2007 年 7 月 11 日 星期三 【晴】

49 days left

11 months anniversary

今日心情麻麻，雖然尋日早左訓但都只係維持到今日 ge 上半畫。下半畫大部份時間勁眼訓‥‥‥

無食 lunch 但出左街，因為 office 實在太凍了。

打俾 babe，我把聲無咩神氣；佢 tum 左我兩句之後就收左線去晒太陽。

放左工去 cwb join 佢 ~ 今日係佢放假，但佢仲遲過我到 cwb。之後發生左 d 唔係太開心ge 事，搞到遲左去我屋企食飯。仲要去 pick up 個 mango pudding 先可以番屋企；點知又截唔到 taxi，唯有行得好快。我著住高爭鞋，對腳又就黎抽筋，但我都迫自己行快 d。成身濕晒先番到屋企，同 dad 媽咪 say 左 sorry 之後就坐低食飯。

今晚有好多好野食 ~ 有日本和牛牛肉卷，魚翅湯，鮑魚生菜，鱸魚，海蝦，白切雞。全家人都食到好飽。

食完野之後就拎左個 mango pudding 出黎，一路食一路睇「強劍」。我實在笑唔出，所以借d 兒話去落妝，躲係 toilet 冷靜一下，但想喊又喊唔出。Kenn 同我媽咪都幾好傾，其實幾時都係媽咪易相處過 dad ge。

Pudding 之後有西瓜食，但已經好飽‥‥‥睇 PTU。Kenn 幫手開左支紅酒，係一支 2004 年的 shiraz，breath 左之後送 cheese 一齊飲 ~ 正 ^^ 我飲左好多law….我 dad 都無 stop 我。

10 點半 ~ Kenn 眼訓，所以我就送佢走。佢問我做咩事今晚唔笑，個樣咁呆。我話左俾佢聽佢做左 d 咩令我唔開心。我真係好介意‥‥‥等左無幾耐就有 103，我就行番屋企。

番到去佢同我傾佢公司既野‥‥‥and 佢可以進步 ge 地方。聽完之後，夠鐘做「秀才遇著兵」我知佢有追開所以叫佢去睇；佢問我訓未，我話訓嫁喇‥‥唔等佢睇完電視先。咁佢就話傾多陣。但我真係無心機同佢傾，雖然佢 apologize 左，但我仍然好介意‥‥呢件事，再加埋之前類似的事，永遠都成為我心目中的一條刺。

2007 年 7 月 10 日 星期二 【晴】

50 days left

尋晚早左訓 ~ 但都 2 點半 ~ 今朝都尚算有精神。

Lunch 係 Zara 買左件西裝褸，$ 379 抵買嫁 ! 仲試左件白色厚身外套，由 $ 1499減到$499，不過個款有 d 鈍，試上身之後唔喜歡。好似 Kenn 話齋，唔好貪平，雖然減左好多但唔鐘意就無論佢幾平都唔好買。

俾人撞斷左隻指甲 >.<” shit ! 點整 French nails ar …..

食完 lunch 番黎，坐定左之後就好眼訓。原定今日放工去打乒乓波，不過 Kenn 臨時取消 ( 今次唔係佢的錯，係佢個 fd cancel ) 其實我真係一百個唔鐘意 d 野臨時改來改去，我尋晚已經問左 Kenn 今次係唔係 firm ga la ~ 佢話係‥‥‥

Anyways，因為原定係我番左屋企，換衫 and 擺低 d 野先 ge，所以我今日預左番屋企而無心理準備唔番屋企直接放工搵佢。再加上佢今日又有尾工，我唔想係佢屋企好悶咁等到佢放工，所以我問左 Kenn，我直接番屋企好唔好。佢話 ok ~ then 我打番屋企同工人講我番屋企食 dinner。無幾耐， Kenn 又打黎問我今日放左工的 plan ~ 我問佢乜唔係剛剛講好左我會番屋企食咩 ? 佢的語氣好似想我過去搵佢咁，但我覺得有時候我真係要 stand firm，唔可以成日俾佢左右我的決定。我真係好累，因為我每日都係度透支緊我的精神，每晚最多都只係訓得果 4 個鐘，平時可能得 3 個半鐘‥‥‥我同佢每晚傾完電話，我就 6 點 9 要起身，而佢最早，都只係一個星期有一日要 9 點起身，平時多數 10 點半 or 11 點半起身，佢訓多過我幾多 ? 太辛苦了，我真係 scenes 到自己身體頂唔蒲了 ! 雖然我不斷同自己講，唔可以俾訓覺浪費左我同佢可以見到面的時候；但倒番轉諗，我每日都咁辛苦，脾氣又差，見到佢的時候都炆炆地，心入面唔多唔少會賴係佢令到我唔夠訓。咁樣就算見多多時間都好，個「質素」都唔好。係唔係應該重質 instead of 重量呢? 我唔想佢亂諗野，覺得我唔夠愛佢 or 我唔想見到佢；我有同佢反映過，佢叫我係佢屋企抖下，但係始終唔及自己屋企舒服。

因為某 d 原因，我唔可以上佢公司洗頭按頭。d頭痛又番黎，咁近來佢又心情唔好，又累，我都費事叫佢幫我按。唔知點解，我心情又好差；係果種，無原因的唔開心。好似想搵人傾，但又唔知道到底有咩野可以講出黎。

成日都心不在焉，不斷撞到自己，好痛‥‥

聽日係我同佢的 11個月 anniversary ~ 16 號就係佢生日，我要迫自己開心 d ~

Light makeup for work

2007 年 7 月 9 日 星期一 【晴】

51 days left

7 點 20 分先起身! 大獲 ! 無化妝就衝左出門口。

番工，放工。Nothing much to say‥‥‥d 同事見到我個頭，個個都話好搞笑 and 細路左。我真係唔鐘意俾人話我細路左 law >.<” 由於我無化妝的關係，個樣殘得好緊要。鬼咩 ~ 尋日 3 點先番到屋企，4 點幾先訓。 D 同事問我係唔係尋晚蒲到好夜 ~ 唉

放左工即刻仆過去睇醫生，點知都係遲左。結果又要輪多 3 個，等左 45 mins !

去旺角囉相 ~ d 相晒得 ok la。

搭 MTR去佢屋企，買左兩支豆漿。一上到屋企已經一口氣飲完一支 !

Hea 陣 ~ 等佢放工。本來打算沖個涼，因為我 7 點 15 去到佢屋企，我知佢 7 : 15 有客，我預佢 8 點 15 整完，但又怕佢隨時 call 我叫我落街，所以都係算 la。

因為我著得好 casual ，所以求其係佢屋企樓下食野。墨魚丸河 ~ 好食 ar ! 加個通菜 and 魚皮 ~ 飽死 ! 食完野番上屋企睇 PTU，之後我去沖涼洗頭，費事番屋企先洗，如果唔係就會整到好夜。洗完頭之後叫佢幫我吹頭，但佢累到唔想郁，所以我就濕住個頭訓左一陣。

12 點我整醒佢，同佢講我落去搭車。佢初頭話累，唔送我落去 ~我都話無所謂 but佢最後都 insist 送我落街 ~ Sweet。不過，本來我趕到 12 : 15 果班車，但最後變左要搭 12 : 30 果班。

落樓梯的時候，有隻小強攔路 wor ~ babe 用掃帚打死佢，但唔覺意扭親隻手and 整損左。佢即刻個人好炆，我都唔敢同佢講野，費事佢亂發我脾氣。去到 113 果個站，等左一陣，有車的時候，我叫佢幫我拎個樽去掉，佢呆左，聽唔到，我怕架車走，所以連 goodbye kiss 都無就走左。其實係等車的時候我 feel 到流鼻血，但我又費事叫 babe 幫我拎住 d 野。結果上到車即刻囉 tissue，真係流鼻血 law‥‥‥

Babe由 1 : 36 傾到 2 : 15 ~ 不過全程都係佢講佢公司既野。我好眼訓，不過我好努力咁專心聽佢講野，佢工作上的難題我真係俾唔到 d 咩野意見俾佢，亦都幫唔到佢幾多。不過我都好開心佢肯同我 share 佢的 worries ~ 亦都信任我，所以先同我講咁多。2 : 15 有人打俾佢，佢想同果個人傾 ( 有正經事 ) 所以叫我去訓，收線先。其實我有少少躁底，因為我好眼訓都聽佢講野 but 我只係想係佢講完野的時候，都同佢傾番自己 ge 野的時候，但我一句都無講過佢就收線。

2007 年 7 月 8 日 星期日 【晴】

52 days left

係天然果度晒相 ~ 4R 絨面 ~ 隔日取 ( 50 張以上 ) $ 0.9 一張。

出左去旺角搞回鄉證，4 點去到中旅社，一早已經派完晒籌；無辦法，囉左張 form 打算自己係屋企填完，搵日早 d 去囉籌。不過麻煩在我星期一至五都要番工，得星期六 / 日；但要勁早起身先可以係 weekends 囉到籌‥‥‥

anyways，都影左相先，$ 30 兩打。果個影相哥哥好好人 ( 但我覺得佢有機心 ) 話幫我囉定籌，但我好婉轉咁拒絕左佢。

係萬寧果度買野，我想儲印花 then 加錢買個 sinomax 枕頭。

搭 MTR 出 tst 去西武囉 bobbi brown 的 gift，之後去 Tomlee 幫細佬放低支長笛去維修部 ~ 順手上樓上琴書部果度買左本陳奕迅的琴譜。原價 $ 108 ~ 我覺得 ok 就買 la ~ 去到 cashier 的時候先知道原來有 9 折 ^^

搭番 MTR 出旺角，係許留山果度落訂，買左個mango pudding。因為星期三 Kenn 會上我屋企食飯，佢又唔想兩手空空咁上來，所以就幫佢訂定個 pudding 先。

番到屋企 6 : 20 ~ 整下野，7 點出去。 Jack 叔叔車我同媽咪去遊艇會會所食飯 ~ 今餐 d 野唔錯 ar ! 我都食左好多野 ~ 特別係d勁高膽固醇既野 ~ 當中的表表者就係呢碟「龍鬚黃金蝦」!!正 ! 當然唔少得有紅酒飲 ~ ^^

2007 年 7 月 7 日 星期六 【晴】

53 days left

留左大半日係屋企 ~ hea 下，upload 下相。

日日出街真係好累‥‥

整好 d 相去晒，但已經 9 pm 我估大部份晒相舖都 close 晒。

10 pm Kenn 打黎叫我出佐敦。佢剛剛放學，我陪佢買底衫 and then took MTR 番 CWB。

諗來諗去都諗唔到食 d 咩，最後去食 McDonald ~ 食左好多添 ! 肥死了 ! 有野樣唔記低唔得，就係 babe 好細心咁幫我拎左好多張紙巾，因為佢知道我要將每一條 french frise 都gum扁佢，索晒 d 油。佢見我手腳咁慢，仲幫我一次過 prepare 左好多條俾我 ^^ 我無開過口，但佢都記得我的習慣‥‥‥少少既事都足以令我好開心 ^^

我知道佢近來心情唔係太好，所以凡事都想就晒佢‥‥希望佢開心番 la ^^ 睇完 TV 之後已經 1 : 20 am ~ 幫佢按背脊但搞到佢好痕 @@ 同佢傾左陣，訓訓下我又想訓著但夠鐘番屋企 >.<" 好唔鐘意咁樣 !!

 仲未剪頭髮的樣 ~ 番工日日都係 black & black ~ ! 因為黑色係我的最愛

2007 年 7 月 6 日 星期五 【晴】

54 days left

有新同事坐我隔離，我同佢傾下計，佢係一個 17 歲的男仔，brown 皮膚的。我見佢 training 果幾日都好慘，因為無人同佢傾計，所以就主動同佢講野。

9 點打去叫 Kenn起身，問佢去唔去游水。但佢好似好累咁，所以我無勉強佢 ( 係佢自己話要 keep fit ge ><" ) lunch 同 Kenn 傾左陣電話，繼續做野。

lunch 無食野 ~ 淨係食左個桃駁梨。

放左工去 Lane crawford ( again ) 幫媽咪買 d Clinique 既野 ~ 我仲以為有 land crawford card 就一定有 9 折 la，點知無 wor ! 佢話公價。條友 d 態度真係好差 law ~ 如果唔係因為我要幫媽咪買野，我一定唔幫襯佢 ! 買左 $ 880 野，想問佢囉個 sample 都唔得 ! 俾左錢之後問多兩句都好似趕我走咁，不斷 repeat「你番屋企試左先，有咩問題再黎睇過」

剪左 full finch ~ haha ~ 有 d 搞笑‥‥‥我覺得細路左好多 ><" which is 我唔想見到的，我一向都鐘意自己個 look 係好成熟。不過又唔係唔靚 bor，只係我睇唔慣。而且另一樣好處就係唔會一有風吹埋黎的時候， d 頭髮唔會咁易披實晒塊面。

不用重覆又重覆地告訴我，我笑的樣子比較好看。

我真的很討厭笑。

因為佢今日有 2 個客都夜，我話唔緊要，叫佢做埋先，唔好推左人地。咁我就上佢屋企抖陣。係佢屋企樓下買左個芝麻卷食 ~ ^^

等到 9 : 38 pm 佢打黎叫我落一落去幫佢囉對鞋番屋企 ( 如果唔係整鞋果度會 close ) 之後佢 10 : 30 打黎叫我落去樓下等佢。去左扒王之王食野 ~ $ 78 兩個人其實都唔貴。

睇得出佢今日好唔開心‥‥我估係公司既野，不過我咩野都做唔到。佢話要去 Welcome 買 wine 飲，我都唔阻佢。番上屋企就飲紅酒，我知佢好唔開心；我問左幾次做咩事，佢都唔肯講，我知道我唔應該再問。因為男人唔同女人，女人好多時開頭唔講，只係想對方問多幾次，確定對方真係想知 and 肯聽的時候，就會講出黎。但男人話一就一，二就二，唔想對方知道既事無論問幾多次都唔肯講。我知道應該俾番 d 空間俾佢，所以我無出到聲。

但佢都無醉到，反而我就好眼訓。睇住佢唔開心 ge 樣，真係好想可以幫到佢‥‥‥2 : 30 佢送我落街搭車，等到 2 : 48 先有車。

番到屋企先發現 MAC 卸妝油搞到我隻眼腫左，唔知道係因為敏感 or 太油所以出油脂粒。

等佢電話，等到 4 : 30 am 都無佢電話就打俾佢。我以為佢太累訓左 la ~ 但原來係同佢表哥傾緊。都好 ge ~ 工作上 ge 野，有男人同佢傾，點都好過我呢個不懂世情的女人........佢叫我訓先，但我話等埋佢。最後佢 5 am 打黎，講左 5 mins 唔夠 ~ 佢預先話我知佢心情好差，叫我唔好俾麻煩佢，如果唔係佢怕自己忍唔住，會發好大脾氣。收左線之後，我又訓唔到‥‥hea 到 6 點先訓。

我什麼也做不到，只能靜靜地在他身旁守護著。

我嬲我自己，是個小孩子，大人的世界，什麼也不懂；幫不上忙

也許，我不弄出更多的麻煩是我唯一可以為他做的事。

2007 年 7 月 5 日 星期四 【晴】

55 days left

Day 3 Training

出事 la !!! 我明明 set 左 alarm 6 : 30 am 點知我醒一醒之後，7 : 24 am 先紮醒 ~ shit !!!

好快手洗左個面 and 刷牙，係廳果度將工人一早準備左的 egg tart 切開 4 份，then 拎左個 egg tart and fork 入房。一邊化一邊食，好彩我尋晚執定個袋。今日仲要拎個 laptop ，重到死 !!!

7 : 58 am 出門口，我都好佩服自己可以係34 mins 內梳洗，化妝 and 換衫 ! 不過因為我太趕，所以我唔覺意將隻 high heels 個「斗寧爭」sip 左入條 「la」，一行就 lug 左隻鞋，但隻腳就向前踩左落地‥‥‥

番到去無遲到，今日一開波果個 section 真係悶到‥‥‥不過學左一樣新的 excel skills ~

lunch 去左食粥粉麵飯，食飯的時候佢地 5 個人不斷寸我 ><"

今日放早 ar ~ ^^ 3 : 45 pm 就放人，我過左 cwb，係佢屋企果度坐到 4 : 30 pm，佢打黎叫我落去陪佢食少少野。食完野去左 Lee Garden 果度，見到 d 人排晒長龍 for 果個 limited edition, $ 120 的環保袋 ! yes ~ 你地無睇錯，為左一個名為 " I am not a plastic bag " 而係咁 humid 的情況下排通宵。因為個袋依家炒到 over $ 2000......我真係 o 晒咀...

babe 陪我去 Zara 行左一陣，雖然係減價但睇唔 arm 野。

番屋企坐左陣之後，就趕去搭 113。一去到送左 2 架車車尾 ( 因為我個袋太重，對腳又好痛，所以行得好慢；而且條路又濕，我唔想為左追車而仆街 >< 太樣衰了 ! ) 好在我行到去個站的時候，等左 5 mins 都唔使就有架 113 ^^

9 點食 dinner ~ 媽咪煮的確係唔同 d ^^ 有屋企飯食真係好幸福 ~

9 : 30 開六合彩，唔中 ar ><" 不過呢 d 野，係我 ge 就係我 ge ，無運就無運。

試左 Queenie 送的 Maquillage eyeshadow

一隻眼有化 ( 相的左面 )另一隻眼無化 (相的右面)

2007 年 7 月 4 日 星期三 【晴】

56 days left

Day 2 Training

好累好累，唔想起身。比原定時間早左 10 mins 番到。神奇地係 MTR 入面，撞到同我同 group 果個女仔。我地無約定，我係旺角上左車之後，佢係 Jordan 行入黎車廂。

今日的 speakers 入面，有一個幾風趣的，所以都無尋日咁眼訓。我都有主動表現下自己的 marketing knowledge ~ 平時我就唔會咁無聊，主動舉手行出去指出佢的錯處 la ~ 不過，這個 course 真的令我學到 d 野。雖然，我口果句就話呢個 course好悶，令人好累；但其實都有可取之處 ge。

放左 1個半鐘頭 lunch，去左 foodcourt 食野。由於 7 個人好難搵位的關係，所以分開坐。我地 5 個人迫埋係張 4 人台，3個人一row，我得半個 pat pat 係張 chair 果度，食得好辛苦，而且 d 野又唔好食。所以食左好少 ~ 打俾 babe 又傾得唔係太愉快，所以講左幾句就收左線。

順路去左 Muji 買零食 ~ 我買左 2 包 raisons w/ white chocolate coating，一包同佢地 share，一包送俾 babe。

今日又 over-run，遲左 15 mins 放人。babe 應承左我 5 : 45 到，點知我打俾佢的時候，佢話佢過緊黎，最後遲左 10 mins 先黎。佢講住電話行埋黎，行到埋黎仲 keep 住講，起碼講多過 5 mins during our way to MTR station 。少少炆，不過算數 la ~

去左 Time square 的 Lane crawford 買左 Darphin soothing gel，折左 $ 252 唔算貴。個 sales 好好人，我買既野又唔係貴，但佢都送左 2 個 sample 俾我，又肯同我好有耐心咁傾。其實我未試過呢隻 product，甚至聽都未聽過，不過我見佢態度好，我咪買住一支試下先。babe 事後同我講，佢話佢都 feel 到，點解我行過咁多個 counter，問過，試過都無停低買，係因為 d sales 的態度令我好驚。babe 講得好 arm ~ 其實我好驚人，好細膽，好唔鐘意同人講野，難得有 sales 俾我的感覺係唔 pushy 的。

佢 pick me up，知道我食左好少野，所以去到 cwb 的時候買左個格仔餅俾我食。我地又去左買 $ 20 六合彩，希望中 la !!!

夜晚去左食仙跡林，$ 82 兩個人，ok la ~ 食完野抖左陣就走 lu ! 明天又要番早 !

番到屋企同 babe 傾電話 ~ 今晚終於少左嘈交了 ~ 3 點幾先訓，得 3 個鐘訓 ><"

2007 年 7 月 3 日 星期二 【晴】

57 days left

19 歲生日 !!

Day 1 Training

6 : 30 am 起身，7 : 40 出門口搭 MTR 去 Quarry Bay 番 training ~ goash ! 好彩無 got lost and 無遲到 !

成日可以用一個字來形容 --> 「悶」

lunch 好好好豐富 ! 我地 9 個人，但送菜的份量係起碼 18 人的份量 ! 傻嫁 ! 我見到 d 食物都好驚 >.<" 佢地知我生日仲送左個壽包，不過我只係食左半個就已經飽到想嘔 .........

食緊飯的時候，E 琳打黎。( sorry ar ~ 之前無 type 到，因為我趕住打 xanga ) 但唔可以傾得耐，因為 Manager 同我地同檯食飯。but 都好開心收到佢的 long-d call !

我地果 group d 人都 ok 玩得，有 6 個男仔 2 個女仔 ( including me ), 淨係有一個男仔格格不入咁

5 : 40 先放人 ~ 我平時番工都準時放 la ! 搞錯 ar ! 仲要我番中環果面拎番部 lap top ~ 總之搞得黎番到 mk 已經 7 點。我太累了，而且一手拎住 lap top，一手拎住 file，仲有西裝褸，迫住坐 taxi 番屋企。仲要企左陣先有 taxi ~ 激死我 ! 未試過有一年的生日係過得咁辛苦。

7 點半打俾 babe 想同佢講下今日的經歷，但係佢無咩心機聽。

媽咪 and 細佬剛剛係加拿大番左黎，所以今晚的dinner 都幾豐富。

由於極度累的關係，等到 1 點半 babe 打黎的時候，已經累到個腦完全轉唔到，唔知有咩可以同佢講。所以訓左覺 ~

2007 年 7 月 2 日 星期一 【晴】

58 days left

成個上畫係度 upload 相 ~ and 拆生日禮物 ^^

之後陪 babe 去 G-star 睇衫，佢最後買左一件恤衫 and 一件 Tee，$ 1000 有找 !!! ( 因為分別有 40 % off and 30 % off ^^ ) 開心 la ~ keke

夜晚係 Kenn 屋企，佢 10 pm 左右跑左落街，買左六合彩 and 夏威夷果仁「哈根達斯」雪糕俾我食 ! 我食左半盒 !!! 好飽 ~"~ 要 babe 跑到身水身汗真係過意唔去。

佢專登等到過左 12 am 就送我去搭車 ~ 趕住出門口的時候~ Queenie 打黎同我講生日快樂 ^^ thanks !

12 : 15 睇住架 113 走左 ~ 我嬲到即刻爆粗。其實我呢排真係好躁底‥‥‥

12 點 35 分係車上面收到 Pui pui 的 sms !!

番到屋企 ~ 等 Kenn 打俾我，等到 2 am 鬆 d，頂唔順，打俾佢又無人聽，唯有自己上床訓。因為聽日要番 training ~ 所以要早 d 訓。