2005 年 1 月 18 日 星期二 【晴】

好唔開心、好大壓力、
好多野突然間一次過衝埋黎...........要我面對、處理.............
我好辛苦..........有種好疲倦的心..........
無哂力...........點算呀.........

今日整日心情都好down、有好多野諗.....
完全專心唔到,
而且病左,頭很很很痛......

其中一樣係我老豆,
佢的病很多熟我的朋友也會知,
佢尋日在媽咪公司暈了幾次,
最後,真的在晚上暈底,
媽咪call白車......老豆被送左去醫院.......
daddy要留院觀察,
媽咪搞到成差不多零晨三點先番到屋企,
這樣的情況已經試過幾次...........
但係今次我特別驚...........唔知點解,
除了擔心daddy外,
我好擔心媽咪.....自從daddy 身體咁樣之後,
佢一條支柱"咩"起一家,已經大壓力啦,放左工已經好tired了,
但daddy 尋日、今日入左醫院,佢又要去take care佢,
而且我知道佢地又好擔心我有無人理、夜晚有無飯食...........
我覺得我地屋企有好多考驗..........
我好驚.......

今朝自己番學時,
自己去了116室靈修、祈禱,
好想喊,
因為覺得自己要面對好多野,好多野諗,
同學的問題、
學業的問題
同埋一直我的那一樣掙扎,
同埋同fanny的事情、
而且又諗起daddy,又擔心、
加上我病啦咳啦,
突然間有種好辛苦的感覺...........
好大壓力..........
尤其是學業方面,我好唔想理,因為有太多野諗,
所以這一刻好像專心唔到,
唔知點解突然間又無哂動力讀書,好唔想理..........
但經過派卷後又知我要workhard..........所以.....
唉,我都唔知呀........

當好多野仲未搞掂,
仲未解決、仲未衝破果d 掙扎的時候,
覺得真係好煩,
好想休息,
好唔想講野。

我覺得就算同我幾熟的朋友,
也不能明白同體會我的感受,
可能大家聽落會覺得好少問題,
同埋人地都不會完全了解我諗緊咩,了解到我有的感受,
其實我好渴望人地好明白自己,
但係這是不能的,人們不能完全明白自己,
有好多唔識形容比人聽的感受也在心底,
不是唔同朋友講,
而是..............自己都唔識形容比人聽。
但我都會盡量把感受同佢地講。

知道人大了,要面對的野會越多,
我覺得我現在可能是在過度期中...........
所以感到唔知點做,感到辛苦,
可能大個左之後諗番覺得無咩野,
可能.........
今次也是我成長中的一部份
天父呀求你幫助我啦。

放左學自己行去寶湖睇醫生,
等左一個鐘先有得睇......
醫生話我感親,同埋搞到氣管炎,
搞到係咁咳,
我要快d好番,
想精精神神的番學,唔想日日都死死下咁。

之後5:45學琴,
伍太叫我快d同daddy 傳福音,
係呀,我會呀!
首先我在家、在study上要做好見證比佢睇。
同埋伍太提醒我,懇切的為daddy禱告,
我覺得神.........
在daddy 的病中總是有祂的作為,
會不會在此要叫我daddy 相信祂呢?
不知神是否要daddy 在他的病中與祂相遇呢?
一切等候神的工作、神的作為。
我要做的是：懇切禱告、做好見證、等候神動工。

之後自己乘車番屋企,
天也黑了,
在落車行番去家的一段路中,
自己一人,前面很黑很黑,一條小路........
一邊行,我有一種害怕同孤獨的感覺,
忍不住喊了出來,
一番到家中,見到屋企除了自己外,空無一人
我感到很驚的感覺,
又有孤獨的感覺
(之前在家就算自己一人也未有過)
突然間好想一家人一齊食飯,
要媽咪煮我好鐘意的野食。

我攬住bell bell 喊左一陣,
一邊同神講：我好辛苦呀,
....總之有種很辛苦的感覺。

>>October 4, 2009 at 7:17:43 PM GMT+8

2005 年 1 月 17 日 星期一 【晴】

今日發生左好多野,
個心情好特別,
有幾種唔同的感覺,
因為同唔同人傾左好多野......
而且收到一份禮物......

仲咳緊.......咳左2 weeks~好辛苦~

一早番到學校,
fanny就送左樣野比我,
但係佢叫我放學先好開份野,
果時有d驚的感覺,
知道實有d野.........

之後派左UE oral, UE listening , Geo,的卷
成績sure係唔得啦~除左oral,其他兩樣都唔合格,
但係無咩唔開心,
因為知道今次自己落左好少心機,無咩workhard,
但係派左卷之後,提醒左我......
要用個心去讀喇,
唔可以再唔應真,咁懶了,
真的要"比心機"!!!唔可以得個講字。

跟住兩堂空堂,
咁arm 6S 老師無番,
所以細hel,呀vi有空堂,
我地響圖書館傾計,
呀vi突然分享番星期六,我地去街果日,
原來佢開頭有d唔開心的,因為佢覺得我同細hel講果d野,好多佢都唔知,
好似有d被忽略的感覺,
但之後都無野,
今日好好呀覺得呀vi,
我開心ge係..........
我覺得呀vi進步左好多呀~因為佢肯好主動咁番自己的感受比我地知,
Before 佢有唔開心or有d咩野,都好少講出黎,
有種比人成日收埋自己的感覺ge感覺,唔多知佢諗緊咩,
但係佢好好呀~肯為我地班朋友付出多d,同我地講番~
佢頭先自己都話講左出黎好似係舒服d~

之後又係空堂,因為Miss Wong 無番~
我就同嘉敏在班房後面傾計............^^haha
好開心呀,每次我同佢傾計時,就可以好坦誠咁講心裡ge野,
我地頭先都傾足兩堂ar~~HAHA~~~~
傾左好多野~
佢講現在佢在拍拖中的掙扎,
之前我成日覺得佢同佢一齊唔好唔好,
佢唔應該同佢一齊,佢應該為神放下佢等等.....
但係頭先傾的過程中,我又感受到佢的難處,佢有佢的掙扎........
唔係我講咁易...........
我覺得明白佢多了~~very happy~~
之後其實都傾左好多其他野呀~~~咩都傾~~~
佢宜家幫緊一個小1生補習呀~諗諗下,我都想下年finish左A-level,
試下幫人補習,但又覺得自己好似唔得咁~
finish A-level 先算啦~~.........><

Lunch 同hel,vi 食,
去左麻甩佬餐廳食lunch,
呀vi又好主動咁講佢同佢的野,
我對佢同佢都有d新睇法呀,無之前咁一面倒~
原來佢佢一切也很順利,也許神的按排~

放學同細hel走時,
終於開左份禮物....
開左時好想喊.......又有好多的內疚感........
fanny真係好好好疼我........
佢睇到我的需要,再付之於行動......但係我呢?!睇到佢需要...........但.........
佢送的係.............
一本屬靈書籍
但係佢唔係基督徒,
但係佢竟然走入去聖經書室特登choice&買本書比我......
仲要係見到我日記所講知道我有掙扎,屬靈的問題,
跟住choice 本書比我,本書係好arm 我的需要的!!!!!!!
我本身想出去沙田突破睇關於得勝掙扎的書......
我估唔到,
係一位不是基督徒的好朋友送比我!!!!!
我真係好感動......
today 後我知道有d野需要快d搞清楚.......諗清楚,
我想同fanny 分享番我心裡諗緊咩........
但係比少少時間我.........我想諗下點樣講,
同埋有好多野想自己靜底,想下...........

放學同細hel去左大中行左陣,
and 探mabel,
hel買左個靚靚袋,
之後食芝麻wo~~~~~~~~~~好好味!!!!

在小巴上,
睇下fanny送的書......再諗下fanny..........又諗下神.......
在心中唱一生獻上時,
好想好想喊出黎

>>October 4, 2009 at 7:18:03 PM GMT+8

2005 年 1 月 16 日 星期日 【晴】

今早又係一早8:30番到去祈禱會,
今次真係有好多需要去我地去交托比神,好多野需祈禱呀,
係啦,今日唔知點解總是覺得有特別多野要祈禱交托~
um......仲有同connie姐講左話我,vi,hel都想上左個浸禮班先,
although唔肯定今年浸適合未、ready未.....
connie姐叫我地問勝哥拿報名表,
不過之後又唔記得左><
下星期啦~~

今日的講道：
主題：「信徒當自強」
經文：哥前3:1，希5:13,6:1
內容係講............
我地的屬靈生命要按時間的增長而進步,
我地唔會甘心永遠做一個BB, (意思係指屬靈上不能永遠做一個小孩子)
要渴望去長大,成為完全,滿有基督長成的身量,
由嬰孩------->小孩-------->長大成人
要離開道理的開端,
屬靈上大個之後,可以承擔更多,
小孩的心思意念會自把自為,自己想做咩就做咩,唔做咩就唔做,
令我覺得自己有d野都係咁,有d野唔想我去做就會唔做..........
不過成長係需要時間ge~
我覺得自己成日都好心急,
好多野想自己去改,好想立刻做得好好,
但係成長係需要時間的,係漸進式的~不是爆炸式~
唔唔~哩d就係我的得著喇。

之後的回應該詩歌係--------一生獻上,
唔知呢~我頭先唱這首歌時,
好有感動,好有感受呀~
我好想好想好想(真係好想)在自己果班or可以話係在學業上..........
見證神~同埋想為主做更多~
唔想比d 掙扎、罪惡、私慾等等去影響我去見證神、為主作生命的工作等,
諗番覺得自己應該在學業和課室上做好d見證,
因為..........自己升到中六後我的讀書態度..........好似唔係咁好,
無左種積極同勤力,
咁樣比人見到好似失左見證,
所以,我要比心機!!!!!!!

之後happy hour啦~
首先係呀芬呀芳上台講見證同分享,
幾好呀講得,比人的感覺幾"淡"定,第一次算好好的了~
同埋知道小園見到佢地的成長,佢感到好開心,
hope佢地在主裡慢慢的成長起黎,之後奉事神,在學校做好見證~

之後就係查經喇,
今次其實諗番都唔係太算查經的,
因為無咩經文要睇的,
不過討論左d問題lor,
今次查的係講神為何要為男人造配偶,講神眼中的婚姻制度等等,
(又係哩個文化科的東西....不過哩個唔同的係有神介入的婚姻制度)
之後講講下講左男女關係,
大家幾位姊妹講下點睇婚姻同拍拖、選配偶、男女關係.......
大家都好似好有興趣咁,大家都好留心,哈哈~
同埋有好多的討論~~

之後好開心呀,
我地一班籌委(除左呀Joe)+helen姐+花姐去.......唔記得咩"閣"飲茶呀~~~
其實我聽道果時,突然間都諗起好想飲茶,好耐無飲呀,
之後竟然呀tin話不如籌委一齊去飲茶~
真係好開心呀!!可以有多野食~~~~~~~~
之後叫左好多好多野食~全部都好好味~
本身我咳到死死下,但都唔理呀,食左d煎炸野........死得~哈~
但係食得好開心呀,呀tin又不停咁講笑..........搞到我同小園笑死咁剩.....
我覺得同呀tin食飯......會胃痛的,成日係咁笑!!!!傻的!~><

之後差不多3:00p.m........我地終於番去校牧室,開冬令會的檢討會呀~
今次係最後一次我地哩班籌委在開會,
哈哈~今日呀Wa不在~~
仲有呀,好開心呀,我地整果d 曲奇,佢地都話ok 呀~
文彥啦、呀Joe啦、小園啦~都話ok~(好似.......)
我見小園係咁食~~~^^ 好開心~~!!
不過d 曲奇又真係好硬的............就快咬都咬唔到......牙都"奔"...........!!!!!!!!!!!!!!!!!
仲有呀董呀Tin又買左drink 比我地~~

我地今日檢討番個冬令camp,
籌備啦、過程啦、結果啦、弟兄姊妹的反應啦.......等等~
都好好呀,我地都達標丫,都做到相交的目標呀~
我自己真係好enjoy 做今次的籌委,
學到好多野,體會到好多野,
同其他的籌委又熟了許多,認識了他們,
最開心sure係本營刊~
因為下年F.7,所以無得籌委了,但我都想幫手下年整營刊的人~~
好似呀董同mandy今次幫我地咁~
原來有一個有經驗的人去help整係會好好的,
後來我地有分享,
分享番今次做籌委的感覺、得著等等,
大家都講左好多感受,得著,
原來大家最初入籌委時也很驚的,因為大家唔多識、唔多熟~

哈哈~although之後逢星期日都會見到~
但最後一次開會有d 唔捨得~~真的!!^0^
不過我地今年的籌委終於都一齊影一幅相喇~~~~~~~~~~好野!!
hope 之後再有機會一齊事奉~~~~
今日為04年的冬令會有一個正式劃上句號的感覺~因為檢討都做了~

arm arm 同tin tin hon ICQ,
佢話自己因為個名係Tin Hon,
所以鐘意一個名叫"天空",個網友咁叫佢,
又幾好聽喎~
不過我會叫"天天寒"~~
haha~~

又有同月餅 icq 傾左一陣,
佢話：「要記住呀~~~
你唔係孤單一個的~~~
咩角色神都睇看顧!!」
好,在我班中我會盡力做好的了!!!!!!!!放心啦!!~~~~~

P.S：歡迎呀董呀~~haha~~~係呀,我都好鐘意寫得詳細d架~所以日日都寫得好長........
(唔知點解d日記......越打越長呀,今日真係超長......好恐怖........)

>>October 4, 2009 at 7:18:32 PM GMT+8

2005 年 1 月 15 日 星期六 【晴】

今早9:00左右啦,細hel同小雲就入左黎喇,
我地整曲奇餅呀,係聽日檢討會比籌委食架,
聽日係最後一次,我地今年的籌委,聚埋一齊開會(聽日果個唔知算唔算開會呢~哈)
我覺得識左哩班籌委好開心,唔知點解~~

係啦~
咁我地就整餅餅啦~
我地整左幾隻味呀,
第一次整咁多唔同的味,
有士多啤梨味啦、雲呢拿啦、朱古力啦、咖啡味啦,
仲有係混合味的~
第一轉焗的果d 的硬度係最arm的,
之後因為唔夠時間喇,要趕番去1:00栽培,
所以貪快呀,一次過焗上下兩層lor,
點知又竟然因為咁樣而焗唔熟喎!!!
跟住咪要再焗過lor,
一焗又要焗多10幾分鐘喎!!
個心又急啦,
因為跟住都就快1:00喇!趕唔切番栽培啦,
之後唯有打比小園話比佢知番唔到lor!
因為無得dum底d曲奇走呀,
焗到一半唔理佢地就會變林,
就唔要得了,
跟住就焗埋頭先焗左一半未得果d 啦,
焗完哩d,都已經1:45喇,
而2:00要番到新teen地喎,
跟住就無法喇,唯有放底唔焗喇,
走人喇,
剩番果d 今晚自己番黎先再焗啦,
我都估唔到佢地咁早入到黎整都唔夠時間架><

跟住出去等bus啦,
都差不多2:00喇,
then...............竟然...........................細hel留底左佢部電話在我家..................
激死激死激死,好大頭蝦呀!!!!!!!!!!!!!!!!!!!!!!!!!!!!!!!!!!!!!!!!!
跟住唯有跑番去我屋企.................拿番佢部電話啦!!!!!!!!!!!!!!!!!!
己經2:00點了,
好彩第二次的出到bus stop這下,
有mini bus 立即黎到~
落到車都差不多2:15p.m.......................
跟住跑跑跑番去lor!
又未食過野喎,又跑喎,
唉.......好想嘔呀.....我一急親就會想嘔.........
頭先真的想死的感覺><
番到新teen地見到小園好驚又唔好意思又好驚佢褸我,
我都知我事奉遲到唔好架喇~但今次我唔係有心架~無下次架喇~
唔好褸我啦~^3^最多聽日請多"一"塊焗得唔熟ge曲奇比你食喇~~~~~~~乖^3^
同埋咁多次的栽培我好似剩係番左2次,
一次病左,今次又無番,都覺得唔係幾好........
真係唔好意思呀!
if你有d咩意見可以私底下同我講啦~哈哈~

我覺得有文彥響度真係好搞笑,
以後的新teen地一定好正~同文彥一齊~
佢講野,一係唔出聲,一出聲就嚇你一驚~(笑死我^0^)
哈哈哈~

之後開會,因為新teen地下個星期有活動周,
係我地一班事奉的人員,全力和主力的去搞呀~
頭先傾左,都係玩3個games,之後花姐有信息分享呀~(我覺得好難咁><")
我同細hel付責第一個game~

開完會都5點幾,
之後同細hel,小園,後尾karen加入,我地去翠怡食飯,
都坐左好耐呀~坐左一個鐘~
我地又係咁傾計,
"有花姐無冷場"~
我地傾之後如果讀到大學,想讀咩野~
其實呢我之前覺得教院幾好架,
但係花姐係咁好強烈咁反對我入教院,
唔知why~~不過佢講左好多理由~~
話d chw ge teachers 同有d同學都.........唔覺得教院屬於大學之一,
又話寧願我讀嶺大好過教院,
話讀教院洗咩讀中六中7咁辛苦,中五果d人都讀得喎~
唔知呀,其實我想做老師,但係都仲未諗過我鐘意教邊一科,
其實我都係覺得哩一刻自己仲未搵到自己想日後讀咩and做咩方面的工作,
其實諗哩d 唔長遠架喇都,
因為中7一開始,就要選科,
我覺得係時候應真的想想了~~

呀花仲話,d teachers 講,
今年A-level的oral呀,discussion 呀，短講呀果D題目會係關於文科題目的,
係會益文科人~
即係d topic 係關於文科d ge,即係出d 地理呀果d,
但係下一年的A-level出果D會係益理科的,
D topic可能會關於多D 理科的野~
唉~真係丫~搞錯呀!!~~~~~~!!!

之後傾到6:30p.m就走了~

>>October 4, 2009 at 7:18:56 PM GMT+8

2005 年 1 月 14 日 星期五 【晴】

今日約左細hel同阿vi行街,
但係無人話我知約幾點,
以為佢地唔記得左我啦,
所以我竟然訓到成12:00鐘,
之後心諗無理由佢地唔打比我話我知幾點架,
所以打比細hel,
佢話阿vi一早send左短訊比我通知左我喎,
但係我一向都係唔出街就唔會開手提的,由其在家係唔開的,
所以我點會知佢send左野比我呢,
之後我唯有盡快咁換好衫,整頭.........出去啦,
嘩~覺得自己好勁呀,45分鐘,可以搞好哂個人加埋出到大中添,
前所未有呀,(除了老豆車我出黎之外)
不過咁趕真係好辛苦,
算啦~今次係誤會,
大家搵我就直接call我會最好~
好像阿vi的meaasge........佢早上send............我行完街5:00先收到....哈哈哈~

我地行癸芳,細個時同屋企人行過一次,
今次阿vi帶我同細hel行,
因為我同細hel唔識點去,
仲有呀!!激死我呀!!
原來73x之後轉47x係有乘車優惠架!!係唔洗比多次錢的.....
但係細hel同阿vi夾埋玩我,
睇住我用八達通"嘟"左落去都唔出聲,唔話比我知係唔洗錢的,
......竟然等我"嘟"完先出聲.......話比我知係唔洗"嘟"的!!!!!!!!!!!
搞到我浪費左幾蚊!!!
之後細hel換來的下場就係比我係咁打佢大脾!!

去到個商場,
睇落去好舊咁,好似D屋村商場咁樣,
但係真係幾多野行喎~
有幾層!
仲有果度D冷麵好好味呀!!!有豬頸肉添喎~
$11 有5包~不過好細包~
D野飲都好多款又平又幾好味的~

買左件好好厚的褸,白色的,
一件打底保暖樽領衫
仲有一個袋袋~
阿vi買左帽帽同埋一條短裙仔^0^
細hel買左件被肩~~仲有唔記得喇~

好開心呀,因為好好耐也無行街了~

不過although 剩係行一個商場,
都真係行到好tired呀,
尤其我拿住我果個咁大的袋!!
又重又硬又好大舊喎,
一路行一路勁辛苦,個袋係咁頂到人地.......
我都覺得煩.......
之後買左野麻,所以多多一袋好大的膠袋拿住喎.........
左邊拿住自己個袋,右手拿住個超大的膠袋.....
跟住就比佢地笑我自由行喇.........
好似咩!!!!!!!!!><
其實我都覺得似的.........><"

之後行到5點幾,就走啦,..........
之後由46x轉車去73x時.....
發生左件魚野.......魚ge係細hel,
佢........(點算呢~佢唔比我講喎又~)
哈哈~不過講出黎娛樂下人都好丫~哈哈哈~
我地落左46x時,細hel就見到架73x響前面啦,
之後大家就好緊張咁跑呀跑,(因為一心係諗住架巴士已經上哂客,就黎開走麻,咁咪追lor)
細hel走到去架bus時,就去揚手hi個bus d司機,想叫佢開門比埋我地上,
點知...................哈哈哈,
架bus行前幾步.....
就...........開門上客喇~~
原來個車站係響前面,
D人宜家先上車,
個車站有成幾卄人響度等緊車,
嘩~細hel好魚呀!!!!真係好魚講真........><
宜家講唔係講得好明,
但係響果時真係好好笑架><
為左細hel的面子原故,
我地決定唔上果架車,所以就等過下一架先上啦,
上到車以為又係好似去果時咁,有轉乘優惠,唔洗"嘟"啦,
跟住............點知今次要"嘟"喎~~~~
三個一齊走番轉頭"嘟"...............又魚多次.......

落車之後在吉之島見到mabel,濃濃,
買聽日細hel入黎整曲奇(for Sunday籌委~~~~haha~~)的材料~
之後佢地陪我去食龜靈膏~
臨走時見到小雲呀~
佢聽日又會入黎整曲奇呀~~~~~

>>October 4, 2009 at 7:19:15 PM GMT+8

2005 年 1 月 13 日 星期四 【晴】

(激死,打打下...........唔小心禁錯制...........
搞到..............要由頭打過...........)
好靚呀,好開心呀!!!!整左個底,
個感覺好warm,係冬天的feel~
而且係我最鐘意的紫色呀!!

小園呀,
我尋日日記所指的自私並唔係......
唔願意同人分享自己的事呀,
我係好鐘意同人分享自己的事的,
特別係自己的得著和自己的軟弱,
無論人地幫唔幫到自己都好,
我都鐘意分享自己的野比朋友知的,
因為我唔鐘意收收埋埋,
其實我覺得自己都善於表達自己的,
特別係用言語去表達,
其實我尋日日記所指的是傳福音方面呀,
我覺得自己無果種火熱的心,
無果種熱"成"呀,
可能你都唔係好明我講緊咩同點諗法><"
其實有好多野的,不過遲D有機會會再詳細同你分享~

小Woo呀,佢好好呀,
佢知道我響哩方面的掙紮,
佢寫左封信同埋卡比我呀,好正,好適合我呀^^
響度我想分享下,不過好長的,你地想睇就啦：


朱：
睇到一篇禱文,希望同你分享！

「親愛的天父,感謝你將傳福音的大使命賜給我,
好叫我在神國度上有份,
主啊,求你幫助我,
認識你賜給我的召命,正如經上記著說：
『這天國的福音要傳遍天下,對萬民作見證』,
主啊,既是這樣,
我豈不是需要有國度的胸襟才能配合這天國的福音呢！
主啊,既是這樣,
我豈不是要以火熱的心才能完成這麼大的使命嗎！
求主幫助我,
叫我相信在你裡面沒有難成的事。
願我有更新的意念,
深知道單有責任感並不足以帶領我完成這工作,
惟願聖靈日日加添我力量,
並且天天火熱我的心！
願聖靈激勵我,能夠時刻見證主大愛。
主啊,在這末世臨近的日子,
求主幫助我在時間競賽上得勝,
好叫這天國的福音能夠傳遍天下,
對萬民作見證。
感謝主,
奉主耶穌基督名求,
阿門。」

另外仲有一張卡...............上面寫的野很提醒我.........不用自責,

「生命中最令我們喪志的,
阻擋我們錯誤的,
往往是極小的過失。
撒旦寧願用一根羽毛,
而不用一把槍來擊倒我們。」

唔知大家明唔明呢?

>>October 4, 2009 at 7:19:34 PM GMT+8

2005 年 1 月 12 日 星期三 【晴】

嘩~唔該哂你呀小園,又幫我加左D野呀~
你係咪唔溫書而搞哩D呢?~~~哈哈~
仲有,我.....我想要"恩典太美麗"呀~

今日中化Listening 有大半都係聽唔到的呀,
不過比之前響課堂做的好啦~
History就...........
估到sir會有機會出這兩題essay的,
但我又無死讀這兩題,因為唔係100%肯定係哩兩題嘛,
結果.................真係這兩題呀,
而第一題就唔係好識啦,
only識後半部,不過都唔係做得好好呀,
而第二題就都可以算做識ge.........................
不過同樣,都唔係做得好好,
兩題都好像寫得好少字咁呀..............haha~

唔知點解,
突然間覺得自己響信仰方面,
在神的工作方面,
心思意念上..........等等....
好多野都好似做得好差咁,
有時會懷疑,
究竟我事奉係唔係對準神的。
係唔係為左榮耀神的??定係為了榮耀自己.........
究竟係為左咩而事奉???我有無諗過??
口裡說是為神,但問心,我是不是呢??
我做出來的野係咪見證到神呢???
個問題係,
我生活中所做的一切,
做每一件事的目的是什麼..........
係咪真心真心真心地為了榮耀神....................

another thing..........
有D野知道........自己應該盡快去做,
有D野知道........神要我去做,因為聖靈的感動真是很很很大的,
不過.......when自己唔願意去做時,就覺得好對神唔住,
自己心裡就不斷咁內疚,
什至面對這些人時...........心裡便很不舒服,又內疚,同埋唔識去愛佢地,
什至係.................唔想愛佢地
我知道唔可以咁的,但我控制不了。好唔鐘意自己哩方面。
我覺得個責任令到自己好辛苦,
有時什至會覺得,聖靈摧促得很.............令我煩厭,

自私,不願意與人分享福份,不重視人的靈魂......
之前Christine姐說人人也有陰暗的一面,
原來........我也有我陰暗的一面。

「立志行善由得我,只是行出來由不得我」...........這句金句我完全的感受得到。


幾時才能離開這個掙紮呢.....


我真的真的改變不了自己,但唯有神可以。

>>October 4, 2009 at 7:19:56 PM GMT+8

2005 年 1 月 11 日 星期二 【晴】

今日成日都在咳.................
好辛苦呀~~~~~~~~~~~help~~~~~~~~~

今朝可以訓到8:00鐘先起身,
因為今日剩係考Oral,9:15考,
比平日訓多一個鐘........已經好似精神好多咁。

第一round就到我考呀,都幾好丫~快D搞掂,唔洗等咁耐嘛~
好在尋日在家不停的練,10分鐘寫好個講詞,
但在家練咁多次,都係寫唔切的,
but 好開心呀,因為........
頭先考時,可以寫得哂呀!!
而且......仲有多分幾鐘剩比我自己在心裡講一次添!!!!
and個topic都ok易的,係講students watching too much T.V~

之後就去考啦~是Miss Lau 考,
真係好丫~because.........咁樣我會無咁驚嘛~
我之前以為,只係對住考官一個考,
但原來係要講埋比其他的三個考生聽,
即係4個考生輪流present的,
我覺得自己都講得ok 啦,
不過幾不流暢呀,好多字唔識讀~有D字又唔肯定點樣讀............
跟住就discussion 啦,
好搞笑.......
真係好搞笑...............
總之就好搞笑啦.................
但係又唔可以笑出來喎,
咪響度忍忍忍 lor~~~~

(後來臨走時.......我........見到自己part a 個分數~~haha.............)

之後在圖書館study左半個鐘history,
then,就行去學琴喇。

我要比心機呀!!!溫埋今日同聽日咋!!

>>October 4, 2009 at 7:20:44 PM GMT+8

2005 年 1 月 10 日 星期一 【晴】

終於食哂D藥喇。好野！

今日平平淡淡的,無咩特別呀。

今日考UE Listening 同埋 UE 的 Section C,
兩份卷都唔知自己做緊嘜呀,
Listening 好多都聽唔到,
Section C 好多都唔識做。

好野星期五去行街,
好耐無行了,
想買件厚D ge 褸,
天氣凍時都無件可以真係保暖的褸著ge。

>>October 4, 2009 at 7:21:02 PM GMT+8

2005 年 1 月 9 日 星期日 【晴】

今日講道是講我們要作福音使者,成為一個盡本份的基督徒~
又是這個主題了,
傳福音哩個主題成日都圍繞住我,
我覺得神在不斷不斷的催逼我,叫我唔好再等喇,快D向人傳福音,
哩把催速我的聲音成日出現在我心中,有時都成為一種壓力的,
其實自己的心是不太願意做的,
今天的道要我們立志在佈道的工作上做一個盡本份的基督徒,
無錯,在這方面,我的確完全無盡過我的本份,
莫講話成功帶到人番教會,in fact..........連真心的去邀請朋友番黎都無,
我知道盡了本份後,日後會得到從神而給的賞賜,
但要知道這賞賜是盡了本份後的結果,而不是目的!
因此不應抱著想拿賞賜的心去工作神。

牧師叫我們寫底幾個自己hope向他傳福音的目標人物,
我就寫左4個呀~
兩個朋友,兩個親人~
4個我重視的人..................^0^

我好想今年能夠為神做多D"生命的工作"~
看見天災............戰爭...........越來越多時,知道主番來的日子近了,
透過今次的海嘯事件,神提醒我們一班基督徒不應再為自己而活,
而是要迫切的去宣揚福音呀。
我愛人靈魂的心真係好細,
好像唔太著緊那些未信的人,
求神加添我愛人和愛祂的心~~~~~

好開心小園同我分享佢近來的掙紮同埋唔開心,
我在禱告中會默默記念的^3^

今早起身時已經退哂燒喇~
喉嚨都無咁痛呢~
不過真係好怕吞藥丸呀.................><
次次吞親都會有想反胃的感覺的,不知怎樣的。

>>October 4, 2009 at 7:21:19 PM GMT+8