2007 年 7 月 1 日 星期日 【晴】

59 days left

預早興祝生日

兩點先起身，起左身之後，成個 afternoon 匿埋係屋企打日記。

個樣好殘，化了妝都好殘。我根本就無心情‥‥由出門口到去到 Salon，我全程都係黑面的。

洗左一次頭，babe 吹到半乾的時候覺得 lup，叫人再洗過。再吹乾都仲係 lup，唔知咩野事‥‥‥lup 到 babe 完全 styling 唔到。佢問我落左 d 咩野落個頭度，我話咩野都無落過。自從尋日係 salon 洗完頭吹完之後，我無掂過。

babe 拎左同事果部 NDS 借我玩 ~ 費事我悶。但係吹吹下，因為個頭好 lup，lup到佢都搞唔掂，佢就發我脾氣話我掛住打機。咁我即刻 turn off 左部機，但佢都繼續發脾氣話我個頭好難搞。佢語氣好差咁問我：「個頭咁樣，點算ar?」

今日係我生日 party，我尋晚同佢已經嘈交，今日無俾面色佢睇已經好好嫁 la ~ 仲要發我脾氣。個頭係我 ge ~ 你估我唔開心 d 定你唔開心 d? 但事實係咁，都無辦法嫁 ! 我都好擔心陣間影相會好難睇，我未發脾氣時，佢竟然發我脾氣 ! 我真係唔開心到想走左去。

最後無辦法之後，個頂救唔到，唯有 set 番個尾。

經過佢屋企樓下，佢話上去擺底 d 野，叫我係 7仔等佢。好快佢又去 7 仔，問我想唔想依家收左份禮物先。我話我想佢拎埋去食飯，咁到時我 d fd 送禮物俾我的時候，我又可以收埋佢果份，拎住黎影相。但我見佢好似想放低個袋係屋企，所以我咪話：「算喇，唔緊要既‥‥‥還掂我都知道係咩野黎，今晚先送囉」我地又差 d 因為咁而嘈交。

搭地鐵去到九龍塘又一城，遲左 10 mins ~ 其實唔算多 ga la....>.<" 佢地 6 個人好準時係 COVA 等我。一開始有少少唔識點樣 start up ~ 但慢慢都總算 ok。不過人多，而且坐長台的時候，通常都會出現一個問題，就係分開幾 group ，各自傾計。我身為主人家，我都有努力咁搵話題 and 同 d 坐得遠 d ge 傾計。但我覺得自己真係好似外人咁，佢地講 ge 野，我只係聽得明一成都唔知有無。還記得上年生日，雖然只係 house party，但係好 warm，大家好多野講；傾好多心事，秘密。

d 野食睇落去好似款式唔多，不過好在佢都有出新野。食左 3 , 4 個 round，飽晒 ! 佢仲要送一杯 free 的 fresh juice and hazel nut ice-cream。

食完野之後就狂影相 ~ 影即影即有 ( 好似上年咁 )

我眨緊眼的時候影左　＞．＜”

　大合照！用即影即有都影到７個女仔，真係勁！( Kenn 影嫁 )

大豐收 !!

Maggie 提早送的生日禮物

Queenie 送 ge ~ 我未試，但一直都想買黎試下 ^^ thanks !

彤彤送 ge ~ 淺色，唔怕油出界，番工都用得 ! good !             Nana and 匡婷送 ge，好 arm 用 ar !! 特別係加拿大的時候 ~^^

Kenn 送的 ~ 雖然我一早都知道係 d 咩野，因為我同佢一齊去揀 ge ^^ 不過都好喜歡 ! 實在太 arm 身了 !

e琳的 b-day card ! 入面有張狗狗 sticker ~ thx ~ 一切盡力不言中

靚靚 piano card from Queenie ( 仲有台灣手信 from 彤彤 and Queenie ) 靚靚 card from Nana and 匡婷 !

2007 年 6 月 30 日 星期六 【晴】

60 days left

唔開心，自己一個人係旺角遊蕩 ~ 一個人，唔需要對住任何人，唔需要擺門；買野的時候，有 sales 讚我高，讚我廋，感覺真好......

買左可樂糖俾佢，又買左把實淨 d ge 縮骨遮 ~ 就算我嬲緊佢都好，我都係關心佢，連行街都諗住佢‥‥‥

8 點去左 salon，佢幫我試下聽日整咩野頭好 ^^

食左隻 chinese dumpling ~ 我睇火，佢就落左街搵大表哥 and 買通菜 ~

babe 幫我剪手甲的時候剪親我，正常反應緊係縮嫁喇。我痛左一陣之後都即刻同佢講番，唔緊要 la ~ 點知佢話我黑面，自己走左入房。

我好眼訓，我酒完左手二個 layer 之後，佢幫我油右手，我話佢知要油兩個 layer；之後我訓著左，佢無喇喇係我隻左手酒多左層，咁我就話俾佢知已經油左 ga la ~ 佢覺得我發佢脾氣，又嬲到擰轉身背對住我。成晚就係咁樣冷戰‥‥‥

送我搭 N122 的時候又嘈交了 ~ 係車站果度嘈，上車的時候無 goodbye kiss ~ 我氣到上心口，加上拎住一袋二袋，就係咁係 bus 上面 ge 樓梯上面仆親。

番到屋企係電話果度繼續嘈，

我希望搵個平衡點；

但佢話，呢件事上面係無平衡點，佢又反問我，如果有的話，應該係點。

咁我話，如果一早預知佢地會出現，我就唔落去食飯。我自己一個人係屋企等 or 我番我自己屋企。

佢話呢個只係一個好 minor 的問題，咁都要佢安排的話，好辛苦佢。佢番工辛苦，我咁樣姐係迫死佢。

既然佢講到咁，我咪話「好喇好喇，就晒你喇，照番好似以前咁，你要我見你表哥就見。」

我想俾個下台階大家，我唔想再嘈，我亦都想試下去接受佢表哥。但佢無接受到我的道歉，繼續話我‥‥‥

我同佢講，我需要人地 tum ~ 就算你想同我講道理，講一 d 我唔喜歡聽的說話，可唔可以 tum 住黎講? 就算真係唔可以，有 d 野真係要兜口兜面插我的話，都可唔可以講完 tum 番 ~ tum 完就唔好再鬧我。

佢話佢唔會咁做，因為佢唔當我係細路仔；

我話，咁我寧願你當我係細路仔

之後佢話佢唔會要一個細路仔做佢女朋友

咁我就話，你依家姐係用分手黎威脅我？無論我幾唔開心，幾嬲你都好，我都從來唔會用分手黎威脅你。因為我記得，一開始的時候，你就同我講過，唔好用分手威脅你；而且一講左出口就收唔番。但依家，你自己咪又係咁樣？

番到屋企 2: 50 分，我繼續同佢傾。佢到 3 點幾我嬲到收線。我以為佢會打番黎，tum 番我。點知我等到 5 點都無電話，我嬲得濟打去嘈醒佢，我要佢同我講 sorry。初頭佢發晒脾氣，但無喇喇 180 度轉變，用 d 好帶骨 ge 語氣咁同我講 sorry ~ 佢講 sorry 講得佢咁悔氣，不如唔好講 la ! 我只會更加嬲 ! 天光了，我都費事同佢講，我話收線。

自從星期二佢好惡咁鬧完我之後，我就好驚佢；

我地的感情，日後有冇機會回到以前咁樣？

點解佢唔可以體諒下我，我聽日就係生日 party 了，我完全無心情諗聽日的事。我淨係知道我落唔到啖氣......

2007 年 6 月 29 日 星期五 【晴】

61 days left

大獲 ! 今日訓過龍，唔知點解，明明 set 左 alarm，工人亦都入黎叫左 2 次，我都完全無記憶 ! 10 am dad 入黎問我係唔係病左我先嚇到彈起左。

2 pm 番公司 ~ 交左份 report 俾上司。

夜晚去左食台灣麵 ~ 一般 la ~ 不過果個花枝丸就幾好食 ^^

我話想食 Mcdonald 的 chocolate sunday ~ babe 就買俾我食 ^^ 肥死了 !

2007 年 6 月 28 日 星期四 【晴】

62 days left

我無 mug hang over，尋晚飲左酒反而仲訓得好 !

放左工，去 salon，babe 幫我按頭。babe 第一次好認真咁幫我洗頭 and 按頭 ( 係 salon 入面 ) ~ 舒服死了 ! 而且個感覺好幸福，咁佢係師父，都做 d juinor 做 ge 野 ^^

其實尋晚本來打算飲完酒去佢屋企，但太夜無去到。結果我漏左好多野係佢屋企，今日去囉番 ~

今日總算係這個星期入面，算叫做停左無嘈交的一日。

2007 年 6 月 27 日 星期三 【晴】

63 days left

2 more weeks to go for our 11 months anniversary

工人叫醒我食早餐，之後化妝換衫。

番到公司好準時，又係做做做 ~ 無咩特別。

心情好差，因為佢無為過尋晚既事道歉。我有錯，但唔通佢就完全 arm 晒? 呢啖氣我點都吞唔落！我不斷去諗佢以前點為我好，點錫我，但我依然係嬲到上心口 !

佢黎接我放工，又係黑面唔出聲。去左 landmark 入面睇一睇化妝品，好快就走左因為我知道佢無心情。我 tum 番佢，主動撩佢講野，但其實我心情都唔見得好得去邊，只不過我唔想將我同佢有限的見面時間花係嘈交上面。

係 mcdonald 買左個麥香雞食，因為今日無食 lunch。之後繼續無野講‥‥

佢表哥叫佢落去附近陪佢買錶，咁我唯有跟埋落去。係 starbuket 坐左陣，

搭小巴去中環 FEVAR。

join 佢班 fd ~ 之後一齊上去，我地有 free entrence and 一支 free vodka ~

飲到 1 點幾我就搭 taxi 走 ~ 我醉都無醉過，但 babe 就有少少醉。babe 叫我唔好為左 harn 果少少錢而搭 taxi 係附近落，佢 insist 要我搭到去屋企樓下。

2007 年 6 月 26 日 星期二 【晴】

64 days left

太太太累了。由尋晚 2 點幾，一訓訓到今朝 8 點 ! 我工人又唔知點解唔叫我起身嫁啵‥‥‥雖然我都知道唔應該將個責任擺係佢身上面。

8 : 15 跳上 bus ~ 係車上面見到 Edmond ~ 哈哈 ! funny ! 我今日 wear eyeglass 個醜樣俾佢見到添.....轉搭 MTR。

番到公司好彩都只係遲 10 mins ~

放左工去搵 babe ~ 原本話今晚去游水 ge，點知佢有尾工，所以無去到。我係佢屋企訓覺，等佢放工。

放左工話陪佢表哥去 time square 13/f 睇特賣場，再去睇錶。點知果間錶舖已經 close 左 ~ 所以就去太興食野。差不多食完的時候，佢大表哥黎左，坐低食野。其實我對 cons 令到我對眼好辛苦，冷氣又凍，我又唔夠訓；加上佢地三個男人係度講錶，我完全唔知佢地講緊咩野，好想訓覺但有其他人係度又唔方便俾個眼訓樣俾人睇‥‥‥我最後忍唔住話出去 gum 錢，目的係想行一行，個人無咁凍 and 清醒番少少。點知去到ATM果度又用錯機，放左張卡落存錢 ge 機果度 >.<" 諗住行番入太興的時候，babe 係街撞到個我未見過 ge fd。我因為某 d 原因，所以轉身就即刻走左。行過左轉角位，babe 追到黎，佢第一句就鬧我，話呢度係街黎嫁，可唔可以唔好係度嘈。我跟本就無同佢嘈，我只係走左去；係佢自己係條街果度捉住我黎鬧‥‥‥我地第一次係街果度嘈交，其實我都無出過聲，我聽完就走。

我 12 點番到屋企，佢就12 點半佢食完野之後上左屋企。我落去開門俾佢，大家無講野。我趕時間走，所以叫佢唔使送我落去；但佢捉住我，叫我等埋佢換衫。之後佢又鬧我‥‥到佢講到呢句「我真係唔理解你的想法」的時候，我忍唔住喊左出黎；佢想攬住我的時候我推開左佢，我覺得佢好恐怖，惡起上黎可以咁大聲話我，完全無諗過我感受。我解釋俾佢聽我點解要咁做，佢無體諒過，淨係識得企係佢自己的角度出發。我都有同佢講 sorry，我知道我無喇喇走左去，會令到佢係佢 d 朋友面前無面。但佢呢？如果唔係我喊，佢都唔會同我講 sorry。我好唔鐘意，亦都唔想，用眼淚做武器。

送我搭車的時候，佢又話過我。雖然佢唔係大聲咁話我，但咪又係一樣無體諒過我。我同佢講，一個兩全其美的方法係，以後佢表哥出現的時候，我都唔出現。我唔會阻止佢見佢表哥，因為我知道人地三個既感情好好，好似親兄弟咁樣；有咩事唔開心，佢都會同佢地傾 instead of 我。我知道我係女人，無辦法明白男人的心事；有ｄ野始終都係男人同男人講先 arm 咀形。所以我完全唔介意佢重視佢兩個表哥多過我；我唔係話有佢地就無我，我只係要求唔需要見到佢地姐......

送我搭 113 ~ 上車的時候無 good bye kiss ~ 上左車之後，佢即刻 call 黎，我以為佢同我講 sorry la ~ 點知佢係話，坐我隔離果條友精神有 d 問題，叫我坐開 d。番到屋企我地依然係無野講，佢話佢好躁底，唔想講，咁我話第日先傾。佢就叫我有咩就講完佢，咁我話佢知我唔鐘意要我喊的時候先講 d 假 ge 說話黎 tum 我。

2007 年 6 月 25 日 星期一 【晴】

65 days left

又一個新的星期，時間過得好快好快。我每日都覺得我係 hk 的日子無乜幾多日。

食左 2 個 egg tart 做 breakfast。On the way 番工的時候，打電話去叫醒 babe 游水。

上畫的時間都唔算過得太慢，我仲係度整理緊 d records…..

Lunch 係公司，無咩特別野做。食左隻 banana 又一日。

放左工去 tst join Katy，佢想借我張 Miss sixty card 買野 ~ lol ~ 我又係度試試試衫 ^^

番到屋企抖左一陣，babe就過到黎。我落街接佢，見到一幕情侶嘈交ge場面。

因為佢個客遲左黎，又等唔到 bus，所以遲左 25 mins~ 不過唔緊要喇！我明白做野要緊，而且好多野都唔係佢控制範圍之內，佢已經 tried his best to make it on time !

由於今日 lunch 無食野，所以好肚餓，但食食下又無胃口‥‥條魚麻麻地 >.<” 所以無咩點食，淨係食 chicken 同埋 veggie。

食完飯就睇雪山飛狐。我無追開所以唔知乜頭乜路，之前小五睇過書，但已經忘記得七七八八。Babe 見我今日成日都無咩表情，估到我好頭痛，所以就係廳 ge sofa 上面幫我按頭。按按下 dad 番屋企，費事咁親暱俾佢話我地，所以坐番起身 ~

按完頭之後舒服好多，好想訓‥‥‥尋晚好似無訓過咁，所以好累。一路睇電視就一路 hup ~ 我連講野都無心機，成晚無咩點講過野。

坐到 10 點 45 分 ~ 我送 Kenn babe 去搭車。全日最精彩 ge 時候就係呢個時候 la。去到搭車果，有隻好鬼死大隻 ge 小強，從後偷襲我。我當然睇佢唔到，但因為 babe 面對面咁攬住我，所以佢見到但已經太遲了，隻小強停左係我背脊度。Babe 又睇唔到佢 exactly 停左係邊，所以只可以好大力咁搖我。佢搖第一下的時候我以為佢同我玩下，點知佢咁大力不斷搖我都心知不妙。佢當時只係同我講，話見佢想飛埋黎所以搖我；但我行到番屋企的時候，佢打黎話我知，其實隻野係停左係我身上，只不過怕我聽完之後太驚，所以等我番左屋企先話我知。Babe 又擔心我不斷餵蚊 ( 因為我企左 5 mins 已經有 2 dark 蚊咬 )，所以佢就叫我快 d 番屋企 ~ 唔使陪佢等，but at that time 架 113 已經到 ^^

Babe 的大表哥 sponsors 佢買把交剪，作為 babe 的生日禮物。Babe 開心到死 ^^

我 12 : 23 am 搞掂晒所有野諗住訓，打俾 babe 但佢同 ar 寶傾緊電話。一等就等到 1 : 14 am‥‥‥by the meantime，我就update 下日記 and post 相。等埋佢刷牙洗面除 cons 已經係1 : 38 am ~ 傾左一陣我完全唔知道自己講緊咩，因為我 d 頭痛又番黎搵我，我訓上床已經傾唔到。雖然我知道 babe 今晚係想同我講佢呢排好掛住我 and 開始為左我 8 月尾的離開而唔捨得。我聽左一陣已經頂唔順要訓了 ~ 大概 2 點收線，一收左線我就昏迷左。。‧‧

2007 年 6 月 24 日 星期日 【晴】

66 days left

食完 lunch 就過 cwb 搵 babe ~ 本身諗住去的時候， babe 又話去 swim wor ~ 咁我就唯有係 mk 番屋企囉 swim suit 先搭 113 去搵佢。今日鬼死咁塞車，架車行一步停一步， chock 到 >.<"

由於勁晒 ge 關係，所以我戴左超出街 ~ 我好鐘意我用緊果副 armani，亦都想買多副比我依家呢副更加深色 ge ~ 不過果次去睇太陽眼鏡 ge 時候，我試左我鐘意果類鏡，babe 話我似盲人 law ><" 所以都係算 la .....

去到 cwb，但 babe 忙緊，所以我就係佢屋企坐下先 ~ 買左 2 支野飲上去，因為佢屋企多數都無野飲。

係 babe 屋企好悶，所以好辛苦咁 download 左個 crack 左 ge Photoshop 7.0.1 ~ 由於我用唔慣 CS2，所以我一直都堅持用番 old version ! 而且 photoshop 7.0 又比起 cs2 無咁食位，所以我寧願用 7.0。

7 點半落街行去 Miss Sixty make 左個 payment，我買左 3 個 items。babe 送左件黑色恤衫俾我，the rest 就我自己俾 ~ lol ~ 佢會留番係我生日 party 果日，當住 d fd 面送俾我 ^^ 而另外果 2 個 items 就我今日拎左番屋企先。

之後去左 KFC 食野，但 babe 今日心情不是太好。我同佢講好似用 HSBC 有 9 折 wor ~ then 佢話番我轉頭，話唔好為左 d 少少野咁麻煩。我差 d 想喊出黎，但我知道佢今日心情麻麻，所以我無出聲，還乖乖地咁微笑，唔想佢知道我有野。但我 ge 眼淚出賣左我，佢摸摸我隻手問我咩野事。

食完野，我地經過馬會買左 2 注六合彩。haha ~ 今期有$ 5,000,000 多寶獎金，希望中 la ^^

有樣野，雖然係之前既事，但真係好想記低。

有一晚，Kenn 想專心聽我講唔開心既野。我眼濕濕，但又未喊得出，佢就拎定張 box tissue，將佢對摺再對摺，摺成一個小正方形，然後放係 pillow 上面。

我之前同佢講過，我平時自己係屋企，要喊到累先訓到。但又唔想用手 hold 住 tissue，所以會咁樣做。

估唔到佢記得 ~ and 佢幫我摺好 and place 好張 tissue 之後，佢講左句：係唔係好熟悉呢?

佢係想我 feel comfortable and secure ~ then i can totally let all my grief out

2007 年 6 月 23 日 星期六 【晴】

67 days left

set 了鬧鐘 10 點起身，起左再訓番， 11 點半先知醒。

快快手化左妝就搭 taxi 出去搵 Maggie, Queenie, pui pui。哈哈 ! 好彩我都唔係最遲果個，pui pui 仲遲過我 ~ lol 。

食左個 double fish o'lie ~ 其實同普通的無分別

食完野就過 cwb 搵 babe ~ 陪佢去 boun 2 果度食野。又食 ~ 肥死 lu !

之後我地去行街街，去左 Miss sixty 睇野 ! 雖然聽日先係 private sale，但我費事聽日去同人迫，所以今日睇左先 ~ 睇 arm 左一條裙，一件背心 and 一件短袖恤衫 ! up to 50 % off ，but most items are 30 ~ 40 % off !~ 都唔錯 la ^^

睇完野抖陣 ~ babe 就番公司，我就係佢屋企等 ~ 佢 8 pm 去左上堂，我就繼續等。

係佢屋企等佢的時候，無喇喇流鼻血。我趕唔切囉 tissue 就不斷 drip ....

等到 11 點佢番 cwb ~ 落左街去南記食米線。我食左碗牛展米線，d 野幾好味但味精都幾重 ~ babe 俾左一塊浸過辣汁 ge 肉俾我。我已經用唔辣 ge 水沖左好耐，但點知食落口都係辣到半死 >.<" babe 即刻 say sorry ~ lol 其實都唔關佢事 ge ~

食完野番上屋企，佢幫我按頭 ~ 好舒服 le ~ 舒服到我訓左陣。佢就係出面睇火影忍者。之後到我幫佢按摩 and 修眉。勁驚整痛佢 >.<"

2 點半就搭 N車走 ~ 點知我係車上面 hup 著左，過左站 !!! 好彩係過左一個站咋 ~"~

2007 年 6 月 22 日 星期五 【晴】

大名： ~
電郵： [email protected]
說： 其實我都睇左你個日記一段時間架..哈哈~~睇你日記...學到..好多英文~因為有時有d英文唔明~我又想知你講咩~我就去查下~哈哈
其實我覺得你好靚~好叻~~我相信你既前途一定好好....你第時一定好成功架~^^

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

傻喇～我ｄ英文一 d 都唔好！我成日都串錯字！而且我識ｇｅ生字都好有限，用來用去都係果幾個。
前途既野，唔係我肯努力就得嫁‥‥‥除左努左之外，都講際遇ａｎｄ運氣～
anyways，thanks for your kind words!

_____________________________________________________________________________________________________________

68 days left