2009 年 11 月 9 日 星期一 【晴】

哩幾日好想搵朋友
我終於願意從洞穴中出來
主動尋找別人的幫助
我才發覺...原來我身邊真的有很多關心我的好朋友!
個個都好支持我、緊張我
被人著緊真係好好呀.....^^
好耐無感受過被咁多人關心喇....^^
原來好多野事實上係存在的
只係自己主觀上覺得d野失去左
朋友…就是當你有煩惱時,出現來支持你的
thanks 林嘉敏、陳嘉欣、廖君怡、Emily、陳秀濃~
你們是最好的......^^

>>November 9, 2009 at 11:25:42 PM GMT+8

2009 年 11 月 8 日 星期日 【晴】







昨天去看了Nick Vujicic 的《有Faith‧可飛》佈道會
當中有很大的反思、提醒和感動....

我終於相信了
回想過去日子
和察看身邊我所擁有的一切
縱然我放棄了祂,靠自己來行事,不斷尋找一切,在俗世中漂泊.....
現在,我才發現....
祂確實沒有離棄我
祂還在這
在這等待著我
只是自己一直放祂在暗暗的一角.....
有甚麼比這更心痛?
每當想起這
也覺得自己有十萬個不配、十萬個內疚、十萬個痛心

人世間的追名逐利、學識、脆弱感情、靠自己的能量去行事、物質、追求外表、玩樂等....
這一切...我也嘗試去尋找了
但換來的,只有憂傷與傷痕累累.....
現在....我將要踏進社會去工作了
將步入人生中另一個階段
我知道,是時候要想清楚.....
我餘下的一生.....要怎樣過？

幸好
我有生命氣息
我還年輕
我也有自由意志去選擇
我還堅持要像這幾年般,每天活在憂鬱中與不平安中
並靠自己自以為有能力的無力去渡過?
還是…捨得放下自己
重新的把自己交給祂
過一個久違了的有真正長久喜樂、平安的人生?

在人與人的感情世界中
會有「愛得太遲」....
但......我知道在神裡
一切也不會有太遲....
只是自己的信心問題吧.....

昨天最感動我的.....
是一句說話(我相信是來自天父的...)：
「你並不孤單，因你是被愛的」
"You are not alone, you are LOVED"
我是"被愛"的....我是被愛的....我是被愛的....
這確實是一個很大很大的安慰....
抹乾我多年來的眼淚....

這一刻
仍有很多問題和猶疑存在心中...
確實需要點時間處理....
說真的,我沒有信心之後我會怎樣
但我會讓自己慢慢來....
因我知道自己的步履...是向著回轉神而行的路了....

最後,要謝謝小雲給我tickets
若不是小雲問我去不去
我也未必突然有動力去買tickets....
這確實是一個巧妙的安排....

人生就是這樣....
有時...身邊所發生的一切,所有的人和事
出現的一刻,你未必不知當中的意義
你也許會痛心、憤怒或埋怨它的出現
但過後,你也許會發覺
一切也有是奇妙的安排
只是自己當時還未看到一幅完整的picture

現在
不禁從心裡說出一句已多年沒說的話：多謝天父........

>>November 8, 2009 at 2:01:44 PM GMT+8

2009 年 11 月 6 日 星期五 【晴】

我覺得人生真係好苦悶
好孤單!!
我已經想像到我既未來只會係好辛苦
好多挑戰,不斷有難關!
一想起哩d就好唔想落去
我真係咩信心,咩希望,咩盼望都無
我唔認為人生係快樂的!!
點解我要繼續咁落去??!!!.....

今日下午響屋企用電腦燒番隻碟俾人
燒燒下hand gay!!
之後唯有boot機
但隻碟竟然被鎖左響個cd room度!!
拿唔番出黎!!!
跟住我就入唔番window!!
立即喊!!!!
真係好驚!!!
我所有相,尤其係哩幾日畢業d相....仲響部腦入面!!
另外仲有d files!!....
所有野我都未燒隻碟出黎的!!!
好驚電腦就咁就壞左,又洗機!!!!
我唔想無哂d野!!!!!!!!!!!!
一諗起,就好驚,好緊張!
除左喊之外,就係講粗口,同埋打部電腦發洩!!!!
我真係好唔開心!!

過左一陣
試下再開機
突然又可以入得番window!!
但隻cd仲鎖左響cd room度!!!

我宜家真係好驚,好唔開心!!
點解我部電腦成日出事!!
我真係好需要有一部全新既電腦!!

我部電腦唔可以有事!!!!!!!
我要用黎搵工、打求職信!!!
如果部電腦死左!!我真係唔知點算好!!

現在...我襯入到window
到立即將d相過哂入2隻手指度先!!!!!
一間叫daddy幫我試下拆開部電腦!
睇下拿唔拿得番隻碟出黎!!
因為我估應該係隻cd響入面
所以撞左!搞到開唔到機!!
我好驚宜家關機,再下一次又開唔到機!!入唔到window!!
好煩呀!!!!!!!!!!!!

本來我已經好憂鬱!
宜家心情就好狂燥!!
我就黎頂唔順啦!!
我真係好辛苦!!好想喊!!!!!!!好想死!!!!!!
咩都唔想做!!!!!!!!!!!!!!
個頭痛到爆!!!!!!!!!!
我控制唔到自己喇........真係好辛苦!!

>>November 6, 2009 at 7:09:56 PM GMT+8

2009 年 11 月 5 日 星期四 【晴】

對自己、對身邊一切人和事都無信心
好想放棄!!

>>November 5, 2009 at 6:37:54 PM GMT+8

2009 年 11 月 4 日 星期三 【微冷】

今天真的很憂鬱
感覺很差很差......真的很差
負面情緒害得我頭痛頭暈......
想哭卻沒有淚水
也不知為何會這樣
只知道整個人的感覺都很差,很辛苦
獨個兒的
出去大埔中心
本應原意是散散心的
可是
走在人群的時候
感覺更壞
有誰明白我的心情.....




回家前
獨自往大尾督走走
坐了半個小時
天空,太陽好靚呀.....
心情好像才放鬆了點.......




大尾督永遠都是這麼美!
原來.....真的.....大尾督秋冬就會見到日落！

>>November 4, 2009 at 8:00:50 PM GMT+8

2009 年 11 月 3 日 星期二 【微冷】

尋日下午
同SHU同學去左文化中心海旁附近影畢業相
著住件袍,響公眾地方,響咁多人面前,走黎走去,擺哂post影相....
種感覺都幾特別...幾開心....
遊客、路人等見到我地
都好好奇....望住我地班人
有d仲停低落黎....影我地相....
仲有外國遊客同我地講congratulation
有個仲同我地影合照添.....

haha....所以.....尋日既經歷....真係幾特別.....
未試過....同埋我相信日後都未必有咁既機會再有了
所以.....我要好好記住昨天的回憶













夜晚去SHU既alumni dinner
都唔係真正既晚餐buffet.......



其實成晚感覺都好唔舒服....好唔自然....
不嬲都好怕去哩d公開場合....
好怕哩d social activity.....
因為我好怕要我主動去搵人...開話題....同人傾計....
雖然尋晚我都有去嘗試....
嘗試不單單與圍內的friends一齊....
而多番嘗試主動搵Roger....同埋d同學傾下計....溝通下.....
不過,其實感覺都不太自然.....幾有壓力的感覺......

我知道係因為我性格內向和被動......
所以真係好怕同人social.....
但係,我一向都真係好想突破自己哩一方面.....
所以,有機會,我都會嘗試....嘗試去提升自己.....
不過,我真係估不到昨晚的感覺....係咁唔舒服

我真係覺得我有社交恐懼症.....
很害怕social activity.....

我覺得自己好無用.....
第日出黎做野點算.....
仲話搵社工做......
我諗我真係唔死都無用.....
我諗唔到前面條路可以點走...
我諗唔到世界有咩地方可以容納我...

也許.....這需要時間....慢慢學習......
睇多d....試多d.....就可以學習多d.....
日後慢慢就可以衝破內向、被動、害羞、無自信的性格吧......
----------------------------


我的情緒真的很低落.....
我這個有抑鬱傾向的人....又沉澱下去了......

其實我好怕秋天....
因為我知道秋冬是抑鬱症的發作期.....
我現在連飯也不想吃.....
每一刻都很想哭...
可不可以不要理我...
我真係唔想見到任何人.........
好失望....好灰心....好想死........
我覺得我根本無能力行落去.....

我覺得無一個人可以明白我.........
無一個人知道我的心情....

尋晚去完個alumni dinner真係很不開心....
昨晚....我feel到d野....
我feel到有d同學唔係幾鐘意自己....
其實果個我覺得她唔鐘意我的同學....
在前日的畢業禮中....我已經留意到.....
我個人太sensitive喇....
好易察覺和feel到的.....
我知道很難令全世界都歡喜自己的....
所以....做人不能永遠討好別人.....令別人鐘意自己的....
這樣.....會失去了真正的自己.....
但畢竟...."不被喜歡"的感覺....真的不好受.....

今年讀SHU....與人的相處中.....有幾次都令到我很沮喪......
記得在學期初時....
有一個同學...表面上...一直大家都看似是好朋友.....
但後來讓我知道原來她是不喜歡我的....
我反醒過....自己也有不好的地方....難免讓人不喜歡自己
但係....果時我不太明白...
點解做朋友不可以少點批評...少點是非....而多點接納....
為何在還未真正認識一個時.....便評論他.....
所以.....從那時起....我確實開始很怕得罪別人.....
因此,每說一句話也小小心心的.....
而且開始很怕暴露真正的自己.....
也不敢進深的建立友情...
現在識朋友....去到一定的位置....我便stop....stop投入了....
所以....哩件事....其實對我都頗大陰影和影響的.....

好了....到之後....我拍拖喇...
我知道有同學在背後議論....取笑....拿我倆做話題....
果時真係好驚...好緊張...好唔開心.....
直到現在....其實我都知道....都有同學在背後議論我倆.......
.....我真係好唔明白....為何要議論呢.....
佢地的眼神....或一句小小的說話.....也會讓我感到不好受.....

到了最近....
我又感覺到好似有d同學唔係咁鐘意自己.....
雖然我也不清楚原因....
(其實一切都可能只是自己諗多左.....可能根本無人唔鐘意自己....)
但....anyway.....佢地的眼睛....同埋對我的態度.....
我感到不太舒服......

同埋...一直以來....
我都知道....即使是圍內的同學....也有彼此不喜歡........
我好唔明白....
點解表面大家對她好似無咩野......
但暗地裡卻原來是討厭她......
點解做朋友要假情假意.....
點解大家可以基於別人的一個行為.....基於好少的事....就定斷別人.........
點解做人不可以少點評論別人........

我覺得....在未真正認識一個人前.....真係不要評論別人........
每人的行為......也有他的原因....
甚至.....每人的缺點....也反應著他的需要....
例如....她......其實她只是渴望別人的愛和關心.....渴望有朋友.....

我知道....
有人的地方就很複雜....
做衰人....固然不得別人歡喜....
但有時....做好人....別人也會說你為了討好誰、唔知搏咩、扮野等....
所以....我開始懷疑....做人...最好的是否講少d....與任何人都保持距離d...
才是最聰明的做法？.......
但我不想自己成了一個隨風擺柳....沒有愛的人....
但人越大,經歷好像話我知：做好人難....做一個單純簡單的人更難.....

另外,我知道我有我的缺點....
也許我與人相處上...也有讓人難受的地方....
但...我唔明點解人與人之間不可以簡單d....包容多點....?....
點解咁輕易就"唔鐘意一個人"/"討厭一個人"?......

這個世界....真係有太多野都好frustrate我....
很想這個世界與所有人都活在簡單和善良中....
但可以嗎?.........
也許我真的太天真和白痴了.....
也許我也要開始懂得抱有攻擊性做人....

我覺得我個人實在太脆弱....太不堅強.....
很易被身邊的人和事擊倒.....
一倒下....就沒有勇氣與鬥志站起來
所以........我不知道自己能否有生存的能力了.......

>>November 3, 2009 at 3:20:58 PM GMT+8

2009 年 11 月 1 日 星期日 【晴】

=SHU@畢業日=

今日係我既畢業大日子
我要好好詳細地記底過程同埋心情呢^^

11:00a.m返到去CityU
呀鏢Jerry佢地已經到齊喇
我拿拿臨著番件畢業袍先
之後響紅門前面,一齊影相
天氣真係好熱呀.........
出哂汗..........
之後再上LT前的大鐘影
再潛入去間LT度影~





好快就12:00p.m喇
一齊上黑房食lunch
d野好難食................

食完飯就急急腳上惠卿
響門口搞件袍搞左好耐.........
好難著呀........好易跌膊~
好在有呀Yan同學教我地點樣著得好d
著好衫,整理好之後
我地就入去準備畢業禮的採排啦
話就話採排
其實都係聽佢up~

典禮開始之前,就影幾張相先啦~







2:00p.m個典禮就開始喇
呀爸呀媽遲到!!!......=[
我諗住俾部相機俾佢地
等佢地響典禮度幫我影架麻
點知佢地搵唔到地方,所以遲到,遲左10分鐘=[

anyway啦,典禮開始啦
首先就係有SHU既副校長、program leader呀Rob、同埋咩英國文化協唔知咩人....
致歡迎詞同埋訓勉~
之後就授憑喇
上台時真係好驚呀........真係好好好好緊張..........
不斷咁整理件袍同個頭......
到叫我個名上台....我真係一路行一路震
好緊張呀!完全無去enjoy~

到第二次上台
拿服務獎時
我就同自己講：
我唔可以咁緊張，要好好享受上台的那短短的時刻，要好好將果種感覺記在心中!
所以,第二次上台真係無咁緊張
哈哈,有得上兩次台真係幾開心既^^
無錯!今天應該好好享受每一刻!!
因為這天係用努力得來的
所以應該好好珍惜,同埋應為自己的努力而驕傲^^

其實今日成個畢業典禮都好簡單
哈哈....我覺得個SHU個校徽....加埋個場地裝飾....加埋呀Paul....同呀Rob......
我地話成個感覺....好似哈利波特既學校.........
佢地話呀Paul似海格......
哈哈,好搞笑.....XD~~~~

授憑後,小儀同Raibow上台代表畢業生致畢業詞
小儀講既說話都幾有勉勵性.....
而畢業禮的最後
就係全體SHU畢業生上台連老師一同影大合照
我太矮!!!!仲要無得企高一級喎!!!!!!!
所以俾人擋住哂!!!!!!
我估幅相一定影唔到我啦!!!!!!!!!!!
勁唔開心!!!!俾人傘住左=[[[[[[[[[[[[[[[[[[[[[[[[[[[[

典禮完畢後
我同爸媽stay響個hall度影下相先....



但個hall真係好細,超級多人,超級迫,超級混亂
所以影左幾張,我就帶爸媽上9樓,
大會準備左茶點

上到去,又係超級多人
我地d畢業生,加埋d親友
個個響度食野同坐
d野食清哂,我地都無得食啦
剩係食左幾舊三文治,同d腸仔~
食完野,就響banner前影下相







之後陳嘉欣、Emily、嘉敏、呀Vi、謝偉廉就陸續黎到啦
我同爸媽響中國花園果邊影左幾張
佢地就走先啦~
我同d朋友就開始周圍影啦~~
中國花園、紅門前、圖書館前、大鐘…最後就回U circle影~











影到天都開始黑了~







我地4:30p.m左右開始影
影到大約6:30p.m離開CityU~
雖然影左兩個幾鐘,唔算好耐
不過大家都好累~
出哂汗,同埋對腳真係........好痛..........
因為對鞋夾腳,著到好累之餘,仲夾到好痛呀......

6:30p.m左右影完,離開CityU
嘉敏、謝偉廉、Karen走先~
呀Vi、Emily就留底
同我一齊響又一城footcourt食飯
大家一路食一路傾計
都傾左好多有關男女感情既問題....
我地都好少咁detail咁傾計了.....
所以今晚同你地一齊傾下計
我真係幾開心架!!

之後我同呀Vi一齊坐火車回大埔
傾唔夠....回到大埔後
再上新達既仙跡岩,飲杯野繼續傾~
又係d lady talks話題....
其實我都估唔到會同Vivi講到咁深入.....
不過anyway,我信得過哩個朋友....

多謝Vivi請我飲野呀.....
我地坐到傾到10:00p.m幾先走
唔....大家都好累了!!
在小巴站分別並回家去~~

今天完結了~
今天真係好累......一袋二袋,走黎走去
感覺都幾頻泊....@@

不過........今日真係好開心
一年的辛勞,一年的努力
換來今日的成果
雖然不是甚麼大的成就
但.....總算是很有意義、很積極、很突破的一年努力!!

今日....亦都係見證著....我已正式完成了讀書生涯
畢業了....代表著我不再是小孩
是準備踏入社會的青年了
我…看到自己的前路了嗎？
也許....迷惘是每個新畢業生必有的感覺

今日.......同SHU9同學一齊畢業、影相...真係開心....
在典禮上,我除左緊張自己上台外....
我都有留意d比較相熟既幾位同學....
佢地上台既時候.....
我望著佢地....心裡面都真係為佢地既成果而高興....

另外,今日我真係好多謝好多謝我既幾位朋友呀.......
佢地好支持我
來分享我的喜悅.......
我地相識快10年
已經見證著大家好多事情了
見證著大家中學畢業....大學畢業.....
希望將來還一起彼此成長!!
我最好最好的朋友們!!!!!!
我好喜歡你地啊!!
你地個個都好錫我........=]
我真係好幸福有班咁好感情的朋友….

多謝你們的禮物.....^^



>>November 2, 2009 at 3:55:15 AM GMT+8

2009 年 10 月 31 日 星期六 【晴】

今日下午同爸爸去左大球場睇波
南華對傑志
南華2:1輸俾傑志
哈哈,爸爸係南華既fans
輸波佢不知幾失望

好細個時
爸爸都帶過我去大球場
睇live既football match
以我所記得,好似都只係睇過一兩次
細個去大球場,當然唔識得欣賞球賽啦
去到剩係比果度既麥當勞吸引住
每次去大球場都有得食麥當勞
哩一點都幾開心架

anyway,今日去睇既感覺都幾得意
欣賞現場既football match真係幾刺激
幾有氣氛
我相信.....響外國睇....一定仲有氣氛好多陪!!!!!!!
不過呢,睇足球真係男人去睇為多
一路睇,身邊勁多粗口.....
尤其d呀伯呀,佢地仲燥過d維園呀伯........
仲有,好多一個人獨自去睇既
由於無人同佢地傾講
所以佢地好似痴線佬咁.......自己同自己講野....「應該咁踢丫麻」、「搞錯呀」…

另外,哈哈.....d男仔鐘意睇女排
其中一個原因,係因為有穿短褲短衫既女仔
咁女仔都應該鐘意睇足球啦
其中一個原因,係因為有型仔睇
哩個世界應該係要公平既!!!
話時話,我覺得踢足球既男人都幾man,幾型架

有生之年
可以有機會去外國睇番一場live既英超
都係我人生中既其中一個夢想黎
好想感受下果種氣氛!


睇完波.......
同爸爸四周行下
之後夜晚等埋媽媽收工
我地一家三口去睇戲
睇MJ既《This is it》
好正呀哩齣電影
睇完之後..........更加佩服MJ............
佢真係天王巨星之中既巨星
舞王之中既舞王.............
歌王之中既歌王呀...............

>>November 1, 2009 at 2:07:08 AM GMT+8

2009 年 10 月 30 日 星期五 【晴】

今日終於去左拿件畢業袍啦.......
之後返左CityU影左少少相~





bachelor degree既畢業袍比起asso果件真係靚好多!!
似樣好多~~~~~~~~
有件咁靚既畢業袍著.....好開心啊........^^

好期待星期日呀!!
到時可以同爸爸媽媽、同學和朋友們影相
我好希望.......果日可以過得開開心心的^^
-------------------------------------------

呀......最近真係見番好多舊同學/舊朋友/舊相識
今日響信和撞到小woo.......
真係好耐無見..........
自中七畢業以來....都無見過啦.....都3年了
------------------------------------------

見到身邊個個朋友都有interview
我真係為著自己越來越擔心.....
好唔開心......
世界唔要我......!!


今日拿袍時撞到呀四
佢話無理由我send左20幾封信出去
都無一個interview的.......
佢話可能係我d求職信,CV出問題.....
於是佢叫我send俾佢,佢話幫我睇下......
真係好多謝佢幫我.......

死啦.........究竟邊條先係屬於我既路??
除左搵社工做.....我仲可以搵d咩??........
真係完全地迷惘..........

唉.........畢業本應是高興的
但....畢業禮過後,就代表學生時代真正的完結了
亦代表....踏入職場世界的生活.....正式開始!
每逢一想到這..........就不覺得畢業是高興的了.....

近來實在有太多迷惘,太多的憂慮,太多的不確定
我覺得好辛苦呀.........
好想快點弄清所有問題..............
但同時間....我卻好想可以逃避一世!!.........

>>October 30, 2009 at 10:04:50 PM GMT+8

2009 年 10 月 29 日 星期四 【晴】

星期二晚
出左旺角買畢業公仔
行左好耐終於買左.....
不過無驚喜啦
但都ok既
當中都要涉及我既手藝架 =v=

尋日
星期三
去左小羊屋院既會所
有我、隆、小羊、呀鏢
四人打羽毛球
打羽毛球都係我比較喜歡既運動
好耐好耐好耐無打過啦........
記得以前初中時
耐不耐就會同陳嘉欣book場打
好開心架..........
(我仲記得被陳嘉欣打到我手指公既指甲灰左甲.......因為佢的一球剎球!)

anyway,尋日,打左場波,做完運動.......
個人原來真係會開心d......
打完波,上小羊家
四個開台打麻雀
我係第一次學打麻雀呀
不過講真.....對此我真係無咩興趣........





今日
星期四
我又做了陪診人士
今次係陪媽媽上拿打素睇內科專科
睇個胃,因為媽媽胃痛多年.....

唉,響公立醫院睇醫生......真係有排等.......
等登記、等俾錢、等做身體檢查、等見醫生、等姑娘解釋、等拿藥、等排期.........
真係等等等………
今日2:00p.m去到醫院
最後差不多5:00p.m先離開.....

除左等等等之餘....
程序又繁複....
要去哩度、去果度……

我真係懷疑加擔心d老人家......
佢地唔識字....or行動不便......or有痴呆症的......
假若佢地無親人得閒陪診.......
佢地真係識鬼黎睇........

難怪老人中心設有陪診服務啦......
我覺得真係好需要...........
如果d長者唔識字....真係唔識架喎......
------------------------------

Robbie Williams 既新single呀......
今次係慢歌
I like Robbie..........



Westlife 在X-Factor既live 表演呀.......
又係new single
I love Westlife...............^^


超級期待Westlife 11月30號出既新唱片~~~~~~~~~~~~~~

>>October 29, 2009 at 10:13:51 PM GMT+8