩，又咩或我地就聽唔到 speaker phone 的聲…..忍咳忍得好辛苦，係我上司講到我會幫手的時候，我都只係同在場的其他人點一點頭，微笑一下就算。因為真係講唔到野 >.< 而且我都有 d 驚，唔知講咩野好。不過真係好難得的機會，我從來都無諗過我會係一間大 firm 入面，係一個 2 星期舉行一次的例會上面，我會有份列席。



5 : 30 pm ~ 夠鐘就執野走。我覺得有 d 尷尬 law ~ 因為公司大部份人都仲好努力咁做緊野，淨係得我一個施施然咁走。



搭叮叮去 cwb ~ 本來想上 Kenn 果度抖抖。我上到去 5 樓的時候，佢先打黎話叫我陪佢食飯 !! 搞到我又氣來氣喘咁落番去搵佢。



去左澳門茶餐廳，同佢表哥一齊食野。佢叫我食 ¼ 豬扒包 then 食藥。佢有野做走先，留低我同佢表哥。我陪佢表哥行左一陣，之後我去 Zara 想買褲。果日試的時候都仲有嫁 ! 點知依家又無左 size 36…激氣 ! 不過 d 野就係咁嫁喇 ~



同佢表哥上左去 kenn 屋企先 ~ 8 點幾 Kenn 上左黎，抖一抖氣就落番去陪我去天一睇醫生。



我叫佢入埋去診證室陪我去睇，我又 ai 又西佢先肯陪我 >.< 醫生話我氣管敏感加感冒，好彩唔使打針咋 !! 佢開重藥俾我，會有 d 眼訓。唉 ~ 死喇，都唔知點番工 !



睇完醫生就上佢屋企，佢叫我上去先，佢買牛肚麵上黎俾我食。一路食一路睇電視 ~睇完電視之後，佢就拆開左個風筒黎整，因為做野的時候跌左落地壞壞地。整左好耐終於都整得番 ^^ 不過已經係 11 點幾，我差不多要走。傾左一陣就搭 113 走 lu~

>>May 31, 2007 at 2:31:39 AM GMT+8

2007 年 5 月 27 日 星期日 【晴】

2 點去左唐宮飲茶 ~

飲緊茶的時候，和記果度打黎話條數果度我唔需要俾晒全費，咁我依家 end up 要俾既錢係原來的 10 % ~ 算喇 ! 已經好好嫁喇 ~ 我都費事再嘈佢。

今日 d 野麻麻地 arm 食 ~ 所以番到屋企食左隻 banana, 一排 chocolate bar，仲有一盒愉快動物餅 !!!!

病左成三個幾 week 都未好番 ~ keep 住流鼻水 and 咳。好辛苦.......醫生成日叫我抖多 d，但無辦法，我每晚 2 am 先係 cwb 番屋企，番到屋企都 2 點幾。落埋妝沖埋涼都 3 點幾，傾陣電話點都要 4 am 先訓到。唉.......聽日第 1 日番工，點都要表現好 d!

Mix 左新的 wall paper ^^ 雖然太花 ~ 不過係我呢個月的 memories !!

同 Kenn 玩 webcam ^^ lol ~ 因為今日無出去搵佢，所以要見下面。但我屋企隻　ｗｉｒｅｌｅｓｓ　ｒｏｕｔｅｒ　麻麻地，所以成日斷線 ! 激死人 !! 之後又同媽咪 and 細佬玩 cam ~ 睇下佢地係加拿大過得好唔好 ^^

聽日番工，所以11 點幾去沖涼。12 點幾準備上床。同 babe 傾到 1 點就訓 ~

>>May 31, 2007 at 2:31:13 AM GMT+8

2007 年 5 月 26 日 星期六 【晴】

 Today's look

5 pm 去到 cwb 諗住整甲，但唔記得 book 所以無得整 ><"

babe 又爆緊工，唔得閒見我住。我自己一條友行 Zara，試左 n 咁多套衫

白色金線直間恤衫 $ 319

黑色直腳西褲 $ 199 ( size 36 )

啡色直間恤衫 $ 499

黑色絹面西褲褸 $ 1299 ( Limited edition )

我覺得太長，唔鐘意。著到個人好矮 ><"

黑色西裝褸 $ 899

黑色金線直間恤衫 $ 319

好鐘意呢件，但覺得有 d 貴，而且 M size 唔 arm 袖長，L size 腰位又闊得過份 ! 圖中係 L size

啡色直腳絹面 $ 149

平就平 la ~ 但係好焗身，而且都唔知點襯好，所以無買到

黑色直腳西褲 ( size 34 )

我唔知買 size 34 or 36 好 ~ 34 就真係緊，坐底會 cool 住個肚腩；36 個 hip位後面睇會鬆。

最後 end up 一個 item 都無買 ! haha ~

試完衫係 time square 下面有隊 band 唱 d musical ge 歌 ~ 好好聽 ! 雖然企係大電視下面好熱，而且我著住 high heels 都有 d 累，但我都企左成個鐘係度聽。

聽完都仲未等到 babe 放工，所以就上左去佢屋企坐下。

babe 買左豆腐花上黎俾我食 ~ suprise !! keke ~ babe 係好錫我 ge ^^

我唔 hungry，所以無落街食 dinner。babe 係屋企自己煮公仔麵 and 水餃。我麻麻地水餃 ge ~ 但見係 babe 煮所以就食左 5 粒 ^^

食完野係屋企睇 Batman ~ 睇到 11 點幾。之後 hup 著左，我醒番的時候係 1 點幾，我即刻叫醒 babe 話我要走。佢突間俾我整醒，個人好躁底，係度發脾氣，唔出聲。

番到屋企我整好晒野之後，臨訓前打俾佢。佢同我講 sorry，話唔應該發我脾氣 ~ haha ~ 算你 la !!

2007 年 5 月 25 日 星期五 【晴】

went to open a bank a/c, I don't know why I have to wait so so so long law ><" there's only 2 counters, crazy !!

Afterwards, I took MTR to cwb, babe had lunch already, so I ordered a McDonald for myself. But babe was tempted by me and ate some chicken mclugut ~ haha

Watched TV together, and I found out that my phone bill was crazy expensive !! I was cheated by the guy in the shop, who told me that I had 2 months free access to the internet. It was a long story, n I am not gonna explain the whole thing here; but it was not my fault !! Babe talked to the sales rep through the phone. Hopefully, I won't have to pay the crazy amount !

Babe gave me his key. I was so happy that he treated me as one of his family member ~ haha ! I really wanna thank him for trusting me!

2007 年 5 月 24 日 星期四 【晴】

係屋企食完飯趕去 cwb 搵 babe ~ 但因為俾我 grandma 拉住，所以搞到我遲左。babe 今日放 8 點，但佢早走左，咁我 8 : 19 去到 cwb 但佢已經番左屋企。

今日對 high heels 第 1 次著 ~ 我想挑戰自己，差不多 4 吋 !! 但事實證明左我係唔得 ga law ~ 我行左少少路就已經痛到想死，隻腳損左 n 咁多度 !! 我個銀包 only 得番一塊膠布，babe 銀包都有一塊，另外係翠華果度問佢囉左一塊。但都仲有幾處傷口無癡到膠布。我去左翠華等佢，食完野就去左 IT 行一陣，想搵番工衫 ( 好 formal 果隻 ~ ) 。但 d 野好貴 ~ 去左 Jordano 睇，都好貴。

最後係 G2000 ladies, bought a suit and pants $ 790 including adjustment. 唉 ~ 買衫真係好難，又吊袖，又吊褲腳，仲要個脾位 and hip 位闊到咩咁 >.<" 唉 ~ 本來想買埋恤衫，但因為全部都吊袖吊得好誇張，所以無買到。

食緊野的時候，我同 babe 講，我話我比較鐘意個頭整齊 d。但佢覺得我係度質疑緊佢的 professional，所以唔開心。其實我唔係話佢整得唔好，只係我的 personal 喜好，我睇野同佢睇野唔一樣野。某程度上，我覺得自己少左自主權；經過今次之後，我更加唔敢將自己心入面諗 ge 野同佢講。我講出黎，只係想佢知道我的睇法，我無諗過要迫佢接受。但佢的反應太大了，咁我都明 ge ~ 佢做呢行，我唔應該講關於呢樣 ge 野。搞到大家都唔開心 ~ 我點 tum 佢都無用。

babe 買左 ge 衫

如果用錢買到快樂的話

我會盡我的能力去換快樂給你

無論我洗幾多錢，我都唔會覺得快樂。但如果錢對你黎講可以的話，我寧願自己用少 d 來換取你的快樂。

2007 年 5 月 23 日 星期三 【晴】

星期三，babe 放假。11 am 我出到去旺角新世紀，今日搵左 Siky 做 model ~ 尋晚訓得唔好，所以我係 salon 果度訓 ><" 剪到 1 : 30 pm，babe 同我一齊搭 Taxi 番屋企食 salad ^^

食完野搭 113 去 CWB，行左去灣仔買拖鞋送俾我工人 ~ 之後買左隻 Wireless router。經過麥當當，我話想食 ice-cream ~ 雖然已經行過左，但 babe 即刻拖我番轉頭，我地 2 個 share 杯 Mc Furry ^^ cookies & cream 味 ! 正 !

babe 話去唱 k，其實我唔係太想去，因為我依家把聲完全唱唔到歌。但 babe 由我未番 hk 的時候已經開始話想一齊 2 個人唱 k ，我唔想一拖再拖，我都唔知道自己把聲幾時會好番，所以陪佢去唱。

kaka 我張學生證仲未過期，我出示學生證會有 9 折。個reception 勁唔信我係學生law ~haha ，佢將我張證睇完又睇。由 4 : 20 唱到 6 : 40  ~之後佢上一上屋企放低個袋就搭 MTR 過西灣河搵佢 grandpa 食野。

食完野就搭小巴番 cwb ~ babe 累累地，所以番左屋企睇電視。一路睇電視，我就訓係度俾佢幫我按頭。按完真係唔頭痛，好神奇 !

我搭 N122 轉 taxi ~ 係巴士上面，babe 全程同我傾住電話 ^^ 到我上左 taxi 先收線 ~"~

番到屋企已經係 2 : 40 am 了，我掛住係度整個 router ~ 但因為 dad 想睇波的關係，所以我整唔到住。沖埋個涼已經係 3 : 40 am，打俾 babe。今晚傾左好耐，傾左 1 個鐘 ~"~ 我同佢坦白咁講左 d 好尷尬 ge 野，而 babe 都係 ! 好開心，第一次同男朋友 share 關於果方面 ge 事 ~ babe 病病，我唔應該搞到佢咁夜訓 ><" 4 : 40 am 收左線之後，我諗多陣野都訓左。