| 日記 | 日記主簡介 |
||||||||
2007 年 6 月 21 日 星期四 【晴】 69 days left累到連妝都唔想化，不過真係嚴重到無血色。 提早左番公司，因為想係公司果度 hup一陣。番到去張台上面趴係度訓，訓左 15 mins ~ 但一 d 都唔覺得 recharge 左，仍然都係咁眼訓。個頭又 of cox 痛到傻 la ! 公司 d 同事問我係唔係尋晚蒲完 ~ 我邊鬼有去蒲 wor ~ ! 只不過個樣係殘姐‥‥‥ 尋日俾人 kick 一 kick，所以隻左腳有少少扭親，迫住我今日唔可以再著咁高既鞋。雖然公司唔俾著露趾鞋，但我都唔理得咁多，始終都係健康緊要 d ! 個頭係痛到我想囉 sick leave 番屋企抖抖。我又唔知道我做 summer intern，囉 sick leave 會唔會扣人工 wor，又唔敢問人，唯有死頂 la……況且可能 7 月份我會囉一日假，所以都係珍惜下 d sick leave，費事俾人覺得我做得果3 個月都請咁多假 la ~ 不過我真係開始作病，流鼻水 and sneeze a lot >.<” 11 : 30 am 打去叫 babe 起身，佢話張床好好訓 wor ! 咁抵我買黎送俾佢 ge ~”~ 訓得好唔好真係好重要嫁 ! 好似我咁，睡眠質素一向都唔好，所以想精神 d 都幾難….. Lunch 係公司 hea，唔想出街 ~ 好累好累‥‥‥更加唔想睇中野而洗錢 ~ 係公司睇左 d 關於申請係學校入面做 tutor 既application form ~ print 好之後再prepare 埋 cover letter 同埋 resume ! 預備 9 月番加拿大的時候即刻遞 form ~ 希望會請我 la ~ 放工搭叮叮去搵 babe ~ 先先上左去佢屋企坐陣，想訓又訓唔到。7 點半落樓去 salon 果度洗頭 ~ 今日又係上次果個 jun 幫我洗。但係佢問左我一樣野，我聽完即刻呆左。點解？點解 d人總係要提起我的過去‥‥‥ babe 幫我吹直再夾 torns ~ 靚靚 ! 仲好好心機咁幫我剪走左前面額頭 ge baby hair，等個額睇落去無咁窄。 搞掂就去左一日由日本人開 ge 拉麵店食拉麵。個湯底 and d 拉麵好好食 ^^ 我叫左個豬骨湯底，babe 就叫左個面豉湯底，再叫多個炸芝士 ^^ 個炸芝士好好食，不過略嫌細左 d ~ 由於太熱的關係，雖然我已經細細啖咁食但都「辣」親條利。 食完野番屋企睇 DVD ~ 之後搭 12 點果班 113 走 ~ 番到屋企傾左陣電話 ~ 佢問想要 d 咩野生日禮物。雖然我成日都睇中 d 貴野，但係無論果樣野幾貴都好，都有個價，我肯努力 save money 一定可以自己買到俾自己。我反而想要 ge 係一 d用錢買唔到ge 野。2 點幾收左線後，佢好快打番黎。佢專登打黎係應承我一樣野 ^^ Babe 好有我心 ^^ >>June 22, 2007 at 2:17:37 PM GMT+8 2007 年 6 月 20 日 星期三 【晴】 70 days left( 我好唔想 count down，但這是逃避不了的事實 ) 尋晚訓得一般，因為臨訓前同佢嘈交。早餐食左 2 粒 mango 糯米滋 ~ 今日 d時間都過得幾快，lunch 去左去食。 有位 uncle 送左個 burberry 銀包俾我 ~ wow ! 太貴重了 ~ 搭 MTR 搵 babe，佢今日放假但過唔到黎接我，因為佢要係屋企等人送床褥黎。 去到 cwb 係 MTR station 行上地面的時候，行到最後一級 stairs，俾個講緊電話既女仔踩到我對鞋，搞到我右腳隻鞋就lug 左係最後一級 stairs 果度，而我個人就左腳有鞋右腳 bare foot 咁樣踩左係地面度 ! 四圍既人都望住我，搞到我鬼咁死尷尬。果個女仔講左聲對唔住就走都走唔切，而 d 人就係度笑我。我即刻著番鞋逃離現場 ~ 仲行錯左路，行錯左相反方向 for 20 米左右先 aware 到自己行錯路 >. < 好辛苦咁挨到番屋企先有機會整番 clean 隻右腳。因為頭先 dim 到地的時候，好多 dust and 吉腳 ge 野，但我為左快 d 離開現場所以唔理三七廿十一就著番對鞋先 ~ 張床幾好訓 ~ babe 同佢表哥係出面打機，唔理我。我換左衫，玩左陣電腦，再 migrate 埋 d 卡 from old wallet to new wallet ，佢地都仲打緊。咁我炆炆地就話我要落街去 time square行下，點知佢地話陣間會去 time square，叫我陣間先去。我無野做，又想發脾氣，就係度撕碎晒 d 紙。Babe 入到房見到好細粒的紙碎就係度問我做咩 ~ 話我係度扭計。 雖然我知道今日係佢一個星期難得有一日的假期，佢想做自己野我明白。但如果係咁的話，不如叫我唔好過黎算吧 la ~ 我自己係屋企仲自由自在。起碼唔會好似係佢屋企咁悶‥‥‥ 陪佢表哥去睇太陽眼鏡，最後佢表哥買左一副 Dior 的 sunglass 俾佢女朋友 ~ 去左食江仔記。食飯的時候，佢表哥同我講左 d野，聽完之後我即刻成個人呆晒。我係度諗，呢樣又唔食得，果樣又唔食得，咁我仲有 d 咩野可以食 ? 如果連食野都要戒口戒得咁犀利，生存係世上真係無咩意思。我有幾個死穴，就算人地唔係囉黎講笑，而只係提一提起都好，我都會好 sensitive and 會好唔開心。我知道佢出於好心，但我依然好介意。無胃口食野，但為左唔想佢地覺得我有問題，所以都係乖乖地咁食左大半碗麵。 上屋企 hea 陣 ~ 經過我呢幾日同 babe 講既野，佢今日有努力去做 d 野令我 feel better。但我今日依然有好多野諗，就算我幾努力去 relax 自己都好，都無辦法 clear up my mind。 Babe 話我同一齊好開心，但每次見到我唔開心的時候都會唔開心，但偏偏我又成日都唔開心 wor ~ 其實我真係好想努力 d咁令佢開心，但我 ge 性格真係咁樣嫁嘛‥‥‥我好矛盾，唔知點做好‥‥‥ 12 點落去搭 113，shit ~ 送車尾。之後 12 : 12 ( 15 分鐘一班車 )，我先發現原來我漏左個手提係佢屋企；babe 就上番屋企囉個電話俾我，我又睇住第二班 113 走左 ~ 最後我 12 : 30 搭左尾班車 113 番屋企。 等車的時候，as usual，有好多小強係個 drill 果度走出黎。Babe 同我一人睇一面，提防有小強突襲 ~ 哈哈 ^^ 我沖完涼整好晒野係 1 點半，upload 埋 diary 就已經差不多 2 點。打俾 babe ~ 佢整緊股票 ge 野，咁等佢等到 2 : 45 先打黎。我好眼訓，眼訓到完全講唔到野。我明明聽到佢問我 ge野，我亦都有答佢，但原來我只係響個心入面答左佢，但我無講到出口 ；我個腦入面明明好似聽到自己把聲 ~ 唉‥‥‥累透了！之後 babe 話收線 la ~ 我其實想迫自己清醒 d ，以前我都可以嫁，但今日實在太太太累了 ~ >>June 22, 2007 at 2:16:39 PM GMT+8 2007 年 6 月 19 日 星期二 【晴】 尋晚喊完之後，我訓得前所未有咁好。或者尋晚我真係完全唔理自己個樣醜唔醜咁樣喊，所以真係舒服左好多。連我一向有 ge 頭痛都好似少左 ^^ 10 點半 alarm 叫我起身，我就打去叫 Kenn 起身。之後再訓番，一訓就訓到 1 : 45 pm ! 真係誇張 ! 之後起身食 " lunch " ~ 食完就整 OSAP d 野 ~ 唉 ! 同 dad 一齊 go through d details，頭都痛埋。又要諗點樣先可以令到自己 qualify，又要填好多 information‥‥‥由 2 點幾搞到 5 點。 整理一下日記 and 相 ~ 將 d 相用 bluetooth send 去手提，then 沖個涼就出 MK 接 babe 番屋企。 on the way 買左許留山 ge 野，cox babe 話唔想兩手空空咁上我屋企 wor >.< 其實使 mug 咁麻煩，but he insisted to do so ..... 8 點半上到屋企，坐一陣之後 dad 番黎，一齊食飯做節。 食完飯之後，dad 想即刻食甜品，but actually 我有 d 飽，不過無所謂 la ~ 食左 1 粒糯米滋 and 3/4 杯 mango + mango ice-cream ^^ 睇左陣 TV，dad 同 Kenn 傾 stock 果 d 野，聽到我好悶 >.<" 10 點半，我知道 Kenn 都累，所以就主動同 dad 講話要送 Kenn 走。其實我知道佢好想走，所以我要學下點樣可以 lead 到個 flow ~ 我覺得呢樣野我真係好需要學嫁 ~ 識得招呼客人，令到佢唔會尷尬；有好多野客人唔方便講，所以我就要識做。唔單止係男朋友嫁，朋友上黎我屋企坐的時候，我都係一碌木，咩野都唔識。 我送佢去 113 果個 bus stop ~ 行到去唔夠 1 分鐘就有車 lu ! >>June 20, 2007 at 1:02:21 AM GMT+8 2007 年 6 月 18 日 星期一 【晴】 尋晚 babe 做左一個令我好開心的決定，佢令到我覺得佢係 care 我 feelings 的 ! 希望以後佢都可以keep 住對我咁好 la ^^
話咁快又一個星期了，番工的日子好 routine，亦都好悶。唔知做過 d 咩野但又一個星期 lu ~ 開始係度諗幾時要番加拿大，幾時會見唔到 dad and 男朋友‥‥‥ 係公司果度 print out 左一大堆關於 bursary and financial aid 既野，同埋 high light 晒 d due dates ~ 天啊 ! 又要開始擔心番學 ge 野 la ! 我會再努力 d，希望今年的成績可以 keep 到 la ~ d 野難左，我都唔會寄望自己可以成績方面叻過上年，不過 keep 到就已經 ok !加上我今年應該會學車，會佔左我好多時間同精神 ! Lunch time 我又無出去食，用 d 時間黎剪手甲。我真係忙到連剪手甲的時候都無；得閒的時候又無心機，所以唯有係公司先可以 dig 起心肝 ! 今日都係打下電話，下午 4 點開左個 mini 會議 ~ 夜工過左去搵 babe ~ 佢忙緊，所以我直接上佢屋企。食左一條 Kinder 繽紛樂 and 飲左 d juice 之後玩電腦 ~ 玩左陣就去訓覺。但訓唔到，babe 9 點幾先番上黎 ~ hea 左陣，有 d 野令我唔開心 。10 點就去吉野家食野。臨出門口前，我隻左腳無喇喇抽筋，babe 話我可能係扁平足，所以對腳果個位 d 筋成日拉到好行 ~ 食完野 babe 話去按腳 ~ but 我驚驚地所以 refuse 左。
番屋企睇左套好搞笑 ge 戲， but 有 d 三級成份。睇完戲之後，我地傾左 d 好認真既野。 計番日子，原來我只有 73 days 係香港 ~ d 時間真係過得好快！諗到呢度，我開始喊～佢問我係番左黎 hk咁耐，有咩感覺。又問我係唔係鐘意佢，定係淨係需要佢。 其實佢咁樣問我，我都有 dd confuse ~ 佢問我鐘意佢 d 咩我又講唔出，但係我同佢一齊既感覺又好好，好到當左佢好似屋企人咁，好多野都唔會同佢計較，亦都唔會刻意裝扮。 我同佢講番，其實我以前係加拿大有面對過 temptation，因為我好需要人地聽我講野，咁 Jan - April 果段時間，我同 Kenn 的關係唔係太好，所以有段好短的時間同一個男仔傾多左計，不過最後都無事發生。 Kenn 聽完之後，佢就問我，第一個無事姐，假如有第二個，第三個呢 d 男仔呢 ? 咁當我番左加拿大之後，我又成日需要人地車出車入，加上我又咁需要人地聽我講心事，所有一定好需要一個男人係身邊支持我，照顧我；實會俾人有機可乘。佢講ge 的確係事實，我都知道以我呢種意志力咁薄弱 ge 人，好需要一個人係我身邊；所以異地戀對我來說係難上加難既事。佢話，今次我番左過加拿大之後，都唔知下年我番黎的時候仲係唔係同佢一齊。我覺得佢好唔信我，好唔開心！但我都明白 ge ~ 我始終仲係細，仲未定性，不過聽完佢咁樣，令我喊得好犀利。倒番轉諗，如果有一日佢突然間同我講話唔要我，我都唔知點算 ！我真係無諗過假如無左佢會點樣‥‥‥ 佢問我假如再有呢 d temptation，我會點樣面對？佢覺得我連係叮叮上面俾一個唔識既人非禮我都唔敢出聲，何況係一個自己識既男仔主動攬我／錫我 ? 我同佢講，其實只要佢肯聽我講野，我就唔需要搵第二個人做聆聽者，亦都唔會咁易俾人有機可乘。但係 Kenn 就話，佢唔係唔肯聽，而係我 ge 說話方式令佢感到好煩厭，所以大家應該檢討一下，我應該改改個 tone and timing，而佢就學習有耐性少少。 佢送我落去搭 N112，係車上面我不斷問自己，假如再發生呢類事情我會點樣面對呢 ? 我真係可以對男朋友 loyal ? 如果出現呢類事情的時候，我估我會同佢講，希望佢可以提醒我，等我知道自己做緊 d 咩野。如果一做錯事，就會無左佢。另外，我亦都會同自己講，唔好為左新鮮感而放棄左辛辛苦苦用時間建立番黎的默契。剛剛同一個人一齊，無論係朋友 / 男女朋友關係，都會特別多話題，好少嘈交。但日子耐左，大家的真性情都會顯露出黎，到時就唔會好似一開頭咁開心咁 smooth。所以唔好俾眼前的幻象迷惑左；亦都要記住，係我最難過，最無自信的時候，係邊個陪我挨過 and 支持我跨過種種難關。 對於人地對自己好的事，總是變得善忘； 相反，別人對唔住自己的事，就銘記於心。 我係 taxi 上面， send 左 sms 俾佢。我話佢聽，我會盡力令自己唔好行差踏錯，and 我會提醒自己，只要我忍耐我陣，兩年後好快就可以同佢一齊係hk生活，唔需要再相隔兩地。 番到屋企落左妝後，等佢沖完涼同佢傾左陣。之後我去沖涼，叫佢等 15 mins，不過 15 mins 後我打俾佢，佢已經訓左，無心機同我傾。不過今晚已經講左好多，而我亦都喊到好累，所以收左線之後都訓左 ~ >>June 20, 2007 at 1:01:26 AM GMT+8 2007 年 6 月 17 日 星期日 【晴】 6 點去到 cwb ~ 係 time square 行左一陣之後，響 OZOC 果度睇袋。睇緊的時候 babe 打黎，佢黎間 shop 果度 meet 我。佢隻傻豬，不斷好似魔鬼咁引誘我買。又話一個黑一個白，又話抵買‥‥‥搞到我最後買左 ><"
白色漆皮大袋 ~ $ 290 ! 本來仲有其他野想睇，但我話唔睇 and 催佢落去食野。去左 Lee Garden 附近的一間細細間的 coffee shop ~ 果度 d coffee 真係好好飲 ~ 我叫左個 hazelnut coffee ^^ 坐係度睇八卦 magazine ~ 其中一度講話葉翠翠對腳好粗。但我真係唔覺得佢粗 law ~ 唉！d 傳媒真係害人不淺‥‥‥唔怪之得咁多人話要去廋身減肥 ><" 食完野番上去 salon 果度洗頭 ~ haha 我係好懶鬼，成日都想去左 salon 果度洗頭番屋企唔需要自己再洗多次 ^^ babe 幫我吹直左個頭，之後再用 torns set perm ~
完成品 :
babe 好有心機幫我 set 嫁 ^^ 我好鐘意 le ! 所以我同佢講左，生日都要整呢個頭 ~"~ 我知道 babe 專登留意我上次講果 poster 入面果個 model 個頭 ^^ 呢種頭叫做「傅明憲」feel 既頭 ~ haha ~ 放左工就去翠苑囉 chinese dumplings ~ on the way 食左 Krispy Kream !
之後陪 babe 去 4/f ge tanning salon 果度晒燈。晒左 20 mins ~ then 係金百利行左一陣，因為我條褲太鬆，想買條幼身閃令令皮帶，不過我份人好挑剔，所以揀來揀去都揀唔 arm ~ 況且我唔太鐘意夜媽媽買野，因為當我個人一累，我就無心機行街 ( 唔似得一般正常 ge 女仔，一提起 shopping 就咩野累都唔記得 >.<" ) 係屋企樓下買左 d 砂糖 then 番屋企 sap 熟隻鮑魚chinese dumplings黎食 ~ 12 點 3 搭 113 番屋企，等車的時候有 3 隻小強圍攻我 ! 好彩有 babe 幫我睇住 ~"~ 3 點幾先訓 ~ 累死 ! >>June 18, 2007 at 3:22:01 AM GMT+8 2007 年 6 月 16 日 星期六 【晴】 成朝都係屋企，hea 下又打下日記咁 之後 7 點幾陪 grandma 去唐宮食 dinner ~ 同我 d 大伯 and 姑媽食飯。 叫左個 $ 2500 既 set for 8 ppl 開左支紅酒，支 red wine 都過得去，所以我都飲左差不多 2 杯。 total 有 8 折
大蝦 salad
紅燒翅
西蘭花炒蝦球 ( 辣到我死 !! )
星斑
芝麻雞
荷葉飯
楊支金露
食完野之後行去油麻地搵 babe ~ 佢係附近上 course，10 點半先完。咁我就自己一個人係潮特果度行左一陣，想買一本靚靚有公仔，又薄身 ge 2007 ~ 2008 年 schdule，不過睇唔 arm 。 佢過左黎潮特接我，then 一齊搭 bus 番 cwb ~ 點知塞車，搞到 babe 有少少躁底。 番到去屋企附近買左碗粉番屋企食 ~ 食完野babe 幫我按頭。我舒服到訓著左 ! 連佢行左出房再番入黎我都唔知道 !! 2 點幾搭 N112 轉 taxi 番屋企 ~
開始有 d 唔係太想搞生日 1) 我唔鐘意去 d outdoor 既地方 ( 唔要沙灘，離島，海旁 ect.) 2) 我唔鐘意要出汗要辛苦 or 有危險的活動 ( 單車，溜冰 ect ) 3) 我好怕要就呢個就果個 4) 我的 budget 有限 5) 有好多野我都唔鐘意食 (我唔食 thai food, 越南野，潮洲野，上海野‥‥‥) 6) 極度唔鐘意去 cafe ( 我覺得係全世界最悶既野 ) 7) 唔想唱 k / 睇戲 如果我有好多朋友，咁我唔需要怕就唔到其中一個而少左一個人。但我本身朋友又唔係多，Alevel 果班朋友又要擔心放榜；呢班 fd 又唔識另一班 fd；仲有很多其他原因，我真係唔知道應該點就佢地。Kenn 叫我鐘意搞咩就搞咩，唔使就得咁辛苦，我生日大晒嫁嘛 ! d 人鐘意黎就黎，唔黎就唔黎。但問題係，我其實無咩朋友嫁咋，所以每一個對我黎講都好重要 ! 我諗到頭都爆都諗唔到有咩活動可以搞，不如唔好搞算數 !
>>June 18, 2007 at 2:59:56 AM GMT+8 2007 年 6 月 15 日 星期五 【晴】 食早餐食得太慢，再加上煩惱緊今晚著咩野衫 and 鞋，所以搞到今日遲左 15 mins 先番到公司 ~
番到去因為有部份既人去左 golden coast，無人點我做野。我可以好空閒咁打幾個電話又做下自己野先。
send 左 sms 俾 Kenn，我同佢講，我好介意尋日佢講既野，叫佢唔好扮無野，唔解決左件事先唔好以為我會原諒佢。但點知佢全日日入面都係無道過歉。
lunch 出左去食 cova ~貴得黎又唔係樣樣野都好食。
番去繼續做野 and 寫 report。
放工就番一番屋企，係旺角出左 MTR 之後想轉 taxi 點知等左 10 mins 都無 !!!!! 好過份 ~ 之後我見到 taxi 想遞手的時候，無喇喇有條友係我面前行過，搞到我勁大力咁打左落佢度。嚇到我叫左出黎 ( 但最 funny ge 係，但我打到果個男人連叫都無叫過一聲 )
番屋企，沖個涼，擺低 d 野再出去。去到 cwb 的時候係 7 : 34，係佢公司洗個頭，babe 好努力咁吹我上次 describe 俾佢 ge 頭 ~ 其實都差唔多 ge，個尾我一向都話佢整得好，係個頂有 d 唔知點。今次比上次好左好多。其實我都唔係太知自己想要 d 咩野，我估要 try and error 咁樣去試出到底我係想要 d 咩野樣 ge 頭 ~"~ 佢一邊幫我整頭我就一邊轉妝，mainly 係化番對 smokey eyes 出黎。
不過今日唔記得帶 ram card 所以無得影相 ><"
之後佢大佬上左黎剪頭 ~ 等佢剪的時候我不斷 hup 眼訓。
搞掂就去翠華食野，沿途去左睇錶先 ! d 男人真係捨得買 ga bor ~ 十幾萬一隻錶好似好閒咁‥‥‥不過佢地幾個男人最後都無買到。
食完野搭過海巴去尖咀棉登徑劈酒 ~ on the way 去搭車的時候見到個明星仔，
今日係 Kenn 識左 11 年 ge fd, Ricky 的生日。我好似係全場最細果個 ~ 好耐無玩骰，有 dd 唔係好知自己做緊咩。十五廿十更加係我的弱項 >.<" 我玩來玩去都只會玩大話骰 and lucky ><"
今晚無咩點玩，亦都無咩點飲。因為我知道自己食緊藥唔應該飲酒，所以我都飲唔夠 2 杯。
我想嗌，想放 d 咁嗌，但又要錫住自己把聲。唱左 2 首歌 ~ 之前病左咁耐，我把聲終於都好番少少 lu ~ 但都係未去番之前的水平。加上我依家日日係公固都要 make 50 個 calls ~ 成日講野，真係幾辛苦。
本身話 3 點要番到屋企；但 babe 想我陪佢耐 d 所以叫我2 點打俾 dad 同佢傾下。3 點幾就走，babe 陪我一齊搭 taxi 番屋企。行去搭 taxi 的時候，佢唔睇路差 d 俾車撞到好彩我拉一拉佢‥‥‥嚇死我！
其實今日有幾樣野唔開心，但見到 babe 咁醉我都費事同佢講。佢都無心情聽我講野‥‥‥
佢送到我係屋企樓下的時候，攬左我一陣，但我完全無反應，因為我真係好唔開心‥‥‥我唔知佢意唔意識到。anyways，佢搭番 taxi 走。我叫佢番到屋企要打俾我，因為佢真係醉醉地，我有 d 擔心佢。
我真係好想可以飲酒， 好想可以醉， 好想可以俾我的 true feeling take over 我的 rational mind， 好想可以豁出去咁玩，就好似我以前細個的時候咁樣。
人愈大，就愈多顧慮。
番到屋企，飲左碗 coconut chicken soup 之後落妝沖涼。等佢電話等到5 點。打左好多好多次俾佢但無人聽，我都估到佢係訓左嫁喇，但我真係有 d 炆 law ~ 我雖然唔係醉，但我好眼訓。我今朝 6 點幾起身，一直無訓過踩到 5 am。有時我真係嬲自己，使乜要等佢打俾我 wor，自己眼訓咪訓 law ~ 唉，都唔明點解要咁為佢。 >>June 18, 2007 at 2:53:16 AM GMT+8 2007 年 6 月 14 日 星期四 【晴】 2007 年 6 月 13 日 星期三 【晴】 2007 年 6 月 12 日 星期二 【晴】 As usual，個人累到死。無咩心機執個樣，其實番 office都無人見到，我又唔使見客，都唔明點解公司要執得咁正。 做來做去都係果 d 野，真係就快精神分裂。每一日 d 時間都好似過得好慢咁樣。 10 點幾食左隻 banana，之後Lunch 係公司食左 2 個自己帶 ge cake and 1 個 green apple。 1 : 38 頂唔順，趴左係 desk 果度訓，2 點彈番起身。 係公司真係悶到震，係咁悶既日子裡，今日 funny ge 事包括：有間大公司個 call waiting 鈴聲係王力宏 ge 唯一。而且我發現左，有唔少公司的秘書 d 英文係十分之嚇人的！also 秘書呢個 pose 再唔係女人的天下，有男人做秘書 ge ^^ 好辛苦等到放工，點知臨放工前整親隻手指。我入去 toilet 搞得黎都已經過左少少放工時間。趕過去 cwb meet maggie，maggie 話 time square 入面有 food court。但我印象中真係唔覺有。我叫佢帶路 la ~ 佢同我一齊搭電梯去到 6/f 的時候，Maggie 自己親口話：「個 food court 咪係 city super 隔離 law」之後佢自己立刻醒水，發現左 city super 係響 basement。Lol ~ 我地搭番 lift 落去。 多謝 Maggie 份 early b-day gift ! 6 點半食完野陪 Maggie 上去 salon 果度整 high light ~ 今晚係 model night 。本身 Kenn 話幫我整但佢今日又無心機整 wor ~ 我好唔鐘意講好左既野有改變。不過算喇～ 離開左公司之後去睇床褥，本來想買嫁 la 但 babe 話想 measure 番個 exact size of 依家訓緊果張，所以無買到。之後去食吉野家。 食完野上左佢屋企，原本唔打算訓，點知我地兩個都訓著左仲要無 set alarm。平時既我係唔會咁易訓著，我估我真係累到透支所以先會 hup 著左。跟住我發惡夢，紮醒左，當時係 12 : 20 分。Babe 著緊鞋，佢叫我落去先。我即刻飛奔落去睇下追唔追到最後果班 113。去到見個車站無人，睇睇 watch，係 12 : 29 。咁就以為 miss 左 la。正當我抖緊大氣，想打俾 babe 同佢講話搭其他交通工具的時候，奇蹟出現 la ! 架 113 好準時咁 12 : 30 到左 ~ wow! Babe 果陣時都仲未行到黎 ~ 佢係橋底果度目送我離開。落左車點知即刻落雨，好彩我有帶遮。不過 d雨都 ok 大，所以對鞋都濕左 ~ 哎唷 ! 我得一對番工鞋嫁咋，點算 ? 番到屋企我落完妝沖完涼已經 1 : 48 了 ~ 吹埋個頭 2 點幾。其實我真係好想日日可以係佢公司洗頭，因為洗頭 and 吹頭對我黎講係件好高難度既事。我從來都唔用 blowdryer，unless我真係趕住訓。每晚番到屋企已經咁夜，個人又好累，仲要洗頭吹頭真係煩。所以好想係我等 babe 放工的時候，還掂都無野做嫁嘛，可以洗左個頭先咁番屋企就唔使洗 ^^ 不過佢公司長期唔夠 junior 用，我又唔係幾好意思成日上去佢公司阻住晒。 Babe 同緊佢表哥傾電話，其實有時我覺得佢都幾 rely on佢 cousin，好似咩野都會問下佢意見咁。而且已經有好多次因為佢同表哥傾而令到我好夜訓。不過算喇，可以唔出聲的我都唔會出聲。無理由因為我自己無朋友就唔俾佢同朋友 / 親戚 keep contact 嫁嘛 ~ 2 : 34 佢打番黎，同佢傾左一陣。佢同我講話想係我生日果晚坐架 aqualuna，不過我同佢講叫佢唔好 waste 呢 d 錢 la ~ 我唔係 d 要好花巧既野女仔，all I want 係有人肯聽我講野就夠。另外，同佢講左一樣野。我知道佢聽完會唔太開心，但果樣野對我來說都好重要，好影響我情緒。佢 send 左首歌俾我，係林憶蓮 ge 傷痕。我無聽晒全首，因為佢一邊係度講野，我唔鐘意開住 music。佢問我點解今晚把聲唔同晒，我話我心情好差，但唔想佢覺得我響度發佢脾氣，所以我迫我自己講野要慢 d 細聲 d。3 : 30 ，佢催我去訓。但我今日個人好炆，完全平靜唔到落黎訓，個腦真係好多野諗。我以為佢會 tum 我訓 but 佢無，佢叫我訓唔著都合埋眼抖下，真係訓唔著先打俾佢。Anyways，我都唔想再迫佢聽我講野，佢近來公司既野已經夠晒麻煩。 一路喊，喊到 4 點幾都仲未訓到。我真係唔知點解，我可以有咁多眼淚，亦都唔知點解，我個心會痛到停唔到。我盡量唔去計我仲有幾多個鐘可以訓，但好自然就會諗，死喇 ~ 得番 2 個鐘咋‥‥‥最後我都訓到 >>June 16, 2007 at 4:28:43 PM GMT+8
|
|
白衫果個。佢真人幾 man，不過少少飛仔樣，一定唔係斯文果 d law。
哨牙大粒墨癦袁佩婷人氣: 414432
Design & Scripting by ShowHappy.Net