2009 年 10 月 26 日 星期一 【晴】

今日下午同daddy,mummy......
同埋佢地教會既朋友......
幾家人一齊去BBQ
都有成15,16人.........
我地去新浪潭附近既涌背燒烤場
果度個view都幾靚......
望住個淡水湖,真係不錯的~

uncle車我地往返,真係方便.....^^
自小,陸陸續續daddy都有架車
車我同媽媽出入~
每逢假日,爸爸就做左柴可夫
車我地一家人周圍去遊山玩水~
所以自小我都期望成家立室後
未來既老公會養番架私家車
一家大細有架車周圍去~
方便d同埋有私人空間d...... =p

最衰我唔夠膽....如果唔係的話....
我諗我都會學車~考番個車牌~
之後買番架車仔~自己駕住架車....想去邊就去邊
尤其是....我好鐘意夜晚....坐住架私家車....
開住窗....吹下風.....靜靜的......聽下音樂.....
周圍慢駛著....諗下野.....安靜下.......散下心~
因為我實在太享受寧靜的感覺.........
anyway
或許有一天,我唔知點解突然鼓起勇氣 (又經濟許可的話)
我會走去學車架.....

今日呀佳帶埋2歲幾既BB女黎
照顧小朋友真係心力精神都好疲累........
睇少陣個小朋友都唔得........
見到佢地兩公婆....真係覺得佢地好辛苦啊
精神,體力花費之外
仲要安排小朋友既前路
例如...入咩學校....學咩技能...
仲要憂心佢地健唔健康、學唔學壞、開唔開心等....
真係無限的付出呀.....
不過,睇住一個屬於自己的孩子出生、.睇住佢地一步一步的成長........
相信真係會好開心的.....
感覺應該會好得意的.....

另外....頭先見番一個大我幾年的男仔+一個細我一年的男仔....
以前細細個....一齊響媽媽教會長大的....
好搞笑....哩排見番好多好多舊相識呀..........
最搞笑係見番不少初中d同學.......

今日BBQ....我食左好多野呀
d老人家收哂手....我仲響度燒緊
成為留守到最後既一位!!^^
d一口羊....同埋d牛柳粒.....真係超級正
我覺得d aunt uncle好勁......
一個爐BBQ,另一個爐呢...就用黎打邊爐
不過我都係剩係BBQ啦~

同年青人BBQ呢...
我地多數都係貪方便
比較鐘意去例如燒烤王果d地方BBQ~
但d aunt uncle呢...佢地就鐘意自己prepare野食既
佢地覺得抵食d同埋好味d
所以佢地比較鐘意自己拿野入去d燒烤場度BBQ
其實講真丫
如果唔洗我做的話....
我都鐘意去燒烤場度BBQ多d架
地方大d、空曠d、郊外d
同埋始終自己醃製既野食係好食d......

今日陪爸爸媽媽
我覺得好開心呀.......
我要花多d時間陪佢地先得.......
始終「家庭」係我一向都覺得最值得和最應該重視的一環.....
其實只要我陪下佢地....佢地就好開心......^^

>>October 26, 2009 at 8:03:46 PM GMT+8

2009 年 10 月 25 日 星期日 【晴】









-------------------

最近,中銀有個電視廣告
當中有句說話...我幾鐘意：

「因為愛，先會為對方諗將來」

>>October 25, 2009 at 10:40:20 PM GMT+8

2009 年 10 月 24 日 星期六 【晴】

今日同林嘉敏去呀Kan度整頭髮
佢染,我電
我忍唔住我個"掃把頭"
終於都係決定負離子左佢!!
呀Kan話.....我底層d頭髮....
俾之前果個髮型師削到亂哂錯哂.....
所以飛黎飛去,同埋好彎....
宜家唯有要剪齊尾部.....
等成個頭尾部d頭髮重新生過
到時長番d後,先可以慢慢修番個cutting出黎.......

我俾呀Kan都剪左6,7年頭髮喇......
我唔洗點講佢又明我想點
佢又清楚我鐘意既style,同埋我髮質喎
而佢剪出黎架,我又arm心水~
我個人就係咁
可以的話
我唔鐘意冒險
我唔鐘意轉變
就好似,搵到一個合適既髮型師傅
我就真係唔想轉啦
搵第二個又要重新摸索大家
實在很麻煩....很無安全感
一個唔小心,好似今次自己走左出去咁.....
整左個掃把頭出黎......咁就慘啦
可一不可再呀

所以,唉,今次係咪自己衰丫
無啦啦貪新鮮......出去搵新地方剪
貴之餘,仲要整到個頭衰哂
好啦,宜家要剪到齊咠咠啦
好啦,高興啦,開心啦
有排先長得番喇陰鬼公.....

我想快d長呀.........
我想留番長頭髮...........
我要擁有一把誘人的秀髮~哈哈........
好啦,我會一日洗兩次頭架啦
咁仲唔長得快!

P.S：今日見到林嘉敏把長頭髮
真係想剪哂佢把頭髮落黎
放落自己個頭度 .\/.

>>October 24, 2009 at 8:07:15 PM GMT+8

2009 年 10 月 23 日 星期五 【晴】

尋晚半夜
突然之間好唔開心
好耐都無喊得咁勁,同喊得咁耐....
今日就持續頭痛
仲有d噁心的感覺...情緒很差...
下午同SHUmates食tea buffet
食左10幾隻咖喱角...之後肚痛...痛左幾個鐘
真係好好好好好好好好好痛...................................
成個人都軟弱無力...好辛苦

>>October 23, 2009 at 11:45:54 PM GMT+8

2009 年 10 月 22 日 星期四 【晴】

前兩日去左APM睇《雙頭動物展》
APM有個古典膀重機呀
細細個都會見到
不過宜家真係好少見喇
哈哈...都幾得意







哩個《雙頭動物展》呢...
要收$20入場費
佢既收入都會支持番影音使團既動物保育工作上
所以我覺得果$20都俾得好有意義!!

講番個展覽啦
佢裡面全部都係d變種動物...同埋雙頭動物
每一隻雙頭動物既誕生同存活...
都係千萬份之一的機會
所以真係好難得同珍貴架.......
而全場最得意既
就係果條雙頭蛇
原來世界真係有兩頭蛇架~

不過望住d雙頭動物
我覺得佢地好慘....>.<
我覺得佢地好似好辛苦咁.....

不過響哩d咁特別既動物身上......
我又思想到一d人生哲理....
雖然佢地有所缺陷....
但.....就是這些別人所看來的"不正常"....
令他們成為很獨特、很珍貴的生物
人生就是這樣.....
就是有不完美.....才顯得每個生命個體的獨特性.......
---------------------------------

尋晚.........
同SHU同學去左油麻地附近既《紅伶飯店》食打冷野



同你地一齊都好開心!
真係好期待1/11畢業禮呀

-------------------------------

今朝早....好開心小羊打俾我傾訴.......
都傾左成個鐘........
第一次同小羊咁樣傾計.....很enjoy.......很開心啊......

我記得......以前既我....係好鐘意同人傾訴....
有咩煩惱同唔開心.....都會搵人講....
亦都好鐘意關心和安慰別人......
因為我好鐘意深入地去了解一個人......
我認為人與人之間......唯有溝通、唯有坦誠互相分享內心........
咁樣.....彼此先可以有真正的了解
人才不會孤單....

不過....人越大,對自己同對身邊既人都防衛多左...
而且習慣了收藏自己的內心.....
所以,不像從前的輕易和別人表達自己的心情.....
也很少關心別人.....也很少聆聽別人了......
我只看重自己的事、只focus自己的不開心和煩惱.........
但卻忘記了一件事....就是：真切關心身邊的朋友
我更加的....忘記了自己其實擁有「聆聽和安慰別人的能力」
我太自我中心了~

今日小羊搵我傾訴....令我覺得......
原來....當朋友唔開心時.....
對方會記起自己.....會搵自己傾訴.......
這種感覺....真係幾開心ar.......
被人記起,被人想起的感覺.....令我感到自己的價值和重要性......
原來...我都可以安慰別人的

anyway啦......
我唔知自己既說話可否令對方開心d......
不過......希望我可以share朋友唔開心既心情....
扶她走過人生中不開心的事情

有時候........
一個人有不開心.........
別人不用為他做甚麼............
反而....只需要一個聆聽....一個問候....一句關心
就可以扶一扶他重新得力....

所以....
其實....世界上每一個人都是可以成就別人的.....
-------------------------------

林嘉敏真係講得arm
其實我真係懶啦
根本唔係"積極搵工"
邊有理由逢星期三同五先搵....
一個星期放五日假.....=.=
應該每日都搵架麻
香港又唔係剩係得Jump哩個搵工網....
我真係要積極d先得啦........
再係咁成pat屎真係唔得!!

P.S 1：林嘉敏話訂左隻畢業公仔俾我呀 =v=~~~~~~~~~~~~
好開心~~~~~~~~~~~~~~~~
專登去訂俾我......真係令人感動 一3一
你真係對我好~~~~~~~~~~~
抵你做我best friend中既BEST BEST friend既~~~~~~YEAH!
好期待呀~~~~唔知係咩公仔呢~~~~

P.S 2：星期六同林嘉敏去整頭髮
始終都係要去搵番呀Kan~~
太好啦.....我要去搞番好個頭.....=[

>>October 22, 2009 at 5:09:00 PM GMT+8

2009 年 10 月 19 日 星期一 【晴】

訓到12:00p.m先起身........
之後煮野食
跟住睇《真情》

《真情》哩排追緊唐立生同呀靜既故事.....
雖然唐立生表面對呀靜好好
但呀靜永遠都取代唔到藤麗明
自己只係他的第二最愛
唐立生同呀靜講：我鐘意你係因為你鐘意我
呀靜覺得響唐立生心裡面
藤麗明先係佢既至愛
響無奈之下,呀靜唯有離開唐立生,這個她愛他多過他愛她的人
不過其實唐立生都慘既.....明明自己對呀靜都好好架啦....
到了呀靜離他而去,佢都唔知發生咩事,點解呀靜會走....
但....如果我係呀靜...我都會好似佢咁做....一走了知......
始終女人都好難容許自己既男人心裡面同時存在兩個女人.........
總之,感情都係複雜既....
真係睇到我心up....睇到upsad呀........

下午出左沙田
同daddy,mummy食野同埋行下
去左一田food court買野食
真係咩都想食
雪糕、麵包、生果盤、甜品、日本野、熟食野…
最後買左MOS Burger 、燒雞脾、燒雞翼...仲有台灣黑椒牛肉餅、台灣芋泥蘇
個芋泥蘇真係好好好好味呀~~~~~~~~~~~~
不過$10個都幾貴............

食完之後,媽媽同我搵頸鍊睇.....
媽媽話想送條貴d靚d既頸鍊俾我...
做畢業禮物...順便當係家傳之寶喎........
佢話叫我第日將條鍊送俾我既仔女...
佢叫我第日咁樣同我d仔女講：
「拿~哩條頸鍊...係媽媽大學畢業時....你呀婆送俾媽媽架....你第日大學畢業呢....我就送俾你架啦」
搞笑 =__________=
不過我相信媽媽係講真的..........
或許媽媽開始想抱孫.....oh...no~

夜晚就睇《宮心計》
本身都唔係咁鐘意睇d奸奸詐詐、鬥黎鬥去既戲
但頭先睇睇下開頭
又覺得幾好睇喎
其實最大睇既原因
都係因為有楊怡~~~~~
楊怡真係好好好好好靚呀
好少會覺得香港有邊個女仔特別靚......
但楊怡係我覺得香港最靚既女明星~~~
上次見到佢真人,真係好靚
而響《宮心計》入面既佢...
d化妝令到佢仲靚呀
雖然係好濃...但好sharp....好突出輪廓!!
真係勁靚女!!~~~

P.S：想電負離直.....頂唔順哩個頭啦我.....
每朝早起身見到自己個頭....都想拎甩佢呀

>>October 19, 2009 at 10:52:39 PM GMT+8

2009 年 10 月 18 日 星期日 【晴】

今日係謝偉廉既受浸大日子
好多謝佢邀請我去....

謝偉廉真係我一個好好既朋友....
大家都識左5,6年啦.....
F.5識....做左3年同班同學........
今日我可以見證佢受洗
我都好登佢開心和感恩....

今日成個過程...自己都真係感受良多
最感動既...係見到一班公公婆婆...充滿決心....受洗的那一刻....
90歲仲信耶穌...仲受洗....真係好難得
好值得感恩....
牧師說：「在神裡面，永遠沒有太遲，神永遠在等候」........
我在想......這句說話....係咪都可以應用在我身上......?.........=[

之後無啦啦有位女士走過黎同我傾計....
主要都係問下我搵工...同鼓勵我返教會
很巧合的...原來佢係謝偉廉既團契導師....
短短既交談.......
但我覺得頗窩心....
我想起了自己以前的教會生活.......
弟兄姊妹間、牧者與我們之間等....彼此關心......
現在.....自己可能在脆弱的人情冷暖間生存得太久....
我好像忘記了這種久違了被關心的感覺....

今日參加教會崇拜 (幾年無返過喇....)、看見別人受浸.......
過程中......我不斷回想番5年前..........
我也是他們其中的一員...........
自己受洗的那一天
我是多麼的喜樂、感恩
並充滿對神既愛...
擁有那顆對神、對教會都興起了、燒旺了的心...
而且感受到何謂被愛...
有一班互相珍愛既弟兄姊妹....
過著身、心、情緒都健康和整理的人生....

再看看今天的自己
所有東西...都失去了.....
好似好多野都返唔到轉頭...
有好多野自己始終都仲未捨得放底...
有些東西知道唔應該,但又不能回頭
總之有好多好多困惑同感受
但又唔知搵咩人傾...就算你叫我講,我都不知從何說起

我很辛苦....
我好想好想過番一個整理、有目標、有喜樂的人生
我記得,這種生活,那個我....我以前是擁有過的......

最近實在很多聲音....叫我回轉.....
上星期日獨自在家
無意中睇到一個電視節目....
聽到牧師講一篇道...
內容像是完全為我而設....
眼淚從心裡湧出......

今日的觀禮...
又再次深深的提醒我......

然而......
我實在離開得太耐了!!!!!!!!!
我知道一直以來,身邊都有很多基督徒鼓勵我回轉.....
佢地一直都很關心我....
就好似媽咪...君怡...謝偉廉等等....
我知道聖靈一直都無離開過我....
自我離開教會以來....
沒有一天是沒有被提醒...
沒有一天是沒有被催促我回轉的....
所以,身邊的提醒是有很多的了....
只係自己不願放手...............

我好想好想好想我自己+我既生活.....都好似以前咁........
但......我對神唔住!!!!!!
唔知點做好.......我唔知點算.......
我唔想以後都係咁!!!!!!...................................






「返唔返到轉頭的關鍵,在乎自己的心態同決心多於事件的發展」
thanks William..........

>>October 18, 2009 at 11:12:16 PM GMT+8

2009 年 10 月 17 日 星期六 【晴】

今日全日在家
又係過我【懶惰過屎忽】既生活喇
=__________=

起身之後煮野食
之後就睇Now TV既節目重播
睇番幾日前《議員回應施政報告》既記者會
睇左成兩個幾鐘
睇完之後對今次既施政報告了解多左啦.......
同埋對各政黨既睇法同立場都清楚多左.......

果d咁既親政府政黨,真係徙鬼氣既
聽佢地講野真係搞到我火都黎呀
政府做咩佢地都話好好好
咩都say yes,咩都say good and fine,咩都話做得"已經好好",咩都有籍口
如果好似佢地咁政府做咩都say yes既話
仲邊有人會批判性地提出改善建議、邊有人真正的監督政府、政策點會有進步!!
佢地班人講野真係好鬼廢,官腔口吻!
講野越黎越大陸中央政府feel
報喜不報憂,自滿.....
講完好似無講過野
真係把鬼!

發展教育產業....
「教育」唔係每一個負責任既政府既承擔黎架咩?
宜家話增加私人興辦的學校/大學
其實骨子裡咪即係要市民自己俾錢
有錢先可以得到高等教育
教育變左一門門既生意!
還有的是,倒頭來這可能會增加貧富懸殊
講到尾,政府根本係唔想增加教育既承擔
真係好鬼縮頭


下午一路聽歌,一路睇報紙搵下工
同埋繼續睇本《去過天堂90分鐘》
連續聽哂三隻碟：Mika、Backstreet Boys、Michael Buble
Michael Buble隻new album好好聽啊
佢d歌有點Jazz感覺
但又不屬於好傳統既Jazz~幾特別~
d歌屬於easy listening~

Michael Buble---Crazy Love



-------------------------------

哈哈....好白痴呀 XD





>>October 17, 2009 at 8:32:11 PM GMT+8

2009 年 10 月 16 日 星期五 【晴】

今日有人去interview
我諗住靜靜雞衝出去他interview既地方搵佢.......
等佢interview完左出黎,就俾驚喜佢架........
本身計劃響interview既地方搵佢
但我太遲起身,太遲出門口喇....
趕唔切......我出緊去時,佢已經話咁快就in完.....
已經去緊明愛醫院拿d野.....
咁我就諗住去醫院搵佢,俾驚喜佢啦....
點知我仲坐緊火車,佢就已經拿完搞掂....
第二個方案又失敗左......
咁我就諗住響地鐵站俾驚喜佢啦....
點知佢話可能走
為免我出到去佢真係走左
我就唯有要踢爆自己：我出緊來搵你喇.......
就係咁.....個驚喜就無左喇........
我次次都諗住驚喜架
點知次次都失敗..........wow...=[

不過今朝我都算勁喇.........
只係用左15分鐘就出得門口
平時無一個鐘都唔得架
今日彈起身後
15分鐘內搞掂：換衫、刷牙、洗面、化妝
頭都無洗呀
覺得自己好勁啊,可以咁快手...........

lunch左左sham shui po間快餐店食野
丫!!!我好鐘意哩d快餐店呀~~~~~
好地道既港式既碟頭飯
I like it!!!!!!!!
好多野食都好吸引 (不過都係d唔太健康既)
我食左碟豉油汁既腸仔餐肉煎蛋飯~~~~~
wowo!!!!!!!!!!!!!正!!!!!!!!!!!!!!!!!!!!!!
好好好好好好好開心!!!!!!!!!!!!!!!!!!!!!! XDDDDDDDDDDDDDDD

之後就去左李鄭屋古墓
原來李鄭屋古墓咁近長沙灣架咋
行咁近就到
李鄭屋古墓.....由細聽到大架啦
不過都未去過
哈哈,今日都係因為行開附近,所以突然去

哩個博物館都幾細
有少少展板睇下,介紹下李鄭屋古墓既歷史
同埋漢代既文化
之後就去個墓度睇啦
開頭以為有得行入個墓的
但原來只係隔住塊玻璃望入去睇
同埋原來個墓係咁細的....
不過望入個墓時,我都有dd驚,都唔知驚咩,哈哈.....





李鄭屋古墓隔離有個"漢花園"
我覺得果度地方都幾靚~
好有中國庭園feel呀
同埋好多伯伯掛d雀籠在樹上
好有feel呀.....好靚........







之後行番落sham shui po
去左陪book藍球場
then去左食糖百府
原來sham shui po都有間糖百府
糖百府真係越開越多間喇.........
不過今日食哩間真係唔好食
d冰太碎.....無哂口感
太似雪糕了
$20幾蚊食碗雪糕真係唔抵呀........
糖百府始終都係旺角果間最好食

食完糖水,自己行番去九龍塘火車站回家
一個人慢慢散步....
真係行得好慢好慢
幾舒服啊

哈哈......今日好開心 =D

真係好鐘意去博物館呀......
好鐘意有關歷史、文化、文物、古蹟既野..........
真係有頗大既興趣
好啦,黎緊都去下其他博物館行下先
行既時候,我會留心閱讀埋d展板既文字介紹
因為如果睇埋既話
係可以學習到好多知識~

最近,我好想去歷史博物館睇《百年中國》=]
可以搵個星期三去睇啦, $ free~
----------------------------

原來Westlife同埋Robbie Williams都就黎出新album啦~~~~~~~~
哩兩隻都要必買呀..........
因為係我最鐘意既singers呀...........

>>October 16, 2009 at 9:16:48 PM GMT+8

2009 年 10 月 15 日 星期四 【晴】

今日原本同daddy去拜太嬤既...
但因為時間就唔arm
於是無去了
剩係和爸媽響Sham Shui Po食野
之後爸去醫院覆診
我就陪媽咪坐巴士返銅鑼灣
陪佢返公司

坐左一架好靚既新巴巴士
真係好靚喎
我未見過香港有咁靚既巴士
裡面紫色架....係少少螢光feel既淺紫色....
真係幾靚

陪媽咪上公司,佢就開工做野啦
我就自己一個人落去周圍行......
金百利、Sogo、時代廣場、銅鑼灣地帶、HMV............
行左兩個鐘......
但我都只係好似遊魂咁行.....
都唔係專心咁睇野.......
因為唔知點解突然好down......

好多野想買呀....
畢業公仔、著suit著既鞋、hi5聽歌用無線耳機、
Lomon相機、運動衫、秋季裝...
仲有,今日行HMV...哩排出左好多新碟啦...
原來Backstreet Boys已經出左新album!!!!!
BSB喎,我一定要買呀....
同埋想買Lenka、Mika同Lady Gaga....
最近先發覺原來Lady Gaga既歌真係幾正
我鐘意佢好有節奏感

不過finally我還是$1都無洗過
因為無錢....無得買野了

唔...我發覺無錢真係唔好去行街....
因為當你見到好多野都好靚,好想買
但又因為無錢而咩都無得買時...
就真係會幾唔開心...
所以我不太喜歡window shopping
我比較實際d,想買咩就會去睇咩
唔太鐘意萬無目的咁行街
基本上,我都唔係太好行街.....
香港既物質主義+消費主義+四方八面既廣告轟炸....
令到人要同購物慾抗戰都真係幾難............

我唔鐘意咁樣
我鐘意簡單d,樸素d呀...........
但唔通,生活在香港就要這樣?
NoNo,我會抗衡哩個世界價值觀的
始終我都係堅守果句啦：美麗的東西，不一定要擁有的
同埋：想要的東西，不一定是你需要的東西，人所需要的，其實很少已足夠

不過,唉,宜家無錢....咩都要抑壓住,真係好辛苦...........
搞到個人好唔開心
連買杯drink都要好好考慮下先買.....
連想買舊朱古力食下都要諗下先.....
唉,第一次試過真正無錢的滋味........
唉,好慘,快d過左哩個月就好
我發誓下個月我要小心運用我d錢喇.........
在這個年紀還靠家人的供養....
仲要將哩少少既零用錢都洗乾.....
真係開始覺得自己有點敗家(誇張d講句)
快d搵到野做啦....
無錢洗好慘.........

「佢好勁呀，咁既市道都咁快搵到工」
唉,好灰呀......
都唔知係真係個市既問題丫.............
定係我個人既問題喇................
有咩理由一個回音都無...................

不過今日有個媽咪既朋友講我聽....
話佢有個朋友大學畢業+豐富既工作經驗
但都send左成接近100封信....先有一個interview的機會......
唉,唔通我要send 200封信,先有得interview??....

--------------------------------------

今日自己一個行街時..........
真係好灰,好depressed
望住身邊所有野,都覺得好似唔關自己事
覺得自己好似被抽離......唔屬於哩個世界.........
明明知道身邊有好多人、車和聲音......明明是聽到很多聲音的.....
但我就好似穿著左個玻璃罩咁....咩聲咩人我都聽不見、看不了......
同埋唔敢正面望住d人........
走在街上,我都係望住地下多,無focus的point望.....
而且覺得成個世界都好似好噪、好多人....好辛苦...好煩......
我覺得好似透不到氣
極度depressed
情緒好低落,但又講唔出實際原因........
覺得個人缺乏目標.....好似無咩人生意義
每日都無所事事.....
最有意義既事,都只係睇下書、打求職信、send信、陪爸媽...同埋掃下地咁.........
then....nothing.......

---------------------------

P.S：今日我響Smartone問野時.......
個職員問我夠唔夠18歲!!!!!!!!!!!!!!
我幾唔開心呀!!!!!
搞錯呀,唔通我個樣真係連18歲都無咩?....
我唔想我個樣永世都唔識變大啊........
樣子生得細個.....會俾人睇小的.....=[

丫,重點係,我發誓唔再去Sham Shui Po果間Smartone
真係嬲嬲地.........

>>October 16, 2009 at 3:02:18 AM GMT+8