2005 年 6 月 6 日 星期一 【晴】

今日HH愛延~
之後同細hel、文彥傾計呀~
幾enjoy呀~
大家都有分享，
真係大家都分別有大家的困難。
我都分享左我近來的心情同困難，
文彥話：你同人的關係可反映出你同神的關係....
um...真的呀。
近排成個人真係好忙亂，好唔開心，
好似.......將神放左好後咁...d野一遍混亂、處理得唔好，
可能....我現在真的靠緊自己的力量去讀書啦。
好多野我都要做得更好，
真係唔想內心一遍混亂呀，
唔想不斷有一大堆要去處理的問題"室"住我個腦。

哈哈....
這就是成長的階段or過程，
一堆煩惱,疑惑,不滿。

在這階段的人，
個個都未成形的，
個個也在尋找緊自己~
究竟我是誰？我究竟是一個怎樣的人？
總是一大堆問題去想~
成長，總是經過跌跌踫踫和尋找。



畢業禮~
有d羨慕今年d畢業生可以響大會堂畢業呀~
不過d teachers好辛苦呀搞到，
我由小學到現在都未試過有大型的畢業禮架~
聽晚都係自己一個出去咋~
諗住早d出去睇下書~行下咁~

>>October 4, 2009 at 9:17:38 PM GMT+8

2005 年 6 月 4 日 星期六 【晴】

今早9:30番到學校補econ，
唔願起身~
為左我的學習，要加油麻。

補完，今日就同嘉敏一齊過喇，
我地冒住大雨...
因為把傘太細...我半邊人都濕透了....
本身only諗住響大中食野，
之後我地行到去寶湖，
響新街市食飯，
之後響圖書館行左好耐，
睇下有咩書arm睇~
借左一本講人際同自我的書。

之後嘉敏黎左我屋企溫書，
開頭佢響廳溫地理，我響房溫econ，
之後break後，佢就響廳的 sofa訓覺.....
一訓就訓左1小時，都唔好意思叫佢喇~太累啦佢。
之後佢醒左就到我break，
之後一齊傾下d地理野~

我覺得咁樣幾好呀，
人少少2個一齊溫幾好，
一齊傾下咁~
最重要的是...
有人響度，
我就唔好意思好似自己響屋企咁懶啦~~唔會話訓就訓~
迫到自己專心溫書~~~
good!~

karen咁就走了一個星期喇，
話咁快......仲有一個星期.....
佢就番黎喇！！！
咁就唔洗掛夜掛啦~

>>October 4, 2009 at 9:17:23 PM GMT+8

2005 年 6 月 3 日 星期五 【晴】

嘩，今日早上的早會，
企響操場15分鐘，
覺得自己好似溶化緊咁，
好熱呀。

週會hall，講同性戀的問題，
用一個電腦抽籤的程式，抽人答問題！
個電腦顯示....停響6A.....之後已經開始驚喇！
跟住一停.....停響我個名度！
我立即大叫左出黎！！..........................
真係覺得我太好彩喇.........點解咁都有可能抽中！！！
唔知邊個老師整埋哩舊野出黎！！
好鬼樣衰呀..........
我呀.......無心理準備之下........都諗唔到point！搞到都唔知自己up緊咩喇......
真係好魚呀！唉！

放學，補中化至4:00p.m，
之後一早約左Miss張，問佢工業果課，
因為真的唔識呀，
我地約左4:15，
點知d老師響hall練歌同傾野.....
我企響一樓走廊，熱到死左溶化哂咁濟喇.....
等等等等等等，
等到5:00p.m！佢終於出黎喇！
之後我地響訓輔室出面，佢教我，
教左45分鐘呀，
我諗...應該明d 啦~
最開心ge係.....
之後我同Miss張傾左15分鐘計呀！
我同佢分享左我響讀書上面的困難、弱點，
我感受佢好鼓勵我呀，
同我分析問題，教下我點讀書，
我覺得佢好明白我呀，哈~
之後我讚佢d野~
佢笑到好開心！.....
應該全走廊都聽到的~haha....

唔知呢，
雖然佢好長氣，
不過我好信任佢架，
同埋好親切呀，
佢really好有耐性。

好開心呀，同佢傾下計！hehe~

我要決定，
唔好在意同刻意記住d唔開心野，
要把握住d開心事，
緊記響心中！
個腦要用來記多d開心的事情！




《壯志驕陽》

今天不怕路遠 來為我一生打算
這一刻你別心酸 和你倆心分開不遠
天空光線耀眼 來預告光陰璀燦
這一刻遠赴他方 容我揭開新的界限

引來驕陽 伴我心高飛編織理想
像片風孤單飄身遠洋 憑你眼光照路上

願某天一起編織理想 願某天彼此心中太陽
仍似這刻熾熱明亮

天空廣闊萬里 浮現我思海的你
在叮囑歲月風飛
仍要我等他鄉某天再會你

引來驕陽 伴我心高飛編織理想
像片風孤單飄身遠洋 憑你眼光照路途上

願某天一起編織理想 願某天彼此心中太陽
仍似這刻熾熱明亮

飛機將降落了 全沒法掩飾的笑
我手中你贈的錶 提我愛惜一分一秘

天空廣闊萬里 浮現我思海的你
在叮囑歲月風飛 仍要我等他鄉某天再會你
在叮囑歲月風飛 仍要我等他鄉某天再會你

>>October 4, 2009 at 9:17:08 PM GMT+8

2005 年 6 月 2 日 星期四 【晴】

今日自修堂同嘉敏傾計，
佢好down，好多煩惱，
原來‥‥‥佢同我一樣有同一樣的煩惱，一樣的掙扎。

我今日考oral麻，
所以之後叫小Woo幫我同嘉敏練oral，
不過好唔開心，
佢不停的踩我，好想有鼓勵，但一點的鼓勵都無不得只....仲踩多我2腳，
我響度問自己：我係咪真係咁差呀？
果刻信心突破俾佢踩低哂，好驚，覺得..唉，都係唔掂架喇...

之後lunch同呀vi傾計，
突然我諗番起，真正的信心係.....就算所有人都覺得我唔得時，我依然會覺得我係得的！
所以，我決定響哩一刻我要提起番我的信心，
唔要俾人打擊就立刻沉哂。

食完lunch，番班房，
響一張紙上寫下幾樣我想擁有or提升ge野：信心、勤奮、喜樂、愛
諗住鼓勵自己啦，
點知又俾小Woo一句就說：哩d你全部都無喎!
果下有幾秒唔開心架，
不過我又同自己講：忍耐。
佢點都唔可以打沉我的自信！

我就一直同自己講：我係得ge！！！！

=================就係咁~就去面對個oral。======================================

去到考場有少許(真的好少)的緊張啦~(差d入左男廁....)
不過.......
果刻一直信心都是大的！只不過是緊張！

等緊果時，不斷祈禱，
求神大大響果一刻俾聰明智慧我！
果刻真的好需要聰明智慧的!!!
最希望唔好諗唔到ponit呀。

好感恩呀，我第二輪就考了！唔洗搞到咁夜麻！
仲有感恩，我的心情又ok~平安呀~
仲有感恩呀，Part A我果組，我係第一個考~
所以我角色扮演完之後，
就可以聽下其他的三個勁唔勁喇~~睇下咩料到麻~~哈哈!!
面住黎講，咁樣就令到我無咁驚架喇。

Part A，都不錯~一般啦~
小組討論，我成功掙到開頭黎講呀!..
開左個頭無咁驚架喇~~
不過之後講講下好緊張~有d亂~
有dd唔知道講緊咩了~
haha....不過大體上都唔係差的.....
其他人....有一個女仔循道衛理中學架~~
開頭見佢個外表，估佢應該唔勁ge...
點知一聽佢開聲...
佢個d英文好好好正~d point 又勁~
其他三個男仔就......haha~~~
唔知佢地講咩咁~好細聲~

完哂喇~~~
鬆哂~唔洗再顧多樣野喇~

考之前，入果間學校之前，
有個好耐以前迦密聖道的男仔，
應該係第二屆畢業的，
但果刻唔認得，都無印象，
佢係咁捉住我做咩訪問，問卷果d~關於會考生的前路的。
之後係咁問我的電話number........d舉止好恐怖架...
好彩咁arm daddy 打黎，
我即刻話：丫~有電話呀~bye。

之後考完出番黎，
我一踏出個學校大門o姐，
果個男仔又就走埋黎我度....
我睇真d佢個樣，丫，我記起喇！真係有哩個人的.....
個男仔係咁問我野....叫我俾電話號碼佢.....
係咁話：好啦、好啦，快d俾你的號碼我啦...........
真係好驚，我咪話：唔得呀........bye。

怕呀。

今日carmen、kwan e、vivi都好鼓勵我呀~
哈！好開心！

>>October 4, 2009 at 9:16:44 PM GMT+8

2005 年 6 月 1 日 星期三 【晴】

當情感遭傷害後……（2005年6月1日）

【明報專訊】生活忙碌及人際關係複雜的現代社會，傷感情的事常出現，
若不善處理受傷的情緒，每天便帶着包袱做人，而背着「情緒包袱」的人，
對自己或周遭的人都有負面影響。而做成傷害的人應覺察一己的行為對他人的影響。

被騙、被出賣、被遺棄、被拒絕、被排擠、
被當眾奚落羞辱、被毫不尊重地公開批評指摘，
以至分手、失戀、不忠、婚外情等，皆引致受傷的感覺。
而有殺傷力的行為，更違反某些道德標準，破壞了信任關係。

*************情感受傷，多發生在親密、
有所期望或受重視的關係上，
而不穩固的關係，更易受損。受傷，
因失望於對方做錯了某些事或沒有做到應做的事。

「他竟然傷害我﹗」深刻的感受是對方（傷害者）已不再珍惜這份關係了﹗
主要是感覺到這關係相比以前已不再受重視，甚至貶值。
因此自尊受創、關係受損。
在完全沒有保護、戒備或防衛下受到傷害，更感脆弱。
受傷的個人感覺，包括身心的傷與痛。********************

====學習料理「傷口」

心靈受創傷的人，或逃避、或報復。完全被嬲怒掩蓋的人，
充滿報復心，日後可能對世界諸多埋怨、充滿敵意、憤世嫉俗。
若雙方有報復心態，互相傷害，
在惡性循環下由小傷害擴展至難以彌補的傷害，關係可徹底被破壞。

心靈創傷後所產生的負面情緒確有保護功能，
使人日後逃避這關係或可能再被傷害的環境，
但把單一受傷經驗以偏概全，日後難以再建立信任關係。
相反，若能夠正面處理受傷經驗，失望和哀傷過後，
人可變得更細心、更明白、更體諒、更懂得人情世故及處世。

理想是無論「傷害者」是有意或無意，誠心願意承認錯誤、承擔責任，
是關係修補的第一步。否則「受傷者」可學習料理「傷口」、
考慮寬恕、調校期望、重新評價這關係、
調校合適的距離或建立另一關係取締。

大部分人都渴望被尊重，渴望別人珍惜與他的關係。
童年時所受的心靈創傷影響較大，當自尊心受損，
會更敏感於別人如何對待自己，小小不如意便容易產生負面情緒﹔
若長期背負情緒包袱，便成為不快樂的人。

預防勝於治療，常調理身心，培養正面情緒，
積極地化解衝突，不要延續傷害。




「人生總有悲有喜，
不要把悲痛累積，
總要把喜樂緊記，
要做情緒的主人，
那樣便能活得更開心了。」

「Just let your unhappiness to come out,you will become better.」

「人的腦裡面有一個組織叫"杏仁核"，
這個組織會儲存著你所有的記憶，
而你的負面情緒亦是儲存在這裡。
累積到一定的程度便會爆發。
要令自己過得開心些，
就要多點吸收一d積極、正面的訊息，
將這些訊息儲存在"杏仁核"中，
你....會活得快樂一點！」

>>October 4, 2009 at 9:16:18 PM GMT+8

2005 年 5 月 31 日 星期二 【晴】

唔想應人喇，
好煩，
唔想同人講野，
剩係想自己一個靜默。

好想變走令到我唔開心、傷害我的人
唔要見到！
消失呀！

厭倦喇
唔好迫我解決

一日溫一課econ呀~
very good~~!!

學業要緊，我會小心！

P.S arm arm 無意睇番中五 d相，"區"番起d傷心事，真係想斯爛哂d相。

>>October 4, 2009 at 9:15:54 PM GMT+8

2005 年 5 月 30 日 星期一 【晴】

今日起身...隻右眼好痛、好腫呀，
應該係熱氣濕熱o瓜.....
唔知呀，
搞到今日成日上堂都好唔舒服，
睇野好辛苦。

Lunch呀vi唔得一齊，
咁無意間，就同左君e食lunch喇，
好開心呀，
好多野傾，
雖然....自從今年....對朋友係失去左d信心，
因為害怕失去，
所以而無以前咁開放，
不過，
同君e唔會！
我真係覺得感覺好舒服呀！

有些人自己開心enjoy就得，
但係...真的有無理人感受架.........
如果唔係咁....我就唔會咁啦.......唉........
知唔知....有人每日都因為那些行為...而很唔舒服的。

仲有另外一個人........唔好成日玩我啦！唔好真的以為我唔識嬲..........

放學我自己出火炭拿身份證，
5分鐘就搞掂~
4:45番番黎大埔，
買左龜0 go，買埋聽日早餐的包包~
就搭小巴歸家喇!

宜家，我開始適應了一個人響班中出出入入，
唔係幾想依賴人、靠人，
以前果d小朋友想法....咩出雙入對果d.....
真係無可能的，太幼稚了！
現在咁樣，反而幾自在丫。
可能受家庭影響o瓜，
平日好少有人在家，所以自己都好少有機會講野，
宜家越來越唔喜歡講野，
越來越沉默寡言啦，
好奇怪。

今日係karen走的第二日~
佢尋晚HK時間11:45p.m就到達USA了~!!

arm arm........我同佢終於傾了MSN喇！！！
見到佢online，真的極度興奮呀！
佢果度係晚上11:45喇，
所以傾左陣就話要訓喇~
睇左佢d相相~都係d機上影的天空相~~勁靚喔d雲!!!!
其他仲未有得睇呀~~

佢好在無水土不服呀~
tv有好多個台呀~
佢姑媽間屋勁大喎~
仲話d地方好靚好靚喎，好enjoy咁話喎~哈哈!!!!

哈哈！...........
一路平安啦~~~
^3^
掛你^3^

>>October 4, 2009 at 9:15:29 PM GMT+8

2005 年 5 月 29 日 星期日 【晴】

今日karen一早就走左喇！！！
唔制呀！！！(都無得唔制)
佢宜家仲響飛機上~
不過應該就快到達喇我諗~
哈！佢今早11:15時響機上，臨飛前，打左tel俾我喇。

唉~~無左佢的日子，我怎樣過呢~~哈哈哈哈哈哈.............
2個星期呀~
都幾長呀！
你每日都要睇我日記架！每日你都要寫日記架！

嗚嗚嗚嗚嗚嗚嗚嗚嗚嗚.....

相信哩2個星期都無人會打電話來了~
平日都係得佢成日打黎~
哈........
都好ge，咁我就可以多d用來溫書啦~~~
ho~

聽日又番去地獄喇，
面對住果d人，又係時候做番隻箭豬豬喇！

哩兩日好勁呀我，
勁專心呀~
溫哂地理喇，
除了農業這課~
努力啦我!!

"明天放學自己去拿身份證呀~

>>October 4, 2009 at 9:15:00 PM GMT+8

2005 年 5 月 28 日 星期六 【晴】

今日由早溫地理溫到晚呀。

arm arm 先記得.....
原來....星期四我就考CE的 Oral喇喎！
死啦.....無機會練下添！
驚驚。

星期一我要記得拿番身份證喇，
快過期限喇。

唉，突然覺得好多野做呀！
書都溫唔切喇，
呼".............

死掉了。

頂硬上吧Hohohohoho~~~~~~~

>>October 4, 2009 at 9:14:27 PM GMT+8

2005 年 5 月 25 日 星期三 【晴】

今日心情極其的down...........
心裡好暴燥呀，
真係好耐都未試過咁喇！

上上下歷史堂忍唔住，d眼淚差不多就滴落黎，
不過止住，
而且跟本唔會有人留意到ge。

好唔鐘意響哩班，
勁大壓迫感，
箭豬的箭會繼續存在，
唔想再咁在意去理我班d人的感受，
有人做d野......跟本都唔知道係傷害左人......
我唔想再受傷害、失望喇
唔會像一些人將開心建立響人的痛苦上的
而我知道有得必有失.....
所以......唔想再抱有咁大的希望咁開放去與這裡的人交心，
我要同自己講，響哩度係無好朋友的......
這裡只是我讀書的地方......
今次..無諗過做補救了，
跟本沒用，
變了就變了，
不能強求，
d人的招數真係勁！

好興呀！

心情跌到落谷底，
於是放學自己一個.......慢慢咁行去海濱，
一路行一路諗野....
去到海濱的其中一個"船頭"，
我望住個海發呆，
d海風勁正，
之後唱下詩，祈禱........
都可以話係放底左d野響果度咁啦。

之後學琴，
伍太同我分析左我停學琴的問題，
我要重新想清楚，怎樣取捨喇。
原來我缺少了去思想一個因素「堅持」。

當我的壓力去到極點時，
真係唔知我會做d咩喇。

>>October 4, 2009 at 9:14:11 PM GMT+8