2007 年 6 月 11 日 星期一 【晴】

10 Months anniversary

個頭痛到媽媽都唔認得 ! 無心情化妝，淨係整左對眼就番公司。Just in time 番到去 ~ hea 左 15 分鐘個 soul 先番黎。

9 點半，個頭痛到忍唔到，就黎想囉 sick leave 走就算。入左 toilet 打俾 babe，同佢講我好辛苦。其實我唔想wake him up ga，但我實在太辛苦了。我好唔想俾 d 同事見到我 hup 眼訓果個樣，but 我真係好辛苦。D 人問我係唔係尋晚去完蒲，其實邊鬼有姐，只係我個樣太殘姐 ~”~

收到 5 月份的 pay roll ~ 果少少錢，都唔知夠做 d 咩…..>.<’

我好努力咁想記番起佢尋晚講果 10 樣野係邊10 樣，但我依家暫時 only 寫番 7 樣出黎咋 !!

Lunch time 食薯茸。我平時飲開果隻 nestea 無晒，唯有飲 coke light …..條飲管又唔夠長，但就咁直接飲又會飲到 ice 。。‧‧最後用膠紙癡住 ^^

5 點 20 分我就 off 左公司部 laptop ，去定 toilet 等放工。準時搭半走人，搭叮叮去 cwb，今日無上去佢公司，直接去左屋企。上屋企之前，去左買 6 件 mango 糯米滋 and 2 支豆漿。整左陣電腦之後好眼訓，7 點幾 hup 著左，不過無幾耐 babe 就打黎嘈醒左我，話整緊個 color and cut。等到 9 點幾，babe 打黎叫我落樓 join 佢。

本來想去赤柱但無喇喇落起雨上黎，所以就去左食板前壽司。其實我唔係太想去板前，一來覺得佢唔係真係咁好食 ( 我未去過嫁，但唔知點解，板前係我心目中的印象麻麻 ) 加上我知道一定要等好耐，而我今晚又要 12 點前回家。再加上我覺得板前好貴‥‥‥不過我知道 babe 好想去，所以我都無出聲。

我地去到，要等 90 張 table !! 因為我今日著長袖的關係，所以好熱‥‥babe 拉左我去總統果度行左一陣，咁 arm 見到一間賣衫的舖頭入面有狗狗，係babe 半推我半就的情況下，我地入左去。果隻係一隻迷你松鼠狗 ~ 真係勁 mini ! 好後悔無用 cam 影低佢 >.<"

之後行過一間地產就問問價，問完就行番去板前。點知過晒龍，又要再等過。我開始驚遲到，所以就同 babe 講話要打番屋企先。dad 又俾說話我聽，我已經好熱，好頭痛，所以就黑面。我都唔想 screw up 左今晚，所以我都叫 babe patient d。

我地囉左 17 號，果陣時叫到 4 號。。‧‧babe 係等的時候話想去食 ice-cream / 楊支金露。但我叫佢唔好，cox 我買左 6 件糯米滋雪櫃。跟住問佢，19 號去 Ocean park 想幾多點 meet up，佢話到時先算。之後我同佢講，我陣間食完野之後，番上屋企囉番個袋就要走。Kenn 開始躁底，佢發悔氣咁話：「我地唔好等囉，求其去食碗粉就送你走喇，你咁趕時間。」我果刻真係好想喊！我自己心情都唔好得去邊但唔會咁既語氣同佢講野～我幾炆都好都會抑壓住自己! Kenn 拉住我話走，我想喊的時候，arm arm 叫到 17 號。

入到去，佢的態度依然好差。我係咁撩佢講野佢都唔彩我，問佢想食咩野又唔彩我，最後氣氛慢慢先好 d 。食到 11 點幾 12 點，跑上屋企囉番個袋就閃。搭到 12 點 3 果班 113。

我 12 點35 分番到屋企，沖完涼埋好晒野 1 點左右打俾佢。佢話想食左 d mango 糯米滋先 then 去沖涼。Ok 咁我等 la ~ 點知等左好耐佢都未打黎，我已經好眼訓好頭痛‥‥‥一路等，等到 2 點 50 分佢先打番黎。佢話我知今日公司有少少 kick 手野，所以好心煩。我好 appreciate 佢肯同我講，但問題係就算你點樣唔開心都好，介唔介意話聲我知叫我等你？我聽日要番工嫁．．．．收線的時候已經係 3 : 20 分。我真係唔知可以訓到幾多個鐘…….我訓上張床，諗起佢今日係板前門口鬧我的說話就喊左出黎。當佢唔開心的時候，我亦都唔想俾麻煩佢。其實我心情唔見得好得去邊，但都要 tum 番佢。

其實我一向份人都無耐性，但偏偏 Kenn 比我更加無耐性。或者佢已經盡左力去俾 d 耐性，但仍然我們經常火星撞地球。

我和他一起應該學習的功課是耐性

2007 年 6 月 10 日 星期日 【晴】

Dad 叫我早 d起,身幫佢整d野。我尋晚差不多 6 am 先訓，今晚 11 點半起身。點知我 dad 佢自己未起身 law >. < 佢 12 點半要出門口，搞到我要好做 ar 4，幫佢烘麵包。

我預早叫工人 sap 好 d potatoes，我一起身就可以切 and 壓爛 d 薯仔，之後再切 d 牛油落去，最後加埋 d milk ~ 加熱。之後再 prepare d corned beef，個罐頭開到我死都未開到 !! 果 d 好似鎖匙咁既設計都係麻麻地。係個 non-stick pan 上面整熱左 d beef，再加 d corn 落去，之後 dou 起放埋一邊先。等 d 野凍左就擺入 fridge。

用左一陣電腦，都未睇晒人地 d diary 我就要陪 grandma 去唐宮飲茶。

由 1 點半飲到 3 點幾 >.<” 好悶呢‥‥‥不過我都食左好多野 ^^

陪 grandma 一齊番上屋企，快快手將 d 薯茸 and beef 係 fridge 拎出黎，擺靚靚之後就加熱。然後 pack 好佢。當我打算出門口的時候，babe 打黎話過黎車我 wor ! haha ! 佢今日搓左架 Civic，babe 鐘意佢細細架，易 sip 位又易控制。4 : 20 佢黎到接我去 cwb ~

擺底架車係 time square 之後就去 McDonald 果度買 take away，之後上佢屋企開餐 ^^

食完野係屋企睇左套黃飛鴻之鐵雞鬥蜈蚣。Haha 我好鐘意睇黃飛鴻嫁 !

Babe 落左街買蚊香，之後番上黎話好熱，想涼一陣。但果陣時已經7 點3，我應承左屋企人 7 點半番去食飯。所以內心好著急‥‥‥三催四請終於落左街，我行得好快，但 babe 話累，叫我行慢 d‥‥‥上車的時候，我又唔明 babe 的意思就 du 左八達通，原來佢係想一齊俾。Sigh ! 呢排同佢唔知咩野事‥‥

去到屋企已經 8 點了‥‥‥今日得三碟送，好似少左 d >< sorry ! 我知道 babe 怕熱，所以一入屋就開冷氣。不過我屋企人好 harn 電，亦都好錫 d 電器，好少會開行晒個冷氣。所以過左一陣先涼少少，但 babe 依然係一路食一路出汗。。。

食完飯係 sofa 睇電視，babe 係度 hup 眼訓。我好無奈，覺得好似悶親佢咁。佢話食完飯眼訓 wor ~

9 點做師奶兵團的大結局。其實我一 d 都唔想睇，但係無咩戲睇，所以就坐係度睇。囉左支甜筒食，我問 babe 食唔食，佢又好似唔想食咁 wor ~ 卒之我自己一個人食晒一支甜筒 !

之後仲唔夠，我又拎左 3 盒 dark chocolate 俾 babe 揀，我地開左盒吉伯利的，都幾好味 ar ! babe 狂餵我食 law ~ 驚死我唔肥咁 ! babe 話過，只會接受我去到 120 磅‥‥‥死喇，我係加拿大果陣時有一期係 over 左 120 lbs 嫁啵 ! 我一唔開心就狂食甜野， sigh !!

10 點半，套戲做完就送 babe 落樓。剛剛出左 lift，babe 知我頭痛，所以就企左係度幫我 gum 左一陣先 ~ haha ^^ 我好幸福 le ~ 之後Babe 話我條褲太短，唔俾我送佢行得太遠 ~ haha ^^

10 點 55 分打算沖涼的時候，babe 打俾我，講左 2 句收左線。Then 我 12 點打俾佢 but 輪到佢要去沖涼。咁我就同細佬 webcam 左一陣，亦都同媽咪 arrange 左交學費 ge 方法。Then 12 點半打俾 babe，佢睇緊電視，話睇完打俾我。其實我已經累累地，但一邊用住電腦，入番呢幾日 ge 相，一邊等佢。等到 1 點幾，我個頭開始好痛‥‥‥但我繼續等。

等到 2 點幾，佢終於打黎。我地傾左大家想要 d 咩野生日禮物，但係我太眼訓了，記唔晒佢講的果 10 樣係咩野。

>>June 14, 2007 at 12:55:45 PM GMT+8

2007 年 6 月 9 日 星期六 【晴】

尋晚 5 點幾先訓，11 點幾起左身。好耐未試過訓多過 4 個鐘，不過依然都係好累好頭痛。其實我自己都知道，一次半次叫做訓番夠少少係完全沒有用的。要持之以恆先可以！

12 點 9 去左睇醫生，其實無咩病痛，只係想佢寫 refer letter 俾我 and 順手問佢囉 d 搽蚤咬的藥膏。

搞掂之後就去 parkin shop 果度用左 d 現金劵。叫左工人黎幫我囉野，如果唔係實重死我 !

諗番起尋日 babe 對我講 ge 野，所以心情好好，番屋企化個靚妝之後就出街。





當我出門口的時候，babe 打黎，佢 expect 我已經到左 cwb 但我未 bor ~ 陪唔到佢食野 >.<”

伊琳話係佢屋企對面果間 waston 有佢想買 ge 野，點知都無 ge ~ 我問個 sales，佢叫我行去前面旺角方向果間 waston。行左差不多 10 分鐘，因為好多人又迫又熱‥‥‥終於去到但又無果隻色，個人躁躁地，跟住問個 sales 喇，佢好大牌咁話：「下！自助嫁啵！有就有，無就無，擺晒出黎! 」有冇搞錯 ar ~ 之後打俾 Kash，又無人聽。激死人 ！最後好無奈咁打去伊琳屋企，佢媽咪聽。跟住佢媽咪又好似唔係好明我講緊咩，又答我好多 irrelavent 既野‥‥‥我開始無咩耐性，因為我企係度俾人當小丑咁睇。最後佢媽咪決定左唔買，so我就走左。去左隔離果間萬寧，因為大減價。幫佢買左另一樣佢要買既野，跟住就搭車去 cwb。

因為今日公司爆工，所以我無去佢公司，淨係上左去佢屋企。無咩野做，之後陪佢百德新街睇 G-star。咁 arm 又經過miss sixty，我又點會放過呢個機會 ? 所以我就入去睇睇。唉 ~ 好多野都想買，雖然我有 9 折但折左都係好貴 !

On the way 番屋企的時候，係 tough 見到一個黑色漆皮袋，都唔錯 ge 。但 $ 16xx 似乎太貴了。

係江仔記食野，我食左一個魚皮餃河，唔錯 ar ^^ babe 叫左個牛肚河，俾左一舊俾我 ~ 再加多個腐乳通菜 and 支裝 sprite ! babe 知我鐘意飲 sprite 多過 coke ^^

之後 babe 又拉左我去 McDonald 果度食肥野 ~ haha ! 1 人 1 杯 Mc Furry 再加個 fries ! babe 仲好細心咁幫我印左 d 油 and dip 茄汁俾我食 ^^







Kash 黎左 pick up 我幫elam 買 ge 野 ~ 好快就走左。Haha Kenn 話佢好怕醜，好似好怕同人講既野。咁可能係因為佢同我地無兩句姐 ~ 我又唔覺得佢特別怕醜。

食完野就番屋企~ babe 整左塊麥芽糖餅餅俾我食 ^^ 好好味 ar !

>>June 14, 2007 at 12:55:01 PM GMT+8

2007 年 6 月 8 日 星期五 【晴】

著左 new outfit 番工。



尋日開完會之後，發現有樣野佢太遲通知我 law ~ 當我make 左 3xx 個 calls 之後，佢先話我知某樣野有特定的 format。簡單黎講，我不單止要逐個逐個 record 開番黎更改，仲有可能需要 call 番之前 call 過的 3xx 個 clients‥‥‥天啊 ！我唔嫌煩 d clients 都嫌煩 la ! 我唔想成日打電話去 disturb 人。

Prepare 份 report，因為我每個星期五都要整份 report 俾上司講番呢個星期的 performance，numerical data 同埋 feedback and remarks from clients。

個頭 keep 住係十分之痛，痛到我想暈咁濟。我公司係一個「停屍房」，度度都凍到癡線。無論係 office定係 toilet 都係開行晒冷氣。我已經將我頭頂上面果部 air con 熜左，但通常熜左無耐就會有人開番 >.<” d 人嫌焗 wor…..緊係喇，公司 d 男人個個都著晒 full suit 又唔除，難為 d女人。就算我著 full suit 我都覺得凍嫁，何況我今日著恤衫 only。

Lunch 食左一包餅，之後同 babe 傾左陣電話。

好肚餓， 3點食左個青蘋果。原本以為實會好酸 la ~ 但原來唔酸不特止，仲好甜添 !

3 點 9 去見上司，俾份 report 佢。佢睇完之後讚我寫得好 ^^

>>June 14, 2007 at 12:47:58 PM GMT+8

2007 年 6 月 7 日 星期四 【晴】

尋晚無喇喇 d 字又亂碼，整左好耐都整唔到，又趕唔切 upload 相‥‥‥我個 dairy 就黎無人睇嫁 la >.<

準時起身，有 tuna + egg 整 sandwitch 食。食到好飽先番工，因為打算唔食 lunch。

7 : 45 已經 ready好出門口，但突然間十分之大雨。所以我等到 last minute 先出門口 ~ 又好好彩 wor，果陣時剛剛停晒雨。

係 office食左2 隻 banana ~ banana 有好多果糖，都頂到肚餓 ga ^^

2 點去左第 2 棟 building 開會。嘩 ! 好似好大陣仗咁 ~ 我發覺好多時我做野都唔敢求其，因為始終係大公司，自自然然會 discipline 自己。

開會開到 3 : 15，不過 4 點半又有另一個會要開。今日呢 2 個會同我 ge 關係都幾密切，所以我都有好多機會發言。對住一班有料 ge 人，要 raise 自己的 opinion or問佢地的問題，都有 d 驚。好在我呢幾日經過打左 3xx 個電話之後，對個 database 都有一定的認識，唔會俾人問起的時候口啞啞。

放左工就第一時間去 cwb 搵 babe。等左 2 架叮叮，第 3 架先上到車。6 : 15 去到 time square，佢今日公司都幾爆。幫我洗頭果個 Jun 好新面口，一問之下原來係中環調過黎。佢個樣係惡惡地，少少型果種，咁我見到佢咁樣就唔出聲。洗洗下頭，佢問我部手提好唔好用，因為佢想買。Then 開始傾左陣計 ~ 佢按頭一般 la，but 按頸就幾舒服。

洗完頭之後，有第 2 個 jun 幫我吹佢。佢都吹得 ok，不過佢好搞笑，唔多出聲的。吹吹下，果個 jun 俾人叫去幫第 2 個客洗頭，掉低我係度。我都無咩所謂 ge，因為我又唔係客；等左 15 mins左右，我係鏡入面睇住 babe 幫一個外國人剪頭髮 ~ 男人做野認真的樣，永遠係最 charm 的 ! 望下望下，我望到好眼訓。無喇喇 babe 行埋黎叫我，嚇左我一跳。之後 babe 幫我吹埋個頂，styling 一下就叫我走先，唔好等佢，因為佢今晚會做到好夜。

上左去佢屋企食左支雪條 and玩陣電腦。8 : 30 的時候，個頭痛得好緊要，所以就訓左陣。但訓係張床又訓唔到，等到 9 : 30 babe 打黎，叫我落樓 meet 佢去大腳八食野。好彩我食左支雪條咋，如果唔係實餓死我。

去到大腳八，除左有個表哥之外，仲有一個我未見過 ge 女仔。果個女仔都幾 nice ar ~

食左個grilled chicken and potatoes ~ 俾人話我係「banana」。Haha，知唔知係點解呢 ? banana 姐係「黃皮白芯」，外面係中國人樣，但性格 and 習性係西方人。其實我都唔係咁鬼妹姐，只不過有 d 中國人應該知 ge 野我唔知咋嘛 >.<”

11 點離開，上左去佢屋企。幫佢按無比膏，因為佢個全身都俾 d 蚤咬左好多 dat。之後Babe 幫我按頭，但唔知點解，今日個人總係放鬆唔到。12 點鬆 d，即刻仆落街趕最後果班 113。等車的時候，有小強一號 and 二號出現，我發出一級戒備信號，由 babe 幫我驅趕果度衝埋黎我果度的小強。

突然間係度諗，無論將來我同 Kenn 的關係會發展係點樣都好，我都唔會忘記我同佢的回憶。

12 點半上左車，12 點 9 番到屋企附近。行番屋企的時候，又有無數隻小強攻擊我，好彩我好敏捷咁避開晒。

我沖完涼整好晒野係 1 點半。打俾 babe，佢整緊佢間房，因為有 d 蚤的物體，尋晚咬到 babe 成身都係。等到 2 點半有多佢先沖完涼，打俾我。同佢傾左一陣，佢今日好興奮，因為做左好多個客。講到最後收線的時候，我同佢講左樣野，就係每晚佢都早訓過我 ( 因為收左線之後，我都唔係即刻訓到 )，但遲起身過我好多。我每晚大概訓到 3 個鐘 ( if 我 3 am 左右收線的話)，我真係挨唔到 la。

>>June 14, 2007 at 12:47:11 PM GMT+8

2007 年 6 月 6 日 星期三 【晴】

大名： potato
電郵： [email protected]
說： 我想問你係邊度修眉...
同埋幾錢呀....

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我無話去開一間嫁，多數都係買化妝品的時候，counter 的姐姐幫我修。
又或者有時因為我係 Land crawford 的 member，會有 d promotion 咁，有時會免費有得修。
無記錯，bobbi brown / clinique and 可能有 d 其他的，大概係 $ 200 booking fee，但 booking 的錢全數可以用來買番果間公司 ge product。
其實只要去修一次，自己跟住個形 keep 住修，就唔需要成日去。

_______________________________________________________________________________________________________________

無咩心機番工，但仍然準時番到。食左個雪梨 and 2 個葡 tart做早餐。

番到公司，飲奶茶 instead of coffee。之後開工打電話 ~

11 點，部電腦無喇喇 broke down，見到藍色畫面寫住 hardware error >.<” 即刻想死 ! 因為 d 野無 back up，無論我點樣 reboot 都好，都無反應。打左個電話去 IT help desk ~ 等左 45 mins 先有人 reply 我，叫我拎部機落去俾佢地整。

12 點拎落去，之後番番自己個位係度坐。同 d 同事吹下水，吹到 12 點 9 放飯的時候就去左 landmark 行街。原來有好多 OL 同我一樣，趁住 lunch time 去行街~ haha !

去左 Dior, InDVIL，marc Jacobs ，Marc by Marc Jacobs同埋 INMUI 果度睇袋。主力係想搵一個白色漆皮，要靚料同埋剛剛擺得落 A4 size。係 Dior 睇中一個折左都 $ 6510 的紅色羊仔皮袋，不過太貴了。係 Invdivl ( 唔記得左點串 ) 睇到一個黑色漆皮，一摸上手就知係 cheap 野，$ 490。我都幾鐘意個款，不過我覺得，佢又唔係靚料，呢 d貨色我係旺中都買到，使mug $ 490。之後係 Marc jacobs 果度睇中一個今季的湖水藍色，可上膊亦都可手抽。折完再折都要 $9xxx ( 係原價 $ 14xxx，8 折後再 9 折的價錢 )。再去 Marc by Marc Jacobs 果度睇，有個水牛皮深黃色上膊都幾好睇，係 monograme 黎 ge，不過唔會好似 dior 果種咁花咁密。折左 $2097。不過我嫌佢細左 d，無咩大作為。另外有個白色羊仔皮，折左都 $ 39xx，唔抵買。又睇左佢 d 銀包，d 料就夠軟熟，折左都只係 $12xx。不過得番肉肉地色 and green，我兩隻色都唔 buy。而且無相位，所以亦都放棄左。最後去左 INMUI，果度 d 鞋好靚，不過今日無試上腳，而且之前買左 n 咁多對鞋，唔敢再買。睇到一個黑色漆皮，$ 3xxx。另外問番個 sales 仲有冇白色漆色果個款，佢話已經斷左 n 耐 >.<” 唯有去米蘭站睇睇 la !

準時 return 番公司，部機仲未整番好。我就去左洗水果食 ~ haha ~ 又係食雪梨。其實我並唔係特別喜歡雪梨，其實唔太鐘意添 ~ 不過雪梨好似對把聲好，化啖止咳，所以我迫自己最好每日食一個。

我發現左，原來公司 ge 果部「神奇飲品機」ge雀巢檸檬茶都幾好飲。我一向只係飲熱飲，但今日見把聲好番 d ，所以就試下 cold drinks。今日飲左 2 杯檸檬茶 ~ 不過無食 lunch，好似唔係幾好‥‥‥ well ~ anyways，我成日都做 d 對身體唔好 ge 野。

2 : 30 PM 我終於可以迎接番我部 babe laptop ~ 唉 ! IT 果面話我部機係咁慢嫁 la ，好正常 wor >.<” 叫我 be patience……okok….無辦法 la !

我放 5 點半，Babe遲左少少， 5 : 40過黎接我放工。去左 H & M 果度睇衫，babe 專誠陪我睇番工衫。但我今日心情麻麻，因為係公司好受氣，但係由上個星期開始已經話去 H & M，但上個星期無去到，所以都係去 la 。去到見到一大班人我已經無心情行，不過照行 la……拎左 5 個 items 入 fitting room ~ 經 babe and 我自己審視過之後，買左 2 個 items，埋單 $ 298。買左一件黑色 plain 恤衫 ( $ 149 ) and 幾何圖案半截裙 ( $ 149 )。陪 babe 睇男裝部，行左陣之後，搭叮叮過 pacific place，佢又去西武睇 G-STAR。





佢之前睇中果件啡色短袖恤衫都仲係度，佢另外睇中左一件墨綠色長袖。不過果件綠色長袖試上身的時候麻麻地，反而件啡色短袖就好 fit。加上 HSBC card holder 係 selected item 有 up to 40 % off ~ 不過佢鐘意果件就 only 20 % off。雖然近排佢買左唔少衫，不過衫係 investment 黎 ge，所以佢都買左。買完野之後順路行下女裝，但我都無心機行，求其睇左陣就走。



買完就搭 MTR 過 cwb。經過米蘭站，見到我鐘意果個白色漆皮袋，原來要成 $ 8xxx。唉，都係算喇‥‥‥

係 holiday inn 上面果間 Pizza hut。等左一陣位，係等位的時候，babe 同我講，話佢見到我成日都唔開心，唔知點先可以 tum 番我開心。其實我就係咁古怪嫁 la ~ 無喇喇可以十分之唔開心‥‥‥叫左個 Itlaian pizza and 小食拼盆 and coke。最後都食唔晒 ~ pack 走俾我拎番屋企。

原來 babe 想買部 nds 俾我做生日禮物，今日趁等位的時候見隔離果個玩就試探我口風。其實我都唔係太 crazy about d 唔實用 ge 野；我寧願 babe save up 多 d $$ 俾佢自己用。10 月佢要番加拿大，到時又要洗一大筆錢。

上去佢屋企坐左陣就走；臨走前我隻左腳腳板底抽筋！！痛死！！

趕得切搭 113，因為我堅持 11 點 9 就要落街。我唔想 spend 多廿幾蚊搭 n 車再轉 taxi。日日係咁，計埋計埋真係好 cum 計。

番到屋企飲左碗湯之後 babe 就打黎，佢話我做咩番到屋企唔第 1 時間打俾佢，搞到佢要擔心我。Then 我沖埋個涼，by the mean time，babe 就睇緊洗冤錄。

搞掂晒 d野之後，我打去加拿大問學費 ge 事‥‥‥唉，大個女，好多野都要自己處理，唔會再好似細路仔的時候，有人幫我處理晒 d 麻煩 ge 手續。打俾 babe 同佢傾，聽完佢講佢 ge野之後，已經夜了。臨收線，佢問我做咩事；我實話無野嫁‥‥‥之後佢問多幾次，我就開始講，但我 feel 到佢根本就係度訓緊，都唔係聽，所以我都唔想講。

3 點幾，終於可以訓了。其實我真係好想有多 d私人時間，番左工之後，每次見完 babe 都無咩私人時間。沖涼都要趕頭趕命，趕住打電話俾佢，之後同佢傾一陣，都已經 2 點幾 3 點。每日訓得果 3 個半鐘，真係好辛苦。我已經挨唔住了‥‥‥我好想 either 可以係佢屋企訓，又或者同佢食完飯就走，唔好搞到咁夜。但佢又會覺得我唔陪佢，唉‥‥‥又開始作病，全身都好辛苦……

>>June 14, 2007 at 12:50:26 PM GMT+8

2007 年 6 月 5 日 星期二 【晴】

大名： 流浪魔術師
電郵： [email protected]
說： 你幾時返左香港架？我重想話同你講我下個月飛溫哥華過來見下你添，我今年轉左工啦，唔再做酒店同魔術師，我做左空中少爺…你呢，好嘛？

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我４月尾的時候已經番左 hk。況且我都唔係住 Vancouver。
你做邊間 ? cathay? 努力 la ! 轉左工有新的開始

_________________________________________________________________________________________________________________
我的精神和體力差不多去到極限了。今日對小腿緊晒，我feel到隨時會抽筋。但唔著高踭鞋又唔得。其實我有對斯文平底鞋，但果對鞋刮腳的程度比起我對黑色 high heels 更加嚴重，所以寧願著 high heels。我平時整損的原因，唔係因為對鞋有 d 位 sharp sharp 地，而且當我一出汗的時候，鞋 and 腳一磨擦就出事。

今朝有食早餐，but lunch time 又要出去同同事食 wor >.<”

遲左幾 mins 先番工，不過亦都有同事遲過我。番到公司第一件事係啪一杯咖啡先，之後就入 toilet stick 膠布。

我已經講果幾句野講到厭晒，再咁落去真係精神崩潰。我今日大概 make 到 50 ~ 80 個 calls，我總共要打 1600 個電話，仲未計果 d叫我遲 d再打過去果 d wor。我唔知我可以挨到幾時‥‥‥呢幾日上司唔係度，無人召我去開會，令到 d 時間更加難過。

Lunch 去左和民果度同其餘 5 個公司的同事食。食到好遲先番 ~ 今日的話題都係圍繞住細路仔，買屋，裝修，最後當然係離唔開個錢字。

番到 office 好眼訓好辛苦 ~ Pui pui 打黎話聽日唔得，好彩我搵到 Maggie 同佢調時間。

打俾 babe 但佢心情好似麻麻 ~ 不過換著係我，要擔心 d 咁 ge 問題，我都會好似佢咁 la。

我個頭痛得好緊要，完全做唔到野。我試過自己用手 gum 頭都唔夠 babe 按得咁正 !! 本來想飲多杯 coffee，但係記起 babe 叫我唔好飲咁多，所以轉左飲好立克。

放工搭 mtr 過左去 cwb 搵 babe ~ 一去到就整頭。今日唔係 ar Jan 幫我洗頭，換左另一個女仔。我都係鐘意 ar Jan 幫我洗多 d ^^

Babe 幫我修一修，but 唔記得影相 >.<” 唔係剪左好多，不過好似無之前咁亂。一路剪我就一路 hup 眼訓，因為我實在太太太太太累了！整完之後果個幫我洗頭的女仔幫我 styling 但我唔太 buy 果種 style ~ 之後 babe 親自幫我沖水，再吹番乾 ~ 我叫佢唔准噴咁多「殺蟲水」係我個頭果度 ~ haha ! babe 吹頭係吹得幾靚 ge ~ 不過我唔記得影相…..失敗 !

搞掂之後，babe 就陪我去 page one 幫伊琳搵書。佢亦都順手搵下有關「讀心術」的書。結果佢揀中左好幾本，最後買左兩本。佢係揀書的時候，見到一本書，講既野同我的性格好相似；佢拎俾我睇，我睇的時候覺得好抗拒，因為俾人完全講中的感覺好怪‥‥而伊琳想要果本書就全市斷貨，真係有錢都買唔到。

由於 babe 睇得好入神，咁我就唯有自己拎起 d 書睇下。咁 arm 睇到小 S 寫果本有關生 bb ge 書。嘩 ! 點解佢唔化妝都咁靚 ? 真係好羨慕 le ~”~ 講到生仔，我真係覺得係一件好痛的事，而且我可以諗到的，係負面多過正面。某程度上，我覺得生仔係人生最 long-term 的 investment。Anyways ~ 暫時都唔打算生仔。

買完書就去 waston 果度幫伊琳搵佢想要果支 FASIO mascara，但係 time square 下面果間 waston 無，個 sales 叫我地去 sogo 附近果間。沿途同 babe 嘈交，我煩緊 d 藥的問題，因為我 d 藥唔夠我食到番加拿大，咁我唯有隔日食。但 babe叫我唔好隔日食，寧願去買。咁我就話我無錢買藥，但語氣太重，佢覺得我發佢脾氣。去到另一間 waston 之後，終於見到傳說中的 fasio mascara，亦都搵到 exactly 果隻名，不過無黑色，only 得紫色。打俾 Kash 問佢睇下伊琳會唔會要，the ans is no。咁我同 babe 就離開左果度。
Babe 仲嬲緊我，我地一邊行都無咩點講野。我有 say sorry亦都有嘗試講下野，tum 佢開心。我問佢想食咩，佢叫我話事。咁我問佢想食東京定江仔記，佢都無意見。咁我地就去左江仔記，我食左碗墨魚丸麵。一路食，佢無咩點講野。我問佢做咩唔出聲，係唔係累；佢話唔想講野費事一出聲就俾我鬧。食完野，去左 ok 買水，之後番上屋企。

Babe 叫我入房開燈 and 冷氣。開左燈之後，我都唔係即刻發現到有袋野，隔左幾秒先見到有個膠袋，上面用 long clip 夾住張 memo；張 memo 寫住：

老婆，小小的禮物。老公～

haha ! 好開心 ! 錫左 babe 一啖 ^^

坐左係度睇左陣電視，果套 PTU 真係好無聊，d 對白爛到無得再爛‥‥‥救命 !

我睇到無心機，加上又頭痛，自己鼠左入房。Babe 幫我按頭，我初頭話唔好 ge ，因為唔想佢累。但 babe set up 晒 d 野 ( 其實係搵 d pillow 整高佢，等我訓係上面方便佢按，就位 d ) 咁我就乖乖咁訓係度俾佢按。真係好神奇的 ! 按完真係唔頭痛 ~ 係少少都無 ^^

我訓左陣，訓到 11 : 45 有 alarm 但我想 hup 多陣，一路訓，訓到 babe 12 : 28 woke me up ! oh ! 死喇，又要飛奔番屋企 …….剛剛落到樓下就見到走左部 N122，所以就去搭小巴。行到去小巴果度，又剛剛走左一部。上左車之後，babe stay 左一陣，我叫佢走唔使等架車開。我係車果度不斷吊魚‥‥落左車之後本來打算 harn 番 $ 15 唔搭 taxi 但費事隻腳抽筋，所以都係搭 taxi >.<”

1 : 05 番到屋企，快快手飲左碗湯，之後沖涼。同 babe 傾左 45 mins 電話，收左線之後又訓唔到‥‥碌左一陣先訓到。

>>June 14, 2007 at 12:51:51 PM GMT+8

2007 年 6 月 4 日 星期一 【晴】

好累‥‥‥準時起身，但有少少唔願番工。唔到 last minute 都唔出門口，成日都覺得好似帶漏野咁。

番到公司即刻隊杯咖啡先，唔好講咁多野 ~ 之後又繼續我不斷打電話的生涯。

12 點幾，食左 2 片自己整的 sandwitch，之後打俾 babe。佢做緊野，話遲 d 覆我電話。咁我就趴係 desk 上面訓。 1 am 有 clients return 我 call，我聽完個電話之後繼續訓。

訓到 1 : 45 pm babe 都未打黎，我起左身繼續做野。

2pm 佢打黎，講左 8 分鐘，無咩野想講，加上我係公司，又係辦公時間，唔係太方便。Babe 知道我好頭痛，佢話如果好辛苦就食頭痛藥。但我唔想成日食藥，我已經食好多藥 ga la >.<”

放工後，過左去附近 ge building 幫我 grandma 拎個空樽去俾果個做精神科醫生的 uncle。搞掂之後就搭 MTR 過九龍塘 join Queenie, Nana，彤彤，Maggie，Grace，啊科，雅雅。係 MTR 果度問客戶服務 GE人有關果個 8 : 30 am 前出閘的優惠點樣 redeem 喇，點知佢話已經無做 promote。咁我再 clearify 一次，話係大家樂果個，點知條友 d 態度勁差咁趕我走 ! 搞到我好似 d 貪小便宜 ge 人 ~ 頂 ! 之後心情好差，突然之間想喊‥‥‥跟住又唔知點解，覺得個地鐵站好大，我好似 get lost 咁。明明平時行慣果條電梯又好似自動移左位。

到左九龍塘，又唔知點解，我明明知道應該搭 41 號 minibus 去又一村會所，但唔知點解，我選擇左行過去。但我又唔識路，一邊行，一邊問人。最後都去得到 ^^

Nana 帶左日本手信俾我 ^^ thanks !



我 6 點半去到，佢地係度打緊牌，我唔識打，亦都唔想學，所以就坐埋一邊。打到 7 點 15 分就食飯。

我地八個人，叫左八樣野。中西合壁咩都有，haha ~ 埋單 $ 66 per person 都唔算太貴。我食左好多野 ar ~

食完飯打左陣 NDS ge boom man ~ 我咁大個女其實好少打機 >.<” 所以好渣‥‥‥Pui Pui 打黎話我知佢到左樓下，我就拎埋 d 化妝品去 meet 佢。我同佢住左係樓下，傾左差不多成一個鐘，係度大談化妝經。Haha ~ 女仔一講到扮靚就收唔到口。

9 : 30 番上去，佢地睇緊電視。我好累，其實都無咩心機睇。之後成村人陪我行去又一城果度搭火車。我出左火車之後就行番屋企 ~

番到屋企打俾 Kenn，佢仲係街食緊飯。我就去沖個涼，then 開定電腦等佢 online。但佢今日心情好差，所以唔想俾我睇到佢個樣。傾到 2 點幾我 tum 佢去訓，之後我熜左電腦。我今晚其實好炆，我都唔知道自己炆 d 咩野，但總之好似所有野都難為我咁。個電腦個 mon 又照住我，搞到我訓唔到；我明明好累，但 babe 今晚唔開心，所以要迫自己精神 d 聽佢講野。但迫自己精神 d ，又搞到之後訓唔到； dad 又限時限刻叫我 off 電腦，成日夾住係 dad and Kenn 中間；今日行左成日路，對腳好痛，想抽筋；個胃頂住頂住咁，作嘔作悶；刻板的番工生活令我覺得好辛苦； babe 唔鐘意我俾人追，話佢已經夠煩惱，唔好再俾麻煩佢。但人地追唔追我唔到我揀，我亦都無刻意俾麻煩佢。佢前日先同我講完，話願意聽我講野，幾耐都得，但轉個頭就叫我唔好煩佢‥‥‥

2 : 30 am 係 msn 果度聽到 babe 已經訓左，我就 off 電腦。但我等到 3 : 15 am 都未訓到。

>>June 14, 2007 at 12:53:59 PM GMT+8

2007 年 6 月 3 日 星期日 【晴】

尋晚傾電話傾到好夜，收左線之後都唔係即刻訓到。跟住訓下又醒下咁，11 點30 分明明無較鬧鐘但超準時咁紮醒左去叫 babe 起身沖涼番工。

12 點食第一餐，食完野就行行企企，用下電腦，打下日記。Hea 到 6 : 40 pm 去沖涼，但其實應該 6 : 45 pm 出門口。不過無所謂 la ~ 最後 6 : 55 pm 同 grandma and dad 搭 taxi 去新世紀。頂 ! 原來係約 7 : 15 的，唔知邊個報早個時間‥‥等左 20 mins有多，另一個 party 既人先黎。美心皇宮真係好唔得 law ~ 我地叫左 6 樣野左右，有 2 樣都係落左單之後先話無，問我地要轉 d 咩野。我地要果 d野，又要補錢‥‥‥總之就係 shit la ! d 野又唔好食，我食左唔係好多。

9 點 ~ babe 過左黎新世紀 meet我。我地係新世紀行左陣街，之後去花園餐廳食野。嘩 ! 點解會加左咁多價 ga?! Babe 食緊野的時候，我就用佢部手提打 long D 搵媽咪。

食完野又行多陣，之後佢就送我番屋企。

番到屋企睇左預先 record 左 ge 殘酷一叮，then 沖埋涼，打一打俾 Pui pui 再同 Kenn webcam 到 2 am。Sweet ~ 我地係度討論玩機動遊戲的經驗。我地兩個都唔喜歡玩機動遊戲的，所以 19 號果日去海洋公園，我地都唔會玩機動遊戲，淨係睇下水母就算 la ~ 況且我都唔想晒 ~

成晚都心不在焉，唔係唔想 pay attention to 佢講 ge 野，但我個腦實在停唔到‥‥‥差不多收線的時候，babe問我仲唔開心 d 咩野，我好開心佢肯主動問我咩野事，但我依然將好多野 hold back……sorry。佢叫我講，但佢又怕佢自己太眼訓，聽到一半就訓左，到時我又唔開心，所以叫我聽日先講。收線之前，babe 叫我，話如果好唔開心，又或者訓夠都訓唔到，就打俾佢，唔使怕嘈醒佢 wor ^^ 聽完個心真係好甜 ga ~”~ 不過我都係覺得，唔係十分十分之 urgent ge 野，都係唔好嘈醒佢‥‥‥

收左線之後，碌左一陣就訓 ~ 呢幾日實在太累了，係精神上的累。

>>June 14, 2007 at 12:52:33 PM GMT+8

2007 年 6 月 2 日 星期六 【晴】

尋晚喊左一大輪，今朝對眼好腫。

Queenie 1 點幾黎左我屋企樓下借張 card 俾我，辛苦晒 la ! 咁熱都要行落黎搵我 ~"~

我 4 點半先出門口，因為一直都無心情沖涼化妝。最後好努力先 fix 番對眼 ~

上 : clean 眼線 look

下 : smokey eyes ( trying 當中 )

左邊係未化 eyeshadow 前的 clean look

右邊係努力去學緊化的 smokey ~

去新世紀的路上，係火車站對出有好多好 x 煩的人，死纏爛打咁追住我叫我做問卷。我今日著平底鞋，已經行得好快都擺脫唔到佢。我心情已經夠差嫁喇，仲要煩住我，我嬲得濟好大聲咁喝佢：「煩夠未ａｒ！」成條街 d 人都聽到。我咁大個女都未試過咁無儀態咁係條街果度大叫大嚷，今日的心情真係差到極點。我feel到係我身邊行過 ge 人個個都望住我‥‥‥

去左莎莎，萬寧，大眾果度幫伊琳睇野。萬寧俾 d 自由行攻陷左 law ~ 大眾都好多人，搵到佢想要果本書，但係第 2 冊。我唔肯定佢想要第一 or 第二冊，加上第一冊又斷左貨，所以無買住。

出左新世紀向旺角方向行，沿途經過卓悅，見到伊琳想買果樣野有平，所以就買左 lu ^^

搵左好耐先搵到 16 號個 bus stop ~ 等左10 mins 有多先有車。上到車，坐我對面係個細路女，佢係度郁來郁去又係咁講野，我真係想兜巴車死佢。我的情緒已經去到臨界點，所以打左俾 Kenn。佢做緊野，佢接左電話之後講左句「陣間打俾你」就收左線，我係完全無講野 ge 機會。跟住我打 sms 俾佢，講番今日係火車站發生的事。無耐佢打番黎叫我唔好諗咁多 ~

好準時 6 點半去到創紀之城果間好彩海鮮酒家，同媽咪果邊的 relatives 食 dinner。果左支 merlot mix carbanet survigon，但好難飲的 ><"

8 點 50 分走先 ~ 去左北角搵 babe。babe 知我易 get lost，所以就叫我係北角月台等，落左車就唔好四圍走。

係等 MTR 的時候，Babe 望住玻璃幕門的 reflection 話我依家已經夠廋，再廋就唔好睇。( 因為我今日著短裙，所以佢見到我對腳 )

去左 cwb 陪佢行銀座。但我好累，無心情，加上無錢，所以跟本就唔想行。行左一陣就去許留山食野， babe 知我為食，所以就引我食野。其實我幾飽都好，有甜野食的話就會食得落 ^^

去乾衣店囉衫 then 去 OK 買水就番屋企。

上到去第 1 時間開冷氣，之後睇 bulletproof monk。

睇完之後我問 Kenn，如果我有機會拍戲，但有接吻鏡頭，會唔會介意 ? 咁佢話，佢一定唔希望自己女朋友 / 老婆係公眾人物；如果你堅持要做就唔好一齊。講完佢就番左入房。

其實我都只係問下，但係佢反應好大。我入房同佢解釋我只係講下，問下佢意見，但佢就借題發揮，話叫我諗清楚係唔係真係想同佢一齊；又話怕我日後會後悔因為男朋友的原故而放棄左好多 modeling 的機會。佢知道 modeling 一直都係我的心願，所以叫我諗清楚。

我好嬲佢質疑我對佢的感情，加上我已經心情好差，我唔想同佢嘈。自己一個走左出廳。我以為佢會出黎哄番我，但佢無。我入到房，見到佢開左部電腦，and 剛剛開緊三國果個 programme。我真係好嬲，囉袋話要走。佢拉住我叫我坐低，但又唔講野。

拉鋸左一陣，我地坐定定傾計。我講左大半有關於佢令我唔開心既野；綜合黎講，

１來係因為我知道佢無耐性聽，所以我唔敢同佢講我唔開心既野；

２來係我想佢開心，所以我唔敢講真話；

３來係因為我怕佢唔要我，所以做咩都順佢意。

喊得好犀利，但我好快就 gum 住自己唔俾自己繼續喊。我係佢面前扮無野，但佢今次知道我係扮的，因為正常人無可能咁快就由一個好唔開心的情緒一下子 switch 去變得好開心。同埋佢亦都知道，我仲有唔開心既野未講晒出黎。當我聽完佢咁講之後，我又繼續喊。

我同佢講，話我個 best fd 問過我一個問題。到底我係 love / like / need him。其實我都唔知道‥‥‥我覺得，應該唔係 " need " 因為假如我只係 " need " him，咁我唔會為佢付出咁多，亦都唔會成日諗計 tum 佢開心。我只需要佢 tum 我開心。應該係 " like " 因為我又未到 " love " 我覺得 " love " 代表可以 sacrifrice 自己，但我未到這個地步。

babe 叫我唔好淨係為左佢的開心為藍本，我應該為自己打算。但我跟本就唔知道點先可以令自己開心，所以我唯有將我的精神放係佢身上........

喊到好累，訓著左。中間醒過，但 babe 叫我訓多陣。點知‥‥‥出事 la ! 遲 x 晒到 ! 我 4 am 紮醒的時候，即刻搖醒 babe ~ 我地兩個狂跑去搭旺角小巴。佢睇住我上車之後就走左。去左旺角轉 taxi 番屋企。

4 : 30 am 番到屋企，dad 話左我兩句之後，我飲埋碗合掌瓜湯就去沖涼。5 : 10 am 打俾 babe，同佢講到 5 : 40 am 收線。

babe 應承左我，以後一定會準時咁提醒我要 leave his home，cox 唔想我成日遲到。另外，亦都體諒我想有番私人時間，唔想成日港九兩邊走，所以佢話如果我果日唔想去 cwb 的話就話俾佢聽。

佢仲話，叫我試下不斷咁講晒所有唔開心既野出黎。佢話睇下到時係佢聽到厭定係我自己講到厭。佢希望我可以將所有唔開心既野講出黎，然後睇下我真正開心 ge 樣係點。雖然佢係咁講，但係我都唔係太敢咁樣做，我怕佢真係因為咁而離開左我咁點算 ? 我 take 唔起呢個 risk !

不過，babe 都覺得同我一齊好辛苦。因為我屋企人管得我好嚴，而且我有好多 values ( 例如唔肯食街邊野，出完街一定要洗手，唔肯四圍坐‥‥‥)等等的生活上鎖碎的習慣，都係由我細細個俾屋企人灌輸的。但從另一面諗，假如我屋企人唔管我，可能我依家已經係一個 bad girl，到時 babe 又未必會鐘意我。

最後佢問我，有冇諗過搵一個肯聽我講心事的男朋友。

我答佢，曾經有。但我唔會將佢同任何一個 ex 又或者男性朋友比較。我就好似賽馬果 d 馬，戴左眼罩，令我睇唔到左右 ge 野，淨係懂得向前望。即是，我迫自己 ignore 身邊其他男仔，眼裡面只有 babe 一個。因為我知道，當有比較的時候，就係感情變得脆弱的時候。

我又同佢講，我依家已經滿足嫁 la ! 起碼 babe 好錫我。

佢講左一句令我好刻骨銘心的說話，錫你唔夠嫁，你最想要的係一個肯聽你講心事既男朋友。

我聽完之後，靜左。之後大家都無再講呢個話題，因為答案已經係好明顯。根本就係一個死症。

babe 聽日番 12 點，所以我迫佢去訓。我呃 babe 話我都眼訓，但佢知道我根本就訓唔到，所以叫我盡量合埋眼抖下。收左線後，我望住個天慢慢開始光，但我淨係覺得個心好痛。喊到 d 鼻水倒流塞住個喉嚨抖唔到氣，好辛苦‥‥‥