2007 年 9 月 10 日 星期一 【晴】

第二次學車

今次學 Turn Left。我由屋企去到 Warden‥‥‥仲有行左好多不知名的街 ( 我都係太緊張，所以無咩點睇街名 ) 我對眼淨係識得留意車，行人， traffic light and stop signs ><"

我想遲 d 借媽咪架車，叫媽咪坐係 front seat 果度睇住我 drive。我想係無 time pressure 的情況底下練下車。我將這個 idea 同媽咪講，佢話 ok wor ~ but 當我同 bf 講的時候，佢就同我嘈交。之後大家講到好唔愉快咁收左線。我放左學之後，bf 打黎話雖然頭先講好左唔再提，但係佢始終唔放心，覺得需要同我解釋個危險性 and

男朋友，佢自從係朋友那處搵到一個可以免費睇卡通片/漫畫的 site 就好少理我。成日睇睇睇，睇到三更半夜都唔俾電話我。我的習慣係，我要同佢傾完聽話， tum 左佢訓我先可以安心做自己野。搞到我依家每日就係電腦面前等佢，浪費晒 d 時間‥‥‥

我知道 babe 好悶，所以想搵 d 野睇下；但我覺得佢已經係睇到唔記得左我咁濟。我唔想最後要變到我又搵 d 自己野做，大家係度鬥氣咁樣。

DAD 催我快 d 決定 transfer ge 野

媽咪叫我幫佢打 notes

男朋友成日追問我電腦野，同埋今年 summer 可唔可以如期咁番去陪佢

天啊 ! 好似四方八面都有野迫埋身，我真係好辛苦！I am so weak，我係 hk 的時候，main sourse of support 係 come from bf ~ 依家好似完全無人 support 我咁，個感覺一點兒也不好受。

I finally 睇完全套「14歲媽媽」一口氣睇晒咁多集真係超爽！要多謝 Annie 燒碟俾我唷 ! 連續喊左好幾個鐘，現在終於舒服了少少 ~ 明天要繼續努力唷 !

其實我介意，為什麼你一直都沒有用我和你的和照做 MSN 的 display picture，其實我介意，你不會在朋友面前叫我做老婆，其實我介意，你不把我送給你的頸鏈戴住。

女人最喜歡胡思亂想，總是時常覺得自己的老公會給別人搶人甚至乎會主動和別的女孩搭上。當撥他的手提多過兩次沒有人聽的時候，我就會覺得他身邊有第二個女人；他不肯在電話裡給我一個吻的時候，我又會覺得他收埋了第二個女人‥‥‥

不過，我會告訴自己，其實我不用擔心太多。他給了我他家的鎖匙；他私底下會叫我老婆；他會讓我知道他的財政，健康狀況；他常常帶我見他的表哥；他容許我到他工作的地方；他主動提出要到我家吃飯；

2007 年 9 月 9 日 星期日 【晴】

I finally start doin' my homework...

QNM222 - Statistics

原來當我放鬆個人的時候，腦入面全部是你的影像。

每一個細節我都記得好清楚，你幫我滴眼藥水，幫我按頭仔，幫我拔出攝入隙縫入面的高跟鞋，幫我搽潤唇膏，幫我執行李，係我試鞋的時候扶住我，幫我叫杯暖水黎送藥，幫我買膠布，幫我搵 NDS games，幫我叫「走青」，幫我批水果切到細細舊餵我食，訓到半夜的時候囉水俾我飲，幫我踩死 d 小強，將把風扇移開等佢唔會吹親我，渣車的時候左手會捉住我隻右手，幫我墊張 tissue 係枕頭‥‥‥

仲有太多係我腦入面閃過，一時間記不下這麼多。

但我知道，原來我十分之掛念你；比我想像中還要多

2007 年 9 月 8 日 星期六 【晴】

唔敢俾媽咪知道我依家廋到得番 108 lbs ~ 唔知點解，我無胃口，以前好鐘意食 ice-cream , 零食，依家都食少左好多。唔知道係因 bf 上次講笑咁話我肥，定係我自己心情唔好，太多野要考慮 ( 包括現在點樣搵 part-time，學車，將來.ect ) 雖然 babe 有時都講 d 好 lum ge 野黎 tum 我，Annie 又車我出街，帶我睇貓仔，燒碟俾我睇，送左隻會 bring luck ge 招財貓俾我‥‥‥但唔知點解，我就係無心情。

babe 今日同朋友出去飲野 ~ 佢 9 點幾出去，10 點幾就番 la。佢 10 點幾打黎問我，頭先係唔係喊 ~ 我話無，之後佢話要我發毒誓。then 我認我有唔開心 ~ 佢問我唔開心 d 咩，我話我以為早 d 起身可以同佢多 d 時間玩下webcam，點知佢要出去‥‥‥本來都好 sweet 的，聽到 babe 話佢特登早 d 番黎，因為掛住我想見我。但我 MSN 開到但 webcam 唔到，一接通就 hang 左個 MSN。我好躁底 la ~ 點知 babe 仲 keep 住咁問我：「點解會咁 ? 點算 ar?」搞到我勁心煩。我已經答左佢一次話我唔知點解會咁，我唔係電腦 expert，我都想快 d fix 番但我真係唔知點解。so 我 explain 俾佢聽，我唔鐘意佢成日不斷問我「點解會咁」「點算 ar?」ect. 除左係這件事上面，佢之前已經有好幾次係咁樣，例如我 co-op ge 野，我都唔知點算，我都要等學校方面 reply 我，我先知道 details。但佢就淨係識得問我「咁點算?」

冷戰。我份人唔鐘意嘈，唔鐘意同人用所謂的「道理」去爭論，我只會唔出聲。我真係唔可以再忍佢 ! 我知道佢近來心情好差，我都已經盡量忍佢，但忍都有個限度。我只係指出我覺得佢成日問我「點解會咁」 and 「咁點算」好煩，但我都無大大聲聲發佢脾氣咁講出黎，我只係好簡單咁講。但佢就話我發脾氣，然之後就佢發我脾氣先。我地跟本就無「討論」的餘地。每次都係咁，每次我指出問題係邊佢就話我發佢脾氣‥‥‥我真係受唔住 ! 咁係唔係叫我，無論幾難受都唔講出黎 ?

收到 Maggie 的信 !

Lunch 同屋企人去左街口食野 ~ d 野食麻麻地 >.<"

(Original 139.99) $59.99*0.6*1.14 = CAD$ 41 ( HKD $290 )

$29.99*0.6*1.14 = $CAD 21 (HKD$ 145)

$29.99*0.6*1.14 = CAD$ 21 ( HKD$ 145)

 $99.99 * 0.6 * 1.14 = CAD$ 68 (HKD$ 480)

 $109.99*0.6*1.14 = CAD$ 75 ( HKD$ 530)

$119.99*0.6*1.14 = CAD$ 82 (HKD$ 580)

 $89.99*0.6*1.14 = CAD$ 62 ( HKD$ 430)

 (Original $99.99) $59.99 *0.6*1.14 = CAD$ 41 ( HKD $290 )

網上買 Adidas 有 40% off !! 買滿 CAD$100 仲 FREE SHIPPING ! 我好努力咁揀，睇到頭都痛埋。話就話有減價，不過都要錢嫁嘛 ! 所以都唔可以 crazy 咁買。有 d items 真係超抵 ( 最頭果件最抵 ! ) ，但我又擔心買黎無用，因為自己唔係勁鐘意嘛 ~ 加上我已經買左兩對好貴的尖頭款的波鞋，所以我估我今次只會買一對 superstar 就算。

2007 年 9 月 7 日 星期五 【晴】

大名： 藍雪糕
電郵： [email protected]
說： 我尋日6/9(四)夜晚12點10分左右見到你bf(應該無認錯),同個fd喺鵝頸橋底等過海車...佢塊面紅粉菲菲咁,係化左妝定飲左酒呢@_@

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

哈哈～你無認錯人，係佢ar ~ 世界真係細！佢果晚係飲醉左 ar ~

______________________________________________________________________________________________________________

8 : 53 babe 打黎 ~ 其實我 set 左 alarm 8 : 55 am ^^ keke ~ babe 真係準時 !

食左半個 muffin，doughnut 同埋飲左半杯 french vanlia

9 點 50 maths 堂 ~ 係原課室坐左 20 mins ( 同其他同學一齊)，先知道原來 change 左 classroom ( 好彩有個同學發現左係班房門口有張紙寫住咋 ! 如果唔係果陣時我地諗住起身走人嫁 la ~) 佢教 ge 野同我中四學 ge 野係一樣的，只係 d terms 我要 pick up 番，refresh 番我 ge memories ~

之後有 3 個鐘 break，我打左去問 co-op ge 野。終於都算放下少少心頭大石 la，不過呢，詳細資料都係要等 10 月佢開 orientation 的時候先知道 ( 其實本來我可以依家問定，只不過條友講野太快，我聽唔徹 >.<" 所有唔 make sure 姐‥‥‥)

Annie 車左我去佢屋企先，同天師玩左陣 ~ 天師咬我隻手law ><" 不過狗同貓真係好唔同 ~ Annie 燒左隻 14歲媽媽俾我 ! 真係麻煩晒佢 ^^ 打搞左 Annie and 佢男朋友一陣之後，Annie 同我去左 Fairview mall ~ 首先係 foodcourt 食 Taco Bell ~ 比我想像中好食 ^^ thanks annie for the lunch ~ then 我地四圍行下，佢終於係 American Egal 買左心頭好了 ! 而我就 window shopping‥‥‥可能因為之前係 hk 洗左好多錢，依家已經唔敢俾自己再買野了。

期間 Kenn 打過兩次黎。第 1 次就同我講佢聽完個 fd 講左 d 野之後唔開心；第 2 次就鬧我，話我 upload 左一張佢唔鐘意 ge 相上 facebook。我知佢近來心情好差，所以我都淨係一味 say sorry，唔想同佢嘈。

3 : 20 pm return to home ~ 打俾 Kenn，幫佢 solve 左個電腦 problem。佢語氣已經 soft 番少少而唔係發脾氣的 tone 了 ~ 我一向都好執著於，如果一個人做錯野，要正式咁同我講對唔住而唔係當無左件事就算。但我今次都無要佢咁做，因為我知道佢近來真係好唔開心。雖然唔開心唔係大晒，但我係佢 gf，我唔就佢邊個就佢？

之後食左幾隻雲吞 and chocolate biscuites....

幫媽咪打 note，佢開班授徒愈來愈多人學 wor ~ 依家星期一至五都有學生 @@

我發覺 ( 其實都唔係今時今日先發覺嫁喇 ) 我成日開口埋口都係 Kenn ~ 我知道唔應該咁「沈迷」係一個人果度。但佢係陪我走過我好艱難的日子的人，連我自己都接受唔到自己 ge 野，佢接受到，這些都係無人可以取替的。

2007 年 9 月 5 日 星期三 【晴】

發惡夢‥‥‥我愈來愈搞不清現實和夢境。有 d 夢好似以前發過的，有 d 又好似係以前發生過的事，還有很多好似真又好似假的片段。

醒番之後 5 個鐘，我打這篇日記的時候，我還清楚地記得，有警車聲係我屋企樓下停車場。我行埋去窗口睇，有隻高達咁樣 ge 機械人爬上我個窗，然後向住我發炮。我避開左，但 at the same time 佢打爛我個窗。我好嬲佢整爛我屋企 d 野，so 我行埋去個窗同佢打架。我拉左隻野入屋 ( 無可能拉到佢入屋，佢咁大隻 )，打架打到出廳。我 dad 媽咪係廳睇緊電視，佢地好似完全見唔到我同隻野係度打架，繼續專心睇電視。之後我用碌棍，扑暈左隻野；點知佢起番身，偷襲我，咁我就唔留手咁用碌棍插穿佢個身。一下唔夠，仲要不斷插，插到佢標晒血 ( 無理由機械人會有血...唔 make sence 的 )。之後我問 dad 媽咪點算，佢地話掉出門口。

有時我都唔知道自己係唔係有精神病，定係我只係想人地多 d 注意我，俾多 d 關心俾我。當我覺得自己無精神病的時候，又覺得其實好似係有。當我覺得自己係有精神病的時候，我又覺得自己係呃緊自己，其實我應該係無。但我唔想去睇醫生，因為醫生一定話我無的，只係諗得太多，想像力太豐富。但我根本就唔信醫生講既野，所以我唔會去睇。

其實係因為加拿大空閒時間太多 ( 但這個 point 唔成立，因為我係 hk 的時候都有這個問題 ) 還是近來我需要處理的事太多，壓力太大，我一時間應付不來 ? 我要考慮 co-op 的問題，這個問題又會關連到 transfer 的問題，然後這兩個問題又和我買機票的問題有 connection‥‥‥Kenn 淨係叫我唔好諗咁多，但係唔通唔諗咩 ? 我無得揀逃避，無得揀卸膊，因為我唔諗就無人幫我諗，無人幫我安排。到時當大家都安排好晒將來的路的時候，我仍然係原地踏步。我無幾多年光陰可以浪費嫁咋........我明白，plan 左唔代表一定會發生，除左 depends on 我肯付出幾多努力之外，亦有好多非人為的因素 which is 我估計唔到控制唔到的 ~ tho plans will change，都需要為自己定位，向住目標努力。遇到估計唔到的事，就見招拆招吧 !

係好唔清醒的情況底下，我唔覺意 format 左 d 我唔應該 format ge 野。format 唔同 del，del 可以係 recycle bin 搵番，但 format 就 >.<" 總之就大獲 la ! format 完果刻我已經知道做錯事，但已經救唔番 ( 其實我知道有 d 電腦好勁 ge 人可以救得番 ge ) 唉 ~ 我不斷咁鬧自己，點解咁唔小心，點解明知自己唔清醒都去掂 d 咁 inportant ge data......

babe 係 webcam 果度同我傾，佢今日買左靚靚 Gstar 褲 !! 係 webcam fitting 一輪之後，babe 見到我個樣 super 唔開心，佢就問我咩野事‥‥so 我話俾佢聽關於 academic 上的 worries，因為我真係需要係 oct 之前做好所有 decision。唔係代表我將來無得轉，而且once 我 decide 左之後，我要 switch around 的 cost 將會好大。同埋我 mentally untable ~ babe 好有心機咁聽晒我講 ge 野。babe 真係有為我改變的! babe 應承我，佢會好專一對我，unless 我識左第二個男仔。雖然，好多時去到某 d 位，承諾 means nth, 但我依然好開心 ^^

12 : 30 pm 去睇 family doctor ~ 我條 spine 痛左好耐嫁 la ~ 不過一直都無去睇。summer 係 office 做野，成日都坐，痛得更加緊要。我已經有留意自己的坐姿 and 提醒自己坐得 balance d，唔好 kill 腳，唔好寒背 ( but 我根本就無寒背 )，都唔知點解會痛 ~ 另外係想睇下佢有冇藥膏可以搽 Skin allergy。但點知我淨係記得問佢 skin allergy ge 野，完全唔記得左叫佢 refer 個醫生俾我。

1 : 30 - QNM222，個 prof d 口音有 dd 難聽得明 ~ 加上佢講野勁細聲‥‥‥不過唔緊要喇，都係自修咁濟嫁喇 ! 仲好喇，還掂我都唔係果 d 鐘意聽書 ge 人。

早左放 ge 關係，同 Annie 係 bookstore 擾攘左好耐 ~ haha ~ 買完書又發現唔記得左 d 野，搞到不斷係 L floor and G floor 行上行落 >.<" 今年有好多書都會同 Annie share ，咁就可以平分個 cost ~ 計埋計埋，每人 $ 125 ( 未計英文果本書) 就應該搞掂。係 bookstore 排隊俾錢的時候撞到一個男仔想買我上個 sem 用的書，我話 sell 俾佢，佢話 ok wor ^^ 聽日交收。

之後 Annie 車我去對面 Tim Hortons 買 coffee ~ 期間 Peter 打黎話帶我睇狗狗 ! 勁興奮 ar!

番學校上 CAP506, 見番好多舊同學。無得同 Annie一組。唉~呢個 group 無一個人係識得 ge ，而且個感覺麻麻 but 成個 semester 都係同佢地嫁 la ! 不過可能遲 d 又會 get along 到 ge ~ 始終要咁樣先識到新朋友‥‥‥

放學 Annie 車我番屋企 ~ 真係 100 個唔該晒佢 !!

2007 年 9 月 4 日 星期二 【晴】

番到學校，見番 Annie ~ oh ! 真係好耐無見 ar !! 我地交換禮物 ~ haha ! 佢份禮物包得好靚 le ! 我就 avoid 包禮物，因為我包得唔靚 ~ 我用個 paper bag 裝住就算 ><"

好 funny law，今日 book appointment 睇醫生 la

佢話­最快 available 係 1st oct ><"

Another funny thing, the prof. didn't show up for the class which suppose to be a 3-hour class....><"

今日only 化左對眼，leave the rest cox my skin allergy still not recover yet ><"

2007 年 9 月 3 日 星期一 【晴】

聽日就番學 la

同 babe 傾計的時候，佢讚我依家比以前靚。原來佢一直都覺得我係加拿大的時候好肥，依家得番 110 lbs 先剛剛好。OMG ! 我過到黎加拿大實肥番 la ~ so is he going to leave me becox of that? 佢叫我食少 d 野，唔好食咁多 snacks ~ but 係加拿大咁悶，我一溫書就會狂食野。我連唯一的樂趣都無埋 ><" oh! sounds great?! 我真係好在意原來佢一直都覺得我肥 ( 我番 hk 的時候大概 118 ~ 120 lbs )，我覺得自己只係有肉 d 姐，雖然我都一直提住自己 eat less but still，我唔覺得嚴重到可以用「肥」去形容我自己 law !! 我真係好嬲 ! seriously ~ 自從我 give up 左 modeling 之後，我finally 覺得可以 eat what i like ~ but 依家佢又咁同我講。。‧‧

佢事後同我講話係講笑 ~ 但我覺得佢只係響度「兜」緊 ( 姐係補獲 )‥‥潑左出去的水係收唔番的 !

諗 transfer 既野諗到頭都大埋 ~ 又要考慮生活費 ( 如果去 d 好遠的大學讀就一定要寄宿，到時又多一筆洗費 )，又要考慮間學校的 reputition，又要考慮 transfer 得抵唔抵 ( 佢 recgonize 我幾多個 credit )。

打左去 Kenn 的 Uncle ( 教車的 )，今個星期四第一堂學車 ~ ><" OMG ! 好緊張 !

2007 年 9 月 2 日 星期日 【晴】

尋晚頂到 10 點就訓 ~ 不過 11 點半俾 babe 的鬧鐘嘈醒左 ( 我同佢 Webcam 緊，戴住 earphone 訓覺 ) 之後好辛苦先訓番。不過 3 點幾就醒左，又迫自己訓番。訓到6 點又醒左，再迫自己訓，8 點半又醒。

日日都喊，嚴重無胃口，前後兩日睇左兩套 DVD。

尋晚睇左 Dreamgirls，今朝就睇左 Save the last dance (2)。

心情好差，我不斷搵d野做 keep 住自己 occupied，但日子都係好難過。

babe 夜晚搵朋友食飯。我無咩幾多日可以 full day 得閒，就到佢時間嫁 la ~ 但佢出左去食飯‥‥‥我每日的時間就俾佢 bound 住晒，我要係屋企度等佢食完飯番屋企 online。佢番到屋企 on 左 line 之後又出左去廳睇電視，食 ice-cream，傾電話 ect。我又要等佢番房，番到房無耐佢就訓。前後真正傾到計只不過係半個鐘到。有時真係好炆，無晒私人時間，我 timetable 要就佢，日常生活又要就佢，媽咪要我同佢出街食飯，我都揀 d 最近的 plaza，想快 d 食完番屋企。不過算 la ，我同佢又變番無咩野講。真係過左黎唔夠幾日，我同佢已經變晒 ~ 咁責任又唔係完全係佢果度 ge，不過我心情好差，好需要佢 tum，但佢又無乜點 tum 我。

係 ! 我依家係抱怨嫁喇 ! 因為我係佢面前無得抱怨 ! 我發少少脾氣的時候，佢就已經發番我脾氣轉頭，我同佢講野只可以 keep 住一個溫柔的 tone‥‥‥

係屋企好悶，想出去抖下氣。但又唔識 drive ~ 加上如果就咁行出街的話，好多 waltz 同埋 bumbel bee...又晒到死。

12 : 45 pm，佢打黎同我講食完飯 and play 完 snooker ~ 我 sun 左兩句，講野有骨咁，之後我地就嘈起上黎。佢講野好大聲但佢覺得自己 attitude 無問題。嘈嘈下有隻 spider 係我張書臺度，我 freak out，搵 newpaper 打佢。第 1 次俾佢走 lug 左；之後我忍唔住喊左出黎，點解連隻 spider 都要玩我，同我作對？babe 見我喊，佢就無再同我嘈 and tum 番我。坐定定同 babe 傾多陣的時候佢又出現。我今次成功咁打死佢，babe 鍚番我做獎勵。

其實我真係好小朋友的，一件好小的事都要人地讚我；讚完我之後，我就會乖乖地，繼續做番我要做的事，唔再鬧情緒。babe 讚完我 and 聽我講左我尋晚 and 今朝既野之後；佢知道我好悶，所以就提出話叫我養狗仔。我唔係唔想，只係我想做一個有責任心的狗主，我唔想如果我成日加拿大，香港兩邊飛的話，要交低隻狗俾人照顧；如果我 finally 係香港 settle down 的話，又唔想隻狗要經過 1 個月隔離咁慘 ~ 所以都係考慮下先 la。不過講起狗仔我就精神番晒 ~ stop 左無喊 lu ^^

babe 幫我搵左佢 uncel 教我學車 ~ thanks!

打爆左應援團第二關了 ~ 開左第 3 關出黎 ^^

2007 年 9 月 1 日 星期六 【晴】

踏入 9 月，要開始 get everything on track。

荒廢左 4 個月 ge 英文要慢慢練番黎 ><"

尋晚 1 am 訓 ~ 7 am 醒左，中間仲要 4 am 醒過黎，不過迫自己訓番。

終於 find out 晒 d course 的代號係代表 d 咩野科，and send 左 email 去問有關 co-op ge 野。

為左 co-op 的問題，同 babe 又搞到好唔開心。都話嫁喇 ~ 話左黎無耐又鬧交 la。

遲 d 仲要研究埋邊間大學會認可我 ge credit‥‥‥再要做 planning。這件事最好係 sem 3 完結之前搞掂佢 !

Annie - FYI

MRK317 - Integrated Marketing Commuication (1)

MRK360 - Applied Business Management

QNM222 - Business Statistics

CAP506 - Career Launching and Portfolio Planning

EAC394 - Effective Business Writing

NAT160 - Body and Nutrition

2007 年 8 月 31 日 星期五 【晴】

lunch 去左潮洲館食野 ~ 2 碟炒粉麵飯果類既野要成 $ 20.60 CAD ><"

去左 Domainion 買野，可以 shop 左成個鐘。

5 pm 訓到 8 pm ~ 其實真係唔應該訓，但我想陪 babe 訓，而且我自己都累。

今晚食 steak，但我 d skin 唔好，唔敢食咁多 ~

食完飯之後上房睇狗咬狗。借左 Peter 隻碟好耐都未睇 ><" 睇到 Edison 對果個女仔好溫柔的畫面，我又諗起 babe wor ~ 之後咁 arm 係 webcam 睇到 babe 朦朦鬆鬆咁醒左，傾左兩句我又喊起上黎。

過到黎 d skin 唔適應，不斷 lug 皮，好痕‥‥‥痕到想死 ! 特別係眼，鼻 and 咀，d 皮膚較薄，所以最易爆開‥‥又痕又痛 !! 想死 ar!

要準備開學 ge 野~ 但我完全無心機，提唔起勁‥‥‥

咁多日以來，大部份時間都係佢話俾我聽好掛住我。其實我何嘗唔係？我好似好正常咁，當佢唔開心，靜左唔出聲的時候，我係咁搵野講；但其實我都一樣好唔開心。我真係好需要喊出黎，因為我真係好掛住 babe ~ 我唔可以再扮無野，因為我係一個 crying baby；如果我喊左幾滴眼淚就停左的話，一定係我 gum 住自己，因為我一喊，就會喊足幾個鐘。。‧‧

我今次回來，媽媽覺得我好像獨立了些。的而且確我係獨立左，但其實我好渴望有人照顧。當我想到日後8 個月的生活又需要一個人去面對，一個人去解決問題，一個人去撐過所有困難的時候，我就覺得好難過。就算我打俾佢，佢都可能做緊野，唔得閒聽我電話；又或者佢訓緊覺，我又唔想嘈醒佢。總之就得唔到 immediate 既幫助，到佢得閒理我的時候，可能件事已經過去左。

我好難過，明明對眼 and 鼻已經痛得好緊要，再喊只會令到 d skin 更加痛。但我真係收唔到聲，我唔知道我需要幾耐先可以適應番一個人的生活。。‧‧

唔知道呢 d 咁 sweet 的生活，幾時會變呢 ? 我地因為剛剛分開，所以好掛住，好多野都會就對方唔想嘈交。但唔知幾時，我地又會變番好似之前咁，成日因為 d 小事而嘈交，之後更加會變成冷戰唔理對方呢 ?