2010 年 1 月 15 日 星期五 【乍雨乍晴】

首先值得一提的是
尋日踩完單車....到今日我對腳都竟然一d痛都無呀！
我勁左呀！
平時痛到死左架！
真開心!
--------------------------


今日同濃濃入左西貢
點知都無野睇既
明明以前同daddy,mummy去都好似幾多野睇的麻....
今日最開心都係見到好多狗
見到一隻超迷你既約瑟嗲利呀^^

我地坐火車出沙田
再坐bus no.299入西貢~

今日響西貢真係食咩都唔好食
到達西貢後
首先就四周搵下野食先
因為入到去都1:00p.m了
我地都好肚餓喇

最後決定入左間海鮮茶樓
我地兩個人叫左五籠點心
仲有叫左個荷葉飯....超大籠....d飯都無味既...一d荷葉香都無
太大籠食左一半都無
最唔掂係果籠流沙包
d流沙勁浠........
仲話係招牌菜!
總之果間d野食好奇怪啦,好林好浠!

食完之後周圍行下
都無咩睇的
果度d地方有d似大埔舊墟......

之後就坐低響滿記(濃濃話想試下滿記既第一店喎)
我食左個榴蓮布甸
好機器pack出來的....失望!!
而且,舊布甸好杰....好粉
又少榴蓮肉!!
唔好食既!!失望!!

食完滿記之後...
都無咩行了....
我地就諗住坐車去萬宜水庫行下
但問個巴士司機,佢話好難去的
無車直接到的
所以,最後我地都決定唔去喇

之後決定坐小巴出旺角
架小巴$14,好貴
(今日d交通費都幾咩)
響MK行下花園街
睇下鞋同衫
之後我就食左串勁辣魚蛋~
正!!! =D
之後試左間台灣野飲....買左杯香芋撞奶....
唔好飲的....

今日食親咩都唔好食既....
好失望呀..............

------------------------------------------

又無錢用了...........
死..................
我好敗家呀 >.<

------------------------------------------

今日睇到日環食呀！
好得意呀！
不過雙眼直接望完太陽後....好痛......@@

-------------------------------------------

=家中的排行會影響性格=

獨生子，獨生女

A)一般特徵:

1. 他們很容易自得其樂
有自尊
卻不會企圖控制別人

2. 他們通常早熟
失去天真與頑皮
也許有成就卻
在看到自己不可能完美無缺時，自暴自棄

3. 他們通常生活在自己的世界裡
對事情的輕重有自己的看法

4. 他們常很難和家庭分離
特別無法離開父母
一但離開
會因此感到內疚與不忠

B)在工作中:

1. 他們常一心博取比他們年長或有權勢人的歡心
而且常常成功

2. 他們通常缺乏主動性
需要人來推動。
不過一但開始
他們會工作得很出色

3. 他們通常要求完美
寧願完全放棄也不湊合

4. 他們很習慣自己生活裡嚴密的格式
所以不願有意外發生
對於改變計畫等「彈性」的處理
有很大的抗拒

5. 他們習慣一帆風順
所以當事情出現問題
他們的反應可能與事情的輕重不成比例

C)作為朋友:

1. 他們通常興趣廣泛
但因為早熟
通常和其他孩子的社交有隔閡
因此善結交比他們大很多的朋友

2. 因為獨處比較自在
他們傾向一次只要一個親密的朋友

3. 他對同時適應過多夥伴的不同性格感到困難

4. 當社會狀況變得緊張時
他們可能重回獨來獨往的習慣

5. 他們通常不會道歉
感到原諒自己和原諒別人一樣困難

D)作為配偶:

1. 因為他們不習慣跟其他孩子生活在一起
所以常不知如何處理親密關係

2. 他們喜歡一切整潔、有序和守時
若配偶不能做到就會有問題

E)專家建議:

1. 事情不見得都會照你的意思發展
而且有時候讓別人參與一下
也會好玩

2. 對自己的要求降低一點
會讓自己跟身邊的人都更快樂

對自己的要求降低一點.......
這也是不少人曾經建議我的.....

>>January 15, 2010 at 11:54:00 PM GMT+8

2010 年 1 月 14 日 星期四 【晴】

尋晚約左袁荃
我地在大埔中心椰林閣食晚飯
坐左2,3個鐘.....

這個朋友....好久無聯絡了!!!
自中五她畢業以來
都無見面了
但久不久都有電話傾談
佢好鐘意搵我傾佢同佢男朋友既事
今次我再聽佢講時
好多野我都終於明白了....哈哈

anyway啦....
宜家我真係好珍惜每一個朋友....每一段關係....
每一個朋友都好特別的...
-----------------------------

今日同Daphne去踩單車
1:15p.m響KFC食野+傾計
傾到3:00p.m先離開KFC
真係唔經唔覺....竟然傾左超過個半鐘

3:30p.m開始踩單車
$45....唔平....
宜家租單車越來越貴!

我地5:00p.m到達大圍還車
個半鐘多d就搞掂
今次反而手痛....但腳暫時仲未痛
希望聽朝起身唔好痛啦!

by the way
今日我地去食新達果間KFC.....
d野食完全唔掂.....好差囉
最搞笑係d葡撻!!
根本就係蛋撻黎架!!!
邊有理由咁架......


仲有試左果個惡魔寶盒...
咸到痴線架
我鐘意食咸野...但都覺得哩個真係咸得濟....

仲有....d燒雞呢....
濃到成舊死屍咁呀......
成舊黑色的.......

仲有
d薯格塊呢......又係好濃!
硬到丫....好似隔左好多日夜咁


總之,今次d野食就真係好差啦!!
無樣野ok架!!


anyway~
見埋Daphne佢今次
佢下星期就要返英國喇
你過番去一定要俾心機呀.... =]
我地六月又可以再見面喇!!
真係好鐘意你哩個朋友~
----------------------------------

約左好多朋友呀
fully booked呀：

明天：濃濃
星期六：豬
星期日：教會
下星期一：Connie+Sky
仲有蔣珈卿、Vivi、小羊...我都未約好時間呀

哩排好想見哂所有好朋友.......
唔知做咩.....
好似就黎死果d人咁....
面臨死亡既人好鐘意咁樣.....

>>January 14, 2010 at 10:50:02 PM GMT+8

2010 年 1 月 12 日 星期二 【乍雨乍晴】

又去見工喇
今次係去觀塘秀茂萍
園玄護養院

由於哩間係護養院
護養院係所有老人院舍中....
d老人家係最體弱的

我上到去就見到....十個老人家有九個都係坐輪椅的
有d仲個鼻插住喉,應該係d生理鹽水來的
仲有,有個呀伯不斷叫"救命呀、救命呀"....
但又無人理佢....
我真係好想過去了解佢發生咩事....

上到去填form
份form係我in咁多間以來最hea的....得一頁紙....無咩野要填
之後我就入房等左好耐....
因為個院長有野搞緊...

院長入來就開始in喇...
今次係單對單in
係個院長in我
我發覺單對單見真係無咁緊張....

佢一坐低,問我既第一條問題
就係問我住咁遠,怕唔怕返工辛苦.....
之後就係要我自我介紹先啦
個院長有d似陳sir...又係我一路講野,佢會不斷插咀

overall來講....
個院長好nice呀....
全程都好似大家傾下計咁....
同埋佢問d問題都好general
都係問d好personal既野
例如點解想做老人服務(esp院舍,氣氛死氣沉沉,我咁後生)、
院舍的老人有咩特性、帶活動時有咩要注意、院舍既社工有咩職責等

另外
有d好簡單,好common既問題
之前幾次imterviews都無被問過
今次係第一次被問....
例如點解讀讀下social work走去讀social science、優點缺點等....

最後....佢問我幾時返得工
(我以為佢下一句會話：好啦，咁你聽日返工啦....=.=)
之後又問我：老老實實喇，你想要幾多$先 ? (佢真係咁問架....=.=)
我真係第一次在interview時,個interviewer咁問我....
我懷疑佢好等人用.....
有朋友話佢咁問得我...應該都對我有興趣喎...
希望啦....

尋日嗇色園果份見得唔滿意...
(見完其實自己都知道,應該唔得的了)
但今日哩份呢.....我都有信心既....
一來今次問d問題都好簡單
二來,個院長好似hea hea地...同好急請人咁...
而且我都feel到佢應該都鐘意我既....我覺得自己都表現得幾有熱誠架....
所以,今日哩份我都幾有信心既....
希望得啦!

同埋,我都幾鐘意哩份,原因：
1) 幾鐘意個工作環境：地方好新...好乾淨....都算大....唔算噪.....office都幾闊落舒服....
2) 可以認識不同職位的人：例如物理治療師、護士、醫生等....
3) 工作時間：返星期一至五....五天工作....(應該仲要係朝9晚5添)
4) 服務對象：其實我都想做d體弱d既長者的工作....

唯一無咁理想既係....
佢人工paid唔足....
但大學畢業....新人....無經驗....有$12,000哩個價都好好了
宜家都係務求入行....入左行...拿多d經驗先算啦

若果今次佢唔請我....
我諗原因都係得兩個...
一係可能佢覺得我太細個....想請d有經驗既人
二...係可能有第二個更適合的人選....

anyway....
成事在天....
希望成功啦
不想再尋尋覓覓了!

--------------------------------

見完工,夜晚約左呀寶落旺角食飯
好耐無見喇
但都有好多野傾
好多謝呀寶同我的坦誠分享!



食完飯
我倆一齊行下街,睇下衫
我無諗過買野架....
但最後買左件衫同條裙 ;p
好斯文...打算用來返工著

by the way....等呀寶...我自己周圍hea下時....
自己走左去果間comebuy買左杯珍珠奶茶....
終於試到喇
上次經過都想試架喇
但見到咁多人排隊都懶得排
今日由於見有多時間....所以自己響度排下
哩間野人手超多
但都真係要排好耐囉....
d人做野好慢.....

anyway,
d茶就一般,無咩特別啦,都係奶茶咁既味
但d珍珠真係好好食呀!
好彈牙!! good~~~~

---------------------------------

John Mayer
有音樂才華的人,是特別有魅力的 !



>>January 13, 2010 at 2:03:07 PM GMT+8

2010 年 1 月 11 日 星期一 【晴】

尋日終於帶左Bell Bell去洗牙
由於佢15歲....年事已高
所以做麻醉我同媽媽都十分十分擔心.....
好驚佢會一睡不起.....
果種害怕的程度....
相信只有我和媽媽....或有養狗之人士....或有相同經歷的狗主....才能明白和體會....

媽媽好後悔點解當初唔早d帶佢去整好d牙
咁宜家就唔洗拔咁多隻咁可憐
仲要冒著高風險....做麻醉....
如果今次一睡不起....
我想我和媽媽也會一世不安樂了....

anyway.....finally佢都平安回到家中^^
被拔左total 10隻牙都依然狼吞虎咽地進食~~~~
見到佢咁,真係放心哂.......但又覺得好好笑!
不過望住佢食飯時...我都覺得痛啦...
咁多個傷口,點解咁食野法都可以唔痛架!!=0=!!!!
真係望見都覺得痛....@@
anyway,佢宜家d牙仔好白呀
仲無哂臭味tim =D

今次佢無事
真係好了!!
今次total用左$1,800.....
係好多錢呀....但Bell Bell真係算好叻仔架喇....
我知道其他好多狗都周不時有病....
要主人洗好多診金同醫藥錢....
但Bell Bell咁大個字以來都無咩病痛和麻煩野....
佢無咩點用我地既錢....養佢都算平了....
今次都係最多錢的一次了
而且.....佢自小身體健康,實在好少令我地擔心....
算好叻的了.....

真係好怕今次就咁就失去佢
從今開始....
我要花多d時間陪佢....
真係要好好珍惜佢來緊老年的生命呢....




-----------------------------------

今日去左interview
係嗇色園既深水埗澤安村長者鄰舍中心
一上到去發覺哩個屋村真係好舊
一個年輕d既人都見唔到....
全部都係長者來的

入到去間中心又係例牌首先填form
之後就做written test
一題書信一題活動籌備日誌
都ok既....

之後等左陣
就入房見喇
2人見我1人
一個center in-charge, 一個督導主任
佢地好nice呀
我一入到房開始...到面試既全程佢地都好有笑容
我走時仲提我拿傘

遇到d好nice既interviewer照計interviewee係唔會驚啦
但唔知點解今次interview係我咁多次以來最驚既一次......
真係好緊張....
過程中我feel到自己個身響度震.......
希望我掩飾得ok啦.....

我緊張.....原因可能係...
一來真係好凍呀
著唔夠衫,凍到個人震....搞到心情都震埋....
其次係....我都有兩個星期無interview喇
所以怕忘記d對答....
第三....係今次我同d interviewer坐得好近呀....
一張長台....面對面坐....但近到好似一齊做功課咁....
好有壓迫感....

唉....同埋....
有條問題我真係諗唔到點答
我直頭係望住個天花板....呆左10秒....
我in左幾次...都真係未試過咁架....
之後....唯有求其up左d自己都唔知up咩既野.......=[[[
其實哩條問題....上次in鄰舍輔導會都被問過
我懷疑in親hidden elderly都會問哩條....

入去in左15分鐘都無就出返來,走得lu
唉....總括來講
今次個interview都幾緊張
同埋覺得自己prepare得唔夠.....
尋晚同今朝係咁2睇過下d notes就算....
難怪表現不是太好!!
so, 我唔太滿意今次自己的表現!!
--------------------------

見完工之後
坐小巴落番石硤尾地鐵站
之後由於壓力release+突如其來的衝動
於是就行返去又一城
自己一個人走左去板前食壽司~~~~~~~~~~~~~~
全因為三文魚醬油積啦~~~~~~~~~~~
真係每日食都唔厭 XDDDD

一個人叫左3碟三文魚醬油積+1碟三文魚
(我前世應該同三文魚有仇 =0=)
加埋一,埋單都係$30
都ok飽.....
好開心啊~~



平時都同呀豬一齊食
今日自己一個食
所以特別miss him....><
(平時會有人幫我食左d臭臭洋蔥 :P )

by the way
林嘉敏同我講食三文魚係好肥既
但又有人話唔肥喎
哩個問題困擾左我哩個成日食三文魚既人好耐喇
頭先醒起,於是上網check一check
原來三文魚真係唔肥架
一舊三文魚壽司都係80卡路里o姐
咁我就唔怕食我咁鐘意食既三文魚啦!!

「科學家發現
三文魚可以除皺養顏
降低血壓
保護心臟
穩定血糖和情緒
增加智商
延年益壽

科學家認為
人類源於海洋
人體的化學元素構成接近海水
魚蛋白接近人蛋白
魚油接近人腦脂肪
魚的營養促使了人的進化
而因三文魚脂肪接近於人類脂肪
其蛋白也與人體蛋白相似
不會促使人發胖
無論吃全腩厚切三文魚刺身
還是半腩三文魚壽司
或享用三文魚頭熬上十個小時後成的鮮美奶白魚湯
也不用害怕那層厚厚的、清透脂白的魚油

三文魚中還含有多種對人體有益的蛋白質
維他命及礦物質
最關鍵的是
三文魚中所含的Omega-3不飽和脂肪酸
是絕對的「好心」元素
常吃三文魚
不僅可以降低膽固醇的含量
還能減少冠狀動脈中血小板的形成
降低心肌梗塞的發病幾率」
------------------

聽日又有得in了
聽日果份要加油!!

>>January 11, 2010 at 11:07:43 PM GMT+8

2010 年 1 月 10 日 星期日 【乍雨乍晴】

前晚整cookies整到零晨1:00a.m =0=
今次都算幾成功呀
做到鬆化的口感
good!! :D







--------------

尋日我地入左赤柱
真係幾鐘意果度
環境既感覺好舒服
好有渡假feel~

入赤柱之前
響中環食永樂園既雙腸熱狗先
之後就坐車入去喇
車程好崎嶇
搖到我頭到暈....

入到去
一望上天
個天色真係好靚呀!!
有我最鐘意既藍天白雲
見到心情都開朗d =)



入到去赤柱
當然要食番件我認為係全香港至好味的西多士啦
之後我地就行下個Stanley market
有人突破買左條牛仔褲 XD
之後我地就去左美利樓
周圍影下相~





在露天廣場中
有個藝墟呀
入面有唔同既野玩
哈哈,我地有得彈下結他仔呀
好得意!!!^^



之後呢
就行去軍人墳場
記得中學果時History科去過參觀同考察
唔知點解對哩個地方特別深刻
我幾鐘意哩度...
我覺得果度好peaceful.....
有一種幾特別的美麗



之後
去左沙灘坐下,又影下相
終於睇到日落喇
但最衰有座山阻住喇
如果日落落在海仲靚呀......
今次個日落唔夠完美tim
anyway,都幾靚呀



夜晚出番TST
食江川手打烏東
個人就覺得麻麻,無咩特別啦

anyway....尋日好開心!

又要一星期後先見面lu
要各自努力呀.......^^

>>January 10, 2010 at 10:23:10 PM GMT+8

2010 年 1 月 8 日 星期五 【乍雨乍晴】

尋日豬放工一早黎搵我
真係好開心
三日無見真係好唔慣
又掛心,又擔心他
同時自己又好唔慣
感覺頗孤單

好在尋日見一見
在一個星期既中間見一見
感覺都好d....
事實上,我覺得我好唔成熟....

講番尋日......
尋日發生左件事
一直驚會發生既事戲劇性地發生左!!!!
真係好驚險!!!!!!!!!!!!!!!!!
痴線架,真係驚到要嘔白泡!!!
仲驚過坐過山車!!
幸好.....果時個人夠鎮定....
到最後都無事
不過講真,件事搞到我都有陰影....
------------------------------------

送他去馬鞍山返工
一齊食板將
又食醬油積了 :P

送完他返工之後
就自己走
要落旺角
因為夜晚約左謝偉廉食晚飯~

馬鞍山有架小巴去旺角的....
但我企響底度等左20分鐘都無車
唔對路
於是打去間小巴公司問下幾多分鐘一班車,點解咁耐都無一架車
但點知果個職員真係搞笑啦....
hold住我條線成3,4分鐘
之後問返我轉頭：你遲d打過來得唔得？5分鐘啦！好快好快！
痴線既
我都話明我企響度等緊啦
仲叫我等

最後都費事等佢啦
等咁耐都無一架經過
真係唔對路啦
最後見到有架巴士去沙田火車站的
跳上車去左沙田先算喇!
-------------------------------------

同謝偉廉哩餐飯都約左好耐喇.....
終於約得成 =.=

約左佢6:45p.m響銀行中心等
我6:15p.m已經出到旺角....
於是上田園書屋行下先
之後響銀行中心行下
見到間羽壽司,好想食呀....
之後見到部扭蛋機,幾得意,係鞋仔鎖匙扣來的
而且5蚊雞咁平
於是就貪得意扭左隻

見到William,
諗左陣食咩
最後決定食鋸扒屋
白湯,鐵板黑椒汁牛柳,凍檸茶
加埋一$66
其實諗諗下,哩間都唔算係特別平o姐
都係平$10幾$20蚊....
如果係咁,好似去花園/第尾好食好多喎

anyway....
鋸扒屋人少少就真
有卡位坐,唔洗同人迫呀
幾適合傾計
我地一路食一路傾
食完繼續傾
傾左不少野....信仰、個人生活等...
最搞笑係講番以前讀書既野....
(仲有,我學識左兩個潮語：草食男、肉食女) XDDDD

9:30p.m左右離開餐廳
之後他陪我去金魚街買狗零食俾呀Bell
(哈...又係果間...)

10:00p.m分別之後
自己行返去新世紀
上惠康買整曲奇的材料
因為我要整Daphne果個曲奇recipe
上次食左覺得幾好食呀
所以打算自己試下整!
Thanks Daphne提供既recipe =]

買完野坐倒頭火車到紅堪
因為想有得坐,哈哈
再回到大埔,回到家已經12:00a.m喇

後記：
好多謝謝偉廉本《陪牠到最後：高齡犬照顧指南》
真係好有心....買俾我...
我自己都無諗過買本這樣的書......
而且我都係上次同佢講過下呀Bell最近身體有d問題......只係提過下.....
但佢又會有心記得....thanks!!
anyway我相信本書應該好有用!! =]

咁多年朋友
欣賞佢係一個很關顧人...和心有喜樂的人
另外,尋日大家講番以前讀書時代既野
真係幾令人回味....
畢竟宜家人的煩惱真係比做學生時多了很多.....
(btw,我真係唔記得我地係"同性戀組"喎 XD)

下次搵日約埋其他同學出來聚聚先得~
------------------------------------

今日.........
今日又係訓到12:00p.m幾起身....
開電腦睇下facebook,xanga果d
之後就去Jump搵工
今次總共寄左6封信.....
其中有兩份係入小學做社工的.....
(好在....寫求職信時...都有point寫下)
亦都好在...細個果時有參加下制服團體....義工等....
宜家先有d有關兒童工作既野寫....

唔知點解....
今日突然send左唔係做老人社工post的信.....
可能係....我覺得....
我搵左咁耐都未有工做...
不如唔好剩係搵老人做....
不如真係擴闊d去搵....(事實上都有不少朋友提過我哩個point)
增加下成功既機會都好丫......
同埋....當係拿多d interview機會都好吧.....

做兒童...已是我的極限
我不想做青年(i mean中學生)...也不會做disable....
family等也沒信心做.....
除了老人外....
只有小學生...我係比較有信心做....
唉....諗諗下....一個無咩信心既人真係幾可悲.....

我一直都係搵老人的post....
從來都無send過做兒童工作的信....
無參加過做兒童的interview....
所以如果真的有interview的話....
我就要花時間去準備了....
anyway.....睇下有無機會啦....

不過真係唔知做咩...好灰....
當我搵兒童的工作時.....
突然間我又無咩信心做老人...
心入面不斷推翻一直以來對做老人社工的信心.....
突然覺得....不如做兒童社工啦....兒童好似易d喎....
對住d老人家我咁young好缺乏經驗喎...我實做不來啦等等的負面思想....
痴線......

anyway....
搞完果6封求職信
之後就prepare下下星期一、二interview既野......
上網睇下機構既資料......
print出來睇下....

本來諗住今日自己響屋企整曲奇餅架.....
尋晚買好哂材料的....
但今日又好懶......
整唔煩...但我諗起整完要洗餐死就唔想郁了.....
唉....睇下今晚有無心情整啦......
可能把握時間準備好d 個interview算喇......

-------------------------------------------------

心情突然又好灰暗暗的
好似好多野煩咁....
但實際上又無咩好煩丫.....痴線架....

我覺得自己有好多東西都做得很不成熟.....很錯.....
不知點面對父母和神
不平安的感覺籠罩著我
在信仰上,浮浮沉沉
與神的關係好似如同我的情緒一樣
很起伏的........

哩個星期獨處既時間多左十分的多
我們見面的次數減少和你生活模式的轉變
大家都要時間去適應
我需要學習點樣在身邊去支持一個人
我好怕自己做得不夠好!!

其實我從來都不會怕獨處架 (仲好enjoy tim...)
但可能這大半年來...都慣左有個人在身邊
所以現在突然真的是不習慣
現在我要學習如何獨處
如何待自己好
如何為自己努力和奮鬥
思想不應這般狹窄....
況且,人人都需要成熟
畢竟,有工作才會有將來!

宜家狂約朋友出黎
好似好自私....但我真係想搵朋友陪下,傾下計
好想同人傾計ar!!
下星期會約：呀寶、袁荃、濃濃
再下星期：蔣蔣(唔知佢得唔得呢)、陳燕筠小姐
仲有,我想搵vivi同林嘉敏............

其實,最困擾我的...都係搵工
我真係好需要一份工....
我唔想再hea了.....
數數下我都hea左半年喇.....
再hea的話....人真係會越來越懶........
真係唔得掂了.....
我知道所有的正面思想
例如：慢慢啦唔急得、只係市道差吧等等.......
但""有些事情是無法解釋的， 不開心就是不開心， 理性的人會嘗試尋找源頭， 感性的人會順著情感而行"".............

沒錯
我就是這類的人!!

oh~~~~~~~~~~~~~~~~~~wanna scream out loud!!!

........睇黎我個人真係思想極度豐富....
篇日記又可以長成咁....=.=
但,寫完之後情緒真係release好多
好似盡情同人講哂出來咁
有時用口講都講唔到咁多point....形容唔到咁多心情同諗法....
但用文字寫出來....就可以更清晰自己的思想
I like this.............

>>January 8, 2010 at 8:20:56 PM GMT+8

2010 年 1 月 6 日 星期三 【颳風】

尋晚發生左件事.....
Mabel在facebook發現我的相簿中...
上次我同SHUmates聖誕gathering交換禮物的相....
佢發現左我拿左佢送俾我果份禮物....
(上次Christmas party從Mabel手中抽到)
我拿左用來同SHUmates抽獎....

我知道今次真係自己做得唔好....
其實我果時一心諗住...我買唔切禮物...
咁果份野在家我又不太用得著....
所以便手快地隨手拿了出去SHUmates的party...用作交換禮物之用.....

其實我本人覺得這個行為都無咩野
但我做錯了的地方係....
我唔應該將d相放上facebook
我應該要aware到Mabel會睇到d相....
換轉我係佢
人地拿左我送俾佢既禮物送俾第二個....
仲要放埋上網咁樣衰
我都會唔開心啦......
所以咁做真係唔好!!

最後我都同Mabel道左歉
同解釋左
幸好佢明白同唔介意....

經此一事
我應該要小心d處理這些事....
同埋我應該要好好用互聯網......
--------------------------------------------

尋日收到電話通知我下星期有interview
但由於果陣無帶筆同紙在身
所以我同個職員講話遲少少覆佢
點知之後就掛住同Daphne行街
完全無左回事.......=.=
到我記得時,已經係6點鐘
間中心都關左門啦......

諗住今朝早d打番俾間中心
但由於較左靜音震機
我訓到完全聽唔到電話響....
到我起身11:30a.m時
先發現間中心9:30a.m打過俾我....
oh!唯有立即call back佢!
幸好佢既語氣都無任何唔gur.....

但,唉,今次實扣哂印象分啦
又無紙筆、又忘記call back、又miss call
今次真係好失敗呀

不過經過今次.....
我知道響哩d搵工時期
一定要每日都帶住支筆同張紙響身....
兼且早上一定要較電話做有聲....
早上唔好再較靜音震機啦....
--------------------------------------

今日係全日在家
除左帶Bell落去屙bubu同vv
我就連門口都無出過.....
好悶好悶........
感覺好dry....好虛耗光陰....

唔想再放假了
好想快d完結哩個人生中最長嘅暑假......
好悶呢....
我諗我都要搵朋友出來陪下會好d.....

唉...幾時先搵到工做??
做一個雙失青年既感覺實在太差喇
尤其係當身邊既同學,朋友,陸陸續續都上左岸時
只有自己無所事事....真的很悶透了
好孤單的感覺......
想搵朋友,但第一時間都唔知搵邊個好!!
各有各忙!!
ai.....I want to cry and want to scream out loud!!

如果我到新年都仲未搵到工
拜年時,面對d親戚我都唔知點算
"e~潔恩,宜家做緊咩啊？"
"無呀，我仲搵緊工呀"
"e~但你好似上年暑假畢業喇喎~都畢左業半年喇喎"
".........."
唉.....自信心應該會直插谷底

---------------------------------

in fact我真係唔想做社工
唔想做但又要搵
唔做好似浪費左擁有既唯一一樣野.......
唉......
做社工同其他行業不同!!
可以想象到....當中所面對的壓力係好大好大的!!!
因為係做人的工作
人係世上最複雜的動物
另外,社工的工作....由於係做人的工作....
所以挑戰係每天都不同的....
因為這些工作的特性.....
所以....社工係一份大壓力的工作!!
(無錯,每份工作都有壓力,但我相信做人的工作...壓力一定更大!!)

d人鐘意做社工
就係因為鐘意做人的工作
覺得這種工作每天都有新的挑戰、每天都是不同的、很有變化的、不悶的等等
但........
我這個性格不活躍、不樂觀開朗、腦袋不靈活、害怕接受挑戰、不喜歡變化的人.....
究竟適合做嗎？
一諗起社工要做的野....我就唔想做了....
甚麼要搞活動...搞小組等.....
我根本沒有興趣....

我只求安隱、沒有太多挑戰、不有太多變化、
不需對著太多人、悶悶地、
死板d、沒有太大壓力的工作.....

沒有興趣....性格又不配合....能力又不足.....又沒有果顆熱心.....
咩都無.....
唉....我點樣做呀!!!!!

即使有interview....
我都無信心人地會請我........
即使人地請左我......
我都根本無信心自己可以做得來、應付得來
好多野根本我都唔識做!!!
痴線架.........
唉........
完全看不見前路!!!
究竟邊條路先係屬於我!!
宜家既我....就好似站在十字路口中....
根本無任何方向感可言!!

唉.....越諗越唔開心!!!
好想跳樓死左佢算啦!!!!

我覺得自己真係好唔成熟呀!!
點解可以咁諗野!!

>>January 6, 2010 at 6:15:58 PM GMT+8

2010 年 1 月 5 日 星期二 【颳風】

今日好開 心呀
同Daphne去左葵芳同旺角行街
我地傾左好多計呀
咩都傾一餐
讀書野、扮靚野、女仔野、感情野、麻煩野…

真係好開心可以識左哩個朋友
剛剛先過左我地既相識一周年咋
但我地就好似識左好多年咁
好神奇呀

Finally I want to say thank you for the Christmas pudding,
Ar Bell ge dog dog Christmas dress la,
also your hand-made cookies!!
So happy~~~~~~~~~~~
my good friend~


今日食左好多無益野,肥野
食左兩次辣魚蛋、撈冷麵、三球雪糕、菠蘿汁、珍珠奶茶
嘩嘩嘩, 真係肥到爆呀
但又忍唔住喎....
樣樣都好鐘意食呀

不過今日買左幾件衫
返屋企一如既往心急地立即試身
但著上身後見到自己好肥囉.....=[[[[
我唔應該買d咁貼身既衫....@@

------------------------------

今日坐車出去時
收到電話
下星期一有面試
好啦....又有機會來了.....
其實我都幾驚....
怕面對失敗....
唉......都唔知幾時先搵到工呢
唯有將一切交給神
學習相信祂會為我預備最好的......

anyway
我會好好準備的了.....
ｔｒｙ　ｍｙ　ｂｅｓｔ

by the way
尋日入左好多詩歌落電話度
今日坐車時候聽
聽番好多以前返教會時期聽既詩歌
不少感覺湧上心頭......
不過詩歌真係令我心情開懷d....舒服d


p.s: 哩篇日記全篇都係用速成打架!!
我覺得自己好勁呀
都算學得幾快啦
不過打左超耐......
下下都要諗
而且實在有太多字唔識打
要花好多時間去查番個碼.....
但其實都幾好玩丫....
可以鍛鍊下個腦.....

>>January 6, 2010 at 12:52:57 AM GMT+8

2010 年 1 月 4 日 星期一 【晴】

今日全日在家
寫左四封求職信....
聽日會寄出....

要加把勁搵工喇....
真係好擔心畢業一年後都仲未搵到工.....

今日無啦啦有衝動上網自學倉擷....
成個下午...上網自學...
睇下個倉擷字母表...
學下d碼.....
學下d取碼原則....

原來....其實都唔係咁難明白o姐
不過就真係要記熟d碼...
同埋明白d拆解原則....

倉擷打的時候...
要續個筆劃去拆解...
要思考好耐先打到一個字....
而速成呢....
又要搵字喎....
所以對於我哩個初學者來說
倉擷同速成都好麻煩呀

基本上,我都明白左倉擷/速成的原理的...
但...識就識...但實在打得超慢囉....
原來諗住用倉擷or速成打哩篇日記的
但打打下...都頂唔順...
因為實在打得太慢了
最後都係忍唔住用番九方打....
快10倍呀......
但,我相信....
倉擷,速成.....應該打得多就會開始熟同打得快架喇....
真係要忍下手....唔好用個九方住....
要用多d倉擷,速成先得......

宜家咁大個女先黎學倉擷真係好遲....
不過anyway啦
現在,我已經下定決心要學識佢地!! (at least速成啦)
因為哩個中文輸入法...實在係好basic的電腦知識......
我發覺...去到我哩個年紀...
好少人唔識中文輸入法囉....
唉,我仲響度打九方
同埋....好多工作...
簡簡單單想搵個文員做....
都要識打字啦
哩樣野係好基本
所以,我實左好需要學識佢地!!

襯著現在時間太空閒....
搵d野自學都係應該既!!
始終個人有d input會好d....
如果唔係...就浪費我既光陰了.....
實在唔想咁頹廢

好後悔點解細細個果時貪容易
走去用手寫板
唔肯學倉擷
到了大個之後
又走去用左九方
宜家無啦啦走去學同用另一種中文打字法真係唔慣

>>January 4, 2010 at 10:02:33 PM GMT+8

2010 年 1 月 3 日 星期日 【晴】

今日崇拜聽的道....
對我有很大的提醒........

神是世界的光....
照亮黑暗的地方.....

在我的生命中
仍有不少困擾著我的罪惡
使我感到自己很不潔
滿有罪惡感
這些地方...是我黑暗之地
若遠離神的旨意的行為
我們做得根本沒有愉悅....卻只有痛苦

然而....神是滿有恩典的神
祂的到來...目的並不是要審判世人....
而是要賜與平安和永生給我們....
所以,唯有讓神照亮我黑暗的地方......
我才能得著光明!
求神赦免!

諗諗下....「星星」....stars.....真係幾適合形容自己
其實當中實在很有意思.....
星星會發光
很美
可以照亮大地
不過星星本身是不會發光的
它原本只是黑暗的物體
但它們靠反射太陽光而放光
神就像太陽一樣發光
照亮黑暗中的我們
使我們能像星星一樣發出美麗和耀眼的光茫


另外......
今天我得知...新一年...教會有新一季的課程....
一知道....我就有興趣想參加....
因為想透過課程....
幫助我的靈命快點有提升....
而且助我投入教會....
但....我又怕自己一個三唔識七....有孤單的感覺....
而且,有個掙扎....就是...課程是在星期日崇拜前....9:30a.m開始的....
很早....實在有個懶惰之心......

不過.....猶疑了一陣之後....
我就決定參加了!!!
學習、親近神....才是最重要!!
其餘一切的擔心....祂自有安排!!

然後,我就拿起筆,在報名表上填了我的名!
我深信....神在當中會保守我的
祂會和我說話......
也會賜我一些弟兄姊妹....讓我認識....一起學習....

加油!!
-------------------------------

今日食左好多肥野
朱古力冬甩、金水食左$50蚊壽司、朱古力奶昔
全部都係肥的
死了.....現在越來越肥
講真的....我真係肥左勁多
尤其個肚腩.....
望住佢真係唔開心!!!

今日係你返工前最後一天見面
哩個星期日日見
去左不少地方
一齊過聖誕、倒數
睇戲...同食左好多野
我好開心
不過真係好唔捨得

尋晚準備左d小小禮物,驚喜俾你
希望會支持到你...^^

聽日係你第一天上班的日子
黎緊五日都見唔到面
可能sms、電話都無咩時間講了
要到星期六、日先可以見面了
我相信我一定會好唔慣
因為自我們一齊開始
最多都係三日無見
未試過超過三日的

anyway.....
我們需要習慣這種轉變....
同埋,我們是需要成長了
但願我們一齊努力
你努力工作
我努力繼續搵工



前幾日聽收音機聽番哩首歌
初中時候的歌
聽番d舊歌真係好聽d.....

「如能繼續唱，都必需唱下去」

要加油呀.....
明天開始....我要繼續搵工!

-----------------------------------------

坐火車回家途中
收到Jim Jim的電話!!
佢下個月結婚了!!!!!!!!!!!!!!!!!!!!!!!!!!! =DDDDDDDDDDD
恭喜哂呀!!!!!!!!!
真係開心了
一對神所愛的兒女....在神的愛中結合....一起在愛中成長.....最後結婚....組織家庭了!!!!
實在很幸福.........
是神所喜悅和祝福的!
很羨慕呀 :)

我最開心的是....
Jim Jim同我講：
「響ASW同學裡面，第一個我就打俾你通知你喇！我同你最熟嘛！」
XDDDDDDDDDDDDDD
成為左第一個,,,我真係好開心..........
因為能被人所記得同重視....^^
多謝Jim Jim呀~~~~~~~~~~~ ^0^

期待見證Jim Jim與Jim Jim女朋友一起步入教堂!!
同埋飲佢果餐^0^

>>January 3, 2010 at 9:36:28 PM GMT+8