2009 年 8 月 11 日 星期二 【晴】

= 星期日 =

下午約左親愛既Daphne
響旺角周圍行
但其實都係志在傾計~
lady's talk =]
have fun and really enjoy~

晚上就同ar隆食左一間叫"瀧澤"既日本野
食放題
都幾...難食...
仲要$148 (未計加一服務費)
好唔抵!
我諗我都唔會再幫襯哩間野啦!!

= 星期一 =

終於...游左我今年既第一場水啦!!
講左咁耐話去游水keep fit....
但都係得個講字,哈
星期二(尋日)終於游左啦~

講起就勁啦
響落勁大雨,仲要係雷暴警告之下
去沙田賽馬會游泳池...實行左今年我既下水禮~
哈哈!!爽呀!!!!!!成年無游過水~~~~~~~~~~
落大雨游水感覺都幾正丫
只不過係凍d啦

我地游完水
晚上去食扒王之王
沙田有兩間扒王...原來偉華中心果間係貴d既
d set dinner...都貴差不多$10架
所以,最後,我地響賽馬會游泳池對面果間食
入到去,竟然係無人食的...
我地入座時,只得一張台有兩個人食緊.....
成晚都好似俾我地包哂場咁
好鐘意咁靜、咁少人既環境
食得好舒服同relax....~


= 星期二 (今日) =

煮飯仔..................^^
苦瓜炒蛋+蒸浣魚+白飯
雖然d苦瓜係苦左d
同埋條浣魚係咸左d
不過都算幾好味既,呵呵!

丫,係喇
今日先知...原來呢....
苦瓜響洗既時候...係要清理好哂入面果d衣
先唔會咁苦架! >.<
如果唔係,原來會勁苦的~

----------------------------

開始寫CV啦......

人地果d CV咁勁....
唉.....我諗我份CV都無咩野好寫.....
後悔當初參加得咁少野....
仲有既係,我一樣義工都無做過...
仲話去in做社工....

學業成績已經唔突出....
仲好似無咩強項...
仲...無咩working experience...
有邊個顧主睇左我份CV會請我喎...？
剩係寫好份CV...都無信心

假若唔in 社工...
in其他行業呢...例如普通一份政府文員既工...
又好似唔夠其他人,例如d讀商科既人爭....
我總係覺得...讀social既人....好似無咩賣點咁....

我覺得讀商科既人真係好叻...
以我所知、所識既...讀商科既女仔
好多成績又好,好聰明醒目,好有野心,同上進心...(可能只是我既感覺啦)
好多時佢地既working experience又勁...
整個人既形象都好sharp,好鮮明....
好有屬於佢既性格...
所以,我實在覺得自己好多地方都比不過她們咁...

how can i get a job?
可能...我唔應該未試就睇死自己唔得!!
應該要有信心!!

anyway....
在寫一份屬於自己既CV時
就會發覺天外有天,人外再有人
自己有幾多料子?.......
當你寫自己份CV時就會知道

每人既CV都有佢自己既賣點...
咁...我呢?
究竟我有無?...

好啦,現在係時候研究下點寫得靚d,好睇d....
加油!

>>August 11, 2009 at 7:34:22 PM GMT+8

2009 年 8 月 8 日 星期六 【晴】

我最喜歡的歌手樂隊
Westlife

我最喜歡的歌曲...
My Love

它已成為我最喜歡的歌曲很久了...
無論幾時聽...
佢都係我覺得最好聽既一首歌

每句歌詞都扣人心弦
令我很有想像的空間
世界頓時好像變得大了



So I say a little prayer
and hope my dreams will take me there
where the skies are blue to see you once again
My love

over seas from coast to coast
to find the place I love the most
where the fields are green to see you once again
my love

to hold you in my arms
to promise you my love
to tell you from the heart
you're all I'm thinking of


我覺得d歌詞...
真係好sweet同好靚......=)
----------------------------

真係好想好想...好想出走...
去到世界每一個角落...
看看這個世界...究竟有多大...
可以麻?....

>>August 8, 2009 at 4:41:20 PM GMT+8

2009 年 8 月 7 日 星期五 【晴】

＊電影記＊

哩兩日
響屋企睇番d買左好耐但仲未睇既舊vcd
睇左《Elizabeth I》(伊利沙伯一世傳奇)
同埋《差利卓別靈傳》 (Charlie Chaplin)

兩套都係人物傳記
兩套都係好值得睇既電影...
伊利沙伯一世....同埋差利卓別靈
兩個都係好出名既傳奇人物...
睇完之後,不論對哩兩個人認識左不少...
仲了解左當時...不同時代下....英國既歷史背景...
還有了解多了有關英國既帝制...
同埋第一次世界大戰....

=伊利沙伯一世=

她是誰？她有何成就？
她即位時....
英格蘭內部因宗教分裂而混亂....
但她不但成功地保持了英格蘭的統一
而且在經過近50年的統治後
使英格蘭成為歐洲最強大
富有的國家之一
英格蘭文化也在此期間達到了一個頂峰
湧現出了諸如許多著名的人物
例如劇作家莎士比亞
她的統治期在英國歷史上被稱為「伊莉莎白時期」
亦稱為「黃金時代」....
(copy @ yahoo.com.hk)

這電影描述伊利沙伯一世步入中年後
對國內外的勵精圖治和感情生活上的無奈
有「處女皇后」之稱的伊利沙伯一世
自言把自己獻身英國

伊利沙伯一世上任後外要面對西班牙、
法國和荷蘭等的侵略覬覦
內要處理空虛多時的庫房及政教問題
她又那有空和心思談情說愛呢？

伊利沙伯一世早已有位矢志不移的愛人
奈何身份地位不配而錯失良緣
伊利沙伯一世一生充滿傳奇
《伊利沙伯一世傳奇》將帶領觀眾回到過去
細閱這位「處女皇后」的傳奇一生


=差利卓別靈=

《差利卓別靈傳》向我們展示...
這一個出色的喜劇演員....
究竟他的內心是怎樣的？
做一名喜劇演員確實有他無奈的地方...
每天笑著對著鏡頭、面對觀眾...
即使在不如意的日子...
也只可對著自己說：smile...smile....smile

這令我想起...
人大了...很多時候也是這樣的
不可以隨便把愁煩不快的樣子放在面上
抑壓情感,很多時都已是慣常了的事...
成年人要學習Smile...
現實...令人有時不得不越來越掩飾自己
誰是真正的自己？...越來越模糊了
像差利...做得喜劇演員...就要笑
擔當那角色,就要盡量做得最好
真正的情感？哪管它了

又無故地...多愁善感起來了...哈哈...

anyway,
看過他的傳記電影...了解過他的生平後....
現在,我明白到為何差利是一名傳奇人物



Yes....remember us the meaning of a SMILE in every life
in every moment
even when life bites
even when we feel blue...
it's hard, but we can try... to smile

差利....他最數一數二的代表作....
莫過於是《大獨裁者》和《摩登時代》了....
我記得《摩登時代》(Modern Times)哩套戲呢....
果時中三定中四時...
歷史課時,Miss播過一段仔俾我地睇
都幾深刻的
係講果時既工人階級...既不公平待遇同生活慘況
而《大獨裁者》就係差利卓別靈...用來諷刺當時既希特拉和納粹主義的...
一向對於歷史有興趣的我...
有機會的話...
真係想搵番哩兩套戲返黎屋企睇番...
-------------------------------

尋日行唱片店
無意中見到....原來《在天堂遇見的五個人》是有電影的....
書就睇過了...
所以實在好想睇下故事被拍成電影...是怎樣的
有機會要租vcd番黎睇下先得

另外,仲有好多戲想租番黎睇呀
包括《浮生路》、《蜂劫》、《大耳無罪》、
《怪誕隨意門》、《地球毀滅密碼》、《W》、《狗店風雲》
《讀愛》、《乜都得先生》........等
!!!我要睇!!我要睇!!~~~~~~~


話時話
響HMV比左錢,訂左,但仲未有貨既《Love Story》....
已經成半年都有啦....
收左人錢仲無貨到我手既!
HMV點做野架! .\/.
想睇好耐喇...哩套電影.......
搵日真係要我吹下佢先得!!哼!!有無搞錯!
一d回音都無......\/.

>>August 7, 2009 at 11:31:48 PM GMT+8

2009 年 8 月 6 日 星期四 【晴】

悶左兩日
今日終於出下街喇
返左CityU交dissertation既form同cd

之後落旺角
首先響日之船買左杯乳酸野飲share先

之後,就去食金水壽司
半價下午茶(無錯~又係金水=v=)
食完就行左一間專賣模型既鋪頭
我都覺得果d模型好靚呀!
最鐘意係d戰機、軍艦、坦克車!!
搞到我都有d衝動想買番盒返黎砌下呀
真係好型呀
原來女仔都鐘意哩d!

行完之後
響7-11買左支榴槤雪條,好好味!
之後入去朗豪坊
行下唱片店, 行下西武

最後就去糖百府食綿綿冰
都係哩一家造的最好吃!!
今次食左好立克味綿綿冰+朱古力醬+乳酸魔豆

之後坐火車, 坐倒頭車
好開心一齊坐左咁耐車.....^^
thank you......
開心開心開心!!!!!
開心開心開心!!!!!

返到屋企
爸媽叫左外賣pizza hut
有pizza同埋雞翼食呀
不過唔係幾食得落...
d糖水仲響個肚到浪下浪下,嘻嘻..........
-------------------------------

===有感而發....有關「前途問題」....===

今日突然之間心情又唔係幾好....
好多野諗,好多野擔心....
其實自從交哂功課之後開始都係咁
雖然可以不停休息,hea,玩,出街....
但內心都好似唔係咁開心....
好似無論點樣都擺脫唔到鬱鬱悶悶既情緒...
我諗...成因主要係個人好似突然間無哂目標、方向、意義

每日都好擔心「前途問題」....
一諗起一大堆有關工作的東西...
就好驚,好擔心,好想逃避,好唔想面對...
只係想永遠停留響宜家哩段無咩責任要負既hea日子....
一大堆有關工作的東西...
全部都係未曾做過的事...
好多我都真係唔識點做、點準備、點寫等...
例如...寫CV...寫求職信...重溫社工的知識...預備見工....interview等...

或者我真係將一切諗得太負面、太恐怖了...
經常擔心一d未發生既野...就係我既性格...
其實我知道...工一定唔會搵唔到既...
只不過...我...就好似...唔敢踏出第一步咁...點算....
擔心...擔心...擔心就算份工請左我之後...
我究竟有無能力勝任？....
我點樣識做咁多我未曾做過既野？....
我可否應付不同的、龐大的壓力？....

我知道,一踏出來社會
就更加是一個成年人...
無得再依賴爸媽...
要獨立處理問題、要懂得處理壓力....
一想起這些...都令我心情不斷沉下去....
驚...擔心...憂慮....害怕....無信心....

同埋...
一諗起快要開始還政府的貸款.....
而且....一諗起身為獨身女的我....日後要承擔起養爸媽的責任....
一切...就令我有種極度憂慮的感覺....
好想好想提供最好的生活給爸媽...以報答他們...
同埋....我真係好想實現我一向既夢想.....
去外國讀書....或者係去外國旅行.....
甚至係可以去外國生活...

所以....簡簡單單的「前途問題」四個字
對於我來說....
係包括家庭負擔、財政問題、理想夢想的追求、職業發展方向、自我能力問題等.....
所以...我想了這麼多...難怪令自己咁煩惱....

無論如何......
人生有唔同既階段....
每個階段...都有佢值得珍惜既地方...
所以...我確實唔應該回憶同後悔過去...或者太過憂慮將來
畢竟,「現在」才是最重要的...
宜家哩一段日子...
或許係好難得既日子...
可以俾我hea下、做自己想做既事、無咩責任、無咩壓力......
始終...一旦搵到工...上任後....
到時想有哩d空閒時間...都會好難好難了
所以,現在...不如唔好思想太多、憂慮咁多了...
好好enjoy哩段日子
不如簡簡單單的、享享受受的
好好感受空閒、自由的日子呢.....

anyway...朋友們...放心吧
我不會逃避得太久的
休息多一陣子後
我便會積極搵工了
我想.....我最需要的...就是需要相信自己的能力...
要相信自己可以找到工作
要相信自己有能力做到那份工作的職務!


我份人真係太認真....太執著....太驚青....太無自信心....太負面....太憂慮!!
我真係好好好好好好了解自己既缺點....
唉,唔開心...=.=

>>August 6, 2009 at 10:53:26 PM GMT+8

2009 年 8 月 5 日 星期三 【晴】

Bachelor of Arts with Honours in Applied Social Science

Second Class Honours (1st Division)

出左成績喇
拿不到First Hon...
得2nd up...
其實都係預計之內既

曾經都有期望過...自己有無機會有1st hon呢
不過其實計下計下
要1st hon真係有d難度
要總平均分有70分或以上...先有機會1st hon囉...

偉道sir頭先同我講 (if 我無聽錯...)
我地哩個programme....今年係無人拿到1st hon呀....
不過我聽到d野....係關於crime哩科既成績
我都幾開心的...

不過anyway啦
成績不代表甚麼既...
出到來社工工作...係另一回事~
考驗還有更多...陸續有來...
到時想停都不能啦...

------------------------------------

成績+ Hon都出埋...
即係代表一切都真係完結喇
宜家等11月行埋個畢業典禮呢~
唔知SHU件畢業袍...靚唔靚架呢?....^^

目前為止...
個人真係好懶....仲未想搵工
仲未想出來面對哩個社會
好想hea多一排...=.=
諗起之前有個pt舊同事響facebook既一篇野....
之前post過,宜家又post多次先...


1.唔想做功課，但係唔想deadline個日先趕功課
2.唔想早起身，但係唔想遲到
3.唔想等唔想比貴錢唔想行，但係想食好野
4.唔想出街行咁累，但係唔想係屋企咁悶
5.唔想讀書，但係想拎好多張cert
6.唔想等，但係想download晒所有想要既野
7.唔想準時，但係想人地唔好遲到
8.唔想番工，但係想搵好多錢
9.唔想朝早起身咁累，但係夜晚又唔想訓
10.唔想做運動，但係想減肥
11.唔想睇醫生或者食藥，但係想所有病都會好番
12.唔想主動去結交異性，但係想異性結交你
13.唔想做任何溝通行為，但係想有人知你諗咩
14.唔想睇書，但係好想知道個本書講咩
15.唔想睇電視，但係想知道個套電視劇既結局
16.唔想行街，但係想買倒一份生日禮物比朋友
17.唔想洗錢，但係shopping既時候唔可以唔買野
18.唔想搭任何交通公具，但係想去d未去過既地方
19.唔想請假，但係好想去旅行
20.唔想付出，但係好想有收獲



生活...人類....真係充滿矛盾呀

-----------------------------------

一段關係
可以很容易便開始

但
一段關係的維持
就確實是一門學問了

以下這篇文章...
我覺得寫得幾好~


「有一些人
暗暗察覺感情「不對勁」
懷疑自己是否選對了人
但又講不出問題所在
又或者害怕拿出問題來看清楚
會帶來不可預計的苦果
因此把這個問題地帶設成為「情感的禁區」
但心底的疑慮又揮之不去,變成焦慮
甚至化身為無理取鬧的怪脾氣

美國治療師Dr.Bethany Marshall的著作
“Deal Breaker: When to work on a relationship and when to walk away”
原本是為女士們提供一些方向
去考慮一段關係是否值得堅持或放棄
但我想亦可以給男女雙方作為參考
或者說它是一個美好婚姻的指標
讓你有方向地檢視這個「禁區」

作者提出可以從三個方面去考慮一段關係
包括：

1) 互惠對等 (Recip rocity)
即雙方都為對方著想能夠作出讓步

2) 互助成長 (Generative)
大家會努力令關係進步

3) 真誠相對 (Honesty)
大家都能開放地分享自己的想法和感受

我說它為指標
因為它並不一定是一個評分標準
讓你衡量對方的不是
反而讓你們有一個共同目標

特別我想說說第三個指標──真誠
很多人都會期望自己能夠充分表達自己的需要
往往忽略了對方也同樣有這個需要
以為對方能遷就自己便是愛的表現
日積月累,對方便對這段關係厭倦, 種下禍根
又或者反過來
以為自己能放棄自己的想法和感受去表現愛
最後承受不了, 筋疲力盡
(當然，兩個各有所需的人如何協調，將會是下一步的功課)

很多情侶被「可能分手」所嚇倒
因此更避免去提
甚至去想這段關係中的脆弱點
但我得告訴你
假若你在婚後才發現這段婚姻進退兩難
這會是更恐怖的事
有人說：「人最大的恐懼，正是恐懼本身！」
反而認真面對雙方的差異
看看是否雙方都願意向這些目標邁進
學習共處, 才是最有效的出路呢！」

@ copy from YAHOO. com. hk

----------------------

無論係親情,友情,愛情
真誠...真係最緊要!!
不過,有時卻係最難做到的事!!~

>>August 5, 2009 at 6:02:42 PM GMT+8

2009 年 8 月 4 日 星期二 【驟雨】

=2/8至3/8 番禺長隆之旅=

哩兩日
我地跟美麗華去左番禺玩
主要係去長隆玩
而住就住廣州~

8月2日,星期日
一早5:00a.m就要起床
7:15a.m就響沙田上旅遊巴出發啦
直通車到達深圳
第一次用e道過關
真係好快呀
10分鐘內就過左關喇

之後坐2個鐘車
就去我地既第一站：廣州澳雪公司

跟旅行團就係咁架喇
行程中
一定要去d sale你買野既公司

澳雪公司係主要出產由蘆薈製造既護膚產品
入到去就睇下d蘆薈
同埋聽d員工講解同sale d產品
不過我就一樣野都無買到啦~



之後就去食午餐啦
個人黎講
覺得當地既野食都比較清淡
但味道就ok既~



食過午餐之後
就係我地既主打活動：長隆野生動物世界
一個我想去左好耐好耐既地方呀





入到去動物園真係好興奮~~
因為我真係好好好好好鐘意任何種類既動物

好多動物我都真係第一次親眼見 ^0^
比較深刻既有長頸鹿、斑馬、犀牛、駱駝、白老虎、
大象、獅子、河馬、梅花鹿、黑熊、貓頭鷹等
真係全部都好得意,好可愛 =]




成程都係坐住哩架小火車睇動物
一架架小火車載住d人
圍繞成個森林,去睇d野生動物~


望落去個「森林」好大
其實一眼見哂~


童話故事入面果d梅花鹿~


駱駝~正面望佢地個樣好funny架


我最鐘意既係斑馬!!
我覺得斑馬真係好有型
最鐘意佢地既一黑一白的間條紋
外表夠性格~


原來河馬個口真係好大
不過好可愛呀


兩隻monkeys互相餵食生果~^^


貓頭鷹~
不過最衰見唔到佢360度轉頭
好想睇下係點=.=


禿鷹~
原來佢地個頭真係禿架...haha...


老虎bb~好好好可愛
不過我覺得d箱太細...
好似好迫
無空間俾d動物活動...
好似好慘,好唔人道...


隔住個箱同隻白老虎bb影番張相先~


獅子仔呀...=)


一d都唔笨既大笨象~


在這裡
可以很近距離接觸大熊貓,這些我們的國寶~


很高很高的長頸鹿!


黑熊小朋友 =]

在另一黑暗的角落
中國有好大又好殘忍既熊市場
食熊、抽取熊膽汁等...

而哩幾隻黑熊小朋友
生存響哩度
雖然失去自由
而且缺乏發揮天性和本能
但能夠生存響哩度
相比起果d被囚禁和虐待的黑熊
真的算好幸福了



一隻隻本來充滿野性和威猛的野生動物
被人類征服得變成一隻隻溫順的小貓...



晚上睇一個都幾出名既大馬戲：「新森林密碼」~




我地最鐘意哩一part既表演!!
真係好好好好好好好正!!
好驚險、好有心思既idea!!!!!

今次係我人生第一次睇馬戲呀...^^
overall黎講,場show都好精彩 =D

謝幕時
所有表演人員出哂黎
真係好好好多人呀....
成場show,我諗都有超過一百人的演出


不過個場館雖然大
但竟然無冷氣
真係熱得很..................................
香港人真係無冷氣會死..>.<

睇完馬戲
要坐差不多一個鐘車
先返到酒店
入住的酒店係：廣州數碼港國際酒店
雖然不是五星級,而只係一間四星級既酒店
不過房間都算乾淨整潔...=]













第二天~
7:00a.m就 morning call...好早呀
去旅行最期待既
就係一餐豐富既酒店自助早餐
可惜哩間四星酒店既自助早餐area...
久不久就會見到d烏蠅>.<
同埋野食、野飲無咩選擇
有dd失望呀!



食完早餐之後
就去「蜜蜂王國」
又係被人sale買野既時候喇....
我又係一樣產品都無買
不過就食左一盅有用蜂蜜製成的$20龜靈膏~
個員工教,話食龜靈膏時
如果食的第一啖係覺得苦既
就代表你既肝係正常喎~
好彩,我係覺得好苦好苦~





睇完蜜蜂
再去一間賣杏仁餅、豬肉乾等既手信店
(間店好似係叫「鉅記」)
我地都係無買任何野~勁
之後就去最後一站：長隆水上樂園 =D

由於拿著相機玩唔到水
於是響樂園入面就無影到相喇
所以剩係得幾張響大門入口前既相~


水上樂園既隔離
就係長隆酒店啦
有機會既話~我都想住下~



響水上樂園入面
由11:00a.m玩到4:00p.m
前後都玩左差不多五個鐘~

五個鐘,我地玩左總共3個games咋
唔係因為人太多要排隊玩唔到
(in fact雖然人多,但買野食呀、去toilet呀等等都唔洗排隊...)
玩得3個games....係因為我地好多都唔夠膽玩...>.<
一向我都好怕果種離心力既感覺
但哩個水上樂園入面差不多全部game都係玩離心力的~

入到去樂園
換好泳衣,鎖好locker,就去玩了~
果度真係咩都收錢
locker要收、租氣墊都要收
仲要係收得幾貴喎...
locker都要收幾十蚊....而租一租個氣墊都要40蚊
(如果要玩某d games...就一定要租佢既氣墊)

by the way
以為大陸d野好平/啦...
但去過街邊d鋪頭...
原來周圍d野食,野飲等...咩都唔平喎
價值分分鐘同HK差唔多

好啦,講番水上樂園先~
我地首先玩個舒舒服服
無刺激性既game warm up下先：漂流河
熱左成個早上...
一落到水果下....真係...嘩...好舒服呀....
躺在浮圈上...沿河漂流
真係好enjoyable...好舒服....好relax呀
中途又有d水...好似落雨or槍咁打落黎
感覺又好得意、好好玩、好好笑呀！

之後我地就玩「合家歡滑道」
哩個真係唔太驚喎
但好耐無玩過機動遊戲就真
不過,玩完之後,真係成個人都relax哂
突然好似無哂鬱悶既感覺咁~

之後就食lunch
係響樂園入面既餐廳自費食
我地食左超級難食既漢堡飽
飲左好hey既汽水
同埋炸spicy雞翼~

食完野
抖一抖,行一行間shop
之後我地就選擇左玩「巨獸碗」
通過一段長達80米的滑道後
高速衝入一個超寬闊的巨碗
在離心力的帶動下
在巨碗旋轉沖入碗的中間洞口,最後滑到出口~
玩哩個...真係好好好好好好好好驚呀
唔係講笑...=[[[[
離心力果幾秒
就好似過左成分鐘咁....
真係以為自己就黎死得呀
我既叫聲...大聲到丫....真係笑死隔離果個

玩完哩個,嚇親之後
就唔夠膽再玩其他刺激野
樂園中最出名既「大喇叭」
本來初頭諗住點都一試架
但係,我地最後都係放棄左,無玩到...>.<
因為真係太驚,haha....

最驚喜既就係最後喇
我地在最後一小時
無意中入左去玩夏威夷水城
入面有兩個"倒水地方"
當頭頂上面個大水筒裝滿哂水後
就會好似大暴布咁
倒哂d水落黎~~~~~~~
d人一齊響下面,同時頭望天
等待水既倒下!!
「來啦來啦」...真係好過隱,好high呀!!!!
d水打落來仲會推郁成個人架!~
我覺得整個感覺同氣氛都好得意呀~~~~~~~~~~
玩得好開心!!

玩完樂園之後
沖涼洗頭換衫
4:00p.m幾集合後上車
就開車回程lu
兩個多小時車程後
7:00p.m返到羅湖商業城

果度真係好雜...
勁驚被人搶野.....
導遊華仔同領隊rayman都話：前面既野係你既，後面既野就係人地既
講到好得人驚咁....
所以我個背囊死都咩響前面

過關之後
終於番到香港了!!!!!!!
突然之間好鐘意香港!!
好鐘意香港既一切
覺得自己真係屬於香港哩個地方咁~
話哂都係自己地方麻
所有地方和事物都係自己熟悉的、有安全感的^^

期待左好耐既旅行
終於完滿、快樂的結束啦！
雖然係短短既兩日
但係我真係好好好好開心 =D
過程中,好多野都好難忘!!
讓這個旅程成為我們快樂的共同回憶...^^

------------------------------

《後記一》

從來都唔鐘意番大陸
因為一向都對大陸d地方同d人都無咩好感
所以實在極少番上去
以我所記得
剩係好細個果時
同爸媽和婆婆番過一次廣州
同埋幾年前,跟教會去過一次清遠

今次番上去旅行兩天
雖然同樣地
唔係咁鐘意上面既地方、環境同d人
但確實對上面既認識都增加左不少
見到上面真係有不少既發展空間
地大人多
中國事實上真係一個等待發掘和發展既國家

相信相對起十年八年前
中國各地真係發展左好多、進步左好多了
就今次返廣州而言啦....
五星級酒店、旅遊區的發展、公路的興建、交通公具既發展、
房子質素既提升、人民衣著、各式的商店等...
從哩d方面...都可以見到...
原來大陸比我想像中發達
但也許只係大城市係咁...中國既農村又是如何呢？
我記起像清遠那些農村僻壤的地方~

雖然上面係發展左不少...
但係...另外一方面....
今次返上去...親身感受之下
真係覺得大陸既治安、環境衛生、人民質素...實在嚇得下人
最經典既兩樣野
莫過於係大陸既廁所既「乾淨」程度
街邊廁所就不在話下...
但竟然連旅遊重點樂園裡面既廁所...都可以咁臭咁污糟...

另外
在短短的兩日
在周圍都可以看見各位同胞的無公德心行為...
打尖插隊、隨地吐啖、小朋友在公眾地上小便....
哩d行為竟然在所謂的「國際旅遊區」內還更嚴重...
我不嬲都真係好好好好好睇唔過眼無公德的行為...
如果看見,我真係好嬲...
我擔心的是...
外地遊客來到中國哩d旅遊區....
若果他們看到哩d情況...
會對中國有何評價呢？
中國若要成為一個強國...
首要的...就係要提升人民的質素...
要在這看似最細微既地方上著手...
但畢竟提升人民質素...係需要長時間的...

其實我相信每一個強國在發展的過程中...
起初都會經過哩d階段

我相信...以上我所提及既哩d情況...
都應該會隨著中國人民的教育水平上升...而得到改善
希望係咁啦...

返到黎香港
真係覺得香港係一個好發達既城市
咩都有...在物質上...香港人從不缺少...
有好好的治安...
有好好的居住環境....
地方整潔乾淨...
有很有規律的城市規劃...
各式各樣既野都可以隨時隨地買到...
去邊、用咩、買咩都好方便....
同埋,作為一個國際城市...商機處處...
香港人真係有好多發展既機會...同埋擁有見識既空間...
知識的流通....令你只要願意...
你都可以隨時得著世界各地既資訊....
令外....大陸d人...可能無咩讀書既機會...
做工...亦都可能只係做一d無咩發展空間的工作...
所以....原來,香港人真係算好幸福

--------------------------------------------------

《後記二》

雖然有得睇咁多動物真係好開心
全部都係我第一次親眼見
不過,響某d地方
心裡面都唔係咁舒服

最近睇緊Tom Regan既《打開牢籠》
一本講關於動物福利既書
再加上今次親身上去動物園看見之下
令我對動物權利反思了不少~

可能好多人覺得
人類利用各種動物作為食用、衣物、表演、競賽、工具等
係好正常不過的事...
但係我真係好配服那些動物福利支持者
佢地提出一個問題：
同樣作為動物的人類
我們究竟應該如何看待地球上另外的物種？

今次去旅行
感受到利用動物作為表演娛樂工具
是怎樣的違反動物們的天性？

一隻隻野生動物
被困在動物園中
喪失了天然的求生本能、覓食和繁殖的天性
而且相對起真正的森林
住在動物園,活動空間確實是極其狹小
我想...一切就像坐牢一樣吧

響睇動物園中途
去左睇白老虎表演show
見到d馴獸師鞭打d獅子老虎
真係心痛...
在精彩的表演背後
在訓練期間...
這些動物究竟承受了多少的痛苦？
包括精神和皮肉上的虐待？

馴獸師鞭打一下那些獅子
那些獅子就能夠扮「可愛」、扮睡覺
馴獸師鞭打一下那些肥豬
那些豬便懂得做那些「有趣」的行為
一切.....都獲得了人們的笑聲

若果動物也有思想的話
牠們就是否需要尊重？
動物會否因為得到了人類的掌聲和笑聲....而感到自豪？

訓練=痛苦？
相信只有牠們才能知道~

對動物福利既興趣增加呀

>>August 4, 2009 at 11:42:08 PM GMT+8

2009 年 8 月 1 日 星期六 【晴】

話咁快就8月了
時間過得真係快啦...

2/8 (星期日) ~ 3/8 (星期一)
長隆之旅 =D

See U everybody~~~~~~~~
88~~~~

>>August 1, 2009 at 1:04:35 PM GMT+8

2009 年 7 月 31 日 星期五 【晴】

尋日去左荷里活廣場行左陣
之後落左旺角
又食金水壽司既半價下午茶啦~
食到飽到丫
搞到夜晚果餐都唔洗食
之後諗住join埋Jerry佢地
但佢地已經散左band

ar隆走左之後
我自己行旺中
本來諗住剩係買條沙灘褲仔
但一時唔小心....買多左2件衫

最近無咩意慾想買衫
應該係話....想買但無錢
於是乎...
唯有用「平有平買」既策略啦~~~
呵呵~~~
久不久買下,開心下
仲有既係,只可以買d平既!
例如...尋日我就真係勁啦....
買左1條沙灘褲、1件 T-shirt、 1件背心仔
都只需$100...
第時番工先用d靚d既野啦

同埋...
要打扮真係好麻煩
又虛耗金錢,又要花心機同時間去襯....
真係好煩...
同埋,夏天實在太熱
衣著都係越簡單輕便越好!
今季都係T-shirt+短裙就算啦~

夜晚租碟回家自己慢慢欣賞
《傻豹遇著烏sir sir 2》
(The Pink Panther)
記得幾年前睇過第一集,都幾好笑
所以見到第二集,就租番黎睇下 =]]]]

Steve Martin演釋得Clouseau哩個角色好好~
原來有d人真係天生搞笑樣~~
佢個樣真係幾funny既!!

第一集最深刻就係以下哩一幕
話說Clouseau係法國人
並且係一名inspector
佢接到單case而需要去美國查案
咁呢,個助手就要教佢練習講純正英文
但佢既法國口音搞到佢講唔到純正
仲搞到d發音好搞笑添 =D

"I would like to buy a hamburger！"




後記：

有時做人真係唔需要諗得太過多
杞人憂天咪令到自己成日唔開心
好記得上年社工實習時
supervisor話我個人好多時...
對好多野都太serious,太緊張,太認真
份人既性格都幾執著
於是佢提醒我："don't take everthing too serious"
我好記得哩句野...

所以呢
有陣時...
人應該做d簡簡單單既野
令自己開心一下
懂得relax都係一場學習!

就好似...
自己響屋企睇番套笑片
都已經可以開心和輕鬆不少啦!!

P.S：星期日就出發啦
兩日一夜長隆之旅
I'm coming XDDDDDDDDDDDDD

>>July 31, 2009 at 1:44:26 PM GMT+8

2009 年 7 月 30 日 星期四 【晴】

尋日...

4:00p.m到又一城
同ar隆食板前
食完之後一齊返去CityU清locker
ar隆走左之後
要自己一個等到夜晚7:00p.m幾
因為要同濃濃佢地響又一城食生日飯

自己一個行又一城
咩shops都俾我行哂咁濟
行左2個幾鐘
行到好口渴
同埋行到無野好行了

濃濃7:00p.m幾到
之後嘉敏都到了
我最後決定...
帶佢地去試果間Amaroni's Little Italy
個原因都好白痴...
事關我響間野門口見到個餐牌寫住「四人套餐：$168」
以為...嘩！好抵啦
點知...帶佢地入到去...
想叫野食之時...睇真d個餐牌...
噢！原來係「四人套餐：$168 (每位)」
$^*%^#^*%&#%&
只怪果個「每位」兩隻字咁細！！！！！*%%#^&%@#$^
開哂位又走唔到身
唯有食啦~
最後就無叫到果個set....
剩係散order啦,哈哈....
叫左一個意粉,一個沙律,一個pizza

不過講真丫
其實都係我白痴呀
響哩d餐廳...點會$168四位呀....
每人$40幾？...
出面d茶餐廳可能都唔只哩個價錢啦...
傻架我....

不過我真係好好好好好鐘意間野既裝修呀......
我覺得好好好好好好好靚!!!
好歐陸feel..........好古典懷舊feel........
我最鐘意哩d feel架喇!!~~
好鐘意呀~~~~~~~

果度d野食樣樣都超級超級大份.......
真係食唔哂.......
但個價值都唔平呀...
成$100一個沙律...>.<
同埋呢....d野食真係樣樣都好咸...
連我咁鐘意食咸野既人都覺得咸
可想言之,佢真係幾咸呀

P.S：我地今晚有我、濃濃、嘉敏、呀Vi、Mabel
五個人
話說我、濃濃同嘉敏7:40p.m已經入到間餐廳坐低
但因為要等埋呀Vi同Mabel
所以我地無order food住...
佢地兩個放左工,8:45p.m先黎到
所以...我地三個係足足坐左一個鐘先order food...= =
結果俾d侍應不斷bear住我地...
心諗坐左成個鐘都唔order、唔食
我地真係幾樣衰下呀！呵呵....


29/7...濃濃生日快樂!!


---------------------------------------

有d好有骨既說話...
反而會從好朋友口中聽到...
感覺真係唔係幾好受...

我份人雖然容易受人地影響
尤其是好介意別人既說話...
好易放響心上
然後胡思亂想一大番
之後會唔開心...

不過宜家
預到哩d情況
我只係會同自己講：只係你唔明白我姐!

要學習有d咩說話值得放響心上、
有d咩說話聽完就算...唔好咁care...唔好放響心上
以免令自己唔開心!
懂得將別人的說話過濾...真係好重要
因為人越大...
尤其日後出到來社會工作...
真係唔係人人的說話...都對自己有建設性....
如果下下都咁care別人的每句說話...
就真的令自己辛苦了...

anyway...
你地可能覺得我份人傻傻下...無咩思想...好蠢
但我既自我性格...
可能只有了解我既知己先會明白我...
總之一句到尾...
對於我自己鐘意、自己選擇左既野
我係會永遠維護!!
因為我了解他的好!!

>>July 30, 2009 at 1:02:44 PM GMT+8

2009 年 7 月 28 日 星期二 【晴】

又28號了
兩個月了~

(我都想「兩年」ar....^^
兩個月vs兩年....
好似蚊同牛比啊...)

今日既「慶祝」都幾特別!!

唔知做咩,哩幾日心情都有d低落
本來...我諗住自己一個響屋企發mo
一個人又無野做,實悶死
同埋又懶呢,唔想煮食
到2:00p.m幾都無一滴野食落過肚,但都懶得理...
誰知,突然有專人「麥麥送」
又一驚喜呀 =D

專登來搵我見面..
又買野我食...
又陪我一個下午...
你真的很好啊....
仲要原來係唔舒服都走入黎...

之後,突然見到你咁樣
我真係好好好好好好擔心...
原來平時你久不久都會係咁痛,咁辛苦....
真係有d心痛!!......

-----------------------------------------

Oasis@I'm Outta Time



If I'm to fall
Would you be there to applaud
Or would you hide behind the law
Because If I am to go
In my heart you grow
And that's where you belong

在每個人心中......
都可能存在某個值得一再懷念的人和事
或許是親人、朋友或一段日子
他們存在我們心中
有他不動的位置
或許成為我們內心的靠山...

突然很懷念中學時代的日子
不論是要面對的事情、自己的內心世界...還是身邊的人
所有一切都很簡單...

隨著年紀的增長
人的內心世界越來越複雜
要思想的東西...多了很多
要考慮的東西...需要長遠很多
於是人越大,越容易不快樂....

這兩三天情緒都頗低落...
我在想甚麼？
其實連我自己都不太清楚
只覺得內心有很多困惑、疑慮和擔心
憂慮前途...憂慮感情事...憂慮與爸媽的關係...憂慮與朋友的關係
好像每一分,每一秒...
頭腦都被很多東西轟炸!!....
好辛苦...好想喊....點解會咁
發作....

雖然現在完全沒有工作和學業的壓力了
每一天,都可以很自由的休息、約朋友玩、hea...
但,其實每一天的生活都好像沒有意義...好無聊......
個人好像更加不快樂...
點解會咁...

知道其實開始要搵工...
因為
1)遲搵的話,好工會被人搵左...
2)政府果度...應該好快開始要還錢...
但是呢....
真的很不想很不想很不想很不想面對這個社會...
點解會咁...

對不起對不起對不起對不起對不起
對不起對不起對不起對不起對不起
對不起對不起對不起對不起對不起
我最好的兩三個朋友已經多次勸解我...安慰我...
不過,我這個麻煩的人,好像老是脫離不了負面思想
見到,聽到少少野,就可以自己亂諗一大餐...

做我的朋友,好像成日都要關心我、呵護住我...
要你們擔心....sorry...
其實我應該多些多些關心你們...!!!!!!!!!
其實我應該長大了!!!
經常覺得自己是一個長不大的女孩!!!!!
內心太脆弱.....
老是要身邊的人take care....sorry...

>>July 28, 2009 at 6:21:05 PM GMT+8