2009 年 5 月 18 日 星期一 【晴】

抖左一日
今日個身體終於無咁疲勞啦
(係玩到身體疲勞@@)

但....家下...
死啦！
完全無心機做功課呀！
成日掛住玩！
家下真係玩創左個心喇

玩好開心
但開心既同時
又因為無做到功課而唔開心
但偏偏又選擇去不斷玩喎
好矛盾呀

死啦
宜家就算個人留響屋企
但都專心唔到落黎tim
一開電腦就玩facebook、msn…

我要遠離d家庭裝維他奶先得
哩個係壞東西黎架 =p

由細到大都咁靜,好少玩
宜家,一個月內
簡直係補番哂21年既玩樂 =0=

唉！
專心d啦
死人頭朱潔恩 =[ =[ =[ =[ =[ =[ =[ = [=[ =[ =[
事情要分先後同輕重先得架麻~
哼！



好聽呀
歌詞也不錯的 =]



地闊天高任鳥飛　
掉進水中怎去飛

沒有空間任我飛　
躲不等於小鳥就要停下來

夢會醒　
被冷水照頭淋醒
強在我們會適應　
頑強地隨生活低潮另行革命

掉進水　用我的翅膀游水
誰話我們會身葬這裡　
天梯塌下仍會活過去

>>May 18, 2009 at 2:39:08 PM GMT+8

2009 年 5 月 15 日 星期五 【晴】

~五月十五日 (星期五)~SHU同學@清水灣~

約左一大班SHU既同學去清水灣~
10:30a.m約埋呀鏢一齊坐74x出彩虹
等埋其他人,一齊買BBQ野和用品~
之後坐巴士入去清水灣
果度好靚呀！
一見到海我就好開心~
因為我實在太太太鐘意大自然啦！
如果日日都可以對住個大海
日日都陽光與海灘就好啦
咁一定每日都好開心^^

今次一行有16人呀！
有：
我、呀隆、呀鏢、
Amber、Jerry、Austin、
小羊、小羊兩個朋友、
呀P、呀Yan、小肥、小肥女朋友Ivy、
Bobe、Trina、Vicki

真係未試過咁大班人一齊玩呀
(對上果次應該...係中學旅行日啦)
原來咁大班人一齊玩
係好開心架 =D
原來一大班人玩...同一兩個朋友出街
兩者的感覺真係好唔同
一大班一齊嘻嘻哈哈,係另一種感覺^^

可行幾百級樓梯先落到去沙灘...
真係行到腳軟...=.=
去到大家就換衫啦
咁就開始BBQ
我食左幾舊野就同呀Yan、呀P、呀邦落海游水~
我地游左出浮台
成年無游過水
我幾驚自己唔夠氣呀...
好在最終都出到浮台,浸唔死姐,呵
出到浮台,個救生員叔叔同我地吹水 XD
之後我想玩跳水
不過唔識跳
仲搞到"捉"親,仲想嘔 = =
好在有個巨型水抱...

游返去之後
就所有人一齊響沙灘玩games
起初都係玩下水槍
之後玩d果 games就....=0=
d games唔知邊個諗出黎的
好暴力呀(除左數字球)
閃避球、咩野圍城、攻城...
圍城、攻城...
呀隆成個身軀跌落黎我地度...=0=
跟住小羊又扯我條褲....
整到我手臂紅左好痛 =[ =[
又有個game係單腳企之後要鬥撞跌人多
超暴力呀
仲有d男仔係咁捉人掟落水
而呀隆係唯一一個男仔慘被成為掟落水既對象 XD
好好睇,因為個畫面真係好好笑...XD
不過要四個男仔先搞得掂佢...XD

之後周圍影下相
(整天共影左240幾張相...)
之後沖涼洗頭換衫
6,7點先走人~

坐返巴士、地鐵落旺角食晚飯
食左一間上海菜館
都好食呀,我覺得~

食完飯10:00pm左右
我、隆、Austin、呀鏢、Bobe、Vicki、小羊、邦、Yan、呀P
去新之城打機
一齊玩督督機 XD
玩到12:00a.m先走
最後我同Bobe一齊坐火車返大埔
我返到家都1:30a.m...~
完結這開心的一天~

相：













































真係開心的一天^^
真係好開心好開心好開心呀~~~~~~~~~~~~~!!
=D

哩排發現到另一面既自己~
一直都將自己定型
認為自己一定係一個內向、唔鐘意out-going、唔鐘意人多玩等
但係哩排真係覺得...
原來自己係可以好唔同的~
人會因為遇著唔同既人和事...或不同的階段
都會有不同的轉變~
所以原來,其實人係唔需要將自己定型的~
最緊要做返自己~
自己覺得舒服,就做返你自己吧^v^

同埋呢,開放自己多d,嘗試同多d唔同的人相處
真係幾好的~
唔洗成日收埋收埋自己,
鬱住鬱住,成日唔開心ar...
so...
哩排個人真係開朗左好多
覺得自己個人開心左好多、樂觀左好多
好享受哩種感覺ar ^^

哩個幾星期真係不斷不斷咁玩 >.<
一大班同學入黎我家玩、踩單車、BBQ、行街、睇戲、沙灘、打機...
又玩又要返學、返pt
真係好累呀>.<
仲搞到心散左好多tim...
死啦,
其實都幾擔心d功課...同個7000字dissertation
係時候收拾心情
俾心機做功課ar^^
加油呀朱~~~~~~~~~~~
最後兩個月！

>>May 17, 2009 at 3:30:09 PM GMT+8

2009 年 5 月 14 日 星期四 【晴】

今日同靚"女仔"去睇戲
睇早上11:35a.m
去旺角百老匯
第一次去這間戲院睇戲~
院很大~
座位也很舒服~
位置選的不錯^^

睇《南京!南京!》
第一次睇黑白片電影

有很多幕都很觸動心靈
那些殺人的畫面...
日軍們殘殺手無寸鐵的中國平民...
和那些極其殘忍的殺人手法
實在令人心寒和心痛...
對於殘暴的殺人行為
內心又是一陣陣的憤怒
特別是其中一幕...
日軍困住數百名百姓
無辜的中國平民..活活被燒死

最深刻的一幕是...
被槍斃的中國百姓..數不清的屍體遍布在海灘上...
驚歎...在戰爭中,人命究竟是什麼？
人命像如蟻命,不值一毫...
頹垣敗瓦、槍聲、炮彈聲、人的哭聲…
坐在戲院中
就像親歷其境...親身上了戰場一樣

歷史...究竟有沒有誰對與誰錯？
戰爭與和平...兩者又是如何的關係？

戰爭...真的是很殘酷
世上從來沒有不殘酷的戰爭
因為戰爭一定會帶來傷亡

在戰爭中
人命真的完全不值錢
卻變得只是一件件的工具...
人可以毫不思考地便殺一個人
人都變得像冷血的動物

很難想像活在當時的人民
那時是怎樣生活的
日本軍、中國軍...以致平民百姓...
各自都有極大的痛苦和心靈
這齣電影嘗試從日本軍人的角度看這場戰爭...看南京大屠殺
在當中我可感受划
即使是受命殺人的日本軍
他們的心靈也有極大的痛楚

身為中國人...
真的很值得去看看這齣電影
對我們身在的國家..和世界的歷史
都可以增加認識...

戰爭...
真的很恐怖
看完這電影後
心底裡,不禁浮現出一個很老土的祝願：
希望...世界和平

------------------

之後去了旺角熟食中心食lunch
我今日先知道...
原來朗豪坊行過去...係有個咁既地方食野架

食左咖喱豬柳農夫包！
好好食呀！
好特別！

個包大到可以兩個人share都好飽~



食完野坐響度傾左好耐計
好開心
好鐘意~好享受咁樣既相向溝通 =D

之後行路去奧海城
諗住行街但原來無野arm睇 =[
諗住打機但原來機鋪執左 =[
剩係響M記食左好味既夏日"思樂冰溝新地雪糕"

(有人響度將可樂溝軟雪糕囉...
杯野好鬼核突,搞到我無哂胃口 =_=)

之後就搭小巴去尖沙咀
買了件泳衣, $99一套, 好平呀~
之後就行去尖東站搭火車回家~

P.S：期待明天和SHU同學去沙灘玩呀
希望開開心心啦 ^^

玩埋聽日就真係收心養性啦
要閉關,專心做功課了

>>May 14, 2009 at 11:00:07 PM GMT+8

2009 年 5 月 13 日 星期三 【晴】

放學同Sky和Connie去了食板前
三個人總共叫左24舊三文魚壽司！



之後三個女仔一齊落左旺角行街
覺得自己好肥
好唔開心
行左3,4個鐘
雙腳好累
今日真係好熱！
好討厭！

不過同Sky、Connie一齊好開心！
好enjoy、好feel free的感覺
--------------------------

有d唔開心！
點解哩個世界個個人都係睇外表！

無啦啦心情煩躁！
可能係因為咩緊啦！
好煩呀！！
唔開心！
個心鬱住鬱住！
但又唔知鬱住d咩！

是日晚上心情不佳！

身邊好似有好多人
都唔知大家係邊個咁！
就算係舊朋友
發覺...其實都好似唔太了解大家咁！

每個人都有自己的過去
要認識一個人的過去真係唔容易！
好掛住一個我認為係好好的人
又好掛住很認識我的老朋友！

不熟悉我或我不熟悉的人
我開始不其然有所保留！

另外
覺得好多人都好過自己！
聰明過我、叻過我、靚過我、性格開朗過我、善良過我！
覺得自己無咩特別！
覺得自己比人差！

痴左線！
突然之間由最近的樂觀,急跌落悲觀！！！

另外
好肥！好煩！唔開心！
又唔想做功課！
個死人dissertation好煩！
好唔想做！
好多功課！
唔想開始！

我要食野、食野、食野！
但同時我又要減肥、減肥、減肥！

up了一大輪,都唔知自己up左d咩！
唉！
算啦！
放心啦
好快無事！
咩緊心情係煩躁d！

>>May 13, 2009 at 11:08:40 PM GMT+8

2009 年 5 月 12 日 星期二 【晴】

最近
很多時心情都很好的

可能
是因為...
我開始尋找到和認清楚屬於自己的生活模式
對自己性格的定位都越來越清楚了

開始知道我是誰~~


不過
身邊有很多需要關心的朋友
好多朋友都好像不太開心
他們都有很多壓力...

考試的朋友們
請繼續努力

另外
希望您媽媽快些康復

還有
每一位有煩惱事、不開心的朋友
希望
你們每天都可以帶著微笑生活

我也正在學習樂觀的
微笑地過每一天 =] =] =] =] =] =]

>>May 12, 2009 at 10:08:33 PM GMT+8

2009 年 5 月 11 日 星期一 【晴】

尋日Mother's Day
去了婆婆家
我、爸媽和婆婆、舅父舅母表哥食飯
我送了婆婆和媽咪一人一束鮮花
都幾靚的
$30一束,其實都ok既

只係送一束花吧
就令到媽咪感動到眼水汪汪
哈哈
這個媽媽真易"tum" 一3一









夜晚去酒樓食晚飯




全晚最開心係響魚缸度見到d魚
d魚好大條
而且個樣貌真係好有趣
好可愛!




今日認識了舅父的一位老朋友
舅父同他這個朋友十歲八歲就認識了
去到宜家,大家都已經過半百歲啦
大家都係好好的朋友
見到他們
我都覺得好開心
人生有咁樣從小就認識既朋友
而且還有保持聯絡....仲咁好感情
大家都見證大家既成長
互相了解,知道哂大家既優點缺點
真係好難得、好開心...^^

-------------------------

今日上完堂之後
同呀隆約左Karen姐姐食飯~
食KFC
哩排想食炸雞好耐
今日終於食左 =p
不過食完哩d野
感覺真係好熱氣
好唔鐘意哩種感覺
不過...我又好鐘意食喎

之後隆陪我去哂相
之後我就返City圖書館
自己睇書

響Semi-close搵左好多本好有用既書
但因為唔借得返屋企慢慢睇
所以唯有在圖書館入面睇...
睇完之後,影印哂所有我覺得有用既chapter
影左成$20幾蚊...

無諗過在圖書館搞左咁耐
對住d書對左成兩個半鐘

不過有d reading在手...
個心都安落d...
好了！
d功課.......要開始動工了！
加油加油！要努力呀
------------------------

一到夏天
著短衫短褲短裙
就會露哂d肥肉出黎
最近自覺真係肥左好多
係人越大越肥
好唔開心呀
可能最近真係食得太多
唉

好肥呀！=[ ....我好想瘦呀！

--------------------

夏天黎啦
又有我好鐘意食既夏季水果：山竹！
山竹山竹山竹山竹山竹山竹
山竹山竹山竹山竹山竹山竹
好正好好味

「榴槤和山竹在水果中
分別稱王稱后
不過屬性卻剛好相反
一屬大熱
一屬大寒」

嘻
兩樣都係我既至愛水果

>>May 11, 2009 at 9:06:52 PM GMT+8

2009 年 5 月 10 日 星期日 【晴】

要認識一個人的生活習性、嗜好、喜歡與不喜歡的東西...
這些都是很容易的
只要多點一起相處就行了

但是
要認識一個人的內心
就唔容易喇~

也許是因為...
在別人面前坦露真正的自己
會有害怕、不安全等的感覺
我害怕你會不喜歡我
你害怕我不接納你等
因此
我們每每都把自己的弱點和認為自己黑暗的地方...
收藏得深深的
並很努力地...
表現出一個"最完美"的自己
每天都"小心翼翼"地交朋友、與人相處
確實令人感疲累...

很重的自我保護意識...
使人變得越來越自我中心
最終人與人之間存有很大的距離感...

然而.....
人與人既相處
真的很需要相方都坦誠地開放心房
做一個真正的自己~~
相信作為真正好朋友的他們
必定會接納真正的您~

好鐘意與朋友們有"心貼心"的感覺~
因為
唯有認識一個人的內心
彼此感情才能有真正的增長
去到一個可"交心"的層次
而擁有這一層的朋友...就很幸福的=]

世界可能沒有我所想的單純
但是
我就是相信
一切都可以是很簡單和善良的 =]

在冷酷的世代中
確實...
要做一個可保持世界溫暖的自己呢^^



True friendship is like sound health;
the value of it is seldom known until it is lost.

A real friend is one who walks in
when the rest of the world walks out.

Don't walk in front of me, I may not follow.
Don't walk behind me, I may not lead.
Walk beside me and be my friend.

>>May 10, 2009 at 1:37:05 PM GMT+8

2009 年 5 月 8 日 星期五 【晴】

=5月7日=星期四



天氣好好
風和日麗^^

不過只欠一舊舊的白雲呢
如果有埋白雲...襯托著藍天
就更加的美麗了

大圍租車-->沙田-->馬鞍山-->火炭-->
科學園-->吐露港-->大埔-->海濱公園盡頭-->新達交車

第一次踩單車入馬鞍山



坐響馬鞍山市中心入面的公園
曬住太陽食雪條+媽咪麵
很久沒有吃媽咪麵了,真開心 =D

去到吐露港中途
踩到很熱很累時
停在一旁
坐低食返舊涼浸浸的冰凍蜜桃
簡直透心涼呀

之後踩到海濱公園的盡頭
望著大海...
海風吹著我們,很涼快的
夕陽的餘暉實在美麗







到新達交還單車後
就到太和甜品工房食刨冰



丫,原來甜品工房都推出左台灣棉花冰/雪花冰食呀
搵日我要去試下哩間好無食=p

晚上
在大尾督燒烤王BBQ
慢慢燒...
竟由8:00p.m燒到零晨12:00a.m.....=0=
但我都不是吃得很多
可能是太累、腳太痛了~


(隔離爐,果班人訂左隻即燒炭燒乳豬...隻豬小朋友好慘...咁細個就要死...陰公)


(哈哈,好有趣,原來咁好玩=p )

平日完全沒有運動的我
踩單車之後的後遺症就係
宜家對腳超級超級超級痛痛痛呀
塗左半支安美露都仲痛 =[ =[ =[
對腳入面d筋肯定痴埋哂啦
今早起床時,腳軟軟...軟腳蟹
我短期內都唔會再踩單車=_________=
-----------------------------------

=5月8日=星期五

上最後一堂CSS的Lecture
終於知道哩一科既兩份功課的題目了...
既然知道了題目...
就要開始動工了
又係時候...
提醒自己堅持我一路的原則：做人要有計劃
為自己計劃和訂立面前的功課月的時間表了
訂立每個細項工作的deadline
這是需要和重要的

回家途中
看到兩個10幾歲的男仔...
兩個都吸著煙...講著粗口
身邊有些經過的婦女...
用一些厭惡的眼光斜視著二人...

其實起初我也有少許厭惡的的感覺
因為他們的煙味...實在很...甚麼的

後來我在想...
在他們那些不受歡迎的行為背後
其實隱藏著不同的故事
反叛的行為也許反映了他們脆弱的心靈、自我認同、自尊感和的自我形象...

如果我們做社工的
只看他人的外表行為
而不察看他人的內心
我們便很難有同理心
也很難可以放下偏見
嘗試去了解別人的行為了...

每人都總會不喜歡某些與自己不同的人
但若果要真切的了解別人...
第一步
也許就是要學習放低不必要的偏見
這也是我希望努力去學習的地方...

>>May 8, 2009 at 6:54:02 PM GMT+8

2009 年 5 月 6 日 星期三 【晴】

約左陳嘉欣
我落左堂之後
等埋我一齊食lunch
又食壽司啦！
又係落旺角好抵食果間度食
雖然d壽司好細舊
但,學生價$29有9舊壽司+一大碗好好食既冷麵+麵豉湯+餐飲
真係好抵



死啦...最近中三文魚毒
我應該係同三文魚有仇啦...
因為哩個星期...
差不多係隔日就食三文魚壽司 ^0^
其實,我有d擔心
我有d擔心我個肚會生蟲,講真
因為最近實在食得太多生野,哈
不過真係好enjoy呀
三文魚令我高興^0^

食完lunch
返city借書前
自己行下Log on
一路行...一路同呀隆講緊電話...
突然間他就在我背後出現...嚇死我啦
好怕突然有人叫我果種感覺
真係嚇死無命賠呀,隆大哥=0=

其實呢...
去Log on呢...
原本...我係諗住入去選買生日禮物俾林嘉敏架...
但點知我唔小心...
睇睇下...我就睇左自己鐘意睇既野
完全唔記得左我今次去Log on實際係買禮物俾嘉敏的...=.=

唉也....響入面...
我見到一條頸鍊好靚...好鐘意呀
係心心來的...
其實都幾平既...$58
不過呢...
當我襯上自己條頸上拼下睇下時...
就覺得個款好似有d誇張...
個心心好似太大粒...同埋太閃咁

雖然,現實上,衫和飾物...
我喜歡樸素d、老實d、簡單d既顏色和款式
但其實好多時
我都覺得d 顏色sharp既野係好靚的
但就係唔知點解...
d sharp野...永遠都好似好唔襯自己咁...

最後我都係放返低條鍊lu
無買到
不過個款...第一眼望落去,真係幾靚,幾鐘意
算啦
都係諗下先~ =p

之後我自己一個返City借書
途中撞到ar Bill、Sara、小羊同小肥
他們說下星期五唔洗返學...一齊去沙灘玩！
哈...都好呀
太好啦...實在太耐太耐無去過沙灘玩...=]

之後去libruary搵書
太好了
今個學期...終於俾我借到reading list上面既書
仲要借到三本！
太好啦！
我死都要hold住d書！
要keep住用黎做功課
死都唔放出黎俾人借呀今次...哼....=____________=

不過點解CityU圖書館連咁出名既社會學家C. Wright Mills既書都無
搞錯....!

我響離開圖書館時
發生件小意外...我實在太唔小心啦
事緣係：

我睇arm一本書
咁我就拿左上手...
但竟然唔記得借
我仲以為自己借左
之後我拿住本書衝左出閘...
跟住...
個閘就大響..."o必o必o必"
跟住...
個保安姐姐...就過黎好惡咁check我手上果本書
她問我借左未
果一刻我仲以為自己係借左
仲以為係個出閘機有問題...
所以,我仲好理直氣壯咁同個保安姐姐講：下，我借左架喎
幾秒鐘之後...我先醒起：丫...係呀...唔好意思...原來我唔記得左借..我係未借的

今次真係好鬼魚皮
我覺得自己好似做小偷咁...偷書賊
最慘既係,圖書館俾左個"口頭警告"我
而且mark底左我個名
我今日...就入左圖書館既"criminal record"啦...
個管理員話
12個月內再犯就要罰錢+無得入圖書館一個月 =0=

無得入圖書館一個月無得入圖書館一個月無得入圖書館一個月
無得入圖書館一個月無得入圖書館一個月無得入圖書館一個月
無得入圖書館一個月無得入圖書館一個月無得入圖書館一個月
無得入圖書館一個月無得入圖書館一個月無得入圖書館一個月
=0=" !!!!

我之後要小心d啦...
唔好咁大頭蝦....
響趕功課時期先無得入圖書館就慘

借完書在I.S本來諗住做下功課的
但點知撞到Jerry...
大家傾左陣功課...
之後5:00就走啦


P.S：
林嘉敏
係我對你唔住

最多...
最多星期六晚我同你食飯時
我送返個香吻俾你啦...
包你鐘意架
包你覺得哩份係最好既22歲生日禮物啦=D

>>May 6, 2009 at 8:02:10 PM GMT+8

2009 年 5 月 5 日 星期二 【晴】

屋企有四腳蛇！
一到夏天就係咁
好在我唔驚四腳蛇架姐
唔係蜘蛛就得...



呀狗
你係時候發揮你既威力啦！

不過哩隻都幾可愛,又幾得意...
因為係好細隻的
四腳蛇小朋友=0=




一閃一閃小星星　
簡簡單單一輩子

就從頭到尾哼一次　
忘記智商去做人都願意

>>May 5, 2009 at 7:55:25 PM GMT+8