2010 年 1 月 2 日 星期六 【雨】

=我的2009年回顧=

轉眼間
一年又過去了
「時光飛逝」這個詞語
小時候不會明白
現在人越大卻越了解固中意思

人生數十載
時間像飛一般的快
若生活忙碌, 更感到時間比飛更快
卻像流星般
轉眼即逝

在我的定義來說
「時間」就是一去不返的東西
除非是到了死亡的那一刻
人生的時鐘是不會停下來的
時、分、秒…年、月、日…
一天一天就這樣的過去了

2009年過去
新的一年來臨
回顧有助我反思和重整我的人生
從中可檢討過去, 計劃將來

---------回顧與檢討------------

2009年最大的經歷和感受都在三方面：
學業、感情、信仰

在學業上
在過去一年
時間最主要都是花在學業上
要總結這一年的top up degree生活
我可以說：我滿意自己的表現
滿意不是因為成績…. 而是…
自己在當中投入和付出了不少
而且嘗試了不少
盡了力的感覺很好!

這一年不易捱
課程內容不易
要獨立完全自己一手一腳去完成那些功課
過程更是不易
但在當中也獲益良多
感到很多前所未有的滿足感
也感到自己盡力了
另外, 在課程中認識了一班令我過團體生活和快樂的朋友
總括來說
在這課程中
我感到自己的態度是積極的
這一年可說是我自小最感滿意(對自己)的一個讀書年

這一年
亦是我最後的一年讀書年
是我最後一年作full time學生了
大學畢業, 自小都盼望有這一天
而這一天, 終於在這一年實現了

在感情上
這也是很奇妙的
由大家互相「不相識」
到「認識」
再到「了解」
然後「相悅」
繼而「相愛」
時間不長,但已有不少回憶
這些回憶雖然都是簡簡單單的
但卻足以令我煥心微笑
當那時想放棄的時候
痛哭的感覺使我知道
原來一切都已注入了我的回憶中
曾經有人陪伴自己走過一段日子
這都是很好了

這第一次拍拖…
有很多經歷和感覺都是第一次有....
很特別的....

然而,面前我們有不少挑戰和問題將要處理
希望我們有信心和能力去處理
況且,「愛」才是一切問題的處理方法
「愛」越單純越好
希望工作不會影響那單純的程度

在信仰上
離開了神接近四年
自中七開始便沒有上教會、沒有祈禱、沒有尋求祂
不再尋求祂的面
甚至嬲祂、懷疑祂、逃避祂
數年來我單靠著自己的力量去過我的生活
的確, 靠自己的力量去面對挑戰, 也是會有成功的
但最大問題是
我仍然不快樂
不可說明和解釋的憂鬱心情每天籠罩著我

到了上十月、十一月開始
無意中聽到呀Nick的佈道會
神開始重新感動我
令我重新思索生命的意義
我是否每天還要仍舊這樣的不快樂呢？

現在, 我開始重新返教會
重新重建我與神的關係
我知道人的能力有限
唯有依靠神, 才得著真正的平安、能力、信心與快樂

不過現在返新教會
要重新認識弟兄姊妹
要有全面和穩定的教會生活
仍需時間去建立

另外, 尤其快要踏進社會了
將會有很多的挑戰、難處和衝激正等著我
我相信…
若果我沒有神在我生命中…
若果我單靠自己的聰明智慧…
我仍舊是一個不快樂、沒有自信心和自尊感、沒有方向與目標的人
我根本不能招架這個社會所帶來的千變萬化和人生的無常
而且很易會被這個社會的價值觀去拉倒
所以, 正因為這樣
我更需要神在我的生命中
希望神會繼續拖帶我…
----------------------------------

正因為「時間」是一去不返的東西
所以捉緊每一天就是很重要
「活在當下」並不代表要活得成功、沒有失敗、沒有後悔
而是把現在的每一刻都當作是最重要的時刻來看待
感受生命的氣息
感受生命的喜怒哀樂
就如有本書所言：現在就是一份禮物 (Present is the Present)

感謝神讓我還有生命氣息
可以迎接新的一年
2009年的最後一天
是終結，亦是新的一天
最盼望的, 就是每一天都可以保持單純的喜樂！

-------展望與計劃----------

在這新的一年
我有以下的願望、立志與目標：

在家庭方面
我想學會更愛我的家人
學習為他們付出
花多點時間陪伴他們
還有, 我心愛的Bell Bell身體健康

在工作方面
我盼望可找到一份我喜歡的工作
並好好去思想屬於自己的事業方向
而且透過工作令個人成長、越來越成熟
最重要的, 是在工作中經歷神

在個人方面
新一年,我希望在神的愛中,學習如何去愛
學習少求愛, 但求真心付出愛…
學習如何去愛自己、
如何去接受愛, 去被他人愛、
如何去愛我的朋友、
如何去愛我的爸媽、
如何去愛我的情人…

我信仰方面
信仰與我整個人各方面的生活是分不開的
我盼望我的生命….
可以在信仰上得著「重新」與「重整」
很想重新認識神
很想在信仰上重新扎根
很想重新感受、認識和經歷神對我的愛
好讓神重整我混亂已久的生命
另外, 我渴望有一個愉快、溫暖和穩定的教會生活
希望可以認識一班互相守望的主內弟兄姊妹…

雖然我對以往的自己和生命…
實在有很多不滿意
很多地方都做得不夠好…
但新的一年,很想把一切都拋下
因為舊的一切都不再重要
現在和前面的, 才是最實在

---------結語：新一年的人生主題------------

新的一年
新的開始
「忘記背後，努力面前」
這句說話
是我給我自己的
成為我在2010年這新一年的人生主題!

>>January 3, 2010 at 1:18:18 AM GMT+8

2009 年 12 月 30 日 星期三 【晴】

今日去左天水圍濕地公園
想去好耐架喇
今日終於去左
我自己就覺得一般啦...
好似同其他公園無咩分別...
我覺得太人造化...好似唔太真實的大自然咁

不過
我知道這濕地係有好寶貴的保育價值
香港這繁榮的城市中
存有這塊天然美麗的土地
我們應該好好珍惜
同埋學會欣賞它們













另外
今次係我第一次去天水圍
感覺都唔悲情呢...
只是被人們標籤了
反而,我第一次入來天水圍....
第一個感覺俾我就係果度既城市設計頗有規模
同埋周圍環境都好乾淨
而且空氣好清新
希望天水圍可以好好發展他們的活力吧!

>>December 31, 2009 at 1:09:36 AM GMT+8

2009 年 12 月 29 日 星期二 【晴】

今日同呀隆去左APM睇《阿凡達》(Avatar)
11:00a.m早場....$70咋....平好多
套戲真係好好睇呀
套戲最深刻的地方.....
就係帶出人類同d natural野既對抗

而後尾相方對戰的高潮位都好刺激
同埋整套戲既畫面的確幾靚,幾特別
不過三粒鐘帶住副3D眼鏡真係好累呀!

睇完戲之後去食Hipot
我就覺得麻麻喇
d豚肉同d肥牛都好瘦
同埋都唔係平丫我覺得
食左碗接近$40既炒烏東
好唔抵!!因為又唔好食喎....勁鹹
連我鐘意食鹹野既人都覺得超鹹..............



P.S：希望一月一日去迪士尼唔好咁凍啦
咁凍好麻煩....
要著到成隻粽咁....玩都玩得唔自然.......
(我要入去搵Pluto^^)

>>December 29, 2009 at 10:21:58 PM GMT+8

2009 年 12 月 28 日 星期一 【晴】

=12月27日=

SHUmates去左Austin工作果間center玩
有我、隆、Austin、呀鏢、小羊
我地玩board games
玩左掘金、小強、Limits、Cash'n Guns、手指版&真人版扭扭樂、猜猜畫畫
宜家覺得board games都幾好玩丫
不過我發覺我既吸收能力好慢
好多時聽人講解我都要聽幾次先明白.....



夜晚在APM食Shakey's Pizza
我覺得又貴又唔抵食呀



食完野,我地有交換禮物
之後就一齊去機鋪打左陣機
之後落番foodcourt食滿記
我又食我最鐘意既榴蓮雪山喇
超鐘意呀! =D

-----------------------------------

=12月28日‧7個月=

7個月紀念日

今日就勁啦
響旺角食左好多野
食完一餐又一餐
我們走埋一齊就係食 :D

先去板前食我既至愛三文魚醬油積


之後就去食札晃拉麵既牛油拉麵
我地都係第一次食札晃拉麵


再之後,就去麥當勞買杯雪糕新地食
(有人order左super 多朱古力醬....wakaka)


最後再買多包撈麵食
哈哈,好多野食呀
開心!!





--------------------

相比之下
對比起以年份來做單位
7個月...時間確實很短
不過
能繼續攜手走在一起卻是最重要



感情就如人生一樣
時間的長度並不重要
當中所建立的深度才是有意思



但願
我們一同去成長
一同去經歷人生的總總
同時
學會怎樣不斷加深我們這段感情的深度

>>December 28, 2009 at 11:00:10 PM GMT+8

2009 年 12 月 26 日 星期六 【晴】

=2009‧甜蜜聖誕=

甜蜜........
是在於這個聖誕有各位愛我的人陪我渡過
有與爸媽和婆婆吃晚飯
有與我最好的知己們打邊爐相聚
有與您陪我去了不少地方,為我安排了不少節目
還有,去了報佳音,在聖誕裡思想神

甜蜜........
是在於可以和自己所愛的各位共渡.....

今個聖誕去了不少地方
有不少節目呢
總括來說
是開心的 =]

----------

12月21日
回城大打謝安琪針.....
多謝你的陪伴.....^^

又一城每年都有的大聖誕樹樹
在城大讀書三年
見了這棵樹樹三年
今年,觀賞的時候,感覺不同了
因身邊多了一個人的陪伴,,,


---------------------------------------

12月22日
我、爸爸、媽媽與婆婆做冬吃晚飯
婆婆送了一樣小小的東西給我做聖誕禮物
窩心是在於婆婆對我的愛錫
而不是在於價錢的多少
哈哈...隻小豬豬好可愛....^^



吃飯後
我們吃滿記甜品
平時自己是不捨得去吃滿記的
和爸媽一起時,就可以tum佢地去俾錢食貴價甜品,kekeee
我發覺"榴蓮雪山"超級超級好食呀!!!!!!!!!!!!!!!!!!!!!!!!
我一食之下就勁勁勁勁鐘意!!!!!!!!!!!!!!!!!!!!!!!!!
一大舊榴蓮肉的,真係超正呀!!!!!!!!!!!!!

----------------------------------------------

12月23日
下午去了科學館
好多年無去了!哈哈
今次去都學識了不少科學知識
同埋入面有個視覺錯覺展覽
都幾得意的^^

晚上回大埔同Best Friends們打邊爐
真不好意思...原本在我家的Christmas Party變成在街打邊爐
但仍是開心的
始終還是你們最好!!!
Best Friends 4ever!!!

謝謝Mabel的聖誕蛋糕
好好好好味呀
---------------------------------------

12月24日,平安夜
去了會展繽紛冬日美食節
哈哈,為食的我倆
行了近四小時.....
我買了包豬肉乾
明明試食的時候無咁辣架
買完食,超辣~~~
不過超正!!!!!!!!!!!!!!!!!!!辣呀辣~~~~~




夜晚和媽媽去了報佳音
這是我人生的第一次報佳音

我好想在聖誕,主角是耶穌,的節日中
做點真正聖誕有意義的事情
那一夜,整個埔宣堂有百多人參與.....
100幾人走到街上....一同大聲唱歌
很有氣勢呀!

---------------------------------------

12月25日,聖誕正日
晚上去了維園的工展會
其實無咩野睇,,,都係賣d醬油,家品等
年青人也許沒甚麼興趣看
但志不在行,卻在談心吧
哈哈,還有$20阿波羅生果乳酪
很抵,好味,很開心 =]



在會場中,有2010年上海世界博覽會的介紹
今日先知道上海世博係咩來
全世界的展館,各地方的文化.....
呀.....搞到我好想去呀.....


行完工展會後
坐電車往中環
我們坐在上層的車頭
望出街上,人已少,靜靜的
吹吹清涼的風
互相談談心底的煩惱
很舒服,很寫意的車程

之後,在IFC碼頭坐船往尖沙咀
沿海旁行走
感受下氣氛先




大時大節...人多得恐怖....
四周都迫爆人...又嘈吵....實在不喜歡.....
狂歡熱鬧過後
反而使人更感到內心的空墟吧~

大時大節最討厭的是迫人和迫車....
唉,昨晚因趕不及尾班地鐵和火車
要從尖沙咀落旺角....
諗住坐亡命小巴回大埔
但點知條隊排左成百人都有呀,勁嚇人@@
之後唯有去坐N271...(太夜,連271都無了)
竟然Full了,要企到沙田先有位坐....@@....好煩
回到大埔已是零晨2:30a.m
最終要坐$60的士回大尾督我的家...

經此一行
我的結論是：
節日時,當人人都迫出去鬧市慶祝時
最好的,還是待在家中
或是靜靜的,在人少少的地方渡過
-------------------------

12月26日
被人迫食菜>.<
好慘呀,不過對身體好都應該既...=___=

今日亦都係Boxing Day
收到你送的puzzle
後面的"秘密"很有意思~haha.....


另外,我終於送出了份禮物了.....
我整左幾日幾夜
整到半夜2,3點架
因為我不是整手工type的人=[[[[
一向都好羨慕d整手工、整甜品、織野等好叻的女仔 =[[[
因為我份人無咩心機整d好細微既野.....
不過....今次....行Sogo時見到一盒盒好靚好得意既野....
於是就忍唔住買左佢地返來
用左好多心機整佢地出來
由一舊舊的泥狀物體....塑造成一個個好靚、好真、好可愛的蛋糕^^
整完出黎,我都幾滿意
好鐘意佢地ar!!
















P.S：你話從我身上看到神的愛
聽到哩句說話真係好開心呀
我無想過,自己會有這樣的影響力
原來我真的成為一個見證
所以,我要好好做好見證先得=]]]]]

anyway
這個聖誕不冷
因有您的相伴....卡! =]



>>December 27, 2009 at 1:20:55 AM GMT+8

2009 年 12 月 24 日 星期四 【晴】

尋晚同best friends姊妹們打邊爐
Christmas來聚一聚....
仲有交換禮物tim....^^

好在我人生中還有這班朋友........

------------------------------

今日下午去左會展
冬日美食嘉年華+購物節
開心^^
-----------------------

今晚既平安夜....
心情不太好...
突然變得好灰
好多煩惱......

第一個煩惱......
近來,擔心緊一樣野.....好驚.....
好想快d證實到
咁我就安落哂......

第二個煩惱........
今日係星期四了
剛好2nd interview的一個星期
始終都係無收到任何通知
即係代表.....落選左lu
一切都成為炮灰........
講真,都有失望同唔開心
我對自己面試既表現都幾有信心架.....
同埋我真係好好好想成功......
但....唉...始終都係失敗左....
我覺得自己好無用呀.......

第三個煩惱......
他下個月開始返工了
可能我有份工會好d.....
因為我自己都需要有d責任....
咁自己就會無咁唔習慣,同埋無咁亂諗野.......
不過anyway.....
9日後就係對我們既關係的全新挑戰.....
一個星期見得1,2日.....
我一定好唔慣.........
對前面....對我們段關係....我都缺乏信心
好驚好驚.........好驚處理唔到當中的變化.......

第四個煩惱.....
哩個好無聊的....
今晚我去左人生中第一次的佈佳音
有個媽咪的朋友....向我講：
「你一d都唔似大學畢業咁大個喎!!個樣生得咁細個既?!!好細個呀.....你堂妹個樣仲大個你喎!」
我立即勁勁勁唔開心!!!
了解我既人都知道
我人生中最mind最mind既一個我既死穴....
就係話我個樣子生得細個
由細到大,我都好介意自己哩方面
對於我來講
話我個樣生得細個---哩個係一個好負面既評語
因為我認為,我樣生得細,所以由細到大我都不被人看重
同埋人地會因為我個樣生得細個而輕看我的能力
哩個係我既揣釋!
所以,每次聽到有人話我生得細
我就好敏感,我諗我人生中,最敏感的,就係聽到哩句說話
好唔開心!!
唉.....by the way,今次份工唔請我
可能都係因為覺得我個樣生得細
就認為我唔夠成熟
認為我辦事能力不比人強....所以唔請我......
經過今晚....我發覺....原來我既自我價值感仲係未被建立....
我個人仲係覺得自己無咩價值....
未被神醫治和重整.........

第五個煩惱..........
今晚去左佈佳音.....
我見到d人彈琴好勁......
我就不斷諗一樣野.....
就係....我見到身邊每一個人都有佢地自己的強項....
但反觀自己....自己好似一無是處
我見到d人識好多野
有人彈琴好好好叻.....有人識音響運作.....有人口才好好,演說好好......有人很有領導才能等....
總之.....好似....每人都有起碼一樣係十分專長的東西
但反觀自己....好似沒有....
我識彈琴....但只有半桶水....
我有關懷人的心....但我欠缺技巧.....
我有社工牌....但無公司請我.....
我唔識整野食、唔識創意、唔識畫畫、唱歌唔好聽、不是博學多才、
不是生意人、不是文人、不是運動人、不是科技電子人....
我諗唔到自己有咩才能...........
我覺得自己好無用............

第六個煩惱.....
我又反思自己與神的關係
在和神的關係中
我都算係做得好差勁了.....
不斷犯罪又犯罪......
我見到身邊的姊妹又事奉又keep住同神有好好的關係
人地係天父的好羊!
但我根本只係一隻無用的羊!!!!
好唔開心!!!

第七個煩惱..........
今晚去佈佳音....同埋其實哩幾次返教會...我都覺得....
去到一個新教會....當中的孤獨感真係好大......
好無安全感....
我唔知點混入別人固有的圈子中.....
我真係好怕去到一個地方......係人地個個都互相認識的....而只有我一個陌生人插入去.....
唉........轉新教會....此舉帶來好好好強烈的孤獨感....
見到一堆堆人群當中,互相都已經認識,或者已是好好感情了
我....都唔知點插入去了.........
宜家....每次返崇拜....都係鼠入去....無人識我....我都唔識人....
我有無出現都無人會知的......
返完崇拜....我就自己一個離開.....
同樣地又係走左都無人會知的......
我唔知需要幾多時間先可以認識到一班人
首先起碼係互相認得大家,會打招呼先....
繼而成為朋友.......
繼而會互相傾多兩咀......
繼而會互相分享下心情...
繼而會互相分享心事.....
然後,不知多少日子後....
先可以搵到d人,會建立到成為：互相關心、在信仰道上互相守望、一同行走的同路人？？
不知何時....
我先可以重新建立、擁有一個穩定和健康的教會生活呢?.........
我真係好想有一個健康和快樂的教會生活呀.........
-----------------------------

好多煩惱.............
不開心的平安夜晚!!!

>>December 25, 2009 at 12:44:44 AM GMT+8

2009 年 12 月 22 日 星期二 【晴】

前幾日睇左《吸血新世紀二：新月》
無第一集咁好睇......
仲睇到我有d恰眼訓添.......

離棄左smart-tone喇......
轉左去3台........
宜家send sms方便d~哈哈........
不過我由用第一部手提電話開始
我都係用Smart-tone的.....
所以對Smart-tone有情意結......
真係唔捨得呀......

今日......
整左樣野俾某某他
哈哈.............
希望對他有用啦......
整左我幾個鐘.........^^

>>December 22, 2009 at 4:06:02 PM GMT+8

2009 年 12 月 20 日 星期日 【晴】

==事件一==
今日第一次帶ar隆返教會
感謝神
神自有祂的帶領和親自的向他說話

但係
在舊墟時
好驚撞到呀爸呀媽.......
而在大中行街時
又好驚撞到親人同呀爸呀媽d朋友......

==事件二==
昌運10蚊3底雞蛋仔
好抵忍唔住買
點知....好難食.........................
有被騙的感覺.......=0=



==事件三==
有樣野....好驚..........
真係好驚.........
但又好無助喎.......
點算呀.....................=[[[[[[[[[[[

---------------------------------------

P.S：
我覺得..........有好多擔憂、無信心、懼怕、大話和隱蔽之事在當中呀......
不太安全!!
點算啊 ...........

>>December 20, 2009 at 9:24:11 PM GMT+8

2009 年 12 月 19 日 星期六 【乍雨乍晴】

==事件一==
第一次四日無見
原來耐無見....一見返會特別開心的~

==事件二==
尋日終於去左睇醫生....
哩個12月總共見左兩次彭錦強.....
第一次係感冒....
今次呢....就係腸胃炎
第一次係因為腸胃炎而要去睇醫生....
唉...最怕食藥的了....真係好怕好怕.....
不過,好在睇左醫生有d藥食....
宜家食左一日藥,都無咩點再頭痛同作嘔,肚痛了

==事件三==
今日開組好辛苦、好激氣......同埋又好無助呀.....
播vcd佢地睇....
但點知佢地睇睇下.....其中兩個響度打架!!
打到響班房中追黎追去....互追....追到要打到對方為止......
丫.....我覺得自己真係唔太識handle....
而其他組員呢....就好噪吵......
總之今日既一小時的小組呢....
雖然係睇vcd.....但秩序仍然係好差.....
我要出盡聲線去command佢地、叫佢地安靜、聽話等.....
我唔識運氣用聲....搞到宜家喉嚨痛.....
唉,唔係搞掂個腸胃炎但就黎個喉嚨發炎呀麻>.<

anyway....今日係第七節小組....
亦係哩個小組既最後一節了
以後都未必有機會再見返哩班小朋友.....
雖然佢地有d都幾難搞.....
但我真係睇到佢地每一個....都好獨特
都有佢地既優點....每個都係好善良同純真......
我好希望哩班小朋友可以繼續得著好好的教導.....
響未來的小學、中學生活中....
都可以好好成長....發揮佢地既優點同獨特之處....
成長為一個個大個仔女後都咁純真的人....
雖然我只係佢地生命中,其中一個好小好小的過客
加上自問我帶小組的技巧真的不太好.....
但....我都希望....過去的6節小組活動中.....
我對佢地既關心....佢地會感受到....
希望我可以在他們小小的生命中留下一小光點.....
加油啊!

另外.....做完了今次的小組job後....
我依然係鐘情於做老人服務多d....
始終對小朋友真係無咩興趣....
不過....今次....自己都總算挑戰一下自己丫！
因為....以前的我....真係好怕對住d小朋友....我覺得自己做唔黎
今次....我雖然仍自覺身為社工....我帶小組的技巧....不足的地方很多....
但....都叫做接觸過小朋友.....了解過佢地呀......
所以,"嘗試了"、"接受了挑戰"的感覺真係幾好.....
我要加油呀.....

to conclude....
哩個part time短期社工.....我終於做完了
哈哈....我.....繼續搵正職啦.!^^
----------------------------------------


尋日用君怡部貴電腦玩架
好得意呀d影相functions!!!
我似唔似ET外星人??!!!! HAhaaaa



>>December 19, 2009 at 11:42:02 PM GMT+8

2009 年 12 月 17 日 星期四 【颳風】

今日去救世軍2nd interview
我對哩次interview期望很高....
好想成功....好讓唔洗再搵工....
準備左好多....溫左好多書....
好想面試時....表現到最好最好既自己!
我好想做得好好!
亦好怕記左既知識到interview時會忘記!
加上....正於Connie所形容
2nd interview就如打機打大佬一樣....
難得去到決勝的一步....若果死左...就好似前功盡廢咁
要從頭開始過.....
因為上述心態....所以.....我面對著今次的interview....
今日....可以話係我人生中最緊張既一日
緊張到頭痛左幾日
真係好好好好好好好好痛!!
唔係講笑的....真係咁大個女都未試過頭痛得咁勵害!!
同埋...哩幾日都不斷作嘔....好想反胃....但又嘔唔出....
好辛苦呀真係....
今朝去interview前....坐低茶餐廳...叫左個公仔麵+杯野飲
個頭痛同作嘔...搞到個麵食得1/3....杯野飲就飲得一半
我知道我精神處於極度緊張的狀態.....
上到73x巴士.....不斷重複著頭痛和反胃....
其實...痛症持續到我interview完畢後....到現在....仍持續
不過現在食左2倍特強必理痛好似好d了......

面對著哩次interview
真係極度緊張......
因為實在太有期望.....太想成功....
響去程時....真係好好好好好緊張....
無論朋友和家人的安慰與鼓勵
心中仍是極為的緊張.....
加上身體的反應....實在很辛苦......
我覺得自己很誇張,很無用呀>.<
一個interview...可以緊張成咁既樣...@@

這時.....我想起神
不斷同神講：天父....我死喇....好想死呀....我真係好緊張呀.....我唔得喇....
心裡面不斷同神講救命........=.=
然後,我想起"主是我力量"哩首詩歌
心裡面就不斷唱下,又不斷祈禱
這時,我很軟弱
唯有祈禱交待時才得著奇妙的平安.......
然後的,正面的說話就在心中響起....就好似同我講.....
「傻豬，驚咩啊，唔成功唔緊要架喎，一步一步黎啦，唔得咪再黎過囉，interview唔係包成功架麻…你都準備左好多啦....盡力就算啦.....」
去到center....填form...做written test.....等等等.....等上去見主任+隊長.....面試......
平安和信心在心中!!!
感謝天父的保守.....

現在
這2nd interview完畢了
天父在我未出生之先
已安排了我的道路
所以,我根本不需要擔心ar........
一花一草祂也看顧
怎會不看顧我、不帶領我呢？^^
無錯...我好想這次面試成功.....我好想收到通知：朱小姐，我們機構樂意聘請你了
但....我知道....無論結果如何
我要等待祂的旨意
神自有祂的安排
祂一定會將一切對我最好的...賜給我.....對嗎？^^

好開心....我又過了一關了~
人生就是「關關難關關關過」
就算今次成功與否....這只是一個過程.....
當「找到一份工作」是一個目標吧
那麼....寫/寄求職信、等待面試的機會、溫書準備、面試、等通知…
這些....都只是達成目標內的一個個「過程」~
有些人....過程很短....便達成目標...找到工作了
而有些人....可能需要長長的過程...也未去到目標的終點
但~「過程」是沒有成功或不成功!!
因為....無論過程長或短....最終大家都同樣地可以去到終點、達成目標吧~
我們就是要學懂在過程中盡力、把自己做到最好~
而....我們信主的....不同的是
當我們身處在這些過程中....我們並不孤單
因為,我們有最穩固的依靠

anyway....現在.....我最想的....
就是快d搞掂我既頭痛.......真係痛得好辛苦呀......=[[[



主是我力量

主是我力量我力量
主是患難中力量
主是我幫助我幫助
主是隨時幫助
主是避難所我避難所
主是堅固避難所
主是我力量我幫助
惟主是避難所

#大地雖會改變
高山雖會搖動
大海翻騰 大浪顫抖
但我們卻不害怕
喂哦 喂哦 喂哦 喂哦

>>December 17, 2009 at 10:34:16 PM GMT+8