2007 年 7 月 31 日 星期二 【晴】

29 days left

2007 年 7 月 30 日 星期一 【晴】

30 days left

Dad 正日生日

Kenn 來我家吃晚飯，今晚又有好多野食 ~ 飽死左 @@

2007 年 7 月 29 日 星期日 【晴】

31 days left

尋日無搵 Kenn，所以今日4點幾過左去 cwb 。去 Welcome 買左 d 梳打餅 and juice 上佢屋企。

抖左抖就去行街，今日主要目標係想買幾件長袖衫，but 我一見到 d 短袖衫就好興奮咁試 >.<"

Kenn 叫我去 JP 買變形金剛 ge 飛，果度 only 有 7 點 25 and 10 點 05 場，咁 113 最後一班車係 12 點半 ( 仲要有時會唔知點解早左 ) 所以我唔係太想買 10 點果場，但佢又唔會放 7 點咁早。所以我就打個電話俾 Kenn 問清楚佢先，我同佢解釋這個問題，然之後話想去第二間戲院睇下 d 時間會唔會好 d ，but 佢好想係 JP 睇，佢話個 screen 大 d wor ~ 之後佢仲話「唔係就我一日半日，唔搭 113 都唔得 ar?」其實唔係唔得，只係我星期三要番工，而且唔搭 113 而搭 n 車轉 taxi 的話會貴多 $ 20。如果佢好聲好氣的話，我都會就佢， but 佢語氣好差，我嬲到唔想同佢講野。

自己一個人繼續行百德新街，本來已經無咩心情 (因為搵唔到自己喜歡的長袖衫 ) 加上同佢嘈一嘈交之後，更加唔想行街。我無食到 lunch，隻腳又因為著 high heels 所以好累，想坐低食野。但已經 6 點幾，我知佢今日放 8 點，雖然未必準時 but 唔敢食野住。

最後一件衫都無買到。

佢 7 點幾打黎問我係邊，我話係名店廊。佢話過黎搵我，等左 10 mins 唔見人，咁我行出 d 去番 sogo 門口，又等左好耐都唔見人。我勁躁底，最後去左 Watson  meet 佢。我一直無笑過，因為我真係好嬲佢，而佢又無講任何野 tum 我。

係 Time square 果間 UA 問，9 點 40 有場，咁就買左飛。

佢問我想食咩，我話大家樂 law ~ 去到發現勁多人，咁佢話想食日本野，但呢排天氣太熱，我腸胃又唔好，所以就話食拉麵好 la ，唔好食生冷野。我知道佢會覺得我份人太 picky，但呢 d 真係由細到大的觀念。dad 唔準我係街飲凍野，因為 d 冷的製造過程好 dirty；雖然所有係街食 ge 野都係唔 clean，不過煮熱左還好 d ，凍野就真係唔好 la。或者係好多人眼中，覺得我份人好麻煩，但我覺得 hygine 真係好緊要 ! 係街果度唔准捽眼，番到屋企要即刻洗手，呢 d 都係我由細到大養成的習慣。聽落雖然係好麻煩，但我覺得我 ge 習慣唔影響到人就 ok ~

去到北海道拉麵，因為門口好窄，d人又出出入入，開門閂門，babe 就攬住我。之後坐低左食野的時候，大家好心有靈犀，呢一刻我先笑番。

呢碗我叫 ge ~ 牛油 corn ! 豬骨湯底好味到爆 !

babe 對個廚房好有興趣 ~

食左好多野，飽到上心口 le >.<"

babe 知我想買 cap 帽，佢帶左我去一間專賣帽的 store。but 其實我無預咁貴買頂帽 ga，so 無買到。

之後去食 ice-cream ~ $ 72 果杯意大利風情 ( 唔記得個名 la ~ 類似 la...) share 黎食都好好好好飽 !

食完野番屋企，佢見有時間就叫我落妝沖涼先。之後仲幫我抹乾個頭 ~ but 佢有 50 % 的專心放左係睇老鼠愛上貓 law ><"

送我搭 113 ~ 番到屋企快快手執個袋 prepare for tomorrow，點知介親手。

佢睇拳霸，睇到 3點先俾電話我。本來佢叫我係佢屋企沖涼洗頭係想我早 d訓，我好 appreciate，but end up 咪又係夜訓收場。
佢話「咁有時都想睇下戲 ~ 」
我話「 ok ~ 我明白。等如我都想放工番自己屋企 hea 下，有番 d 私人時間」
佢話「咁我都係想見你耐 d 姐，黎緊 8 月你反而要有幾日 OT」
我話「咁都無辦法，做野姐。等如你放晏我都無話你 la」
佢話「無話我 ? 你尋日先話完我」
我話「我係怪你遲過原定時間先走得但唔打黎通知聲我而唔係怪你遲放」

講講下又嘈起上黎

佢話「你當初識我的時候，我已經話俾你聽我份工係咁嫁喇」
我話「我知道你會放晏，但我覺得你應該打黎同我講聲」
佢話「咁我做緊野的時候就全心全意做野」
我話「咁你明明知道我等緊你嫁嘛，點解連俾個電話我都唔得?」
佢話「我唔會諗呢 d 野」
我話「咁姐係你唔會記得有個女朋友等緊你?」
佢話「我想專心做野，唔想顧慮埋你。你唔係要我吹吹下頭行開打電話俾你 ar? 唔係唔得，不過唔係咁好 law」

我聽完好 sad‥‥‥點解做起野上黎可以完全當我透明？我知道有人等緊我，我就算行開唔到都會同佢講聲。就算連一個電話都打唔到，end up 見到面的時候我第一句一定係 sorry，第二句就一定係解釋我其實有心想打俾你通知你我走唔到住，只不過因為xxxxxxx。但佢係覺得無咁 ge 必要‥‥‥

我最後同佢講，我會嘗試去體諒佢做野的時候，心無旁霧 ( 唔記得左個字點寫 >.<" )。但假如經過一段時間，我都係說服唔到自己去體諒佢而每一次都好炆的時候，我覺得我地無謂日日都咁嘈落去。

跟住佢問我，咁你係唔係姐係分手咁 ge意思？咁你諗清楚同唔同我一齊先 la。
我話我唔係咁 ge 意思，我既然同得你一齊，依家遇到問題我會想辦法解決佢而唔係將個 focus 擺係分唔分手果度。

最後佢話會試下可唔可以俾到電話我，但唔單保每次都一定可以。

其實係佢面前，我一定唔可以衝動。因為佢係一個脾氣好爆躁的人，如果我同佢一樣都係咁的話，好多時大家都會火遮眼講左 d 收唔番的說話。不過，其實我骨子裡都係一個好躁 ge 人，我都唔知可以 gum 得住自己把火幾耐‥‥‥

2007 年 7 月 28 日 星期六 【晴】

32 days left

5 點半去左 QE 探 Pui pui，佢尋日做完手術。今日個樣都算精神 ~ 我坐左半個鐘到就走左。希望佢快 d 好番 and 可以食番野 !!

搭 MTR 去 cwb ，再係馬會附近等 72 A 去遊艇會。果度勁多蚊咬我 law ><"

勁搞笑，我明明無同媽咪約定一齊去，點知係 bus stop 咁 arm meet 到。

dad's b-day dinner @ marine club

我地每人叫左杯 pineapple mix orange fresh made juice !

頭盤

 ( 餐廳送 ge 三文魚 and potatoes，少少辣 )

 龍蝦湯，正 ! creamy 到爆 !

 煎鵝肝伴 green apple sause

 蟹肉 mango salad

主菜

 6 成熟澳洲和牛

 sea bass ( 鱸魚 )

 cod ( 雪魚 )

甜品

 pina colada

 芒果三重奏

 green tea pudding

2007 年 7 月 27 日 星期五 【晴】

33 days left

放左工去 meet Joyce ~ 佢讀過酒，又成日去 wine tasting ~ 所以 Kenn 托佢幫我揀支靚 ge 紅酒俾 dad。Joyce 整緊鞋，我陪佢係鞋舖坐左半個鐘 then 去 cwb 利園附近的一間酒舖買酒 ~ 麻煩晒 Joyce !

之後我番上屋企坐左陣，無幾耐 Kenn 打黎叫我去 McDonald meet 佢。佢食緊Milo 味 ge 麥旋風 ~ 依家唔再出 coffee 味真係有 d 可惜 ar >.<"

之後佢提議用左兩張 free 的換票證，我地係 Time square 果間 UA 睇男兒本色 11 : 40 果場。換左飛之後，佢去美心買左肉醬飯外賣，之後再陪我去附近一間粥舖買皮蛋碎牛粥。因為我呢幾日腸胃都唔舒服，所以都係食粥好 d。

係屋企一邊食野一邊睇強劍，食完就 hea 陣。hea hea 下就訓著左，12 點 Kenn 札醒左，先知道仆街‥‥‥開左場 la ! 佢初頭唔係太想去睇，but 我覺得好浪費，所以 insist 要去睇。快快手囉埋 d 野就落去，點知我唔記得帶電話 but 都費事上屋企囉番。

好彩都唔係 miss 左好多 ~ 套戲幾好睇，其實我都好喜歡睇動作片 ~ 加上有我鐘意 ge 余文樂 and Nicholas ~ keke ^^ 而且套戲有劇情，唔錯 !! 不過呢，我覺得有 d 場面太造作了，係又爆唔係又爆，淨係識得碎玻璃同埋爆 d 火出黎‥‥‥haha 房祖名個角色好 kai ~ 好 hard sell 咁說教。不過 overall 黎講都係一套幾緊湊 ge 戲，所以雖然坐左 2 個鐘但一點兒都唔覺得有咁耐。

睇完戲之後番上佢屋企囉番部手提。同佢傾計，無喇喇我問左一個「假如分手」的問題，搞到氣氛好彊。之後我提出幫佢修一修眉，搞掂之後落去搭 N 車。

番到屋企見 dad 仲係廳，所以就送左支酒俾佢。佢都好似睇落幾開心咁樣 ~ but 佢唔想聽日食飯的時候飲，佢想留番遲 d 先開。well ~ 我無所謂，佢喜歡就得 la ^^

2007 年 7 月 26 日 星期四 【晴】

34 days left

身體又同我作對了 ~ 準時番到公司，做左 d 緊要野先。

lunch time 去左睇醫生，之後又過番海係 babe 屋企休息。近來病得咁密，差不多無好過，唔可以唔承認， partly 係因為我每日都唔夠訓所致。

3 點幾勁多電話打黎，搞到我4 點先訓到。7 點幾我媽咪打黎問我係邊，話我今個星期無番過屋企食飯。我都唔想嫁 ! 不過又要陪男朋友，而佢又唔放人，唉‥‥‥呢個問題真係困擾左我好耐，我好想佢可以多 d 就我，黎我屋企食飯；又或者我同佢食完飯就送我走。前者就唔可能，因為佢多數放工都 8 點幾 9 點，而我屋企多數 7點食飯。

8 點半自己一個人係屋企睇強劍。一個人係屋企真係好無聊，好悶‥‥悶到我忍唔住要落街抖下氣。由我係佢屋企到我落街，一共 send 左 3 個 sms 俾佢。我唔知佢係唔係做緊野定係唔知去左邊。佢明明話今日 last appointment 係 7點半，我預佢 9 點做完，頂多都係遲少少。但我自己一個人行街行到 10 點 22 都未有佢電話‥‥

等到 10 點半佢先打俾我，話要教個囡洗頭所以夜左。我唔係嬲佢咁夜先離開公司，佢都係做正經野姐；但我係嬲佢，點解唔可以抽 20 秒俾個電話俾我，略略話我知到底發生咩野事點解會夜左 and 我要等到幾多點。我同佢講， suggest 佢下次有呢 d case 俾個電話我；點知佢話佢做緊野的時候唔方便俾電話我。你話做緊客我都可以原諒，但教個囡洗頭，又唔係對住客，咁都唔俾個電話我，我真係覺得好過份。

我已經等佢等到好躁，佢仲要鬧番我轉頭，話佢係咁嫁喇，又咩野識佢的時候都預左。我真係唔明白點解佢唔可以俾個電話我；咁係唔係代表我下次明明應承左佢 5 點半放工後即刻搵佢，但突然間有 OT 可以唔需要俾個電話佢而做做做，做到 8 點先收工到時先打俾佢解釋我頭先 OT 緊?

佢仲要係條街果度鬧我，我唔想同佢嘈。有一刻我真係想走左去唔同佢食飯。我地去左翠華食，坐低左之後佢先用 d 輕鬆的口吻，笑住咁講對唔住。但我知道佢跟本就唔覺得自己有錯，就算佢覺得自己有錯，佢都只係覺得語氣重呢 part 有問題；而佢唔覺得自己唔俾電話我係有問題。我都扮晒無野咁同佢傾公司既野，問佢個囡表現成點。之後佢又問我今日醫生點講‥‥‥

我已經對佢好失望，無論佢事後有冇講番對唔住都好；我好唔鐘意佢少少事就發我脾氣，每次都係我忍住唔鬧番佢轉頭。倒番轉諗，假如我發佢脾氣，我估佢已經同我分左手 la，邊會好似我咁咁好心機忍住道氣同佢講野 ? 我依家已經無野想同佢講，係佢一手造成依家的局面，我好怕佢，因為佢郁 d 就發我脾氣。

佢送我搭 113，係車上面，我無理其他人的眼光，自己呆左咁樣。我知道自己無表情個樣好嚇人，但我真係唔想再扮笑。好辛苦‥‥‥落左車之後喊住咁番屋企，不過入屋之前果刻，迫自己笑，唔想屋企人擔心。

佢同我傾左幾分鐘電話，叫我早 d 訓唔好打日記，不過我唔寫出黎真係好唔舒服。

到底我們是不是真的適合對方 ? 我不是沒殺他對我的好，他對我的關心；但是，我總是覺得有點「一面倒」，大部份時間都是我吞聲忍氣，盡力去遷就。

我愛得很累。

◎不懂女人心的例子 :
女人（試探地問）：「你想睡覺了喔？」
男人：「對啊。今天上班好累。」
女人（故作體貼狀）：「好吧，不吵你了。快去睡吧！」
男人：「喔，好。那你也早點睡。」
啪。男人掛下電話。

五分鐘後，電話鈴響。
被吵醒的男人：「喂！？」
女人：「．．．．．．」
男人：「誰啊？」
女人（一肚子委屈狀）：「你是不是對我感到不耐煩了？」
男人：「啊？什麼？」（摸不著腦袋）
女人：「．．．．．．」
男人：「怎麼了啊？」
女人：「你是不是覺得我很煩？」
男人：「很煩？？為什麼？」
女人：「．．．．．．」
男人：「到底怎麼了啊？你不說我怎知道？」
女人：「人家講到一半，你就打呵欠，又自己先跑去睡覺．．．．．．
男人：「可．．．可是，是你叫我先去睡的啊？」
女人：「你都說要睡了，不然我還能怎麼樣？」
男人：「唉！如果你要我聽你講話，就直接說嘛。幹麼叫我去睡，結果自己又在那邊生悶氣？」
女人：「我那有生悶氣？」
男人：「這樣還說沒在生氣？好啦好啦，下次我不睡了嘛。可以了吧？」
女人：「那有什麼意義？我要你自己心甘情願，想聽我說話才聽，而不是因為怕我生氣！」

結局：男人又多花半小時安撫對方。
實際就寢時間：十一點四十分。
加上先前爭執的緣故，睡覺時情緒有點悶。明天搞不好女人還會冷飯重炒一次。

◎深諳女人心的例子 :
女人正在興頭上，男人打了呵欠。
女人（試探地問）：「你想睡覺了喔？」
男人（語氣雖然疲累，但表示出興致）：「嗯。有一點。今天上班比較累。不過你還沒說完啊，繼續說。我在聽。」
女人（得到安撫）：「喔，不過你累了。不然你先去睡好了。」（還是有試探意味。千萬不能中計，馬上掛下電話。）
男人：「今天沒午休，的確比較累一點。不然明天早一點打給你,我們再聊久一點，好不好？」（解釋原因，並且提出補償。）
女人：「喔，好吧。快去睡。你一定很累了。」（已經願意放你去睡覺了。不過打鐵趁熱，別停下來。）
男人：「那你打算幾點睡？」
女人：「不知道，再過一下子吧。」
男人：「好啊。不過不要太晚睡，對身體不好。我會心疼耶。」
女人（嬌嗔狀）：「好啦。」
男人：「我最愛妳了。」（眼皮垮下了也要記得說，功虧一簣可就劃不來了。）
女人：「我也愛你。好好休息喔。」（終於心花朵朵開了）
男人：「嗯。」
啪。女人掛下電話。
結局：十一點十分，完美的句點。
男人順利就寢。睡得香又甜。
隔天說不定還有morning call。

結論1：女人要的是感覺。很多時候，不能用理性的腦袋去思考她們的邏輯。
結論2：多花幾句唇舌，講幾句貼心話，可以讓你省下超過半小時的寶貴時間。
結論3：遇到這種情況，要讓女人先掛電話。以免後患無窮。
結論4：如果你的女人和上述例子一樣，請別指責她「無理取鬧」。她要的其實很簡單。

2007 年 7 月 25 日 星期三 【晴】

35 days left

囉正牌遲 d 先要番到公司，因為今晚要留得夜。Haha 結果我 11 點 4 先番到 ~ 肯定今晚需要的用品齊備之後，無耐就到 lunch time。我食左少少野，第一兩啖痛到 pk，慢慢先無咁痛。我依家唔可以食酸 / 甜 / 咸 ge 野 ~ 太凍太熱又係唔得。

我估自己應該係扁桃腺發炎，喉嚨，咀，耳仔都好痛。講野，食野，就算飲水 / 吞口水都好痛，打喊路又痛‥‥‥

7 點同我老細一齊去 solar ，我做招待，要收集卡片。飲左杯 lime vodka ~

8 點9 走得，費事番公司擺低 d 野所以直接拎 d 野走。搭小巴去 cwb 搵 Kenn。

2007 年 7 月 24 日 星期二 【晴】

大名： 藍雪榚
電郵： [email protected]
說： Hi~好耐無留言la~記得我嗎?
幾時返加拿大呀??
同埋想問吓你可否介紹邊度修眉修得好?我好怕會修得好幼.我本身唔化妝架~唔會劃眉,所以條眉一定唔可以幼!我想修修d雜毛,有返個眉型,整齊d就得架喇^^
Thx~

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我上次去銅鑼灣 Lane crawford 的 MODEL.co 果度，搵一個叫做 Ming ge 化妝姐姐修。well ~ 其實都唔應該叫佢做「姐姐」，因為佢年紀都比一般的姐姐大，不過我覺得佢幾有經驗，又唔算整到我好痛。而且我叫佢 keep 番粗 d，淨係修雜毛，佢都有照我意思做。

時間過得真係快，我仲有一個月就走喇。

________________________________________________________________________________________________________________________＿

36 days left

個喉嚨痛到頂唔順，真係唔想講野唔想食野。

 放左工拎對高爭鞋去整，因為無喇喇個斗零爭果個位 lug 左。補番個爭要 $ 40，佢叫我順手打埋掌 ( $ 80 )，姐係 total $ 120。放低對鞋俾佢，食左 2 件芝麻糕之後去處理 d 鎖碎野。

買左 Shiseido 藍色洗頭水 and conditionor， 2 支加埋 $ 84。

去左 Watson 交電話費，本來應該順路去增值埋八達通但我又唔記得左 wor。

囉番對鞋，番屋企 hea ~ hea 到9 點 15 分 babe打黎叫我落去 time square 大電視下等佢。我 9 點 22 分落到去，企到 40 分先見人。躁躁地，佢表姐無喇喇出現，我要即刻扮無野，仲要笑晒咁樣。

去到大腳八食野，我無心情食，雖然有 d 肚餓但個咀好痛，加上尋日先食完，所以無叫到野食。我以為佢會叫 d 野我都食得 ge，到時我食少少 la，but 佢叫左個黑椒汁的飯，咁我姐係唔使食 la ~ so 我靜靜地坐埋一邊。又等埋佢表哥黎食野 ~ 食埋都 10 點 9，大家各自走。

我番到屋企先慢慢覺得肚餓，but 無出聲，我去沖涼洗頭先。沖完涼出黎睇左套有馮德倫，Gill, 黃敏德，黃秋生and 吳彥祖做 ge 戲，更加肚餓，我同佢講佢就話煮個米粉我食。但果陣時都 12 點 15 分，算數 la。唔想佢用佢屋企咁有限的煮食器皿黎煮，佢又累，更加唔想麻煩佢。不過因為咁，所以今日就無食到藥，因為 d 藥要飯後食 ge。

佢用電腦睇網上有關 scissors 的資料，我無野做自己坐埋一邊。我郁來郁去都 gain 唔到佢的 attention，谷鬼氣，索性真係訓唔理佢。佢先發現， tum 番我，我地一齊訓，一訓就訓到 2 點 35 分 ( 明明 set 左 alarm 1 : 30，唔知點解無響過‥‥)

佢雖然好眼訓但都撐大眼送我落街搭車，等左一陣就有 N 車，去到旺角轉 taxi，我 3 點 19 番到屋企。食左西瓜，但食食下個胃又唔舒服，有 d想嘔的感覺。近來個胃成日都有種怪怪的感覺，明明無食野但個肚好漲，個胃頂住頂住；但明明我又無咩點食過野。

我一番到屋企就打去報平安之後就叫佢訓，唔好等我沖完涼先再打俾佢，因為佢聽日要番早。

沖完涼之後又訓唔著，加上又擔心聽日要著咩野衫 ( 聽日我公司有 function，我要做 d 類似接待 ge 野 )，最後 4 點幾先訓。

2007 年 7 月 23 日 星期一 【晴】

37 days left

尋晚傾完計之後心情好左 ~ 結果今朝又訓過龍了。我 6 點 9 alarm 響，醒左，見到佢 4 點幾 send 左 sms 俾我，問我訓左未。我好開心，因為佢平時好少 send sms 俾我，所以就開心到繼續訓落去 >.<” 訓到 7 點 40 分先知醒，即刻拿拿聲仆出門口，淨係畫左眼線 and apply 左 mascara 就算。

放左工去佢屋企抖陣，用左陣電腦之後就好悶。一個人，對住四面牆，其實都幾恐怖。飲左 1 支半豆漿。佢 7 點 3 打黎同我講 7 點半有客 ~等我仲以為佢今日收 7 點，可以早 d陪我。不過唔緊要喇，做正經事嘛 ~ 等到 8 點半，做強劍佢都未打俾我，我就睇陣電視先。睇到一個 quarter，佢就打黎叫我落去食野。去左大腳八邊睇電視邊食野，babe 好體諒咁幫我叫 waiter 拎刀叉 and 碗仔。Yes ~我食飯係勁麻煩的，好似 bb 仔咁，要將 d 野切到好細先食。

我個胃唔係太舒服，但 d 野又好好味，唔想浪費左佢，所以就打包拎走。不過我連將碟肥牛茄子飯倒落個飯盒都姐手姐腳，haha 個 waiter 都睇唔過眼，幫我整好 cum 埋蓋。想走的時候佢表哥無喇喇黎左，咁等埋佢表哥食野先 law ~ 佢表哥送左張新版的膠 10 蚊紙俾我 ^^

番屋企，hea 陣佢又眼訓 wor ~ 陪佢訓左半個鐘，但因為我無除 cons 的關係，12 點起身的時候對眼勁澀勁痛。

落到去見到架 113 埋站，Babe 即刻跑過去幫我拖延時間 ^^ 好彩趕到 12 點 15 果班車姐 ~”~

雖然我唔想用狗作比喻，但 Kenn 講得好 arm ~ 我真係好似 Pepper ( 佢以前隻狗 ) 咁樣，需要大量 attantion，好細路仔脾氣，如果人地唔理佢，佢就發爛渣咬爛晒 d 野，搏取 attention。

2007 年 7 月 22 日 星期日 【晴】

38 days left

起左身，照顧 grandma。等到工人番黎叫佢煮湯圓俾我食，因為我無食 lunch。

Pui pui 打黎叫我搵 Kenn 幫佢剪頭髮 ~ and 順手睇下有冇另一個師父可以幫佢家姐剪。最後搵左一個女師父幫佢。

6 點幾搭 103 去 cwb ~ 好彩今日唔算太塞車。係車上面睇左半本教說話技巧的書。

上左去佢屋企等佢收工，佢 7 點尾打黎叫我落去。一齊去左池記食雲吞麵，$ 25 一碗，雖然好細碗，但好好味。以我的食量黎講就剛剛好。我地仲加多左個瑞士雞翼，都好好味 ar ^^

食完野無地地方去就上左去佢果度，睇「一擲千金」。今集的參賽者姐係唔用腦 ga law ~ 我同 Kenn一邊睇，一邊係度媽媽聲。

因為我個咀唔可以 mak 得太大，所以佢幫我咬左舊蘋果然之後餵我食 ~ haha ^^ 好幸福。我地又齊食 wasabi 味的桃蝦多，不過好熱氣，我唔敢食得多。佢好醒咁揀 d 細細舊碎開左 ge 俾我食，因為佢知道我唔鐘意食大大舊 ge 野。

之後做蔡瀾逛菜欄 ~ 我無咩興趣睇，所以佢就 off左tv 陪我入房傾計。我同佢玩藏寶遊戲，我一早就收埋左個膠盒俾佢，for 佢擺 pins 同埋橡筋用。因為佢之前話過舊果個唔好用 ~ 俾左好多時間佢，佢都係搵唔到。Haha 最後佢輸左俾我，要應承我每個月俾我 5 個 「唔准鬧我令牌」。簡單講，姐係佢發脾氣鬧我的時候，我可以囉個令牌出黎叫佢唔准再鬧我。本來話 10 個嫁，之後佢話「下? 10 個咁我咪姐係咩都唔使講 la ! 」haha ~ 咁佢姐係認左佢平時成日都鬧我 la ~”~

今日傾完計之後，心情好番少少。或者因為食完野飽飽地，所以我地兩個都好累訓左 ~

12 點鐘 alarm  響，起身落街趕搭113。佢去囉衫去洗，我就去車站先。趕到 12 : 15 果班 ~

番到屋企 2 點傾到 3 點 ~ 傾完之後心情終於好番d ^^ 佢都留意到，由 6 月尾我地係太興同佢果兩個表哥食飯果晚嘈完交之後，我地的關係一直麻麻。而我更加無開心過‥‥‥無真心咁笑過。

現在，我同佢最需要解決的問題係，我需要一個好有耐性既男人，比一般男人更有耐性的；而佢，就偏偏係比一般男人缺少左 d 耐性，所以我會覺得好難同佢相處，我最想要既野佢俾唔到我。