2009 年 9 月 6 日 星期日 【晴】

一朝早
姑姐姑丈就帶埋表妹仔入黎屋企玩
呀......救命啊.....
搞到我一訓醒覺,就要成朝響度湊細路 =[[[[[[[[[

佢不斷又話玩哩d玩果d
又話要睇哩樣睇果樣
剿哂我d公仔出黎...拋哂落地...
又問我點解會咁,點解會咁
一陣又話要玩大富翁....我話唔得,佢又問點解唔玩得呀？
之後又爬上我張床度....玩我盞燈...幾驚佢整到條電線...電親佢呀
d小朋友真係睇少一眼都唔得...

我真係覺得小朋友好煩呀...
尤其3,4歲哩個年紀既小朋友
真係好奇心極大...
每事問到督!!
好多問題都唔知點答...
真係答到佢口水都乾....=0=!!
怕怕!! >0<"""""
唔知點解,我真係唔係好識同細路仔相處
好啦,睇黎我又要再重新考慮下生唔生仔啦!!

不如養狗仔算啦....
好慘...細路真係好煩呀...
不過呀媽話我細個都係咁....仲成日好易mark大個口喊...
但我唔信,我咁乖....=.=

湊完細路真係好鬼累...
仲好頭痛...
突然之間我覺得做母親真係好偉大
照顧小朋友真係會令人心力交碎...
仲要...搞到自己個樣"污wear"哂...無時間搞自己個外表
咁辛苦...咁大犧牲,
唔怪得知呀媽話果時湊我湊到喊,仲大叫: 唔湊喇
第日可能我會湊到有精神病...
因為我真係唔係幾識照顧+招架d小朋友...
仲俾佢地玩番我轉頭, 搞到我跎跎令, 死啦 =[[[[[[[[[[[[

對住老人家我有好大既耐性
但對住d小朋友我真係...=0=

-------------------------------------

之後一家人帶細佬出去旺角睇醫生
佢咁大個仔都係第一次出九龍咋
今次去,都係純粹帶佢做基本既body check
其實bell仔都無正式做過全身檢查

好彩佢響車上面無嘔,乖乖^^
不過去到診所,可能緊張得濟
賴左兩次v v...
要我做呀四,衰仔!

去到見醫生,醫生就幫佢check下身體
同埋抽左筒血

醫生話bell bell膽固醇有少少偏高
哈哈...同我一樣...
另外,醫生話bell bell因為年紀大
骨頭開始退化
所以後腿就弱d,仲有d關節炎
醫生建議打針,要一個星期打1次,總共打4次
不過我地都決定諗諗先...

還有,醫生話bell bell皮膚上面果d肉粒仔
係細菌感染...
咁醫生就開左d抗生素佢食...
所以細佬要食幾個星期藥喇

今次睇一睇醫生要成$1800呀...
不過我地都好放心了...
因為結果出來,bell bell一切皆正常...
有既只係一d少毛病...同埋都只不過係一d 正常既老化....
以佢哩個老伯伯年紀...14歲....
身體健康...無大病痛...真係好托懶架喇...^^
放心哂...













養動物...並唔係得意可愛咁簡單...
係要照顧佢一生一世...
好多人就係覺得...d動物BB好可愛...就輕易買左番黎...
但佢地「無諗過」隻狗會咁大隻...
or 「無預計過」隻狗會咁bad boy,咁麻煩
於是到隻動物大隻左...or 隻狗狗百厭時
先發覺無地方、無空間、無精神、無時間養佢地....
或者...就係到隻動物年老時...問題開始出現...
動物老了...或者牠有病...要用錢醫治牠...要心機照顧他...
當中要付出不少...
於是人們覺得很麻煩...便決定放棄養牠們......

近來新聞話...愛護動物協會接收了好多名種狗...
人們因為生活既轉變...要返大陸工作...無法子照顧隻動物
於是就放棄牠...

我明白到...有時有d情況真係無辦法
不過,真係好希望d人一選擇養佢地時
就承諾一生一世養牠,陪著牠....
唔好輕易就放棄佢地......
真係要三思...先好決定治養一隻動物!!

有時我真係唔明白...
點解d人決定左擁有一樣野...
就咁容易放棄...卻唔可以一心一意...長情咁對果樣事物
我懷疑原因係因為...現今...一切得來都太易
不懂珍惜!

-------------------------------------------------

今晚屋企食速遞pizza hut
又肥死同熱氣死,omg

二人餐點解都咁多野食
好豐富呀!



新出架pizza~寬麵點點批~
有d寬條麵響pizza上面,幾得意喎


我最愛既哈哈笑臉 =]
不過好睇唔好食


仲有,買左盒家庭裝雪糕番黎屋企
係阿波羅既
呀~又幾好食喎!
幾滑幾香
士多啤梨味最正,嘻嘻嘻嘻嘻 :)

----------------------------------------------------

尋晚響電視睇完Westlife Show
佢地d歌又令到我上腦了 =D
如果Westlife又黎HK開演唱會就好啦
真係$1000都去睇呀
我既最愛喎

Westlife--Nothing's gonna change my love for you



>>September 6, 2009 at 9:09:55 PM GMT+8

2009 年 9 月 5 日 星期六 【清涼】

真係好喇你
尋日我話想食煙咸豬手
今日你就買左入黎俾我食...^^



最正既係...d皮夠哂肥厚,又夠咸喎...
所以真係好鬼好味....

---------------------------

第一次彈琴俾你聽
夢中的婚禮
Canon in D
好緊張啊
我會練熟佢地!! =]

---------------------------

尋晚追睇dvd《24》
睇到3:00a.m先肯訓覺
一次過睇左6集
總共睇左4個幾鐘頭...
但宜家先睇到第十六集
仲有8集先K.O哩個Season 2
真係越睇越刺激

----------------------------

好想燒野食呀
不過好熱氣
我怕又生瘡喎,唉
不過有時又唔想理咁多
因為食野最重要
尤其係食自己鐘意食既野 =p

------------------------

睇住份明報既求職版
好似好多post都無信心去做
莫講話做,甚至假設有得去interview,我都無信心
「流利中英文」、「有經驗者優先」不在話下
「籌備大型活動」、「帶領小組活動」、「危機介入」、「輔導」等等的工作範圍...
問心真的頗沒有興趣做這些工作...
加上「成熟」、「獨立」、「開朗」…
更加覺得自己性格不適合做....
唉,可否不做社工？...

真係想逃避一世
一世不工作,沒有責任
每天只是遊玩...傻...>.<

哩個社會應該好唔簡單
在工作上,亦都將會面對好大好大既挑戰
我們都是同一樣人,所以我地真係要加油呀 =]
不要凡事憂慮
在三思之餘,也學習決斷些
想清楚了便行動,「死就死吧!」的心態有時都需要
而且,也需要增強勇氣
要對自己有信心
膽怯背後的原因都是因為缺乏信心
自信心不足和憂慮都是成功的阻礙

這些都是需要學習的地方
前面的路不知
但我們一齊努力吧
加油...永遠在你的左邊 =]

--------------------------------

今晚ATV World有Westlife show睇呀!
哩個show我未睇過架
勁開心,有得睇!

>>September 5, 2009 at 10:24:06 PM GMT+8

2009 年 9 月 4 日 星期五 【清涼】

去完南生圍之後
星期三全日在家休息
而尋日星期四呢
就同親愛既SHU同學們去左唱K
$31,由早上11:00a.m唱到下午4:00p.m
真係好抵!!









crazy左一個下午
真係開心!

之後趕住同ar隆過去觀塘
陪佢去拿封信
之後就行下附近,響麥當勞飲左杯奶昔
哩排真係好鐘意飲麥當勞奶昔~

之後我地去APM既吉之島睇下野食
見到好好好好大粒既帶子>.<
又有煙咸豬手...又有恆香老婆餅...
好多野都好想食呀...救命~~

夜晚食APM foodcourt既Pepper Lunch





好食,不過食完之後...開始喉嚨痛
到宜家都有少少痛痛地

食完之後,周圍行下~
原來APM入面係有個park架...
之後行左去觀塘碼頭
發現到果度都好正!!^^
我地諗果度應該可以睇到煙花喎!

之後響OK買野飲先
因為真係好熱,又好腳累
(果隻新出既shake shake 橙汁汽水都麻麻地既,有d苦味)

之後又行番去APM附近舊墟果邊
又上左麥當勞坐下
好累呀對腳
之後11:00p.m坐74x回家

今日...星期五
都係全日留響屋企休息
睇下戲,同埋真係要寫求職信喇
今日就寫
身邊都陸續有同學有interview喇
自己都真係要加油...
早d落實行動了...快快手搵工做
唔可以每日都掛住去玩同用錢了!

>>September 4, 2009 at 2:45:17 PM GMT+8

2009 年 9 月 1 日 星期二 【清涼】

=元朗‧屯門‧二人遊=

9月1日
在哩個學生哥開學既日子
我卻唔再係學生哥了
今日係我第一年無學返既日子...

不過,我地一早都返左一返CityU
食個早餐先
見到d City學生
就諗返起以前返學既日子
可惜丫,我讀asso時真係好唔投入
所以都無咩回憶可言...
但經過SCOPE時
我就回想番上年返SHU既時候
不過,我今年不再是學生了
即使將來有機會再做學生,去進修
但都唔會係全日制既全職學生
所以,以往返學既日子都不會再有....

anyway,食完早餐後
我地就出發往元朗喇
我第一次坐西鐵
d站真係好新,好少人
甚至好多空既鋪位都未開
好舒適呢...最鐘意人咁稀少同寧靜既地方....

響元朗站落左車之後
行15分鐘左右,就見到個「南生圍」指示牌
第一次去哩個元朗既南生圍
一去到望到個天空好靚...個心已經好開心
真係天朗氣清
不過陽光實在太普照
真的好熱呢!

坐橫水渡過對面河
要$5一位,坐2分鐘都無就到岸
不過感覺都幾得意,幾好玩
同埋在船仔上面...望見條河...個景色真係幾靚呀....

入到去南生圍
周圍沒有人...只有花草樹木、藍天白雲、湖泊...
大自然,永遠是最美麗的













不過...我地響入面係中午既12點,1點幾....
確實係最曬最熱,太陽最烈日當空既時候
真係又熱又缺水
真係以為自己就快要中暑
後來還行進了一條掘頭路,差點迷路,哈哈
最後幾經辛苦,終於行返出去路口
立即去間士多,飲番罐汽水,坐一坐先!
舒服哂^^"

2:00p.m幾離開南生圍
響元朗既B仔涼粉食糖水
碗西瓜涼粉...真係好正...好消暑





仲有果杯芒果冰...有好多舊芒果...好正





仲有食左d魚蛋,魚蛋就無咩特別咁啦

之後諗住去下白泥睇日落
但真係搵唔到架車
於是最後就決定去屯門既黃金海岸
坐輕鐵...但實在太慢太迫人
最後都係落車,去轉西鐵
坐一個站響屯門站落車
之後轉K51接駁巴士
不過我地坐錯回頭車...=.=

6:30p.m先去到黃金海岸
可惜呀...趕唔切睇日落
想睇好耐,但次次都睇唔到
上次響大尾督我地又睇唔到
今次又睇唔到啊...

不過...這一天的黃昏...
夕陽的餘暉也很美...
天空一片紫色...

我們影了些相
之後躺在沙灘上
天空由原本一片紫色...慢慢變成昏暗的...再變成漆黑的夜空
有星星,有飛機,有海浪聲,有個釣墨魚翁,有一堆像組成惡魔的雲層....
也有我們很多的話語...







離開黃金海岸
出番屯門,坐西鐵,Austin站落車
(Austin既發音原來係"騰"而唔係"田"?)





出到站,上到去佐敦
好累,都唔知食咩好
突然間俾我發現頭上有間日本放題
於是就走上去試試啦
晚上特價時段,$123一位
今晚都幾滿意,好好味呀!
好開心....無意中發掘到好野食既感覺真係好開心!!
最鐘意既...就係澳洲鐵板燒和牛



同埋仲有既...就係佢既芝麻雪糕!



真係超級超級好味!!!!!!
我地下次再去食丫!!

um.....經過了「好熱」、「好口渴」、「好累」
之後的「好肚餓」
再到食完日本放題的「好飽」
昨天....渡過了好full既一天
我會好好將這一天收藏響我地既回憶錄上
你都要呀....知道麻?....^^.....

------------------------------------------

我唔可以再亂想咁多,要諗得簡單d,開心d!!^^
諗多d應該諗既野,唔好再驚一d唔值得驚既野
同埋要對自己多d信心
長期咁樣諗野的話,自己只會很辛苦
同埋對段關係都唔健康...
希望隨著時間...我希望被淡化的東西可以淡化....
我希望被強化的東西可以穩固的建立....
「時間會做我們最好的見證」
對嗎?.......... :)

>>September 2, 2009 at 8:15:57 PM GMT+8

2009 年 8 月 31 日 星期一 【晴】

《十年約會》.........
尋晚睇電視節目
無意中聽番哩首歌
好耐無聽過啦
哩首歌,就係三年前
響班際歌唱比賽,中七時,我地7A唱既歌
我記得果時練d和音...都幾難的
at the end我覺得我地唱得好好架
雖拿不到大獎, 但好似都拿左個合作獎 =]
旋律+歌詞真係令我想起不少中學時既回憶 =]































---------------------

後記：

啊....
時間這東西...
真的只有一去不返
感慨感慨...

回望過去
當時真的充滿天真快樂的笑臉
人大了,現在所有的,都是複雜的
懷念懷念...

-----------------------

=最近好想做既事情=

去濕地公園
去海洋公園
去行山
去離島
去馬灣
參加發達行既離島團
周圍食野 (including自助餐)
周圍影相
游水
踏單車
去沙灘play sa, playing game with uncle sun, swimming in the sea~

快d同我去啦friends and pigpig
--------------------------

哈哈，原來數錯左，未夠100日，哈哈
應該星期五先係100日，哈哈哈哈哈哈哈哈

>>August 31, 2009 at 5:41:46 PM GMT+8

2009 年 8 月 30 日 星期日 【清涼】

由細到大
都期望自己有一天可以讀大學
宜家,經過幾番失敗、波折和轉折後
終於都拿到個degree
並且就黎畢業喇
將要踏進社會,成為一個職場新人
其實真係好驚,好憂慮,好擔心
驚interview
憂慮自己入職後能力不及
擔心能否應付生活上的轉變....

hea了、逃避了一段日子後
終於的起心肝,上網,睇左10個8個求職網頁
睇左10幾20個講interview技巧既網站
又拿起份明報,好似電視入面果d中年失業漢咁....
用紅筆圈呀圈...圈底所有有興趣、可以選擇既工作...

經過一番既思索同掙扎
都係決定搵社工既post
熟我既同學、朋友都知道
基於種種性格上既原因...
我一向都唔太有強烈既心/信心做社工...
直至現在,我確實還未找到自己既方向和心中理想的職業...
而既然哩一刻我都未清晰自己想做d咩
但橫掂自己都讀完...並且已經有哩個專業資格時...
我就同自己講...不如真係俾個機會自己嘗試下
看看是否真的不適合？
我相信有一天,我就會找到答案
我亦相信有一天,我就會找到自己既理想

咁多個field,我會選擇做老人服務...
因為elderly係我最有興趣的一個age group
讀書時選修elderly
畢業論文都係做elderly研究...
唔知點解,對老人家總有一種特別既感覺
希望我可以有足夠既能力去做一名服務長者既社工
同埋最想既係,我可以慢慢培養到heart出來...
無論如何...我都會盡力、認真咁看待我黎緊既工作(whatever what job is !!)
我唔會改變我既做人處事宗旨...就係要盡力、認真、對得住自己

宜家,我會努力去搵工
上網搵睇報紙搵、寫求職信、請老師幫我請推薦信
同埋睇書溫習番順便增值下
一邊會思索自己究竟想要d咩
同埋想想前面條路點行落去



---------------------------

100日啦
100日快樂呀兩隻豬

前晚我地食左羽壽司
今日又食金水壽司

哈哈,手卷係你好鐘意既~~~
帆立貝就成為我既最愛~~~~~~~~~~
真係好Love it**

----------------------------

哩排哩個Lady Gaga好紅....
旺角d鋪頭....周圍都播住哩兩首歌
都幾有節奏感,ok既
but 我覺得宜家d人真係越來越賣弄sexy....

Just Dance



Love Game



>>August 30, 2009 at 9:57:55 PM GMT+8

2009 年 8 月 29 日 星期六 【晴】

28/8 三個月快樂

My Dearest



一向唔多有興趣整d手工野
因為怕麻煩...
哩兩個心心,前後花左兩日時間去整
整完之後幾有滿足感
沾沾自喜~因為覺得好靚=v=
都算勁架喇我,都識用下針線
由此可證明,我係一個女仔喇........^^

------------------------------------

尋日心情好好!^^

昨天,以SHU畢業生既身份
返去CityU, 在新一屆SHU既新生O day幫手
見返very nice既老師們
偉道sir, 我supervisor Dr Fok, Bonny, Roger, Herbert等
個個老師都問我：「Stella，搵工未呀?」
=_______= 我都唔知點答佢地
仲有,Bonny問我幾時一齊食飯傾下計
又邀請我地去佢Hall參觀
好呀,我都想去參觀下^^

一開始時
偉道sir叫我地主動搵d新生傾計
「主動」哩樣野...真係我好無信心既野...
真係好怕要我主動去找人講野.......好怕好怕.....
但偏偏這是做社工最需要既一種技巧!!
唉 >.<

另外,同學代表出來分享心得時
我覺得她好淡定,好清晰...
我好想好想提升自己既公開演說技巧....
「公開演說」哩樣...同樣都係做社工好需要既一種技巧....
我真係好羨慕人地公開演說時...可以咁淡定...咁有信心....
我覺得有d女仔真係好叻...好charming...
佢地一定好吸引人...
反觀自己又好似無咩強項同吸引既地方咁....
就公開演說而言...如果俾著係我...我一定好驚,好無信心....

另外la,知道今年SHU有得讀counselling呀...Bonny教
如果我地果屆有得讀就好啦
我想讀counselling呀....
好過讀果d CSS, CSP, CRA啦 =[
仲有,今年可以選擇修三個自選科
而唔洗做Dissertation....
不過如果比我選...我諗我都會選番做Dissert....
因為出來見工時...話比人知響大學做過研究論文
係殺食d...勁d...可以話係多d野學到....
可以話係真正的讀過bachelor degree...

anyway....
尋日返去既感覺都幾特別,幾開心!~~
諗番起一年前
懷著戰戰兢兢又迷惘既心情黎到O day
話咁快,我又讀完,並且就快畢業了
新一屆SHU APSS既課程又開始~
尋日聽呀Rob介紹課程時
真係一路回憶番哩個課程既過程同點滴...

(P.S：呀Rob真係好似肯德基伯伯...funny =D)



哩一年既SHU學習生涯
辛苦得來又好開心
最開心既
除左係識到一班好老師外
就係識到一班好朋友
一齊同d功課作戰
有活動,一齊參與
有野玩,就一齊去玩

哩一年,我真係覺得好開心
不但響學習態度上、性格上、社交上
個人都改變左好多
我可以同自己講：我過左一年無任何後悔既top-up degree課程
雖然拿不到1st Hon
但原來,盡左力去做一件事既感覺...真係好滿足!!
希望自己日後響工作上
都可以保持哩個態度

好期待十一月既畢業禮...^^
我地可以一齊著住畢業袍影靚相!!

-----------------------------------

Daphne, 你真係好好!!!!
當我唔想搵工時
就俾左咁多搵工網址我...又鼓勵我快d搵
之後,知我無interview經驗
又搵左咁多有關interview既網址俾我參考!!^^
好多謝你呀,my very good friend, 嘻嘻 =]
我真係好feel到你既支持同關心.....
I really love U, friend~~~~~~ 一3一

我會俾心機!!!
目標搵到一份理想既工作!!
我得既!!!

真係好好好好希望有朝一日...
可以有機會去外國讀Master、去外國生活!!!
哩個係我既心願......
--------------------------------------

You Are the Legend

香港2009東亞運動會主題曲 (國際版)



每一顆心
像陸地大海的聯盟
勝出一刻
榮耀便代替了艱辛

雲上有多麼深的足印
只因一種決心
然後你懷著兩份熱情
讚頌你對手
同時亦會拼盡每一分

you are the legend this is your time
身體以潛能形成動態再上天階
一起會越拼越勇越快
帶著理想衝出世界
you are the legend
you are the legend
you are the legendthe this is your time

我要衝出世界!
No one and Nothing can stop me...

>>August 29, 2009 at 7:47:50 PM GMT+8

2009 年 8 月 28 日 星期五 【晴】

今日終於有d心機
的起心肝上網搵下工!

我決定唔好諗咁多野
選左d工,寄左求職信先算
因為其實一切都唔到自己驚咁多
一日唔踏出第一步去寄信
就一日都坐響屋企!!
等人約,等人call,等街去,等食飯,等沖涼,等訓覺!
我唔想再好似頹廢青年咁
日日無所事事,咩都憂慮咩都擔心
但又咩都唔做,咩都唔嘗試!!

寄左d信先算啦
有得in咪in
無得in咪繼續不斷send信出去
我唔信一份都無得in!!

我完全無見工面試既經驗
所以我相信頭幾次d interviews一定會失敗、成pat屎為多
不過宜家決定唔理喇
有得in就當去拿下interview經驗
無得in既,就去圖書館睇下書,溫番書,準備下
同埋做下運動!
好過日日響屋企等運到!

係架啦,其實我真係唔想做社工既
不過無計啦,就當試下啦!
anyway
見到份工,都好有興趣
係醫院請SWA
其實有興趣既原因,都係幾現實既(我哩d仲未有社工heart既人....)
做「醫院社工」,響醫院返工...好似勁d
扮下醫生....同埋著醫生袍好似好靚咁...
仲有的是,佢有公價$14,890...
加上係由醫管局請人...個名好似好聽d

我已經上網apply左lu
知道一定好大競爭!
不過講真,如果以我咁既CV都有得interview都算偷笑...
but...ok la...just try jer....
better than stay at home and do nothing ge...right?

https://hkha.dimension.jobsdb.com/career/Default.asp?PID=3&AC=HKHA&EC=HAC5&GC=HAADM&JobID=3425&LID=1&SP=1&HKB139818972349167

我唔係唔鐘意or看不起低下階層...(我屋企都係窮等人家...自己都係屋村長大)
只不過...我真係好想在年輕時
出去見多d靚野...好想探索下花花世界...好想個世界可以大d...!
所以,其實我唔係太想...響d屋村留下果d center返工...
我期望有好既工作環境....

其實我都幾衰既...
都完全無一個社工應有既態度...
社工係貼近民居的...
但我做社工...只為「only嘗試」不過無heart....只為打份工...
搵工睇「高d人工」
搵工選「優質d既上班地方」...
甚至連自己都信不過社工既「專業」價值!!

有時真係好矛盾...
想過簡單純樸既生活
但又想看看花花世界,想過優質生活!
兩者好似好有矛盾咁!!點算....
其實...問題既根本...都係我唔知自己想要d咩.....

唉,諗諗下又down喇......
都係唔好諗咁多無謂野啦!!
繼續搵下工、開始寫求職信先算啦!!!!!!!!!!!!
加油朱潔恩!!!!!!!!!!!!!!

大個女喇.....
宜家目前為止
真係唔好亂諗咁多其他白痴野...
現在哩一刻開始...最重要既,係我,朱潔恩,自己既前途!!!!!!!!!!!!!
要諗野既...就諗多d自己既將來打算啦!!!!!!!!!
要花時間同精神既....就花多d響裝備自己上啦!!!!
一個後生女....大把機會...大把前途呀.......
真係唔好擔心咁多!!!!!!!!!

yeah!!!家下我好有火啦!!
要襯住有火!!快d狂搵工先!!!!!!yeah!!!!!!!!!!!!!!!!!!
我要keep住哩個有d攻擊性既「野心」!!

>>August 28, 2009 at 3:32:08 PM GMT+8

2009 年 8 月 27 日 星期四 【晴】

哩幾晚都好夜先訓
唔知點解訓唔著
久久都未能夠入睡
唯有攤響張床度...一係就聽下歌
一係就睇戲...睇vcd呀dvd呀

尋晚響度睇《24》
睇完都2:00a.m幾
搞搞下又3:00a.m先訓得著....omg
不過話時話,原來《24》真係幾好睇
其實哩齣外國劇集2001年已經做...
一直知道好出名,不過又真係無睇
尋晚半夜一連睇左三集
都覺得幾正!!

真係唔睇台灣、日本、韓國電視劇集!
成日都剩係講愛情...
一係就成日喊苦喊忽....
我只對歐美劇集情有獨中~

--------------------------------------

丫...仲有前日
睇左新買番黎既dvd《Rain Man》(手足情未了)
這電影是1988年奧斯卡的最佳電影
Dustin Hoffman扮演一個中年自閉症男人
他的演技真的一流...
憑這電影...他當年拿了奧斯卡影帝....

看完這電影後
最大的得著....是使我明白了自閉症者的內心世界...
原來,他們看事物是很不同的...
他們亦有著與平常人不一樣的需要...
是更需要我們的關心和耐心的看待....

另外,這電影告訴我....
有很多東西...比金錢更值得珍惜....
例如人的感情...和手足之情
如果在這些地方上找到值得追求和珍惜的地方...
或許...我們就可以找到人生的意義...

P.S: Tom Cruise果時好後生....幾靚仔... =v=
宜家呢,就係一種成熟男士既感覺~
好man =v=

-------------------------------------

尋日終於睇左另一隻新買dvd《Love Story》
這齣經典電影....獲得了1970年奧斯卡總共7項提名
我想睇好耐了...

看畢電影後...
在我而言...感人的地方
我覺得係個男主角對個女主角既愛...
女主角有病就黎要死....
但個男仔都對她不離不棄,有始有終...
而他眼中永遠只有果個女仔...
好緊張個女仔...好著緊段感情...
照顧她...直到她不在人世
人生搵到一個咁鐘意、咁緊張、咁寵愛自己既人
真係死都抵啊
有時諗諗下,響熱戀期死左...雖然另一半會好傷心
不過自私d咁諗...
死左,可以讓另一半永永遠遠...好深刻咁記住自己、記住大家既回憶的話...
其實死...都有佢既價值
真架,我真係有咁諗過 =.=

講番套戲...
雖然個結局幾sad...
不過個整個電影既感覺都幾淒美, I like this feeling...^^

另外....這電影出了兩樣著名既東西
第一，係電影中一句名句:
"Love means never having to say you're sorry."
「愛是永不言悔」

第二，就當然係電影的主題音樂啦
哩首咁出名、咁經典既旋律...
就係出自哩齣電影架喇
相信無人未聽過啦

Love Story



我真係好好好好好好鐘意哩個音樂....哩個旋律....
睇完哩套電影之後...更加鐘意...
我覺得...段旋律...係夾雜著浪漫與淒美之間.....
真係好鐘意好鐘意...

Canon in d....始終都係我最鐘意最鐘意既音樂,旋律....
其次呢,就有Forrest Gump suit....夢中的婚禮...
同埋,就係Love Story哩首喇...

好想好想買哂哩d我最鐘意既旋律...既音樂盒啊...


Canon in d



Forrest Gump



夢中的婚禮 (Mariage D'Amour)



----------------------------------------

「究竟我真係唔適合做丫
定係只係我害怕去做呢?...」
今朝...一訓醒就諗起哩個point...

如果...如果其實我係有足夠既能力做既
但只不過係我害怕,係我對自己無信心
而選擇放棄一試,選擇逃避既話....
咁,將來看到別人的成長後...我會否後悔自己不選擇一試呢?!

應該行一條舒適d、容易行d...但少d得著既路丫...
定還是一條崎嶇d...但可能會令我有更多成長既路呢?
----------------------------------

真係每一秒都諗住架 ><
好煩啊你,佔據哂我個腦 >0<
喜怒哀樂,心情情緒起起伏伏...都係因為你架~~
我走唔甩喇!! @@ 癡左... >v<
我要你個心都equal咁對我....... >______________________<

----------------------------------

聽日番CityU
幫偉道sir手
響新一屆既SHU programme既Orientation day....
幫手同d新同學傾下計
我驚我唔記得哂我讀過d咩...咩都唔記得
唔知share d 咩...haha

>>August 27, 2009 at 7:27:32 PM GMT+8

2009 年 8 月 26 日 星期三 【晴】

是否每個大學畢業生...
在畢業後...都會有一段迷失期呢...可?....

好羨慕d朋友,同學...咁早就可以搵到自己既目標同理想...
知道自己想做咩...
但我真係諗黎諗去...都諗唔到自己適合做咩工...

宜家遲遲都未開波搵工...
因為一諗起要做社工...個心真係極度無信心...
雖然知道"未做過點知自己做唔黎"
同埋都要嘗試過做...先對得住自己、父母...同埋身邊既人
起碼到時可以同人講話: 我試過了，不過覺得唔太適合...
不過...其實我真係唔係幾想做社工哩type的工作....
雖然我真係唔知自己想做咩...
但總之就總係覺得...社工...並不是我想做的東西...
但矛盾的是....讀左又唔做...
好似好浪費金錢同時間...
而且...講真...讀social science出身既...
可以做d咩呢?...太闊了
最後...就係好功利既原因...就係錢哩個考慮因素
做社工有萬幾蚊...如果做其他...例如一個普通文員...可能都係得7,8千蚊....
若果得幾千蚊人工...真係唔夠錢還俾政府...

基於以上各種既考慮因素
答案都好似係叫我...去搵社工做...嘗試下
但哩幾日越諗...就越覺得...
其實我真係唔係咁有興趣做有關人既工作...
相比起"人"
我真係鐘意動物,死板板既文件
甚至係死物多d...
我鐘意留意事物...多過留意人
我既好奇心亦都係建立響身邊既事物上...多於建立響人上...
同埋...最重要的...係..
根本自己係無heart服務人的...但就為左高少少人工...而去做!!!
為左打份工...為左賺份人工...而去做一個社工....
咁樣的話!我實在對唔住自己!!
而且我發覺...我係一個唔怕沉悶的人
叫我自己一個坐埋一邊...獨立完成工作...都無問題
不過出來工作...就係要學習同人相處
要遠離獨行俠既性格...

其實一向都好鐘意d大自然,生態,有關地理既野
可惜我唔係讀理科啦...
如果唔係...我真係幾有興趣做果d地理、生態研究既工作
或者環境保育既工作...我都好有興趣
不過最有興趣既...都係做有關動物既工作

by the way...
我好想去哩度!

=九針群島獵奇、東海穿洞海鮮團=

行程包括：

--果洲群島，九針群島誰屬正確？
--攀登人蹟罕至的果洲奇岩，追尋白堊遺跡
--揭示孤懸島嶼神秘面紗，領略大自然
--午膳於糧船灣享用海鮮宴
--乘小艇穿越東海四大名洞之一，沙塘口洞
--遊沙塘口看海浪的巨大力量
--看六角石柱群展現美麗的海蝕洞

出發日期： 8月2、9、16、23、30日
集合時間： 上午 8:30
集合地點： 尖沙咀碼頭 （文化中心鐘樓側）
散團費用： HK$178（大小同價）

http://www.fth.com.hk/local.htm

>>August 26, 2009 at 1:26:44 PM GMT+8