2007 年 8 月 20 日 星期一 【晴】

9 days left

我忙到唔記得左今日做過 d 咩 !

2007 年 8 月 19 日 星期日 【晴】

10 days left

出左深水步去幫媽咪買魚絲線 ~ 救命，深水步真係好似另一個世界咁‥‥‥總之一句講晒：terrible! d 人行過，10個有 9 個都係臭的 >.<" 想死。我都費事去格價，見到果間 d 價錢 reasonable 就買 la。

在 welcome 買了 3 支共 4.5 L 的水，兩排益力多，兩包梳打餅，6 包零食。我又再一次高估了自己的能力了，當我行左唔夠 3 mins 的時候，我已經想放棄。我隻手痛到飛起 ~ 但最後都咬緊牙關成功將 d 野拎到上屋企。番到上去的時候，成個人散晒，差 d 暈左係廳。好彩我仲有知覺將 d 野放好之後，爬番入房上床攤係度。

肚餓，又唔知道佢收幾多點，所以自己食左一包零食 and 梳打餅。食完無耐佢就打黎叫我落去

兩個人走在一起，無論咀裡說不會被對方影響到；其實還是不自覺地被對方改變。以往我很討厭飲烏龍茶，但由於 babe 的家裡，除了水就只有烏龍茶，所以我在他的家常常喝這種茶。今天我口渴的時候，竟然揀了烏龍茶。世事無絕對的‥‥‥

2007 年 8 月 18 日 星期六 【晴】

11 days left

What can i do within the rest of the days in hk?

babe 今日夜晚有野做，所以趕唔切去佐敦上堂。原本打算 10 點先出去 Jordan meet 佢，but 變左 8 點過去 cwb ~ 我一出門口就落勁大雨，又好鬼死大風，差 d 吹走我咁濟 >.<"

過到去，babe 陪我行 Moussy，但睇唔中衫。之後我又陪 babe 去 Dmop~

10 pm，搵野食，但好多都 close 左。Babe 話去和民， 其實我唔太 like 和民，因為我覺得佢 d 野唔值咁 ge 價錢。但我無出聲，因為既然佢話去咁咪去囉 ~ 我同佢第一次食 dinner 都係和民，所以都有 d memories 價值 ge。不過最後 babe 都提出話唔去和民 ! 所以去左扒王之王。babe 想幫我搽 butter 落個餐包度，我of cox appreciate 佢咁細心，but 我 prefer 自己搽多 d。so 我叫佢俾我自己搽 ~ but he was kinda upset becox of this.....

佢差不多食完的時候，擰轉個身去睇電視。唔知點解，我好唔鐘意佢分心，無論係睇電話 / 玩電腦 / 打 NDS 都好 ~我都唔鐘意!

食完野番屋企，係電腦果度我 show 俾佢睇我 d fd 的 xanga；之後佢又 show 佢個 friendster 俾我睇。

同佢搞到好不愉快，因為 babe 有個習慣，就係成日評頭品足。無論識 ge 唔識 ge 佢都會咁做。我明白佢工作關係，會比較注重外表；我望人的時候，我個心都會好自然咁去評定佢係靚定唔靚，如果係醜樣的話，醜在邊一 part。但我唔會講出聲，因為我深深咁體會到，樣係天生的‥‥‥其實醜樣的人，都知道自己醜樣，唔需要由別人把口講出黎；每一個人都有自己外表上的缺點，都好無奈，但都要接受。 當 babe 笑人的時候，我都唔好受；因為我覺得自己都係醜樣的，佢今時今日可以咁樣批評一個人，日後，佢都可以咁樣批評我。

不過，如果唔係因為我經歷過某 d 野，我或者都會好似 babe 咁樣，成日取笑 d 我認為生得比自己醜樣 ge 人。

每人都有佢自己的壞習慣，但這些別人眼中的「壞習慣」，係當事人眼中，未必係一樣壞習慣。又或者，就算當事人知道係壞習慣都會照做‥‥‥正等如 babe 覺得我係一個 complainer，事無大小我都要 complain 一番。「雞蛋裡挑骨頭」正是用來形容我。我知道自己係咁，但我當唔覺得真係一件好 big deal 的壞習慣。

講到尾，每人都有佢自己的性格；有些難以被人接受。到底選擇改／唔改，由當事人決定。無論日後我係唔係繼續同 babe 一齊，都希望佢會記住我講過既野，用同情的眼光去望果 d 自己認為佢醜樣的人，而唔係取笑佢地。

因為我同 babe 講，話我覺得佢成日批評人好 "un" 耳，我地今晚都無咩野講。

咁就一日了‥‥‥還有多少個晚上，我可以俾 babe 攬住?

其實好想係度同所有的朋友講聲對唔住

我知道我掛住陪男朋友而忽略左你地

雖然我少左搵你地部份的原因係覺得大家無咩共同話題，不過咁都唔可以作為少左搵你地既理由。

呢排想搵你地但身體又唔舒服

見到你地 xanga，個個都入大學，生活好精彩‥‥‥

還有其他係 hk 的朋友 ( 唔係舊同學果班)，我唔應約係因為一 d 私人理由

但絕對唔係唔當你地係朋友 !

2007 年 8 月 17 日 星期五 【晴】

12 days left

babe lunch time 打黎話有份小禮物送俾我。

原來係佢幫我 download 左 應援團 1 !^^

放工的時候，佢買左個 McFurry 上黎。同埋佢買左個黑色的 hair ban 俾我，因為佢記得我話過，唔鐘意用佢果個咁實 ge 頭 cool ~"~

去左吉野家食飯，食完就行左一陣銀座。

babe 隻右手因為工作加上舊患 ~ 近這幾天開始痛起來。我幫佢按左一陣，之後 babe 同我輪流打機。我地玩 d photohunt 果類的 game，二個人四隻眼，哈哈 !! 不過我有 d 眼訓 ><" 同埋我唔想浪費左我同佢一齊的時間。

自從有左部 NDS 之後，我覺得我地的生活成日都圍繞住部 NDS。有好幾次我想同佢嘈交，叫佢俾番部機俾我。佢一有機打果陣時，不知幾開心幾精神。我覺得我比唔上部機 law...

另一個原因係，我好錫住自己既每一樣野。所以我唔係太鐘意借野俾人，我怕人地整污糟整爛，有時真係「意外」地整到；對方係自己人，鬧佢又唔係，叫佢賠又唔係，盞自己谷住道氣。我就無咁大方話唔介意 la....所以我一向都唔喜歡借野俾人。不過 babe 都有將我講 ge 野記係心，我 prefer 將 NDS 合上先關機。雖然好多人都係直接關機，但我總係覺得將佢轉做待機 mode 先熜會好 d 。

我地又玩玩下訓著左，dad 2 am 打黎，我已經打算起身，但又好眼訓，訓多陣。3 : 20 am 先紮醒~ 仆落街搭車。我知道 babe 好辛苦，要佢訓訓下彈起身，加上佢今朝游完水，更加辛苦。但佢都 insist 送我落去 ^^

我知道 babe 好累，但係佢都陪我傾 tel 傾到 5 : 32 am !

2007 年 8 月 16 日 星期四 【晴】

13 days left

2007 年 8 月 15 日 星期三 【晴】

14 days left

去左 babe 屋企抖下，食麥記做 lunch !

之後陪佢去買 Cutting gown，再去搵 anti-virus 老翻，不過搵唔到想要既野

去另一個電腦商場，babe 送左個 NDS 套俾我 !

on the way 買水番屋企。

整電腦野，整整下的時候，伊琳打黎 ! Surprise ! 傾左 50 分鐘呢 ! miss you so much !!

 安裝左個 anti-virus 之後就睇 Magic 4，睇到 9 點幾，陪佢睇左陣爸爸閉翳之後就 download NDS game。不過有 d 阻濟，我地決定食完野先算 !

今日 babe 買左野送俾我，so 我請佢食飯 ~ 去左食北海道拉麵，好味 ^^ 個豬骨湯底真係好正 ar ~

食飽就番上屋企，終於都 download 到隻 game 「應援團」。

之後 babe 同我一齊入被袋，我地果陣時先發現原來個被袋係有拉鏈的 ! 早知就唔使拆開佢 la ><": 豬左添 !

佢縫番個缺口的時候，我就同佢講我係 interpersonal relationship 上面遇到的問題，我覺得自己無朋友，想同人傾的時候，都唔知搵邊個傾好。babe 話我太執著，執著於一定要搵一個聽得明自己講既野人，又要信得過。但我覺得這是 basic 條件，之後再傾落去，愈來愈唔 arm 傾‥‥‥所以就坐埋一邊唔出聲。

babe 見我突然之間心情好差，佢就幫我按頭。雖然只係按左 8 分鐘，但都好舒服 !

佢送我落去搭車，大家都無咩野講‥‥‥

2007 年 8 月 14 日 星期二 【晴】

15 days left

今日好唔舒服，我真係好唔想番工。但係要交份 report 俾老細，雖然 no hurry 的，但原本應該上個星期五就交俾佢的，係我老細佢自己唔得閒，所以推到今日。

一朝早番到去同老細 go thru 左份 report 之後，print out 左 35 封信，摺好之後入落信封再封埋口，10 am 就離開 office。

係睇醫生果度等左個半鐘先有得睇，醫生話係皮膚敏感。唉 ~ 真係慘 ! 番左黎 hk 之後，好似不停病，無一刻係舒服過。不過好彩 ge 係，我同 babe ge 1 year anniversary 果日都過得平平安安。不過醫生亦都擔心係因為轉左新藥 ( 我食左新藥差不多一個月 ) 所以就叫我落去驗血買個保險。

oh ! 我完全無心理準備要抽血 law ! 我勁勁勁勁怕痛‥‥‥我就同醫生講，話加拿大驗血唔使錢 wor，諗住可以逃過一劫 la，不過佢都係 "suggest" 我驗下好 d ><" 咁唯有照做 la ! 不過我一出左房就即刻打俾 babe 同佢講，佢問我可唔可以等多日先驗 ( 因為聽日佢放假，可以陪我 ) 不過我話唔使 la，因為費事佢特登走過黎陪我，浪費左日假期。

等緊抽血的時候，我係緊張到個人不其然咁係度震‥‥‥坐係個位度，姑娘幫我紮住隻手臂之後叫我握實權頭，但我不斷震。好似好難先搵到條血管，我望住佢吉入去。我其實唔怕血的，我只係極度怕痛！佢抽左勁耐，好彩事後睇番，個針口都唔算好瘀。

番左去 babe 屋企休息，訓左整個下午。中間有 land crawford 既人打黎 promote ><" 嘈醒左我。跟住我番到屋企又收到封信，係同一個美容專櫃寄俾我既野，內容同佢電話講 ge 一模一樣。我唔明點解要咁浪費資源，同一個 msg 要用兩種方法去通知 customer law ?!

今晚又去左美心，不過of cox 食唔用 ge 野 la ~ 食飽飽就番上屋企抖陣。幫 babe 執好佢新買果把「神兵」 ge 相，upload 上網 ~

12 點幾就送我落去，搭到尾班車。

2007 年 8 月 13 日 星期一 【晴】

16 days left

2007 年 8 月 12 日 星期日 【晴】

17 days left

由於 dad 要我盡早番屋企，所以我 9 點幾就離開 cwb。經旺角，去囉左回鄉證和做埋面相 and 指模套取。張回鄉證張相俾佢較光左好多，搞到無左個鼻 ><"

2007 年 8 月 11 日 星期六 【晴】

18 days left

1 year anniversary!

係屋企 dl d game 落 NDS 度

扮靚靚時間 ~

由於我油得太醜樣的關係，所以我最後都係抹番走 >.<"

係 Time Square 等佢，行左落 basement ge Citysuper 行左一陣，之後再過對面果度睇 d 「得意野」，果 d 得意野就係一隻隻黑色的甲蟲 !!!!!!! 好 terrible ><" babe 係度駐足觀看，我唯有擰歪面扮睇唔到。事後 babe 讚我叻叻豬 ! 因為起碼我陪佢係度企左咁耐 ^^

搭 taxi 去 Grand Hyatt，沿途竟然見到煙花 ! haha 當然係 d 好小型果 d la ~

8 點 10 分去到 Grand Hyatt，本身話無 window seat，因為我地係響 waiting list，咁 arm有位先俾我地。但好彩佢真係安排到 window seat 俾我地 ^^

chocolate cinnomon ~ 幾脆，babe 好鐘意

整到好似個雪糕 scoop 咁 ge Tiramisu，

荔枝 peach cake，味道好 fresh !

mango yougout cake 都好好味

葡 tart 整得麻麻地

個 raspberry coffee cake 幾好味，整得好仔細

white chocolate mango cake，我同 babe 都覺得好食。之後我同仲每人要多左件添 ^^

個梳乎里唔係太甜，arm d 唔鐘意太甜 ge 人

第 1 個 round 唔見三文魚，仲以為無添 ~ 好彩只係搬左位。食咁多甜野一定要有 d 咸野食下，otherwise 都幾漏下 !

個楊支金露比我想人中有水準 ! babe 仲食左兩碗添 !

babe 幫我囉左碗呢 !

我total 食左 3 件三文魚 le !

個蛋 pudding 好好食，好似中式「鄧」蛋咁 ! 不過已經飽了，如果唔係會食多 d 添 !

果度有大概 6 款 icecream and other icecream cake ~ 我覺得哈蜜瓜 sorbort and Tiramisu 比較好食，其他一般 la

埋單 $ 470 ~ 飽得濟，所以由灣仔行番去 cwb ~ 沿途影左 d 夜景

哈哈 ! 還是朦一點好 d ~

沿經 7-eleven ~ babe 俾我偷拍

一切都好開心，直到我 2 am 打俾 dad 同佢講想通頂，dad 借故講左一大輪道理，又話擔心我唔專心讀書，無大志。佢話我唔夠訓對身體唔好我明白，但佢話我無放個心去讀書我就十萬個嬲 ! 因為我真係好俾心機去讀 ! 收左線之後，我喊到收唔到聲‥‥‥Kenn 有安慰我，不過我覺得佢唔明白我家庭的狀況。我唔會怪佢 ge，家家有本難念的經，外人無咁易可以體會到。喊完一大輪之後就去落妝沖涼訓覺，babe 係廳出面睇多陣鬼戲就訓。我咁細膽 ge 人 of  cox 唔敢睇，特別係夜晚，睇完真係唔使訓。